🔴 منصة الصحة السورية - MedDose

2021-02-18 16:00:48 حالـة #إسعافيـة_عاجلـة جـداً

#تعديـل : تم #تأمين كامل الدم ؛ شكراً من القلب لكم جميعاً

مريض في #غرفـة_العمليـات الآن بحالة #حرجـة بسبب #ورم_دمـاغي_نـازف وبحاجـة ماسـة #لمُتبرعيـن_بالـدم

• زمـرة الـدم المطلوبـة || O- ||

• المحافظـة : #حمـاة - بنـك الـدم

• رقم التواصل : 0948388896

#ميددوز
#مو_بيناتنا_كيس_دم باز کردن / نظر دهید

2021-02-17 17:03:11 #أخبـار_عاجلـة

عُقب #تأجيل " الإمتحانـات الجامعيـة " في مُعظم الجامعات السورية نشهد تساقُط #كثيف لهرمونات #السعـادة " كالدوباميـن و السيروتونيـن " في أجساد الطلبة #الفارشين ..

بينما يَحترق #النيردات بفعل هرمون #الغضب " الأدريناليـن "
إضافة لطلاب " جامعـة حمـاة " التي أعلنت عدم #مشاركتها في هذا العُـرس الـوطني

تهانينـا الحـارة لجميع من أنقذهم #المُنخفـض من الـ 59
وحـظ أوفـر للبقيـة

انضموا معنا لأكبر تجمع " للأطبـاء والصيادلـة " : https://bit.ly/3pA6xkY

#ميددوز باز کردن / نظر دهید

2021-02-15 15:33:21 كُـل عـام .. 300 ألف #طفـل حول العالم بتتحول طفولتهم لحرب مع #الـسرطان .. وبتبدأ أجسامهم الصغيرة تقاوم مـرض وألـم كبير ..

● وللأسف ؛ أكتر أنواع السرطان يلي عم تهاجم برائتهم هو #اللوكيميا ( سرطان #الدم ) بنسبة عم توصل لـ 28 % من سرطانات الأطفال ..

● ليجي بعده سرطان #الدماغ ؛ الخلايا العصبية الكلية ؛ الخلايا اللمفية ؛ العين والعظام .

● وعلى عكس السرطانات يلي بتحدث عند البالغين ؛ لحد الآن #أسباب حدوث السرطان عند الأطفال غير معروفة بشكل دقيق ؛ ويرجح أن العوامـل الجينيـة الموروثـة من الأهل قد تكون أحدها !

غريب كيف السرطان عم يختار #أقوى وأجمل الأطفـال ليسكنهم .. رغم أنه بيعرف حاله رح يطلع #منهزم من هالمعركة !

بالـيوم الـعالمي لسرطـان الأطفـال ؛ أمنياتنـا و دعواتنـا بالشفـاء و الإنتصـار لجميع مُحاربينا وأبطالنـا الصغار أينما كانوا

منصـة الصحـة السوريـة - مـيددوز . باز کردن / نظر دهید

2021-02-14 12:44:58 ميددوز بيحبكن كتير
صدقونا هالكلمة طالعة من جوا قلوبنا
و يمكن تسألو أنو (شو هالاسباب لي فعلاً بتخلي محبتكن النا حقيقية؟! )

من أول يوم بدت فيه هالدنيا؛ و كانت فيها الحياة ما ممكن تمشي بفرد لحالو
و دايماً كان التعاون و الحب اساس كل نجاح

و عشاكلة الدنيا كان الميددوز
يوم بلش من حدود 3 سنين كانت بداية طفل صغير و خجول و بحاجة مساندة و دعم ليكبر

يوم بعد يوم بفضل دعمكم و محبتكن و الكلمة الحلوة لي عطيتونا ياها و الشعور الايجابي لي كنتو تمنحونا اياه ؛ صار يكبر الفريق

الفريق هو منكن
و الاطباء هنن منكن
و الشبكة منكن

و كل تغاصيل الفريق كنتو جزء منها
سواء كنتو متطوعين داخل الفريق او داعمين من برا ؛ فأنتو بنظرنا جميعاً اعضاء ضمن هي الشبكة الكبيرة

نحنا منحبكن
و كل يوم عم نسعى لنقدم شي يفيد اكتر و ينهي معاناة الناس ( أو يخففها لنكون دقيقين ؛ لأنو المعاناة كبيرة و طاقاتنا بحاجة دايماً لشي يكبرها)

انتو سندنا و الناس لي منعول ع محبتن كتير
كل عام وانتو بخير جميعاً باز کردن / نظر دهید

2021-02-10 23:12:56 باز کردن / نظر دهید

2021-02-10 23:12:33 كلنا منعرف انو كلما تقدمنا بالعمر بيضعف جهازنا المناعي
وانو الكبار بالعمر هنن الأكثر حاجة لاتباع #اجراءات_وقائية وخصوصاً بوضعنا الحالي لحمايتن من العدوى

شو سبب هالشي يا ترا

التفسير هو انو التقدم بالعمر مو بس بيضعف جهازنا المناعي ، كمان بيخليه #غير_مستقر وهالشي بيأثر سلباً على المناعة بجزأيها :

#المناعة_الفطرية innate immunity يلي هيي الخط الدفاعي الأول للجسم ضد الامراض والتقدم بالعمر بيخليا تفشل بالتعافي بعد زوال أي خطر بدئي عجسمنا وهالشي ممكن يسبب التهاب جهازي حاد ومزمن.

#المناعة_المكتسبة Adaptive immunity يلي هيي المسؤولة عن تذكر ومهاجمة العامل الممرض يلي سبق وانصبنا فيه قبل وكلما تقدمنا بالعمر بتفقد القدرة على الدفاع عن جسمنا ضد هي العوامل الممرضة.

وللأسف خسارة المناعة المكتسبة مع التقدم بالعمر مو بس بيخلي الناس أكثر عرضة للاصابة بالعدوى ، وإنما ممكن يعيد تنشيط #العوامل_الممرضة_الخاملة يلي تم تثبيطها سابقاً

كما انو ضعف المناعة المكتسبة بيخلي جسم الكبار في السن أقل استجابة للقاحات متل لقاح الانفلونزا السنوي

طيب والحل كيف فينا نحمي جهازنا المناعي من التدهور مع تقدمنا بالعمر

منقدر نحقق هالشي من خلال تلات شغلات أساسية وكلهن مرتبطين ببعض :

ممارسة التمارين الرياضية بانتظام :

لانو الرياضة المنتظمة بتخلينا نحافظ على نسبة معينة من #الكتلة_العضلية بجسمنا وهي العضلات الهيكلية بتفرز بروتينات اسمها myokines# يلي بتساعد جسمنا على التخفيف من الالتهابات والحفاظ على #وظيفته_المناعية

الحفاظ على #وزن_معتدل :

بما انو الكتلة العضلية بتخفض الالتهابات فالشي الطبيعي انو الدهون بتسبب العكس

وأشارت الدراسات الى انو النسيج الدهني بينتج 30% من #السيتوكينات cytokine IL-6 المحرضة للالتهاب والمتواجدة في مجرى الدم.

بالإضافة إلى انو الاشخاص اللي بيعانوا من #بدانة، جسمخن بينتج #أضداد أقل لما ياخدوا لقاحات بالمقارنة مع الأشخاص معتدلي الوزن.

وأخيراً اتباع حمية غذائية متوازنة :

مع انو مافي دراسات كافية بتربط تأثير الحمية الغذائية المتوازنة بشكل مباشر على منع تدهور الجهاز المناعي المرتبط بالتقدم بالعمر ، بس في كتير أدلة غير مباشرة بتأكد اهميتها.
ولكن نحنا بحاجة لدراسات اكتر لتأكيد هالشي

بالأخير نصيحتنا الكن تحاولوا تطبقوا هالنصائح قدر الإمكان لانو هالشي رح يحمينا من كتير أمراض وآلام لما نكبر بالعمر

■ إعداد الصيدلانية : نور اكريّم

اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .

الـمصـدر العلمي » Medical News Today
https://www.medicalnewstoday.com/articles/immune-aging-and-how-to-combat-it
انستاغرام: https://bit.ly/2LNgb3E
التلغرام الدوائي » t.me/Meddose_ph
الـفريق الـطبّي الـمنزلي » 0996681334

#ميددوز #صحة #التقدم_بالسن #ضعف_المناعة باز کردن / نظر دهید

2021-02-10 09:29:03 زيت جوز الهند وصحة القلب

أشارت الدراسات الى انو سكان بعض المناطق اللي بيعتمد النظام الغذائي فيها على جوز الهند متل سكان غينيا وجزر جنوب المحيط الهادي كانت عندهن #معدلات_منخفضة من أمراض القلب

وهاد بيرجع لدوره بزيادة نسبة الكوليسترول المفيد بالدم HDL واللي بيقلل من خطر الاصابة بالأمراض القلبية

#ميددوز باز کردن / نظر دهید

2021-02-09 18:50:00 باز کردن / نظر دهید

2021-02-09 18:49:52 #أول فيتامين اكتشفوه العلماء

يعد فيتامين B1 أو التيامين من الفيتامينات الأساسية اللي بيحتاجها الجسم ليقدر يحول الطعام الى #طاقة

بالإضافة إلى انو هو عنصر أساسي لصناعة جزيء الأدينوزين ثلاثي الفوسفات ATP# (المسؤول عن نقل الطاقة لداخل الخلايا)

دائماً اول سؤال رح يخطرلنا انو كيف منقدر نحصل عهالفيتامين

لحسن الحظ انو مصادره واسعة ومتنوعة لانو بيتواجد في :

الحبوب الكاملة المعكرونة والارز والخبز المدعم به
اللحوم وخصوصاً لحم الخنزير و الأسماك.
البقوليات(مثل الفاصوليا السوداء وفول الصويا)
البذور والمكسرات

وبالرغم من سهولة الحصول عليه يوجد اشخاص معرضين للاصابة بعوز فيتامين B1 وهنن :

المدمنين على الكحول
كبار السن
الأشخاص المصابون بفيروس نقص المناعة البشرية/الايدز
مرضى السكري
الأشخاص الذين تعرضوا لعمليات جراحية للتخلص من السمنة

أعراض #عوز فيتامين B1 بتضمن :

فقدان الوزن والشهية
الارتباك وفقدان الذاكرة
ضعف العضلات ومشاكل القلب

كما انو النقص #الحاد منه بيسبب متلازمة #بيري_بيري #Beriberi واللي بتسبب : خدر ووخز في اليدين والقدمين، خسارة الكتلة العضلية وضعف منعكسات الجسم.

وكمان ممكن يسبب هالعوز متلازمة #Wericke_Korsakoff ( وخصوصاً في الولايات المتحدة الاميركية )و يلي بتصيب على الاغلب مدمني الكحول وبتسبب : وخز وخدر في اليدين والقدمين، فقدان حاد للذاكرة ، التشوش والارتباك.

يمكن علاج اي من المرضين السابقين عن طريق حقن الثيامين او المكملات #ولكن لايمكن للثيامين إصلاح تلف الذاكره الدائم الناجم عن متلازمة كورساكوف

وبعد ما تعرفتو عاعراض العوز اكيد رح يخطرلكن تاخدو متممات فيتامين B1 وهون لازم ناكد عليكن انو لازم تستشيروا الطبيب اوالصيدلاني ليحددلكن الجرعة المناسبة الكن ، وتقلولو اذا في أدوية تانية عمتاخدوها لانو فيتامين B1 الو تنافرات دوائية مع كل من :

الفوروسيمايد Furosemide ، و الفلورويوراسيل Fluorouracil حيث يخفض كلاهما من مستويات الثيامين بالدم

لهيك مننصحكن تخلوا غذاءكن متوازن دايمآ لحتى تحصلو على كل العناصر المهمة دون الحاجة للمتممات

■ إعداد الصيدلانية: نيرمين سعد

اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .

الـمصـدر العلمي » NIH / healthline
https://ods.od.nih.gov/factsheets/Thiamin-Consumer/
https://cutt.us/xW1SX

انستاغرام: https://bit.ly/2LNgb3E
التلغرام الدوائي » t.me/Meddose_ph
الـفريق الـطبّي الـمنزلي » 0996681334

#ميددوز #تغذية #فيتامينB1 باز کردن / نظر دهید

2021-02-07 20:10:38 باز کردن / نظر دهید