نعي ابو ذيات هوسات

2022-07-25 14:08:29 ابوذیات لاستقبال شهرمحرم الحرام
ندبه لصاحب العصروالزمان (عج)


دلیل احسین لَسّه ابنار طف له
ابظلم اهل الظلم للیوم طف له
علیك الرکضت ابنص نار طفلة
تعال و رد حقوق آل الزچيّة

دلیلي حسرته بذچرك جراهه
او شهگ موجوع و ادموعه جراهه
سمع یحسین ون گلبي و جر آهه
او دعی ابجاه الحسین اترد علیّه

یصاحب فگدك ابهالروح بسمر
و حرام الحلو ما ضگناه،بس مر
العوالم فدوه الك مولاي، بس مر
احلفك بالرضیع او هم رقیة

#کلمات:حیدرالحدادالکربلائي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-23 17:47:21 أبيات ابوذيه إلى سيدي الإمام الحسين والسيده زينب عليهم السلام شعر موسى البديري

الفــرات يصيــر كلـه مايــه لحسـين
گصدله الگمــر لكـن مايـــه لحسين
رجــع من الشريعــه مايــل حسيــن
عــاف أعلـــى النهر ظهـــره وي أخيــــه



ضمايه وچــان طـولك مــاي للطـف
رحت وسفــه بغيابــك مايــل الطـف
تعــال وشـــوف حالي ما يلي الطف⃰ ... ما بعد الطف
عطــش وسيـــاط و أحبـــال ورزيــــه





يهــوى الله بعظمتــه من هوه حسين
وحگها الريه تشهگ من هوه حسين
تدري شصار بالطف من هوه حسين
هــــوّت چنها السمــــا فوگ الوطيه

وســف خيــل آل أميــه رك بالحسين
وخــذوه للشــام تالــي ركـب الحسين
صحت يايمه اگصــدي ركبي لحسيـن
راســـه وخــل يشوف الصـار بيـه
**
خســر كلمـــن بعمــره ظل الحسين
وحيــد ولا منــاصـر ظل للحسين
بلهيـب الشمـس محّـد ظل للحسين
جسد والراس فوگ أرماح أميه
**
الشاعر موسى البديري

لما يبقى له ناصر
لم يظلل له احد
بقي جسمه

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2022-07-23 17:10:47 قصائد محرم الحرام (الليله العاشره)

(نعي گرناوي)( الامام الحسين (ع) ينعى ولده عبدالله الرضيع)
...................................................................
على هونك يمــــــــــــــــــوت شبيك ويانــــه

خذيت اعـــــــــــــــــزاز گلبي وكل الاصحاب

بعد ماضل صبــــر بالـــــــــــــــــــروح ياموت

گلبـــــــــــــي بغيبت اوليــدي انــــــه هالشاب

امنيتي بهالعمـــــــــــــــــــر تكبـــــــر يالوليــد

خلصـت العمـــــــــــــــــــــر احسبلك أحـساب

شيفيد البچي يالولــــــــــــــــد والنوح شيفيد

تره عمـــر البچــــــــــــــــــــي مارجـــع الغياب

كــــــــــــــــــــــــون المــوت زلمـــــــه چاكتلته

ولاخليته ياخــــــــــــــــــــــذ منــــــي الاحباب

بعمــــر الـــــــــــــورد ياوسفه بعدك هايالوليد

معقولـــــــــــــــه المثلك انته يضمه التــــــراب

اهلك مانـسـوك والك كل يــــــــــــــــــــــــــــوم

وسط گلوبهم چــــــــــــــــــــــادر حزن ينصاب
...................................................................
الشاعر عماد محمد الدراجي
السبت 2021/3/13


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-22 15:53:32 ابو ذيات

جروح حسين يا زينب ـ تُرى كم
وعلـيج الـضـيـم يل حره ـ تَراكّم
عـيـون الغربـه مولاتي ـ تـراكـم

ولسنهم تلهج باسمج سبيه

ـ
اخـوي الـكـالـي تـرخـص ـ الـج روح
يحيف بجسمه ما تنعد ـ الجروح
مـو بهدومه مـتـغـطـي بـ ـ الجروح

ويم راسه انه يزمخون بيه

ـ
تحاجي الناكه زينب ها ـ يهزله
ذكرت حسين انه بدربي ـ يهزله
يجي لكاروك عبدالله ـ يهزله

وهسه ثنينهم فوك الوطيه

ـ
شكثر النه امن اخوتي ـ ماتو لنه
وجفيلي بسرعه غرب ـ ما تونه
حسافه اعلى شريعه ـ مات وانه

الشرد من سيفه امس جتف اديه

ـ
اخوي الما سلم بعضاه ـ شي به
ومنهو المثله كله سهام ـ شي به
دم متروس وي تراب ـ شيبه

ونحت سوت عضامه الاعوجيه

ـ
يكلبي امن الجرالي نوح ـ ون حيل
تعب كلبي من الشمات ـ ونحل
اليطيح اسم الله كلوله ـ ونه حل

شكثر سويتي اه يالشام بيه

ـ
شديد الباس عمي ـ ما يلينه
رايح كال اجيبن ـ ماي لينه
راح ومن اهدها ـ مايه لينه

عمت عين العطش والغاصريه


محمود محمد العطواني


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-07-22 11:22:07 هوسات للامام العباس ع

انه عباس الگمر وانه الكفيل
وانه رداد الزلم لمن تعيل
اگلب ارض الطف وسوي المستحيل
(عاليها اگلبها اواطيها)


اليوم بيهم راح ازلزل كربلا
انه اخو زينب وراعي المرجله
ما تذل ام عون تبقى مدلله
(كفّالج يفديج ابروحه)


اليوم اذكرهم بحماي الحمه
لا تلمهم ارض مني ولا سمه
الا اغرگ كربلا ابفيض الدمه
(وليشرد منهم هنياله)

يا شمر يا عمر هذا ويا يزيد
شنهي بس سبعن الف هل من مزيد
الا اخليهم لعد زينب عبيد
(والزامط خله يلاگيني)

علي كاظم المنصوري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید