🌺کوانووی خەیاڵ🌺

2021-10-29 21:47:22 حسەین سەفامەنش

شەوان شەو ناڵان باز کردن / نظر دهید

2021-10-28 10:06:07 من لەتاو هیجرانی تۆ دەگریم و ڕەشپۆشم لەبۆت
من بەدەس بەندی خەمت کەوتوومە ناو زنجیر و کۆت

ئەو هەموو شێعرەی کە وا دەیهۆنمەوە بۆ پرچ و ڕووت
وەک تەنافی مەرگه بۆم ڕستە و کەزی پڕ چین و لۆت

بێبەش_پیرانشار باز کردن / نظر دهید

2021-10-28 08:13:59 لەوەختەی تۆ دڵدارمیت
‌هەست ئەکەم پادشای عەرشم
‌کە ئێواران بە یادی تۆ پیاسە ئەکەم
‌وا هەست ئەکەم
‌هەرچی گوڵی کوردوستانە
‌لە سەر ڕێما بوون بە فەرشم
‌شیعرەکانم خەریکە ڕقیان لێم ئەبێ
‌هەست ئەکەن لە خۆم بایی بووم
‌باکم بە دنیا نەماوە
‌فێری تامی شەیدایی بووم
‌شیعر بۆ غیرەت لێ ئەکات گەر لە ئەو ناسکتر نەبی؟
‌من باکم بە خەیاڵ چی یە
‌گەر تۆم هەبی
‌
‌ڕەنج_سەنگاوی باز کردن / نظر دهید

2021-10-28 08:13:09 خۆزگە بەو ڕۆژە تۆ دەست منو گرت
خۆت مەیلو پێ بوو مەجبوورتم نەکرد

خوەت دوور و خوەم دوور بە دووریت قەسەم
لە دووری باڵات ئاگر بە جەستەم

ماڵ بە میوانەو خوەشە
ئەویش دووستی گیانی بێ
سەرو ماڵو ڕوح و گیان
هەمووی بە قوربانی بێ باز کردن / نظر دهید

2021-10-28 08:10:47 کە تۆم بینی، دڵم تۆرا لە خۆشم
لە خۆڕا باوەڕم وابوو نەخۆشم

بە زۆر کێشی دەکردم بۆ پەسیوێک
لە مێشکمدا قەتیس بوون بیر و هۆشم

خەمۆکی دەرکی هیوای گرتبوو لێم
بە ڕۆژ کاس و بە شەو نامۆ لە وێشم

لە گەڵ ئاکاری ڕۆژانەی ژیانم ؛
ببووی ئاوێتە ،هاودەم بۆ شەوێشم

من و خۆم ودڵم هاتینە سەر هێڵ
ئەوان سەرسام و من هێشتا پەرۆشم

لە سەر خاڵێکی هاوبەش کۆکی کۆکین؛
تەنیویە خۆشەویستیت تان و پۆشم

ئەوینت بەختە بارانێکی سەر شێت
بەرامەی مەستی کردووم ، خۆشی خۆشم

خەمی ئەو نیشتمانە ڕۆحی کوشتووم
گەلێ بێ ئۆقرە بۆ ئامێزی تۆشم

وەکوو کۆترێکی بێ جووتی تەریک وام
لە چاوم ون ببی داییم نەخۆشم

لوقمان پیربادینی باز کردن / نظر دهید

2021-10-27 08:57:46 ســڵاوێڪے گەرم
لەڪانگای دڵەوە
پێشکەش بەئێوە ڪە ئەوین لە دڵتان و
خۆشەویستی لە چاوتان و
پێڪەنین لەلێوەڪانتاندایە

ڕۆژ باش خۆشەویستانم باز کردن / نظر دهید

2021-10-09 07:47:54 هەر ماڵێک دەرگای ڵێکردیتەوە
واتە متمانەیان پێکردوویت
بۆیە رێزی ئەو متمانەیە بگرە کە پێان داوی

وابزانە نابینای کە دەچیتە ژوورێ
وابزانە بێ زمانی کە لێی دێتە دەر٭٭


وتەی جۆان باز کردن / نظر دهید

2021-08-08 15:02:06 عەزیزم
ڕۆحی
شیرینم
لە من
بۆچی
کەناری تۆ؟

"عەدنان کەریم" باز کردن / نظر دهید

2021-08-08 14:38:48 "نرخی ئەوین"

چاوەکەم !  بەستە هەتا کەی ئارەزووی باران ئەکەی؟
ئەی هەناسە بۆ بە برژان دائیما تاوان ئەکەی؟

گێژەڵووکە و تۆفی دەوران بێ هەدا هەڵدێن لە دڵ
بۆ لە خۆڕایی و بە بێ هۆ،ناخی پڕ زریان ئەەکەی

کوا ئەوینی بێ بەرانبەر،تا نەدەی گیان بۆ بزەی؟
قەت نەخەیتە نێو خەیاڵت؛ ماڵی خۆت هەرزان ئەکەی

٭"دڵ و گیان و ژیانی دا بەماچێ" مام هەژارێ !
لە هەر سێیان ئەر هەژاری بۆچی هوون و هان ئەکەی؟

مەرگی پەروانە لە بەر تیشکی  شەما شانازییە
ژین خەڵاتی چاوی کەی ، کەی  ئارەزووی هەرمان ئەکەی!

٭ "ناز پەروەردە لە کوێڕا پێی دەنێتە ماڵی یار"؟
تۆ کە وای بۆچی هەناوت توشی دەرد و ژان ئەکەی

با ڕەقیبان ڕێگەکەت پڕ کەن لە بەردی تانەیان
پێت بەرەو پاش گەر بکێشی ، پتەو پێگەی وان ئەکەی

ڕووبەخاڵان ئاوەدێری بێوەفایین ، زایەڵە
بەستە تا کەی ، بۆ بناشتت ، بەس لە نێوچاوان ئەکەی !؟

مادێح_کۆنەپۆشی(زایەڵە باز کردن / نظر دهید

2021-08-07 18:42:58 قانع خۆشناو باز کردن / نظر دهید