2022-01-24 05:31:55
*صنما رہِ قلندر سزد اَر بمن نمائی*
ایک اہم موضوع پر یکجا مواد
9 جنوری 2022 بروز اتوار کی اصلاحی مجلس میں شیخ الاسلام حضرت مولانا مفتی محمد تقی عثمانی صاحب مدظلہم العالی نے مناجاتِ مقبول میں موجود مسنون دعاؤں کی تشریح کے سلسلے میں اگلی دعا:
*اللھم انی اسئلک حبک و حب من یحبک....*
کی تشریح فرمائی۔ *اس بیان میں حضرت والا مدظلہم نے اللہ تعالیٰ سے محبت کا تعلق پیدا کرنے کی ضرورت،نفسانی خواہشات چھوڑنے اور دل پر چوٹیں لگنے سے اللہ تعالیٰ کی محبت میں اضافے کی صورتیں، اللہ تعالیٰ کی محبت کے فوائد و ثمرات اور اللہ تعالیٰ کی محبت حاصل کرنے کے طریقوں پر مفصل انداز میں گفتگو فرمائی۔*
یہ مکمل بیان اس لنک پر سنا جا سکتا ہے:
(
)
*اسی بیان میں حضرت والا نے اللہ کی محبت حاصل کرنے کا آسان طریقوں پر بات کرتے ہوئے حضرت مولانا اشرف علی تھانوی صاحب ؒ کے ایک وعظ *’’طریق القلندر‘‘* کا تذکرہ کرتے ہوئے فرمایا:*
*’’اس بارے میں حضرت ؒ کا ایک وعظ بھی ہے جو بڑا عجیب وعظ ہے، اور یہ وعظ حضرت نے شاہ ابوعلی قلندر کے مزار کے قریب مسجد میں کیا تھا، اس لیے ان کا نام بھی طریقِ قلندر ہے، یہ وعظ دراصل ایک فارسی شعر کی تشریح ہے، فارسی شعر یہ ہے:*
*صنما رہِ قلندر سزد ار بمن نمائی*
*کہ دراز و دور دیدم رہ و رسم پار سائی*
ترجمہ: اے صنم! (شیخ یا مرشد) مجھے کوئی قلندرانہ راستہ دکھادو، جس پر چل کر میں منزل تک پہنچ جاؤن، کیونکہ پارسائی کے جو طریقے ہیں وہ طریقے مجھے بہت لمبے چوڑے اور دور نظر آتے ہیں۔
حضرت شیخ الاسلام صاحب مدظلہم نے جنوری 2022 کے اس بیان میں تو اس شعر کی مختصر تشریح فرمائی اور ضمنی طور پر طریقِ قلندر پر بات کی، تاہم حضرت والا مدظلہم نے اپنے 2011 کے ایک اور بیان میں *طریق قلندر* پر مفصل گفتگو فرمائی تھی۔ یہ بہت ہی قیمتی بیان ہے اور اس میں اللہ تعالیٰ سے تعلق مضبوط کرنے پر بڑے موثر انداز میں گفتگو فرمائی گئی ہے۔ یہ بیان اس پوسٹ کے ساتھ آڈیو میں بھیجا جارہا ہے۔ نیز یہ بیان لنک پر بھی سنا جا سکتا ہے:
(
)
حضرت والا نے اس بیان میں طریقِ قلندر والے مذکورہ وعظ کا تذکرہ بھی فرمایا اور ایک جگہ فرمایا:
*اہلِ علم کو چاہیے کہ وہ وعظ بہت اہتمام کے ساتھ پڑھیں، بڑا ہی عجیب وعظ ہے اور بڑے ہی کارآمد مضامین ہیں اور اصلاح کیلئے بہترین ہے۔*
یہ وعظ اس پوسٹ کے ساتھ پی ڈی ایف میں یہاں بھیجا جارہا ہے۔
--------
اس کے علاوہ حضرت شیخ الاسلام صاحب دامت برکاتہم نے حضرت تھانوی صاحبؒ ہی کے ایک ملفوظ کی روشنی میں ایک اور موقع پر قلندر کی تعریف اور اقسام پر تفصیلی گفتگو فرمائی تھی، اور اس بیان میں فرمایا تھا:
*کوشش بھی کرنی چاہیے اور دعا بھی کرنی چاہیے کہ اس معنی کےاعتبار سے اللہ تعالیٰ ہم سب کو قلندر بنا دے۔*یہ بیان اس لنک پر بھی سنا جا سکتا ہے:
(
)
یہ تمام بیانات یکجا کرکے معارفِ عثمانی کے خواتین و حضرات کی خدمت میں ارسال کیئے جارہے ہیں،ان سے فائدہ اٹھائیں اور بندہ کو دعاؤں میں یادرکھیں۔ جزاکم اللہ
█▓█ *معارف عثمانی* █▓█
20 جنوری 2022.
557 views02:31