2022-06-17 07:45:58
پێشکەشە بە شێعری "سێوی میخەک ڕێژ" ی کاک سەلاح کوردی
بە دەسی من من و پای تۆ تۆیی
پەل ئەبێ ئەشق و دەگا ڕۆڕۆیی
نە منێ ئەودەمی دەیبێ چ دەماخ
نە دەبێ بۆ تۆ بە هۆی دوو پۆیی
هەڕەتی خۆشی دەبێ تێپەڕ زوو
سەرەتی دەردە بەرەو نێوخۆیی
مەیە سەر باری تەبایی تا هەر
سەبەبی خەم بێ کەشی نامۆیی
نەڕەوێ بۆ لە سەر ئەو چاوەت تەم
چ نەبێ شەوقی نیگات ئاسۆیی
مەیە نا هەر مەیە هەنگاوێکیش
نەوەکوو دەرچی لە خووی زارۆیی
چەنە ئەم دۆخە وەمێنێ تاریک
چەنە ئەو ژوانە بڤە و تابۆیی
وەرە دەر قاوخی خەم بشکێنە
وەرە جێژنێکە دەسەو کادۆیی
گەلەکت کەیفە بە تۆران و ناز
بەسە ڕێی من من و ڕای تۆتۆیی
سۆران حوسێنی
91 views04:45