Stories 📖

2023-07-03 22:23:31 كان في نسيم بارد..بترفع راسها للسما،كان يادوب عم تتبدل للون الأزرق الفاتح..ورايح يصير الفجر

بيفوتو عالبيت..وبيتوجه أول شي روح ليولع الدفاية لأن واضح الجو بارد

بتمسك المفتاح وبتقفل الباب..وبتخبيه بمكان بدون ماينتبه روح

وبتأعد بأبعد نقطة عن روح

روح:وهيك شغلناها

بيبرم بيلاقيها آعدة بالزاوية

بيبتسملا وبيقرب منها:هديتي؟بتحبي نبقى كم يوم هون لترتاحي

ريحان:يمكن أنت ماتريد تبقى معي هون

بيرد بيبتسملا:ليش بتفكري فيني غلط..لو بقدر ابقى معك العمر كلو هون..لحالنا أنا وأنتي مابقول لا

بتبتسملو بعيون عم تغزل حب،بيقرب منها وبيسحب الشال عن راسها،كانت ريحتو مخدرتا بالكامل..ماعاد قدرت تسيطر ع مشاعرها بين أيديه..بيقرب وبياخد نفس عميق من طرف عنقها

بعد لحظات بيرفع راسو وبيطبع قبلة حب بتخليها تدوب بين أيديه

بيبعد عنها شوي لياخد نفس ويهدا

روح:بعتذر..

وردو خدودها بقوة،وماعاد تعرف شو تعمل

ريحان:عادي..تعودت عليك وأنت تصعبا علي أكتر

روح:مافهمت..

ريحان:بكلشي،كل ماخطط لشي،أنت تفاجأني بشي وتخليني استصعب الموضوع أكتر

روح:...فيكي تحكي يلي بقلبك عم اسمعك

ريحان:أوعك تقاطعني

بتسكت ومابتقدر تحكي

بيقرب منها وبيضما

روح:أحكي هيك..يمكن رح تتشجعي اكتر

بتضمو بكل قوتها وهالشي بيأكدلو كمية وجعها

بترجع لخيالها لبعيد كتير لسنين بعيدة مرت

ريحان:وعيت عالدنيا،مع أمي وخالي،كانو كتير متناقضين وكتير يتخانقو،بس هنن أغلى شي عندي بعد مابابا تركني..كل طفل بيتربى ع أساس..كان الأساس عنا مختلف بصحا ع دموع أمي وبنام ع دموعها،كلشي منملكو مابيعجبا،لا البيت ولا الأثاث ولا حتى الملابس..ربتني ع كلمة(لو ماعمك..كنا بمكان تاني هلأ)

بيسمعا للآخر..كان عارف شوي عم مرت عمو من أبوه

ريحان:كنت صغيرة وماأفهم عليها شو قصدها..لكبرت وهي عم تقلي (عمك مابيساعد أبوكي مع أنو وضعو أفضل مننا...عمك ماعم يسأل عنك)لما كبرت واسمع أنو عم يتصل فيني تقلي معقول تقبلي تحاكيه بعد كلشي عملو فينا..وشو يلي عملو فينا؟صار لازم أعرف..لأني كبرت..كنت فكر حالي كبرت بس بالحقيقة..الوجع يلي حملتني ياه أمي أكبر من عمري..حكتلي أول شي عن كره عمي ألنا..حكتلي كيف عمي رفض مشروع مهم بحياة أبي..وكان أبي يسمع كلامو بكلشي لأنو بيثق بقراراتو..وهاد المشروع كان كفيل أنو يعيشنا عيشة كريمة ومتل كتير ناس

روح:آسف بدي قاطعك..حكالي هالشي بابا،بس بأكدلك كان المشروع فيو حرام..لهيك رفضوه سوا..أبي وعمي..كملي

ريحان:لينفتح علينا باب جديد..(عمك قتل أبوكي)


بيبعدها روح عن حضنو:كيف؟شو قلتي..؟

ريحان:بابا مريض سكري..وعمو جبلو أنسولين منتهية مدتو

روح:لأ..مو هيك مستحيل

ريحان:مستحيل شو؟أنا كنت أعرف المستحيل؟

روح:بابا منبهو أنو ينتبه عالمدة..أنتي مابتعرفي كيف أبي فات بحالة نفسية من ورا هالموضوع أنا بتذكر هيك شي ومتأكد أبي ماكان بيعرف

ريحان بدموع:متأكد؟

روح:أقسم بالله..أبي كان منبهو لعمي ينتبه عالتاريخ قبل مايستخدمهن

بتبكي بغصة

بياخدا لحضنو:أهدي..يمكن أمك ماصدقتهن

ريحان:شو بدك من بنت تربت عهيك كره..أنت نفسك إذا حدا خبرك أنو سبب وفات أمك شخص..شو بتكنلو غير الكره؟

روح:..

ريحان:وكبرت..وأمي عم تسمعني أنو ماعاد نقدر نعتمد عخالي بكلشي مصاريفي أنا وياها

روح:بس...بابا كان يبعتلا كل شهر مصروفك

بتبلع بريئها بصدمة..بتبعد عن حضنو وبتوقف

روح:بعتذر خلص..صدقيني رح اسكت

ريحان:أنت متأكد؟

بياخد لحظات قليلة بيفتح الموبايل عن قبل كم سنة وبيورجيها حسابات البنك كيف عم تنتقل لأمها بمبلغ شهرياً

روح:مالازم احكي..بس لازم صلح نظرتك بأبي

ريحان:بعد شو؟بعد ماقلبي صار أسود من الحقد والكره؟بعد ماالانتقام انزرع براسي

روح:انتقام شو؟

ريحان:انتقامي من الناس يلي قتلو أبي..وعيشو أمي كل عمرها عم تبكي..وذلوها

روح:...

ريحان:بعرف..كلو هلأ بعرفو أنو كان كذب..أو مابعرف..شو ماكان يكون أنا هلأ أمامك..أسوء انسانة بالدنيا

روح بصدمة:بفهم من كلامك،جيتي عبيتنا لتنتقمي؟

ريحان:كان بدي خرب عيشتكن..بأي طريقة لأن أمي كانت تحكيلي أديش مرتاحين ومبسوطين وهي لأ

روح:ماعم صدق..أنتي هيك عم تفكري

بتصرخ ودموعها عخدودها:كيف بدك فكر؟بعد كلشي حكيتو

روح:تمام..أهدي

ريحان:فتت ولقيتك أنت بوجهي..قلت لازم ماهنيكن بحياتكن،أكيد رح لاقي أي طريقة أأذيكن فيها

بلش روح مايتحمل الكلام بس عم يجبر حالو يبقا

ريحان:بس المشكلة،بلشت اندمج معكن،وانسى السبب الرئيسي يلي جابني لعندكن..بعدا صرت شوف تناقضاتك معي،يوم تدافع عني يوم تعاملني بشكل سيئ

روح بعصبية:لأني ماعاد أفهم حالي..بلشت حس تجاهك وهالشي يوجعني كتير،من طرف أنتي بتكوني بنت عمي..وبلانكا من طرف تاني

ريحان:أي..وأنا شو بعرفني أنو هيك..حسيتك بدك تستغلني وتعيد قصة أمي معي،وبالليلة يلي أجا فيها ديفيد عالبيت..سمعت حديث مهم..كان عن الشركة..بخصوص مناقصة،وأنت حكيت أنها أهم مناقصة بحياتك

بيجمد الدم بعروقو من الأفكار يلي بتراودو باز کردن / نظر دهید

2023-07-03 22:23:29 ريان:ريحان؟وين رايحة يابنتي بهيك وقت..

بتوقف مكانها للحظات..فجأة بتبرم لعندو لينصدم بملامحا يلي مغرقة بالدموع

ريان:بنتي؟

بتمشي لعندو بخطوات سريعة وبترتمي بحضنو وبتعلى شهقانا

ريحان:بابا..ساعدني بترجاك

ريان بينقبض قلبو من كلمتا

ريان:أهدي..أنتي بحمايتي هلأ..رح ساعدك شو صاير احكيلي
ريحان:أنا تعبانة من حالي..عم أأذي حالي ويلي حوليي

بيفوتها عالصالون وبيأعدها:أهدي..مابيصير تتوتري هيك رح يرتفع سكرك

ريحان:مو مهم..صدقني مو مهم،المهم هلأ أنا مافيني أتحمل كل هاد

ريان:روح أذاكي؟وجود بلانكا هو السبب؟

ريحان:أي ..أي بلانكا السبب،أنا مابتحمل ياعمو مارح أتحمل..أنا بحبو..والله بحبو

ماعرف ريان يفرح لأن طلعت بتحبو بعد ماكان خايف من أنو تكون مابتحبو..ولا يزعل عحالتها المريبة هي

ريان:تمام..وروح رح يحل القصة،رح حاكيه ولازم يقرر..

ريحان:يقرر؟..أي صح،بس لوقتا كيف بتحمل؟ليش خليتوني حبكن؟ليش انتو مناح هيك ليش؟

بهالوقت بيتأكد روح أنو بلانكا نامت..طبعاً وغرقت بالنوم أكيد لتاني يوم،لأن الحبوب يلي آخدتهن بيخلوها تتخدر وتغرق بالنوم

بيطلع من الغرفة ليسمح صوت بكا..بيقرب من غرفة ريحان مافي صوت،بينزل لتحت وأول مايقرب من الباب بيسمع صوت بكاها

ريان:أنا سندك بهالدنيا عم تسمعي

ريحان:و روح؟شو مشان روح؟معقول مايسندني بعد ماوعدني يحميني؟أنا هلأ عرفت أني كنت حبو لأني كرهتو..كرهتو وماعاد بدي شوفو

ريان:تمام أهدي

بيتراجع للخلف..مابيعرف ليش هالقد موجوعة وشو صاير..بيعطي صوت أنو نازل عن الدرج وبيفوت لعندهن بيلاقيها بحضن أبوه منهارة

روح:ريحان..

بترفع راسها من حضن عمها وبتبرم للخلف..

بيوقف ريان وبيقرب ع ابنو:انتبه عليها..رح أترككن تتفاهمو ..بس إذا المكان مو مناسب..كرمال بلانكا أنا برأيي تروحو لمكان تاني

بيهز راسو روح وبيمشي ريان من البيت

بيقرب لعندها من الخلف

روح:فيني أعرف ليش عم تعملي بحالك كل هاد؟

ريحان:لأ...مافيك تعرف..لو سمحت طلاع لعند مرتك

بتمشي من جنبو بيسحبا بقوة وبيحط عينها بعينو:أنتي مرتي..عم تفهمي..انتي وبس

ريحان بتهز راسا بالرفض:لأ..مافيك تنكر أنها مرتك..ومافيك تنكر أنها كانت بحضنك

بتبعدو عنها وبتلاحظ آثار الحمرا عالقميص وكيف مفتوح

بيتطلع عنظراتها لوين موجها ليلاقي هالمنظر عالقميص

روح:لأ ريحان..صدقيني مو هيك،هي تعبت وقربت مني بس صدقيني ماقدرت ألمسا..ماعم أتقبلا

ريحان:كرمال شو؟كرمالي؟لاتكذب عحالك ياروح..بترجاك ماتكذب..

روح:مابدك تصدقيني؟لكن شو بدك؟

ريحان:بدي امشي من هون

بتمشي من جنبو بيرجع بيسحبا:مابخليكي تروحي

ريحان:مارح اتحمل..هي رح تبقى جنبك وأنا مافيني

روح:ليش؟قوليها...بترجاكي بدي اسمعا،أنا بحاجة أني اسمعا

ريحان:بكرهك..

روح:كذابة..

ريحان:ياريتني بقيت بعيدة عنك وأنا بكرهك ولا قربت منك..

روح:شو عم تخبصي؟

ريحان:عم أحكي الحقيقة..مستعد تسمع؟

روح:أي طبعاً أديش صرلي بنتظر هاليوم..الحقيقة يلي مخبيتيا عني..لازم أعرفا

ريحان:مو هون

روح:لكن وين؟

ريحان:تتذكر هداك المكان يلي أخدتني عليه..يوم عترفتلي أنك بتحبني

روح:أي..

ريحان:بدي نروح لهنيك،في البيوت يلي كانو غرفة وحدة..بدي تستأجر واحد ونبقى يوم فيه..موافق؟

روح:ريحان...عم تضحكي عليي؟

ريحان:قولك شكلي وحدة عم تضحك عليك

روح:جهزي حالك دقايق ورح نمشي

بيكون طالع من الصالون وقبل مايتخطى الباب

بتقلو:خليها لبكرا..

بيبرم عليها وعيونو فيهن غضب:اليوم..

بتتوتر بزيادة..شو عملت؟شو خبصت

ريحان لنفسا:لازم تواجهي أغلاطك..ضميرك مارح يرتاح لتعترفي..وبما أنو بلانكا رح تبقى وراكي..مارح تهنيكي بعمرك

بعد وقت بينزل بيلاقيها آعدة عالدرجات

روح:جاهزة؟

ريحان:...

بيقرب منها بيمسكا من أيدها وبيطالعا من البيت وبيطالعا بالسيارة وبيمشي

ريحان:من هلأ معصب؟

روح:لأنك رح تجننيني،بقلك بحبك بتبعدي عني..بقلك مابدي غيرك بتبعدي عني،بقلك أنا بعرف بتحبيني بتقولي لأ..جننتيني ريحان

ريحان:لاتصرخ..بترجاك بيكفي أني متوترة لحالي

بيسكت وبيحاول يكتم غضبو..

بتسند راسا عالشباك وبتفكر

ريحان بتقول لنفسا(مالك خايفة؟بدك تبقي أنتي وياه لحالك..مالك خايفة يموتك؟لك ويمكن يضربك..أو يصرخ عليكي،هالقد واثقة منو؟بس من حقو،لازم يطالع غضبو فيني أنا قبل الكل)

بيمر الوقت وبتتمنى ماينتهي..بدا تبقى كل عمرها بالطريق ولاتوصل لتبدا المواجهة

بينزل روح عطرف كان في بيت عبارة عن مكتب ليستأجر هي الأكواخ..هي بيوت من حجر ومن برا باينة متل كوخ،وفيو غرفة وحدة،والشبابيك كلها موصدة بحديد وبعيدة عن بعضها

ريحان:روح

روح:شو؟

ريحان:بدي أبعد بيت..يلي هنيك عالجبل

روح:بدك تقتليني يعني؟

ريحان:ممكن..

بيستغفر ربو وبيحاول يهدا شوي وبيروح بيستأجر البيت وبيرجع لعندا

ريحان:شو صار؟

روح:رح نطلع عالجبل هي المفتاح

بيكملو طريقهن لفوق

بس يوصلو بينزلو

روح:بتعرفي أنك مجنونة..وأنا مجنون أكتر منك باز کردن / نظر دهید

2023-07-03 22:23:27 بلانكا:لكن مين؟بحياتك سمعتي منحة بتتوقف؟حاولت..بس طلع روح بوجهي..ماكنت بعرف متزوجين ورح تقدري تكملي بإقامة رسمية

ريحان:انتي..مستحيل تكوني بشر..أنتي شيطان

بلانكا بضحكة قوية:أي شيطان..سمعي منيح يلي حكيناه هون،إذا بيطلع منو حرف ماتلومي إلا حالك

بتبرم لتمشي وبيختل توازنها بترجع بتتماسك وبتطلع من الغرفة

ببكون طالع روح عالدرج بيتفاجئ أنهن مع بعض كانو

روح:شو عم يصير؟

بتضحك بلانكا بقوة وبتتوجه عالغرفة

بيقرب ع ريحان:هي شو كانت عم تعمل عندك؟

ريحان:حكت وخبصت وراحت..مافي شي مهم

بيلتفت عليها ولاحظ أنها مو بوعيها..بيفوت وراها عالغرفة ليلاقي عالسرير الحبوب يلي من زمان كتير أول ماتعرفو عبعض تاخدهن

بيمسكا من أيدها:أنتي من ايمتى رجعتيلن؟

بلانكا:ليك روح..يادوب بلش المفعول بترجاك ماتخربا عليي ههههه

روح:أنتي كيف بتعلمي هيك؟قلتلك ببيتي مابيفوت هيك شي..ولا انتي مسموح تاخديهن

فجأة بتحس بأقياء..كان مفعولهن عم يأذيها لأن رجعتلن من جديد

بيسحبا عالحمام وبيبقى جنبها،بعدا بيغسلا وجها

بلانكا ببكا:روح..تتذكر،لما كنا أصحاب..كمان كنت تمنعني آخدهن..وتخاف عليي..أنت هلأ خايف عليي صح؟

روح:أمشي تسطحي أنتي تعبانة هلأ

بلانكا:لا مو تعبانة،ليك روح..أنا ندمانة صدقني

بيتركا بالحمام وبيروح بيأعد عطرف السرير وبيدفن راسو بكفوفو

بتفوت بهدوء والغصة مالية فؤادها..والدمعة عم تبرق بعيونها

بتقرب بلانكا منو وهي منتظرة يتطلع فيها بعيونو لتواجهو..بس ماكان في أمل

بتنحني للأسفل لعندو وبتمسك أيديه

بلانكا:روح..لازم نحكي..بترجاك رد عليي أنا عندي استعداد صلح كلشي عملتو..بس رجاع حبني متل أول..أصلاً بعرف أنك لسا بتحبني..من أول مابدأت علاقتنا انت قلتلي ماعندك مشكلة باختلافنا..ماعندك مشكلة بعيشتي المختلفة عن عيشتك..ليك تطلع فيني شوف وجهي..شعري صار أسود أنت ماكنت تهتم لهيك أمور بس انا مشيت معك وعملت هالتغيير كرمالنا..صارح نفسك أنت مابتحبا أنت بتحب أنها بتشبه بلدك هي بس عم تذكرك ببلدك مو اكتر بس الحقيقة ومن جواتك بتحبني ألي..كون صريح مع نفسك..أنا غربية صح بس فيني كون احسن منها بكتير
روح:بيكفي يابلانكا،مابحب تكوني خاضعة هالقد..مابحب المرأة الضعيفة لاتنزلي من عيني اكتر امشي من هون...ولا عاد ترجعي بترجاكي

بتهز راسا بالرفض:لأ..مابتخلى عنك أنت ألي مو ألها

بتغمر وجهو بين أيديها وبتقرب لتحط جبهتا ع جبهتو

بلانكا:رح نبدا من الصفر وكأن تعرفنا عبعض من جديد..وأنا رح اعترفلك بحبي ألك..متل ماصار معنا بالبداية

بتقرب لتبوسو بيبعدها عنو وبيرميها عالسرير

روح:بيكفي بلانكا..عم قلك مافيني كون معك،خلص طلعتي من قلبي..يمكن لو ماخيانتك..وحسيت بالفعل عم أنشد ألها،باخدك وبروح ع غير بيت.
بيكمل روح:صدقيني ماكنت بقيت لحظة بس تصرفاتك هي يلي وصلتنا لهون

بتتصنع الألم فجأة ببطنها

بلانكا:اااخ..عم اتألم ياروح

بيقرب منها خطوة:لازم تروحي عالمشفى،هاد السم يلي أخدتيه هو يلي عمل هيك

بلانكا:اااخ ماعاد أتحمل الألم فظيع..بترجاك ساعدني بردانة كتير

بيقرب لعندها وبيساعدها لتتسطح تحت البطانية وبيدفيا

بتقرب منو بجرأة وبتحط راسها عصدرو..مابينتبه لأحمر الشفاه يلي كان عتمها كيف انمسح بقميصو..

بلانكا:لا روح..بدي أنت تدفيني،بترجاك..هلأ بوضعي الصعب لاتتخلى عني..بعرف يلي عملتو كتير بشع،بس أنت خليك احسن مني،ياما غفرتلي أخطاء..بس هالمرة ابقى جنبي لأني بحاجتك

بيحاول يقرب منها بس مابيقدر..

روح:رح ابقى هون آعد كرمال إذا حتجتي شي..

بلانكا:محتاجة حضنك

روح:بعتذر..مارح أقدر

بيقوم ليبعد عنها بتمسكو بقوة بينفتح أول قميصو

روح:لأ..بلانكا لأ..يلي عم تعمليه كتير بشع كتير دنيئ صدقيني

بتتسطح وحدها تحت البطانية وهو بيأعد بعيد عنها

كان بيكفيها يبقى بالغرفة المهم مايطلع عند ريحان

بلانكا:روح فيك تطفي الضو..بس كرمال نام مرتاحة

بيطفي الضو وبيرجع لمكانو

بتبقى ريحان عم تروح وتجي بغرفتا،ناطرة يطلع..وكل شوي تطلع عطرف الباب..لتلاقي الضو انطفى

بتغص لدرجة ملامح وجها بتتعكر..بتحس بخنقة فظيعة بحلقها

بتسكر بابها وبتنهار خلفو..بتبكي بكل ماعندا وماعم تعرف شو وجعها

وكل مايمر الوقت تتوتر اكتر..جسدها كلو يوجعها وبترجف..بتقرب من المرايا لتشوف وجها

وبتخاطب نفسا:شبك؟ليش متفاجأة؟شو بدك منو؟شو بدك...(بيعلى صوتها اكتر)انتي غبية..غبية كتير ياريحان،جيتي تنتقمي والله انتقم منك..عم تنتقمي من ناس ماعملو شي ونسيتي أنو ربنا هو يلي بياخد الحق..جيتي بكرهك الكبير..لتصيري بتحبيه ياغبيةةة

بتوقع بالأرض وهي عم تبكي..ماعم تقدر تتخيل أنو معها..ماعم تتقبل أنو ممكن بلانكا تقدر تلمسو أو تشم عطرو

ريحان:لأ..أنا السبب،كان ممكن يكون معي كان لازم اعترفلو بكلشي من قبل..روح ألي..لأنو بحبني ألي..هو حكاها وهو مابيكذب..طيب ليش هلأ هو معها ليش ليييش

بتحس حالا رح تختنق..بتفتح باب غرفتا وبتنزل لتحت بتقرب عباب البيت لتطلع بس بتسمع صوت عمها من خلفها باز کردن / نظر دهید

2023-07-03 22:23:26 وكأن ماكانت عم تسمعو،رفعت أيدها ولمست بأطراف أصابعها لحيتو كان شعور رهيب فعلياً
بيغص قلبها بتبلع بريئها من التوتر

وهو لحظتا مابيقدر يمسك حالو وبيضحك

بتنتبه لغبائها وبتبعد عنو خطوة

ريحان:كان...اااا...فكرت يعني في شي ع لحيتك..حشرة أو هيك

روح:أي عادي بتصير كتير..

ريحان:أي..لأ...يعني مابعرف

بتخجل ووجها بيصير أحمر

روح:طيب ليش بعدتي؟قربي

ريحان:لأ

بيقرب منها خطوة،لترجع هي خطوة..بيرد بيقرب خطوة تانية،بترجع بتبعد

روح بيلتفت لطرف الباب وبيقول:بلانكا؟

بتفتح عيونها ريحان عآخرهن وبتقرب منو وبتحضنو

بيبتسم من كل قلبو،كان متمني لو يقدر يحملا ويطير...يضما لجوا قلبو ويضحك بصوت عالي يملي الدنيا فرح

بس مابدو يخرب هاللحظة..بيتركها غرقانة بحضنو الدافي وبيغرق هو كمان..

يلي ماكانت عارفتو ريحان أنو روح عم يضحك عليها،وبلانكا مالها موجودة

بعد لحظات بيهمسلا:بتجنني وأنتي غيرانة

بتفتح عيونها وبتبعد عنو بتطلع خلفها مابتلاقي حدا

ريحان:أصلاً..لأ مو مشان بلانكا..كنت حاسة حالي يعنيي

روح:لاتكذبي..تمام

ريحان:ماعم كذب..

بتفوت بلانكا لحظتا:أنتو هون

صوتها بيزعج ريحان كتير،وبنفس اللحظة بيسحبا روح لحضنو

روح بيهمسلا بأدنها:هسسس أهدي..عتبريها مو هون،عتبرينا لوحدنا..تجاهليا..وبوعدك رح تمشي بأقرب وقت

النار بتشعل ببلانكا وبتطلع عغرفتا

بتبعد عنو ريحان:لأ أنا مو متدايقة من وجودها..هي زوجتك كمان..نحن زواجنا كان اتفاقية يعني مو من حقي غار

بتترك المكان وبتمشي..بيتدايق منها روح،حقها تكابر عحالها وعليه بس مو هالقد..شايف حبها الكبير ألو بس هي ماعم تشوف

بتطلع ريحان عغرفتا لتندهلا بلانكا..

بلانكا:ريحان..لازم نحكي

بتفوت ريحان عغرفتا وبتترك الباب مفتوح
وبتفوت وراها بلانكا

بلانكا:طلع وجهك الحقيقي أسوء من وجه الكذابي


بتستغرب ريحان من شكل بلانكا..كانت حروفها مو منتظمة وحركتها مو ثابتة

ريحان:انتبهي لكلامك..

بلانكا:انتي يلي انتبهي عحالك

ريحان:عم تهدديني؟

بلانكا:ضحكتي علي وعتبرتك رفيقتي،بس طلعتي رهيبة بالتمثيل..قدرتي تخدعيني

ريحان:لا تعمليلي فيها الملاك الطاهر بلانكا

بلانكا:لك أنتي شو؟أنتي مين؟جيتي من العدم وفتتي لنص بيتي..أخدتي زوجي وحياتي وبدك اتركك؟

ريحان:أنا ماأخدت شي عنوتاً،أنتي يلي مابتستاهلي

بلانكا:عن شو قصدك؟لشو عم تلمحي..حكالك روح أني خنتو؟طبعاً رح يحكيلك وعاملي فيها شريف ومبادئ..وهو مخبر الكل

ريحان:فشرتي ..مابيطلعلك تحكي عنو ولا حرف..روح انسان كتير منيح،حتى ماحكا عن خيانتك ألو

بلانكا:مين يلي خبرك؟

ريحان:ديفيد..

بتنصدم بلانكا وبتجمد مكانها

ريحان:تركيني بحالي،أنا مارح خبر روح كرمال مايأذي حالو..لهيك الأفضل تبعدي عن طريقي

بتجي لتطلع ريحان بتسحبا من أيدها بلانكا

بلانكا:وين رايحة؟لسا ماخلصت كلامي..دخلك وايمتى خبرك ديفيد؟باليوم يلي أجا لعندك صح؟

بتوقف مكانها والدم بعروقها بيجمد

بلانكا:ههههه...شفتي الدنيا شو صغيرة،بتمسكي علي قصة بمسك عليكي كمان..دخلك روح بيعرف أنو فوتيه عبيتو؟ياترى صار شي بيناتكن؟وديفيد كان عم يستر عليكي لهيك حكالي أنو غبتي عن الوعي

بترفع أيدها ريحان لتضربها لبلانكا..بس بلانكا بتمسكلا أيدها..مع أنو بختل توازنها بلحظتا وبتتمسك ب ريحان

ريحان:انتي شاربة شي؟

بلانكا:وانتي شو خصك؟أوعك تغلطي هيك غلط..ليكي ريحان،أنا خسرانة خسرانة،بس هلأ عم حاول استرجع شي من خسارتي،بس أنتي رح تخسري كتير لهيك بعدي عن طريقي احسنلك

ريحان:ماصار شي بيننا..مستحيل..أنا بالفعل غميت وأجا روح اسعفني عالمشفى

بلانكا :زعلتيني والله..ماتشوفي شر ههههه بتعرفي لزيدك معلومة،بيومها أنا يلي مشيت بانة من البيت،وأنا يلي قفلت عليكن من برا...شو منعمل قلت لحالي عصافير الحب ورح يستفردو ببعض

ريحان:لك خرسي..خرسي وحاج تخبيص..ديفيد مكذب عليكي مافي شي بيني وبينو

حركاتها الغريبة بتأكد لريحان أنها آخدة شي

بلانكا:بعرف كلشي أنا

بتخاف ريحان اكتر لتكون بتعرف عن المناقصة

ريحان:شو بتعرفي؟

بلانكا:فكرك ديفيد ماكان متفق معي من زمان ليجي عالبيت لعندك..بس هيك النصيب..بس حاسة في سبب تاني..ومابعرف شو هو

بتسكت ريحان،هلأ تأكدت أنو ديفيد مو مخبر بلانكا شي تاني

ريحان:سمعيني بلانكا..إذا روح عرف بعمايل ديفيد ممكن يقتلو

بلانكا:بعرف..ولهيك أنتي بتسكتي..أنا بسكت،اتفقنا؟

بتأعد ريحان عالسرير..مقهورة وراسا رح ينفجر

بلانكا:ولا قلك..بدي شي تاني..

ريحان:شو بدك؟

بلانكا:يابتخلي روح يكرهك..ياأما رح خبرو أنك فوتتي ديفيد بكامل إرادتك ع بيتو..

ريحان:أنتي شو عم تخبصي؟

بلانكا:مافي ولا اثبات لأنو ديفيد هو يلي قرب عليكي..حتى الكاميرات وقفتهن

ريحان:صحيح..حكالي روح أنو معطلين...يعني أنتي ورا تعطيل الكاميرات كمان

بلانكا:خافي مني ياريحان،وأوعك ترجعي تقربي من شي بيخصني..لأنو مو بس بنهيكي..بشوه سمعتك وبنهي مستقبلك ومتل ماحاولت أول مرة وماقدرت،رح حاول مرة تانية وأقدر..

بتنصدم ريحان:أنتي؟ باز کردن / نظر دهید

2023-07-03 22:23:25 #ريحان_شرقي
#سارة_العلي
#الجزء_السابع

بيحكي القاضي معهن وبيدافع روح عن نفسو وعن ريحان والمحامي بيحكي وبالنهاية القرار للقاضي

يلي طلب ريحان تترك البيت..لينطق روح بالصدمة الأكبر بالنسبة لبلانكا

روح:(Rehan is my wife) ريحان زوجتي..
وهذا منزلها(And this is her home)

بيسكتو جميع الحضور بصدمة

بتوقف بمكانها بلانكا..ومو قادرة تحكي حرف..

زواجها من روح كان زواج إسلامي وبيحقلو يتزوج

بيسكت القاضي وبعد وقت..بيقرر أنو بلانكا لازم ترجع وتعيش ببيتها،ويصلحو العلاقة ويعدل بين زوجاتو..

بيطلعو من الغرفة وعيونهن عم تطاير منها الشرار
بس عتبو كان ع بانة

روح:صدمتيني يابانة..كنت معتبرك متل أمي

بانة:بعتذر..بس وصلني التبليغ ومافيني احكي غير يلي شفتو،ماكنت بعرف متزوجين أنتو ماخبرتوني

بلانكا:بانة ماخصا..أنا يلي جبتا تشهد

بانة:بعرف انتهى كلشي هلأ..رح أمرء واحكي مع مستر ريان وأمشي

روح:لا بانة..مارح فوتك بلعبة ناس مو نضيفة..بتستغل كل الناس لصالحها

كان عم يتطلع ببلانكا بغضب

روح:فيكي تكملي شغلك..بس يلي صار مستحيل يتكرر..لأن مارح يبقالك فرصة تانية عنا،ورح احترم عشرة العمر يلي بيناتنا

بتمشي بانة ودموعها حارقين قلبها

بلانكا:أنت شو يلي عملتو؟كيف بتتزوجها

روح:تزوجتها لأني بحبا..أما انتي،إذا مابتلغي المحكمة وبتمشي من البيت..رح احكي أنك خنتيني وحملتي من غيري

بلانكا:وبتشوه سمعتك؟

روح:وقت رح تجبريني أعمل هيك مابيهمني شي

بلانكا:طلقها..ورح يرجع كلشي متل قبل ورح أقدر خليك تسامحني ع كلشي عملتو

روح:لك انتي ليش ماعم تستوعبي يلي عملتيه مابينغفر..لو مو ماسك نفسي عنك كان ارتكبت جريمة فيكي..عم تفهمي

بلانكا:مافيك تعمل شي أنت مامعك أي اثبات ضدي وبيثبت خيانتي وأنت هلأ مجبور تتركني معك بالبيت

بينقهر منها كتير وبيرجع عالبيت وهي معو..بتجبرو بالغصب بسبب حكم المحكمة

كانت ريحان ناطرتو بعد ماخلصت جامعتا خبرها رح يرجع عالبيت أول مايخلص المحكمة

بتتوجه عالباب لتستقبلو،بتفتح الباب وناطرة جوابو..والصدمة الأكبر لما تلمح خلفو بلانكا بتحس جسدها انتفض

بتبعدو عن طريقا وبتفوت بلانكا

بلانكا:شايفة ياريحان القدر..أول مافتتي عالبيت كان بيتي وستقبلتك..هلأ أنتي واقفة ببيتي عم تستقبليني

بتطلع بلانكا متوجهة عغرفتا وريحان واقفة وناطرة كلام روح والحزن باين بعيونا

روح:حكملها القاضي تبقى معنا..

بيحكيلا كلشي صار بتحس بشعور بشع كتير بتتركو وبتطلع لغرفتها
بيلحقا لفوق وبس توصل عبابها بيندهلا

روح:ريحان..استني شوي

بتفتح بلانكا:روح..فينا نحكي شوي

بتطلع فيه ريحان وبتسكر الباب بقوة

بيتدايق من بلانكا كتير،بيقرب منها

روح:سمعيني بلانكا،طول ماأنتي موجودة بهالبيت تركي مسافة بيناتنا،لأنو مابتعرفي بأي لحظة بفقد سيطرتي ع حالي..وبعمل شي مابيعجبك

بلانكا:أقوى من ضربك ألي هديك الليلة؟

روح:أقوى بكتير..لاعاد تستفزيني أحسن ألك

بيفوت بياخد أشياءو وبيطلع من الغرفة
أما ريحان،كانت متوترة كتير ومتدايقة

ريحان:لك شبك ريحان..أهدي شو صرلك؟هي أول عن آخر بتكون زوجتو...طيب وأنا شو؟أي صح زواجي كان عبارة عن أتفاقية..بس هو بحبني..وبحب مرتو..الخاينة،ياترى بيعرف؟أي أكيد بيعرف أنها خانتو هداك اليوم أجا وحكالي أنو مافي أمل برجعتن..من الآخر،أنا ليش مقهورة هلأ؟شو يلي زاعجني

بتحس بالغيرة جواتها عم تاكلا

ريحان:وين رح ينام؟معقول بغرفتا..مستحيل أقبل...

بتقوم وبتتوجه عالباب وبتوقف قبل ماتفتحو

ريحان:أنا شو عم خبص؟شو بدي منو ليش لأمنعو..أي لأنو هي خاينة مابيصير يقرب منها

بترجع لتفتح الباب بتغمض عيونها:أنا كذابة..ليش مابدي ياها تقرب منو..؟مو مهم هلأ السبب..المهم مايقرب منها

بتفتح الباب بعصبية وبتنزل عالدرج..

أول ماتوصل لتحت بتفوت عالصالون وكأنها عاملة مداهمة

ريحان بعصبية:روح..

بيفزع روح وبيوقف عرجليه:شو صار؟

بتتلفت حوليها كأن متأكدة رح تلاقي بلانكا

روح:فيكي شي؟

ريحان:أاا..بصراحة نسيت،كنت بدي أحكيلك شي

بيبتسم وبيقرب منها:وشوفتي نستك يلي رح تحكيه

ريحان:لاتنغر بحالك

روح:ليش؟مابيلبقلي؟

بيقرب منها أكتر..ليش هيك كل يوم بتكتشف فيو شي بيخلي قلبها يدوب بزيادة،وكأنها لسا مو حافظة ملامح وجهو..عيونو العسلية يلي متوَجين برموشو الطويلة..ولا رسمة شفافو وبسمتو الساحرة..ونظرتو المشاكسة يلي بتخلي قلبها يلهف..كان قريب منها لدرجة رفعت راسها للأعلى لتوصل لعيونو...بتنتبه لفرق الطول بينهن..تماماً إذا قرب اكتر خطوة..رح تصير بين ضلوعو عند نبضات قلبو تماماً

بتطلع ع لحيتو المرتبة دافع قوي عم يخليها ترفع كف أيدها،لتلمس هالشي الملفت..وتحس بهالشعور يلي بحياتا ماحستو

كان منتبه لنظراتا كيف عم تتنقل بملامحو نتفة نتفة

بيبتسم لترتسم انحناءات عخدودو بطرف شفافو ويظهرو أسنانو البيض

بيغص قلبها بتبلع بريئها من التوتر

روح بهمس:قولك بيحقلي كون مغرور؟ باز کردن / نظر دهید

2023-05-18 22:22:56 رأيكن بالقصة
@Stories_3_bot
لاتنسو التفاعل
@Stories_3 باز کردن / نظر دهید

2023-05-18 22:22:55 #الجزء_الاول ‏eomoo_prhom ‏جزء ١ كان واقف قبالو تماماً موجه سلاحو ناحيتو وعيونو عم تقدح شرار صوت صرصرة الحديد والاسلحة المسطفة عالرفوف بشكل متناسق واللون الأسود الي طاغي عالمكان قادر ليبث الرعب بقلب أي شخص بيدخلو لكن هالشي ما كان باين عملامح وسام الباردة… باز کردن / نظر دهید

2023-05-18 22:22:54 تطلعت ليلى فيهون وبهاللوحة وابتسمت من دون ما تشعر كانو عيون نرجس محمرين من البكا ووسيم باين الأرهاق والسهر على عيونو بس بعد كل شي صار رجعة وسام ضخت بقلوبهون الحياة ورجعت الأبتسامة على وجوهون.‏eomoo_prhom ‏جزء ٤٥

"بعد سنتين"

مقابيل شط البحر محل ما عم يرتطم الموج مع الرمل وزقزقة العصافير عم تعزف الحان الحياة كانت ليلى عم تركض بفستانها الأبيض عشط البحر وشعرها الأسود عم يطير وراها بأنسياب
أما وسام كان عم يركض وراها ليمسكها وصدى ضحكاتهون معبي المكان لحد ما مسكها وحبسها بين ايديه

وسام. وأخيراً قدرت أمسكك

ليلى. ههههههه

تطلع بعيونها وصفن لثواني ليلى بشو صافن حبيبي !!
فتح عيونو عصوت ليلى وفاق من حلمو الي كان عم يرسمو بخيالو تطلع عكرسي المتحرك الي واقف عشط البحر وابتسم ابتسامة ناعمة كان مرتكي تحت شجرة النخيل عرجلين ليلى وليلى عم تلعب بخصل شعرو

ليلى. ليش عم تضحك

وسام. كنت عم بحلم انك عم تركضي هناك عشط البحر وانا عم بركض وراكي كنا مبسوطين كتيير وصدى ضحكاتنا عم يرن بالمكان

ابتسمت ليلى. وهلق نحنا مبسوطين كتير انا ما بدي اركض بيكفيني أمشي وانت تمشي جمبي عكرسيك هداك جمب شط البحر
شالت راسو من عن رجليها وجلستو وهي وقفت

وسام. وين رايحة!!

ليلى. رايحة جيب كرسيك من جنب الشط لحتى نتمشى سوا
جابت الكرسي ورجعت والأبتسامة مرسومة على وشها ساعدتو ليقعد بالكرسي وصارو يمشو جنب الشط وهنن طايرين من الفرح والسعادة

وسام. شو رأيك نبل رجلينا بالمي

عقفت حواجبها ليلى. يا حبيبي صرلنا متزوجين سنتين ولهلق ما عدت تعرف انو مية البحر بتعملي حساسية

وسام. جد بتعملك حساسية!!

لوت تمها ليلى. لو مهتم كان عرفت لحالك

مسك أيدها وقربها منو وسام. طيب تعي لا تزعلي عم بمزح معك معقول ما بعرف انو حبيبة قلبي عندا حساسية من مية البحر

ليلى. اممم ضحاك عليي بكلمتين
مسكلا ايدا وصارو يمشو وهنن ماسكين بأيدين بعض
وسام. بحبك يا دكتورتي ويا كل شي بملكو بهالدنيي
..
اما بالجهة المقابلة كانت قاعدة صفا عالصخرة وشعرها الأشقر عم يلمع مع الشمس كان قاعد جمبا عماد ماسكلا ايدها وعم يطلع بعيونها الخضر وسارح فيهون

صفا. عماد خلينا نتمشا عشط البحر ليك الجو كتير حلو

عماد. حبيبتي خليني غرقان بعيونك احسن ما أغرق بمية البحر

ضربتو بخفة عصدرو صفا. عماد...
عماد. هههههه خلص ماشي ايمتا بس بدنا نتزوج وصير اتصبح بهالعيون كل يوم

صفا. هانت حبيبي هانت عضة كوساية

عماد. بتعرفي شو صفا حابب ما نطول كتير بفترة الخطبة كل شي جاهز ليش لحتى نطول

صفا. لا حبيبي ما حزرت ما منتزوج لحتى أخلص جامعتي
عماد. هلق بدك ياني أنطر سنتين وعم تقولي عضة كوساية

صفا. بدك تنطر
قرصها من خدودها عماد. انا الي بنطر

مرقو من حدون ليلى ووسام أشرولهون بأيديهون وابتسمو وبعدين صارو يتوشوشو

صفا. هدول شو عم يتهامسو

عماد. الله العليم علينا‏eomoo_prhom ‏٤٦ والاخير

ما نرجس وسلوى كانو قاعدين تحت الشجرة وعم يراقبو الوضع من بعيد عم يفصفصو بزر ومبسوطين لفرح ولادهون أحياناً السعادة ما بيكون بدا كتيير بدا بس شوية رضا بيلي منملكو منحاول نصلح حالنا ومنحلم نصير أحسن بس هالشي ابداً ما بيعني أنو نفقد السعادة لمجرد انو ما منملك شي معين مصطلح السعادة بسيط كتير بس لازم نفهمو بطريقة صح...

________
كادَ ينهي حياته في ثلاثة أشهر كادَ يتخلى عن كل شيء، لم يعد يطيق الحياة ولكن سرعان ما أتت تلك الأميرة لتتربعَ على عرشِ قلبه، سرعانَ ما جعلته ينتفض ثانيةً كانت بمثابةِ إنعاشٍ لقلبه الميتْ أجتمعا لثلاثة أشهر وافترقا مجدداً لثلاثةِ أشهر ولكنه أقسم لها بأن حبهما النقي هذا لن يختفي وبأنهُ سيبقى حياً إلى الأبد.
_______
_

~*☆الــنــٓـهــٓـ{ͳḫẻ}ــٓـايــٓـ{αᶯᖱ}ــٓـةة☆*~ باز کردن / نظر دهید

2023-05-18 22:22:53 طبطبت عكتفها ومشيت اما ليلى مسكت موبايلا دغري واتصلت مع سلوى وخبرتها بالنتيجة يلي ما عطت فرحتها لحدا

تطلع عماد على عيونها الخضر وابتسم إبتسامة عريضة عماد. الف الحمدلله عسلامتك صفا

بخجل صفا. الله يسلمك

عماد. عندي ألكون خبر تاني كمان

ليلى. وسام...

هز راسو بأسى عماد. قدرنا نمسك ثابت اليوم واعترف بكل شي

صفا. بتحكي عنجد!!

عماد. اي متل ما توقعنا تماماً طلعت سماح ورا هالقصة‏eomoo_prhom ‏جزء ٤٣
عماد. اي متل ما توقعنا تماماً طلعت سماح ورا هالقصة تبين معنا انو كانت ععلاقة مع ثابت وهي الي طلبت منو يورط ليلى لتخلص منها

صفا. العمى معناتا سماح راحت فيها

عماد. اي نعم يوم الخميس المحكمة لازم تكونو موجودين هناك كلايتكون

صفا. ان شاء الله خير

تركتهون ليلى وصارت تمشي بممر المشفى بخطوات متثاقلة بلا هدف وكأنها عم تحاول تشتت ذهنها كأنها بأخر فترة معد تتأثر بالأحداث حواليها دائماً تايهة وحاسة حالها غريبة بهالدنيي

________

الهدوء الطاغي عالمكان نظرات الترقب الي عوجوه الحضور والتوتر ودقات القلب المسموعة الكل كان بأنتظار حكم القاضي ليلى صفا وعماد الي كان واقف جمبهون خطوة بخطوة صارت القلوب تر

جف اول ما القاضي حرك شفافو لينطق بالحكم

القاضي. حكمت المحكمة بأستناداً على جميع الأدلة التي وصلتنا الحكم على المتهم ثابت آل حسنات وكل من ذكرت اسمائهم في التحقيق بالسجن لعشر سنوات مع الأشغال الشاقة بتهمة تجارة المخدرات.
وعلى المتهمة سماح قنديل بالسجن لمدة 20 عاماً بتهمة التزوير والشروع بالقتل لأبنة زوجها قراراً قابلاً للطعن عن طريق النقد.

قبل ما يطرق المطرقة وقفت ليلى وسط الحضور بصوتها العالي
ليلى. سيدي القاضي انا بدي أسقط حقي عن المتهمة سماح قنديل

القاضي. مين انتي يا بنتي!!

ليلى. انا ليلى بنت زوجها لسماح وبدنا نسقط حقنا انا واختي صفا

القاضي. اتفضلو لعندي وعطوني هوياتكون لنتأكد

مسكت صفا أيدها وكأنها عم تترجاها ما تحكي الكل كان عم يطلع عليها نظرات ذهول بسبب الحكي الي قالتو

صفا. أختي لا تعملي هيك بترجاكي هي أذتنا كتير وظلمتنا

ليلى. معلش اختي مو مشانها هي عالأقل مشان ابنها الي بيضل أخونا

صفا. اختي ...

ليلى. يالله صفا أختي القاضي عم يستنانا

سحبت ايد اختا وضلو مكفيين لعند القاضي ليتنازلو عن حقهون عطو الهويات وهو كتب عندو مشت ليلى لعند الشبك وقربت من سماح الي كانت منزلة راسها عالأرض وكأنو مالها عين تطلع

سماح. بتشكرك ليلى

ليلى. سماح تطلعي فيني هون انا ما تنازلت عن حقي غير كرمال ابنك ابداً مو كرمالك وهلق بعد شهر لبين ما تخلص خالتي سلوى عدتها وتقبل تتنازل عن حقها خلي يكون درس لألك
ابنك رح يضل عندي بهالشهر بس بعد هاد الشهر بتجي بتاخدي ابنك وغراضك من البيت وبتطلعي بلا رجعة عم تفهمي!!

هزت راسها سماح. حاضر متل ما بدك

مشيت وتركتها وراها مكسورة كان صوت صدى كعبها عم يخلق صدى بالمكان ويخلي الكل يلتفت لعندا ضلت عم تمشي وهي رافعة ضهرا وما عم تلتفت لعند حدا صفا وعماد عم يمشو وراها بذهول من الشي الي عملتو جوا وعم يتسائلو جواتهون‏eomoo_prhom ‏جزء ٤٤
هي ليلى نفسها الي كان كل هدفها الأنتقام!!

فجأة استوقفتهن صورتو عنفس الكرسي المتحرك عند باب المحكمة بس كانت صورة حقيقية ما كانت وهم ولا حتى حلم السما الصافية عم تنافس لون عيونو وهوا الربيع النقي عم يلفح بشعرو قربت منو ليلى بخطوات متثاقلة اما هو صار يحرك الكرسي المتحرك ويجي بأتجاهها

وسام. ما كنت متوقع ابداً انك تتنازلي عن حقك بس الي عملتي صح براڤو

عماد. وسام!!...
ركض لعندو بسرعة وضمو بقوة ودموعو عما تنزل عماد. وين كنت يا أخي وين كنت!!
قلبت الدنيي عليك

وسام. ههههه خنقتني اخي اشتقتلك كتير

صارت تحكي بشفاف عم ترجف ليلى. كنت متأكدة انك رح ترجع كنت متأكدة انك ما رح تتركني

اول ما وصلت قبالو مسك أيديها وسام. لا تبكي انا رحت لحتى أقدر امسح دموعك هدول

سحبت أيديها منو وخبت وجها بأيديها وهي عم تبكي بهستيريا ليلى. ليش رحت ليش!!

وسام. ما كنت حابب عيشكون بالأمل عالفاضي لاني ما كنت متأكد انو رح تنجح هي العملية كان احتمال 40 بالمية موت وانا تحتها

حطت ايدها عتمو وقربت منو وضمتو بقوة من دون ما تشعر ليلى. هش لا تجيب سيرة الموت

همس بأذانها وسام. بحبك
اليوم الصبح لما فتحت خطي قرأت كل الرسائل الي بعتيهون 95 رسالة

بعدت عنو شوي وهي عم تحاول توقف دموعها ونوبة البكا الي هيي فيها
ليلى. ليش ما رجعت لهلق

وسام. حبيت أرجعلكون وانا قوي ما حبيت اجي قبل ما خلص العلاج الفيزيائي بعد العملية وأقدر حرك أيديي وكتفي

بعد ما هدت الأجواء شوي والكل هديو من صدمتهون قربت صفا شوي منهون
صفا. الف الحمدلله عسلامتك وسام

وسام. الله يسلمك

عماد. كيف عرفت انو نحنا هون أخي!!

قربو نرجس ووسيم والأبتسامة مكللة وجوهون
نرجس. نحنا الي خبرنا باز کردن / نظر دهید

2023-05-18 22:22:52 #الجزء_السابع
‏eomoo_prhom ‏جزء ٤١
بعد دقايق دخلو تنين عساكر وحطو الكلبشات بأيدين اسراء واخدوها وهي عم تصيح وتستنجد اما صفا ضلت واقفة بمكانها ومو عرفانة شو تتصرف

صفا. بتشكرك

عماد. كنت حاسس انو في شي مو طبيعي

سحبت السكينة من جاكيتها وحطتها عالطاولة صفا. سكينة فواكه

عماد. ما توقعتك بهالقوة هي وهالجرأة

صفا. في مواقف بغصب عنك بتخليك تطالع قوتك انا أسفة نسيت اسألك عن وسام

سحب نفس عميق وحط أيديه بجيابو عماد. مافي شي جديد مضطر اشتغل لأقدر دور عليه وشغل عساكري معي

صفا. الله يريح بالكون...

_________

كانو سلوى وليلى عم يروحو ويجو بالصالون وهنن عم ينتظرو صفا وما عم تجي

ليلى. خالتي بس فهميني ليش خليتيها تنزل لحالها بهالوقت كل شي بدا ياه كان بجبلا ياه بطريقي

سلوى. لا تزوديها عليي ليلى شو انا بعرف انو هيك رح يصير بالي مشغول عليها كتير وقلبي متل النار

ضلو يروحو ويجو بالصالون للساعة سبعة المسا وهنن على أعصابهون لحد ما انفتح

الباب ورن صدى صوتو بكل البيت صارو سلوى وليلى يركضو لوصلو لعند صفا

صفا. شبكون شو في!!

سلوى. وين كنتي قلبي متل النار عليكي

صفا. أسفة خالتي شغلتلك بالك بس ما قدرت أجي لوصلت أسراء بأيديي عالسجن

سلوى. عم تحكي عنجد!!

بصدمة ليلى. مين اسراء!!

صفا. شبك اختي أسراء ما غيرها الي معك بالجامعة شو نسيتيها

ليلى. انا عنجد بطلت أفهم شي شو الي عم يصير هون

صفا. اسراء اختي الي كانت تعطيكي دوا مخدر لحتى تعودك عالأدمان

بصوت متقطع سلوى. صفا مو هيك

ليلى. انتو شو عم تحكو الدوا الي كنت عم اخدو فيه مخدر طيب ليييش وشو الها مصلحة

سحبت نفس عميق سلوى. يا بنات قلبي حاسسني انو سماح ألها يد بالموضوع

ليلى. شوووو!!

وقعت ليلى عالأرض من الصدمة واغمى عليها وكأنو قلبها معد يتحمل صدمات اكتر من هيك كابرت عحالها كتير بس بالنهاية كل أنسان عندو طاقة تحمل وهي نفذت لعند هاد الحد
"بعد ثلاث أشهر"

"أرجوك عدّ إلى هذا العالم فأن قلبي لم يعد يحتمل لوعة الفقدّ أنتظرتك طويلاً ونمتُ عشرات المراتِ في اليوم علّكَ تعانقُ أحلامي أو ربما نلتقي في مخيلتي كما وعدتني سابقاً ولكن كل محاولاتي بائت بالفشل أعتذرُ لكَ سيدي وعدتكَ بألا أحزن ولكن قلبي تفطرَ من شدّة الشوق ومن لوعة الفراق.

أردتُّ أن أخبركَ بأنني تخلصتُ من ذاكَ المخدر اللعين كم من الليالي كنتُ أصرخ بلا سبب وكم زادت عصبيتي حينها يظنون بأنني أفتقد ذاك المخدّر ولا أحد يعلم بأن ما أفتقده هو أنتْ يا كل ما أملك."

بعتت الرسالة عنفس رقم وسام 90 رسالة ما وصل منهون شي بس كانت متأكدة انو كلماتها عم توصلو كل يوم كانت تحكيلو‏eomoo_prhom ‏جزء ٤٢
بعتت الرسالة عنفس رقم وسام 90 رسالة ما وصل منهون شي بس كانت متأكدة انو كلماتها عم توصلو كل يوم كانت تحكيلو شو صار معها كل يوم تكتبلو بلا كلل أو ملل

فتحت الباب صفا ودخلت على اختها
صفا. اختي لهلق ما جهزتي !!

ليلى. يالله اختي جاية دقيقة وبلحقك

لبست ليلى تيابها عالسريع ولحقت صفا الي كانت مبسوطة ومتفائلة نوعاً ما أنو ممكن تكون هي آخر جلسة الها بالكيماوي ادا كانت التحاليل تمام

ليلى. يالله صفا خلينا نطلع

سلوى. صبايا الله يخليكون طمنوني اول ما تطلع التحاليل

ليلى. حاضر خالتي اكيد رح نخبرك اول ما تطلع

سلوى. الله معكم

طلعو بسرعة من البيت وكانو رح يمشو بالشارع قبل ما تستوقفهون سيارة عماد زمرلن وفتح شباك السيارة

عماد. يالله صبايا طلعو دوبنا نلحق الموعد

تطلعت بصدمة صفا. اي موعد!!

عماد. لك شبك صفا شو نسيتي موعدك بالمشفى ما قلتيلي اليوم أخر جلسة كيماوي لألك

تطلعت ليلى بصفا ورمقتها بنظرة حادة
صفا. شبك ليه هيك عم تطلعي فيني

عماد. خلصونا طلعو حاج تقطعو وقت

صفا. ما توقعتك تجي

فتحو باب السيارة وطلعو صفا وليلى قبل ما تمشي السيارة
_________
"في المشفى"

لأول مرة بتطلع صفا من جلسة الكيماوي وابتسامتها مرسومة على وشها وكأنو الكيماوي ما قتل ضحكتها ولا سرق أملها بالحياة بالعكس زادها قوة

صفا. راحت الدكتورة تعمل التحاليل

سحبت نفس عميق ليلى. ان شاء الله خير

صفا. شبك اختي ليش متوترة انا كتير متفائلة وحاسة انو هي رح تكون آخر جلسة

ليلى. ان شاء الله أختي ان شاء الله

بعد ساعة من الأنتظار بعد ساعة من التوتر العالي اجت الدكتورة وحاملة بأيدها مغلف أبيض وأبتسامتها مرسومة على وشها

الدكتورة. شو رأيك صفا مانك خايفة

هزت راسها بحركة سريعة صفا. ابداً

الدكتورة. اطمنوا نتائج التحاليل بتبين انك هلق سليمة مية بالمية الف الحمدلله عسلامتك

حطت صفا ايدا عتما وما قدرت تتحمل قربت من ليلى وضمتها

ليلى. هههه الف الحمدلله عسلامتك اختي

الدكتورة. بس لازم نعيد نفس التحاليل كل فترة لحد ما نتأكد انو ما يرجع الورم مرة تانية والف سلامة عليكي باز کردن / نظر دهید