نعي ابو ذيات هوسات

2022-09-06 22:07:09 هوسات لخدام وزوار الامام الحسين ع

خِدَّام المواكب نادت ابهِمَّه
هلا وكل الهلا ابزوار ابو اليمَّه
يشرُّفنه اليجي وبعيونَّه انخدمه
(خدام الزاير يلگانه)

المضايف عامره واتفضلوا يازوار
مابيهه وقت مفتوحه ليل انهار
كل احنه خَدَم لحسين ابو الاحرار
(واهناك الزهره اتجازينه)

باذن الله تجون ولو كصدتونه
عدنه الما يمر عالبال تلگونه
نضحِّي ارواحنه لحسين تدرونه
(لحسين انرخّص كل غالي)

صعب بالخدمه ماكو ويسهل اليصعب
فله ايهمنه التعب راحتنه من نتعب
وفدوه اتعابنه اتروح التعب زينب
(خدام الزينب نادينه)

مشايه لبو السجاد مشايه
والزينب نضل للموت وفايه
زوار الحسين وصاحب الرايه
(والمهدي ايزور اويه احبابه)

هاي الخدمه ينراد الهه شَد احزام
والباري لذلك خالق الخدام
يضل ثابت عهدهه اشما تمر اعوام
(والخادم باچر يتباهه)

سيد علي الموسوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-09-04 15:00:39 ابوذيه إلى كريم ال محمد عليهم السلام

كريم وللشدايد دوم . كفاي
والك مديت هذا اليوم. كفاي
نخيتك وادري يا مولاي. كفاي
تخلي الحاجه هاليله بأديه
1_ تكفيني شرها
2_يداي
3_ كفو لها

****

ضمايه ارواحنا بحبك نبلها
وبيك الامه ما راعت نبي الها
على نعشك اسف يمطر نبلها
بأمر مروان وسفه وآل أميه

الشاعر موسى البديري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-09-04 10:30:26 أبوذيات ..الحسن ع
حب الحسن هالليلـــة        يلمنه
ومصابه شكثر يالمهدي      يلمنه
اللايم ليش من نلطم         يلمنه
ننطي أرواحنه لَبن الزجية
***
عليك الحسن يومية        حزنه
هذا الفضل بارينه         حزنه
قليل شما على مصابك       حزَنه
ما نوفي يبن حامي الحمية
****
الحسن يامن أله العرش        سماك
چبيرة وما تضمها غيوم        سماك
عساه أنشلت أيدهَ الأمس       سماك
بهذا السم كَطع كَلب الزچية
**
كَالو ضاع كَبر الحسن       وأنته
عليك الكَلب ما بطلت         ونتهَ
حسين الروح يا مسموم      وانته
عايش بينه كل صبح ومسية
**
                        تكَول زينب
                  يوميـة مصيبة ونـار بيـه
من يوم المشت أمي الزچية
أمس من ودعت حامي الحمية
اشوف بعيني كَمت الغاضرية
تالي تعوفني بهاي المسية
يخوية الحسن كَلي شلون بيه
باچر كل اخوتي تروح هيه
وتروح ويالضعن زينب سبية
اتاني هناك كل يوم المنية 
أويلي شچم اخو الراح من ادية
****
حيدر حسين الكرعاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-09-03 12:41:44 هوسات للامام الحسن المجتبى عليه السلام

اليله ابمجلسك مديــت اليك چفـــوف
يسلطان الكــرم باب الكـــرم معروف
فــز مني الگلــب متعنــي ليك يطوف
(( وبابك يطلب حاجاته ))

***

كــون بكربـله يالحـــسن يم حسين
نبنيــلك ضـــريـــح بين هالــگبتــين
ونگصدلك زحف لو تنگطع رجلين
(( ونلبي وخل يسمعونه ))

***

ألك حضره بگلب كل شيعي مبنيه
اطوفنها أبدمـــوع العين يــــوميــه
خـــل ابغيضها أتمــــوت الوهابيه
(( ونطوف الحضره أبكل ساعه ))

***

ال سعــــود صبراً والزمان يــدور
چف المهدي يهدم يالبغايا أقصــور
ويبني للحسن گبـه وضريــح ينور
(( وبالحضره يردد آذانه ))

الشاعر موسى البديري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-09-02 20:35:20 ( ابو ذيات للحسن )

عليك امن الفتن دارت رحى الها
وروحك منها ما شافت رحه الها ( راحة الها)
الفجيعة بسمك الليلة رحلها
ينوُّخ بالديار الهاشمية
--
عميد الآل شوف الآل بعداك
صفت موتوره للاحقاد بعداك
يمن ما ادرك التاريخ بعداك ( بُعدك)
المصاب لشيعتك فجعة ورزية
--
وحگ الذي باجمل اسم سمّاك
وعلى نجوم المكارم فوگ سمّاك
على حسين وعيالك صار سمّاك
صعب يالمجتبى وخلف اذيه
--
فتح باب الرزايه مصاب يدّاك ( جدك)
ولا لزمت عُرى الراحات يداك
جرح يالحسن من بلواك يداك
گلب اسلامنه او ونته شجية
--
ناظم الفضلي الكربلائي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-09-02 13:03:39 نعي للامام الحسن عن اخيه الحسين
-----------------------------
يبن امي العزيز ونظر عيني
نويت اتروح عني وما تجيني
اخوك وما بطل نوحي اونيني
يعين الله الاخو الفاركَ اخيه
-------------------------------
مكَبل للمـــــــــنية شلون حاله
ومغــــمض العين ودمع ساله
وچبدتة بالطشت كلها كَباله
شلون بحال زينب هالمسية
---------------------------------
راح الچان الي بالبيت ونسة
يحزام الظهري وانكَطع هسة
يبو محمد شلون الروح تنسة
يريت الموت ياخذنة سوية
------------------------------------
اطلب للدار ماهو ابن امي بيها
مظلــمة تنوح من شايل وليها
خطارك يخــــــوية شحاچيها
راعي البيت شال وكَطع بية

أسالكم الدعاء رائد الاسدي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-31 20:32:43 ابوذيات للحسن عليه السلام 
................... 
فجعت اليوم جم حره كريمه 
ابسبب بيت النبي فاكد كريمه 
تضل روحك عله الطيبه كريمه 
لان ساسك علي وخير البريه 
............. 
الصبر كله كلبته من زعيته 
ولبست الكرم ثوبك من زعيته 
سمك وي دليلك من زعيته 
زعت كلبك وسمك هم سويه 
.......... 
علي الحاج الصبيحاوي
.....
دخلت زينب على الامام الحسن
وهوه على الفراش
فقالت بصوت حزين
.....
غده شرك يدهري ويومك بعيد
هذا الحسن هالكدامي مدود
ماظنك يدهري ترحم الحال
ولاظنه الك انزعهن السود
جبتها وياي طكه بأثر طكات
ليليه عزيز بكلبي مفكود
.....
فحينما رأت الطشت والدم قالت
......
خويه سموم جبدك فرثنها
وعيني بالعمه خلافك عسنها
جنها كربت يبن امي جنها
ساعات الوداع وهاي اظنها
....
خويه ياسم المنايه السم دليلك
يبومحمد يخويه باد حيلك
اجيت ومن عساني لااجيلك
لكيت الدم ترس تارس شليلك
......
فقال لها الامام الحسين 
هوني عليكي اختاه فمصيبتنا كبيره
وقال للامام الحسن
.....
يكونه السم فرث جبدي ولابيك
يخويه شلون اباريلك واداريك
زينب هالاجت يمك تباريك
تريد اتسولف وياك وتحاجيك
.......
يخويه وداعتك ظهري كسرته
من شفت الجبد كدامي زعته
طشتك من دمه جبدك ترسته
وعفيه عيون عدي شلون شفته
....
فقالت زينب 
....
خويه حسين خل نكعد نحاجيه
ليش امددين كبالي رجليه
اخوي وحكي لو اكعد واباريه
واشوف الموت خويه امحزم اعليه
يريت الموت بيه ولايمر بيه
دنيه اعله ايدي خويه دنيه
....
زينب تقول
...
لمت الخوان تسوه العمر لمت الخوان
ماعندي صيوان بعدك صرت ماعندي صيوان
ياعالي الشان جود الكرم ياعالي الشان
وبطرك اللسان التفكد اخو تضل طرك اللسان
ذلت النسوان الماعدهن اخو ذلت النسوان
.....
الشاعر علي الحاج الصبيحاوي
.........
يالشايل نعش بسهام راموه
انشدك ياهو بطن النعش خلوه
عزيز الحسن والعدوان اذوه
ويتالي العمر بالعنبات سموه


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-28 19:33:06 ابوذيات نعي للامام زيد ع والامام الحسن ع

قضيتك ما قبل منهم        يذرهه
تعيش وينشلع رادو          يذرهه
اللعين الحاربك جثتك       يذرهه
ابهوه الله وترست احدود البريه
.............
يازيد المنايه اتحوم             حولاك
ابسهم ياحيف جان يغيب     حولاك
جثتك عالجذع ويدور          حولاك
ونصبت بيهه الطيور العزيه
................
بعد الكَمر جدك ضل          وياهَم
كَوه من العطش يبرز         وياهم
وي اصحابه لو بالطف       وياهم
جان بسيفك ترد آل اميه
.............
الهوه ايمر اعله جسمك جان      ويروح
ومنك هم جسد ياخذ             وي روح
حب جانت يبو الجيلات        وي رح
تطحن روحك اعله الغاضريه
..................................................
الك ثغر الفرح مايوم               بّسَم
وضعف عودك صرت تنلظم     بّسيم
حسافه يالحسن جبدك          بالسم
تفتت وارتمه ابطشت المنيه
...............
الكَلبك يالحسن هالجور         ياسِم
باعو عهدك بيا سعر              ياسُم
والاكثر بالمصاب الجان        ياسِم
جعده المنه لاكَيت الرزيه
...............
الزمن ماينردع يالحسن               يوجار
وبعد ميفيد كثره أصحاب         يوجار
ابفخذك خنجر الجلاد                 يوجر
وانت ابنص جيوش الناصبيه
.................

الطمن عالحسن ينجوم          يجرام
والجبد الحسن لاتكَرب            يجرام
العدو لسه ببو محمد               يجرم
الدليل الكَبر باقي ابلا بنيه


الشاعر
ياسر العارضي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-28 19:29:33 نعي .. في رثاء زيد الشهيد عليه السلام


يازيـد الشهيــد اعـداك ظلموك
وسفه عله الجذع مولاي صلبوك
بالحــر والبـرد مصلوب خـلـــوك
ومن بـعـد الصلـب بالماي ذرّوك


صلبوك آل امية سنين وسنين
ضحيت بدمـاك لخـاطر الدين
يازيـد وطلبـت بثـار الحسيـن
نـذكـرك ياشهيـد بدمعة العين


جبيـنـك بالسـهـم يازيد. ينصاب
صليب ودمك عله الگاع. ينصاب
الك مـأتـم حـزن مـولاي. ينصاب
ونذكرك بالدمع هاي المسيــه


روحك دمك لباريك. مهدي
نهجك للعدل يازيـد. مهدي
باچر يظهر الموعـود. مهدي
ياخـذ ثـارك من النـاصبـيــه

خادم زيد الشهيد عليه السلام
سيد زيد الفحام
_____

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-28 19:25:43 ابيات ابوذيه الى السيده رقيه عليها السلام

الليالي آويــاك بويــه كضن     واچفان
وأعليك ادموم تجري العين     واجفان
صـــدگ گالـــو بــلا تغسيل     واچفان
                اندفنت انته وسبي راحت رقيه
**
رقيه تگول يـــا عمـــه       شجـــاهم
أهلنا .  وحالي ما چنه        شجــاهم
جفني الليله مــا يغفـه        شجاه هم
                يريد حسين عمه بهل المسيه
**
لــزيد النــــوح مــن ألاه     عـــلّاه
يوم الشمر راس حسين     عـــلّاه
علل صار أبدليل موش     عــــلّاه
              يــوم الفجعو بــراسك رقيـــه
**
انه زينب بظهري الســـوط     وشــام
وكبر حزني لمصاب السبي     وشــام
علــى راسك هــوّت يحسين    وتشــم
              عــزيزة گلبك ومــــاتت رقيــه 
**
الشاعر
موسى البديري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید