قصائد حسينية مكتوبه

2022-02-27 21:45:07 حيطان السجن ترسم الي صوره
طفله بالخرابه وتبچي مذعوره
اذكر كل مسيه هالطفله رقيه
==========
اني اذكر كل مسه وبعيني دمعه
غربه الطفله رقيه وإلها انعه
حسرة الفاكد ابو محد يسمعه
لجن ونتها جبيره من تودعه

اني البالسجن والدمعه بعيوني
ابجي دموعي من دم لا تلوموني
من ارض الكاضميه. هالطفله رقيه
==========
اني ليلي من يمرني والله ماانام
اذكر الطفله غريبه مشت للشام
اني حيطان السجن ترسملي الاخيام
وخنگة سجني والحرس ياناس ظّلام

حرگ خيام بالطف جَرّح احساسي
من هذا الفعل مخنوگه انفاسي
من الغاضريه. هالطفله رقيه
==========
أنه اديه من السلاسل دمه تنزف
من الحبل جانت اديها هواي ترجف
اني سجاني قبيح وبيه اعرف
بس احس وجه الشمر الها يِخَوفْ

صح كيدي حديد ويثكل عليه
مو مثل الحبل بجفوفها ارقيه
ياحبل ال اميه. هالطفله رقيه
==========
اني مسجون بسجن ياناس هضمه
وهيه باتت بالخرابه وذيج ظلمه
تنام وإتفز بس تنادي ها يعمه
جيبي راس حسين إليه خل اشمه

شمت راس ابوها بأخر الشهگه
وي حسين صاحت هم يصح ملگه
وافتها المنيه. هالطفله رقيه
==========
اني وحدي بالسجن بس تجري العيون
كل بواجييّ لرقيه وعمتي ام عون
من السياط اللي ابد ماخلت متون
واليتامه من العطش رادوا يموتون

كل اللي جره بالطف عليّ سادي
وشصار وجره وي عترة الهادي
كلشي مر عليه. هالطفله رقيه
==========
تمت ولله الحمد/ المقصر مع الحسين
علي النائلي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-27 11:10:07 https://vm.tiktok.com/ZSeTus9V9/ باز کردن / نظر دهید

2022-02-25 23:16:24 استشهاد الكاظم .

الفظ انفاسي الاخيره
خطرت ابّالي الزغيره
لو ابن حذلم حضر
ينطي معصومه خبر
++++++++++++
وينه ليرد للمدينه وصوته يعلو بالنحيب
يوگف ابربوة وينادي مات ابن جعفر غريب
جسمه رضته السلاسل شيبه من دمعه خضيب
عالجسر مرميه جثته لا اهل يمه الحبيب
من يعرفون الجرالي
تنسمع ونّة عيالي
الرضا لأخته لو نظر.
ينطي معصومه خبر
+++++++++++
اولادي طمنوهم عليه اشمابلغ موتي مريح
بالرغم سمّي جبرني آه كل حيلي اصيح
لكن اضلوعي سليمه لامتت ضامي وذبيح
عيني لاشافت حراير تركض وفوگي تطيح
عالاقل لاجسمي عاري
لا وگف بشفافي ذاري
لا صبع مني انبتر
ينطي معصومه خبر
+++++++++++
والرضا واخته اعله بابي عالدرب تربي العيون
الگعده هذي موجديده عِشره عدنه اويالضعون
إلروي سالفتي عليهم إلظرفي راح ايقدرون
مو سجن واحد سكنته هوايه مريت بسجون
وانتها بزنزانه عمري
والهظمني وبدّه صبري
وجهي مثل امي انسطر
ينطي معصومه خبر
+++++++++++
گيدي جارحلي مشاعر مو فقط جارحلي ايد
لا شمس جاستني فتره جلدي مايحمل حديد
طالت المده او عليه گامت اثيابي تبيد
كبرت اعليه العمامه وصعبه الفها من جديد
بيها اتغطه عباتي
وهيه سجادة صلاتي
ليلي خلصته سهر
ينطي معصومه خبر
+++++++++
بلّغ المعصومه عني وانه عايش بالظلام
كاتب اهويه خواطر بالسجن واحله كلام
من بعد شوگي وحنيني والتحيه والسلام
للحبـيـبه العودتـها الا بـذراعـي تـنام
چنتي تغفين اعله ايده
نامت امچانچ حديده
ابسنسله لفها الدهر
ينطي معصومه خبر
++++++++++
عني وصلوها الامانه گلها لا تسهرلي ليل
وتنسه رجوة انتظاري والسفر مالي طويل
والرضا خل يكفل اخته عني ابو محمد بديل
اتموت ادريها العفيفه وتنسبي ابلايه كفيل
مثلي هم يفتر زمانه
گبره بالغربه مكانه
هيچي مذكور القدر
ينطي معصومه خبر

الشاعر ثائر الربيعي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-24 20:26:26 موشح الى الامام الكاظم عليه السلام


وسفه سر أهل الأرض وأهــل السمه
مــات فــي ذيـــچ السجـون المظلمــه

*
وسفه ســر هـــذا الــوجـود وعلّتــه
بــالمطاميــر الســلاســل هــدتــــه
ومــن بعــد موته الشمــاته شالتــه
ومن سلاسلهم چفوفــه أتصب دمـه

*
شالــو الكاظــم أبــلا دمعــه وعــويل
والگيــود امچتفــه جسمــه النحـيــل
شــابــه السجـــاد بمـصـابــه العليــل
گيـــد والآم السبــي الظــــل يلچمـــه

*
وسفه مات الكاظـم أوعــود الـرضا
بالسجن مسمــوم يــا عالــم گضــه
ناحــت أهل الأرض لجله والفضــه
وتنعه لمصــاب الــزچيــه فاطمـــه

*

لا أهــــل يمــه التشّيِـــع أجنــازتــــه
والغــريب يظــل غـــريــب ابمـوتتــه
بس چفـــوف أعــداه هيــه الشالتــه
وحتــى عــرش الله مصَــابــه يألمـه

*
مــن بعــد غـــدر الــزنيــم الا رشيــد
وسفه سجانــه أربعــه تشيلـه بحديـد
عالجسر خلــو نعـش موسى الشهيـد
وگلبــه ممــرود بغـــدر ســم وظمــه

*
مثله يــا مسجون فـي هـــذا الوجــود
حتــى تابوتــه تشـد لـــوحــه القيــود
وسفه موسى العمره گضاه بالسجود
صلّه بيــده الگيــد بچفوفــه احتمــه

*

يوم شافه أعلــى الجسر ذاك الطبيب
گــال ويــن أهلـــه يگلولــه غــريب
أبنعشــه نادو والنــداء شگد عجيـب
خل تشيعه أصاحبه عالجسر أنـرمـه

*

للجســر فــزعت وگصــدت شيعتـه
وعلــى الروس بعبــره والله شالته
تنادي يــا موسى وعظيم أمصيبته
أمصابــك أيأذينه يـــا ابن فاطمـــه

*
الشاعر
موسى البديري
22 رجب 1443


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-22 11:24:12 گضه الكاظم مــــــــــــــــــن ظلم سجّانه
وأثـــــــــــــــــــــر قيد ابرجله وبذرعانه
***
غصب جابه الطاغيه مـــــــــــن الوطن
ومدّه ضل بيها طويله مـــــــــــن الزمن
ينقله سجّانه مـــــــــــــــن سجن السجن
نيته يطمر سيرتــــــــــــــــــه وعنوانه
*
شگد حمل لوعــــــــه والم وشگد مرار
بوسط سجنه وبظلم أهــــــــــــل القرار
ومنها مـــــــــــا يعرف لَ ليل ولا نهار
لأن طامــــــــــــــــــوره سجن عدوانه
***
بالغياهب عــــــــــــــاش آهات وعذاب
ابگلبه كــــــل سجّان خلّه شچم مصاب
والسجن مـــــــــا شاف إله فد يوم باب
ابكلها تحـــــــت الأرض عاش احزانه
***
قيـــــــــــــود بيده ورجله مچتوفه بحديد
بيا سجن ينقّـــــــــــــــــل تنشد من جديد
وينزف مـــــــــــــــــن أثارها دم الوريد
والأثر باقـــــــــــــــــــــــي وذهل دفانه
****
سنين گضّه بالسجــــــــــــــن وبلا جرم
شگد حمل بيها معانــــــــــــــــاة وهضم
وذل طواغيت العصر وأهـــــــــل الظلم
لأن ضل ابمنهجــــــــــــــــــه وعنوانه
****
اللارشيد بحقده ســم ابـــــــــــن البتول
وحرگ گلب امـــه وگلب جدّه الرسول
وروّع المهجة علي فحـــــــــل الفحول
من وضع فــــــــــــوك الجسر جثمانه
***
گضه الكاظم بالسجن ابــــــــن الكرام
ابجور عدوانـــــــــــه الحقوده واللئام
وفجعت الزهره وعلي وأهل الإسلام
وهدّمّــــــــــــــــت من الهدى أركانه
***
أربــــــــــــــــــــع حماميل شالَوْ چثته
وعالجسر ضلّت غريبــــــــــه جنازته
تالي بالغربه اندفن يـــــــــــــــا شيعته
بعيد عـــــــــــــن أهله وهذيچ أوطانه
*
يا قريب ويـــــــــــــا رقيب ويا مجيب
نسألك هـــــــــــذا المسه ابجاه الغريب
اتردّه للمهدي علينه مــــــــــن المغيب
خلّـــــــــــــــــــي يحييها السنن قرآنه





الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-22 00:11:44 صِدَر للكاظم قرار ... بالسجن ليل ونهار
وينه هارون ويشوف ... هالسجن صاير مزار
...........................
زمرة الشر والضلال رادو اليوم انتقام
كالو الكاظم خطير لازم يعيش بظلام
 محّد يزوره ويشوف ينمنع من الكلام
هذا من آل الرسول عدنه ويّاهم خصام
.........
كالو يشوف العذاب .. موسى يتوسد تراب
واليخالفنه يموت .. والظلم عدهم شعار
*
ما نقارن بالمصاب الحَكَم رب السماء
مو مثل يوسف اكيد موسى اكثر بالبلاء
مو فقط احنه نكول للسمه هذا النداء
بس علي وضلع البتول واكثر الكل كربلاء
  ..........
عالرمح راس الشهيد .. والضلع رد من جديد
وانطبر راس الامام .. صار ذاك وهذا صار
*
موسى قرآن الاله والبشر كلهه تكول
تسجد املاك السماء لو سجد ابن الرسول
هذا ابن خير الرجال هذا ابن ذيج البتول
شلون مسموم ويموت وينهم اهل العقول
..........
جن كتاب الله يطيح .. والنبي واكف يصيح
ليش مسموم الشريف .. بجبدته مستعره نار
*
هذا قانون الزمان لازم اهل الحق تموت
واليكل للذله لا مايظل بالدنيا صوت
مايطالب للفقير يلتزم طبع السكوت
والينادي بالخلاص للسجن طبعا يفوت
......
سكّتوا اهل الضمير .. والفقير يظل فقير
واليصيح بصوته لا  .. عرفو بصوته انتصار
****
الظلـم لا ما يـدوم يسـتمر هـذا مُحــال
الكاظم عله الطاغي ثار والسجن ساحة قتال
شفنـه هـارون ويزيـد كل ممالكـهم زوال
واليخونون الشـريف ذولـه اشباه الرجـال
..........
احنه بالله نستعين .. من علي وثورة حسين
ما نهادن مستحيل .. مو طبع بينه الفرار
****
صار ملهمنه الامام بالسجن لاجنه صاح
الليل طبعه مايدوم لازم يتبعه صباح
والسيوف اللي تثور تنتخي بعزم الرماح
باجر المهدي يصيح عالظلم ساعة كفاح
.........
 يلا يامهدينه عود ... تنتظر هاي الجنود
يالثارت الحسين ... بعد مابينه انتظار

الشاعر سيد علي المدني


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-21 18:34:46 نزال للامام الكاظم ع
.
.
.

مظلوم .. مــوسـى ابــن جــعفر
مسموم .. مــوسى ابــن جــعفر

___

صارله اچـم سـنه غايـب والظـهـوره ننـتظر
گـالـو المـوعـد الجمـعـه بالرصـافه عـالجسر
اصدورنه ضاگت تراها ودخنـت مـن الـصبر
حـقنه لو مـوتنه هجره وهـذا حـال الينـهجر

المهجور .. گلــبـه ايتــفـطر
مظلوم .. موسى ابن جعفر

___

عمره خلص بالسجون وگضه من سجن السجن
الحاله حـتى السـجن يبـچي منكسر گلـبه ويون
اگلوب اليوالون موسى انترست وفاضـت حزن
صعـبه مـن شجرة محمد ينگـطـع هــذا الـغصن

والكون .. گـــلــبه تــكـــسر
مظلوم .. موسى ابن جعفر

___

تجري دمعات انتظاره وخضرت عالخد جرح
وهـالجـرح كـلما انخـيـطه هــم يــرد ويـنفتحة
مـن كـثر ليـل البواچي صرنـه مانـعرف صبح
صـار واحـدنه يحـس ابـروحه چــنه مــنذبح

والحال .. لا مــــاتـــغـــــــير
مظلوم .. موسى ابن جعفر

___

آ يضــحـويـة الجــمــعه اتــأخـرت چــنها سـنه
ويـم جـسر بغــداد الــنه بــيت الاحــزان انبــنه
شوگنه الموسى ابن جعفر يركض اويانه اعتنه
هــوه مــن گــد مايـتاني شـيب وظـهره انحــنه

ويصيح .. اللـــــهُ أكــــبــر
مظلوم .. موسى ابن جعفر

___

الجـمعه مـن گـالـو يجـينــه اعـيونه لامـاغـفن
النوب مدري اشبي اويانه گام مايمشي الزمن
اخـدودنه مــن المدامع غصـن ومـو بـس رون
كلـمـن ايفـارگ عـزيـزه لازم ايــشوف المــحن

صرخات .. كلــمـن تـنـــطر
مظلوم .. موسى ابن جعفر

___

الدنيه مدري اشصار بيها شو نحس بيها تميل
وبالسمه چـن مـره تبچي وعتله صوت العويل
اهناك لـن اربعـه شرطه اجنـازة الكاظم تشيل
احـنه مـن ذاك الزمـان ولـَـسه دمـعـتنه تـسيل

بالروح .. جمــراتــه تســعر
مظلوم .. موسى ابن جعفر
___

حيدر تركي الكربلائي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-19 22:00:11 الإمام موسى الكاظم (عليه السلام)

گـيـدك نـايـم بيـن جـروحـك
ويلـهـم صـار السـم بـروحـك
ولاخر لحظه تصيح بنوحـك
حـسـيـن...واجــداه

چـان الگـيـد حــاد إواصـل لعـظـمـك
وآيحـسـيـن تـصـرخ لـو شـفت دمـك
مثل السيف تمشي اگـيودك بجسمـك
وتِگـول حسين لو سألو شنو ايـألمـك

وكلما سالت قـطـره من الـدم
بسجنـك يصبح عنـدك مـأتـم
وگـلـبـك نـبـضـه شـمـا تتألـم
حـسـيـن...واجــداه
ــــــــــــــــــــــــــــــ١ــــــــــــــــــــــــــــــ

حـقـد وبكـل طـرق صـاروَّ يعـذبونـك
وشِـفافـك تنفـطـر گـدما يعَـطشونـك
ويجيـك المـاي رغم شويه ينـطونـك
تبچـي گـباله حدما ينـخـطـف لـونـك

ويـا مـاي اتگـلـه بيـا حالـه
عفت حسين وعفت عيالـه
وعــنـــاد ايـبَــدوّك گـبـالـه
حـسـيـن...واجــداه
ــــــــــــــــــــــــــــــ٢ــــــــــــــــــــــــــــــ

بـسـجـنـك عـالتـراب تـنـام واتـشـمـه
عليـك اتـگـلـه عاري ونـام ابـو اليـمـه
وباول طيحـه لاحـك منـه بـس دمـه
انـرفَع عنـك كـثر الاسهـام البجسـمـه

بـس لَـمَـن داسـوه بالحـافـر
جسمه اعليك اصبح متناثـر
آيـا لــوعـــة يـــوم العـــاشـر
حـسـيـن...واجــداه
ــــــــــــــــــــــــــــــ٣ــــــــــــــــــــــــــــــ

ظـلام الـ بالسـجـن بـي ليـلـه تـتـذكـر
زينـب بالجثـث مـن تمـشـي تـتـعـثـر
مشتـاگـه اجــت تـنـظـر لابـو الأكـبـر
وخَلَت خدها مو عالخد على المنحـر

عـالـرمـح الـراس مـخـليـنـه
واتـراب ودم تــارس عـيـنـه
وجسمه امـوذر وامـسلبـينـه
حـسـيـن...واجــداه
ــــــــــــــــــــــــــــــ٤ــــــــــــــــــــــــــــــ

صـوت الگيـد تصـرخ لمن تصـغـيلـه
زينب چـتـفـوهـا بسنـسلـه اثـگـيلـه
وهـيه مـن القـهـر تـعبانـه وانحيـلـه
ومدري العالرمـح تبچـيلـه تشكيـلـه

ويقره الكهـف الراس تسمعـه
ولحال اخته عيونه امدَمـعَـه
ويـلاه يـا حـال ابـن البضـعـه
حـسـيـن...واجــداه
ــــــــــــــــــــــــــــــ٥ــــــــــــــــــــــــــــــ

ثِلـث تـيـام مـسـمـوم بـسـجـن ظـالـم
وحـالـك سـيـدي بـس الـله بـي عـالـم
وصوتـك ينسمـع كـل وكـت يالكاظـم
الامـثلــث سـهــم مـسـمــوم يـالـوادم

الله اليدري شصـار بـچـبـدك
ومـــا تــتـــألـــم إلا لــجــدك
وچـانـت كـل الوَنَّـه العـنـدك
حـسـيـن...واجــداه
ــــــــــــــــــــــــــــــ٦ــــــــــــــــــــــــــــــ

أحمد البصراوي العبادي



https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-19 18:49:00 اجه الموت....عليك وما حضرتك
اجه الموت....يبويه وما حضنتك

خلص عمرك بالسجن
روحي ذبلهه الحزن
****
اجت بويه المسيه.....وشوفن ظلمه داري
الحزن لايك عليه............فتح دلاله ناري
لطمت اثنين اديه........نقش دمعي بسماري
بسجن چنهه المنيه.......ذبح شوك انتظاري

تمنيت......يبويه اسمع ونينك
تمنيت....اشوف اشكد حنينك

ليلي جارحني وون
روحي ذبلهه الحزن
***
اخذ كلشي زماني....عذابي وحاسب
احساب
انفكد عمري وحناني...كعدت بعتبة الباب
بنعي يلهج لساني.....جرحني وزاد المصاب
خبر موتك لفاني.......المسه عافوني الاحباب

بلياك.....اموت ودهري حيره
بلياك.....انحنى بدر العشيره

اتغير ابروحي الوسن
روحي ذبلهه الحزن
***
احس بحالي ريبه.......وعيش ايامي اناطر
صفت روحي غريبه......بديت بكلبي اكابر
صحت ياربي جيبه........بعد دعوة مسافر
شفت بيت المصيبه........اظنهه اليله عاشر

بالجروح.....اظنه بسجنه غافي
بالجروح....صحتلك بويه كافي

بموتتك موتي عسن
روحي يذبلهه الحزن
****
خلت بويه المنازل..........امانه اتمر علينه
بقت بس الثواكل.........تعال اسمع بچينه
اودي اشكد رسائل......صعب طارش يجينه
صفت حيره الارامل.......السجن عذب
ولينه

بالفراك......تشتت كل جمعنه
بالفراك.....يظل يجري دمعنه

يذبح بحالي الشجن
روحي ذبلهه الحزن
****
صرت چني عليله........يبويه التفكد الروح
عله هجرك دمعي اسيله.... .وعاين بس
الجروح
المصيبه اشكد ثكيله......يلوك بصوتي النوح
الوعد قرر رحيله...........اضمن دمعي مسفوح

اتانيك......كلت بلكت تجيني
اتانيك......فرح لحظة سنيني

انذبح تالي الغصن
روحي ذبلهه الحزن
****
الهجر ماخذلي غالي......اظنهه آخر مسيه
نسيت اشكد دلالي...........تعال انظر عليه
انه بجرح الليالي .......بقيت اصفك بديه
تغير والله حالي.... .........اجت ليك المنيه

يتاماك.........تعال انظر عليهه
يتاماك........لون تسمع بچيهه

انطعن كلبي طعن
روحي ذبلهه الحزن
***
تمت بعون الله

خادمكم........ يوسف الفتلاوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-19 18:39:10 ----

يسجان السجن لا لا تسد بابه

اجتي امواجهه للكاظم احبابه

------

يسجان السجن فك بابه وتأنه

عزيز وغاب لارد كل خبر منه

دورنه السجون ابكل كتر عنه

مدري بياسجن وينام بترابه

--------

مدري ابيا سجن بالبصره لو بغداد

وبقيد الحديد وقسوة الجلاد

هذا ابن النبي وللناس باب امراد

والوادم الداره أتقبل اعتابه

---------

ياسجان عدنه امواجهه و ياه

غالي الكاظم وبلچن صدگ نلگاه

هاي اسنين غاب وما بعد شفناه

وصعبه اعله العزيز ايطول اغيابه

------

بلچن نطمئن لو ننظر الوضعه

صدگ محروم حتى من ضوه الشمعه

ياسجان يشتم الهوه طلعه

جبنه افراش اله ويبدل اثيابه

----------

ياسجان خاف ابسجنه يتألم

وبساگه الحديد او يجري منها الدم

صبر امينن ظل بالكاظم اتهدم

ذنبه اشچان خصمه للسجن جابه

-------------

ياسجان ذنبه اشچان مترحمه

مو هذا الزجيه فاطمه امه

حجبته شلون هاي اسنين وتظمه

شمسوي ذنب ينحبس وطلابه

----------

شمسوي ذنب كل ذنب ماعنده

مو هذا غريب ابغربته وحده

بس لتگول بالسم مردَو چبده

مو هالدنيه كلها الكاظم اتهابه


سيد عدنان الحمامي


قصائد حسينيه مكتوبه
https://telegram.me/aabas78 باز کردن / نظر دهید