Stories 📖

2023-05-18 22:18:30 #الجزء_الرابع
‏eomoo_prhom ‏جزء ٢٢
وضعها مو عاجبني بنوب حاسس في حقد بعيونها حتى انها مو زعلانة على ابوها بعكس اختا تماماً

وسام. لا تصدق كل شي بتشوفو عينك ورا كل واحد فينا في حكي ما حدا غيرنا بيسمعو

عماد. هلق لما تشوفها رح تفهم قصدي كتير منيح
_______
بالسهرة بعد ما هدو الصبايا شوي كان الكل مجتمعين عطاولة السفرة وكأنهن عيلة وحدة دق الباب ودخل عماد وهو عم يجر كرسي وسام المتحرك تطلعت ليلى بوسام وابتسمت إبتسامة عذبة من دون ما تشعر وهو كمان تطلع عليها من بعيد بنظرة خلتها تشعر انو عم يعانق عيونها وعم يطبط عقلبها المجروح كان كرسيه عم يقرب منها ودقات قلبها عم تعلى

تطلع بعيونها وحرك شفافو وسام. البقية بحياتكون الله يجعلو من أهل الجنة

ليلى. تسلم بحياتك البقية

حكى هالكم كلمة ورجعو عماد على مكانو بس نظراتها كانت لسا متجمدة لأول مرة بيحكي معها بطريقة حلوة مو مهم السبب المهم انو كانت نظراتو حنونة كتير رجعت قعدت عكرسيها وتطلعت بصحنها بخجل لحد ما استوقفها صوت أبو عماد

وسيم. يالله يا جماعة الحي أبقى من الميت كلولكون كم لقمة تسند طولكون والله وحدو هو الي رح ياخدلكون حقكون

سلوى. والنعم بالله

وسيم. أمانة تعتبرو البيت بيتكون وما تخجلو اعتبرونا اهلكون

ليلى. ربي يحفظك عمو ما بتقصر و يسلم البيت لصحابو بس بعد الي صار معنا ما حدا ألو نفس ياكل لقمة

وسيم. يا عمي قلتلكون الله رح ياخدلكون حقكون كوني متأكدة انو رب العالمين ما رح يتركون

نرجس. الله ينتقم من الي ظلمكون بس مرت الأب بعمرها ما كانت بشر

هزت راسها ليلى. لا خالتي لا تظلمي هي خالتو سلوى ربتنا انا وصفا وكأنو ولادها وبعمرها ما كانت غير متل أمنا مو لأنو موجودة بس بعمرنا ما اعتبرناها مرت أب

سلوى. ربي يخليلي ياكن يا عيوني

نرجس. الله يديم المحبة بيناتكون

ليلى. تسلمي خالتو

بعد ربع ساعة قامو الكل من عطاولة السفرة ويا دوب أكلو كم لقمة، السفرة ضلت عحالها لأنو ما حدا الو نفس للأكل
كان وسام قاعد عالبلكونة وعم يراقب السيارات الرايحة والجاية اول ما شافتو ليلى طلعت لعندو غطت كتفو ببطانية وسندت حالها عحرف البلكونة كان وسام عم يراقب انعكاس ضو القمر علون عيونها وشعرها الأسود المتناثر عكتفها كان متفاجأ من جرأتها لأول مرة بيطلع فيها بأعجاب بلش يحس بشي غريب شي حلو ومخيف بنفس الوقت كان ساكن بس يا ترا هالسكون هاد سكون ما قبل العاصفة ولا بلش يرضخ لمشاعرو وأحاسيسو...
ليلى. ما بردت!!

وسام. لاء...

ليلى. بشو صافن ؟

وسام. فيكي تجيبيلي ورقة الطابو الي فرجتك ياها مرت أبوكي قلبي حاسسني انو الورقة مزورة ادا أثبتنا انو الورقة مزورة‏eomoo_prhom ‏جزء ٢٣
وسام. فيكي تجيبيلي ورقة الطابو الي فرجتك ياها مرت أبوكي قلبي حاسسني انو الورقة مزورة ادا أثبتنا انو الورقة مزورة بتروح عنك نص التكاليف

تطلعت فيه بأستغراب وابتسمت إبتسامة رقيقة للحظة
كانت لمعة عيونها لحالها حكاية ليلى. لا توجع راسك وسام

وسام. الحق حق والبيت من حقكون انتي وأختك

ليلى. خليها هالفترة مبسوطة بالبيت بس صدقني رح تندم ورح يكون مصيرها الشارع

كانت نظرة الحقد الي لمعت بين عيونها كتير بتشبه نظرتو
وسام. يا ترى شو الي خلاها تعمل هيك

ليلى. بابا...اي لا تستغرب بابا هو الي خلاها تصير هيك خلاها تركب عكتافنا وتنزل رجليها وخلا كلمتها الوحيدة الي مسموعة بالبيت

وسام. ما فهمت ...

ليلى. بعد ما ماتت ماما الله يرحمها بالسرطان بابا تجوز خالتو سلوى بهداك الوقت كنا انا واختي لساتنا صغار وحدة عمرها عشر سنين والتانية خمس سنين خالتو اعتبرتنا متل ولادها مع انها كانت طفلة متلنا كان عمرها بس 15 سنة لما تزوجها بابا بس كانت لطيفة كتير تهتم فينا وبأكلنا وبمدارسنا خلت الكل يحبها من دون ما يحس

وسام. وشو الي خلا أبوكي يتزوج التانية لكن

سحبت نفس عميق ودمعت عيونها مسحتها بطرف أيدها بسرعة ليلى. بعد خمس سنين كانت خالتو سلوى مو قادرة تجيب ولاد يحملو أسم ابي وبعد رحلة علاج طويلة اكتشفو الأطباء انو ما بتخلف هون ابي جن جنونو وما قدر يتحمل تعرف على سماح الحية وتزوجها بعد سنة

وسام. اي...

ليلى. اول ما دخلت عالبيت تضل تعمل مشاكل بينا وبين أبي تضل تفتن بيناتنا وتروح تشكي وتبكي لبابا وابي يصدقها دغري وخصوصي بعد ما عرف انها حامل وبصبي كمان بس هي ما كانت تقدرلي كنت دائماً مفرجيتا العين الحمرا وما اسكتلا عغلط ولما تفتن بين أبي وخالتي سلوى كنت اوقف بصف سلوى واحكي لبابا الحقيقة بس طبعاً هي ما عجبها هالشي وصار بدا تنتقم مني

وسام. كيف يعني تنتقم منك...!

تطلعت بعيون وسام ورجعت سرحت بالماضي ليلى. انا قلتلك من قبل اني انا كنت ضحية متلي متلك بس يمكن بوقتها ما فهمت عليي منيح

وسام. شو قصدك ليلى ما فهمت ... باز کردن / نظر دهید

2023-05-18 22:18:28 عماد. يا ريت تبعتيلي العنوان وانا جاي لعندك فوراً
_____
بعد عشر دقايق صف عماد سيارتو مقابل المحل الي قاعدين جمبو الصبايا نزل من السيارة واتجه لعندون بهدوء سلم عليهون وسحب الشناتي وحطون بالطبونة من دون ما يسأل

عماد. يالله اتفضلو

بعد ما طلعو الصبايا دور السيارة وشغل عالتدفئة دغري التفت عليلى وشاف انفها الأحمر من البرد التفت عالصبايا وشاف أواعيهون الي عم تنقط مي من المطر بهاللحظة تكلل الغضب معالم وشو وما عرف شو بدو يحكي

عماد. شو صاير معكون ليش هيك حالتكون

ليلى. السيد الوالد الله يرحمو ما بعرف ادا بتجوز عليه الرحمة اصلاً كاتبلا للحية سماح البيت بأسمها وطبعاً هي استغلت الموقف وزتتنا برا

بصدمة عماد. ابوكي اتوفى!!

ليلى. اي

عماد. أسف ما كنت بعرف البقية بحياتكون

ليلى. عادي لا تهتم بحياتك البقية

تطلع عليها بأستغراب وكأنو عنجد مو قادر يفهمها عماد. مقدر غضبك بس الي عم تحكي مستحيل اكيد في غلط بالموضوع مستحيل اب بالدنيي يفكر يرمي ولادو بالشارع‏eomoo_prhom ‏جزء ٢١
تطلع عليها بأستغراب وكأنو عنجد مو قادر يفهمها عماد. مقدر غضبك بس الي عم تحكي مستحيل اكيد في غلط بالموضوع مستحيل اب بالدنيي يفكر يرمي ولادو بالشارع قد ما كان سيئ

حبست دموعها وفتلت راسها عالشباك ليلى. مع الأسف شفت ورقة الطابو بعيوني

صف السيارة عند مدخل بناية وطفاها عماد. صبايا بعد أذنكون معلش تستنوني بالسيارة خمس دقايق بس

ليلى. لحظة انا لسا ما سألتك لوين أخدنا انا شايفة قربت عمنطقتكون

عماد. امهليني بس خمس دقايق ورح تفهمي كلشي

نزل من السيارة وفات على مدخل بناية كانت ليلى متطمنة كتير من ناحية عماد لأنو هي مو اول مرة بيقدملا المساعدة بعد خمس دقايق رجع عماد وفتح باب ليلى

عماد. يالله صبايا اتفضلو انزلو

ليلى. لحظة لوين بدنا ننزل ؟؟

عماد. رح تضلو اليوم ببيت اهلي وبكرا او بعد بكرا بالكتير رح لاقيلكون شقة تستأجروها

ليلى. بس عماد نحنا ما اتفقنا هيك خلص ادا ما لقيتلي شقة بدبر حالي

عماد. ليلى الوقت تأخر والمطر كل مالو عم يشتد اليوم ارتاحو وبكرا منلاقي حل

مسكتها صفا من أيدها وكأنو عم تتوسلها ليبقو معد عندون طاقة اكتر من هيك شدت على أيد اختا وابتسمت لعماد

ليلى. طيب بتشكرك كتير عماد على المساعدة رح نبقى اليوم هون كنت متأكدة انك ما رح تتركنا
______
كانت الأضوية مطفية لما كان وسام قاعد على كرسي المتحرك وعم يراقب أضوية الطريق الي عم تلمع من ورا البلور الي واقف وراه للحظة مرق بخيالو طيف ليلى غمض عيونو وسحب تنهيدة عميقة عم يفكر بينو وبين حالو يا ترى ليش ما أجت اليوم عموعد الجلسة كان حاسس بشعور سيئ جواتو وكأنو قلبو محسسو انو في شي سيئ صاير معها

هز راسو بسرعة وكأنو بهالطريقة عم يمنع حالو انو يفكر فيها او حتى بشي بخصها بهالأثناء سمع صوت طقة الباب وسمع صوت عماد عم يحكي مع رفيقو وعم يتشكرو لأنو بقي عند وسام بغيابو

دخل عماد عالصالون وشغل الضو التفت وسام لعندو وحكى بلهفة ومن دون ما يفكر

وسام. ليش ما اجت اليوم؟!
قصدي عليلى

تنهد بعمق وقعد عالصوفا قبالو عماد. ابوها توفى اليوم الله يرحمو

وسام. شووو هي كيف وضعها انت شفتها !

عماد. مرت ابوها قلعتها من البيت هي واختها وخالتها لأنو ابوها كاتبلا البيت بأسمها الله يصلحو

وسام. انت شو عم تحكي عماد انت متأكد من هالحكي

هز راسو عماد. مع الأسف ليلى شافت ورقة الطابو بعيونها

وسام. بس يمكن تكون مزورة

عماد. ما فينا نثبت هالشي غير بمساعدة محامي وبظن انو مو قدرتها تدفع للمحامي وغير عن هاد ممكن تتكلف وبالأخير ما تستفاد شي

وسام. هي وين هلق ؟

عماد. اخدتا لعند أمك لبين ما تلاقي بيت أجارو مقبول باز کردن / نظر دهید

2023-05-18 22:18:28 كانت عم تطلع عدرج البناية وهي عم تدندن اغنية فيروز بقلبها راجعين يا هوا راجعين ...
فجأة شافت منظر خلاها توقف مكانها بصدمة وترجع لورا كانو سلوى وصفا قاعدين عالدرج ضامين بعض وعم يبكو وقدامهون في 3 شناتي سفر

بكلمات مقطعة ليلى. انتو شو عم تعملو هون

كانت عم تشهق وتحكي سلوى. تقلعنا من البيت معد النا مكان نعيش فيه

فتحت تمها بصدمة ليلى. شووو!

صفا. سماح هددتنا نضب غراضنا ونطلع من الشقة خلال ساعة وإلا رح تجبلنا الشرطة وتشحطنا لبرا

ليلى. لك انتو شو عم تحكو...‏eomoo_prhom ‏جزء ١٩
اي حدا بيقلكون طلعو من البيت بتطلعو اي شو الشغلة عكيف الي خلفها

قربت من الباب والغضب عم يتكلل ملامح وشها وصارت تخبط عالباب بهستيريا اول ما فتحت سماح الباب مسكتها من قبة قميصها وشدتها لعندها
ليلى. انتي مين مفكرة حالك آااه!!

لوت أيد ليلى وصرخت بوشها سماح. شيلي أيدك احسن ما أكسرلك ياها ويا ريت على هاد الباب ما بقى تدقو لأنو ما بدي ازعاج

ليلى. لك يا حيوانة هادا بيتي وبيت اختي نحنا الي منقلعك برا شو مفكرة الدنيي سايبة ما فيها قانون

ابتسمت بكيد سماح. اممم لحظة

غابت دقيقتين ورجعت بأيدها ورقة وجهتها لليلى وركزت بعيونها وكأنها عم تستمتع بهالمشهد سماح. هي ورقة الطابو يعني هاد البيت لألي يا أم قانون انتي

ليلى. بسيطة يا كلبة والله لخلي ابي يمسح فيكي الأراضي ما بيكون اسمي ليلى ادا ما بخليكي تندمي

حطت الورقة عالبيرو وكتفت ايديها ببعضون سماح. البابا تبعك هو الي كتبلي البيت بأسمي يا حلوة وهلق البابا بحح صار فوق بالسما

قربت صفا وصارت تحكي بكلمات مقطعة صفا. ششو قصدك لك شو عم تحكي انتي!!

سماح. يعني البابا عطاكي عمرو روحي استلمي الجثة من الامارات ادا حابة تودعي قبل ما يصير تحت وهلق عن اذنكون ما عندي وقت كتير بتعرفو يعني

طبقت الباب بقوة وفاتت لجوا اما ليلى كانت منشلة عن الحركة مو قادرة تحكي ولا حرف او تأتي بأيا حركة بهاللحظة حست حالها عاجزة عنجد مو قادرة تبكي وبنفس الوقت مو قادرة تتمالك أعصابها

اما سلوى وصفا كانو عم يبكو بكا هستيري لانو عرفو السبب الي خلا سماح تزتهون بالشارع

ليلى. بيكفي خلصنا بقى حاج تبكو

صفا. بابا راح يا ليلى بابا راح لك ما كان ضاللنا غيرو بهالدنيي

ليلى. لو كان فعلاً اب ما بيرمي بناتو ومرتو بالشارع عحساب رضا الخانوم لو كان فعلاً اب ما بيخليها تركب على ضهرنا وتدندل جريها طول هالسنين بيكفي بقى اصحو وانتي خالتو بيكفي تبكي بابا بعمرو ما كان الزوج المثالي ألك

صفا. قلبك من شو

ليلى. قلبي من حجر اسود بعمري ما رح سامحهون بعمري ...
يالله خلونا نجر الشناتي و نروح على مكان نأوي حالنا فيه بيكفي بهدلة وشنططة
___
لم تكن مجرد حقائب!
كانت خيباتٍ تجرها من خلفها...
ثقيلةً تكادُ تحني ضهرها...
كانت تشعرها بوحدتها...
رغم كلَ اولئك الناس والضجيج من حولها...
كانت تشعرها بضيق شديد...
رغم تلك الطرقِ الواسعة والأبنية العالية...
يظنون بأنها صامدة...
ولكن من يصدق أن وراء هذا الصمود أنثى مشتتة...
وكأنها تتستر شامخة بقناع عنفوانها...
من يعلم أن تلك الأنثى الهشة تقف خلفَ قناعها!...

__‏eomoo_prhom ‏جزء ٢٠
3 صبايا بعمر الورد عم يجرو شناتيهون ويدورو بالشوارع متل المشردين مو عرفانين وين بدون يروحو بحالهون صارو يسألو المحلات الي حواليهون عن بيوت للأجار بأسعار مناسبة بس كلون كانو عم يطلبو أسعار عالية مو من مقدرتهون يدفعوها للحظة حسو باليأس قرايبينهون كلون عايشين بمناطق بعيدة واقل الشي بدون ساعتين ليصيرو عندون وطبعاً هيك ليلى بيصير ما فيها تروح عجامعتها وعشغلها
بلشت تشتي الدنيي وكل مالو المطر عم يزيد غزارة، المحلات بلشت تسكر وبعد نص ساعة صفيو لحالهون بالطريق والمطر بلل تيابهون
بعد مشي ولف طويل قعدو تلاتتهون عرصيف محمي من المطر وحطو الشناتي جنبهون لتحميهون شوي من البرد

صفا. وبعدين!!

غمضت عيونها ليلى وسحبت نفس عميق كانت جواتها عم تدعي ربها يفرجها عليهون وقبل ما تفتح عيونها رن تليفونها وكأنو بهاللحظة اجاها الرد من رب العالمين

ليلى. اهلين عماد

عماد. تأخرتي 3 ساعات عن موعد الجلسة انشغل بالنا عليكي كتير ان شاء الله مو صاير معك شي

سحبت نفس عميق وحاولت تعدل صوتها ليلى. أسفة صار معي مشكلة ونسيت اتصل معكون وخبركون اني ما رح أقدر اجي اليوم

عماد. شغلتيلي بالي شو صاير معك؟

ليلى. مشكلة عائلية ماني حابة وجعلك راسك بس فيني اطلب منك طلب صغير

عماد. اي أكيد اتفضلي

ليلى. انا بحاجة بيت صغير للأجار يكون سعرو مقبول وبنفس الوقت يكون قريب من منطقتي يا ريت ادا حواليك هيك شي تخبرني

عماد. ايمت بدك ياه !!

ليلى. حالاً يعني بأسرع وقت ممكن

عماد. طيب طيب فهمت عليكي وين انتي هلق

ليلى. نحنا بالشارع باز کردن / نظر دهید

2023-05-18 22:18:24 سماح. الكون اللحمات والعضمات ما بدي منها شي بسس متل العادة ما بدي ينذكر أسمي لو عالموت عم تفهم يعني مو بكرا تقلي تحقيق وشرطة وما بعرف شو

غمزها ثابت. اتفقنا ...‏eomoo_prhom ‏جزء ١٧
بعد جلسة علاج طويلة كانت ليلى ببيتها مرتكية عالكنباية وعم تقلب بقنوات التلفزيون بضجر بعد شوي سمعت طقة المفتاح ضلت مرتكية عالكنباية من دون ما تكترث فاتت سماح وبأيديها في شوية كياس

ليلى. شو خالتو طال القمر ل بان اليوم شو القصة...!!

حاولت تكتم غضبها بأبتسامة مسطنعة سماح. ولا شي حبيبتي كنت عم أشتري شوية خضرة من السوق

ليلى. حلو كتير شقد ضل معك مصاري!!

سماح. ما معي غير كم ليرة مصروف البيت زكاتك ادا معك شي دينيني

هزت راسها بأبتسامة ماكرة ليلى. هاتي لخبيلك ياهون معي لكن بشتريلك غراض البيت وانا رايحة وجاية من الجامعة يالله المعاملة مع الله عمول خير وكب بالبحر

سماح. جامعة ؟؟؟

ابتسمت بمكر. ييي خالتو نسيت خبرك اني رحت اليوم سجلت بالجامعة يالله هي خبرتي

سماح. بسسس...

قاطعتها ومدت ايدها ليلى. نوال سماح قصدي خالتو

فتحت شنتتها ورمتلا كل شي معها مصاري عالطاولة كانت سلوى عم تأشر لليلى من ممر الصالون وكاتمة ضحكتها اخدت المصاري وفاتت لعندها وهي عم ترمق سماح بنظرات انتصار

اما سماح كان وضعها ببكي شدت على مقبض أيدها وهمست بكلمات بينها وبين حالها
سماح. انا بفرجيكي يا كلبة مضطرة سايرك هالفترة بس والله لخليكي تندمي عكل كلمة وكل حركة وكل نفس تمردي بس مصيرك تحت صرمايتي
_______
فاتت ليلى عالغرفة ولقت سلوى وصفا فارطين ضحك عالمشهد الكوميدي الي صار من شوي مشهد تعودو عليه من قبل بس هالمرة انقلبت الآية 180 درجة

ليلى. شبكون!!
ليش فارطين ضحكونا معكون !

كتمت سلوى ضحكتها سلوى. ابداً سلامتك:)

قعدت عتختها رفعت شعرها كعكة وصارت تعد المصاري الي اخدتهون من سماح بتركيز

ليلى. يا محمد هدول لوجع الضهر الله وكيلكون هي اول مرة بفرح لما بقبض تفضلو هي كل وحدة منا بيطلعلا 5 الاف عيشو بهالنعيم تنعمو يا بنات ...

صفا. قصدك لوجع كل الجسم

تقلبت ملامح سلوى فجأة سلوى. لك صح ليلى خبرينا شو صاير بينك وبين سماح عاملتيلا سحر ولا جاييها عقل الرحمن

ليلى. لا هي ولا هي ماسكة عليها ممسك والله لخليها تندم عكل ساعة وكل دقيقة ذلتنا فيها رح خليها تذوق المر أضعاف ما ذوقتنا ياه وانتو كمان لازم تساعدوني لتعرف ان الله حق

صفا. ممسك شو لولو خبرينا وجد بدك تروحي عالجامعة ولا عم تضحكي عليها

باللاشعور ارتسمت إبتسامة عوشها ليلى. ايي اليوم رحت وسجلت لحسن الحظ لسا التسجيل فاتح يعني ما رح روح عليي فصل وانتي صفا لازم تشدي همتك لحتى تنجحي هي السنة بالبكلوريا لازم نلتفت لحالنا بقى

صفا. معك حق اختي لازم نلتفت لحالنا

ابتسمت سلوى. الله يوفقكون يا صبايا وترفعولي راسي‏eomoo_prhom ‏جزء ١٨
ليلى. بلا عواطف مهترية هلق تعو لخبركون عن سماح وكيف خليتها تصير متل التوتو بتعرفو ما فيني خبي عنكون اكتر من هيك
حكت كلماتها وفاتت بموجة ضحك طويلة اول ما تذكرت الموقف

شقت الباب من جنبها ونادت لسماح ليلى. سماح...يا سماح زكاتك سكتيلنا هالولد ويا ريت تجيبيلي بطريقك كاسة مي بدي اعطي صفا أدويتها

سماح. جاية ليلى جاية

كتمت ضحكتها ليلى. لأول مرة بتقول ليلى مو لاعيلى...

سلوى. يمو مقواكي انتي الله لا يعلق حدا معك لأنو بتكون أمو داعية عليه بليلة القدر
_____
مضو الصبايا وقت وهنن عم يمزحو ويضحكو من بعد سنين لأول مرة بيضحكو هيك كانت الفرحة مو واسعتهون احياناً السعادة بتجي من تصرف من موقف او حتى من رضى تام بالشي الي منملكو بس يا ترى هالسعادة رح تستمر كتير!!
ولا لما الحزين بيفرح ما بيلاقي لحالو مطرح ...!!
____
تاني نهار الصبح كانت ليلى متأنقة عال 24 ومجهزة حالها لتبلش اول يوم دوام الها بالجامعة من بعد انقطاع طويل كانت السعادة مالية وشها وكأنها مالكة الكون بهاللحظة كانت حاكيه مع وسام ومخبرتو قبل بيوم انو رح تتأخر اما بالنسبة لشغلها بالمكتبة ف رح يكون مسائي يعني ما عندها مشكلة.

سحبت نفس عميق ودخلت عالجامعة وهي حاملة شوية ملفات ودفاتر بأيديها كان ضايل على محاضرتها نص ساعة دخلت عمقهى الجامعة واشترت فنجان قهوة
قعدت عطاولة منحرفة سحبت سيكارة وبلشت تدخن وهي عم تسمع صدى فيروز بأدانها سارحة بعالم تاني فجأة حست بصبية واقفة قبالها وعم تطلع عليها

الصبية. معلش أقعد معك

هزت براسها وملامح الاستغراب واضحة عوشها ليلى. اكيد اتفضلي

الصبية. انا أسراء

ليلى. اي وانا ليلى

أسراء. شكلك جديدة هون بالجامعة معلش نكون أصدقاء انا وانتي

ابتسمت إبتسامة عذبة ليلى. أكيد طبعاً
عالساعة 12 خلصت ليلى محاضرتها ورجعت عبيتها رضيانة عن هاليوم قدرت تتعرف عرفقات جدد وحست حالها عنجد اشتاقت لأجواء الجامعة والطلاب بعد هالأنقطاع بالرغم انها اشتاقت لرفقاتها القدامي بس ما خلت هالشي يأثر عليها ابداً باز کردن / نظر دهید

2023-05-18 22:18:24 #الجزء_الثالث
‏eomoo_prhom ‏جزء ١٥
سكرت الهاتف وتمددت على تختها مع بسمة كيد لتخطيطاتها الحقيرة مضت ثواني وكانت غفيانة وكأنها ضامنة خطتها تنجح 100‎%‎
__________
كانت عم تراقب الطبيعة من ورا قزاز السيارة وعيونها العسليات عم يلمعو مع الشمس ليعطوها جمال وجاذبية أكتر كانت مبسوطة كتير متل الفراشة إبتسامتها مكللة وشها .
أخدت رشفة من فنجانها القهوة وغمضت عيونها لتستلذ بطعمة البن كان عماد سارح بعيونها وعم يراقبها من دون ما يحكي

ليلى. بتشكرك كتيير عماد لإنك وصلتني عالجامعة جد الفرحة مو واسعتني لأني رح كمل

فاق عماد من شرودو عماد. آااه اي ما عملت شي

ليلى. بشو كنت شارد؟

عماد. شغلة بتخص الشغل...

ابتسمت بجاذبية ليلى. خلينا ننزل لكن

عماد. انا عندي شغل هلق فوتي انتي ابي وامي هون هنن بيفتحولك الباب

ليلى. طيب تمام بتشكرك مرة تانية

نزلت من السيارة ودقت الباب بكامل ثقتها بعد ثواني فتحلا الباب ابو وسام والأبتسامة مرسومة على تجاعيد وشو

ليلى. صباح الخير

وسيم. اهلاً عمو اتفضلي

حسيت بالراحة ناحية ابو وسام دخلت عالبيت واول ما شافت نرجس رمقتها بزورة وحاولت تتلافى وجودها

ليلى. صباح الخير

نرجس. اهلين
التفتت لعند وسيم. خلينا نمشي ابو وسام بجهز الغدا ومنرجع لهون
______
علقت جاكيتها عالكرسي وقعدت قبال وسام بثقة رجعت شعرها ورا اذانها وتطلعت بعيونو
ليلى. كيفك اليوم !!

عقف حواجبو وسام. الحمدلله من الله منيح ...
ليلى. غمض عيونك سحاب نفس عميق وشعور بوجود الطبيعة من حواليك ركز على صوت العصافير، حفيف الشجر وصوت الموج البعيد حاول تتخلص من طاقتك السلبية بالطبيعة

غمض عيونو وعمل متل ما قالتلو تماماً...

ليلى. وهلق فتح عيونك ووصفلي حياتك بكلمتين

تطلع فيها ورمقها نظرة ما فهمت معناها عماد. غير موجودة...!!

لمعت الدمعة بعيونها وحست حالها اختنقت حاولت تتمالك حالها قد ما بتقدر لانو الطريق لسا قدامها طويل كتيير...

ليلى. احكيلي وسام ليش شايف الحياة مظلمة بنظرك؟
ليش ما عندك الجرأة تواجه ماضيك؟
وليش ما بدك تعيش لحاضرك؟
اعتبر حالك عم تحكي مع صوتك الداخلي وجاوبني

لمعت شرارة حقد بعيون وسام شد على مقبض ايدو وحاول يتمالك اعصابو
وسام. الماضي تهمش...
والحاضر مانو موجود بعتبرو نكرة لمجرد انو لساتك موجودة فيه ولساتك عم تتنفسي بعمري ما حقدت على حدا او كرهت حدا بس أنتي غير عن الكل بكرهككك والكره طالع مع كل حرف‏eomoo_prhom ‏جزء ١٦
بحركة سريعة لفت الكرسي وصارت تركض لوصلت عالحمام كانت مو قادرة تضبط دموعها اكتر من هيك مانها حمل كل هالقسوة الي مالها ذنب فيها للحظة حست بالندم لانها دخلت حياة وسام مرة تانية بس ما فيها تنسحب وسام لازم يعرف الحقيقة لازم تساعدو ليقدر يعيش مرة تانية غسلت وشا بمي باردة ورجعت طلعت لعند وسام بعيونها الحمر

وسام. غريب بلاقيكي تأثرتي مو من طبعك

تطلعت فيه بنظرتها الثاقبة وكأنها عم تتصنع القوة من أول وجديد ليلى. وسام!!
بدي ياك تعرف انو انا مالي ذنب بكل الي صار صدقني انا كنت ضحية متلي متلك صرلي 3 سنين عم بتعذب تحت رحمة مرة أبي بلا ذنب

اطلق ضحكة ساخرة ضحكة مو مفهومة ابداً وكأنو عم يسمع نكتة بس مستحيل تكون حقيقية

قاطعت ضحكتو ليلى. انا بعترف حبيتك من اول يوم اشتغلت فيه بالمشغل تعلقت فيك وبضحكتك بس صدقني كان حبي الك بريئ بعمري ما فكرت أأذيك او اجرحك وما كان بدي شي اصلاً ما كان بدي ياك تحبني بيكفيني بس شوفك سعيد

عماد. جاي عبالي اضربلك تحية او اصفق لصدقك بس مع الاسف بسبب هالصدق ماني قادر حتى ارفع ايدي وصفق
لسا من يومين ما كنتي بتعرفي مين انا قوليلي يا ترى شو عدا ما بدا؟!!

ليلى. وسام انا ما أجيت لأجرحك انا جيت لساعدك أفهم هالنقطة كتير منيح

عماد. براڤو استمري...
____
بمقهى السعادة كانت سماح حاطة طاقية على راسها ولابسة نظارات شمسية عم تتلفت يمين وشمال وكأنها خايفة لحدا يشوفها او حتى يلمحها كل شوي كانت عم تطلع عساعتها بتوتر بعد دقايق فات شب عالمقهى بالثلاثينات من عمرو طويل وعضلاتو بارزة شلح نظارتاتو وقعد قبال سماح

ثابت. قاعدة بالزاوية ولابسة نظارات شمسية ومتخفية اول مرة بشوف سماح خانوم بهالوضع هاد بس نسيتي شي وحيد رح يكشفك

تطلعت فيه بأستغراب قبل ما تنطق جاوبها

ثابت. سموحتي طاقيتك السودة بميزها من بين 100 طاقية

سماح. بلا مسخرتك هلق بدي ياك بخدمة ضرورية ورجاءاً بلا لعي زايد لأني مستعجلة
ثابت. بلا مقدمات هاتي من الآخر شو بدك !!

سماح. ليلى بنت زوجي بدي ياها تتورط مع جماعتكون

سحب سيكارة من بكيت الدخان ورجع راسو لورا وهو عم يشغلها ثابت. شكلو القط بلش يتنمر عسيدو
غمزها. بس هاتي لشوف قوليلي شو المقابل ؟

سماح. قصدك الكلب
المقابل كل شي بتجنو منها لألكون طبعاً مقابل مساعداتي

فرك جبينو ثابت. يعني عم تقوليلنا الكون اللحمات والي العضمات يعني بتعتبري مسؤولة عن كلامك بعد هاللحظة باز کردن / نظر دهید

2023-05-15 14:56:51 رأيكن بالقصة
@Stories_3_bot
لاتنسو التفاعل
@Stories_3 باز کردن / نظر دهید

2023-05-15 14:56:51 ‏ #المقدمة بقلم#sdra_ezalden ...: لما تختار مهنتك وتعطيها كل يلي بتقدر عليه من حب وحنية وبتكون مالك كل شي فيها الا شي واحد وهو الاصعب على قلبك بس الانسان مابيخلق كامل الكمال لربنا سبحانه وتعالى بس اجتمعنا بقلب واحد ومكان واحد صدفة بشعة قدرت تعمل قصة حب ومهنتنا… باز کردن / نظر دهید

2023-05-15 13:53:59 وبيدخل من باب الصالة فرقة عم تضرب على الطبل لغنية
ودع لعزوبية
ودع لعزوبية وفات الليلة على حبس الحياة اكس على كل البنات ونقاقي انتي
شام: بتبتسم وبتطلع بأسر وبتبلش تتمايل هي وياه وفرحانين وانا فرحانة معهن وانتو كمان موجودين بالعرس
بتشتغل الاغاني وبيطلعو الكل لعند شام وأسر وببلشو يتمايلو معهن ويرقصو
بقرب اياد وبكون عم يرقص وماسك ايد شهد وعم يتمايلو وعم يبتسملها
شهد: عم تتمايل معو وتبتسم
وريان: ماسك ايد جوري وعم يتمايلو معهن
وريحان وعمار عم يهزو سوا وماسة وأوس عم يهزو من الجهة التانية وكل المتابعين عم يهزو سوا ويلا
أسر: يخليلي شاميتي محلاها
شام: بتبتسم وبتشبك ايديها بايده وعم تتمايل معو يخليلي ياك أسري بشغلو غنية رومانسية الله يباركلي فيك
وبتقرب شام من أسر وببلشو يتمايلو على الغنية بتحط ايديها على رقبته وعيونها بعيونه
شام: بتطلع فيه بحبك كتير ياأسري
أسر: بيبتسم وانا بموتت فيكي يا شامي وغرامي وكل حياتي
بيطلع مقطع الله يباركلي فيك بغنوه سوا وهنن عم يتمايلو ويضحكو بيحملها أسر بين ايديه وبدور فيها وبنزلها
شام: بتضحك وبتضمو لقلبها
بتخلص الحفلة وبيطلعو أسر وشام بسيارتهن وبيروحو على الفندق بطل على البحر
بيحملها أسر بين ايديه وبيدخلو وبنزلها
شام: بتطلع فيه وبتبتسم كم مرة حملتني بتضحك
أسر: اوو اذا من اول مرة احت عيني بعينك شلتك بين ايدي
شام: بتبتسم وبتحاوط ايديها على رقبتو وعم تطلع بعيونه اممم ايمتى حسيت انك بتحبني
أسر: بيبتسملها اذا بقلك من اول مرة حملتك فيها واغمى عليكي بين ايدي حبيتك مارح تصدقي لهيك رح قلك من اول ما التقت عيوني بعيونك وسجنتيني فيهن
شام: بتبتسم بتهمسلو وانا حبيتك من اول يوم حطيت فيه ايدك على قلبي وخليته ملكك
أسر: طيب وهلق انتي كلك ملكي
شام: بتبتسم ايي
أسر: بيضحك وبيغمزها مع فتن هالمرة
شام: بتطلع فيه وبتضحك مو بايدك قليل ادب
أسر: وبحبك
شام: وانا بعشقك

(وهيك تم زواجهن واتحدو ليصيرو شخص واحد وقلب واحد بقصة حب بتنتهي بزواجهن #أسر_شام)

أدم بيدخل على بيته وبسكر وراه الباب
بيتطلع حوليه وعم يسمع صوت ياسمين بالبيت وصداه هي وعم تقول أدم يارجالي يامالي ورسمالي انا ياسمينتك وانت شامي بيبتسم وبغص بدموعه بيدخل على غرفته وبيمسك صورة ياسمين
أدم: ياياسمينتي رجالك وحيد من بعدك يارفيقة العمر وهي شامي راحت وياسمنتي راحت مين ضل مين بضم صورتها لقلبه وبيسند راسه على التخت
#تسريع
بعد مرور اربع سنوات
( شام بتخلص جامعتها وبتتخرج وبتختص بطب الكانسر وأدم بيفتحلها عيادة يلي عم تحلم فيها وهي وأسر صار عندهن ياسمين لصغيرة وأدم )
واقفة شام هي وأسر وماسكة ايده وعم تبتسم قبال عيادتها بتطلع عليها بكون مكتوب عليها عيادة( ياسمين الشام) لامراض الكانسر " معاً لنحارب السرطان"شام: بتطلع بأسر العيادة يلي بحلم فيها ياسمين الشام تحقق حلم امي ياأسر
أسر: بيبتسم وبضمها لقلبه الحمدلله ياروحي الحمدلله بيمسك ايدها وبروحو على بيتهن
بتفتح الباب شام
شام: ياسمين أدم وينكن بابا
بتدخل هي وأسر على بيتهن يلي جامع كل ذكرياتهن وبتكون رسمة أسر يلي رسمها لياسمين معلقة بنص الحيط وحوليها صور ياسمين وأدم وصور شام وأسر وصور ياسمين وأسر وصور ولادهن
بلاقو أدم اعد وحاطط بحضنه ادم لصغير وياسمين وعم يحكيلهن حكاية بينهى الحكاية وقالتلو الاميرة للأمير أدم يارجالي يامالي ورسمالي انا ياسمينتك وانت شامي
شام: بتبتسم وبتقرب منهن وكل مرة بجي على اخر مقطع من القصة بتبوس أبوها
أدم: واحلى مقطع ههههه
ياسمين لصغيرة: بتركد وبتنط على أسر بابا
أسر: ببوسها يخليلي ياسمينتي محلاها
شام: بتبتسم بابا
أدم: عيون ابوكي
شام: نروح نزور قبر امي
أدم: بيبتسم اكيد يلا
بقومو وبيطلعو على المقبرة كلهن وبوقفو بيقرأو الفاتحة
شام: بتبتسم وبتقرب من قبر امها ماما اليوم فتحت عيادتي وسميتها على أسمك وأسر كان جنبي ورح نكفي مشوارك يلي بتديتي فيه ورح ننهيه نحن واليوم ياسمينة لصغيرة صار عمرها تلت سنين وأدم سنة ونص بتبتسم وجوزك ختير ههههه وانا مشتاقتلك كتير ياريتك جنبنا لتكمل فرحتنا بوجودك
بقرب أسر من شام وبيبتسم بيمسك ايدها امي يا ياسمينتي انا اليوم جنب شام وحضل جنبها لااخر عمري اشتقنالك كتير
أدم: ايه ياياسمنتي العمر مضي وكبرو لولاد وكبروني معهن ههه بس ماتخافي لساتني شباب ها بعجبك الله يجمعني فيكي يارفيقة العمر ياسمينتي
بتقرب ياسمين لصغيرة: جدو انا ياسمينتك كمان
أدم: بيبتسم واحلى ياسمينة بحياتي بيمسك ايدها وبيمشو
وبيمسك أسر أيد شام
أسر: بحبك شاميتي
شام: وانا بحبك يااسر الشام يلي ما بينمحى
أسر: انتِ معجزة الحب
شام: بتبتسم هئ انتَ معجزة الحب
أسر: بيتطلع بعيونها وبيبتسم معجزة الحب تكمن في عشق العيوب
شام: بتمسك ايده تكمن في عشق العيوب
أسر: بضمها لقلبو وبيمشو وبيلحقو أدم
النهاية
#ياسمين_الشام #الموسم_الأول
#معجزة_الحب #الموسم_الثاني باز کردن / نظر دهید

2023-05-15 13:53:59 بوقفو وببلشو يباركولهن
( وهي انخطبت شام لاأسر وعم يمر الشهر بسرعة وشام جهزت حالها للعرس وقررو يعيشو مع أدم ببيتو لان هاد طلب شام انو تضل مع ابوها واليوم يوم العرس)
بتكون شام عند لكوافيرة
بتخلص شام مابتعمل بشعرها موديل عالي بتعمل موديل بسيط وبتزينه بعرق الماس على جنب شعرها ومكياج هادي لانها حلوة اصلا مابدها مكياج
وبتلبس فستانها الابيض وبتطلع ملكة وغمازتها عم تحفر بئر من العسل وعيونها الزرق يلي عم يبرقو
ريحان: بتوقف وبتشوف شام بدمعو عيونها وبنيزلو دموعها شاميتي بتقرب منها وبتضمها
شام: بدمعو عيونها ماما
ريحان: والله وكبرت شاميتي الف مبروك ياروحي
شام: بتبتسم الله يباركلي فيكي ياعيوني
ريحان: بتشبهي امك بيوم عرسها
شام: بتبتسم الله يرحمها يارب
ريحان: بتبتسم وصل عمك عمار لنطلع على البيت أسر المفروض ياخدك من بيت اهلك يلا
شام: بتبتسم يلا
بيطلعو بسيارة عمار وبيمشو كلهن على بيت أدم
وبوصل أسر وكل والعراضة تحت البيت والطبل والزمر بينزل أسر من سيارته بكون لابس بدلة سودة يعني شو بدي قلكن مارح تشوفو متل هيك عريس
عند شام
بتوقف قدام ابوها
شام: بعيون مدمعة رجالي
بوقف أدم وقت يشوف شام
أدم: بتخونو دموعو بيتطلع فيها وبقرب منها بيمسك وشها بين ايديه يا شامي ياروح قلبي بضمها لقلبو
شام: بينزلو دموعها وبتشد على ابوها يخليلي ياك ياعيوني
أدم: بيتطلع فيها اليوم حتفارقني روحي يابنتي شاميتي كبرت وبدها تتركني وتفل بغص كنت خايف من هاليوم يلي يجي فيه انسان يملك قلبك بدالي وياخد حبك مني وتنسيني
شام: بابا يارجالي انت مستحيل حدا ياخد محبتك بقلبي انت ابي وسندي واخي ورفيقي وحبيبي وكل دنيتي حبيبي الأول والاخير انت بابا
أدم: بينزلو دموعو اكتر وبيحضن شام الله مايحرمني منك ياروحي
شام: ولا انحرم منك ياحبيب قلبي
أدم: بيبتسملها وقت تتعبي بأشر لقلبه بتجي لهون لحضن ابوكي وقلبه وانا رح احتويكي ياشاميتي الف مبروكك ياروحي
شام: بتبتسم اكيد بابا وبتضمو
بتشغلهن جوري غنية كبرت البنوتة
أدم: بيبتسم وبيمسح دموعه وبيمسك ايد شام وببلش يتمايل معها ويغنيلها كبرت البنوتة كبرت ست الكل صار بدها تتزوج تتركني وتفل
شام: بتبتسم وعم تتمايل مع أدم
أدم: ربيت بدموع العينين كبرت بالنقدي وبالدين يجي واحد مدري منين ياخدها ويفل بيبتسم وبضمها وعم يتمايل معها
بوقفو وبقرب منها وببوس راسها الله يباركلي فيكي ياعيوني
شام: بتقرب منو وبتبوس ايده وراسه يخليلي ياك
بيندق الباب
عمار: بيبتسم ها اجا عريسنا
جوري: بتركد لتفتح
عمار: انضبي وليه انا يلي بدي افتح بزمناتها الانسة شام اخدت مني مصاري لتفتحلي كرمال شوف ريحان وهالمرة صار دور الانتقام وندفع عريس الهنا
ريحان: بتضحك ههههههه ياعمار متذكر لهلق يعليك
عمار: اكيد دفعت من جيبتي لهيك بدي اتذكر
شام: بتضحك ههههه
عمار: ميين
أسر: بيتطلع بأوس شو مين انا عمي
عمار: مين انت يعني
أسر: انا أسر افتحلي
عمار: بيفتح شوي وبيتطلع فيه نظرات خبيثة وبيفتح ايده احم
أسر: بيتطلع بأوس شو بدي اعمل
أوس: دفاع حبيبي دفاععمار: مابتدخل لتدفع يلي اخدتهن عروستك بعرسي وفوقهن حبة مسك كمان
أسر: بيبتسم وبطلع رزمة مصاري وبحطها بأيد عمار وهي وصلك حقك
عمار: بيبتسم ايوا هيك من الاول بيفتح الباب تفضلو
بتعلى صوت الزلاغيط وبيدخل أسر
أسر : بيتطلع بشام وبيبتسم وبقرب منها وببوس أدم وبيمسك ايدها وببوس راسها وبينزلو بزفة كبيرة وبيطلعو بالسيارات ليوصلو على الصالة كرمال يكتبو لكتاب وبعدها الحفلة
بتنزل شام وأسر وبيعد على طاولة العرس وأدم بيعد والشيخ بالنص
بيمسك ادم أيد أسر
الشيخ: قول وراي ياأدم زوجتك ابنتي
أدم: زوجتك النتي
الشيخ: موكلتي
أدم: موكلتي
الشيخ: البكر
أدم: بغص بدموعو قرة عيني وروح فؤادي
شام: بتطلع فيه وبينزلو دموعها
أدم: صديقتي بلا شبه وحبيبتي بلا غيرة
الشيخ: بدمعو عيونه الله
أدم: رفيقة العمر المضموني والقلوب بحبها مسكونة سبب الرزق رغم ضعفيها بينزلو دموعه وام أبيها رغم صغرها
بيتطلع بشام سبيلي الى الجنة بأذن ربها شمس ايامي وقمر ليالي شام أدم
الشيخ: زوجاً شرعياً
أدم: زوجاً شرعياً
الشيخ: على سنة الله ورسوله
أدم: على سنة الله ورسوله
بخلصو كتب لكتاب
وبقوم أسر بيحضن أدم
أدم: امانتك مال الشام يا أسر شاميتي
أسر: مال الشام بعيوني عمي بعيوني
بتقرب شام وبتحضن ابوها وبتمسحله دموعه ياحبيب روحي انت
أدم: شاميتي وياسمينة بيتي
شام: بتبتسم
أدم: بيمسك ايدها وبسلمها لاأسر وبيدخلو كلهن على الصالة وبتبتلش الحفلة
بيدخلو أسر وشام من باب الصالة والكل عم بصفقلهن وبصفرو وبوقفو بنص الصالة باز کردن / نظر دهید

2023-05-15 13:53:59 الجزء التاسع والأخير
أسر: بيتطلع بأدم وبيبتسم
أدم: يعطيك العافية يلا الله معك
أسر: بكون ماسك اعصابه بيبتسم طيب يلا بشوفكن بخير وبيبتسم لشام وعم يطلع بيخبط بباب المطبخ اخخ
شام: بتضحك انتبه هههههه ييي
أسر: بحط ايده على راسه ماصار شي عادي وعم يبتسم وبيطلع
أدم: انتي حكيتي لأسر
شام: بتطلع فيه وبتختفي ابتسامتها وبتهرب
(بمر اسبوعين وهنن على هالحالة أسر صار صبح ومسا عندهن وبكل مرة بيرجع بيطلب ايد شام من أدم وأدم بجاوبه نفس الجواب ماخلا شي ماعمل صلح براد وغسالة وفرن وبلاليع ويجيب خضرة ويعزل اذا بدكن وتعب من رأي أدم يلي ماكان يتغير )
( المسا )
بكون أدم نايم بشوف حاله واقف بمكان صحرا وطيف عم يحاوطه وماعم يعرف من وين بتبين ياسمين من بعيد وبتكون عم تبتبسم
أدم: ياسمينتي
ياسمين: بتبتسم رجالي
أدم: بيركد لعندها ليوصل ويحضنها كأن روحو ارتدتلو بيلمس وشها بايديه انت عايشة
ياسمين: بتبتسم انا عايشة بقلبك يارجالي بس انت ماعم توفي بوعدك وبوصيتي يأادم
أدم: انا نفذت كل وصيتك بالحرف ياياسمنتي
ياسمين: وصيتي بأسر يا أدم أسر وصيتي الك انتبه عليه و على شام وفجأة بتطلع شام وبتقرب وبتمسك ايد امها
شام: بتبتسم لاأدم وعم تلوحلو بأيدها
وبتبلش ترجع وتختفي ياسمين وهي ماسكة ايد شام وهي عم تقول وصيتي أسر ياأدم أسر
بيصحى أدم مرعوب صوت ياسمين عم ينعاد وصيتي أسر ياأدم بقوم من تخته وبيطلع لبرا بشوف شام اعدة وعم تدرس
أدم: شاميتي وبقرب منها وبيحضنها شاميتي ياروحي
شام: بتحضن ابوها بأستغراب بابا فيك شي
أدم: بيتطلع فيها انا بحبك ومابدي ياكي تزعلي مني ورح نفذلك كل يلي بتتمنيه قومي خبري أسر انو بكرا يجي عو وعمته ليطلبوكي رسمي انا موافق
شام: بتتوسع ابتسامتها وبتحضن ابوها ياروحي انتي يخليلي ياك وماانحرم منك ياسندي وقوتي وكل حياتي
أدم: ويخليلي ياكي ياروحي
شام: رايحة خبره
أدم: بيبتسم وبهز براسه
بتقوم شام وبتتصل لاأسر
أسر: الو بنت حلال هلق كنت بدي رنلك وقلك انا تحت طالع لعندكن
شام: بتكون عم تضحك أسر بابا وافق وافق خليك تحت نازلة انا نازلة
أسر: بيتلبك وعم يضحك يلا يلا بينزل من سيارته وبوقف بأول حارتها
شام: بابا أسر تحت رح انزل ثواني وبتركد هي وعم تضحك
أدم: بيتطلع فيها بعيون مدمعة وبهز براسه
بتنزل شام وبتوقف بتشوف اسر واقف
شام:بتضحكك أسرر وافق وافق
أسر: بتتوسع ابتسامته وبيفتحلها ايديه
شام: بتركد لعنده وبتحضنو
أسر: بشد عليها وعم يبتسم الحمدلله
شام: بتطلع فيه رح صير الك وعم تضحك
أسر : بيبتسم وبيحضنها لقلبو وببوس جبينها اي الي وبس شامية قلبي تاني اليوم المسا بكونو اعدين كلهن ببيت أدم وعم يقرأو الفاتحة
شام بتكون واقفة بالمطبخ وعم تحضر القهوة وريحان وماسة وانجي ورنا وجوري واقفين معها
بيدخل أدم
أدم: بابا جهزت القهوة
شام: بتبتسم بتلبك اي بابا
أدم: وين فنجان أسر
شام: اي فنجان عادي
أدم: شو هي عادي هه اختي ريحان الملح من بعد اذنك
ريحان: بتضحك هههههه انت اخي بدك تحط الملح
أدم: بايدي ليشربها والا بقلب عليه عطوني يلا
شام: بابا حرام
أدم: مادخلك بيمسك الملح وببلش يحط خمس معالق بقلب الفنجان
شام: ييي بابا كتير كتار
أدم: هسسس
بكونو عم يضحكو على أدم
أدم: شطة اختي كمان
شام: لا ولو بابا حرام هيك
أدم: ماخصك شام بعدي بقرب وبحط معلقة شطة وبحركها منيح وبيبتسم بمكر
شام: بقلبها( يعلي شو رح يعملو فيك ياأسري)
بتمسك صينية القهوة شام وبتطلع بتضيفهن وبتوصل لأسر
شام: بتطلع فيه وبتغمض عيونها بقسى بتهمسلو يعلي اشربها شوي شوي
أسر: بيبلع ريقو وبياخد الفنجان وبيبتسم وعم يتطلع بأدم
أدم: تفضل ابني شراب قهوتك تفضلو شربو
أسر: بيبتسم وبيتطلع بشام وبهزلها براسه انو شو
شام: بتحركله بايدها انو لاتشرب
أسر: بيتطلع بعمتو
سراب: شراب ابني شبك
أسر: بيبتسم وبيشرب اول شفة وبتعلق بحلقو ماعاد يعرف ينزلها او يبزقها ووشه بعبق احمر وعيونو دمعت بيبلعها بالزور وهو عم يتطلع بأدم بغيظ
أدم: بكون عم يبتسمله ببرود بقلبه( شراب شراب وبيضحك ههه)
أسر: بيتطلع فيه بتحدي وبيمسك الفنجان وبيشربو بفرد مرة وبيبلعو طبعاً بدو غسيل معدة بعد هالفنجان بحط الفنجان والكل عم يتطلع فيه بصدمة
أسر: بيتقصد يقول مافيو ملح ليش غريب مابتحطو شكلكن
أدم: بيبتسم بقلبه( والله وشربته ياأسر رجال)
شام: بتطلع فيه وبتبتسم وعيونو مدمعة من الشطة بيمسك كاسة المي وبيشربها
شام: بتكتم ضحكتها عليه
سراب: اخي أدم حنعمل كتب لكتاب والعرس بنفس اليوم وخليه بعد شهر كرمال شام وامتحاناتها وتلحق تدرس
أدم: بيتطلع بشام بعيون مدمعة ماعندي مشكلة الله يقدم يلي فيه الخير
أوس: لكن الف مبروك ان شاء الله باز کردن / نظر دهید