2021-07-03 20:25:43
ربيـــــــــــت إويـــــــــــاك ( تجليبه )
شاعر أهل البيت / جابر النجفي ـــ التاريخ 9 / 10 / 2011م ــ 11 / ذي القعده / 1432 هـ ـــ ديوانيه 07804314411
اناغيك إو تناغيني === رُبيت إوياك ياعيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رُبيت إوياك ياروحي إو ضُوَه عيناي
يبو اليمّه صرت إنتَ بدر دنياي
ما مرّت على بالي محِنْتَك هاي
أشوفك ياوحيد إبّين ذوله إعداي
رِدِت إنتَ التواسينــي == رُبيت إوياك ياعيني
ـــــــ
أبد ما غابت إعيوني إو نست رسمك
أسمع صوت أمّي من يُمر إسمك
أشم عُطر الرساله من طُهر جسمك
يريت إوياك أروح إو أندفن يمّك
تريد إنتَ تِخَلّينــي == رُبيت إوياك ياعيني
ــــــــ
يخويه إشلون عنّي إتروح يامظلوم
وظل وحدي أشيل إهموم فوﮒ إهموم
كفيلي راح أبو فاضل وﮔﻊ بالحوم
وشوف الشر علينه ياولينه إيحوم
تنادي خويه وَدْعيني == رُبيـــــت إوياك ياعيني
ــــــــ
إكشف ياشهم صدرك إلي يحسين
نحرك رايده أشـْتمـّه ينور العين
صدرك رايده لَثْمَه يخويه الحين
وصيّة فاطمه هاذي يبو الطيبين
وصِيّتْها تبارينــــي == رُبيت إوياك ياعيني
ـــــ
تُوَصّيني يبو اليمّه على الأيتام
أنَــــــــــه إبعيني أباريهم أبد ما نام
أحمي العايله من جور كُل ظُلاّم
إذا شرهم نشر غيمه علينه إو حام
وصيتك هاي تاذيني == رُبيت إوياك ياعيني
ــــــــ
ما أﮔدر أشوفك ياولي مذبوح
عليك السيف والرايه تُوِن وإتنوح
شلون إتظل بعد عينك عفاها الروح
تظل يمّك يبو الغيره تشد إجروح
دمعي إيسيل يعميني == رُبيت إوياك ياعيني
ــــــ
وعد ياخويه منّي أرفع الرايه
أميّه أفْضَح وصير الثورتك آيه
وحافظ عالمسيره الظافره الغايه
ولا ذل للظُلم أبني إلك ثايه
عِزّه إو زود تنطيني == رُبيت إوياك ياعيني
ــ
مع تحيات شاعر أهل البيت / جابر النجفي
798 views17:25
ق
