🔴 منصة الصحة السورية - MedDose

2021-01-31 13:34:34 لا تترددوا بتناول الشاي الأخضر أو الأحمر بفضل غناهم بالبوليفينول polyphenols والفلافونوئيدات flavonoids يلي بيلعبوا دور مهم بالبحث عن الجذور الضارة اللي بتخرب الخلايا وتدميرها ، وبالتالي دورهم مهم في #تعزيز_المناعة

من ميددوز منتمنالكم الصحة و العافية

#ميددوز باز کردن / نظر دهید

2021-01-31 13:27:20 باز کردن / نظر دهید

2021-01-31 13:26:53 نسبة كبيرة من البنات بيتوتروا وبيخافوا بس يشوفو أي حشرة أو حيوان وبالأخص الحيوانات الزاحفة متل السحلية أو الحية أو الأشياء مخيفة زاحفة

#هالتصرف_فزلكة_شي

من #الميددوز منقلكن هاد الخوف أبداً مو فزلكةولا مبالغ فيه ، بالعكس هي حالة طبية بيعاني منها #البعض واسمها #رهاب_الزواحف #herpetophobia

وقت نصادف حدا عندو هالحالة ما لازم نستخف بخوفه بالعكس واجبنا نساعده لانو هالحالة مع الوقت ممكن تنعكس سلباً عحياته وتحد من كتير أمور ونشاطات فيها ، لانو رح تخليه يتجنب كل شي نشاطات وأعمال بالأماكن اللي ممكن تتواجد فيها زواحف وهالشي رح يأدي لاصابته باضطرابات القلق واكتئاب شديد

المصابين #برهاب_الزواحف بيعانون من أعراض نفسية وجسدية اهمها :

》 نوبات هلع مزعجة تحدث فجأة و تسبب لهم أعراض جسدية مثل:

تعرق _ احمرار وقشعريرة _ ضيق في التنفس _ تسرع بضربات قلب _ غثيان _ صداع _ شعور بالاغماء _ فم جاف _ الحاجة إلى الذهاب الى المرحاض _ الارتباك _ ارتفاع الضغط...

》 أما الأعراض النفسية عم تتمثل ب:

الخوف من فقدان السيطرة _ الخوف من الاغماء _ الخوف من الموت _ الخوف من الأذى _ جلد الذات _ الابتعاد عن الآخرين _ الشعور بالحزن _القلق والخوف ...

بالنسبة للعلاج يتم الاعتماد على عدة طرق ،
أول طريقة :

》 العلاج بالتحدث الى أحد اخصّائي علم النفس :

بيتضمن التحدث إلى أخصائي مدرَّب حول أفكار ومشاعر وسلوك المريض وهالشي بساعده عالاسترخاء

الهدف من هي الطريقة هي:

مساعدة المريض على التعرف عالأنماط الغير صحيحة في طريقة التفكير والتصرفات وإيجاد طريقة لتغييرها..

بتساعد المريض يفهم نفسه والاشياء بطريقة اكثر تعمقاً ..

》 أما الطريقة التانية هي ذاتية لازم تنبع من المريض نفسه ويتخذ قرار بأنو يساعد حاله ليتغلب على أية صعوبات بتواجهه اللي منها الخوف من الزواحف..

》 بالنسبة للخيار الأخير هو العلاج الدوائي اللي بيتطلب استشارة طبيب ، ولكن هالادوية تعتبر حلول قصيرة المدى للرهاب، وبتتضمن :

︎ مضادات الاكتئاب
︎ مهدئات
︎ حاصرات بيتا

ساعد أي حدا عم يعاني من نوبات هلع وخوف ولا تتجاهلو، بالعكس كون سند الو لحتى يتجاوز هي اللحظة⁦ ⁩⁦ ⁩

■ إعداد الصيدلانية : رغد ميا

اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .

الـمصـدر العلمي » fearof.org
https://fearof.org/herpetophobia/
انستاغرام: https://bit.ly/2LNgb3E
التلغرام الدوائي » t.me/Meddose_ph
الـفريق الـطبّي الـمنزلي » 0996681334

#ميددوز #علم_النفس #رهاب_الزواحف باز کردن / نظر دهید

2021-01-27 23:59:59 هل أنت من الأشخاص المعرضين للإصابة بعوز فيتامين D

للأسف في ناس بيكونوا معرضين للإصابة بهالعوز اكتر من غيرهن ، وهنن :

#الرضع يلي بيعتمدوا عالرضاعة الطبيعية فقط ، لانو على الرغم من فوائد الرضاعة الطبيعية للأسف حليب الام #فقير بفيتامين D.

الكبار بالسن لانو جسمهم ما بيقدر يصنع فيتامين D بكفاءة عند التعرض لأشعة الشمس ، بالإضافة انو الكليتين عندهم أقل قدرة على تحويل فيتامين D الى #الشكل_الفعال اللي بيحتاجو الجسم

لهيك هنن بحاجة للمتممات الغذائية لحتى يحصلوا على الشكل الفعال من فيتامين D.

الأشخاص #داكني_البشرة لأنهم اقل قدرة على تصنيع فيتامين د عند التعرض لأشعة الشمس.

الأشخاص يلي عندهن بعض الأمراض الهضمية
مثل : #داء_كرون ومتلازمة فرط حساسية الامعاء للغلوتين (#الداء_الزلاقي celiac) لانهم لا يستطيعون هضم الدسم .

الاشخاص يلي بعانوا من #البدانة المرضية
بسبب ارتباط الدهون الموجودة في أجسامهم
مع فيتامين D مما يعيق تحرره الى الدم.

ممكن #تتداخل متممات فيتامين D مع أدوية تانية مما يؤدي الى إعاقة امتصاصه أو تخربه ، وهالادوية هيي :

بريدنيزون prednisone وأدوية الستيروئيدات القشرية الاخرى

أدوية التنحيف مثل orlistat ، وخافضات الكوليسترول مثل الكوليسترامين cholestyramine

أدوية الصرع مثل :فينوتوئين phenytoin و فينوباربيتال phenobarbital

لذا ، دائما استشر طبيبك قبل تناول أي دواء

#ميددوز باز کردن / نظر دهید

2021-01-26 23:25:01 كيف فيني احصل على فيتامين D

المصدر الأساسي الو ويلي منضل منسمعو من وقت كنا صغار هوي #الشمس :

حيث أن معظم الأشخاص بيحصلوا على جزء من حاجتهم اليومية من فيتامين D عن طريق التعرض لأشعة الشمس،
بس بشرط نركز عشغلتين :

انو ما بيكفي تتعرضوا للشمس من الشبابيك لحتى تحصلوا عهالفيتامين ، لازم تتعرضوا للشمس بشكل #مباشر خارج المنزل.

كمان لازم نأكد على أهمية استخدام #واقي_شمسي مناسب للبشرة مشان نحميها من الاشعة ما فوق البنفسجية الضارة اللي بتصدر عن الشمس

المصدر التاني المهم هو #الاسماك الدهنية
مثل: السلمون -التونا - سمك الأسقمري ( mackerel )

كما انو بيتواجد بنسبة أقل في الكبد البقري (سودة البقر ) - الجبنة - صفار البيض -الفطر

بالإضافة لبعض الاغذية المدعمة به مثل :
بعض أنواع الحليب - حبوب الإفطار - عصير البرتقال -واللبن -زبدة المارغرين -شراب الصويا المدعمين بفيتامين D

#ميددوز باز کردن / نظر دهید

2021-01-26 18:14:00 باز کردن / نظر دهید

2021-01-26 18:13:46 #قدم الرياضي هو حالة مرضية

#سعفة_القدم (تسمى كمان #قدم_الرياضي) ، هي عبارة عن عدوى #فطرية بتصيب جلد القدمين ، تتميز بأنها :

معدية .

ممكن تنتشر لأظافر اليدين .

سبب تسميتها بقدم الرياضي ، لأنو بتظهر بشكل شائع عند الرياضيين .

مانها خطيرة ، بس ممكن يكون علاجها صعب أو حتى طويل الأمد .

في حال كنت مصاب بالسكري أو أي مرض تاني مضعف لمناعتك ؛ وشكيت إنو عندك قدم الرياضي يفضل مراجعة طبيب أخصائي .

الأسباب :

》 متل ما حكينا بالبداية هيي عدوى #فطرية .

》 ممكن تنتقل العدوى من خلال الاتصال المباشر مع شخص مصاب ، أو عن طريق لمس الأسطح #الملوثة

#مهم نعرف إنو الفطور يلي بتسبب #سعفة_القدم وغيرها من الفطور كمان بتحب البيئات الدافية و#الرطبة ، وبتتواجد كمان و بشكل شائع بالحمامات ، وعلى أرضيات غرف تغيير الملابس ، وحول حمامات السباحة .

عوامل الخطر :

》 ممكن لأي شخص إنو ينصاب ب#سعفة_القدم .

بس بدنا ننتبه لبعض السلوكيات يلي بتزيد من خطر الإصابة ومن ضمنها 》زيارة الأماكن العامة حافي القدمين ، وخاصة غرف الخزائن ، والاستحمام ، وحمامات السباحة وكمان 》 مشاركة الجوارب أو الأحذية أو المناشف مع شخص مصاب بالإضافة إلى 》 إبقاء القدمين رطبة لفترات طويلة من الزمن أو إبقاء الأقدام متسخة بالعرق مع لبس الأحذية الضيقة .

الأعراض :

》 بتشمل ؛ الحكة واللسع والحرق بين أصابع القدمين أو على باطن القدمين مع إمكانية تشكل #بثور على القدمين يلي ممكن تسبب حكة وتشقق بالجلد وتقشيره ،

》 بالإضافة لجفاف الجلد على باطن القدمين أو جانبي القدمين.

》 وأحيانا بتتلون الأظافر وممكن تصير #سميكة و#مفتتة .

العلاج :

غالبا عم تتعالج #سعفة_القدم بالأدوية الموضعية المضادة للفطريات يلي ما بتستلزم وصفة طبية متل ميكونازول و كلوتريمازول ،

وممكن يتم وصف الأدوية يلي بتتاخد عن طريق الفم متل إيتراكونازول أو فلوكونازول أو تيربينافين .

فينا نستخدم أدوية الستيرؤيد الموضعية لتقليل الالتهاب المؤلم .

وكمان المضادات الحيوية الفموية إذا تطورت الالتهابات الجرثومية بسبب البثور مثلا .

المضاعفات :

بتتضمن المضاعفات الخفيفة رد فعل تحسسي تجاه الفطريات ظهور #تقرحات على القدمين أو اليدين .

من الممكن إنو ترجع العدوى الفطرية بعد العلاج .

ممكن إنو المضاعفات أكتر شدة إذا ظهرت عدوى جرثومية ثانوية ، بهالحالة ممكن تكون القدم #متورمة ومؤلمة و#ساخنة .

الوقاية :

حتى نمنع عدوى #سعفة_القدم :

احرص على غسل القدمين بالماء والصابون بشكل يومي وتجفيفا بشكل منيح ، خاصة بين أصابع القدم .

غسل الجوارب والمناشف بالماء وبدرجة 60 درجة مئوية أو أعلى .

طهر الحذاء باستخدام مناديل معقمة أو بخاخات مع إمكانية وضع مسحوق #مضاد_للفطريات على القدمين كل يوم .

لا تشارك الجوارب أو الأحذية أو المناشف مع الآخرين .

ارتد الصنادل في الحمامات العامة ، وحول حمامات السباحة العامة ، وفي الأماكن العامة الأخرى .

ارتد #جوارب مصنوعة من القطن أو الصوف ، أو مصنوعة من ألياف صناعية تزيل #الرطوبة بعيدًا عن الجلد .

غير جواربك لما بتتعرق قدميك .

■ إعداد : د.روزين ونوس

اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .

الـمصـدر العلمي » Healthline
https://www.healthline.com/health/athletes-foot#prevention
انستاغرام: https://bit.ly/2LNgb3E
التلغرام الدوائي » t.me/Meddose_ph
الـفريق الـطبّي الـمنزلي » 0996681334

#ميددوز #جلدية #إصابة_فطرية #سعفة_القدم #قدم_الرياضي باز کردن / نظر دهید

2021-01-25 12:49:02 باز کردن / نظر دهید

2021-01-25 12:48:43 #الزنجبيل_والحمل

تشير بعض الدراسات إلى وجود فعالية محتملة للزنجبيل في علاج #الغثيان الصباحي عند #الحوامل

بجرعة كليّة تعادل 1 غرام/ اليوم

تقسم هذه الجرعة إلى جرعيتين أو ثلاث أو أربع جرعات باليوم ، لمدة تتراوح بين ٣ أيام إلى ثلاثة أسابيع

ملاحظة :

ملعقة شاي تعادل = 5 غرام من الزنجبيل الطازج #المبشور

ملعقة شاي = 1,76 غرام من #مسحوق الزنجبيل ، وبالتالي أكثر من نصف ملعقة شاي بقلييييل = 1 غرام من مسحوق الزنجبيل.

ملاحظة : ممكن يتداخل الزنجبيل مع العديد من الأدوية (مثل بعض الأدوية الخافضة للضغط و الأدوية الخافضة لسكر الدم و مضادات التخثر ومضادات التكدس الصفيحي
》》 لذا يجب استشارة الطبيب أولاً بخصوص تناول الزنجبيل في حال كانت الحامل عم تاخد أدوية

إعداد الصيدلانية : نور اكريّم

المصدر : webmd / healthline

#ميددوز باز کردن / نظر دهید

2021-01-24 20:39:22 باز کردن / نظر دهید