قصائد حسينية مكتوبه

2022-02-11 17:37:43 لوفاة العقيلة زينب على طور هذا الغريب منين لباسم الكربلائي

زينب لفاها الموت لانايحه ولا صوت
بعد الگمر وحسين تبچي وتهل العين
لانايحه ولاصوت

****
زينب الْخَلَّص گلبها اشگد محن مرّن عليها
علرمح من يوم شافت راسه متهشم وليها
ويوم بخيام اليتامه اطفيَّ من حرّگن اديها
ويوم يم الماي طايح گمر هاشم مايجييها
مرّت عليها احزان منها الگلب خلصان
من حارباها البين تبچي وتهل العين
لانايحه ولاصوت

****
سطرّت زينب ملاحم يشهد العالم اثرها
واجهت اهل الضلاله ماضّعف ثابت صبرها
جيش متميز صلابه صار علظالم خطرها
بالعزم وايمان ثابت من مهدها الحد گبرها
خلّت يزيد أيْحْير خاف انقلاب ايصير
موعن ضعف بالدين تبچي وتهل العين

**
الفارگت نور التحبهم تيقنت مظلم صبحها
كربله المايوم ترحل عنها وتودع جرحها
اتجمعت يمها المصايب زينب وكسرت جنحها
لافرح مر ابگلبها وي الحزن دايم صلحّها
بعد الاخو من راح من ياوكت ترتاح
والطّف اجتها امنين تبچي وتهل العين

***
ملّت الدنيا وقهرها من المصايب هذا حدّها
شلّها بالدنيا شتناطر ولاعزيز الباقي عدها
اتعلمت ونّ الليالي والدمع مايجفي خدّها
لمّت الاحباب راحت ذيچ الايام اشيردها
ماترجع الايام صارت وهم واحلام
بدور الهواشم وين تبچي وتهل العين

***
زينب اتّاني المنيه تعاتب الموت الجفاها
اتخاطب الموت وتذكرّه لومشه بعيد ونساها
شلَّها بالدار الخلّيه الباگت الظلمه ضواها
كل رمح بالطف تمنت ريته ماراح وخطاها
تنوح بگلب ملچوم علمنذبح مظلوم
وعلظل بلاچفيّن تبچي وتهل العين

الشاعر حسن لعيبي الحريشاوي



https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-10 11:49:30 استشهاد السيده زينب ع

الاخر لحضه يا ناس
چنت اتمنه عباس
بيده ايغمض العين
ويغسلني الحسين // ويغسلني الحسين
««««««««««««««««««»»»»»»»»»»»»»»»»
انه زينب والحبايب فاركوني
عله افراش الموت وتأمل يجوني
ردت منهم هالمسيه ايودعوني
براية العباس كون ايجفنوني

هليله اخوتي كون
يم راسي يكعدون
حته ايهيد الونين
ويغسلني الحسين // ويغسلني الحسين
««««««««««««««««««»»»»»»»»»»»»»»»»
كل اخت تتمنه دوم اتشوف الاخوان
وانه عيني الكربله وبكلبي نيران
يمته اسمع يا هلي دكت البيبان
ردت اخوي حسين هوه ايصير دفان

وبيده ايهيل التراب
صعبه افراك الاحباب
وتحضر ام البنين
ويغسلني الحسين // ويغسلني الحسين
««««««««««««««««««»»»»»»»»»»»»»»»»
ساكنه بديره غريبه ومالي والي
وعيني تربي الكربله ودمعي يلالي
امنيتي ويه اجنازتي تمشي الغوالي
من اخوتي الفاتحه محد قرالي

كون اليمشي جناز
واحد من الاعزاز
ونعشي اتشيله الايدين
ويغسلني الحسين // ويغسلني الحسين
««««««««««««««««««»»»»»»»»»»»»»»»»
طبع اليتانيله غالي جرحه يكبر
واليريد ايموت كل احبابه تحضر
وانه لا عباس يمي ولا بو الاكبر
وهذا ملك الموت گام بداري يفتر

طب خطار البيوت
يمكن گرب الموت
ردته ايطول البين
ويغسلني الحسين // ويغسلني الحسين
««««««««««««««««««»»»»»»»»»»»»»»»»
الشام غربه وانه كل عمري غريبه 
عمري خلصته مصيبه بصف مصيبه
انه زينب انه يا ناس الحبيبه
اليوم ابو فاضل اخوي امنين اجيبه

ردته ايسولف وياي
وبيده اينكط الماي
ويقره اعليه ياسين
ويغسلني الحسين // ويغسلني الحسين
««««««««««««««««««»»»»»»»»»»»»»»»»
بكربله كون اندفن وشتم هواهم
اخواني لحضه وحده كلبي ما نساهم
بساعة الموت الغوالي اشعطلاهم
اخذ روحي الموت والله من خذاهم

كل يوم الهم اشتاك
ما اتحمل افراك
هيچي وتوفي السنين
ويغسلني الحسين  // ويغسلني الحسين
««««««««««««««»»»»»»»»»»»»»»»»

الشاعر
تحسين الخفاجي



https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-10 08:56:21 اليله لازم كلها تنصب فاتحه
موش ياهي الجان زينب رايحه
////////
ماتت غريبه وحيل مهضومه
حته ابدفنهه الحره مضلومه

يزينب. يزينب
==========
كون نلطم عل غريبه ونكسر اضلوع
يا درب ماشيته ضلمه نشعل اشموع
مو دمع نبچي يزينب لازم ادموع
ونصرخ امن الگلب ها يم گلب مشلوع
///////////
صعبه لچماتچ يزينب بينه
احنه بل دمعات الچ وفينه
عاشت وماتت هيه ملجومه
حته ابدفنهه الحره مضلومه

///////////////////////////////////////////

اجري دمعك لاتكتمه وخله انهار
وعله زينب يل تحبهه ابّچيك إنهار
اذكرالشام وغربته وشگف الحجار
وذكر ابچفهه الحبال ولهبت النار
///////////
اذكرهه ساعه من جرت دمعتهه
و اعتب اعله الشام چي بچتهه
دمعاتك المن ليش مضمومه
حته ابدفنهه الحره مضلومه

////////////////////////////////////////

ذكرياتچ يل عقيله تلچم اهواي
بگلبي شايلهه سنين وعاشت وياي
ومجلسچ انشد عليه الراح والجاي
أنه العطشان الچ دمعه موعطش ماي
//////////
ابداعت العباس لاتنسينه
عن عزائج فدوه لتبعدينه
واليبچي لجلج تنمحي اهمومه
حته ابدفنهه الحره مضلومه


////////////////////////////////////////////

انتي صرتي امن المصايب دنيت احزان
والبجه عليج وتوفق احسن انسان
يل الغريبه والاسيره ابلايه خوان
ونوبه خيماتج تطيح ومالج امجان
/////////
جبتي عمرج بل قهرمتعوبه
وقصتچ من الدمع مكتوبه
امنيتج ويل خيم مهدومه
حته ابدفنهه الحره مضلومه

///////////////////////////////////////////////

قصتج قصه عجيبه امطرزه اهموم
وحگنه يازينب عليچ انشگ الهدوم
وكون من الطم اخلي صدري مهشوم
يل مصابچ جرح جم مرسل ومعصوم
//////////
بس دمع فاتحتج انسويهه
المهدي ندري ابشيبه حاضر بيهه
ابكل دمعه تنزل عدهه معلومه
حته ابدفنهه الحره مضلومه
////////
سلام البهادلي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-05 18:40:33 نزله
لذكرى أستشهاد
الأمام علي الهادي عليه السلام
...........
صاحب العصمه الأمام العاشر
يا علي الهادي النقي الطاهر
..........
1
الليله بمصابك مجالس فاتحه
تنصب الشيعه أو تنوح النايحه
أو يال ثاراتك حناجر صايحه
والحزن فوك الملامح ظاهر
...........
2
يا علي العمرك وصل رابع عقد
أو سممتك عن حقد أهل الحقد
نعشك الرمزي علي ننثر ورد
ننتظر مهدينه ثاره أيباشر
............
3
هذا صوت الواعيه أيهز الأرض
الليله مات أمنالفرض نص الفرض
يمته للثارات يظهر ينتفض
يوسف الزهره أنيس الخاطر
.............
4
الليله سامره أبحزن واضح جلي
جبدك أمسمم تعاين يا علي
أو نار حزن الفاجعه يصلي صلي
بيها و الحاضر يعزي الحاضر
............
5
يا علي الفقره أعله بابك تنتظر
ريت هذا اليوم ما طرله فجر
كاعده أتانيك و المدمع يدر
أوياها سامره أملها أتشاطر
............
6
يا ضريح أو حضره يا منقب علم
يا شهم ونته عدل ميت شهم
اليوم ألك تلطم نسا أو تلطم زلم
أشلون لطميات يوم العاشر
...........
7
ما متت حي أنته والمات العدو
ولي يسأل حزنت الشيعه شكو
أنكله شوف أصلك يالمصخم شنو
أو تالي أسأل عن حزنها السافر
............
8
السممك عاد أو هدملك كبتك
حتى منك عود يحرم شيعتك
ما دراها الشيعه لجل أزيارتك
ودها بدروب الشهاده أتسافر
.............
9
يا علي الهادي الأمين المؤتمن
شيعتك تقسم ألك يابو الحسن
ما تعوف أزيارتك مهما الثمن
يالضريحك شوفه سر الناظر
.............
خادم أهل البيت
الشاعر : أسماعيل الجوراني
الجمعه : 4/2/2022

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-03 10:09:37 هــــــــــــــــــاي أمـــــلاك ألسمه ويانه
تـشـيـــــــــع بنعـــــــش الوصي مولانه
**
بهيده يلـــــــــــــي أتشيع بنعش الأصيل
وبهداوه لــــــــــــــــــو مشيت ولا تميل
تدري بالسم أنجتـــــــــــل حامي الدخيل
علــــــــــــــــي الهادي المؤتمن مولانه
**
بهيده بالله أرجوك مـــــــن تمشي وتون
خلي تبدي عليك آيــــــــــــــــات الحزن
وبوقــــــار أنشيعه لوالــــــــــــــد حسن
لآن مـــــــــــــــــــــــن أل النبي عنوانه
****
أرد أحلفــــــك بالذبيــــــــــح وبالسليب
وأقسم عليـك بأسم جــــــــــــده الحبيب
بهيده أمشـي مــــــــــــن تشيع للغريب
مات تدري بعيـــــــــــد عـــــن أوطانه
**
بالبصيرة شــوف أمــــــــــــلاك ألسمه
نزلت أتشيــع أبــــــــــــن حامي ألحمه
تشيل نعــش الهـــــــادي راعي الغانمه
وصوتها يــــــــــــــــــدوي بنعي ويانه
****
نزلت الأملاك بأمــر مـــــــــن الجليل
تجــري دمعات الحـــزن عالخد تسيل
عله الهــــــــــادي لمــا إله واحد مثيل
والحــزن عـــــــــــــم ألسمه وسكانه
****
تدري يا هــــو اللي أجه وياك وحضر
العسكـــري والــــــــــد الأمام المنتظر
وحضر حامــــي ديارنه بفيض الصبر
والأمــــام الغايــــــــــــــــــب ليرعانه
****
هــــاي أمـــــه حضرت بكسر الضلع
الظهر منهــــا منحنــي لحامي الشرع
والكــــلب دامــــــــــــي وتسيل الدمع
تنظر ألـتـشـيـيـع كــــــــــــــل أركانه
****
تنظــــر الـتـشـيـيــــــــع أم الأوصياء
تسجل الخــــــــادم لشاركهــــا العزاء
تجازي كــــل اللي حضر يــوم اللقاء
وبيـــده يــــــــــــاخذ بلحشر عنوانه
***
يـــا إلآه الكــــون يـــــــا رب العرش
نسألك بـــــــــآل النبــــي الأرباطعش
وجــــــاه هادينه صاحــــب هل نعش
تعجل بأمـــر الوصي مولانــــــــــــه





الشاعر
قاسم حتروش البلداوي
خادمكم
أسالكم الدعاء
غير مبري الذمه كل من يقرأها بطور الغناء

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-02 17:03:21 #قصائد_منبريه
#الامام_علي_الهادي_ع

على انفاسك سلام ألله

لفكدك آه وا ويلاه

علي الهادي    ياعلي الهادي

.........

بجينه وماترد دمعات العيون

كل الراحو وماضن يرجعون

نضل طول العمر للي يموتون

نشتاك ونظن بلكت يمرون

وانت العاشر الوالي

إمام وعالكلب غالي

علي الهادي    ياعلي الهادي

........

سم جبدك رسم لوحة غيابك

مايدري احنه كل يوم اعله بابك

نجيك ونعتني نشم ابترابك

ومانشبع ابد من شم ثيابك

ييوسف كل شخص بينه

الك زادت بواجينه

علي الهادي    ياعلي الهادي

.........

تره غالي الهوه وانت اغله منه

يرمز العاطفه وكللك محنه

من اتروح يعني أحنه رحنه

متمسكين بيك من انوجدنه

لونك منخطف رايح

ابدارك ينسمع صايح

علي الهادي    ياعلي الهادي

.........

دنيانه الكضت وي ما رحت ليش

اضن حته الوقت مايقبل ايعيش

يعاقبنه الزمان ابلا ذنب ليش

البلاوي الريح واحنه بخفة الريش

يشتتنه وتجمعنه

بوجودك ربنه يرحمنه

علي الهادي    ياعلي الهادي

.........

وي العسكري نحيي عزائك

ودمعنه انخلطه يالحيد ابدمائك

جنت تحفظنه من ترفع دعائك

اخذنه حته لو نجمه ابسمائك

تصبحنه وتمسينه

وبنورك تضوينه

علي الهادي    ياعلي الهادي

الشاعر
ياسر العارضي

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-02 00:47:17 استشهاد الامام علي ابن محمد الهادي ع




يالحسن ادفن والدك
هليله الله يساعدك

عنك مشه الهادي وتسيل عيونك ادموع
وكلبك طلع من القهر بس لزمته اضلوع
....................

ياسيدي ادموعك تصب   لفراك ابوك وحالته
مسموم بيد أهل الغدر        والالم يبس شفته
والابن لومات الابو          همه يزيد وحسرته
واثار عالخد تنطبع          من كثر حزنه ودمعته

ودموعك انته اعله الوجن
شايل علي الهادي بحزن

وروحك على وداع الابو ياسيدي تلوع
وكلبك طلع من القهر بس لزمته اضلوع
.......................

من الزغر ياسيدي            ومصايب بكلبك ربن
وزادت الليله مصيبتك      من ادفنت بيدك وطن
خيمه الابو اعله العايله     وطاحت الخيمه يالحسن
الله اليعينك سيدي          تشوف المحن من هالزمن

ماتنسه ابوك وغيبته
وترست الدنيه وحشته

اليفكدله غالي سيدي ايضل يشعل شموع
وكلبك طلع من القهر بس لزمته اضلوع
.......................

ابالك تضل اسوالفه   ماينسن كلهن الم
لمن حجالك والدك     عن عمتك وحرك الخيم
قصة حزن ماتنتهي   زرعت وسط كلبك سهم
تتخيل شلون الكمر    طاح وبقه يرف العلم    

وحسين ايده اعله الظهر
طاح الاخو يم النهر

وحسين عالعباس هم بكلبه مجموع
وكلبك طلع من القهر بس لزمته اضلوع
..........................

خليني اسولف وبهظم       عن جدك الي منذبح
جثته رميه اعله الترب        ونرفع راسه اعله الرمح
ياسيدي وجسمه صبح         فوك الجرح  نايم جرح 
والخيل تلعب عالصدر     ومن كل كتر دمه يسح

ايعاين على طول الدرب
كدامه زينب تنضرب

فوك الرمح وعياله تبجي وصوت مسموع
وكلبك طلع من القهر بس لزمته اضلوع
........................

هذا الحجيته سيدي         من مصابكم قطره ابحر
وعدنه الدمع لمن يصب     لال النبي ايقوي النظر
والشيعي يبقه منتظر        مهما قسه وياه الدهر
بالدنيه ماعدنه امل           عدنه امل بالمنتظر

يظهر وسيفه بيمنته
يكطع ركاب العادته

اليا وكت مهدينه يضل كليبه مفجوع
وكلبك طلع من القهر بس لزمته ضلوع 

 
 
محمد هادي العقابي



https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-02 00:45:51 بالغربه وحدي "



بالغربه وحدي ... حانت منيتي
بدموعي ابدي ... اكتب وصيتي
شـابـت رمـوش العـيـن
مـحـتـاره ابـدي مـنـيـن
اكتب وصيتي


كل واحـد يـوصّْـي وأِخـوِتـه يـمّْـه ... لـو حـانـت مـنيته
وآنه بغربتـي وگلبـي انذبح حلـمه ... ولا واحـد لگـيـتـه
كلامي غير أخُوتي ياهو اليْفهمه ... والـدمـع الـجـريـتـه
شفت طيف الحُسين وهوه مذبوح
من كل صوب جسمه ينزف جروح
بكثر سـحگـت ضلوعه كتله لتروح

گتله حياتي ... خلصـت يغاتي
كل أمنـياتي ... تحضـر وفاتي
ابلا نحره شفته حسين
مـحـتـاره ابـدي مـنـيـن

__1__

بين دموعي بين اللوعه والحسره ... أدوركـم يالاخـوان
أحشمكم تحـضروني وأهـل عـبره ... مـوتي گـرّب وحان
اليفگد أخْوِتهْ أوياهم فگد عمره ... بروحه بيت الأحزان
صرت شـمعه وعليه اتهب الارياح
أريـد بـموتـتـي بـشوفـتكـم أرتـاح
وتشيلون الدمع من عيني لو طاح

مشتاگه ألكم ... وأذكـر حـچيكم
يابعد أختكم ... ابقـى انتـخيـكم
عـيـنـي جـرت نـهـريـن
مـحـتـاره ابـدي مـنـيـن

__2__

وصيتي لو اموتن ماي لـترشـون ... زحمه حسين ضامي
وچفنوني بعباتي البيها دم امتون ... والسـبحه وهـيامي
وحچي هوايه يعيش بْگلب الاعيون ..مـااوصفه بكلامي
وأحـاچـي دمْعتـي لا مـا نسونـي
اخوتـي بـالـدرب هـسـا يـجـونـي
يشـيـلون النـعـش ويــشـيـعـوني

وفوگ اعله گبري ... رايــة تــرفــرف
خـلّـصـتـه عـمـري ... واحلامي تنزف
نـــار الْـفـــگِـد نــاريـــن
مـحـتـاره ابـدي مـنـيـن

__3__

أريد حسين يحضرني وأشوفنه ... واضمّـد كل جروحه
يسولـفلي وأسولفله واشـبگـنه ... وتحظن روحي روحه
بشوفي يرتوي وآنه اترتوي منه ... الحزن بعيوني لوحه
اجروحـي مستهلـهن كـاتـبـنّـه
الحوافر يوجعنـي ويـوجعـنّـه
أنشد دمعـي لـو يـاْهـوّه عـنّـه

بفـگـد الأحـبه ... عـشـت بـنيـاحـه
والغربه صعبه ... وماكو استراحـه
شـام وغُــرُب جـرحـين
مـحـتـاره ابـدي مـنـيـن

__4__

واريدن صاحب الرايه يجي ليّه ... أشـبكـنـه واحـاچـيه
واگلّـه يـا بعد أختك العلويه ... شـلونك" وابقى اصد ليه
اريـد احچـيلـه ضـيم اليخنگ الريه ... لا خـافـن ابـچـيه
أگـلّـه رايــتك خلـها اعلـه گبـري
مـتنـي يـنلـچـم بـالـگــبـر تــدري
من السوط احس مكسور ظهري

لا ما اگلّه ... كـل ظهري حدّب
دمعه يهلّه ... لـو تبـچـي زينب
بــعـده لـفــانـي الـبــين
مـحـتـاره ابـدي مـنـيـن

__5_

#رزقهم_سلام_الله_عليهم
#احمد_رزاق_الاعرجي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-02-02 00:44:50 وفاة مولاتي زينب ع

كل وحده بجفنها عدها نيشان
رقيه والزجيه وام الاحزان
كملت سالفتهن
زينب من اجتهن
ام الاحزان
+++++++++
ماتت الماضل اي جرح بالزمن مامر بيها
ماتت قهر ماتت بچي وثوب الهظم غاطيها
ياناس ماتت والحبل تارك اثر بيديها
ماتت غريبه لا بقت رايه وترف اعليها

ماتت وباذنها باقي الاصياح
صعدي عالهزيله كافلچ راح
لجروح اشيعدهن
زينب من اجتهن
ام الاحزان
+++++++++
من فتره يُمه ومقدمج يا زينب امتانينه
وارقيه تسأل عمّتي يمته وتُمر اعلينه
نعرف عيونج تلتفت تسأل الكافل وينه
ذاك الي گاعد منفرد منتظرچ اتحاچينه

من الطف گعدته هاذي لليوم
حاچيه يالعقيله بلكت ايگوم
واعيونه بدمعهن
زينب من اجتهن
ام الاحزان
++++++++++
وتلاگن وگعدن سوه كلمن جفنها واثره
وحده اعله وحده اشّرت اشبيها عينچ حمره
فتحت اثر اول جفن چلمه الحچتها الزهره
هسه انه معروف السبب واسمعتو بيها السطره

يُمه امنين اجتچن هاي الآثار
بس لا مثلي جاست بيچن النار
علموني بأثرهن
زينب من اجتهن
ام الاحزان
+++++++++
ماتنحسب يم الحسن بس آنه لمأذيني
مو چف ولا لهب الخيم يا يُمه سطرت عيني
چلمت الياهي انتي اسمعت من كلمن ايلاگيني
ضليت احسب لو متت حته انتي متعرفيني

مثلي من رحتله امن الصواوين
لحسين وسألته انت الاحسين
ارسومه ضيعتهن
زينب من اجتهن
ام الاحزان
+++++++++
وصاحت رقيه المر الچ ياعمه ماهو ابگدي
من حرگو اعلينه الخيم اركض بقيت الوحدي
كل منهم البيه لحگ سطره اخذ من عندي
سطره اعله سطره اتجمعن مو احمر اسود خدي

چم مرّه لچمني بعده ماطاب
لو نمت بخرابه ينملي تراب
بدموعي الچمتهن
زينب من اجتهن
ام الاحزان
+++++++++
قاطعهن حسين الاجه يم اخته يحچي وينحب
كل الحچي اسمعته والم كل جرح بيجن يصعب
بس ماسألتوني اشعجب عالنهر طولك حدب
من طاح ابو الغيره انكسر ظهري اعله خدرچ زينب

كل هاي اعرفتها بحرگ الاخيام
موتچ هم غريبه تالي بالشام
ينعادن نفسهن
زينب من اجتهن
ام الاحزان


ثائر الربيعي



https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-23 18:29:35 تم نشر مواليد الزهراء عليها السلام

https://t.me/joinchat/AAAAAEFVSMd2pvMFlLPXYg
اشترك بالقناة باز کردن / نظر دهید