آدرس کانال:
دسته بندی ها:
دستهبندی نشده
زبان: فارسی
مشترکین:
577
توضیحات از کانال
ما نوزع ماي فشله من الكفيل
ارواح وزعنه لبو فاضل سبيل
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
2
2 stars
0
1 stars
1
آخرین پیام ها 2
2021-08-11 01:27:01
تم نشر قصائد العشره الأولى مع الالحان
من اليله 1 الى اليله 10 خدمتاً لخدمت
سيد الشهداء ابا عبدالله عليه السلام...
537 views22:27
2021-08-07 14:27:16
روحي أشتاگت لروحك يالبعيد
رحت وتاهت اعليه المواعيد
سنين مرت وأنه ما ناسيتك
بكلشي ما مقتنعه ومتانيتك
يالبعيد يالبعيد
...........
ما اقتنع كلشي انتهه واترك عتب بيبانك
وما بطل البالكت يجي واكعد واسد ديوانك
بالكي الله ياخذني النشد ويوصفولي مجانك
واتبع إثر ضعنك ركض واوصل كبل عدوانك
وتتلكه امك ويتحقق الطيف
وابوسن نحرك الما لايحه السيف
كون سالم ترجع اتمنيتك
بكلشي ما مقتنعه ومتانيتك
يالبعيد يالبعيد
..................
من اسنين رد ضعنك الي وادري الضعن رد خالي
ميت انه ادريبك لجن ما يرضه يقنع بالي
يمه وبعدها اعله الدرب لسه العيون تلالي
والكاع حفضت كعدتي ومل مني حته خيالي
كلي اشلون اقّنع روحي وانساك
واهو كلبي جفه اضلوعي ومشه وياك
من كلب ولسان انه احتاجيتك
بكلشي ما مقتنعه ومتانيتك
يالبعيد يالبعيد
..................
بشر ابن حذلم من اجه ولدج عطاشه ينادي
كال اربع أولاد وكلت ما ناشده اعله أولادي
سولفلي عن نبض الكلب اعله حسين لب افادي
كال انصلب راسه برمح وجسمه انسحك بالوادي
لو مو ميت ومرفوعلك راس
ما اصدك لون جدامي تنداس
ما اصدك تنذبح تاليتك
بكلشي ما مقتنعه ومتانيتك
يالبعيد يالبعيد
...............
بوب المدينه بكل فجر الزمها وانشد عنك
خافن غفت عيني ونمت ومن يمها عابر ضعنك
من ما تجاوب انهضم بس ما اايس منك
وابقه انتضر بالكت ترد وعيوني يشوفنك
تمنيتك تجي بكد ما تمنيت
وما اكدر اطبن يمه للبيت
الهوه لهذا اليوم ما طب بيتك
بكلشي ما مقتنعه ومتانيتك
يالبعيد يالبعيد
...........................
ليليه أرد لعتبتي واغفه اعله كسرة خاطر
ادريبه ما يرجع الي بس لسه كلبي يناطر
وليله انخه واندعي بالكي الله ويرد باجر
جم باجر وباجر اجه وحسين بعده مسافر
ما اعوف انتضارك يبني يحسين
إله بشوفتك تتكحل العين
امك وترجع الي تمنيتك
بكلشي ما مقتنعه ومتانيتك
يالبعيد يالبعيدعباس الفرطوسي الكربلائي
2.9K views11:27
2021-08-03 11:07:52
هنه الطلعني لغربتي هواي
طيحة خيمتي واخواني والماي
ونضرات الزلم والتل والاحبال
وعيالي وعثرتي وشدهت الراي
..............
يعينها الله التمشي غربه وتذكر أخوتها وتحن
تنطك ومحد يجيها ويفت جبدتها الحزن
المالها اخوان بسفرها تصير سالوفه لسن
ياخسارتها الجبيره مدنكه تبقه وتون
آنه الحرمه ذيج الفكدت اخوان
وآنه التنطك ومن دون عوان
وآنه من الجروح أصبحت سرداب
وعيالي وعثرتي وشدهت الراي
................
الصعبه من توكع الحرمه وهيه مجتوفه بحبل
الهضمه من يموت اخوها واعله اخوها تنسأل
الغربه من تذكر أهلها وصاعده النوك الهزل
الشوغه لو صاحو يحرمه من الهزل طايح طفل
الكلفه اسمع عدوي يصيح ياناس
حيهم فزعه فزعه اعله اخت عباس
وأنه كل حيلي راح بحرك الخيام
وعيالي وعثرتي وشدهت الراي
..................
هنه ذني الطلعني حركت اخيامي وجفاه
النار تحركني من أضلن وما اندل وامشي وراه
غاب عني وهوه يدري بخنكه اليفكد هواه
اليحلم يمر بيه اسمي شافني بدوره كفاه
افه خدر الله زينب تطلع باليل
وتركض حافيه ويه الزلم والخيل
الهدت حيلي جويه جدمي بالنار
وعيالي وعثرتي وشدهت الراي
................
من وجع روحي ندهته لجن ما ردالي ليش
ما نشد كلبه عليه خلاف طوله شلون اعيش
من اذكر اسمه ترد روحي هسه اردن روحي بيش
شلون ترهم تالي اضلن وحدي وعدواني جيش
شلون تصير أميرة حيدر تهون
شلون تشوف طولي كل العيون
شلون اخت الكمر تنضرب بحجار
وعيالي وعثرتي وشدهت الراي
..............
من اهد ما دار وجهه عيني ما غمضت حرام
جنت متعوده اخلي عيوني بعيونه وانام
منهد ما حركو خيمنه صحت عالدنيا السلام
وغاب عني وعكب نوره خيم اعلينه الضلام
يكضي العمر ضلمه اليفكد اضواه
وكون المات أخيها تموت وياه
موش بركبتي تضل تضل كل الاطفال
وعيالي وعثرتي وشدهت الراي
عباس الفرطوسي الكربلائي
845 views08:07
2021-08-03 11:03:39
وجهت وجهي لغيرتك
وسلمت أمري لرحمتك
يلشايلينك بالرمح
خليني شايل رايتك
...........
بابك عندي باب الله اعله بابك رايد اتوكل
متيه دنيتي وربعي وغيرك كلشي ما اندل
اجيك مبهذل ومكسور وارجع منك معدل
لو ميت انه من اسنين من اشمن حضرتك اعدل
يحييني مولاي الهضم
لو باقي بس جلد وعضم
مولاي كلبي لو يدك
دكاته الك تصبح لطم
..............
صح بعيني ما شفتك لجن ما فاركت بالي
المجان الماكو ذكرك بيه يضل طول العمر خالي
بحضرتك من أسد عيني اشوفك واكف اكبالي
واصد لطولك المهيوب واصد للبيرغ العالي
بحضرتك ياخذني الهوه
واصفن واعيش بنينوى
وانضر جفوفك سيدي
بجفوف شيال اللوه
............
أريدك تعذر ادموعي واريدك تعطف اعليه
انه المفروض اجيك زحوف عيب امشي اعله رجليه
اجيت وصدري ما مسحوك سالم كلشي ما بيه
اجيت وريجي شابع ماي وما جايبلك اميه
مدلل هلي وكاصد الك
وادري بسبي راحو هلك
ما يكفي جرحي مصيبتك
زيد جروحي اتوسلك
............
شيريد يحس بعد مولاي البلهفة غرامك حس
هوه الما يحب مثلك حرام عليه يتنفس
اليموت وحبك بكلبه واجب ذكره يتقدس
ويهنياله النذر عمره وحياته (للحسين) وبس
هنياله اليكضي العمر
بس بالبجي ودك الصدر
وهنياله كلمن يحترك
من تنذكر ام الخدر
.............
اجيتك كاشخ بنوحي اقلل بالكي من نوحك
وكايد دمعة اعيوني كون اجفيها وتلوحك
ويبرد كلبك الضامي واداوي بدمعتي جروحك
و أريدك تعذر اجروحي لأن ما وصلت لروحك
كاشخ اجيت بدمعتي
محزم وشايل رايتي
واكف اباب امروتك
منك اريدن حركتي
عباس الفرطوسي الكربلائي
2.7K views08:03
2021-08-03 11:01:50
حي الله عباس يحي الله عباس
...........
راعي الكلافه والفخر صاح
طلعولي منكم وين الاثكال
كل ضنكم تهزون عباس
وهوه الهوه ما هز الاجبال
سكتو ولا منهم طلع صوت
ما الها حس جن السلف شال
السبعين الف شو صارت تراب
جن الخلك ضاربها زلزال
حي الله عباس يحي الله عباس
.......................
طباها ابن رداد الحكوك
ومن هيبته صار النهر كاع
ما صاحو دخيلك يعباس
صاحو دخيل اعيونه الوساع
رجفو مثل ما يرجف الماي
والرايه رفت مثل الشراع
مثل اليذب بنص نهر ماي
وبسرعه هالجيش اختفه وضاع
حي الله عباس يحي الله عباس
..................
طباها يتمشه اعله الاركاب
احيود الزلم راواهم الويل
غار وعصرها الكاع من غار
وخله الزلم تتعثر بخيل
حته الضوه كدامه هم غاب
وذاك النهار تبدل بليل
ساواهم ويه الكاع عباس
والحومه غصت بالمجاتيل
حي الله عباس يحي الله عباس
...............
مثل الهوه لو غار عباس
ما تدري يمته راسك يطير
عالمهره بس جدامه بالكاع
ومن يامجان يذبحك تحير
بس غمض وفتحها العيون
وراسك يطير بغير تفسير
مو موته وحده يموتك هناك
اول سبع موتات تحذير
حي الله عباس يحي الله عباس
...............
من طبها سيفه وياه وج نار
سيفه لركبهم حيل طماع
السبعين الف شو صارو بخور
وسوت جثثهم جبل بالكاع
بس هالجبل ما عجب عباس
وبس أشر بجفه الجبل ضاع
وصعدت جثثهم جنها دخان
ولبدت وره اغيوم السمه ابساع
حي الله عباس يحي الله عباس
...............
لمن وصل للنهر عباس
الكافل وكفله وكفة افياي
كلاله ليش تعطش الأطفال
من عدنه ياهو الغثك بهاي
وكام اعله حيله وصد للخيام
وصاحتله زينب ها يوفاي
لو ما ترد لطفالك بخير
باجر تموت بحسرة الماي
حي الله عباس يحي الله عباس
عباس الفرطوسي الكربلائي
669 views08:01
2021-08-01 06:42:49
احبتي خدمة الامام الحسين عليه السلام
لمن يجد صعوبة بئي لحن يتفضل للمعرف
وان شاء الله راح نكون بخدمتك
@Alfoatm1
421 views03:42
2021-08-01 01:03:55
لمولاي اباالفضل العباس عليه السلام
رد محني الضهر ومدنك الراس
يلطم عالوجه ويصيح عباس
وصل يمي وصفك جفه وشبكني
وصرخ زينب مشه العباس عني
راح راح
...........
مثل شفافه رد حسين ذبلان
وجنه اهلال ضهره
ماهي اعمامته وحافي وركض جاي
وي كل خطوه عثره
مهضوم ويريد يسولف وياي
لجن خانكته عبره
كض خاصرته وتلوه وبجه وصاح
أخوج اطاج عمره
حجه هالجلمتين وطاح بالكاع
وجلمه راح اخوي اسمعها كلساع
وجلمة ياحزامي العذبتني
وصرخ زينب مشه العباس عني
راح راح
................
وصل ياكل بروحه حسين ويلوج
ويعاين عليه
وتكابلنه جروح مكابله جروح
وحط ايده بأديه
كال المثلي تسحك سدره الخيول
من يوكع اخيه
وانتي خلافنه تمشين للشام
مكيوده وسبيه
ولطمت ودرت بيدي تراب فوكاي
وكابلني الحسين ولطم وياي
وشفت دمعه اعله خده وزاد وني
وصرخ زينب مشه العباس عني
راح راح
... ... ... ... ... ... ... ... ...
كتله شلون مات الكافل وليش
عفته وكمت عنه
كال المستحه وشوغات الاطفال
هنه الموتنه
هنه الودن العباس للماي
ومنهن زاد ونه
ولو ما ميت اعله النهر عباس
يموت اكبال سكنه
موش سيوف اميه الجاتلاته
اخيج مات من كد مستحاته
كال اسكينه طلبت ماي مني
وصرخ زينب مشه العباس عني
راح راح
...................
اجيت ابجي اعله حال حسين وحسين
اهو يبجي اعله حالي
وخلص حيلي وطحت يم باب الخيام
واجت تنشد اعيالي
كتلهن الطمن طاح عباس
أبو البيرغ العالي
مثل زخ المطر طاحن عله الكاع
ويلطمن اكبالي
وحده تصد لوحده وما مصدكات
الواعدهن بماي اعله النهر مات
وكتلهن تعالن جابلني
وصرخ زينب مشه العباس عني
راح راح
...............
شفته يناشغ حسين اعله عباس
ولجله انفطر جبدي
يسولف ويه روحه واسمع يكول
غيرك ياهو عندي
كال خلاف اخيي كثرت اعداي
حته الماي ضدي
اخوي الجان لازم ضهري لا طيح
مشه وخلاني وحدي
الله يعيني اعله احزام ضهري
جافاني وخلص وياه عمري
هسا كمت احس بكبر سني
وصرخ زينب مشه العباس عني
راح راح
عباس الفرطوسي الكربلائي
629 views22:03
2021-08-01 01:02:55
فائزي لمولاي مسلم عليه السلام
وين أهل الجفافي الخضر وأهل الحميه
مسلم الليله أمن القصر جثته رميه
بهاي العقيده نواسي حميده
.................
ياساده شدوها الحزم شعلو الكلب نار
بالكوفه عمكم وحده وبلايه انصار
ولحيدر يدير الوجه ياعم يكرار
ياعمي كوم الغدرتك دارت عليه
................
ياساده عمكم وحده بذيج الميادين
مشمور من فوك السطح مرسال الحسين
عطشان هم مثل الولي مكطوع الوتين
هم انذبح من الكفه نفس المنيه
..................
هنا يهل الجفافي الخضر دكوها الصدور
وكون الدمع من الكلب مثل الدمه يفور
عمكم وكع من القصر ياساده مغدور
مغدور ياشيعه انجتل هاي المسيه
..............
ياسيد الطم عالوجه والدمع زيده
واسي حميده بلوعتك وهاي العقيده
اول يتيمه بكربله صارت حميده
وباجر وراها شكد هضم بالغاضريه
..................
باجر حميده بكربله تشبع مصايب
وتركض وتوكع ياخلك فوك الترايب
وعكب الدلال العاشته تبات بخرايب
وياوسفه تصعد عالهزل وتصبح سبيه
...............
باجر تفوت اعله القصر ويه السبايا
وتنطك وتختل يالخلك بسد العبايا
وتتعذب وتشبع هضم بهاي الرزايا
ياساده واسوها بلطم ودمعه جريه
عباس الفرطوسي الكربلائي
505 views22:02
2021-08-01 01:01:46
لسادتي الانصار سلام الله عليهم
كلما احير وتسرح افكاري
يصيحون عد عيناك انصاري
لتحتار ... حملك احنه نشيله
،،،،،،،،،،،،،،،،،،،،،،،،،،
زينب تكلي يخويه ربعك انته شكد بقو
وكلت لتخلين بالج ضلو الماقصرو
وسمعو انصاري حجيها انهضمو بساع وبجو
وشاغو ولطمو كصصهم واعله الخيام انتجو
صاحو يزينب ليش محتاره
وحسين خوش انصار انصاره
لتحتار ... حملك احنه نشيله
،،،،،،،،،،،،،،،،،،،،،،،،،،،،،
اجو يتباجون ربعي وصاحو اكبالي سوه
احنه لا تحسبنه غربه احسبنه شيال اللوه
نحترك لو ضلمه صارت حته نصبحلك ضوه
والهوه لو ما تشمه يحرم اعلينه الهوه
كول وفعل يحسين لو كلنه
وحجاية التنكال موش النه
لتحتار ... حملك احنه نشيله
،،،،،،،،،،،،،،،،،،،،،،،
كعدو اكبالي وحجولي وكالو احنه مقصرين
سيدي منعوفك احنه اقطع الشك باليقين
وكل للعيال اطمأنو بسلام آمنين
احسبه خلصانه اعلدينه ياحبيبي ياحسين
لتفكر ولا تسرح افكارك
راسك يضل مرفوع بنصارك
لتحتار ... حملك احنه انشيله
،،،،،،،،،،،،،،،،،،،،،،
تشابكو كلهم اكبالي و صلّو اباب الخيم
تحزمو همه بغترهم ورفرفو مثل العلم
واحد يحشم الثاني كون ميفوتك سهم
وكالو احنه نموت كلنه فشله لو واحد سلم
كلش جبيره لون ردينه
كون بفكدنه نشيم اهالينه
لتحتار ... حملك احنه نشيله
،،،،،،،،،،،،،،،،،،،،،،،،،
مو هوايه ربعي لاكن ترسو اعيوني ترس
وصارو افياي الرفاكه اوكفو بعين الشمس
بوكت ما ضاكت الدنيه همه صارولي ونس
كالو وداعة اعيونك خيمتك ما تنلمس
كالولي فصل واحنه بس نلبس
ريتنه انته وبيك نتنفس
لتحتار … حملك احنه نشيله
،،،،،،،،،،،،،،،،،،،،،،،،،
للعبد عباس الفرطوسي الكربلائي
522 views22:01
2021-08-01 01:00:18
لمولاتي العليلة عليها السلام
اسمع هلي كالو نحيله
وما تمشي بالسفره الطويله
كمت اركض بكل حيلي بالدار
خاطر أبين مو عليله
............
حضرو كلشي للسفر والنوك جهزت كلها
اوكفن ربيبات الخدر كل وحده يم محملها
بعيني شفت ام الخدر تصعد متن كافلها
بس اني من دون الحرم ولا هودج الظل الها
ظليت وحدي وتهمل العين
كلت اني اصعد وي الحسين
وي الابو اركب الميمون
ودمع الفرح بالروحه اسيلة
............
صعدن خواتي واخوتي ولوحدي خلوني
اصرخ وراهم ياهلي وما جنهم يسمعوني
متعمده من يمهم أمر بالكي الله ويشوفني
وينكسر خاطرهم علي اوياهم يصعدوني
محد نضرلي بطرف عينه
واطو كفاهم للمدينه
ما جني منهم جن غريبه
كلمن مشه وراح لسبيله
.............
سار الضعن واني حرت ودربي بعد ما اندل
من يمي مرت عمتي وكتلها دليني بحل
احجي وابوي بقصتي وياخذني هلبت يقبل
و لو ما رضه وياكم اجي گليله منك تزعل
يحبني ابوي وانتي تدرين
هلبت بزعلي خاطره ايلين
گليله طابت بتك حسين
وتگول من حيلي اعله حيله
.............
عافوني أتاني اعله الدرب وراحو وجافوني اهلي
ورديت يدفعني الهوه وثكلان كلش حملي
كل خطوه الاخطيها التفت بالكت ابوي يردلي
شيصير لو وياه رحت وما كال جلمة ضلي
حفضت ملامح جدمي الدروب
وينكسر كلبي بطرت الغروب
مليت من معاتب الباب
وغير العتب ما عندي حيله
............
رديت مكسورة ظهر نوگ اهلي كلها ابعيدة
واعثر واطيح والتفت بلكي احد ايمدلي ايدة
وانتهض واقبل بالاجل والراح ياهو ايعيدة
هو المثل حالي ترة بس الافراش ايريدة
ما يرجع ادري لمن اشتاگ
ولا گلبي بي حيل اعلة الافراگ
وافراگ ابوي ايريد ألف حيل
وحيلي مشه واعلن رحيله
...........
السجاد هم جاسه المرض هم مثلي بايد حيله
وامدد بصفي الاخو لمن نوو عالشيله
حسبالي ما يمشي علي ومن اختنك اشكيله
لاجن بقيت الوحدي وسافر علي ويه العيله
عافوني بين أربع حياطين
وكلهم مشو مو واحد اثنين
اني ادري ابوي الرايد يروح
مو ياخذ وياه القبيله
الشاعر حسين حيدر الموسوي
الشاعر عباس الفرطوسي
572 views22:00
ا
