2023-04-23 00:29:53
#بارت 1 #الجزء الثاني -
اسعد الله مسائكم واوقاتكم يلغلا
حتى استمر بالتنزيل ولحد الان محددت
موعد للتنزيل بس تعليقاتكم خلتني اتحمس
واراسل جمانة وابدي بأول بارت
يلة نگول بسم الله الرحمن الرحيم ونبلش
____
بغداد صباحاً
جمانة : لعل العشق هو كلمة من ثلاث حروف
ولكنها اختصرت اشياء كثيرة قد اخفيتها في
فؤادي او افادي بلهجة عقيل ضحكت وشخبطت
علكتابة باوعتلة نايم ورايح بسابع نومة خطية
تعبان حيل ومجاي ينطيني گلبي اگعدة
رجعت باوعت للدفتر وكتبت من جديد بس
هلمرة حاولت اكتب شعر ردت اقلد كاسنوڤا
البصراوي مالتي صليت افكر ومخلية طارف القلم
على شفتي متوصلت لشي فعلاً الموضوع فطري
وموهبة ربانية مو شي تجتهد حتى تحققة
محسيت غير عقيل سحب القلم من ايدي
وكسرة وشمرة بلگاع انصدمت وجفلت بنفس
الوكت باوعتلة مستغربة تصرفة
عقيل : ينكسر القلم وتنگطع الايدين
واذبحن ياهو اليگرب صوب هلشفتين
جمانة : الله اعد فدوة
عقيل : مو انتي گاعدة بمساجلة شعرية
جمانة : عقيل كمل فدوة
عقيل : هي كلمة وحدة ماتصير ثنين
جمانة : شنو هي
عقيل : يلفاهية هاي تكملة الشعر
جمانة : اي كمل باوعلي صفح وگال
هي كلمة وماتصير ثنين
ردتك الك وهديت الباقين
لعيونك اصيرن ضوا تشوفن بيه
واسهرلك ليل وماخلي عاشگ ماجيبن طاريه
واگلك سوالف تعجب حتى ابليس
وغير عشگك حالف هلگلب ميجيس
جمانة : اووف قلبي الصغير لايتحمل
عقيل : خايبة روحي انتي وقلبچ هاي شجاية تكتبين
جمانة : ردت اكتبلك شعر بس ماعم تظبط معي
عقيل : اعشق غيرك لاوالله
جمانة : ههههههههه فدوة لدمك العسل صاير تسمع
غير حسام هلايام تطورات وكذا
عقيل : لا بس انتي صرعتيني بهلاغاني حفظت
نصهن من وراچ المهم مكتبتي كلشي
جمانة : تؤ
عقيل : نذر اروحن
جمانة : لشنو
عقيل : لهلفستقة التسولف
جمانة : ههههههههه حلگي عنوني
عقيل : گومي سويلي ريوگ اريد الحگ اروحن
للدوام مضل وكت ان ضليتي انتي وفستقتچ
تسولفين اگرطكم
جمانة : لا رايحة والله گمت لميت شعري وباوعتلة
اووف ياربي ينطي كل زوجة شخص نفس عقيل
يحبهة ويحسسهة هي ملكة على گلبة نوبات
اكو لذة بلزواج ميستطعمهة هواية ناس للاسف
يكتل علاقتهم الروتين والملل غسلت وتوجهت
للمطبخ عقيل ميحب الاكل الروتيني يعني لازم
يومية شكل نوبات حتى بيتزا ياكل الصبح
باگلة بلدهن اذا بعدكم تتذكروهة بعدة يسويهة
حتى لو ميسوي شي بس يحمس البصل ويذبة
عليهة ويگول الله نفسي يخبل بلاكل
حالة فريدة تجمعنة اني وعقيل واحد يفهم الثاني
ومن نحچي بترتيب يعني اكو حوار حلو يصير
بينة والي اضهرتة روانة الكم بلقصة
اكو انسان وياه تتحرر واني وية عقيل اصير
على فطرتي وتلقائيتي وكل يوم احمد الله
انو حفظني لعقيل بحيث يكون اول شخص
يحبة گلبي وتربطني بي علاقة زوجية
گعد مسلم يفرك بعينة وساحل بطانيتة
وراه عندة بطانية متعلق بيهة مينام اذا مو هي
طلع عقيل من الحمام وشالة لمسلم على رگبتة
خليت ايدية علكاونتر وصرت اتأملة
احلى منظر شافتة عيوني ساعات يمكن
الناس تشوفني ابالغ بس اني چنت مأيسة
الگي انسان احبة واكون اسرة چنت افكر
حياتي كلهة راح تكون لامي وراح اضل وياهة
وهنا تنتهي حياتي بس الله سبحانه وتعالى
چان كاتبلي شي غير الي توقعتة تماماً
عقيل : يلة ولك انزل كسرت رگبتي
جمانة : ههههه عجزت عقيلي باوعلي وهو مصغر
عينة وارتچى علميز
عقيل : بالله اذا انا عجزت هذا الجاهل منين
نزلتي من گوگل بلي وعلي الگاع محضورة
چان هسة ذبيتلي سالفة زينة
جمانة : باوعت لامي الي طلعت من غرفتهة
وغمزتلة واشرتلة وراه
عقيل : ياهلا بهلصباح عمتي
ابتسام : يسعد صباحك يمة يلة جمانة استعجلي
رجلچ عندة دوام
جمانة : اي ماما صار
عقيل : نذر اروحن الك ولماما
جمانة : شاورتة وگلتلة عيب عقيل
عقيل : ليش عيب
جمانة : اهووو روح اگعد هسة اجهزلك الاكل
عقيل : گعدت اعاين الهة شلون تتحرك بلمطبخ
ياربي ساعات احس گلبي مايشيل حبهة ولا يحملة
انسانة نازلة من الجنة كلشي بيهة صح ونفس
مااريد ساعات اخاف عيوني تحسدهة
گاعد واجتني رسالة علماسنجر
تجاهلت الموضوع گلت واحد من ربعي
بس الرسايل ضلت كل شوية تزيد والتلفون
ماوگف حتى مسلم شال التلفون گلي بابا
تلفونك يطوط ضحكت على سوالفة
وفتحت التلفون بس ياريتني مافتحت ولا شفت
صور حور بملابس مبينة جسمهة ومحادثات
من حسابهة وية ولد تگلة انا ماريدة لرجلي
شايب مابي فايدة انا بس اخلص دراستي
اطلگة ونتزوج واشكال حچي غراميات
ودازة صورهة ضليت مصدوم دزيتلة انت ياهو
ماجاوب انتظرت على نار اريد فد اعرف مكانة
_ انا رايدهة لحور طلگهة وخل تشوف حياتهة
290 views21:29
ق
