2021-09-05 20:23:15
يا هيبة أرض الغاضرية ، بويه يا مذبوح
فاكدتك بنيتك رقية ، بويه يا مذبوح
منك ردت تذكار ، منك ردت تذكار
بويه يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عفتني و ما عفتني و عايش بروحي
ذكرتك بالسبي أكثر من جروحي
بسياط تجرحت ، متت لمن رحت
مشيت و من طحت ، يبويه إشكد صحت
يا ضيها عيني ما تجيني مو شبعت جروح
فكدك ذبحني بويه مني ما سمعت النوح
ما تدري بيه إشصار ، ما تدري بيه إشصار
بويه يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يبويه خطوة خطوة أنشد سكينة
أخويه الغالي عبد الله الحلو وينه
محد شو ضل الي ، مشه و ما رد علي
اليكلي أدللي ، يريحانة هلي
ما هوَ وينه خل يجينه مو تعبنه اهواي
يلزم أديه يحن عليه لو مشه وياي
يحرسني ليل نهار ، يحرسني ليل نهار
بويه يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مشيت ابلا وعي و جروحي تلجمني
الكطع نحرك يبويه ليش يشتمني
أفز لمن يمر ، يسمونه الشمر
عذابي مستمر ، البده بدوسة جمر
من المخيم دهري غيم و استمر للشام
ما يهده وني بويه جني أتعذبت أعوام
حسراتي مال كبار ، حسراتي مال كبار
بويه يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عفتني إشلون وحدي و ما تجي بليلي
جنت يا بويه أغفى من تناغيلي
أصبح بشوفتك ، فرحتي بضحكتك
أعيش بجيتك ، أموت بغيبتك
ضايع دلالي ما بقالي بس بجي وعتاب
يالماكو منك ماكو منك حتى دكة باب
مر بيه لو خطار ، مر بيه لو خطار
بوية يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد ما بالسبي يا بويه لوعونه
وصلنه و بالخرابة اليوم كعدونه
شكثر عنك صمت ، بكثرها إتألمت
تصور بس نمت ، بعجل بيك حلمت
ردتك تجيني ترد حنيني و الضربني هناك
تكسرله إيده و الأريده نمشي آنه وياك
ما بيه حيل أعذار ، ما بيه حيل أعذار
بويه يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
هلا و مية هلا يالفايض إحساسك
صعب كلك تجي و هالجاني بس راسك
هلا و مية هله ، يهيبة كربله
سؤال ارد أسأله ، شفاهك ذابلة
وياك إخذني لا تذبني يم هذول الناس
لو تبقى يمي تجلي همي و هم يرد عباس
يا بويه إنت إختار ، يا بويه إنت إختار
بويه يا مذبوح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#بويه_يا_مذبوح
#علي_حسن_الكناني
رابط الخاص
@Ali22kinani
https://t.me/kinani16
133 views17:23
ا
