نعي ابو ذيات هوسات

2022-07-31 20:07:48 بذيات نعي
لسان حال السيده زينب ع

جبل فوگ النهر طـــايح ورايه
وعگب عينه الشمر يفتر ورايه
اگومن وأگعد ابكــــــيفه ورايه
ولا جِن بت علي حامي الحميه


علىْ اختك يا گمر ضالم ترها
شعجب ما تفزع بعينك تراها
زينب طايحه ابشــــده تراها
وتحشمك ونته نايم عالوطيه

دمعي اعليك اهلــنه وسيله
وغيرك ما بعد عدي وسيله
اناشد بالنهر عـــنك وسيله
وين اجفوف سبع الغاضريه

اه امن الزمن يـــــــاگمر يوجار
يخلي الألم وسط الگلب يوجار
لا ناصر بعد عينـــــاك لا جار
يدگ صدره ويحامي الهاشميه

مصايب كربلاء زينــــب لونها
انفطر حتى الصخر ويون لونها
ميته ام الخدر بالــــطف لونها
ولا ادخل ابديوان ال اميه

علي كاظم المنصوري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-31 14:54:39 ابوذيات لأم البنين (ع)

1
تگول ام البنين اچفوف حنيت
على الراحو واحس الظهر حنيت
مو للاربعه اعله حسين حنيت
ودعيت الله يرد سالم اليه

2

لجل حسين اهل دمعي وسيله
سألت ومابقت عندي وسيله
گلت انشد هوه المرني وسيله
عساه يعرف اخبار الغاضريه
3

اجاها الخبر بس الروح هامات
انگصت بالطفوف اچثير هامات
رجعت سألت اعله حسين هامات
انذبح خبروها برض الغاضريه



الرحمه والغفران لروح والدي
رياض الرسل الجابري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-31 14:19:52 ابوذيات للسيده فاطمه العليله "عليها السلام"

جروحي من الحزن ماظل.....لهلهه
دموعي وحايره العبره.......لهلهه
العليله اكتاب من ودت ......لهلهه

اخبرهم تره بحجر المنيه
****
ولا ساعه الحزن يهدء......وماراي (يعني ومراي.......( المر)
ولا شفت الضعن يمي........وماراي (مايمر)
سالته حسين تاخذني........وماراي (يعني الرأي )

يبويه الشور يمك والقضيه
*
عطر فركاك صار شلون......ما طيب
عليله والجسم بچفاك......ما طيب
حلفت الدار عكب حسين ...ماطب

ونيني عليك كل صبح ومسيه
*
اسولفلك وريد اتصير......عيناك (اتعيني)
ردت منك تجيني بهاي.......عيناك
(عناي)
الله يساعدك ودعيت .......عيناك
(يعينك الله)

وحيد بكربله روح الزجيه
*

خادمكم : يوسف الفتلاوي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-30 01:43:40 ابــــــــــوذيات نعـــــــــــي

ابوذيـــــات عــــاشوريه
…… .
بسهم عاشــــور كلبي دوم ..ينصاب
ودمعـــي يهمل من العيـــن.. ينصاب
لبو السجاد وسط الــــروح.. ينصاب
مــــــأتم والنياح يزيـــــد بيــــه
ــــــــــــــ
ضـــربنه الشمــر ياخــويه ..ولمنـه
وبينــه كــام يتشمــت… ولمنــه
يتــامه لا ابــو يمنـــه… ولا أمنــه
وخونه حسين مرمي عله الوطيه
ــــــــــــــــ
يعملت كربلــه اليرضــع. شبلها
ولف چانون انه بروحي.. شبلها
رمله عله الرمل شافت… شبلها
يـــون ومكطع بسيف المنيــــه
ـــــــــــ
سيوفه الدهر حداهه. . وسنها
ينسوان الخلك زينب. وسنها
رقيه زغيره دمعتها. وسنها
مثل سن الــــورد وغدت رقيه
ــــــــــ
السيدة زينب
الدهـر مايــوم فــرحنه. وسرنه
وضعنه عله العدو يصعب.. وسرنه
من يمكــم سبي رحنــه.. وسرنه
ونتــم جثث فــــوك الغاضـــــريه
ـــــــ
العليله
كصـه بيه الزمـان وعـمل ماراد
وهجركم بالكلب يحسين ماراد
جفانـي والــدي ونتظـر ماراد
ونه عله الباب اون صبح ومسيه
ـــــــــ
السيدة زينب
عظامي من اليسر والهم… ترخوان
الدهـر وياي من زغــري. ترخوان
زينب فــوك ناكتــــه. .تر خوان
عله الغبره صفو كلهم رميه
ـــــــــ
خادم اهل البيت
ســــاري العبـــادي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-29 13:15:49 ابو ذيات للبداية محرم

شهر عاشور هذا اليوم هليت
وعلينه بالحزن  ونوح هليت
من العين دم الحسين هليت
وجرت عيني دمع ويه الزجيه

وين  الجانو  بروحي  ويانه
وحته الظحك من راحو ويانه
هل عاشور  هليله   ويانه
وذكرنه حسين يوم الغاظريه

شهر  عاشور  عذبنه  ولمنه
ومواكب لجل ابو اليمه ولمنه
جمعنه بدمعة احزانه ولمنه
وحته المهدي حاظر بالعزيه

العزيه باهل شهر لحسين حنيت
وروحي  على الطم  ياناس  حنيت
ظلوعي لجل ابو سجاد  حنيت
وانا شاب هولي يكودون بيه

الطم  حيدر  يسولف بيه   وصفه
نخبط كل ساعه لجل حسين وصفه
  ابو  السجاد   للمعلول   وصفه
يطيب جروحي من اذاكر رقيه

ابو هاجر المجراوي


 https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-29 11:43:00 نعي الليله الاولى ليلة الهلال
*
وياي وياي. جانو كل سنه ايكعدون وياي
عيناي عيناي راح امن البواجي تروح عيناي
بهداي بهداي. وي زينب صحت يا دنيه بهداي
رجواي رجواي عافوني اخوتي ونكطع رجواي



مالت مالت الدنيه اشبيها بس وياي مالت
شالت شالت وعني بعيد ذيج الزلم شالت
سالت سالت ذكروكم امس والعين سالت
كالت كالت. زينب وين اهلها الناس كالت

البي محنه ليش ايروح صحت البي محنه
ونه اعله ونه. كضيت العمر ونه اعله ونه
مشلوعه منه. احس وصله الكلب مشلوعه منه
اليوجعنه اليوجعنه تره كلش اثكال اليوجعنه

مدري شجاها. روحي تريدكم مدري شجاها
خذها خذها. الوكت دولبني واحبابي خذها
وراها وراها. تفر ايتامكم وركض وراها
احركاها احركاها. الخيم ليش الشمر خويه احركاها

وتريد خوان. تره العشره الطويله اتريد خوان
ما جان ما جان. افاركم يخوتي بساع ما جان
وليان وليان. ما عندي صفت يا ناس وليان
نحلان نحلان جسمي امن التعب والضيم نحلان

ما عندي كرابه ولا عشيره
ويحدي بناكتي الما عنده غيره
اطلعت بالهيمه والوادم جثيره
والمن ناضري احتاريت اديره

*
الشاعر تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-27 14:09:24 ابوذيات للعليله

١

يبويه عالضعن عيني ترابي
وغطه عيوني ماوچد ترابي
عليله والگلب باقي ترابي
جرح من فارگت سكنه ورقيه
٢

عليله وينسمع واضح تراني
تره أني
اموتن ما اضن ابقه تراني
يبويه هم بعد عينك تراني
واضمك بالدمع بثنين اديه

٣

اشعندك ياهلال الشهر هليت
على راسي تراب الحزن هليت
دموعي للضعن من رحت هليت
يبويه واصفگت بثنين أديه




الرحمه والغفران لروح والدي
رياض الرسل الجابري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-27 00:54:45 نعي للسيدة زينب عليها السلام
☆☆☆☆☆☆☆☆☆☆☆☆
بس نتذكر  أسمچ  تدمع العين
شمسويه بگلبنه يخت الحسين
نحلفچ   بالذي  گطعوله چفين
ماودچ تجي للغاضريه...
☆☆☆☆☆
ماودچ    تجين    وتنظر    الناس
لهفتچ على أخوانچ يم الأحساس
مشتاگه    شكثر  أدري   للعباس
ولخوچ حسين دمعاتچ جريه...
☆☆☆☆☆
ولخوچ حسين  مابطلتي الدموع
يمن مايحلى لسمچ غير موضوع
تعالي  وأشعليله بگتره  الشموع
وجيبي وياچ شيله من رقيه...
☆☆☆☆☆
وجيبي  وياچ  شيله  يالعقيله
وعلى  حالتها  أبد  لا تشتكيله
حسين شگد يحب بنته دخيله
بحيث وياه آخذها للمنيه...
☆☆☆☆☆
بحيث وياه آخذها من/ بچتله
لإن ماتت لمن سمعت/بچتله
عيون السمه يازينب/بچت لا
بيوم الذبحوا حسين وأخيه...

الشاعر اسعد قاسم الكيريعاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-26 20:55:17 أبو ذيات
***
يمن بيكم شفى الاهات و دّاي
ولا ضاع التعب ورباي ودّاي ( وودي)
يريح الصوبهم تمشين وداي ( ودّي)
سلامي للمشوا للغاضرية
***
نذرت الروح والأولاد والمال
لابني حسين عدل العدل والمال
حبيب الله وبديه الحشر والمال ( والمـآل)
شفيعاً ردته لي بعد المنية
***
سواد بكل سنة البس ونشريت
بعت كل الفرح بعدك ونا شريت
دمع لابجي العمر كله وانا اشريت
اموتن دون ابن سيد البرية
***
ناظم الفضلي الكربلائي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-26 11:36:44 [ نعي الليله الثانيه ]

ــــــــــــــــ

يـ گون الليله دمعـي أوياك ماخِتْمه
أريد الليله احچي سوالف الخـدمـه
يـ كونك راضي عنّه وعنّ إلـ نقدمه
و كـون الما بچـتلك تــذبل وتعمه

ــــــــــــــــ

وحگ شيبك الدامي الماحصل غسله
أتيّـه بيـــتي و قــراياتــك انــدلّه
يـ المعلّمــني معنـى السِـلّه والذِلّـه
شعار (الخير) صار ابخدمتك (كِلّـه)

ــــــــــــــــ

عسى ليل الخدامه وياك ما يرحـل
و أشد احزام حزني و دوم ما ينحل
يـ يكون الطم لحد ما فاطمه تقبل
يالمعيّـشني عيشـة خـادم امـدلل

ــــــــــــــــ

الشاعر مهدي التقي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید