نعي ابو ذيات هوسات

2023-06-14 19:23:34 نعي لأستشهاد الامام الجواد عليه السلام
*

فوگ سطح الدار   حيره
چانت   انفاسه  الاخيره
السم وصل چبد  الجواد
وغدرو  العايش  ضميره

اه من غدر  القريب  شينحمل
يا فضل رديتي  مو أم الفضل

يا حليلة    زاهد  شسويتي
بيدچ  شلون الولي سميتي

ظل ثلث تيام محد غسلاه
لا بچه يمه ولا واحد  لفاه
هاي تاخذنه لجرج اي والله  آه
حسين يا أكبر حزن  نكبر  وراه

يلجواد حسين عاري اعلى التراب
يلجواد  بكربله    چان      العذاب
هناك حرب نحور وچفوف وحجاب
هناك ما ظل لا طفل لا حتى شاب

باقي خنصر من جسد كامل تطشر
باقي لا ما باقي  صار  تراب  الاكبر
باقي دم يجري اعله خد طفله اتعثر
باقي وشباقي الشمر ليهسه    ينحر
فوگ تله الدين   يبچي الله  و أكبر

سلبو    سكنه   ورقيه
وينهم  اهل     الحميه
ربي ما نحمل    ألمهه
ربي  موت   الغاضريه

حرگو    اچفوف    اليتامى
خلو     بزينب         علامه
من الضرب   صارت  قيامه
داسو   اضلوع      وعمامه

زينب     المحد      نظرهه
هذا   يشتم  ذاكه   جرهه
ذاك   يا     عالم   سطرهه



أيد     بيد   وبالحبل   صارن   آسارى 
الطلعن  من ديارهن  چنهن     مناره
العاشن وي حسين والكافل   حماهن
تالي  يا وسفه  أدخلن قصر   الاماره


   

    /  رعد الفريجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-06-11 20:17:32 ابو ذيات
•••
مصابك گلب كل شيعي   مراده( مرّده)
ورحيلك هالمحب بالسم  مراده
يباب الحاجة المحقق.     مرادة
يگاضي احمول كل حاجة عصية
••
بربوع انفوسنا بهاليوم عمّ آه
على المسموم مثل الحسن عمّاه
الظلم للمعتصم والجور عمّاه
وسگى ابن المصطفى سمّ المنية
•••
المدينة و كاظمية العزه      ينشاد
بجموع الخدم طور النعي    ينشاد
الجواد محمد اسمك صرح  ينشاد
رمز مثّل نبذ كل طائفية
•••
ناظم الفضلي الكربلائي ٢٠٢٣


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-11 19:40:20 نعي
(جيّت حزن)


اجانه العيد واحنه بنص الاحزان
                      مـا نـفـرح بـعـد مـثـل اليـعـيدون

بـدّلـنـه الـفـرح بالحسره والـنـوح
                      وســود اهدومنه ودمعات العيون

الـيـفـارگ عـزيـز ايـعـاشـر اگـبـور
                      ومـبـارك تـگـلـــه بـعـيـدك شـلـون

خـلّـونـه بـدمـعـنـه انـريـد نـرتـاح
                      ونـعـايـد صـــور لـلـمـا يـرجـعـون

شـكـراً يـالـتـريـد انـعـيّـد وْيــــاك
                      وفّــاي ونـگـلـك حــيــل مـمـنـون

بــس وداعـتـك زاعـلـنـه الأعـيـاد
                      تـواسـيـنـه بـدمـع مو بالفرح كون

چبيره اجـروحـنه وفارگنه طيبين
                      وفـراگ الـمـشـوا ماضـنـن ايـهـون

شـيـحـمـلـه يـوادم جرح الِـغـيـاب
                      يــوجــع صـاحـبـه ويـغـيّـر الـلـون

الـمـبـارك تـلـچـمـه الـيـفـگـد اعزاز
                      عــوفـوه بـدمـعـتـه ولا تـلـچـمـون

                                         *---------------*---------------*
بقلم الشاعر
رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-10 10:51:07 مجموعة ابوذيات بذكرى شهادة الامام علي عليه السلام 

علـــى النـــوح الـــدهر طشنه      ولمنــه
وبعــــد مـــا  تهــــده ونتنــــه      وألمنـه
أجانــــه العيـــــد لا أبــــونـــه     ولا أمنـه
صرنـــه أيتـــام حمّــــــاي الحميــــــه

         

يبويـــه أهــــلال عيـــد الفطـر    هل هل
ودمـــع عينـــي عليك أدمــوم     هل هل
يبويــــه الشامــت بهـــل يــوم    هـلهــل
لچـــم گلبــــي ونهــــاري اظلم عليه       

         

دمـــع عيني دمــه من العين      منسال
ودليلي مـــن المصــايب دوم      منسال
على هامــك السيـــف اشلون     منسال
وطـــبر راسك يحماي الحميـــــه

         

ريض يـــا نعــش بــرجـــاك     مــرهان
مو تدري الگــلب بالنــــوح      مـرهان
جزّن حلــوه الليــالي وبقـن      مــرهن
وبعد هيهـــات وكتـــي يحن عليه

         

عگــب عينــاك أدگ الصــبر      والهــم
وبعد هيهات أجافــي النـــوح      والهــم
علــى المطــبور راسه بسف      والهــام
أنـــوح ولا تهيـــد الــــروح بيه

*
الدهــــر وياي ســوه الراد      مــا راد
ومصابك يـــا علي لحشاي      مــــارد
يبويـــه الگلب راد ويـــاك      مـــاراد
عليـــه تبعد يحمــــــاي الحمــيه

         
الـــدهـــر عالـنوح هــددني      وعـيــده
وحــــزن أم الحســــن رده       وعيــده
الگلب بحــــزانه متگبـــع       وعيــده
صــــــار همــــوم وآلام ورزيــــه

         

بزغر سنـــي وچفــوفي الــدهر      لاون
ولا دمعــه التسلـــي الـــــروح       لاون
يبويــــه رايـــح ليـــا صــــوب      لاوين
أجانــــه العيد ونعيّـــد ســـويــــه

         
  
الشاعر
موسى البديري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-10 03:25:11 نعي الى الأمام علي عليها السلام
****
نفطر سوه برمضان جنه
عافوني ليش اهل المحنه
للمكبره امحملين اهلنه
وكلبي انكطع سباح منه

باجر يبويه يجبل العيد
والناس كلها اتعيد اتريد
اصفك بكيت الايد بالايد
وشيفيد بويه العتب شفيد

باجر تروح ويظلم البيت
وتاخذني المنيه وياك ياربت
انه زينب يبويه بصوت ناديت
ومثل ونت الدوح اعليك ونيت


انه ويالحزن ما كطع وداي
وعلي بويه اموت اوياك وداي
انه اويالمصايب صرت وداي
تعال وشوف وكتي اشعمل بيه

دمع العين اصبه اعليك وجره
ويبويه اكلوبنه امن الضيم وجره
مصابك ما سده اعله انسان وجره
كلف جرحك يحماي الحميه

تحن روحي وعله الطيبين ولها
وبعد بيمن اصبر الكلب ولها
جرت من دم دموعي اعليك ولها
عتب وتكول ما مروش بيه

**
الشاعر
تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-10 03:23:56 أبوذيـــه // لشهادة أمير المؤمنين عليه السلام لسان حال السيدة زينب سلام الله عليها


تِلم خير البشـــر وآنه لمي يروح
جرح يِخْلِف جـرج ثانــي لمَيروح
الليله المرتضــى عني لمّي يروح
وعسَن گبله اندفن تحت الوطيه


البيت الثالث / لأمي يروح يلتحق بالزهراء عليها السلام


الشاعر : أبو زينب علي الظالمي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-09 01:19:09 ابيات نعي لاستشهاد الامام علي ع
( بعد فقد الاب والدار خاليه)

كأني بأحبابه وأولاده تبكي وتقول
***
ننعه اعليك كلنه وحتـــى قرآنك
ياكلب الرحيم المعظــم احسانك
يلي ماتســــــــــد فد يوم بيبانك
ياشيخ الهواشــــم خالي ديوانك
***
ياشيخ الهواشـــــــم ماتجي الدارك
تنشد وين راعــــي البيت خطارك
مافاتح مضيفك لا تشـــــــب نارك
وسفه الناس كلهه امضيعه اخبارك
***
يلي ماتسد للمعتنـــــــــــــي بابك
الدنيه موحشه والكــــون بغيابك
مانشفت دموع العيلــــه واحبابك
ذابحهه الهجر يالوالي وامصابك
***
شيعوض حنانك تنحــب ايتامك
ينوح حسين والله و يذكر ايامك
يتصور اباله وينظـــــر الهامك
من اتلوج يمه وتســـعر آلامك
***
واللي تكســـــــــر الدلال وتهدمه
زينب من تطلــــع الثوب وتشمه
تصيح وتنعه آخ وتحضن بهدمه
مات الأبو هســـه واعرفت يتمه
***

وكأن مولاتنا زينب تبكي وتقول في العيد

ياراعي المحنه أجانه العــــيد ياراعي المحنه
يابعـــــــد اهلنه مشتاكين ألك يابعــــــــد أهلنه
ماترجــــع النه اسويعه ياالأبو ماترجــــع ألنه
وانشوفك احنه تسير لينه بويه انشــوفك احنه
***
مـــر البناتك عيد الله اجـــــــــه ومر البناتك
بويه وغلاتك مشتاكين الك بويــــه وغلاتك
جبنه عباتك بويه امن الصبح جبنـــه عباتك
ماناســـياتك نشــــــم ابريحتك ماناســـــياتك
***
واتعايـــــد الناس فرحانه البشـــــــــــر واتعايد الناس
وآنه الطم الراس عليك امن الحـــزن آنه اللطم الراس
ما اكطــع الياس بلكـــــت ترد ما اكطـــــــــــع الياس
نص الكلب جاس ثلم هرشي الهجر نص الكلب جاس
***

كأني زينب والحسن والحسين يزورون قبر ابوهم

اشحلات المكبره البيه ســـكنتو
عفتو ادياركم واهنـــا كـــعدتو
يالبأرض النجف هسه نـــزلتو
اكلوب احبابكــــم والله شلعتو
***
نشتم من بعد ريحــــــة اهـــلنه
كصدنه المكبره وراعي المحنه
جنك بويه واجــــف تومي إلنه
نمشي ونعــثر الكبرك وصلنه
***
ليكم جينـــــه بويه و سيرينه
وللمكبره بالعيــــــــــد اجينه
نتبجاجه ونون ننحـــب لفينه
فدوه ارجوك فك بابك علينه
***

كأني بزينب حضنت القبر الشريف

لفيتك للكبـــــر بويه اشلونك
خو ما غيـــــــر التربان لونك
خو ماذبلت وراحن اعيونك
ماتكعد وتفتحلــــي اجفونك
***

أبو علي الركابي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-08 04:55:20 ابوذيات / امير المؤمنين ع
                                        **
   يوجعني الفجر لـو اجه ونطر
   واني اشگد اتانيه الراح ونطر
   علي من طاح بلمحراب ونطر
   بچه جبريل من شافه رميه

   طلع والموت شوفله علي مات (علامات)
   طاح وبين المسجد عليه مات
   يون وصاح محرابه علي مات
   بچتله الكوفه ويتامه سويه

   بمحاسن وجها ياوادم وجاها
   الروحه الموت متعني وجاها
   نـار ابگلبي الك وكتي وجاها
   وناحت شيعتك هاي المسيه

   المنيه اگبال عينك علي مرات
   ليالي اجفاك يابوحسين مرات
   بطبرتك متنه يــامولاي مرات
   وعليك اويانه حزنانه المنيه
                                          ***
   ابوحيدر
   الصبيحاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-06 00:26:36 ابوذيات نعي للامام علي ع

علي وياه
طب للمسجد وحيله           علي وياه
وابن ملجم كصد حيدر       علي وياه
رفع سيفه النذل لكن          عله وياه
صوت الوحي  ينعه الزاد فيه
...........  
جره الما
مو بس دم علي ابجرحه          جره الما
ويسعر بالكلب والسم              جره الما
علي هاللي جره ابحكه            جره الما
اعله كبله من اولياء الله ونبيه
.......
يهل ما
البشفاف العطش ذكره             يهل ما
علي ابجرحه طبيب اوحد.       يهل ما
يكللهم علي  امودع                 يهل ما
بعد مثله نشوف من البريه

الشاعر
ياسر العارضي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2023-04-05 03:48:23 في ذكرى إستشهاد أمير المؤمنين(عليه السلام)

علـى بــابــي الجمـوع الفجـر     يـارت ( يرّت)

صحت بس كون سالم"علي"     يـاريت

أو بس شفته أعــرفت دنيـاي     يــارت

      أوعرفته إيروح مني  البيه حمّيه

**** 

المصايب بس علينـه إشعجب     تنَصـبْ

أو مـــأتــم للحـزن بـــالـروح     تنصَـبْ

علــي حــامـي الدخيل أشلون     تنصاب

     وأنته البالحرب   سيفك منّيه

خادم اهل البيت  عليهم السلام

ابو حيدر المجراوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید