قصائد حسينية مكتوبه

2022-01-17 16:11:02 اقره الفاتحه وإعگدها هالنيه
بسم ام البنين الحاجه مكضيه
==========
بسم ام الكمر اتوجه اتوسل
عدها لكل صعب بالفاتحه ينحل
امرك لوتعسر يمها يتسهل
خايب ماترد والصعبه منهيه
==========
لودهرك قسه اتعنه وارجاها
توكفلك شرط بالشده تلكاها
حلفها بعزيز الزهره ضنواها
وحلفها بأخيته المشت مسبيه
==========
صح هيه إمرءه بس صاحبه هَدّهْ
والله مجربه للحاجه والشده
لودهرك عليك اتماده واتعده
اقره الفاتحه وبخالص النيه
==========
عدها اربع ولد حلفها بالاربع
خايب ماترد والله ماترجع
باب الله الوسيعه وباب يتوسع
كللها اجيتج وانتي معنيه
==========
بت چود وكرم واخلاقها امضايف
عد هيج إمرءه هالچود ماشايف
وبساتر كرمها يلوذ كل خايف
ليها اتعنه اوصيك آنه بوصيه
==========
تمت ولله الحمد/ المقصر مع الحسين
علي النائلي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-16 13:05:15 مقدمة ليلة ام البنين ع
.
.
.

الفاگدله محبوب .. لـو صـار الغـروب
گلـبه تـره يذوب
مـن گــد الفراگ

---------------------------------

المامچــوايين مـثلي ومــا امتــانين
بطـلي نـوحچ كافـي گــالو لاتــونين
امن الدرب موكافي وگفه يم البنين
ذوله حقــهم نــار گلــبي مامجربين

والعنده محجوب .. لــوصار الـغروب
گلبه تره ايذوب
مــن گــد الفراگ

----------------------------------

زارعه اعيوني اعـله درب الغاضريه
ونار فگد احسيـن چنهـا اتچوي بيه
اوف من يلفــيني وكــت المــغـربيه
انه احس حـته النفس يصعب عليه

البالحسره مصحوب .. لو صــار الغــروب
گلبه تره ايذوب
مـن گـــد الفراگ

---------------------------------

اليشــبه ام الاربـعـــه بدمــوع خــده
خـل يحضـرله چـفن هسه اعـله گده
المنــجـرح دلالــه دلالــه اشـــيــشده
وگلبي هجر حسـين كل ساعه يمرده

والمثلي محسوب .. لــو صار الـغـروب
گلبه تـره يذوب
مـن گــد الفراگ

----------------------------------

المثلي الله ايساعده الـفاگدلـه غالي
من يصبره وعـاميه اعـيونه اللــيالي
البيه سامع عالحچي ون اعله حالي
المابچه كل عمره طگ گلبه وبچالي

والحزنه مكتوب .. لــو صار الغـروب
گلبه تره يذوب
من گــد الفراگ

----------------------------------

اتراب طييه ابكثر ماحس ابحنيني
ظل يـون اوياي چــيه يسمع ونيني
الــناس ظــنها امتـانيه اربــع بنيني
وانه كــل همــي ابو اليــمه يجـيني

والعمره مسلوب .. لو صار الغروب
گلبه تره يذوب
من گــد الفراگ

----------------------------------

حسـين عني بعيــد وگريبــه المنيه
خاف تـبقه بــشوگه نيــراني سريه
نــاذرتــله والله مــن يــرجــع الــيه
روحي اطشنها اعله جدمه واهليه

الگاعد بالدروب .. لو صـار الغروب
گلبه تره يذوب
من گـد الفراگ
----------------------------------
خادم الحسين ع
حيدر تركي الكربلائي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-13 19:26:50 هاي الشايله الوادم إجنازتها
مصيبة كربلاء أوحيده خلتها
......
الأُم لمن تربي أوليدها تريده
من إتموت الجنازة يشيلها بأيده
وتسمعه يصيح يمه العمر ما ريده
ويبوّس راسها ويشتم بشيلتها
.....
مو اربعة مربية وتالي ما تالي
المسير اليشيعها من الوِلِد خالي
وتحس تابوتها المشيول مو عالي
الوادم چا غريبة إضعيفة هِمتها
.......
ما عدها الوليد الينحب بحرگه
ويلطم عالوجه واللابسه يشگّه
ويذب روحه على التابوت ويشبگه
وتحز إبگلبه بالتابوت نومتها
......
تحس حسرات تسمع بالگبر جوّه
لان من ماتت العباس ما هوّه
شتهت يحله العزاء بوگفته الحلوة
ويتلگه اليجي يعزي بمصيبتها
.......
ماتت محد إلها أوحيده متألمه
ما داراها إبنها ومددت يَمّه
ولا واحد الگلها أبريلنه الذمه
ولا وصّته ولا نفذ وصيتها
.....
لحد ما غمضتها العين مشبوحه
لكتر الغاضرية ومنها مجروحه
المثلها اللي مفارگ مهجته وروحه
من إزمان مو هسه منيّتها
.......
الشاعر سماح الجنابي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-13 09:30:55 السيده ام البنين (ع)



ضحت بأربع ولدها
والدمع يحفر بخدها
تشعر امقصره بعدها
ام البنين
1

قدمت اربع ولدها للمنيه
اتگول خاف الزهره ماتقبل عليه
ربت الاقمار وانطتهم هديه
بوجه ابيض باچر اتلاگي الزچيه

قدمتهم دمعه دمعه
للحبيب العدها شمعه
مو عليهم هيه تنعه
ام البنين
2

بعد فاطم حضرت البيت الامامه
هم اسمها فاطم ونالت كرامه
ضحت بأربع بنيها والعلامه
حسين رادت الها يرجع بالسلامه

حچت وياهم يولدي
وي اخوكم اوفو عهدي
حسين منكم اغله عندي
ام البنين
3

من بعد ضيم وعذاب الغاضريه
ظلت ام الاربعه بونه شجيه
ماردتهم ولدي ويرجعون اليه
حسين سالم ردته بس ايرد عليه

مارجع سالم واشوفه
غالي ما أگدر اعوفه
ما شفت گبره واطوفه
ام البنين
4

بعد رحلتها ومصاب الطف عليها
وبعد ماضحت لبو اليمه بنيها
سلمت لامر القدر رفعت اديها
اتسلم اعله حسين واتمنت يجيها

من بعد رحلت صبرها
لان محد ما حضرها
اتمنته يحفر گبرها
ام البنين
5

راحت ام الاربعه الليله بحزنها
محد امن اولادها حاضر دفنها
اتمنته حاضر عزيز الزهره ابنها
چان نزلها الگبره بيده وحضنها

لٱن محد ما وصلها
الفاتحه نقراها الها
الليله بالدمعه ونگلها
ام البنين



شاعر اهل البيت (ع)
رياض الرسل الجابري


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-13 09:30:39 أم البنين عليها السلام تقول
___

إدموعي عالخد سايلة إبفكري بس العايلة
ماردلي من عدكم خبر بس لا خذتكم كربلة
گلبي نحب والحسرة تجويني
ياهو بعدكم هوَ ينسيني
بكل لحضة أفكر بالولي
يمته تردلي يمه يحسيني
....
بقيت الوحدي ماالك اضن جية
_
بالباب يومية انتضر بلكت عليّ لحضة تمر
من شغل بالي والگلب يوليدي يمته انتَ تعَبر

يمته تجي مابيه مشتاگه
كل لحضة انطر بلكي نتلاگه
اليا وكت هذا البُعد
كافي الگلب إيريد عشاگه
....
مو كافي بُعد مشتاگه يالغالي
____
وكت الصلاة گلبي انلجم والحيل كلة انهدم
خفت وصحت ياابا الفضل بس لا حرگوها الخيم

بجيت انة وخفت زينب مأسريها
بس لا بالحبال مجتفه ايديها
علة الناگه تركب بت علي
بعد الگمر الشمر حاديها
....
هاي بيا وكت زينب يجتفوها
___
كملت انه اربع ركع جن گلبي يايمه سمع
إحسين ضامي الوحدة من مهرة عالغبرة وگع

طايح عالوجه واعتنت خيالة
وعباسة وگع عالغبره إگبالة
صاحت زينب وتدمع العين
حسين لوحدة محد اجه شالة
....
طايح عالثرة والخيل اجت لينا
__
السبحه من ايدي اوگعت بس لا زينبنه مشت
عالهزل بلاية ولي وللموته هية حشمت

انه خوفي عليها لايضربوها
خاف هناك بالغربة يشتموها
ومگاطف حجارة والعصي
بحبال اليسر همه يگودوها
....
هاية بت علي گومو إضربوها
____
لخادم أم البنين عليها السلام
سيد حسين الزاملي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-08 10:53:20 فاطمه گلبي هواها
فاطمه اعيوني او ضواها
فاطمه عمري فداها
فاطمه فاطمه
___


اخويدم گاعد ابابچ او غيرچ گلبي ابد ما حب
واسمچ ليّه يل زهراء من حبل الوريد اقرب
محبتچ يم حسن واحسين من ماي الزلال اعذب
اشگد حظ او بخت عندي يوم ابمجلسچ اتعب

مرتفع بالدنيه شانه
مرتفع اسمه ومكانه
مرتفع برض وسماها
فاطمه فاطمه

___

عبد واجويعد امتانيچ اتعطفين او تقبليني
سلًمت الگلب بيديچ ابكيفچ وين ترديني
اوزع ماي بالمجلس لو لطّام وگفيني
لو شاعر واضل انعاچ لو رادود خليني

مالكة عمري وحياتي
مالكة كل امنياتي
مالكة اجروحي او دواها
فاطمه فاطمه
___

وجهت الوجه بس ليچ وسلّمت لج ناصيتي
يمن فدواتچ ايروحون آنه او كل اهل بيتي
ماعندي انه امنيّات بس ترضين امنيتي
ذوق الدنيه بس وياچ يا سمعتي او يا صيتي

طلبتي حد القيامه
طلبتي بس الخدامه
طلبتي منچ رجاها
فاطمه فاطمه
___

بابچ چنّه باب الله متردّين طلّابچ
ابدمع زينب احلفنّچ من تنحب عله امصابچ
لتكسرين گلبي ارجوچ واتطرديني من بابچ
رزقيني الدمع والنوح خل استشعر اصوابچ

خادمچ من البدايه
خادمچ حد النهايه
خادمچ رايد وجاها
فاطمه فاطمه
___

رجواي او امل دنياي بس مرضاتج اعليّه
بايع مهجتي او شاريچ يم اضلوع محنيّه
وسط الگلب يم احسين بانيلچ حسينيه
ما تگطع عزاها ابيوم لطميه اعله لطميه

سلوتي وحبي او جنوني
سلوتي دمعة عيوني
سلوتي تجري ابشجاها
فاطمه فاطمه
___

كل اسنيني الراحن واسنيني التي تلفي
ما مديت چفي ابعوز بس ألچ امد چفي
اريدن لو لفاني الموت اموت او آنه متكفّي
شابع لطم شابع نوح ويّه اضلوعچ اموفّي

ينكتب عد منكر اسمي
ينكتب بالزهره محمي
ينكتب هاذه ابحماها
فاطمه فاطمه
___

ابو فاطمة الطائي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-05 23:28:52 يالتناشد عالهويه
آنه خادم للزچيه

بالمجالس والعزه...روحي ضلت هايمه
واستمع يالناشدت...آنه خادم فاطمه
ذايب ابجو اللطم...وحيل ذبت ابعالمه
وانذرت گلبي نذر...للحسين ومأتمه
وتشهد اجروحي عليه
آنه خادم للزچيه

من جوابي وَضَّحِت...غايتي يالنًّاشَدِت
فكري بالخدمه انشغل...وابد ماعندي وكت
خدمتي أكبر شرف...وآنه بيهه اتفاخرت
إي وحگ رب السمه...أحله منهه ماشفت
فضل من رب البريه
آنه خادم للزچيه

بالصلاة وبالذِّكر...أرتجي ورافع إدَيّ
وادعي يارب السمه...ديم هالنعمه عَليّ
خدمة حسين او هله...كل وكت صارتلي ضَيّ
من يموت اليِخْدِمَه...بين ناسه يُبقَه حَيّ
وافتخر وكت المنيه
آنه خادم للزچيه

بِالعَزيِّه أبقه اهم...لو عليهه اتأخرت
أسرع وگلبي يدگ...خاف ياخذني الوقت
عاشگ وهذا العشگ...من صرت حدما درت
بالمآتم واللطم...أگضي عمري قررت
روحي صارت بالعزيه
آنه خادم للزچيه

حيل قَدَّسْتِ العزه...حظره عندي تنجعل
والحوائج تنگضي...ابحظرة اصحاب الفضل
يا أهل بيت النبي...أندب ودمعي يهل
مايِخَيْبُوني أبد...كل صعب عدهم سهل
أدعي ويحظرون اليه
آنه خادم للزچيه

سيد علي الموسوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-05 01:37:09 نزله نجفيه
لذكرى شهادة سيدة نساء العالمين
السيده فاطمة الزهراء عليها السلام
...............
أبيا ذنب يم الحسن يا فاطمه
منج أثنين الضلوع أمهشمه
أو ساكط عالكاع غارك بالدمه
أو عينج أبسطره النذل عاميها
................
يوم أبن صهاك لصله أو مرضعه
عاود أو باب النوايب شرعه
صرتي أول فاجعه أو يافاجعه
ابمهجته المولى علي خافيها
................
يا بنت طه أو خديجه الطاهره
أشمالها أوياج السقيفه الغادره
سوت المحد أبد يتخاطره
أو غارك أبدم الجرم داعيها
................
ليش غصبو حقج أبنحلت فدك
ليش جف حيدر علي أبحبل أنشبك
ليش محسن حملج الزاكي هلك
ليش زينب يتمو تاليها

أبيا ذنب يا فاطمه شعلو حطب
أو عاملوج أبكل أساليب الغضب
بين باب أو حايط الحيل أنصلب
أشحليها التوها أفكدت غاليها
.................
واه وا ويلاه بسمار الصدر
أشحملج شوغات يابنت الطهر
يا عذر لهل السقيفه بالحشر
حتى ينفعها العذر تاليها
................
شفتي يا ويلات يا زهرة علي
أو قنفذ أبسوطه أعله متنج يعتلي
ولولي أبصوت النوايب ولولي
أو شيعتج بمصيبتج واسيها
...............
خادم أهل البيت
الشاعر : أسماعيل الجوراني
الثلاثاء : 4/1/2022


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-01-03 22:33:50 عبــاس سبـحة فـاطـمه
تسبيحه ذكـره ومرحمه
عبـاس مُهده امن السمه
كله هيبه .. كله طيبه
من فــوگ والله امـدلله
وخــلاه شيــخ ابكـربله
تعظيم نسجد دوم اله
يادخيله .. گمر ليله
الله مـن حيله وجماله قد خلق احله ازلمه
اسمه عباس ابو فاضل چنه سبحة فـاطمه
انسّبح ابحروف اسمه من ضواه غارت سمه
وكفو من شيخ المــراجل ابـن حمــاي الحمه
ياحرزنه الدائم .. يلمخوف الوادم
الله بيك اتباهه .. يعباس
قسّور ايهابونك .. يادخيل عيونك
بيك بشّر طاهه .. يعباس
…………………ـ
عالشگره راكب يا هله
صاحتله تـربة كــربلـه
هنيال جــوده امـدلله
يلوي بيده .. اليصيده
حيل الله بچفوفه تـره
اتهد الثريه اعله الـثره
ببئسِ حمـزه وحيدره
وبفعاله .. ياجماله
گـالـب الحــومه دخيله بعينه خله احبابه
والتعب يخجل يلمسه وكلشي ضل ايهابه
يا زلــم تــوصل الحــده وبيده شد انگـابه
هـــاله قُــدسيه نظرته وسيفه عج اتــرابه
كشخته معلومه .. تشهدلهه الحومه
يا شَرار الساده .. يعباس
ياگمرنه العالي .. شكثر طولك غالي
يلمطشر القاده .. يعباس
…………………ـ
من جبهته اصل الضوه
وذل الــزلـم شال اللوه
ماجاسه شي بس الهوه
والفراسه .. بالحراسه
قـــرآن مــحــد فسـره
ضرغام سبـع الگنطـره
لاوي السيوف الشاهره
التلاگيه .. ماتلاويه
عالمتن شامر الخضره وقاب قوسين وسمه
عالصحاري بسيفه تارس گاع ارض الله دمه
بحضن بــــدويه تَــربه وتفتخر بـــي فاطمه
وهامـت الـــدنيه ابكبرهه ببن حمـــاي الحمه
بالوسامه يقاتل .. يا حلات الكافل
زينب امتانيتك .. يعباس
ترجع انته وجودك .. يلموفي اعهودك
ترجع ابخاچيتك .. يعباس
…………………ـ
من صغره وايحب اللـوه
واتعشگه تــربـة نينــوه
و الله يا ذاكــــه الـهـوى
من رآيته .. من ركضته
مخلوق من طين الوفه
اشما تكثر اعليه طائفه
ايهـز ايـده ويديـر الگفه
حيراهم .. فرهداهم
جيش بالاف ضده وما ملوهه اعيونه
اتبسم وبچه شمرهم وبالملاگه شلونه
ما سِلم بس الركعله ودفن روحه ولونه
جـا اخـو زينب دخيله وحگهم ايهابونه
حار دمه وراسه .. يا دخيل انفاسه
طشراهم سيفك .. يعباس
كلشي بيدك صاير .. يلمحلي العاشر
كلشي والله بكيفك .. يعباس
…………………ـ
عباس روحي الهايمه
عباس اكبر من سمه
عباس ذل بيده الضمه
اخو زينب .. والمجرب
زلـزال وابين العــده
مهيوبه جفه وراعده
ضيم العليهم ما سده
عله واحد .. الله شاهد
بطگته ترعد الدنيه وهله ابشاهين الحرب
الما يلوحه يموته وحده گلبه يوگف بالرعب
جيش كامل طشراهم وما وگف من الضرب
اليـوم يفني الگـوم كلهه ولا فــرار ولا درب
يا هله بريشاته .. رفرفت رآياته
ماكو واحد لاحك .. يعباس
والنـهــر وبطينه .. جيبه يم سكينه
يا صگر بجناحك .. يعباس
…………………ـ
اتضج المجالس بي تره
واسمه مــلاذي ومفخره
ويــــاه دنـــيه وأخــــره
ابوفاضل .. اه يكافل
هيبه وتخوف صورته
وكل الخلايق عشگته
وبالتربه سمره گصته
وبصلاته .. ياحلاته
امبخــره بكــل المجـالس صورته هيبه علي
ابو فاضل يسوه دنيه يسوه عمري وكل هلي
امن الله عشگه بينه يجري عشگ باقي وأزلي
وحته مـن اگصد ازوره هـذا توفيق الله الي
بي تلوذ الوادم .. تحت خيره الدائم
فضلك امكفينه .. يعباس
ما يموت احساسك .. غيرة الله ابراسك
فدوتك ايدينه .. يعباس
…………………ـ

- خيري الصفراني


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-12-31 19:49:39 #نزله

ماتت .. بدمعه ساچبه
ماتت .. وهيه غـاضبه
غضبُ الزهراء .. مـن الاعـداء
بدمعه ساچبه

فـاطمه العـــالمه العــالية الشأن
ماتت وغاضبه اعله فلان وفلان
لعنة الله عليــهم حقــدهم بــان
دَخـلــوا بيـــتها دونه اسـتــأذان
راحت .. وانفجت السمه
راحت .. غاضبه فـاطمه
وهالـدماء .. من الاعداء
بدمعه ساچبه

فـاطمه من ظلمهم صبرت اهواي
ضل گلبهه اعله النبي لليوم شچاي
ومــن حــزنها والهضم يتعلم النـاي
وتنلچم مــن كسرهه حتـه بالمـاي
صارت .. بالحزن ناحله
صارت .. كورده ذابـله
وهالسيماء .. من الاعــداء
بدمعه ساچبه

مارعوهه روعوهه الگـالوا اصحاب
بالحقد هجموا اعليهه الشاهد الباب
بلا ذنــب تنعصر والظــلع ما طـــاب
والــدمع كــل وكـت بعيون الاحباب
ويلي .. خلوهه حـانيه
ويلي .. والدمعه جاريه
قطعُ الاحشاء .. من الاعداء
بدمعه ساچبه

حـرگــوا البيت الخدم ابـابـه جبريل
وراووا الزهره الرجيه الهضم والويل
وصارت امن الكسر من تمشي اتميل
مـا رضت عنهم ابد مـن مـاتت ابليل
فاطمه .. لعنتهم اشكثر
فاطمه .. الأذوهه بالكسر
وهذا الداء .. من الاعداء
بدمعه ساچبه

غـاضبه تدري بـاجــر ويلي الحسين
مـن وراهـم ينذبح وابگلبه نـــاريــن
وتمشي زينب للسبي واطب دواوين
ويا مصايب كربله مو وحده واثنين
صرخه .. وباقيه للأزل
صرخه .. زينب اعله الهزل
وكـــربــلاء .. مــن الاعداء
بدمعه ساچبه

فــاطمه اشمــا حچت چلمتهه قرآن
جــانت ابكـــل صــلاه تلعن الجبتان
لعنت اصحاب السقيفه والسبب جان
مـن وراهــم هالجـــرائم تجــري للأن
منهم .. والشاهد الدمه
منهم .. مظلومه فاطمه
كـل البــلاء .. من الاعداء
بدمعه ساچبه

بــاجـر المهدي يجي وياخذ الثارات
ويا لثــارچ فــاطمه مخطوطه رآيات
يصلب الجــبتين بيـده اعله المنارات
ويهـده ظلعچ فاطمه ابهـاي البشارات

المهدي .. ننتظره عالجمر
المهـدي .. ايحقق النصر
هذا النداء .. من الاعداء
بدمعه ساچبه


- خيري الصفراني


https://telegram.me/aabas78
قصائد لكل ايام محرم اشترك بالقناة باز کردن / نظر دهید