نعي ابو ذيات هوسات

2022-08-28 19:33:06 ابوذيات نعي للامام زيد ع والامام الحسن ع

قضيتك ما قبل منهم        يذرهه
تعيش وينشلع رادو          يذرهه
اللعين الحاربك جثتك       يذرهه
ابهوه الله وترست احدود البريه
.............
يازيد المنايه اتحوم             حولاك
ابسهم ياحيف جان يغيب     حولاك
جثتك عالجذع ويدور          حولاك
ونصبت بيهه الطيور العزيه
................
بعد الكَمر جدك ضل          وياهَم
كَوه من العطش يبرز         وياهم
وي اصحابه لو بالطف       وياهم
جان بسيفك ترد آل اميه
.............
الهوه ايمر اعله جسمك جان      ويروح
ومنك هم جسد ياخذ             وي روح
حب جانت يبو الجيلات        وي رح
تطحن روحك اعله الغاضريه
..................................................
الك ثغر الفرح مايوم               بّسَم
وضعف عودك صرت تنلظم     بّسيم
حسافه يالحسن جبدك          بالسم
تفتت وارتمه ابطشت المنيه
...............
الكَلبك يالحسن هالجور         ياسِم
باعو عهدك بيا سعر              ياسُم
والاكثر بالمصاب الجان        ياسِم
جعده المنه لاكَيت الرزيه
...............
الزمن ماينردع يالحسن               يوجار
وبعد ميفيد كثره أصحاب         يوجار
ابفخذك خنجر الجلاد                 يوجر
وانت ابنص جيوش الناصبيه
.................

الطمن عالحسن ينجوم          يجرام
والجبد الحسن لاتكَرب            يجرام
العدو لسه ببو محمد               يجرم
الدليل الكَبر باقي ابلا بنيه


الشاعر
ياسر العارضي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-28 19:29:33 نعي .. في رثاء زيد الشهيد عليه السلام


يازيـد الشهيــد اعـداك ظلموك
وسفه عله الجذع مولاي صلبوك
بالحــر والبـرد مصلوب خـلـــوك
ومن بـعـد الصلـب بالماي ذرّوك


صلبوك آل امية سنين وسنين
ضحيت بدمـاك لخـاطر الدين
يازيـد وطلبـت بثـار الحسيـن
نـذكـرك ياشهيـد بدمعة العين


جبيـنـك بالسـهـم يازيد. ينصاب
صليب ودمك عله الگاع. ينصاب
الك مـأتـم حـزن مـولاي. ينصاب
ونذكرك بالدمع هاي المسيــه


روحك دمك لباريك. مهدي
نهجك للعدل يازيـد. مهدي
باچر يظهر الموعـود. مهدي
ياخـذ ثـارك من النـاصبـيــه

خادم زيد الشهيد عليه السلام
سيد زيد الفحام
_____

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-28 19:25:43 ابيات ابوذيه الى السيده رقيه عليها السلام

الليالي آويــاك بويــه كضن     واچفان
وأعليك ادموم تجري العين     واجفان
صـــدگ گالـــو بــلا تغسيل     واچفان
                اندفنت انته وسبي راحت رقيه
**
رقيه تگول يـــا عمـــه       شجـــاهم
أهلنا .  وحالي ما چنه        شجــاهم
جفني الليله مــا يغفـه        شجاه هم
                يريد حسين عمه بهل المسيه
**
لــزيد النــــوح مــن ألاه     عـــلّاه
يوم الشمر راس حسين     عـــلّاه
علل صار أبدليل موش     عــــلّاه
              يــوم الفجعو بــراسك رقيـــه
**
انه زينب بظهري الســـوط     وشــام
وكبر حزني لمصاب السبي     وشــام
علــى راسك هــوّت يحسين    وتشــم
              عــزيزة گلبك ومــــاتت رقيــه 
**
الشاعر
موسى البديري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-27 15:43:06 نعي إلى العقيلة زينب عليها السلام


لصوب النجف بالعين صدت
ومن البواجي العين رمدت
بت حيدره اعله الهزله صعدت
وراحت اسيره ابين عدوان

بنتك يحيدر يسروها
وبدروب غربه سيروها
راحو اخوتها وحيروها
انهضمت يحيف بلايا خولن
*---------------------*---------------------*
من غير خوان من غير خوان..محني الظهر من غير خوان
وتهل الأجفان وتهل الأجفان..يظلمونها وتهل الأجفان
تطمع العدوان تطمع العدوان..بالماله أخو تطمع العدوان
بالكلب نيشان بالكلب نيشان..تركو حزن بالكلب نيشان
*-------------------*-----------------------*
من أيدي راحو من أيدي راحو....الخاويتهم من أيدي راحو
أعله الموت طاحو اعله الموت طاحو..شجعان واعله الموت طاحو
ولصوبي صاحو ولصوبي صاحو..اوداعت الله لصوبي صاحو
ياخويه ناحو ياخويه ناحو..أولادكم ياخويه ناحو
*-------------------*-----------------------*
يكثر نحيبه يكثر نحيبه..الضل وحده يكثر نحيبه
راحت غريبه راحت غريبه من دونكم راحت غريبه
منين أجيبه منين أجيبه...حيدر اليوم منين أجيبه
منهو اليجيبه منهو اليجيبه...بنته بهضم منهو اليجيبه



محمد النوري


https://t.me/joinchat/AAAAAEN4vuuUfDbAramBIQ
قناة خاصة نعي/ابو ذيه/هوسات باز کردن / نظر دهید

2022-08-26 01:28:40 هوسات للمشايه لكل المحافضات
ــــــــــــــــــــــــــــــــــــــــــــــــــ
البصره

البصره اجت لحسين ولمدمع يصب
وعتنت مشايه مـا هــــــمها الــدرب
اليمشي للمحبوب ما يعرف صعب

يسّابگ دمعه وخطواته
ــــــــــــــــــــــــــــــــــــــــــــــــــ
العماره

والعماره اتعنت ابلهفه وهـــمم
لبو سكينه وللگمر راعي الشيم
زحف تزحف ما تسير عالجدم

ولدمعه لزينب هلوها
ــــــــــــــــــــــــــــــــــــــــــــــــــ
الناصريه

كل اهل ذي قار اجو متحزمين
شالو الرايه وتــعنو زائــــــراين
عالعهد باقين صاحو يا حُسين

ونجدد وياك البعيه
ــــــــــــــــــــــــــــــــــــــــــــــــــ
الديوانيه

الـــديوانيه تضل وفــــــــايه
تصيح كل الهلا بهالمـــــشايه
وعالدرب نصبت لـطم وقرايه

وتحب بجفوف المشايه
ــــــــــــــــــــــــــــــــــــــــــــــــــ
السماوه

السماوه اعله الخدامه اتحزمت
اتلگــــت الزوار بيـهم رحـــــبت
والمواكب بــــــالشوارع عزبت

كل خادم فتّح بيبانه
ــــــــــــــــــــــــــــــــــــــــــــــــــ
النجف

النجف  نادت عــليهم يــــــاهلا
يله حيهم صاحت ابصوت اعتلا
هلا بالزايـــــر الــــگاصد كــــربلا

يالماشي بدربك مر بينه
ــــــــــــــــــــــــــــــــــــــــــــــــــ
ديالى ولموصل

ديالى ولموصل اجو نوح وبــــجي
اتحزمو شيب وشباب اعله المشي
وسدو البيبان ما همـــــهم حــجي

كل همهم بحسين لهيبه
ــــــــــــــــــــــــــــــــــــــــــــــــــ
سامراء

اجت سامره ابألــــم مــــفجوعه
امن الحسن والهادي جابت لوعه
اعله الذبيح الكاسرين اضلــوعه

ناحت لحسين ولعياله
ــــــــــــــــــــــــــــــــــــــــــــــــــ
بغداد

وعتنت بغداد غاطيها السواد
وجابت وياها علگ من الجواد
ورايه من الكاظم وباب المراد

لحسين تعنة مشايه
ــــــــــــــــــــــــــــــــــــــــــــــــــ
الكوت والحله

الكوت ولــــحله اجت ملهوفه
تريد تشـــتم الــــگبر وطــوفـه
وتبجي يم راس لگمر وجفوفه

وتهل الدمعه اعله امصابه
ــــــــــــــــــــــــــــــــــــــــــــــــــ
كربلاء

وكربلاء اتنوح  وجريحه بلا ضماد
واعلنت لحسين وعـــــياله لحداد
اونت وياها وبجت ســـبع الشداد

ونت لحسين ولمصـــابه
ــــــــــــــــــــــــــــــــــــــــــــــــــ
علي كاظم المنصوري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-23 20:41:28 نعي إلى رقية بنت الحسين عليهما السلام



ياصوت ضل بالشام مجروح
لصوب المدينه ويه الهوى يروح
بنت الهواشم تون وتنوح
بتهم كضت خلهم يحظرون

خلهم يحظرون لرقيه
الماتت حزينه بهالرزيه
كالت ابويه مر عليه
شفته وحظنته وتجري العيون

تبجي أعله الحسين وتريده
وتكول يمسح راسي بيده
ماتدري بيه حزو وريده
وكطعو جسمه الما يرحمون

كطعو جسمه ويتموها
ومن شوفته بنيته احرموها
من بجت كالو سكتوها
شتريد شوفوها يكولون

كالت ابوي الغالي وينه
المدلل أولاده وبنينه
عيني تريد تشوف عينه
احتارو بحالتها شيسوون

كلهم شبيها ويسئل يزيد
كلوله أبوها تدوره و تريد
ودالها مكطوع الوريد
رأس الحسين البيه يدورن

رأس الحسين بطشت جابوه
مكطوع يم بنيته حطوه
صاحت هلا بوالدي الذبحوه
ونت وفوكه غمضت اجفون



محمد النوري


https://t.me/joinchat/AAAAAEN4vuuUfDbAramBIQ
قناة خاصة نعي/ابو ذيه/هوسات باز کردن / نظر دهید

2022-08-23 15:51:16 نعي للإمام السجاد عليه السلام   ، لسان حاله يقول:

ـــــــــــــــــــــــــــــــــــــــــــــ

على النوگ الهزيلة صَعّدوني ٱعداي

عليل ومن رگبتي وإيدي سال ٱدماي

يَشيعة وعمّتي زينب مِشت  ويّاي

تَركنا حسين عاري وما شَرَب أي  ماي
ــــــــــــــــــــــــــــــــــــــــــــــ

أوِنّن وَنّة الفِگدت ضَناهَه
ولا بَطّل على الراحو نِعاهَه
نهار وليل ما هَوّد  شَجاهَه
تِهِدّ اجبال عملة كربلاهه

ـــــــــــــــــــــــــــــــــــــــ

أصِد عمّاتي صِعدَن عالهِزايِل
وشوف أطفال مچتوفة بحَبايل
وَصِد الروس شالتهه العَواسِل
وچثيرَة أحداث جِهلَتهه المَقاتِل

ـــــــــــــــــــــــــــــــــــــــــــــ

ابّلاد أجناب والوادم غِريبة
وتِصِد نظرات للحُرّة النجيبة
بحِزن والعَين بالمَدمَع سِچيبة
تِصيح منين إبن أمي أجيبة

ـــــــــــــــــــــــــــــــــــــــــــ

بلاد  الشام  ما  خلّت  عَلينه
حَچي الموخوش منهم سامعينه
وأبو الحسنين كِلسا شاتِمينه
ولونه وكل شَهِم راح امنِدينه

ــــــــــــــــــــــــــــــــــــــــــــــــ


وسافة انبات كلحنه بخرابة
وتِوسّدنه  بألم  ذيچ  الترابة
رقية اتصيح چا وينك يبابه
گالو هاچ راس إبن النجابة

ــــــــــــــــــــــــــــــــــــــــــــ

جابوا راس ابوهه وحضنت الراس

صاحت وين جسمك يابو الاحساس

عگبهه ارقية سكتت بيهه الانفاس

زينب صاحت الحگني  يعباس

ـــــــــــــــــــــــــــــــــــــــــــــــ

عِشِت أيام مالومة وعصيبة
مريض  وحار  بالعِلّة  طبيبه
عِليل وصار  بالمَهجَر  حَبيبه
مِتِت ياناس بسموم المصيبة

ـــــــــــــــــــــــــــــــــــــــــــــ


بقلم الأستاذ /ستار عذاب الحچامي  .


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-21 00:39:33 نعي
للامام السجاد

نعي

انه الحرگو خيام حسين فوگاي
عليل لوحدي وبس حرم ويّاي
أطفي حجاب هاي يشب ستر هاي
وازحف عالتراب ابين الخيام
..
يالسجاد صاحن نتجه وين
صحت عالهيمه فرن يالنساوين
فوگ اوجوهچن خلنها الايدين
اعليكم لا تصد اعيون ظلام
..
رقيه أختي ما انسه حزنها
اجت مسلوبه ترچية اذنها
تداوي متوني متداوي متنها
كل هذا واذا ونيت انلام
..
كبش ما ينذبح الا يرووه
وابويه من الگفه عطشان ذبحوه
سلبو حته ثوبه وعاري خلوه
داسو وانه الم بچفوفي العظام
..
ولاميت
گضيت اسنيني لا عايش ولاميت
اعله نوحي الناس حاچتني ولامت
الخيل اعله الابو داست ولميت
ضلوعه بچفي يوم الغاضريه


..الشاعر كرار حسين الكربلائي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك باز کردن / نظر دهید

2022-08-20 13:48:16 ....إبيات في حق الإمام. السجاد
                       ••••••••••••••••••••••••••••••
مصايب  كربله  والشام   لامات
  عليك الضيم  والأيام لامات
حي صاحت عليك الناس لامات
    يجاوبهه الدهر قبل المنيّه
                        ••••••••••••••••••••••••••••••  
مشيت إبيسر  والحادي شمرلك
   هضم وألام  وأغلاله  شمرلك
بس الله الدره  إبعلمه  شمرلك
      إبطريج اليسر من ضيم وأذيّه
                    ••••••••••••••••••••••••••••••
    الصلاتك جان ترب الكاع سجّاد
      ليل   إنهار     للمعبود     سجّاد
      عليل وصاح شمر إعليك سجّاد
       تحضّر  لليسر    وسياط   أُميّه
                       .     .     .
      إبميلادك  ركام    الهم   هديته
       وكلب  الشايعك  للحق هديته
        الباري  إبحكمته  قدّم  هديته
        وهدية الباري نورك نشر ضيّه
                •••••••••••••••••••••••••••••• 
   خلق من نور ربّ العرش ينساك
   ومثل  معدنك مابالناس  ينساك
    رغم  هذا الدهر   ماراد  ينساك
      ولاك    إبلا   رحم    بالغاضريّه
                     ••••••••••••••••••••••••••••••
كلمات خادم الحسين
            حسن الجحيشي

                       ••••••••••••••••••••••••••••••
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-19 20:40:38 نعي للامام السجاد بعد فقد ابيه
-----------------------------------
يومية اعلى بالي ياضوة العين
يبوية صوباني بكَلبي البيــــــــــــن
فلا يبطل عليك الحزن يحسين
بشراب الماي اشوف الغاظــرية
----------------------------------------------
اشوفك عالترب مكَطــــــــوع نحرك
واشوف الخيل تلعب فوكَ صدرك
اظل للموت بوية ابچــــــي واذكرك
وانوح عليك كل صبح ومســــــــــية
-----------------------------------------------
يبوية الليل مانامة ابغــــــــــــــيابك
خذك مني الدهر والبين صابك
يريت وياك طمــــــــاني ترابــــــــك
ويحطونة بكبر واحد ســــــــــــوية
--------------------------------------------
مايهنالي بال ورحــــــــــــي اتهيــــــــد
وابوي ابكبرة نام وعنــــــــــــي بعيد
تظل روحي عليلة ولا دوة ايفيد
ولو بالطــــــــــــيف مر مرة علــــــــــــية
----------------------------------------------
يظعون المشيتي بعيــد   (عوداي) 
عليل وذابل من المرض  (عوداي) 
اريد الموت وي حسين   (عوداي) 
مشة لبعيد وانة النوح الية


أسألكم الدعاء    رائد الاسدي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید