• حِگايتي 💚🌸

2022-09-01 22:02:38 أن نَنال ما بَكينا لِأجلهِ ، آمين

#تصبحون_على_أمل باز کردن / نظر دهید

2022-09-01 21:27:45 - متتالية الشهور الحنيّنة :

سبتمبر ، أكتوبر ، نوفمبر ، ديسمبر باز کردن / نظر دهید

2022-09-01 21:22:29 ما عرفت زينة كيف نفدت حالا من هالموقف المحرج ، اخدت جزدانا و طلعت من البيت بسرعة ، اخدت تاكسي و رجعت مباشرة على بيتا ، كانت طول الطريق عم تسب حالا لانو ما سمعت كلام اما ، خافت يفهما احمد غلط و يفكر سبب جيتا مشان يرجعو لبعضن ، بالاضافة لانو كانت مستغربة كيف تقربو من بعضن بهالسرعة و قررو يرتبطو !

زينة : عنجد انك غبية يا زينة ! بتستاهلي الموقف البايخ اللي حطيتي حالك فيه ، لو سمعتي كلام امك ما كان صار هيك

وصلت البيت و فاتت هي و عم تحكي مع حالا

زينة : امي ، امي

نوال : تعي انا بالغرفة

فاتت زينة لعندا ، و شافتا قاعدة على التخت و حاملة بايدا كيس اسود ، كانت الغرفة شبه فاضية من الاثاث و التياب ، و واضح انو اما كانت مبلشة حملة الترتيب لتنتقل

زينة : امي ما رح تصدقي شو صار معي ، يا ريتني سمعت….

اتسعت عيون زينة بعدم تصديق و تطلعت باما متفاجئة

زينة : شو هاد

نوال : الالماسات اللي قالو انو مفيد سارقن

زينة : وين لقيتيهن

نوال : بجيبة كنزة بالخزانة

زينة : كيف هيك ! ع اساس رجال رأفت فتشو البيت

نوال : يمكن ما انتبهو

زينة : و هلا شو رح نعمل

نوال : ليكي نحنا مو ناقصنا وجع راس ، رح نبلغ الشرطة احسن شي ، و هني بشوفو شغلن

زينة : معك حق نحن مو قد هدول الناس ، من راسن لراس الشرطة اسلم شي

ما نطرو زينة و اما و فورا راحو على مركز الشرطة ، طلبو يحكو مع الضابط المسؤول و شرحولو القصة من اولا بالتفصيل

الضابط : انتي يا زينة لازم تقدمي شكوى بخصوص اللي عملوه فيكي

نوال : نحن ما بدنا نقدم شكاوي و لا بدنا نفوت حالنا بهيك قصص ، الله يرضى عليك يا ابني ، الالماس و جبناه و كل شي بنعرفو خبرناك فيه ، ما بدنا حدا يعرف انو النا علاقة بكل هالسيرة ، حلوها من راسكن لراس هالمجرمين و خلونا براها انا و بنتي ، نحن مو حمل بهدلة و محاكم

الضابط : طيب رح احترم رغبتكن بهالشي ، و بوعدك ما تنذكر اسمائكن بهالقضية ، حفاظا على سلامتكن ، و مشكورين لتعاونكن

طلعو من مركز الشرطة هني و مرتاحين بانو عملو اللي عليهن بدون ما يضرو حالن

نوال : خلي هالمجرمين ياخدو جزاتن

زينة : هاد حقي و حق ابني !

تاني يوم كانت المحطات الاذاعية و الصحف ما عندن سيرة غير قضية تهريب الالماس و اعتقال رجل الاعمال رأفت ابو الخير و المتورطين معو على ذمة التحقيق

زينة : خلي العدالة تاخد مجراها !

:

بعد مرور خمس سنوات

بشركة سياحية حديثة ، بالطابق الاول و تحديدا قاعة الاجتماعات ، كانت زينة واقفة ، و شكلا متغير كتير عن اول ، صابغة شعرا اشقر و لابسة فستان اسود قصير ، بقوام ممشوقة و ابتسامة بتنم عن ثقة عالية بالنفس ، واقفة و عم تقدم عرض لمدراء شركات مرموقة لتقنعن ينضمو لمشروعا

زينة : و بضمنلكن انو بعد تلت سنين رح نكون استريدنا راس المال كامل و رح نبلش نكسب و بس !

كانو المدراء عم يتطلعو ببعضن باعجاب ، مبهورين بالعرض اللي تقدملن ، و فجأة ندق الباب و فات منو ، شاب طويل اسمر بعضلات ، مدير شركة ملابس انضمت حديثا لمجال النقل ، كان واضح عليه انو متوتر بسبب تأخيرو ، ما كان عم يشوف قدامو ، اعتذر من الموجودين و قعد مكانو ، كانت زينة عم تطلع فيه بعدم تصديق ، بس انتبه عليها ارتبك متلا لكن حاول انو ما يبين هالشي ، و ابتسملا ابتسامة هادية

زينة : و متل ما قلتلكن هالمشروع رح يكسب و بس ! لانو عنا ما في مكان للخسارة !

صفقولا المدراء بحرارة و هنوها على المشروع الممتاز يلي طرحتو ، رغم صغر سنا الا انو كانت فتاة ذكية كتير و على قدر عالي من المسؤولية ، و بعد ما خلص الاجتماع ، انسحبو الكل و بقي الشاب المتأخر عن الاجتماع قاعد مطرحو عم يراقب زينة

عامر : حليانة كتير

زينة : عفوا ، قلت شي !

عامر : قلتا و برجع بقولا للمرة الألف ، كنت حمار لمن ضيعتك من ايدي !

قام عن كرسيه و توجه لزينة اللي كانت واقفة مرتبكة و عم تتحاشى النظر بعيونو و تعمل حالا مشغولة بالاوراق اللي معا ، كان كل ما قرب منا اكتر يدق قلبا اسرع

عامر : عرضك كان رائع !

زينة : بس انت ما سمعتو

عامر : شخص متلك مستحيل ما يقدم عروض رائعة

ابتسمت برقة و تشكرتو على مجاملتو

عامر : تسمحيلي اعزمك على فنجان قهوة ؟

زينة : انا بصراحة

عامر : ما بدي اعذار ! التقينا بعد كل هالسنين ، مو معقول ما اعزمك على شي

زينة : اممم

عامر : يلا ما بدا تفكير

زينة : طيب ماشي

ابتسم عامر هوي و عم يقول بعقلو ، هالمرة ما رح خليها تفلت من ايدي ….

#انتهت .
الى اللقاء في قصة جديدة باز کردن / نظر دهید

2022-09-01 21:22:29 زينة : بدي روح على جامعتي ، اسحب الفصل و قدم وراق نقلي لهون و كمان ….

نوال : كمان شو ؟

زينة : بدي مر على بيت احمد بس خلص

نوال : لشو ؟ ما قلنا رح نسكر قصص الماضي كلا و نبدا حياة جديدة ؟

زينة : لا تخافي مو رايحة قلو يرجعلي ، احمد كان انسان شهم و كريم معي و ساعدني بمحنتي ، لهيك مو حاببتو يبقى اخد عني صورة مو حلوة و يفكرني كنت عم اخدعو

نوال : مع انو مو شايفة في داعي لهالحركة ، بس اذا هيك بترتاحي ….. خلص عملي اللي بدك اياه

زينة : لكن انا رايحة ، بدك جبلك شي بطريقي ؟

نوال : لا ، بس ما تتأخري ، لانو بدي فضي البيت و ضب تيابنا بالشنط الليلة

زينة : يعني خلص نويتي انو ننقل لشقة البحر ؟

نوال : اي ، رح بيع هاد البيت ، لقينالو شرا ، منعيش في الشقة و منتصرف بحقو لبين ما تجي المصاري ، و مندفع اتعاب المحامي

زينة : حل منطقي ، لكن ما رح طول

نوال : الله معك

:

طلعت زينة على جامعتا هي و حاسة حالا متل فراشة نقية ، خالية من الذنوب ، بالا مرتاح و نفسيتا هديانة ، عم تشوف الحياة بمنظار التفاول لاول مرة ، من بعد سنين قهر و ذل طويلة .

فاتت الجامعة هي و عم تسترجع ذكريات كتيرة ، منها السعيد و منها المؤلم ، وجوه بتعرفا و وجوه لاول مرة عم تشوفا ، سلمت على رفقاتا و زملائا ، فتشت بيناتن عن جيهان بس للاسف ما لقيتا

زينة : كسرت خطي و ضيعت رقما ! هلا كيف بدي حاكيها ؟

سألت عنا بين الطلاب بس الكل اكد انو محد شافا اليوم ، بس يئست من البحث عنا ، توجهت لدائرة التسجيل و قدمت طلب نقل لجامعة تانية ، خلصت امورا و توجهت لبيت احمد ، دقت الباب و نطرت ، طلعتلا خالتو

زينة : خالة رغدة كيفك ؟

رغدة : منيحة

احست عليها زينة انو ما انبسطت بشوفتا ، و شكت يكون احمد مخبرا

رغدة : خير يا بنتي شو جابك ؟

زينة : كنت جاية شوف احمد ، هوي موجود ؟

رغدة : اتركي احمد بحالو ، ما بكفي ضحكتي عليه و استغليتي طيبتو و كنتي رح تخدعيه و هو ما قدملك غير كل خير ؟

زينة : انا مو جاية لشي من اللي ببالك ! انا بس كنت بدي ….

و قبل ما تكمل جملتا ، طلع احمد من ورا خالتو ، انصدم بس شافا ، لكنو حاول يخبي صدمتو

احمد : خالتي انتي فوتي جوا ، انا بحكيها

رغدة : بس…

احمد : خلص فوتي

فاتت خالتو لجوا على مضض و احمد حاول يتصرف بشكل طبيعي مع زينة ، رحب فيها و قعدا بالحديقة

زينة : كيفك يا احمد

احمد : كتير منيح ، عايش و مكمل حياتي

غصت زينة بس حست عليه متضايق و بعدو متأثر بسببا

زينة : رح قول و اختصر

احمد : عم اسمعك

زينة : احمد انا جيت اليوم لاعتذر منك ، بس ما تفهمني غلط ، ما عم اقصد شي من اعتذاري غير الاعتذار ….

احمد : اعتذار !

زينة : اي ، انت شاب ما في منك ، طيب و شهم و عندك نخوة ، انا ما شفت منك غير كل خير ، لهيك جيت وضحلك الصورة حتى ما تفكر انو كنت عم اخدعك

احمد : عم اسمعك

زينة : انا بهديك الليلة ، وقت عرضت عليي الزواج كنت ناوية خبرك كلشي ، بس انت ما سمحتلي و شجعتني اكتر وقت قلتلي انك قبلاني متل ما انا باخطائي و عيوبي

احمد : لانو فهمت عليكي شو كنتي بتقصدي ، و كنت حابب وصلك فكرة انو ماضيكي ما بهمني ، حتى لو كنتي غلطانة مع عامر هالشي ما كان رح يغير نظرتي فيكي

زينة : يعني كنت بتعرف و مع هيك اجيت بهدلتني و اهنتني ؟!!

احمد : ما كنت اعرف ، شكيت من حكيك انك غلطانة معو ، و هالشي ما اخدتو بعين الاعتبار لانو كلنا منغلط ، و انا ما بقدر حاسبك على ماضي ما كنت موجود فيه ، بس لمن قلي عامر انو كنتي عم تعملي هالشي كرمال المصاري ، هون نصدمت ! و ادركت انو كنت رح اوقع بفح بنت….

زينة : لا تخجل قولا ، فخ بنت رخيصة بتبيع حالا كرمال المصاري

احمد : ……

زينة : لو خليتني اشرحلك ما كنا وصلنا لهون ، صح انا اخدت من عامر مصاري بس هالشي كان كرمال عملية اخي ، قبلتا على حالي مشان انقذ حياتو مو مشان جخ و اتمصرف متل ما افتكرت ، انت بتشتغل بالمشفى فيك ترجع للسجلات و تشوف انو مبلغ العملية كلف مليونين ، هوي نفسو المبلغ اللي اخدتو من عامر

تفاجئ احمد بالكلام اللي سمعو ، و ما عرف بشو يرد

فجأة هني و عم يحكو اجا صوت انثوي ناعم من بعيد عم ينادي حبيبي ، حست زينة انو بتعرف صاحبة الصوت ، تطلعت لتشوف مين و شافت جيهان جاية باتجاهن ، وقفت زينة مصدومة ، و جيهان متلا ، بقيو عم يتطلعو ببعضن بصمت ، لوقت قرر احمد يكسر هالحاجز و يحكي

احمد : انا و جيهان ارتبطنا و خطبتنا بعد يومين

كان شعور زينة صعب ينوصف ، متفاجئة على مصدومة على حاسة بالاحراج

زينة : ااا انا ما كنت بعرف

جيهان : حاولت دقلك لخبرك بس ما كنتي عم تردي

زينة : اي لانو غيرت خطي ، الف مبروك باز کردن / نظر دهید

2022-09-01 21:22:28 زينة : شو بعرفك ! مو انا بنت رخيصة و ببيع حالي كرمال المصاري ، مو هيك قلتلو لاحمد ؟! يمكن كون عملت علاقة مع غيرك شو بعرفك

عامر : حاج مشان الله ، هاد كلو تخبيص ، عم تقولي هيك لتستفزيني ! بعرف انك معصبة مني

هني و عم يتناقشو بحدية ، فاتت نوال حاملة بايدها صينية الشاي و البسكويت ، حست انو في شي غلط عم يصير

نوال : اا انا جبت الشاي

زينة : ليش عذبتي حالك ؟ عامر كان طالع

انحرج عامر من الموقف اللي حطتو فيه و ما عرف كيف يتصرف

عامر : اي كنت طالع ، بالاذن

طلع عامر هوي و معصب من تصرفات زينة و كلاما ، كان بيعرف انو غلط بحقا ، بس عم يحاول يصلح الوضع و يعتذر ، لكن زينة كانت مصرة على موقفا !

نوال : لك عيب يا بنتي ! ليش هيك عملتي مع الشاب ، ما شفتي قديش تعذب كرمالنا مبارح ؟ و اجا اليوم من الصبح محمل باكياس و اغراض !

زينة : مو عيب ، هاد اللي كان لازم يصير

نوال : ما عم افهم عليكي ؟

زينة : امي انتي صار لازم تعرفي كلشي

نوال : كلشي متل شو ؟

حكت زينة لاما عن كل شي صار معا بالتفصيل الممل من بداية قصتا بعامر و المصاري اللي كان يعطيها اياها ، و قالتلا عن خطبتو ، و السندات و عن ضربو لإلا ، و قصتا مع احمد و كيف فركشلا اياها ، و بعدين قالتلا عن مفيد و عمايلو معا من وقت كانت طفلة و يتحرش فيها ، لوقت ما نخطفت بسببو و تورطو باعمال غير مشروعة ، و عن ابوه لعامر و كيف وصلا هالحالة

نوال : ولي على قامتك يا نوال !!!
ولييييه ولييييه !!
كل هالشي بصير مع بنتك و انتي ما عندك علم !
انا ام انااا ! والله بستاهل الموت

زينة : امي مشان الله روقي على حالك ، بلا ما يصيرلك شي مو ناقصين !

نوال : يا ريتني متت و لا عرفت انو بنتي صار فيها هيك ! بنتي نهانت و تعذبت و حملت مسؤوليات بتهد جبال و انا ما معي خبر ! كيف ما كنت اسال حالي شلون هالبنت عايشة ؟ منين عم تصرف ؟

زينة : امي ما قلتلك حتى تحملي حالك الذنب و المسؤولية ! بترجاكي لا تعملي هيك

هديت نوال بصعوبة ، ما كان سهل عليها تسمع هالحكي ، حملت حالا المسؤولية الكاملة ورا الشي اللي صار مع بنتا ، اعتبرت انو بدون قصد منا دخلت رجال غريب على حياة بنتا لمن تزوجتو ، عذب بنتا و تحرش فيها ، و كمان كترة الشكوى و التذمر طول الوقت خلو زينة تبحث عن مصدر تجيب منو مصاري لتساعد اما ، كان المفروض انو اما تسعى لتلبي احتياجات بنتا مو تترك المسؤولية على بنت بعمر ال19 تشوط فيها الدنيا كيف ما كان

تاني يوم رجع عامر على بيت زينة ، بس هالمرة اتصدتلو اما

نوال : انسى انو تعرفت ع بنتي بيوم من الايام ، و اتركا بالمعروف ، احسن ما روح بلغ عنك و عن ابوك و شنططكن بالمحاكم

عامر : يعني زينة خبرتك !

نوال : اي خبرتني ، و بعد اليوم لازم تعرف انو بنتي صارلا ضهر يحميها و يدافع عنا ، و اللي بدو يدق بشعرة من راسا بدي اكلو بسناني

عامر : انا غلطت و عرفت غلطي و عم حاول صلح كل شي دمرتو ! انا بحب بنتك و رايدا ، و هالمرة غير ، انا عرفت قيمتا و صادق بكل حرف عم قولو

نوال : ما بدنا منك شي ، لا بقى تطلعلا و هاد بكفي ، انسى عنوان هالبيت ، المرة حكيت بالزوق و الادب ، بس اذا بترجع بتدق بابنا مرة تانية رح تشوف شي ما بيعجبك

عامر : طيب متل ما بدك ، انا رح روح ، بس عندي طلب اخير ، اقبلي هدول الاغراض مني لانو صوت جايبن

نوال : كبن بالزبالة نحنا مو بعازتن ولا بعازة اي شي بيجي من طرفك

قالت جملتا و سكرت الباب بوش عامر ، و فاتت لعند بنتا

نوال : عطيني تليفونك

زينة : شو في

نوال : هاد عامر اجا و قلعتو ، و بدي اكسرلك خطك حتى ما يعود يتواصل معك

زينة : طيب

نفذت كلام اما بدون ما تعترض ، اصلا كانت حابة تاخد هيك خطوة من زمان ، و يبدو انو كلام ام زينة مع عامر خوفو ، لانو ما رجع دق بابن بعد هداك اليوم .

مر شهر و صحة زينة تحسنت ، رجعتلا عافيتا ، و شفيت جروح وشا و جسما ، لكن جروح روحا و قلبا كانو بعدن موجودين !

داخل غرفة زينة ، كانت واقفة قدام المراي عم تتزين و تتأنق ، مبسوطة كتير انو رح ترجع تمارس حياتا الطبيعية متل كل الناس ، فاتت عليها اما بدون استإذان ، كانت متحمسة و مبسوطة و السعادة عم تنقط من وشا

زينة : شو صاير امي

نوال : حكاني المحامي من شوي و خبرني انو قرار انشاء الطرق التجارية الجديد صدر بشكل رسمي و تم الاعلان عنو على كل المحطات و الجرايد

زينة : عم تحكي جد يا امي !

نوال : اي والله

بلشت زينة تنط من فرحتا ، لفت اما هي و عم تضحك و ترقص

نوال : بس يا بنتي بس !

زينة : مبسوطة ! مبسوووطة

نوال : هههههه

زينة : و ما قلك المحامي متى رح يدفعلنا المستثمر حق الارض ؟

نوال : قلي انو قريبا بس يمكن ياخد الموضوع شوية وقت ، شغلة شهر بالكتير ، لانو بتعرفي لازم يجمعونا الاخوة كلنا و يعطونا حق حصصنا قدام الشهود و المحاميين

زينة : نطرنا سنين ، معلش مننطر كمان شهر

نوال : اي
شايفتك لابسة و مرتبة حالك ، لوين رايحة باز کردن / نظر دهید

2022-09-01 21:22:28 الطبيب : رح اكتبلا على خروج ، بس بدكن تهتمو فيها كتير منيح بالبيت ، و تراعوها و تلتزم بادويتا

نوال : لا تهكل هم ، بعيوني بحطا

الطبيب : عليها العافية

طلع الطبيب ، و اما لزينة حضرت بنتا و جهزتا ، لتطلع ، عرض عليهن عامر انو يوصلن ، بس رفض زينة كان قاطع بهالخصوص ، و اصرت على اما انو تطلب تاكسي ليرجعو على البيت

عامر : لشو كل هالعناد يا زينة

زينة : عملت اللي عليك و زيادة ، ما بقى تعذب حالك

نوال : اي يا ابني يعطيك العافية ما قصرت

وصل التاكسي ، و بقي عامر معن لحتى امن طلعتن فيه ، و فكر بانو اذا ترك زينة على راحتا ممكن يصفى قلبا من ناحيتو و ترجع تتقبل وجودو بحياتا

وصل التاكسي للبيت و نزلت نوال منو ، و ساعدت بنتا لتنزل ، و على الباب كان يوسف ناطرن مع فخرية

يوسف : اختي شو صاير بوشك

زينة : عملت حادث حبيبي

نوال : ماما اختك مريضة لا تتعبا باسألتك ، خليها تفوت تنام و ترتاح و بكرا بتقعد معا

يوسف : ماشي ، اختي اعملك شي حتى خففلك وجعك ؟

دموعا عيون زينة من براءة كلمات اخوها الصغير ، يلي نزلت متل البلسم على قلبا ، لفتو و صارت تبكي على السكت

زينة : حبيبي انت كون بخير و انتبه على دروسك و انا وقتا بتروح كل اوجاعي

فخرية : الحمدلله على سلامتك

زينة : الله يسلمك فخرية

نوال : يرضى عليكي يا بنتي ، ان شاء الله ما عذبك يوسف ؟

فخرية : يوسف بدو يعذبني ! هاد الولد متل الملائكة ما بيعمل شي يضايقني ابدا

زينة : لانو بحبك ما بيقبل يعذبك ، مو هيك يوسف ؟

يوسف : اي

فخرية : و انا كمان بحبو
بدي استاذن انتي لازم ترتاحي ، بمر لعندك بكرا و بتطمن عليكي

زينة : اذنك معك ، ناطرتك بكرا

جهزت نوال التخت لبنتا زينة ، و كترت المخدات حتى ترتاح بنومتا

نوال : انا رح ابقى حدك ، مشان اذا عزتي شي بالليل

زينة : لا تعذبي حالك ، انتي كمان تعبتي ، روحي ارتاحي

مرت الليلة بهدوء على الكل ، لكن زينة ما عرفت تنام بسبب مشاعرا المتضاربة ، كانت كل شوي تسترجع الاحداث اللي صارت معا

زينة : يا ربي انا بحلم والا بعلم ، معقول كل هالشي يصير معي ! خطف و تعذيب و بالاخر رح صير مليونيرة !

ما قدرت تنام زينة لطلع الفجر ، و اما نفس الشي ، كانت عم تفكر بقصة الارض و الورث ، و الحلم اللي رح يتحقق

طلع الضو و قامت نوال على اشغالا ، جهزت ابنا و بعتتو على المدرسة ، و من بعدا جهزت الفطور و فاتت لعند بنتا

نوال : صباح الخير

زينة : صباح النور امي

نوال : مجهزتلك فطور مرتب ، بتاكلي لوحدك والا طعميكي بايدي ؟

زينة : باكل لوحدي ، انا ماني صغيرة

نوال : قد ما كبرتي ، بتبقي بنتي الصغيرة و المدللة
اسعي هيك لطعميكي

زينة : ههههه امي قلتلك باكل لحالي

نوال : من اليوم و رايح ما رح تغيبي عن عيني ، بدي تبقي قبالي على طول ، و اهتم فيكي متل لما كنتي طفلة ، و حاجتنا غربة و شتات يا بنتي ، قدمي على جامعة هون و خلينا نرجع نلتم

زينة : كنت ناوية اعمل هيك من قبل ما تقولي ، بس صح شوي ، بدي قدم على نقل و ادرس هون ، لازم نبقى مع بعضنا انا و انتي و يوسف

نوال : الله يرضى عليكي

فجأة ندق الباب

زينة : مين هالزاير اللي شايفنا بنومو ؟

نوال : معقول فخرية ؟

زينة : ما بعرف

نوال : رايحة شوف

طلعت نوال و فتحت الباب ، كان عامر واقف على الباب و بايدو باقة ورد كبيرة ، و كياس معبية اغراض و لحم و فواكه

نوال : لشو معذب حالك هيك يا ابني ؟

عامر : زينة لازم تتغذى منيح ليقوى عضما و ترجع توقف على رجليها باسرع وقت

نوال : تفضل تفضل ، عم تخجلنا بكرمك

عامر : له يا خالة انتي متل امي

ابتسمت نوال ابتسامة صفراوية ، و كأنها فهمت المغزى من حكيو و لشو عم يلمح

نوال : فوت زينة جوا بغرفتا

اخدت نوال الاغراض لتفوتن على المطبخ ، اما عامر مشي باتجاه غرفة زينة ، دق الباب مرتين و فات بس سمع صوتا عم تإذنلو بالدخول

عامر : صباح الخير اميرتي

تبدلت ملامح وشا لزينة اول ما شافتو

زينة : شو جابك ؟

عامر : هلا هيك بتسقبلي حبيبك يا بنت !

زينة : عامر عم احكيك بجدية ، لا تتمسخر

عامر : يا زينة مشان الله تسامحني ، والله عرفت غلطي و عم اكل اصابيعي ندامة ، اسمحيلي كون جنبك ادعمك ، و عوضك عن اللي شفتيه بسببي

زينة : خليك بعيد عني و عن عيلتي و بتكون عملت معي معروف

عامر : بس…

زينة : انت و ابوك مجرمين ، قتلتو زوج امي و قتلتو ابني من قبل ما يخلق ، عذبتوني و كنت رح موت بسببكن ، لهيك اطلعو من حياتي و اتركوني عيش بسلام

عامر : هاد الولد كمان كان ابني ! و زعلت عليه متلك

زينة : شو عرفك انو ابنك !

عامر : زينة ! شو بتقصدي !

بان الانزعاج على وش عامر فورا ، و عصب كتير

زينة : ما في شي بيثبت انو هالولد كان ابنك

عامر : زينة لا تستفزيني ! بعرف انو هالولد كان ابني ! انتي ما عملتي علاقة مع حدا غيري ؟! باز کردن / نظر دهید

2022-09-01 21:22:28 الجزء التاسع و الأخير
#أنوثتي_مأساة_شكسبيرية
أنوثتي مأساة شكسبيرية
للكاتبة روز سعد الدين

داخل المشفى ، باحدى الغرف اللي اكتست باللون الأبيض ، كانت زينة نايمة على السرير بسلام ، الصوت الوحيد المسموع بالغرفة ، هوي صوت اجهزة قياس النبض و الضغط ، بحدا اما و عيونا منفخة من كتر البكي على صغيرتا اللي كبرت قبل أوانا ، و وراها عامر مسند طولو على الجدار بجانب الشباك و عم يراقب النايمة بقلب عم تعتصرو الحسرات و الندم ، تململت زينة بسريرا عدة مرات ، و من بعدا فتحت عيونا ، شافت اما قاعدة فوق راسها

زينة : امي انتي هون

نوال : يا حبيبة قلبي يا بنتي ، يكسر ايديهن اللي عملو فيكي هيك

اقتربت نوال من بنتا هي و عم تبكي ، و تبوسا و تلمسلا على شعراتا ، و تسألا اذا محتاجة شي

اما عامر كان عم يراقب هالمشهد الحميمي بصمت مطبق ، شافتو زينة عم يتطلع فيها ، لهيك زورتو

زينة : عامر ، صار فيك تروح ، امي اجت و هي بتبقى معي

عامر : مو مشكلة ، انا كمان حابب ضل

همست نوال بادن بنتا لتستفسر عن هوية عامر

نوال : ليكون هاد الشاب اللي قلتيلي رح يجي يطلبك؟

زينة : لا امي مو هوي ، هداك بطل يجي

نوال : معلش امي ، بيجي الاحسن منو ، المهم هوي صحتك

التفتت نوال على عامر و اتشكرتو لانو بقي حد بنتا بالمشفى و ساعدا

عامر : ما عملت غير واجبي

نوال : كيف صار معك هيك يا بنتي ؟ خبروني انو حادث

زينة : مو حابة احكي عن الموضوع هلا ، فينا نحكي عنو بعدين ؟

نوال : اكيد ، اللي بريحك يا بنتي

زينة : كنتي ببيت خالي حسن مو هيك ؟

نوال : اي ، و عامر الله يسلمو هوي اللي جابني لهون بسيارتو

تطلعت فيه زينة باستغراب ، لانو ما كانت متوقعة هيك حركة منو

عامر : بدنا خدمة تحرز يا خالتي

احست زينة على عامر انو متغير ، عم يحكي معا بلطف مفرط ، و عم يحاول يودا و يتقرب من اهلا

زينة : شو صار معك يا امي ؟ عن حق خالي رح يعطيكن حقكن من الورث

نوال : اي ، كان على اساس يجي المحامي و نتنازلو عن حصصنا و يدفعلنا حقها كاش ، بس لمن دريت انك بالمشفى ، ما عدت شفت شي قدامي ، و اجيت لهون فورا

زينة : بعتذر خوفتك عليي ، بس كنت بحاجتك جنبي

نوال : لا تقولي هيك يا بنتي ، تروح المصاري و الاراضي و كلشي مقابل انو تضلي بصحتك

زينة : طيب ما عرفتو شو سعرا للارض ؟

نوال : اممم مو بالزبط بس ما بظن انو مبلغ كبير ، بتعرفي ارض المزارات نائية و مو كتير بتصلح للزراعة

بس سمع عامر باسم الارض ، تنحنح من مكانو فورا ، و سأل باستغراب

عامر : أرض المزارات ؟!

نوال : اي ، في شي يا ابني ؟

عامر : عم تحكي عن الارض اللي بحد سكة القطار القديمة ؟

نوال : اي ، هاي الارض لابي ، و من بعد ما توفى ما وزعنا الورثة و بقيت على حالا ، و هلا اخي عرض علينا انو يشتري حصصنا و يدفعلنا حقا ، مشان يوزع الورث و يبري ذمتو قدام رب العالمين ، و مشان الحلال و الحرام

عامر : حلال و حرام لكن ! خالتي انتو ما بتعرفو انو هاي الارض بعد شهر واحد بس رح يصير حقا مئات الملايين !!

زينة : شوو !

نوال : كييف ؟

عامر : اي والله ، هاي الارض مطروحة في المخطط الانشائي لطريق التجارة الجديد و المستثمرين رح يدفعو حقا مئات الملايين ليحصلو عليها ، و قرار انشاء طريق التجارة رح يتم المصادقة عليه بعد شهر ، طبعا المعلومات سرية و محدا بيعرف فيها ، بس بحكم علاقات ابي القوية انا سمعت بالخبر ، و حتى ابي كان عم يفكر يستثمر فيها

زينة : الله لا يوفقك يا خالي حسن ! و عم قول كيف دبت الحنية بقلبو مرة وحدة و صار يعرف الله ! بقص ايدي اذا ما كان واصلو الخبر ، و قال شو بدو يوزع الورث مشان الحلال و الحرام !!

نوال : لعما اذا هالحكي صحيح !

زينة : اوعي تكوني وقعتي على شي

نوال : لا ما لحقنا ، اجيت لهون فورا

زينة : الحمدلله ، كانت رح تضيع منا ثروة !

نوال : بس انا لازم حاكي خالاتك و خالك فؤاد حتى ما يوقعو ، بلا ما يضحك عليهن

زينة : اي

نوال : بنتي عطيني تلفونك لحاكيهن

طلعت نوال لبرا تحاكي اخواتا و تحذرن ، اما زينة بقيت مصدومة من الخبر ، و عامر ما كان اقل صدمة منا بس عرف انو هالارض بترجع لجد زينة

عامر : يعني رح تصيري من اصحاب الملايين !

زينة : معقول هيك يصير !

بعد ربع ساعة رجعت نوال على الغرفة ، و طمنت زينة بانو البيعة ما تمت ، و انو محدا من اخواتا موقع على شي

زينة : شي متل الحلم

نوال : انا ما عم صدق ، انت متاكد من هالاخبار يا ابني

عامر : عم قلك ابي كان بدو يستشمر فيها ، يعني لو هالخبر مو اكيد ما كان ابي فكر فيه

نوال : الله يرضى عليك يا ابني ، لولاك كان رح يضيع حقنا

عامر : انا ما عملت شي ، قلت يلي بعرفو

هني و عم يحكو فات الطبيب على الغرفة ، و طمنن اكتر على وضع زينة

الطبيب : الحمدلله وضعا صار احسن بكتير ، و مؤشراتا الحيوية كلا مستقرة

نوال : الله يطمن بالك باز کردن / نظر دهید

2022-09-01 21:21:54 زينة : لانن مجرمين ، هني نفسن اللي قتلو مفيد، قالولي سرق منن الماس ، و خطفوني ليعرفو اذا كنت بعرف شي

عامر : الماس ؟!

زينة : انا متلك استغربت ! مفيد شو خصو بالالماس ، بس لازم خبر الشرطة بكل شي ، بخاف ياذو امي و اخي

عامر : ما رح يإذوهن

زينة : و ليش واثق لهالدرجة

عامر : اللي خطفك بكون ابي

زينة : ابوك !

عامر : انا اكيد انو صاير سوء تفاهم

زينة : ابوك عمل فيني هيك !

عامر : رح تجي الشرطة بعد شوي ، بترجاكي لا تقوليلن شي ، و انا بوعدك انو ما عاد خلي ابي يتعرضلكن انتي و اهلك بعد اليوم ، لسا بدي اقعد معو و افهم القصة على رواق ، اكيد في شي غلط او سوء تفاهم ، شغل ابي بالملابس و الصوف مو الالماس

زينة : …..

فاتت الشرطة لعند زينة و رفضت تعطيهن معلومات بخصوص اللي صار معا ، اكتفت بقول انو حادث ، الشرطة ما اقتنعت بحكيا ، لكن ما فيهن يعملو شي طالما المجني عليها ما بدا تشتكي

الشرطي : طيب اذا تذكرتي شي و حبيتي تحكيلنا خبرينا فورا .

زينة : ماشي

عامر : يعطيكن العافية

طلع الشرطي و بقيت زينة بالغرفة مع عامر ، و براسا الف سؤال

زينة : ابوك مجرم ، هوي قاتل مفيد

عامر : مستحيل ! ابي ما بيعمل هيك اكيد في شي ما بنعرفو

زينة : هوي خبرني بلسانو

عامر : …….

زينة : مفيد كان بيستاهل الموت ، ابوك عمل معروف بقتلو ، خصوصا بعد ما خبرني عن حقيقتو

عامر : زينة ….

زينة : وقت كان يوسف بين الحيا و الموت ، بعت حالي الك كرمال امن مصاريف عمليتو و مفيد كاين معو مصاري ما بتاكلا النيران ! ما عم صدق كيف قدر يكون حقير لهالدرجة

عامر : لحظة ! المليونين كانو مشان عملية اخوكي

زينة : اي

عامر : ليش ما خبرتيني ؟!

زينة : شو كان رح يفرق ؟ على الحالتين كنت رح تستغل حاجتي لتذلني

عامر : انا بعتذر منك ! اذيتك كتير بقصد وبلا قصد

زينة : شو بفيدني اعتذارك ! من بعد ما خربتلي حياتي و قضيت على اخر فرصة كانت قدامي للاستقرار ؟

عامر : زينة خبرت احمد و مو بنيتي اذيكي ! خبرتو لانو ما تحملت فكرة تروحي لرجال غيري ، و كنت بعرف انو ما بيحبك كفاية ليقبل بوضعك

زينة : كنت اتركني انا خبرو ، على الاقل كنت وصلتلو الصورة صح

عامر : ما بقدر بلاكي ! زينة انا بحبك

زينة : ما بتقدر بلايي بس ما بتقدر تتزوجني ، بدك كون الك لوحدك بس انت بدك تكون لغيري

عامر : بعرف كنت نذل معك و تصرفت بانانية ! بس انا و كاتيا عم ننفصل ، رح نفسخ هالخطبة

زينة : حياتك العاطفية ما بتهمني

عامر : زينة بترجاكي عطيني فرصة صلح اخطائي

زينة : اذا حابب تكفر عن اخطائك متل ما عم تقول ، مزع السندات اللي معك و اتركني عيش براحتي بعد اليوم

عامر : بس زينة انا …..

زينة : بظن انو القتل اللي اكلتو من رجال ابوك بيسوى مليونين ! ما اشتكيت عليه بالمقابل بدك تحررني من القيود اللي فرضتا عليي

عامر : انا مستحيل كنت ضرك او احبسك ، بس كان بدي اضمن انو ما تروحي لغيري ، بس امرك رح جيبلك اياهن و انتي مزعيهن

بهالأثناء دخلت الممرضة ، و طلبت تاخد زينة على قسم النسائية لتعملا تنضيفات ما بعد الاجهاض

زينة : ما بعد الاجهاض ؟

تطلعت بعامر باستغراب

عامر : اي انتي كنتي حامل ، و اجهضتي

نصدمت زينة بس سمعت ، شهقت و حطت ايدا على تما ، دمعو عيونا و اختنق صوتا

الممرضة : بعوضك الله ، انتي بعدك صبية صغيرة و العمر قدامك ، و عندك فرص كتيرة للانجاب

زينة : جيبلي امي لهون ، انا محتاجتا

عامر : هلا ببعت وراها فورا

زينة : هي ببيت خالي حسن ، خود رقمو من تليفوني

عامر : تليفونك بقي مع رجال ابي ؟

زينة : اي ، ابعتلي امي و لا ترجع لعندي

عامر : زينة ! بترجاكي لا تعملي هيك

زينة : حضرة الممرضة ، صار فينا نروح

*******
#يتبع في الجزء التاسع و الأخير باز کردن / نظر دهید

2022-09-01 21:21:54 اخد عامر العنوان من امو و انطلق بسيارتو للمكان ، وصل للغابة و صار يدور على الكوخ حتى لاقاه ، بالفعل كان كلام والدتو صحيح ، في تنين حراس واقفين على باب الكوخ ، و واضح انو في شي مهم جوا حتى اخد ابوه كل هالاحتياطات ، ترجل من سيارتو بعد ما صفا بمكان بعيد شوي ، و راح من خلف الكوخ بهدوء حتى ما يحس عليه حدا ، حاول يبحث عن مدخل تاني ، لقى شباك صغير مرتفع شوي شبه مفتوح ، جاب كم حجر و حطن فوق بعضن ليقدر يوصل الشباك ، فتحو بلا ما يطالع صوت ، و تفاجئ بالمنظر اللي شافو ، بنت مربطة على كرسي و شعرا منكوش و كلا دم

عامر : ابي محتجز بنت و عم يعذبا ! شو قصتك يا ابي ؟! شو عم تخبص !

حاول عامر يفوت من الشباك بس ما قدر ، كان حجمو اكبر من الفتحة ، لكنو ما استسلم بقي عم يحاول لقدر ينط جوا ، و للاسف كان صوت ارتطامو بالارض كتير قوي ، لفت انتباه الحراس اللي فاتو على الكوخ فورا من بعد ما سمعو الصوت

تطلعو سامح و انس ببعض مستغربين ، و قالو بصوت واحد

سامح و انس : عامر بيك !

عامر : سامح ! انس !

هدول التنين كانو مرافقين والدو لهيك قدر يتعرف عليهن بسهولة

سامح : بعتك الوالد ؟

عامر : اه …. اي هوي بعتني

سامح : لا تاخدنا لمن سمعنا الصوت فكرنا شي حدا فايت بالسرقة لهون

انس : ليش ما فتت من الباب يا بيك ؟

عامر : اااه كنت عم اتفقد الكوخ اذا في لالو مخارج تانية ، و شفت هالطاقة ، قلت بختبرا بنفسي

سامح : مستحيل تقدر تهرب منا ، لانو بالاساس مربطينا

عامر : اي معكن حق ، انا رح شوف شغلي معا ، انتو رجعو لمطارحكن ، و خلي عيونكن مفتحة

انس : بامرك

انسحبو سامح و انس لموقعن ، و بقي عامر لوحدو ، اقترب من البنت بهدوء ، ما كانت عم تطالع اي صوت ولا حتى عم تتحرك ، وصل لعندا و مسك شعرا بايديه و رفعو عن وشا ، و هون كانت الصدمة ، ما صدق عيونو بس شاف زينة بهالمنظر ، غايبة عن الوعي و كلا دم

عامر : زينة زينة ! ردي عليي !

كان عم يضربا كفوف خفيفة على وشا لتفيق بس ما كانت عم تستجيب

عامر : يا الله رح جن ! ابي شو الو شغل معك ! و ليش عامل فيكي هيك

فكلا عامر ايديها و رجليها و حملا و طلع فيها ، وقفو الحراس التنين مستغربين

سامح : يا بيك ! لوين اخدا

عامر : ابي بيعرف

قال جملتو و انطلق فيها ركض

سامح : شو نعمل ؟ في شي مو مزبوط

انس : خلينا نتصل برأفت بيك

:

كان عامر عم يركض بزينة هوي و مخطوف لونو و ميت رعب ليكون صرلا شي ، كانت غايبة عن الوعي و مو دريانة على شي

عامر : مشان الله ردي يا زينة ، حبيبتي ردي عليي !

حطا عامر بالسيارة من ورا و انطلق فيها ، هوي و بالطريق كان ابوه عم يتصل ، بس ما رد عليه ، كان عارف انو بدو يبهدلو بس ما كان الوقت المناسب ابدا ، عم يقود باقصى سرعتو ، و كل شوي يتطلع فيها بالمراية ليشوفا اذا فاقت

عامر : حبيبتي لا تموتي ! ما فيني عيش بلاكي مشان الله

وصل عامر المشفى و فات على الطوارئ مباشرة ، كان حاملا و عم يصرخ على الممرضين ليساعدوه

الممرض : عطيني اياها ، كيف صار معا هيك

عامر : حادث !

الممرض : حادث ؟!

عامر : مو وقت الحكي ، انقذا شو عم تستنى

جابو السرير المتنقل و حطوها عليه ، فاتو فيها على غرفة الاسعاف ، و ما سمحو لعامر يلحقن ، بقيت جوا ما يقارب الساعة ، و بهالاثناء تليفونو ما هدي اتصالات من ابوه

عامر : اي ابي

رأفت : لوين اخدتا يا حيوان

عامر : على المشفى ، البنت رح تموت

رأفت : الله يلعنك رح تبليني

عامر : لا تخاف ما رح خليها تبلغ عنك ، بالاساس بعرفا لهالبنت

رأفت : بس بدي افهم شو اخدك لهنيك

عامر : بس توعى و اطمن عليها منحكي على رواق و بتفهمني ليش خطفتا و عملت فيها هيك ، هلا بدي سكر

سكر عامر الخط ، و صار ينفخ ، كان متوتر كتير و مو عرفان شو يعمل ، بعد شوي طلع لعندو الدكتور و خبرو انو وضع زينة استقر ، و هالشي ريحلو نفسيتو شوي

الدكتور : شو بتقربلا للمدام

عامر : …… خطيبا

الدكتور : اها ، للاسف ما قدرنا ننقذ الجنين

عامر : ليش زينة كانت حامل ؟

الدكتور : ما كان عندك علم ؟

عامر : ابدا

الدكتور : كان عمرو شهر ، يمكن المريضة نفسا ما كانت بتعرف

عامر : اي

الدكتور : نحن ما خبرناها، خفنا تتازم نفسيتا ، قلنا اذا حدا من قرايبا بخبرا بكون افضل

عامر : طيب هي فاقت ؟

الدكتور : اي ، وعيت ، بس ما عم تحكي شي ، يبدو انها مصدومة

عامر : فيني فوت لعندا ؟

الدكتور : اي بتقدر ، و الشرطة رح تجي بعد شوي تاخد اقوالا

فات عامر لعندا على الغرفة و قلبو عم يتقطع عليها ، شو شافت اذى منو و من عيلتو ، ليش هيك حظا ؟ على طول عم تنظلم و تتعذب

عامر : عليكي العافية

زينة : عامر

عامر : الدكاترة طمنوني عليكي و قالولي انك صرتي بخير

زينة : انا كيف وصلت لهون ؟ اخر شي بتذكرو انو خطفوني و ضربوني بوحشية

عامر : ليش خطفوكي ؟ و ليش عذبوكي ؟ باز کردن / نظر دهید

2022-09-01 21:21:54 رأفت : شو الشغلة شوربة لانو ! ما بتركك حتى لاقي الالماس اللي سرقو مفيد مني

زينة : والله لو بعرف شي عنو لعطيتك اياه

رأفت : انا بتأكد من هالشي بنفسي ، شباب شوفو شغلكن

قال جملتو و طلع لبرا ، و بلش صوت صراخ زينة يتعالى من الضرب و التعذيب .

بمكان تاني ، داخل بيت متواضع باحدى الضيع البعيدة ، كان في عيلة كبيرة مجتمعة حوالين طاولة السفرة و عم ياكلو

نوال : يسلم ايديكي مرت اخي ، هالاكل كتير طيب

سحر : صحا و هنا ام يوسف ، اسكبلك من هدول ؟

نوال : لا تعزبي حالك ، انا بحط

حسن : لمتنا و قعدتنا هاي عندي اياها بالدنيا ، الله يلعن الشيطان كيف سمحنالو يفوت بيناتنا كل هالسنين

نوال : معلش اخي ، المهم الله حنن قلوبنا على بعض ، كل المشاكل رميناها ورا ضهرنا

حسن : انا رح افتح صفحة جديدة ، و بتمنى انكن تعملو متلي ، و حتى اثبتلكن حسن نواياي تجاهكن ، ارض ابي بدي اعطيكن حق ورثتكن منا ، من بكرا بدي جيب مين يتمن الارض و نشوف كل واحد شو بيطلعلو و ادفعلو حق حصتو ، هاي الارض ذكرى ابي الوحيدة لهيك مو حابب انو بيعا لغريب ، بدي اتركا لولادي بالمستقبل يزرعوها و يهتمو فيها ، بس لا تخافو متل ما خبرتكن كل واحد شو بيطلعلو بدفعلو حق حصتو

نوال : الله يديم عزك يا اخي

فاتن : روح ربي يباركلك و يزيدك من نعيمو

فؤاد : انت اخي الكبير و كلامك اللي بيمشي ، بالمحصلة نحن مو بحاجة اراضي بقدر ما محتاجين حقا ، و على الحالتين كنا رح نبيعا و ناخد حقا ، بس هيك انت بتضل اولى من الغريب

حسن : الله يخليلي اياكن

سحر : روحو الله يديم المحبة بينكن و يحننكن على بعضكن

قالت جملتا و تطلعت بزوجا و ابتسمت ابتسامة صفراوية

نوال : تسلمي يا مرت الغالي

:

ببيت اهلو لعامر ، كان قاعد على الصوفاية بالبيت ، لابس تيشيرت و شرط خفيف ، و عم يلعب بلاي ستيشن ، حتى فاتت امو و وقفت قدامو هي و متوترة و متضايقة

عامر : امي بعدي من قدامي ، رح تخسريني

فريدة : عامر لازم احكي معك بموضوع ضروري

عامر : امي اذا بدك تفتحيلي سيرة كاتيا ، بلاها الله يرضى عليكي ، انا من البداية ما حبيتا للبنت و كنت رح اتزوجا كرمال ابي و كرمالك ، و هلا هي اللي طالبة تفسخ الخطبة ، يعني اجت منا و ريحتني من هما

فريدة : منحكي بهالموضوع بعدين ، هلا في شي اهم

عامر : باينتك عم تحكي جد

فريدة : لكن عم امزح !

حط عامر البلاي ستيشن من ايدو ، و ركز مع امو

عامر : عم اسمعك

فريدة : ابوك

عامر : شبو ابي

فريدة : عم يخوني !

عامر : شووو ! منين جبتي هالحكي لك امي ؟

فريدة : صارلي فترة عم حس عليه متغير ، بيطلع من البيت بكير ، و بيرجع متأخر ، اتصلت فيه كذا مرة اسالو وينك يقلي بالشركة و كون قبلها متصلة بالشركة و يكونو مخبريني انو طالع

عامر : بس يا امي هاد مو دليل ! و لا حتى سبب كافي لتشكي فيه انو عم يخونك

فريدة : انا ما عم شك ، تاكدت

عامر : و كيف تاكدتي

فريدة : اليوم الصبح ابوك طلع من الفجر قبل ما يشقشق الضو ، كان مفكرني نايمة بس انا كنت صاحية ، هوي طلع من البيت على السكت و انا لحقتو من بعيد لبعيد ، شفتو فات من طريق فرعي و راح باتجاه الغابة ، بقيت ماشية وراه ، و هنيك شفت شي ما بيتصدق

بلشت فريدة تبكي و عامر حاول يهديها و يفهم منا اكتر شو شافت

عامر : احكي امي شو شفتي

فريدة : ابوك عندو كوخ صغير قدامو مزرعة كبيرة ، و حاطط قدامو رجال تحرسو حتى ما تنضر ست الحسن و الجمال

عامر : يعني ابي مخبي حبيبتو بهاد الكوخ ؟

فريدة : اكيد

عامر : شفتيها بعينك امي ؟

فريدة : ما شفتا ، ما استرجيت قرب حتى ما يشوفوني الحراس ، بس ابوك فات لهنيك و بقي ساعتين ، بعدا طلع وراح على الشركة

عامر : ايوااا

فريدة : اكيد ما كان عم يصلي بهالساعتين

عامر : طيب روقي شوي امي

فريدة : كيف بدي روق و ابوك باع الحب و عشرة السنين و خاني

عامر : يا امي هاد مو دليل كافي للخيانة ، بالمحصلة انتي ما شفتي بنت افترضتي هالشي من راسك

فريدة : بس انا احساسي عم يقلي انو عم يخوني ، و احساسي ما بيغلط

عامر : يا امي ما بصير هالحكي لازم نتاكد بالاول

فريدة : و كيف رح نتاكد

عامر : انتي عطيني العنوان و انا بروح بتاكد بنفسي اذا كان مخبي حبيبتو بالكوخ متل ما عم تقولي

فريدة : ماشي رح اعطيك اياه ، بس لا تقلو شي

عامر : ما رح قلو شي ، بس ع الاغلب هالكوخ يكون مستودع شغل مو متل ما فكرتي

فريدة : لو مستودع شغل ليش ليكون بمحل بعيد و مخفي

فكر عامر شوي و حس انو امو ممكن يكون معا حق

عامر : طيب رح روح افهم شو في بهالكوخ و ارجع خبرك

فريدة : و اهم شي ابوك ما يحس علينا ولا يعرف انو شاكين بشي

عامر : ماشي باز کردن / نظر دهید