2022-06-21 16:20:47
و لمن أغير من نفسي عشانهم كده أكون نزلت لمستواهم بس لا أكثر
كلنا جوانا في الشر و الحقارة لكن ما مفروض نتعامل مع الناس برد الفعل، بل بقراراتنا الواعية اللي بتمثل شخصيتنا و اختيارنا الراضين و مقتنعين بيهو
و أنا شخصيا مع أنو كلامك فيه من المنطق لكن ما اقتنعت بيهو
التعليق ده عجبني الصراحة بس حابب أرد عليه :
- لمن تعامل بالمثل ده ما بيعني إن خالفت أصلك " لأن ماف زول فينا بيتولد وهو فيه جانب واحد بس ، نحن ما بنتولد يا كويسين او كعبين لا نحن بنتولد وجوانا السوء والطيب "
- كونك تحاول تتعامل بأخلاقك دي حاجة كويسة جدا ، بس السؤال هل لو شخص أساء لي ورديت عليه ده بيعني إن دي مش أخلاقي ؟ لا دي برضو أخلاقي ..
- أنا شخصيا ما بحبذ إن الزول يكون طيب بس ، بحب إن الشخص يعرف متين يكون طيب ومتين يكون كعب ..
- إنت ممكن تتجاوز مرة واتنين وتلاتة ، بس في المرة الرابعة لو إتجاوزت يبقى مفروض تراجع نفسك " لأن إنت إذا شايف إن كلام الشخص مش حايأثر عليك أو على سمعتك فيبقى هنا إنت غلطان "
- زي ما ذكرت ، انا ما قلت ليكم أبقوا سيئين ، بس قلت ليكم ما تبقوا مساكين " لمن تعامل شخص بنفس أسلوبه ده ما بيعني إنك سيء ، وما ظنيت إن دينيا ممكن تتعاقب على الحاجة دي " بس برضو لكل قاعدة شواذ فالكلام ده مش معمم
يعني لو زول سب لأهلي فأنا هنا مش حأسب لأهلوا وأنزل لمستواه ، بس أنا ممكن أظهر الجانب الكعب جوايي وأخذ حقي بدل أسامح ..
زول بتعرض لي يوميا في الطريق ما صح إن أتغافل على طول لأن بإسلوبي ده بديه الفرصة إن يواصل ، لكن لمن أوريه العين الحمرة ممكن يخاف ويرجع لورا ويخاف يكرر إسلوبه في المرة الثانية ..
- كونك تطلع الجزء الشرير الجواك ده ما بيعني إنك زول كعب ، ده بيعني إنك زول طبيعي والله ، من حقك تنفعل ومن حقك تتشاكل ومن حقك تكورك ومن حقك تغضب ومن حقك ما تعفي ومن حقك ما تسامح ، فماف قاعدة بتقول إن لازم تبقى كويس على طول لان ده من سابع المستحيلات ..
- وأخيرا لمن تقرر إنك ماتبقى مسكين ده والله ما بيعني إنك زول كعب ، بالنسبة لي ده بيعني إنك ياداب نضجت وبديت تفهم صح ، وكونك ما تبقى مسكين ده ما بيعني إنك تظلم وتتشاكل مع اللي بيسوى وما بيسوى بس ده بيعني إنك ما حاتخلي زول يتخطى حدوده معاك ، وحاتجبره يحترمك قبل تحترمو
367 views13:20