قصائد حسينية مكتوبه

2022-05-18 17:34:29 يالصادق كبتك نبنيها
-------
نهواها الثورة وتدرونة
مانتغير لوذبحونة
باجر يم كبرك يلكونة
والناس الضدك نمحيها
-----
يالتعرفة شكد وفاية
ومانخلف لو كلنة حجاية
باجر نكصدلك بالراية
ويمك رايتنة نعليها
---------
عاالكبة ايشع باجر نورك
وحتة النجمة تريد تزورك
شوال ملقب عاشورك
ودمعتنة لفكدك نجريها
--------
باجر مشاية اندك بابك
وتفتح كلبك لجل احبابك
يم كبرك ننحب لمصابك
نلطم والزهرة نواسيها
-------
جم رادود اكبر احلامة
ابصحنك يقرة وية اللطامة
المعلول ايكصدك باالامة
والعلة ابابك يحجيها
-----
يمتة المهدي ايرد ونشوفة
ويكصد يم كبرك ويطوفة
باجر احنة نصير سيوفة
وزيارة ابابك نحييها
-----
سيد معتز الحسيني


https://telegram.me/aabas78 باز کردن / نظر دهید

2022-05-11 13:23:54 مدفونين بديرة غربة
لاصحن انشوف ولاكبه
طلعتك منتظريها
لقبورهم تبنيها
بأرض البقيع
..................................... 1
سر هذا الوجود وكل معانيه.
يمته نشوف الهم حضرة مبنيه.
وغصبن عالنواصب والوهابيه.
تبدي من البقيع الاربعينيه

من يمهم تبدي المشايه
للطف راية التتبع راية
ورايتهم اتعليها
لقبورهم تبنيها
بأرض البقيع
.........................................2
الكريم الما يسد بيوم ديوانه.
ليش بكبره لسه بكلبة نيرانه.
حلم تبنيله كبه وتنهى احزانه.
ويفتح لليزور الكبره بيبانه.
المتعلم خطاره ايعزب
يمه وموكب يتبع موكب
ولمصيبته نحييها
ولقبورهم تبنيها
بأرض البقيع
........................................3
شرط كون اليريد الكبره يتعنه.
لازم بيده شايل شمعه لوحنه .
بصواني العرس لازم ينترس صحنه.
تره لسه الحسن يحلم بعرس ابنه.
من يزور الكبره الخادم
يكله امبارك عرس القاسم
وجروحنا تداويها
وكبورهم تبنيها
بأرض البقيع
....................................4
وصحن لأم البنين اتشيده بالاحساس.
وعلي تكتب عباره شكرآ ام عباس .
هاي الحكها ترفع بالبنين الراس .
ولدها للوفه بلطف بقوا مقياس.

اليكصدها بروحه المحنيه
يسمع بس كلمة مكضية
وحاجاتنا تكضيها
ولكبورهم تبنيها
بأرض البقيع
..................................5
وبعد آخر صحن يالمهدي ننتظره
صحن كلش جبير الفاطمه الزهره
اليتعنه بكبرها ويشتم العطره
كلبه من خيام حسين بي جمرة
يمهه الصادق يمها الباقر
والسجاد ودمع العاشر
وكل العلل يشفيها
ولكبورهم تبنيها

الشاعر سيد موفق الموسوي


https://telegram.me/aabas78 باز کردن / نظر دهید

2022-05-10 01:04:08 قصيدة ( عاشر البقيع ) في مناسبة ذكرى هدم قبور ال محمد. في البقيع


عاشــر هدم الگبـــور نــار بگلبك تفـــور
ابد مــا تبــــرد النــار يمته مــوعد الثــار
يغــايــــب

*
يـــا أبـــو صالــــــح
گلبــك الله يساعـــده
جـرحه محّــد ضمــده
اهـلـك أبيــن العــده
ضحــايـــا

يـــا أبـــو صالــــــح
الحقــد ذاك الأولـي
بعده ضد حيدر علي
شوكت همك ينجلي
النهــايــــه

يـــا أبـــو صالــــــح
بعــده طفك مــا گضه
من الجديد من المضه
يجــري دم الرافضــه
منـــايــــا

جيل يـــورثه لجـــيل دمنـــه ودمكم يسيــل
عندك ندري الإخبــار يمتــه موعــد الثـــار

*
أرد أســـألـــك
عن جرح ينزف تعـــب
شلـون تنظــر بالعجب
للبقيــــع ابـــلا گبــب
تشـوّفــــه

أرد أســـألـــك
يا جــرح ينزف دمـه
ضلــع أمـــك فاطمـه
الصدره خيل تهشمه
وتعــوّفـــه

أرد أســـألـــك
جـرح عمتك ما شفه
بالحِبّـــال مچتفــه
من وگع راعي الوفه
وچفــوفـــه

ينــزف گلبك أجــروح بكل طـف انته مذبـوح
وخيـل أعليــك تنـــدار يمّــته موعـــد الثــار

*
يــدمي گلبــــك
من تصد گبـر الحسـن
ابـلا منايـــر لا صحن
ادري بعيونــك حچـن
مشــاعـــر

يــدمي گلبــــك
للبــقيـــع وللجــــره
لبنيِ الزهره الطاهره
أبــلا بنـاء المگبــره
ومنــايـــر

يــدمي گلبــــك
وجفنك يهــل مدمعه
مــن تصد للفاجعــه
شحالــه أم الاربعـه
البــواتـــر

أتصد أبجفن همّــال مــراقد عتــرة الإل
الهــم بقـــت اثــــأر يمته مــوعـد الثــار

*

لـــو زرتهـم
بــالبقيــع وتــربتــه
نار تسعــر حسرتــه
تطفه ما اظن جمرته
مسعــره

لـــو زرتهـم
والمدامــع سايلـــه
ادري تذكــر حرمله
والجره ابطف كربله
تـــذكــره

لـــو زرتهـم
ترسم أبعينك صّــور
صدر فوگه شچم اثر
وسيف يگطع چم نحر
تنـظــره

تذكــر ذيــچ الأنحور وخيول أعلى النسه أتدور
تشاهد ذيچ الإخطار يمتــه مــوعـــد الثــار

*
فــي ظهــورك
تبني ذيـــچ الاضرحه
سرهم انته أتوضحه
والمعــانــد تفضــحه
بحســامــك

فــي ظهــورك
رايــة الحــق تعتلــي
ونسمع بأسم الولي
من البقيع انه وهلي
أبنظــامـــك

فــي ظهــورك
مشي تگصد هل الملا
للبقيــع و كـــربلــه
والخــدّم متــواصلـــه
بغــرامـــك
بس أأمــرها وتشــوف بيدك تصبــح أسيوف
غيــره وعزه وإصــرار يمته موعـــد الثــــار
*
الشاعر
موسى البديري
٨ شوال ١٤٤٣

https://telegram.me/aabas78 باز کردن / نظر دهید

2022-05-09 22:07:58 أعكيلي
لذكرى هدم
قبور أئمة البقيع عليهم السلام
...........
نبنيها أكبور الهدموها
..........
مطلبنه أو ثابت مطلبنه
أو موش أحنه النسكت عن حكنه
هدنه أنطينه أو حد الهدنه
ساعتها أشلون أيعرفوها
..........
قبه أو حضره أو يفياف أخضر
جانت لازم ترجع وكثر
لازم يتجسد فد منظر
قطبين الكون أيشوفوها
..........
قبر السبط السمو جبده
أبفعلة بنت الأشعث جعده
بغضآ بمه أو بغض أبجده
رادو أمجاده أيشوهوها
...........
قبر الشاهد ذبح حسينه
أو من هامه العله الرجلينه
مسبي أو مجتوفات أيدينه
أو عمته أعله الهزل مشوها
...........
قبر الباقر وبنه الصادق
شيخ المذهب بالحق ناطق
يرجع ذاك الصرح الشاهق
لازم والشيعة أيحجوها
...........
قبر الحمزه الجبده أتفرهد
أبهند أو وحشي أتمثل مشهد
ليث الدين البي غيره أشكد
أو كد الغيره البي كرهوها
............
قبر أشرف وطهر بدويه
أم العباس العلويه
الصفت ويه حسين النيه
جي زوجه حيدر عادوها
..........
باجر جاي أو تطلع شمسه
خل كلمن ظالم من هسه
بيده أيحضر قبر النفسه
موتاهم ماظن يحصوها
............
باجر رايه أبصف الرايه
مشايه أبجتف المشاريع
صاحب موكب زاده أو مايه
يتلكه الناس الكصدوها
...........
بسم القائم ثوره أتباشر
شيعة حيدر لو حل باجر
كل وهابي أبحقده أيجاهر
راح الثارات أيربعوها
...........
خادم أهل البيت
الشاعر : أسماعيل الجوراني
الأثنين : 9 /5/2022

https://telegram.me/aabas78 باز کردن / نظر دهید

2022-05-09 17:43:31 استشهاد أئمة البقيع عليهم السلام


المستهل

الزهره اتعنت بدمعة حزنهه
لبنهه اتنوح واعله اولاد ابنهه
أيد اعله الضلع و اعله الوجه أيد
شما تلطم صدرهه ايزيد ونهه
........

كعدت بين الگبور وتعاتب
لا خوان يمكم لا كرايب
كون اكبوركم يم گبر الحسين
جا شفتو المجالس والمواكب

بعيدين. لا مشايه لا زوار يمكم
وحيدين. ماعدكم ضريح يلم ربعكم
جريبين. كون وكلهه تتعنه وتمركم

وين أهل المحنه اشصار عنهه

شما تلطم صدرهه ايزيد ونهه
.......

نفس لوعتكم اللوعه بدليلي
هم گبري اختفه ومحد يجيلي
بس عن حلفة الله يمرني ابو حسين
يبجيني ويوگفني اعله حيلي

من الغياب... انه وياكم انعاني المصيبه
من الأحباب... كبلكم عايشه الوحدي وغريبه
للتراب... تاليته اليحب ياخذ حبيبه

عشرتنه اويهلنه انگضت جنهه

شما تلطم صدرهه ايزيد ونهه
.......

لا ظل حيل والطم لا بقت عين
هو اشخله بيه امصاب الحسين
مصاب حسين هين مات ورتاح
زينب وگفت بنص الدواوين

ولوهه. ... من طاح الحسين وحرگو اخيام
خذوهه... مجتوفه بحبل للكوفه والشام
سبوهه... الجانت بالنشامه محزمه احزام

الماتندل الباب بسوگ لنهه

شما تلطم صدرهه ايزيد ونهه
.......

خل بيناتنه انسوي العزيه
مجلس ننصب ونلطم سويه
لحسين البجي نهدي والدموع
الداست فوگه خيل الاعوجيه

بالدموع .. خل نهديهه للطف دمعة العين
والشموع .. خنضوي الخرابه اعله النساوين
والضلوع ... نكسرهه اعله مود اضلوع الحسين

ما تلام أم تبجي اعله ابنهه

شما تلطم صدرهه ايزيد ونهه
......

عن كربله شما سولف قليله
لحد الآن من الطف عليله
اخت متعلمه تطلع ويه الأخوان
فجأه بسوك ع الناكه الهزيله

على ام عون .. محنيه الظهر والضيم حالي
يحركون .. فوگاهه الخيم ماعدهه والي
والعيون .. شافت طول بنتي الجان غالي

من طاح الكمر طشر ضعنهه

شما تلطم صدرهه ايزيد ونهه
......
#الخادم موسى البطلي


https://telegram.me/aabas78 باز کردن / نظر دهید

2022-05-06 00:30:52 رايتنه باچر تعتلي ....فوك المناره
نسمع تأذن ياعلي....فرض الزياره

راية علي فوك الصحن
ونصلي يم گبر الحسن
.................فرض الزياره
*******
باچر تجيلك كربله .
.قائد الحمله بهالفله ..
...............عباس شايل رايته
ارض البقيع اتشب وطن
تلكه الصحن جنة عدن .
..............يترس الدنيا بهيبته
معزب مضيفك بالكرم
يم بابه تلكه شكد خدم
..........موجوده تهتف شيعته
ما ينطفي بيت الحسن
شمعه وتظل طول الزمن
..........باب الله شاهد حضرته

باچر يبو محمد نجي ......حكك علينه
ويانه تمشي كربله.....وحامي الضعينه

سيره ونهج تبقى السنن
ونصلي يم گبر الحسن
*******
السجاد بدموعه يون
جمره ويظل بس حزن
.............بالدمعه صارت قصته
راسم بقيعك بالكلب
بس صعبه بديار الغرب
.............وحشه اليالي حضرته
من كربله اتشوف الجرح
بالحسره عمرك ينذبح
.............تچوي النواظر دمعته
بيا وكت ليلك ينجلي
ويطر صباحك معتلي
.............ونشوف گبرك طلته

هاي الروافض تعتلي....تشوف المناير
گبرك يضاهي للسمه.....انقيم الشعاير

والدمعه صارتلك شجن
ونصلي يم گبر الحسن
********
يم باقر العتره دمع
ونضوي گبرك بالشمع
.................وتشع مناره لسمه
رغما عله أحقاد الظلم
گبرك عرش ما ينهدم
...............بانيته امك فاطمه
اترابك صبح مثل الذهب
غصبا عليهم هل قبب
...........يحرسهه حماي الحمه
والزاير يطوف بشغف
يحتار بعيونه الوصف
.........يجري المدامع من دمه

اتفضل يزاير عاينت......شفت المواكب
والخدمه معروفه وعلي..بأعلى المراتب

والكربله گبرك يحن
ونصلي يم كبر الحسن
*******
باچر بقيعك ينبني
كل شيعي يمك ينحني
...........ونشوفه بعتابك سجد
تلكه العلم والمعرفه
حوزة الصادق مشرفه
.............عنوانهه باب المجد
هاي قبب تنزف دمه
انشاهدهن بعين السمه
..............باچر منايرهن ترد
الغرقد تشوفه معتلي
الاذان شيعي ياعلي
..............ونكول لله الحمد

نتعنه لصادق مشي .....شوف الغياره
عد عينك وداعت علي... رهن الاشاره

تلكانه بالسر والعلن
ونصلي يم كبر الحسن
.*******
انعلي المناره لسمه
تبنيهه باجر فاطمه
..............والمهدي يمهه ورايته
قنبر يجي شايل جرح
يأذن علي بوجه صبح
..............معروفه حيدر نبرته
العباس يترس جربته
اتفضل يزاير دمعته
..............مقبوله صاح زيارته
وحسين عازم كربله
متعني جاب العايله
..........بالونه صارت حسرته

تخضر مواكب بالدرب........اهلا يزاير
ونوزع امراد الحسن......بالعتبه باچر

كلشي الك يصبح وطن
ونصلي يم كبر الحسن
*******
تمت بعون الله تعالى
خادمكم ....يوسف الفتلاوي


https://telegram.me/aabas78 باز کردن / نظر دهید

2022-05-03 00:46:33 أمانينا تسبق تهانينا، وفرحتنا تسبق ليالينا، عيد مبارك علينا وعليكم
بمناسبة عيد الفطر المبارك أتقدم اليكم والى والأمة الاسلامية بأحر التهاني وأجمل الأماني راجيا من الله أن يعيده علينا و عليكم بالخير واليمن البركة. كل عام وانتم بخير باز کردن / نظر دهید

2022-04-30 02:31:27 رفعه وجاه مو بس ابحياتي
خادم وافتخر حتى ابمماتي
وبثوب الخدامه....حققت امنياتي

موقف الطف ابضميري ودمي للموقف نذرته
وانذرت عمري وحياتي بس للحسين وخدمته
واكثر امن اهلي وعمامي إسم محبوبي حفظته
لمن أخدمه قررت...شهره وثمن مادورت
آني ابخدمته اتفاخرت...حسين تكفيني نظرته
تسوه الدنيه كلهه والعوالم
لمن فاطمه اتسجلني خادم
وبهاي الكرامه....حققت امنياتي

للعقيده حسين ضحه ابأغله ناسه وضحه نفسه
خدمته واجب علينه وغايب الما حظر درسه
واليخدمه اينول رفعه ابدنيته الوادم تقدسه
وينول رفعه ومنزله...بالحشر عد رب العله
خادم شبل عقد الوله...نار باچر ماتمسه
والراد ابعقيده يخدم حسين
خل ياخذ دروس امن ام الابنين
ويحصل وسامه...حققت امنياتي

يربح العنده علاقه ويه الحسين وقضيته
بالعشگ والحب تشوفه عابسيه مرجعيته
واحله مابيهه الخدامه البخدامه صفه نيته
حمزه الزغير من عمن...مخلص نسولف بي علن
چي حمزه مادور ثمن...اتشوفه مات وباقي صيته
مرحومين خدام المنابر
همه القدسو هاي الشعائر
اليخلص بالتزامه....حققت امنياتي

إبلا شرط إنطي الحبيبك هوه قدملك وريده
خله يالرادود صوتك يعله للثوره للمجيده
وشاعر اهل البيت أجره عله الزهره بالقصيده
عونه الخطيب اللي سعه...والخادم الهل مدمعه
وناعي المصيبه لونعه...الفگد الحسين وعضيده
عاشر لو صرت لو صرت أول
كله ابدفتر الزهرا امسجل
عند ام الإمامه....حققت امنياتي

غاليه العنده دمعته خل يرخصهه الحبيبه
وكل گلب شيعي وموالي ايشارك المهدي ابنحيبه
عالمصيبه الجرت بالطف مامثلهه اتمر مصيبه
هل دمعك الوجه السمه...لحسين انصب مأتمه
واسي الزچيه فاطمه...وصيح زينب ياغريبه
واخدم يامن اتريد الحقيقه
صيح حسين للباري طريقه
وبدرب السلامه....حققت امنياتي

سيد علي الموسوي


https://telegram.me/aabas78 باز کردن / نظر دهید

2022-04-26 21:02:46 اليتامـه عيــدو نــص المگابر
علي راح ومايرد للناس باچر
مات ابونه مات ابونه
**
العيد اجانه بلحزن اهدومه سوده
واخـذ ويــاه الفرح واعلن صدوده
حتى هذه العيد حزنان اعله موده
چان كــل عيد اليمر يانس وجوده

هسه يتامه نوح وملامه
وصبح العيد اواجانه بكسر خاطر
****
ويه كل مصباح الـه تجري المدامع
وادري بيه الراح مـاضن النه راجـع
العيد فرحه من يمر بس الي فاجع
الفجر كــل اگلوبنه كاسرهـه جامع

عيد اليمرنه ياخذ عمرنه
والدمع صب وتبده ابــوكـت عاثر
****
الراح من عدهم جزه وتعده حده
هسه خله الدمع من عيني ايتبده
چان هوه العيد عدنه واحنه عده
وهسه بتراب الحـد ياوسفه خده

مايرجع النه نحسه وطنه
وهوه ويـه انفاسنه للدوم حاضر
****
لا تــمر يــاعــيد بيــنه الــهم لفانه
الناس كلهه ضوت وغنتب ضوانه
الراح ماضن لحضه يـاوادم نسانه
واليتيم بهــل وكـت عاكس زمانه

تجرحنه نسمه بلدمعه نعمه
بهاي اليالي السود لامـابينه صابر
****
ياذينه عــيد الي يمـر ويهل علينه
واحدنه مايگدر يظم نوحه اونينه
يــاعيـد احلفك بلنبي بس لاتجينه
بلعيد شلنه وغايب وماصح ولينه

بلدمعه ننعاه تمنينه وياه
دنيانه دونه بلضهر طعنت خناجر
****
ابوحيدر
الصبيحاوي


https://telegram.me/aabas78 باز کردن / نظر دهید

2022-04-25 03:10:42 زلزل العباس أميه وگومها
چن إله ونزل بين اعمومها
___

كض رسنها الحيد صگار الزلم
چن اله او نزل منهم ينتقم
بيده سيف ايلامس احدود النجم
نهر بالطف سوه من ادمومها
___

مثل برق السمه رايح للنهر
اتموج صارت كربله ابلا مستقر
وين تشرد ضايع اعليها المفر
هذا ابو فاضل نزل منلومها
___

حيد منهو ايجابله او يتصده اله
الضربه من سيفه تگول الزلزله
او خزرة اعيونه الشجاع اتجندله
وين منه ابياتي او منظومها
___

ما يوصفه لا شعر لا ملحمه
حيث بيهم سوه يوم المشئمه
حير الاملاك من فوگ السمه
مثله ما شافت فحل من يومها
___

يا فعلته بالزلم فوگ الخيال
آنه ما سامع گبل طارت رجال
الروس والذرعان اعله امن الجبال
الجثث عنده بالرخيص ايسومها
___

اربع الآف اوگفت وازيد اضن
انذعرت وصارت فرد ونه تون
والله من الخوف ماهي تستچن
الموت واضح صار فوگ ارسومها
___

بالشجاعه ماله ابو فاضل مثيل
زلمه بالميدان مهيوب او ثجيل
الگاع من يدوسها اتروط او تميل
سيّد افنون الحرب واعلومها
___

ابجيش اميه الچان محسوب ابالف
مثل سعفه اگبال عباس ايخذف
وين يشرد والحرب مابي عرف
والگمر ناوي يدوس اخشومها
___

اصبح بكيفه يطشرها او يلم
وصل للشط واهو ايدوس الزلم
غصب عنهم بالشريعه دگ جدم
وگوم اميه ما صحت من نومها
___

نزل للشط وغرف منه بديه
عمت عيني لاحت الدمعه عليه
اتذكر احسين او سكينه الترتجيه
اليابس امن العطش ضل زردومها
___

شمر من چفه العذب ما يرشفه
وروحه ضلت للفرات املهفه
مثل ابو فاضل منو العنده وفه
مات ضامي عل شريعه او حومها
___

ابو فاطمة الطائي


https://telegram.me/aabas78
قصائد لكل ايام محرم اشترك بالقناة باز کردن / نظر دهید