نعي ابو ذيات هوسات

2022-08-17 17:20:05 نعي مفجع
السيده زينب اتخاطب الحسين ع


كـون الـعـمـر يـحـسـيـن يـنـدار
فـدوه الـك نـنـطـيـهـه الاعـمـار
ونـفـديـك كـلـنـه ازغـار وكـبـار
نـايـم يـخـويــه والـرمـل حــار


تـصـعـب عـلـيـه بـهـاذ وضـعـك
فـوگ الـسـگ مـبـتـور اصـعـبـك
اويمـك صريـعـه اجـسـاد ربـعـك
ونـاصـر ردت مــحــد يـسـمـعـك


غـيـر الـدمــع مـا ضـال عـنـدي
دمـعـه تـطـيـح ودمـعـه تـبـدي
الصوّب دلـيـلـك صـاب چـبـدي
وبـيّـه مـظـت نـيـران وجــدي


بـاچــر اروحـن عـنـك ابــعـيـد
وتـدري الاعادي موش اجاويـد
گـلـي بعجـل يحسين شـتـريـد
أشـــر الـــيـــه وأرفـــع اديـــك


*-------------------------------*---------------------*
خادم الحسين ع
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-16 14:19:26 عن لسان زینب سلام الله علیها

یعباس العده اخلافڪ یَونّه
و ونی اعلیڪ ما واحد یَونّه
الیون لو فاگد اخوانه یَونّه
مثل زینب یطَلْعوهه سبیـّــه

▧▧▧▧❂❂❂❂❂❂❂❂❂▧▧▧▧
حمـــام الــدوح وَنّـی
مایَوِنـّه
یســاره و گـوم هاشـم
مایَونـّه
تصب عین السمه الهـم
مایْوٰنـه
ابچی ادمـوم من غصبن علیــه

▧▧▧▧❂❂❂❂❂❂❂❂❂▧▧▧▧
نـاح الناعـــي لونینــي
ولــي ون
بحزنــي الیاوڪت ابقــه
ولـیویــن
مثـل عبـاس ویـن الگــه
ولـي ویـن
یحامینـی و یرد اجیوش اُمیِّــه

▧▧▧▧❂❂❂❂❂❂❂❂❂▧▧▧▧
روحی فگد ابو الاڪبر
یلمهه
و حگه المادره بزینب
یلمهه
ما ظل والی للعیلــه
یلمهه
عگب عباس ڪل طفله ابنویـه

▧▧▧❂❂❂▧▧▧▧❂❂❂▧▧▧▧
بقلم الرادود یعقوب البوغبیـش


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-15 17:06:01 قصيدة إلى أولاد مسلم عليهم السلام



عن ظعونهم باعدهم البين
الحزن لاولاد مسلم يدمي العيون
من شبت النار بكل الخيام
إثنين إخوان فرو ساعة الكون
نار وخيل ضاك المهرب اهناك
ركضو مادرو تاليهم شلون
ناس بلا شرف لاغيره لادين
زغار وصفو بيد الما يرحمون
لان بيهم عطر من عطر الحسين
ازغار ازغار حطوهم بالسجون
ابن زياد قيدهم بالاغلال
عليهم وصى حراسه يضيكون
طال الوكت بيهم بالسجن ذاك
على ياديره أهلهم مايعرفون
للسجان كالوله يسجان
قرابه إلنا بمحمد لون تدرون
حن كلبه عليهم والدمع سال
فتح باب السجن حتى يطلعون
غربه بلا دليل بليل واخطار
مثل قصة أبوهم غربه يمشون
حرمه ومنها طلبو كالو ضيوف
تكول أنتم منين المن ترجعون
كالو من محمد إحنا طفلين
مطلوبين صرنا لليحكمون
هلا بأولاد ال النبي المختار
خير الناس اهلا من ينزلون
بس خوفي عليكم ساعة الليل
مجرم عندي لابيده تطيحون
طب للدار لكن اجا طلاب
لكاها الطلبه العليها يدورون
ماهمه العمر لا زغر السنين
بيهم جائزه ولازم يموتون



محمد النوري




https://t.me/joinchat/AAAAAEN4vuuUfDbAramBIQ
قناة خاصة نعي/ابو ذيه/هوسات باز کردن / نظر دهید

2022-08-11 16:46:09 نعي لدفن الإمام الحسين عليه السلام





من حي بن أسد طلعت النسوان
صوب أرض الحرب ويشوفن الجان
اندهشن من لكنهم جثث شبان
الرووس مكطعه ومكطعه ايدين
*--------------------*-------------------*
ردن على الحي ويلومن شلون
وكالن للزلم هسه تكومون
لدفن أولاد هاشم لاتقصرون
وعن نصره كبل جنتو مقصرين
*-------------------------*------------------*
خلو عين ترقب عسكر بن زياد
وطلعو رادو يدفنون الأجساد
حارو بالاجسام شلون تنعاد
بلايا الروس بس أجساد باقين
*----------------------*-------------------*
بارض الطف حضرهم زين العباد
ولدفنة ابوه رايد السجاد
لكاها مجزره ويذري الرماد
على الدنيا العفى من بعد الحسين
*-----------------------*-------------------*
من شافوه ملثم طلع ليهم
عن ذيج الجثث شالو اديهم
ركع يم جسم ابوه يلثمه ويشم
وتبلل لثامه بدمعة العين
*---------------------*----------------------*
المن واكفين يكلهم اهناه
وبفيض الدموع تسيل عيناه
كلوله سمعنه بمقتله وجيناه
نريد ندفنه ابن سيد الكونين
*----------------------*----------------------*
خط حفره جبيره ودفن الأنصار
وحفره اخرى لبني هاشم الأحرار
وحط حفره لحبيب وشيخ الأبرار
شيال اللواء وناصر الدين
*-------------------*--------------------*
تعنه لجسم ابوه رايد يواريه
وردنا نساعده بدفنه ونداريه
كال وياي من يعيني اعليه
تحت ظهر الابو مدد الجفين
*----------------------*--------------------*
جيبولي حصيره اجمع اوصاله
وجمع جسم ابو اليمه وبجاله
يدور بالثرى السجاد ماله
يدور خنصره المكطوع ضل وين
*-----------------------*------------------*
حط خده اعله نحره وسأل الدموع
وبجه من شاف ابوه مرضوض الضلوع
ضل يون لبوه اوليده ويلوع
على الدنيا العفى بعد الميامين
*-----------------------*---------------------*
صد للمشرعه والدمع ساله
وصاح بصوت ياراعي الكفاله
عظيم الشان عباس اعتناله
على الدنيا العفى لكطعة الجفين
*----------------------*---------------------*


محمد النوري


https://t.me/joinchat/AAAAAEN4vuuUfDbAramBIQ
قناة خاصة نعي/ابو ذيه/هوسات باز کردن / نظر دهید

2022-08-11 16:43:30 نعي "لدفن الاجساد "
.........
اخـتـنك عبره العليل وهـل عبرته
ويـسـيـل دمـوع مـن دم بـدمعــته
حـين شـاف الوالـد الحـزو ركبـته
شاف عاري مسلب ومرميه جثته
وبعــد ما خلص دفن وكمل مهمته

رجع عـنـد الخـرابه وشـاف عمته
علي عمه كًلي حسين شلون شفته
وعـن حاله سـولفلي ومن نضرته
جـثيره جروح بي عمه ما عـرفته
وجـم جرح بجـروح دلاله حسبته

الصدر مهشـوم يا ضلع الجـمعنه
احجـيلي ابـوك يعـمه لـمن وصلته
عمه اكعـدت يمه احـاجيه وكعدته
عـن يا جـرح اليألمه اكـثر نشدته
عـمه هم جاوب لـون عـني سالته

وهـم كلك وين زينب راحـت اخته
وهم شاف سـبيي لـمن انه عبرته
هم كتله انه بصوت الزجية ندبته
اخـوي حـسيـن عـمه انه عـذرته
أشكلك سكينه لورقية هم راد بنته
..........
الشاعر
اياد الفرح التميمي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-11 15:40:52 (ابو ذيه) الى زينب الحوراء عليها السلام


حزينه وتضل مثل أمها يسرها
وبعد بالشام مايخلص يسرها
راح الجان بجفوفه يسرها
اجفوفه اتكطعت وامست سبيه
*----------------------*---------------------*
راح الجان من تمشي لواها
الدهر من طيح اخوتها لواها
الجبال الصمم من تنشج لواها
اتحطم من هظم بنت الزجيه
*----------------------*---------------------*
خان الدهر والزهره لها ون
كل الكون من كالو لها ون ( وإن )
لزينب مو وان كالو لها ون ( وين)
غريبه لوحدج بالغاضريه
*--------------------*---------------------*
غريبه بلا أهل ضلت بلا حد
وبلاها البين بهمومه بلا حد
صفت زينب بلا والي بلا حد ( حادي)
حاديها الشمر حادي الرزيه
*--------------------*---------------------*
الشمر حداي يتشمت ولهلاي
ولاني وماكو إخواني ولهلاي
أنه لحسين الي عبره ولهلاي
والعباس الي ونه خفيه
*---------------------*----------------------*


محمد النوري



https://t.me/joinchat/AAAAAEN4vuuUfDbAramBIQ
قناة خاصة نعي/ابو ذيه/هوسات باز کردن / نظر دهید

2022-08-11 15:24:48 نعي للدفنه
*
يعمه اوصيك اريد وبيه حسره
موش حسين تلجم عمه ضهره
بالخيل اشكثر مسحوك صدره
وسع اللحد من تحفرله كبره

يعمه حسين جسمه اسهام متروس
وبصدره الحوافر كامت ادوس
من كد ما حنين ودمعه محبوس
اجه وياي يمشي وجايب الروس


زينب تخاطب السجاد ع عنده ذهاب الى العباس ع
**
يعمه لو رحت يم صاحب الجود
اريدنك يعمه اتبوس الزنود
وتكله تره وفيت العهود
صح مو يمي بس وياي موجود

كله العشره يا عباس متهون
رحت والصوط زورك خويه المتون
اكعد كامو بزينب يعيلون
اشما طكوني ليك ادير العيون

مدري اشلون يا عباس عفتك
دولبني الوكت يمدلل اختك
ابدال الشمر تحدي النوك ردتك
يا عباس كتلني فركتك


ليلى تخاطب السجاد ع
*
سلملي اعله الاكبر كلش اهواي
وكله اشلون يبني اتضيع ارباي
نزله بالكبر يوليدي بهداي
ومن يوم الرحل ما ضايكه الماي

يايمه اشحلات الولد بالبيت
ووليدي يرد للبيت ياريت
وبس اصفك بديه اليوم ضليت
وفك عينه علي الاكبر تمنيت

***
عنده رجوع السجاد ع تتلكاه ليلى ع


صاحت هم سأل يوليدي عني
تره افراك الولد والله كتلني
اشلون ايروح الاكبر هيج مني
بعد طول العمر ما يهده وني


رمله تخاطب السجاد ع
**
سولفله اعله حالي وضيمي كله
وامك ما هدت جسام كله
كمت دربي بغيابه ما اندله
مدري اشماني وضليت عدله


بهداي الولد لو نزليته
تره كلبي انمرد من ودعيته
من حكي الولد لو عاتبيته
مدري اشلون جاسم فاركيته


رمله تخاطب السجاد ع عنده رجوعه من دفن القاسم

تكله ابني وثمر كلبي اشلونه
اخاف اتغير امن الشمس لونه
كونه يرد صحت للدار كونه
واكبار العشيره يحنونه

الرباب تخاطب الرضيع ع
**
تكله اعله الولد تبجي الدللول
وعدوك صحت يبني ساكن الجول
وكبر عبدالله هسه اشلونج ايكول
ونيت ونيني رايح ايطول

يعمه اعله الصدر بهداي وسده
تره كلش زغير اوليدي بعده
مامش راس تدري اوليدي عنده
اشلون اتحط عله التربان خده

الرباب تخاطب السجاد ع عنده رجوعه من دفن الرضيع


من ابني تكله بيك ريحه
هلبت يكعد امن الترب صيحه
اشما الموت شو سوه الريحه
ومثل اوليدي خلاني ذبيحه
***
رقيه تتلكه اخوها السجاد عنده رجوعه من دفن الاجساد
****
صاحت خويه بله اوجب اليه
هم كلك اشتاقيت الرقيه
ثلث تيام شو ما مر عليه
يمته ايرد وراوي حته اديه


صايرله اشكثر ما حاجي وياي
وموش اطباع ابوي اعله الكطع هاي
تره منتظره ابوي وضامه الماي
اريد بجفي اشربه نور عيناي
***
الشاعر
تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-02 18:54:30 نعي الى الامام الحسين ع
حال لسان السيده زينب ع

طريت الزلم ولخيل ياحسين
وجيت عليك  خويه هواي لهفانه

فتحيت العتب وياك  باليل
وانا يحسين خويه عليك زعلانه

ماتكعد تحاجيني يابو اليمه
شيظل بيه خويه اليفكد خوانه

تسمعني من ون عليك ونعاك
وحته لو نه من التعب ذبلانه

يابو الغيره ترد وياي ونروح
المثلك ما يعوف بحيره نسوان

ماكو ما الك تشرب ياعطشان
رغم ياحسين انا وياك عطشانه

السهم صوب دليك ودري ماذيك
لجن ياخويه سهمك حيل اذانه

نمت وما تجيني وترجع وياي
وانا ويه اليتامه ليله سهرانه

وباجر مدري وين تسير الظعون
وريدنك ياخويه تروح ويانه

ابو هاجر المجراوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-02 09:41:28 ابو ذيات للقاسم
--
يذخري بيوم يلفي الكُبُر ورداي
يستر الحال يا مهيوب ورداي
زرعتك يولدي جسّام ورداي
لچن داست عليك سيوف أميه
---
ينبض امك يروح الخير وجهاك
بوسط رملة شعور الحزن وج هاك
لمن صار لدخول الحرب وجهك ( توجّهك)
الى الموت اتّجه كل عضو بيه
---
ناظم الفضلي الكربلائي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-02 08:59:15 للسيده ام البنين ع
**
يناعي ولا بگـت دمعه      . ولا عين
سمعتك و اسحب بروحي . ولا عين
لا  عـبـاس  لا  جـعفـر       . ولا عون
حاچيني بحبيبي ابن الزجيه
____

الكل تقره الحمد لو مشت . سفره
إلي وابني اليخلي الليل . سفره
بأرواح اربـعه سـويت . سُفره
بثواب الزهره ولمحسن هديه
____

طواف الدمعه والهم . طِفت لحسين
هديه اربعه اشموعي . طُفت لحسين
فگدت من الفواطم . طفلت حسين
يزينب وين خليتن رقيه
____
( سيد خضر الزاملي )


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید