2023-04-03 01:58:35
نبعة : تروح وترد بلسلامة وليدي
عقيل : يسلمچ يمة گربت وحبيت ايدهة وراسهة
نبعة : الله يرضى عليك يمة ماناوي تجيب حرمتك
نشوفنهة
عقيل : عاينت لحور مسحت دموعهة وراحت لحجرتهة
يمة انا ماريدن مشاكل هاي جاهل وذيچ هم زاد
غيرتهة چاتلتهة ماريدهن يتلاگن
نبعة : انت جبتة لنفسك وليدي المن تزوجت
من بنات بغداد هاي بنت خالك جدامك وعاشگتك
المن جبت دوخة الراس لرويحتك
عقيل : چا هو بكيفي يمة عشگتهة وماگدرن
اعوفنهة وهي بعد عاشگتني
نبعة : الله يريح بالك وليدي
عقيل : امين يمة يلة اسلم عليچ
نبعة : ترد بلسلامة وليدي
عقيل : طلعت وانا ملهوف اتمنى كون الطريق
كلة يتبخر ويصير خطوتين صعدت بلسيارة
وانا الطريق گلة اسمع اغاني وكل اغنية تشعل
بگلبي نار شكل كل اغنية احسهة توصف جمارتي
جمانة : چنت امسح البيت ودگ تلفوني
رحت اركض حتى ردت ازلگ شلت التلفون شفتة
هو جاي يدگ فتحت خط وسمعت صوت انفاسة
عقيل : جايك اليوم وعندي ثار وية شفافك الذبحني
مارد الهلي اليوم يو چاتل يو مچتول بس شكبر بختي
يو انت بلعشگ چتلتني
اليوم اخذ حگي مربع من الوجنات واطشر بوساتي
على نحرك وجواه اخذ بثار ايام بيهة تعززت ومنعتني
اليوم فصلي وياك تگعد بيه شيوخ العراق اشوفن ياهو
المتعدي انا يو عيونك السودنني
جمانة : فصلك اصلا عيب يتسولف
عقيل : هههههههههه چا شلون اخذ بحگي اليوم
جمانة : ميحتاج اصلا اني مستسلمة ومستعدة
ادفع الفصل واني الممنونة
عقيل : اووووف ولچ ولهان وطارني الشوگ
جمانة : مشتاقتلك عقيلي
عقيل : نذر اروحن الچ ولعقيلچ
جمانة : ههههههههه انت ليش هلگد رومانسي ادري
ميخلص شحنك
عقيل : انا اشحن رومانسية من عيونچ وصوتچ
الانسان يوم يحب يتدوهن جدام حبيبة ويصير
مايعرف شيگول وشلون يعبر عن حبة يريد
الدنيا كلهة تسمع بعشگة
جمانة : شوكت اشوفك
عقيل : العصر اوصل
جمانة : ماشي انتظرك اروح اكمل مسح
عقيل : روحي يبعد هلي ولتعبين رويحتچ
اليوم وراچ شغل هواي
جمانة : وتايح ادعد
عقيل : والله انتي سحلتي هيبتي بسوالفچ
جمانة : يخسى اليطخ هيبتك يروحي
عقيل : روحي ابوية راح اسوي حادث
جمانة : لا لتكول هيچ الله يستر تجي بلسلامة
عقيل : يسلمچ يگليبي
جمانة : سديتة منة واني فرحانة وماعرف شراح
يگول من يعرف اني حامل تلمست بطني بفرح
احساس حلو من يكون بداخلك جزء من الشخص
اللي تحبة جزء من روحك وروحة
رحت كملت مسح ونظفت البيت وجهزت نفسي
الة واني احس نفسي عروس وجاي تجهز نفسهة
لعريسهة عقيل يخليني احس كل مرة كانوا اول
مرة يشوفني لهفتة وحبة مينطفن بلعكس يزيدن
ضليت گاعدة انتظر العصر يجي وكل شوية
اباوع بلتلفون خاف دگ واني مادري ب 5
العصر دگ التلفون واني احس روحي ردتلي
جاوبتة واني انفاسي عالية تعبر عن توتري
وشوقي الة اجاني صوتة الهادئ يگول
عقيل : اطلعي انتضرچ بنفس المكان
جمانة : ركضت لبست شالي وعباتي وطلعت
مشيت شوية وشفت ولد واگفين گدام محل يشربون
جگاير ويضحكون واحد منهم گال باع هاي
شلون قط٫٫٫٫ة مشيت بسرعة واني احاول
اتجنبهم احس بيهم صاروا وراية گمت امشي اسرع
اريد بس اوصل لعقيل واحد منهم گال وين يحلوة
احنا نوصلچ وصلت گدام سيارة عقيل شفتة
نزل من السيارة ورگع الباب حيل
وفات بسرعة بصفي احسة صار مثل البرق من گد
مو سريع سمعت صوتهم يصيحون مثل النسوان
ويتوسلوه وهو يفشر عليهم ويضرب متجرأت
حتى اندار واشوفة شجاي يسويلهم
شوية وحسيتة لزمني من زندي اخذني للسيارة فتح
الباب وشمرني بلسيارة ورگع الباب بقوة من قوة
الرگعة احس فزيت ورجلية مدري شصار بيهن
عبك شي نزل برجلية برودة مدري شنو شي
غريب مصاير بية قبل
عقيل : شلون بيچ انتي چم مرة گلتلچ خل اجيچ
للباب ولچ انا حرمتي يتحارشون بيهة شلة مال
مراهقين عفطية ولچ انتي ليش متسمعين
كلام انا مو گلت البسي بوشية المن مطلعة
وجهچ للعالم
جمانة : ضل يحچي ويضرب علستيرن
اول مرة اشوفة عصبي هيچ اني فعلا هبطت واحس
شي حار گام ينزل مني رفعت جسمي وتلمست
ايدي صار بيهة دم باوعتلة عصبي وينافخ گلتلة
بصوت ناصي عقيل اني جاي انزف
عقيل : شنو شگلتي مسمعت علي صوتچ
جمانة : عليت صوتي وگلتلة بصوت يرجف اني
جاي انزف عقيل
عقيل : شنو ليش تنزفين انتي حامل
جمانة : هزيتلة راسي
417 views22:58