Mohammed Eydan

2022-05-07 12:01:56 باز کردن / نظر دهید

2022-05-05 21:42:35 شلون يصير التجسس على المحادثات ؟ بمعنى ثاني شلون يقدرون يحددون الرسائل المهمة او الحساسة من بين ملايين الرسائل بالمحادثات ؟
الجواب عدهم مجموعة اشخاص يقرون كل الرسائل ويحددون الرسائل المهمة ! طيب هالكلام ينفع لو كان عندك الف محادثة فشلون لو كان عندك ٢٠٠ مليون رسالة بالدقيقة الواحدة (مثلا الواتسب ) !!!
هنا يجي دور مجال يسمى بالتنقيب داخل النصوص (Text Mining) هذا المجال هو جزء من احد فروع الذكاء الصناعي الذي يسمى معالجة اللغات الطبيعية NLP .
الالية الي يشتغل بيها انو ياخذ نص (الف رسالة مثلا ) ومثل ما نعرف انو هذا النص غير مرتب unstructured ويبدي يحلله ويسويله تصنيف اما على المواضيع او الكلمات او الجمل الخ بحيث ينطيني معلومات منظمة Structured وبالتالي فمن السهولة نكدر نستخرج منها المعلومات المهمة لذلك مرات يسموه تحليل النصوص Text Analysis . باز کردن / نظر دهید

2022-05-02 16:44:43 بمناسبة حلول عيد الفطر المبارك أقدم لكم أخلص التهاني وأطيب الأماني، وكل عام والجميع بالف خير اعاده الله عليكم باليمن والبركة . باز کردن / نظر دهید

2022-05-02 04:32:46 اما الموضوع الثاني والي يكون مرتبط او معتمد على الويب مايننك هو انظمة التوصية Recommender System ومرات يسموها منصات التوصية .
طبعا فكرة هذي الانظمة هو شنو الي يحبه او يكرهه المستخدم ، وهذي الانظمة تستفاد من المعلومات الي تحصلها من الويب مايننك وبعدين تقترح بالاعتماد على تلك المعلومات .
يعني شلون ؟ مثل ما ضربنا مثل بالمنشور السابق من نتصفح اعلان بيع حاسبات شخصية ، هنا الفيسبوك عنده نظام توصية متكون من اجزاء ، واحد من هذي الاجزاء هو الويب مايننك خصوصا النوع الثالث الي يحلل المستخدم Usage Analysis ، فيسجل شكد وقت اخذته بقراءة المنشور ( يعني مريت عليه مرور الكرام لو قريت المنشور وشفت الصور ) ومنه يستخلص انو عجبك او لا مثل هذا الاعلان ، فأذا عجبك يبدي الجزء الاخر من نظام التوصية يسوي فلتره للاعلانات ويختارلك الاعلان الي يعجبك (متاجر الحاسبات ) وهكذا .
رغم ان نظام التوصية الخاص بالفيس وبعض محركات البحث والمتاجر عليهم علامات استفهام حول خصوصية المستخدم .
انظمة التوصية والويب مايننك بيهم تفاصيل هواي لكن هذا مجرد ملخص سريع . باز کردن / نظر دهید

2022-05-02 04:03:54 التنقيب في مواقع الويب web mining
من المجالات البحثية الجميلة ويعتبر تطبيق لتقنيات التنقيب عن البيانات Data Mining على المواقع الالكترونية .
بصورة خاصة يركز على دراسة محتوى الموقع او الاعمال Actions التي تحدث على السيرفر المستضيف للموقع .
هنا السؤال شنو الفائدة منه ؟
جرب تتصفح بالفيس اعلان عن بيع الحاسبات الشخصية ، وبعد وقت راح تشوف هواي اعلانات ممولة يعرضها الفيس عن متاجر الحاسبات ! هذا هو الويب مايننك .
انواعه ثلاثة :
١- نوع يهتم بدراسة محتوى المواقع ، يعني مثلا اذا ملاحظ بالفيس من تنشر بعض الاشياء مباشرة يجيك تنبيه من ادارة الفيس وممكن يحظروك .
٢- نوع يهتم بدراسة هياكل المواقع وشلون هذي المواقع تتفاعل مع بعض او مع اجزائها وهذا بالاغلب غايته تحسين المواقع Web Optimization .
٣- نوع يهتم بدراسة سلوك مستخدمين الموقع وهذا اكثر الانواع استخدامها خصوصا بموضوع التسويق .
النوع الثالث ياخذون بيانات من السيرفر الي يسجل كلشي تسويه على الموقع مثلا من تنقر على رابط او تقرا منشور .. الخ ، بس شلون يعرفون انت ؟ كل ما تفتح الموقع السيرفر يفتح جلسة بينه وبين المتصفح الخاص بيك وينطيه رقم فريد او عن طريق الكوكيز (اذا ملاحظ بعض المواقع من تفتحها تظهرلك نافذة اسفل الصفحة تطلب منك توافق على الكوكيز ) .
هذا الموضوع ممكن يستفاد منه طلاب الدراسات العليا او الباحثين كموضوع لمشروعهم خصوصا اذا كدرو يستفادون من بعض خوارزميات تحسين البحث مثل الخوارزميات الجينية او PSO .
على سبيل المثال التنقيب في منصات التواصل الاجتماعي عن الارهابيين او المبتزين او المحتالين .. الخ . باز کردن / نظر دهید

2022-04-30 01:39:20 منهج كورس تعلم الالة بلغة البايثون Machine Learning in Python :
1- ماهو تعلم الالة Machine Learning ؟
2- الأنواع الرئيسية لتعلم الالة
3- ماهي الداتا سيت ؟ كيفية استدعائها والتعامل معها ؟
4- فهم البيانات وتمثيلها .
5- تحضير البيانات قبل البدء بمشروع تعلم الالة .
6- اختيار السمات Features المناسبة من الداتا .
7- خوارزميات التعلم ذو الاشراف Classification and Regression
8- خوارزميات التعلم بدون مشرف Clustering , Association and Dimensionally Reduction and Anomaly Detection
9- خوارزميات التعلم ذو شبه الاشرافSemi-Supervised والتعلم ذو العميل Reinforcement Learning
10- مقاييس وتحسين الأداء .
المنهج أعلاه أيضا سوف يتضمن :
أولا – مراجعة سريعة للبايثون
ثانيا – تنفيذ العديد من المشاريع الحقيقية .
المنهج قابل للتعديل لإضافة بعض المواضيع المفيدة .
متطلبات الكورس : ان يكون لدى المشترك معرفة مسبقة بلغة البرمجة بايثون وأيضا بعض الأساسيات في الرياضيات ( الجبر الخطي , الاحتمالية , الاحصاء, التفاضل .. الخ) .
الكورس موجه لمطوري مشاريع الذكاء الصناعي وأيضا فيه بعض المواضيع المهمة في مجالData Science .
مجموعة النقاش على التلغرام : https://t.me/+YvIlob2ceToyZDky
الموعد : سوف يتم تحديده بعد عيد الفطر المبارك ان شاء الله باز کردن / نظر دهید

2022-04-26 02:55:09 كذلك الامر الثاني الي يحتاج تدقق عليه هو الايميل الي ترسله معلوماتك ، اذا ايميل مجاني gmail, yahoo , outlook .. الخ لا ترسله ، ارسل فقط على ايميل رسمي للشركة او المؤسسة ! لأن بما ان هذه الايميلات مجانية مجهولة المالك فأنت معرض للاحتيال وما تعرف معلوماتك شراح يسوون بيها .
من الحالات الي صارت وتصير بكثره هو مكاتب تعيينات وهمية على منصات التواصل الاجتماعي يطلبون وظائف وهمية وهواي يقدمون ، هذي المكاتب تبيع سيفيات ومستمسكات الي يقدمون لشركات وهذي الشركات تسجلهم كموظفين يمها للتهرب من بعض القوانين ، لهذا ضروري تدقق على هيج امور .
>> يتبع باز کردن / نظر دهید

2022-04-26 02:41:46 من الاخطاء الشائعة بكتابة السيفي خصوصا للتقديم على عمل هو كتابة اشياء ليس لها اي داعي ، فمن الضروري تكون محترف بكتابة السيفي خصوصا يفضل تطبق الحكمة التي تقول (( خير الكلام ما قل ودل)) .
الشركات بصورة عامة تفضل الشخص المحترف ، واول الاشياء الاحترافية والي تعكس صورة عنك هو السيفي حتى لو كان العمل الي مقدم عليه بسيط.
تخيل انت من ضمن فريق الي يقرا سيفيات المتقدمين ، وعندك مية سيفي لازم تقراهم وتختار الافضل بينهم هنا شلون راح تختار !
على العموم اي عمل تقدم عليه ادرسه ، شوف شنو المهارات الي يحتاجهم وحاول تركز عليهم بالسيفي .
يعني على سبيل اذا قدمت على عمل كتقني شبكات ماكو داعي تكتب انو عندك مهارات بالفوتوشوب لان التصميم بالفوتوشوب مهارة بعيدة عن عمل تقني الشبكات .
ايضا ضروري يكون عندك اطلاع على العناوين الوظيفية والمهارات والخبرات المطلوبة لكل عنوان .
نحاول بمنشورات لاحقة التكلم عن ابرز العناوين بمجال تقنية المعلومات ومهارات كل عنوان .
يتبع >> باز کردن / نظر دهید

2022-04-24 15:02:28 شلون الدماغ يحدد موقع الصوت الي نسمعه ؟
بالاغلب يكون الصوت الي نسمعه بكل اذن بي فرق بالتوقيت (ملي ثانية) هنا الدماغ يعمل مقارنة (فرق) بين الاتجاه الايمن والايسر وبالاعتماد على القيم يخمن اتجاه مصدر الصوت ، يعني لو كان الفرق يساوي صفر فمعناه ان اتجاه الصوت قادم من الامام او الخلف .
بنفس هذي الالية Mechanism كدر بعض الباحثين يبنون نموذج ذكاء صناعي يكدر يشتغل بنفس طريقة الدماغ ، سابقا كان اكو هيج دراسات ونجحت لكن فقط ببيئة مختبرية ما بيها اي انعكاسات للصوت وبنفس الوقت فشلت بالعالم الواقعي .
الباحثين بMIT بنوا بحدود ١٥٠٠ نموذج بالاعتمادة على Convolution Neural Network لهذا الغرض ودربوهم ، فقط عشرة من هذي النماذج حصلت دقة جيدة وبظروف معينة يكون اداءه افضل حتى من الدماغ بتحديد اتجاه الصوت .
لازال هذا المجال بي هواي شغل ومفيد للي يحب يشتغل بي . باز کردن / نظر دهید

2022-04-24 01:59:35 خوارزميات Reinforcement Learning . باز کردن / نظر دهید