قًصّصّ 📝وَبّسِ🪐

2023-04-26 01:25:07 #بارت 14 #الجزء الثاني

حور : گعدت على صوت التلفون يدگ يم راسي

وعقيل نايم وانا مفتحة تك عين ودايخة حيل

طفيتة وگعدتة وهو فرك وجهة بنعاس وگعد

خلى ايدة على گصتي

عقيل : الحمد لله راحت الحرارة

حور : دايخة عقيل حيل

عقيل : شسويلچ حوريتي عندي شغل الصبح

يادوب الحگ ابدل واطلع والة چان ضليت

وياچ بس انا اخلي امي تاخذچ للدكتورة

حور : مااريد عقيل احنة متوهمين نفس

كل مرة تعبت من هذا الشعور كل مرة اروح

وكلي امل وارجع مكسورة وخايب املي

عقيل : روحي هلمرة لخاطري وخلي املچ

چبير بالله ماشي ابوية

حور : هاي اخر مرة اروح عقيل

عقيل : ماشي اخر مرة وحتى يو مو بسبب

الحمل روحي تطمني على صحتچ

حور : ماشي يعشگي

عقيل : عندچ فلوس

حور : اي الحمد لله

عقيل : ماناسي وعدي الچ ترى بس افرغ اجيبلچ

الذهب الي وعدتچ بي

حور : لا عقيل چنت اتشاقى وياك مااريد

ذهب ولا شي انت عندي تسوى الدنيا كلهة

عقيل : لا انا وعدتچ بعد وهو الچ يفيدچ بلمستقبل

حور : مااريد عقيل ان جبتة ازعل وياك

عقيل : صار ابوية بس لتتكدرين بس مسموح

اجيبلچ هدية صحيح

حور : براحتك گام غسل وبدل واخذ سلاحة

والسويچ عاينلي گبل ليطلع وانا ابتسمتلة

عقيل : مراح تودعيني نفس كل مرة

حور : گمت وانا دايخة وگوة اتوازن اخذت البيرية

مالتة لبستة وحضنتة وهو ضمني لصدرة قوي






عقيل : ديري بالچ على نفسچ راح يضل بالي

مشغول بيچ لتعبين روحچ

حور : تروح وترجع بلسلامة

عقيل : يسلمچ ابوية انتي شلتهة وخليتهة بحضني

وهي صارت تبچي وحاضنة رگبتي

حور : جاي اتوجع عقيل وجع گلبي مجاي اتحملة

عقيل : گلبچ شبي

حور : مااعرف عقيل صارلي يومين گلبي يدگ

سريع واحس اختنگ

عقيل : وليش ماحچيتي

حور : ماردت اشغل بالك هي موش حالة صعبة

هيچ وجع بسيط بس هسة زاد

عقيل : گعدت علچرپاية وهي ابتعدت عني

ولزمت وجهي بديهة

حور : لتخاف انا زينة عقيل روح لشغلك تأخرت

عقيل : حور امچ چان عدهة قلب تعرفين هذا

الشي زين وانا خايف لحگتچ وراثة من عدهة

وبلاخص من حملت بيچ تعبت كلش وكلهة

گالت عليهة مواتة ربچ من عندة فكهة

حور : شنهو قصدك

عقيل : انا متأكد انتي حامل

حور : يارب اطلع حامل عقيل والله اتمنى

عقيل : اليوم ترحين للدكتورة وتشوفين وضعچ

مااريد اي تأخير

حور : ماشي صار اليوم اروح

عقيل : عفية عليچ وهسة تردين شي من بغداد

اجيبلچ وياية من اجي

حور : رايدة سلامتك

عقيل : الله يسلمچ

حور : باسني بخدي ولزم باطن رجلي

وصار يدغدغني وانا اضحك

عقيل : يلة طالع انا

حور : مع السلامة

عقيل : خليتهة علچرپاية وطلعت ماانكر

كلش خايف عليهة بلاخص امهة الله يرحمهة

چانت مريضة بلقلب الله يستر ومتاخذ المرض

بس گلبي حاسسني هي حامل مااعرف اذا صدگ

احساسي يارب بجاه الرسول وآل بيتة تنطيهة

حتى يو طفل واحد علاقل متضل وحدهة

صعدت بلسيارة وانا بالي كلة يمهة

طريق طويل تعودت عليه وحفظت كل مكان

وكل شي موجود بيه سنين مرت وانا اروح وارد

بهذا الطريق چنت اروح بغداد وماعندي شعور






تجاهة بس اليوم انا اروح وعندي جزء من روحي

هناك وجزء عفتة بلبصرة عمري متمنيت اتزوج

نسوان 2 ولا ابالي الموضوع صح اتفاخر جدام

ربعي بس بلشقة بداخلي مردت هذا الشي ابد

لانه شي صعب چثير المرية تريد اهتمام وحب

موش بس مصرف هذا يخليك جدام مسؤلية

چبيرة لان لازم تصير عادل وتتحمل نتيجة

اختيارك وقرارك الاخذتة

وصلت للدوام علوكت الحمد لله

جمانة : بالي كلة يمة مثل كل مرة يغيب

اضل سهرانة هلمرة غفيت علسجادة مگعدت

غير على مسلم وهو صاعد على ضهري

ويگلي سويلي ميع ميع ابتسمت ونزلتة من ضهري

صرت ابوس بي واعضعض بخدودة يموتن عبك

تفاحات وهو يضحك ويضرب بية

ابتسام : صاير وكح امك ابد مضربتني عليمن طالع

جمانة : غير انتي دللتي يايمة بعدين تجيبين

جيلي على جيلة هذا بس يكبر شوية تلگي شايل

تلفون وميتحاچى

ابتسام : مااجة رجلچ

جمانة : لا مو گلتلچ حور مريضة ورايح يشوفهة

ابتسام : الله يشفيهة چان خابرتي شفتي وين

جمانة : دگيت باليل مجاوب مااعرف يجوز مشغول

ومنتبه علمكالمات هسة شوية انوب اخابرة

مسلم : بابا يسويلي ميع اني ماريدج اريد بابا

ابتسام : باع الوعد

جمانة : يعني تريد بابا لان يسويلك ميع

مسلم : اي احسن منچ باز کردن / نظر دهید

2023-04-26 01:23:05 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-04-26 01:22:34 يمة بس سويلنة عشا ترى الله وكيلچ بعدني

علريوگ

نبعة : بعيني

عقيل : تسلم عينچ اخذت حور وصعدت لغرفتنة

وهي صارت تبچي بصوت مخنوگ

ضربت على صدري تريد انزلهة نزلتهة

وراحت ركض للحمام ضلت ترد من راسهة

رحت شفتهة تغسل اشرتلي حتى اطلع

حور : اطلع ماريد تلعب نفسك

عقيل : تقربت منهة غسلتلهة وطلعتهة

شوية وصعدت امي جايبة صينية مال عشا وحور

اول مشافت الاكل رجعت للحمام

نبعة : خاف حامل

عقيل : ياريت تطلع حامل نذر علية لاذبح عجل






واوزعة للفقرة بس تعرفين وضعهة مستحيل تخلف

نبعة : لتگول مستحيل يم الله ماكو مستحيل

عقيل : مااضن چان عرفوا من فحصوهة

نبعة : الله يشفيهة ويفرح گلبهة

عقيل : امين اخذت العشى من امي وفتت للغرفة

انتظرهة تأخرت شوية واجتي سابحة باوعت

علعشا وگلبت وجهة راحت تمشط

حور : عفية تعشى وطلعة بسرعة ريحتة تخنگني

عقيل : ليش ولچ لازم تاكلين وجهچ صاير كركم

من الصبح لسى تتقيئين شضل بيچ

حور : مااگدر نفسي تلعب والله

عقيل : حور فايتچ

حور : شنية

عقيل : شهريتچ

حور : مااعرف محاسبة

عقيل : اضنهة فايت موعدهة

حور : ذبيت المشط والتفتت عليه

شتقصد عقيل

عقيل : يجوز حامل

حور : شلون يصير حمل وانا عاقر

عقيل : يجوز ربچ التفتلچ ماكو شي صعب عليه

حور : للحظة حاولت اصدگ حتى لو مجرد وهم

فكرة اصير ام اخذت گلبي لدرجة عقيل راد

نسوي اطفال انابيب لان يعرف شكثر بنفسي

يصير عندي جهال رحت گعدت يمة وصفنت

معقولة ياربي تنطيني طفل والتقارير واكبر

الاطباء الي گالوا مستحيل يصير

عقيل : لتفكرين بلموضوع عوفيهة على الله

حور : اريدن اصير ام عقيل انا عشت يتيمة

مااريد اموت وحدي بدون جهال

عقيل : اسم الله عليچ من الموت

لتحچين هيچ كلشي ممكن وان مصار حمل

انا اطلعچ للخارج نسوي اطفال انابيب

مثل ماوعدتچ بس تكملين دراستچ

حور : خليت راسي على صدرة وهو ضمني

الة قوي وانا صرت ابچي ولازمة قميصة

عقيل : اسم الله ابوية انتي شجاچ

حور : تعبت عقيل والله تعبت كل مرا تگربلي

بيهة ادعي الله يصير جاهل اريد طفل منك

عقيل : ان شاء الله يصير وهسة تاكلين شوية

حور : مالي نفس

عقيل : المغذي مايسويلچ شي لازم تاكلين

حور : نفسي تلعب والله

عقيل : تدرين امچ الله يرحمهة من چانت حامل

بيچ علطول تتمرض وتشتهي شغلات غريبة

خلتة يفتر وميلحگ بس تالي طلع الي ابطنهة

يستاهل ذاك التعب

حور : رفع راسي يريد يبوسني بعدت راسي

نفسي وگلتلة لاعقيل ريحة حلگي مطيبة

عقيل : مشتاگلچ ولچ متدرين شصار بية

من سمعت مريضة اجيت بدون تفكير سقت

6 ساعات عاد ماكو بوسة الله اكبر

حور : هههههه والله مابية حيل اضحك

عقيل : اخذتهة لحضني ورفعت راسهة

صرت ابوس بشفايفهة وخدودهة

گوة قنعتهة تاكل شوية كملنة عشا

وهي بسرعة استسلمت للنوم عاينت للساعة

ووقتت التلفون بعد ساعتين حتى اطلع

يلة الحگ اوصل علوكت للدوام

حور : ادعيت النوم لان گلبي راح ينفجر

من القهر چم مرة صار نتوهم بالحمل واروح

احلل يطلع ماكو شي مجرد خيبة امل جديدة

مااريد حتى اخلي امل واحد بلمية

حتى مايخيب ضني انوب باز کردن / نظر دهید

2023-04-26 01:22:33 #بارت 13 #الجزء الثاني -







__

حور : گعدت من الصبح على مغص قوي ببطني

وغثيان ركضت للحمام وضليت اذب من راسي

مااعرف شني صارلي لاانا ماكلة شي من برا

ولا مستبردة شكيت عندي زائدة من الوجع

گمرة : اسم الله يمة شجاچ

حور : واگفة علمغسلة واذب مي على وجهي

گلتلهة ماكو شي بس لعبان نفس

روحي انسحنت ودخت گوة رديت لغرفتي

گمرة : خاف حامل يولي

حور : گلبي نبض نبضة فرح عاينتلهة وگلتلهة

منين يصير جاهل

گمرة : شني منين غير من زلمتچ

حور : حبوبة تعرفين وضعي منين يجي الجاهل

گمرة : ماكو شي بعيد على ربچ

حور : ونعم بالله بس فدوة جيبيلي تلفوني

اريدن اخابر عقيل ياخذلي اجازة

گمرة : الفليتة خاف جاي تمثلين خاطر يجيچ

حور : حبوبة رحمة لموتاچ متشوفين حالي

گمرة : شفنة يلفليتة هو وين تلفونچ

حور : علشحن جابتلي التلفون وطلعت گالت

راح اروح اجيبلچ بابنگ من بيت افراح

وانا روحي تلوب ياربي شني من وجع هذا

دگيت وهو تأخر حدما حاوب وانا اون

عقيل : صباح الخير حور

حور : صباح النور عقيل فدوة مااگدر احچي

اخذلي اجازة مااگدر اداوم بطني تمغصني

حيل ووجع فضيع بيهة

عقيل : سلامتچ اخابر عماد يجي ياخذچ

للمستشفى

حور : لا شوية واطيب فد اخذلي اجازة

عقيل : ماشي دفي نفسچ واشربي شي حار

حور : گمرة طلعت تجيبلي بابنگ

عقيل : سلامتچ ابوية انتي هسة عندي شغل

شوية وارجع اخابرچ

حور : الله وياك

عقيل : سديتة منهة وخابرت اخذتلهة اجازة

وگعدت اراجع السجلات شوية وفاتت ملازم سيدرا






دگت تحية وگعدت

سيدرا : سيدي حققت بالموضوع وفعلاً بعد

تقرير الطب الشرعي طلعت جريمة اغتصاب

عقيل : لاحول ولا قوة الا بالله وشسويتي

سيدرا : اخذنة اقوالة وراح يصعد للقاضي

عقيل : عفية عليچ

سيدرا : بيك شي سيدي احسك مهموم

عقيل : لا ماكو شي شغلة عائلية

سيدرا : سيدي ممكن سؤال

عقيل : تفضلي

سيدرا : شنو رأيك بأحمد

عقيل : قصدچ نقيب احمد

سيدرا : اي هو سيدي

عقيل : زلمة معدل وصاحب موقف بس ليش سألتي

سيدرا : مو هو يريد يتقدملي فگلت اريد اسألك

عقيل : اها بيهة الخير يارب احمد خوش رجال

وانتي تستاهلين كل خير ربي يوفقكم

سيدرا : شكراً سيدي ويارب تنحل مشكلتك العائلية

عقيل : اعاينلهة شلون محرجة رغم قساوة

شغلهة تضل انثى ومشاعرهة تاخذهة

سيدرا : عندك اوامر ثانية

عقيل : لا تفضلي شوفي شغلچ خلص الدوام

وانا بالي ضل يمهة طلعت بوجهي للبصرة

خابرتني جمانة وانا بلطريق

جمانة : الووو حبيبي ليش مجيت علغدا

عقيل : طالع للبصرة الصبح ارجع

جمانة : خير صاير شي

عقيل : حور مريضة ورايح اشوفهة

جمانة : ماشي حبيبي بيهة العافية

عقيل : يعافيچ يرويحتي عقيل سقت بسرعة

لان اريد الحگ اروح وارجع

وصلت المغرب دگيت الباب شوية وطلعتلي گمرة

بست راسهة وفتت للبيت شفت حور نايمة

علقنفة ومغطاية گعدت بصفهة تلمست گصتهة

حارة نار تخبلت

گمرة رحمة لاهلچ شتدثرين بيهة وهي مصخنة

تردين تفطسيهة

گمرة : خايب فوگ زيني معاجبك من الصبح لسى

تهوع براسي وتتنعوص ذبحتني لاخليت بابنج

لادوا وهي للاسوء

عقيل : ليش مادزيتي على ابوية لو عماد ياخذهة

للمستشفى خاف بيهة شي

گمرة : مارضت الفليتة انا شلي غرض طگت






روحي منكم اخذ حرمتك وروحوا لبيتكم

عقيل : لبست عباتهة وهي تدردم علية

باوعت لحور فاقدة وتون حتى منتبهت على

وجودي يمهة شلتهة واخذتهة للغرفة لبستهة

حجاب وعباة وطرت بيهة للمستشفى

فحصوهة وخلولهة مغذي وابر شوية صحصحت

حور : انا شجابني هنا

عقيل : انا جبتچ ليش ماگلتي من الصبح وضعچ

مو زين چان دزيتلچ عماد

حور : مااعرف شنو صارلي يجوز استبردت

عقيل : عدت يلة اخذچ للبيت

حور : طلعنة من المستشفى وهو اخذني

لبيتة عاينت للمكان وعاينتلة مستغربة

عقيل : اششش حرف واحد ماريد عوفي الزعل

هسة انتي مريضة وانا اريدن ارتاح بروح اهلچ

لاتكدريني

حور : هزيتلة راسي بتعب وهو نزل من السيارة

فتح الباب اليمي شالني وفوتني للبيت امي

وابوية چانوا گاعدين بلصالة اول مشافتني

صارت صارت تهلهل

نبعة : اي توة البيت نور ليش يمة عفتيني ورحتي

حور : جاوبتهة وانا صوتي گوة يطلع اسفة

صالح : دير بالك تمد ايدك عليهة انوب

ترى اغضب عليك ليوم الدين

عقيل : حجي على بختك كلشي ولا غضبك

سوء فهم وانحل

نبعة : الله يسعدكم ويرزقكم بالولد الصالح

عقيل : عاينت لحور الدموع تجمعت بعينهة

وخلت راسهة على صدري باز کردن / نظر دهید

2023-04-25 23:22:44 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-04-25 23:22:22 جمانة : وگف بنص الدرج وگال

عقيل : ماضل بيهة مجال الشغلة

جمانة : اخذ شفتي بقوة حسيتهة تريد تنشلع

معافني الة اختنگت ابتعد عني واني گوة اخذ

النفس خلى گصتة على گصتي وگال

عقيل : بوياي يتالي العمر شجبت علية

جمانة : بعدك بأول عمرك

عقيل : چا العشتة گبل شني تحمية

جمانة : ههههههه لا مباراة ودية

عقيل : بسچ جمارة گلبي لتصيرين تافهة

جمانة : اخذني للغرفة نزلني علفراش وگعد ينزع

ملابسة واني گعدت يمة بطني شوية مبينة خلى

ايدة عليهة ودنگ باسهة

عقيل : مشتاگ لهلفصعون كون يجي نفس

مسلم يشبهچ

جمانة : لا مسلم يشبهك

عقيل : هاي بيا عين شفتي يشبهني

جمانة : والله يشبهك شبيك

عقيل : يارب وليد

جمانة : ليش عود اني اريد بنية

عقيل : كلشي يجي نعمة

جمانة : لا ليش يعني تريدة ولد

عقيل : انا چان حلمي اجيب ولد 2 وادخلهم

عسكرية اريدن يصير عندي ولد اشد ضهري

بيهم فهمتي والة موش معترض انا عندي بناتي

احبهن وغاليات علية والله شاهد دللتهن دلال مصاير

جمانة : اي صدگت ليش لعد ندى متقبل تراضيهة

عقيل : اليعاندني ويكسر كلامي الغي من حياتي

كائن من يكون وهي تزوجت بدون رضاي وهسة

متمرمرة وية رجلهة وهذا جزاتهة لان متسمع

كلام ولاحگة سوالف امهة

جمانة : بس الله بعظمتة يسامح وهي بنتك

تخيل صار شي لا قدر الله الك او الهة شلون يعني

هاي الدنيا گصيرة ليش واحد يطلع منهة وهو

مزعل احد او متخاصم بلاخص اذا احد من

اهلة ترى الموضوع مو سهل عقيل

عقيل : سدي السيرة احسن

جمانة : اذا بنية هم ادخلهة عسكرية

عقيل : اي فد هاي ضلت مسويناهة

جمانة : تخوصرت وگلتلة وملازم سيدرا شنو

ليش ترضى تشتغل وية بنات ومترضى بنتك

تصير بالعسكرية

عقيل : هن اهلهن يرضون انا ماارضى هاي مهنة

صعبة وانا بنتي اريدهة بمهنة تحفظهة وتصير

بعيدة عن الزلم موش بنصهم

جمانة : عقيلتك قديمة

عقيل : انا عاجبتني واشوفهة صح هذا التربيت

عليه من انا وصغير باز کردن / نظر دهید

2023-04-25 23:22:22 #بارت 12 #الجزء الثاني -






____

جمانة : اتأخر اليوم وگلبي ماكلني عليه الدنيا

صارت ليل وهو ماكو مااعرف شنو الشغل الي

هيچ مأخرة من صدگ خفت كلش بلاخص هو

ميجاوب على اتصالاتي كلساع اطلع اباوع

من برا وماكو اخر شي صعدت علسطح

ضليت اباوع علسيارات اختنگت ياربي

اخذ روحي ولتاخذ عقيل مالي غيرة

ادگ وماكو ميجاوب اجة گدام عيوني حياتي

كلهة وياه من اول يوم لهاي اللحظة ملاهة هدايا

وورد وغزل خلاني هايمة بي ضليت اباوع

واني كلي امل يجي گعدت بلگاع وصرت ابچي

فتحت التلفون باوعت على صورة هو ومسلم

وصورة بلشغل گلبي صار يوجعني ياربي

ليش ممرتاحة ليش خايفة هلگد

رجعت ادگ وهو ميجاوب عطب گلبي

ياربي ليش هيچ جاي يصير بية هواية ناس

يحسدون العسكريين ويگولون رتب وراتب عالي

بس صدگوا الفلوس والمكانة متجي قطرة

ببحر خوفي وتعبة بلشغل بلاخص عقيل ملتزم

كلش لايحب يتأخر ولا يتهاون يدوس على

نفسة في سبيل يكمل شغلة على اكمل وجه

مرت ساعات واني فوگ الجو بارد باليل بلاخص

بلسطح الهوا يلفح وجهي وية كل نسمة تضرب

وجهي اصيح بأسمة واتمنى يصير گدامي

دگ تلفوني وكلشي بية انتفض جاوبتة بسرعة

وينك عقيل روحي احترگت ليش متجاوب

عقيل : بوية هذا برنو موش لسان مرت عسكري بعد

جمانة : وين انت

عقيل : جاي بالطريق

جمانة : جاي انتظرك

عقيل : انتظرني اليوم وكل يوم

يامحلى الغزل وياك گبل النوم

ويامحلى طعم الشفة بيه اضيع

وگبال البوسة حتى الروح ابيع






جايك جمر صاير ومشتعلة بيه النار

وبيه شوگ الك لايتسولف ولاصار

اشبكني حبيبي حيل الك مشتاگ

تعبان ورايد اذب كل تعبي يم شفاك

جمانة : نزلت علترابي عقيلي

عقيل : لا بعدني علتبليط

جمانة : ههههههه

عقيل : وصلت

جمانة : باوعت من فوگ شفتة واگف بصف

السيارة ويباوع للسطح

عقيل : احترگ عمچ وين صاعدة

جمانة : شلون شفتني

عقيل : انزلي بساع

جمانة : تؤ تؤ انت تعال نزلني

عقيل : ادللي جايچ بس ليش منايمة لسى

جمانة : هو انت تخلي احد ينام انت وتأخيرك

عقيل : جايچ انومچ بطريقتي واتوبچ من السهر

جمانة : ههههههه منتضرتك

عقيل : فوت السيارة وصعدت علدرج احساسي

احساس مراهق گلبة يدگ بكل لحظة

يريد يشوف حبيبتة ليش شوفتچ تسوى عمر

ليش كل مرة اشوفچ احسهة اول مرت

صعدت وشفتهة واگفة والشال واگع من شعرهة

وضوا الليل عاكس على وجهة گربت منهة

وهي شمرت نفسهة بحضني رفعتهة وصرت

ابوس بخدودهة واشم بنحرهة

جمانة : انت عمري كلة دنيتي كلهة ابوية واخوية

وزوجي وحبيبي انت كلشي ليش تلوع گلبي

تعرفني اموت من تغيب تعرف گلبي ميتحمل

عقيل : يابعد گلبي تعرفين شغل وعيونچ مغبتي

عن بالي لحظة ومنتظر فد اخلص واجيچ

جمانة : تعال نگعد هنا شوية الجو يجنن

عقيل : خاف مو زين عليش الجو بارد وانتي

حامل اخافن عليچ

جمانة : لتخاف ماعلية شي

عقيل : اخذتني من ايدي وگعدنة بلگاع گعدتهة

بحضني وعينهة علنجوم گلتلهة بهمس مايجن

يم جمالچ انتي ضواچ مغطي عليهن

جمانة : تدري شگد گعدت هنا وشكيت

قبل مااعرفك چانت تضيگ بيه الدنيا تجي ايام

ماعندي فلوس علاج امي والناس متجيب

فلوس الخياط اگعد هنا واشكو لله كل الي يصير






بية نوبات اضل لوكت متأخر مااعرف شلون

مرت ذيچ الايام متخيلت تعدي

عقيل : هاي موش ايام بشعة كل يوم مريتي بي

يخليچ اقوى ذيچ الايام دليل شرفچ واخلاقچ

انتي عيشتي نفسچ وامچ بشرف وممديتي

ايدچ لاحد ولا مشيتي بالحرام ذيچ الايام تشهد

الچ انچ مرة متتكرر ابد الله ضمهة الي وخلاچ

تصيرين الي من بين الناس كلهة وانا اجي

وافتح بيبان گلبچ وافوت واحتل گلبچ

جمانة : چا ليش انا اطرب علمحتل

عقيل : عبنك واحد خاين

جمانة : ههههههه اي فعلاً خنت گلبي وحبيتك

عقيل : شني منام اليوم انا هلكان تعب

جمانة : خليت راسي على صدرة وگلتلة شيصير

لو اضل نايمة على صدرك العمر كلة ليل ونهار

عقيل : مايصير بس مسلم يصير عندة خوان

وخوات يسدون عين الشمس

جمانة : هههههه انت صاير تلش

عقيل : رحم الله والديچ انا تلش شضل بلهيبة

جمانة : عضيت شفتي وگلتلة ماكو هيبة يم الي

ايحب اني مرايتك وانت مرايتي

عقيل : گومي انام ولچ صاير سكراب

جمانة : گوم حبيبي گمت اني وياه ماحس غير

رفعني من الگاع ونزل بية الدرج وهو يباوع

بوجهي ضحكت وگلتلة راح نتدعبل من الدرج

عقيل : افا عليچ بلظلمة انزلچ وماطيحچ انتي

روحي وبغلاتهة هم سامعة بشر يطيح روحة باز کردن / نظر دهید

2023-04-25 00:18:36 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-04-25 00:18:07 مني هواية ازواج عدهم زوجة وحدة وممهتميلهة

ولايتذكرون عيد ميلادهة بس هو جاي يضغط

على نفسة حتى ميحسسني انو مو الية بالكامل

محسسني بيوم انو عسكري محسسني بقسوة

مهنتة چان دائماً حنون وياية بس اوووف مني

مجاي اتقبل الواقع ياربي تعبت من نفسي

شگد حاولت اتعالج من هاي الحالة وماكو

فايدة ياربي ساعدني اني ام لطفل وطفل جاي

بالطريق مااريد حياتي تنهدم بسبب غيرتي

مسحت دموعي بلكلينس وخليت شوية مكياج

وطلعت للصالة الضوا طافي بس عقيل گاعد

يشتغل بالابتوب والضوا عاكس على وجهة

وشايل اوراق يدقق بيهن

مشيت ناحيتة واني كلساع اريد ابچي

گعدت بصفة وهو منطى اي رد فعل عقيل من يزعل

يقفل قفلة مالهة حل احتاج مجهود حتى

اخليه يرضى لهذا ماازعلة قليل كلش

خليت ايدي على ايدة وهو نترهة

جمانة : اعرف كلامي بس قسوة بس انت تعرف

وضعي عقيل وتعرف شنو الي عشتة صعب بعد

كل هذا التعب اتقبل شخص يشاركني

بحب حياتي بتعويضي عن ذيچ الايام

عقيل : محد مشاركني بيچ انت مشايفة بعينچ

انا وية وحدة غيرچ ولا عمري حسستچ

بهذا الشي انا الي تعبت وياكم ضال فد اسحگ

على نفسي لخاطرچن ومنزل نفسي لعقلچن

اي رجال مكاني چان مدار بال گاللچن هذا

العندي اليعجبة يضل يضل واليعجبة يروح يروح

انا لااگدر اعوفچ ولااعوفهة وتعرفين عدل وضعهة

وازيدچ من الشعر بيت انا احبهة وهي حرمتي

والهة كل حگ بية نفس حگچ بالظبط

وموش جديدة هاي الشغلة عليچ وبخصوص نوال

انا طلعتهة من حياتي من زمان ومارديتهة

من چنت اعزب اجي هسة اردهة خليچ واقعية

حتى ماتتعبين وبسچ سوالف المسلسلات ماتفيدچ

جمانة : واني مطلبت منك تطلع احد من حياتك

اني سألت سؤال وانت نترت بية

عقيل : انتي تسنطتي علية وهاي السالفة

اكرهة بالمرا فخليچ عاقلة مثل ماعرفتچ

انتي تعرفين عدل انتي شني بالنسبة الية

وتعرفين محاب بشر بگدچ فأحفظي مكانتچ

جمانة : اسفة متتكرر

عقيل : اي هي لازم متتكرر

جمانة : شگد مغرور

عقيل : عاينتلهة صفح وگلتلهة انا موش مغرور

بس لازم افرض شخصيتي

جمانة : تقربت منة خليت راسي برگبتة

وهو ذب الاوراق وحضني

عقيل : يولي تعرفين شكثر احبنچ ومستغلة الوضع

تعرفين مااحمل زعلچ واتزوهر منة

جمانة : اي اعرف

عقيل : چا ليش كل هلحچي

جمانة : اغار مو بيدي

عقيل : اهو الي يحب يغار بس خليچ عاقلة

احنة بهاي الدنيا ماكو شي مثالي كلة لازم بي

لولة بس انتي بيدچ تخلي مثالي ماشي

جمانة : ابتعدت عنة هزيتلة راسي ورجعت حضنتة باز کردن / نظر دهید

2023-04-25 00:18:07 #بارت 11 #الجزء الثاني -



حور : مشتاگة الة وگلبي ماكلني اريد فد اشوفة

حتى واهس مالي اقرى مخلية الملزمة وصافنة

وگمرة كل شوية وحاچية علية موتتني

گمرة : شمالچ صافنة شيگربلچ ابو صابر

حور : حبوبة واليرضى عليچ هديني بحالي

گمرة : ولچ تعبت وانا مگابلتچ اريد اطلع

مااگدر انوب هذا عقيل مايرضى اعوفچ واطلع

خايف عليچ يلفليتة

حور : اطلعي مالچ غرض اهو ابغداد شدراه

گمرة : عفية نساوين متخافن

حور : من شني اخاف قابل شمسوية انا

گمرة : انتي ليش ماتردين لبيت زلمتچ المن

عايفتة للبغدادية يو لنوال تراهة بعدهة

تحوم عليه وتريدة يرجعهة

حور : اي خلة يرجعهة ضلت عليهة

گمرة : صگد فليتة ماتغارين عليه چا وين حبچ

الة وذبحتينة يعشگي ويعشگي من عشگتچ

عگربة وخلصتني منچ

حور : حبوبة بعد شهر ارد مااريد هسة

گمرة : وانا اضل شهر محبوسة وعلي افطس

انعل ابوچ لابو عقيل حشى الموتة

والله باچر من الصبح اطلع

شني واگفتلچ حارس ذبحتوني

حور : انتي شخليتي بلموتة اطلعي حبوبة مالچ

غرض انا من الصبح طالعة للكلية شتسوين

ضالة بالبيت گامت وهي تغم بية وانا متت

ضحك على سوالفهة عاينت للتلفون گلت خل

اخابرة بعدين تراجعت هو كل يوم يدگ علية

ليش اليوم نساني ضليت افتر ولازمة

الملزمة اريدن اركز مااگدر شوية ودگ التلفون

ركضت عليه وگمرة تگلي خفگ ان شاء الله

جاوبتة وخليتة على اذني اجاني صوتة

وردتلي رويحتي

عقيل : الووو شلونچ بوية

حور : الحمد لله انت شلونك

عقيل : بخير خما گمرة عافتچ

حور : لا مطلعت من انت اجيت اخر شي






گمرة : گليلة عساهة بحظك وبختك

عقيل : ترى سمعتهة

حور : ههههههه ضحكت وگلتلة ليش نسيتني

عقيل : مانسيتچ بس چان عندي شغل

حور : الله يساعدك مشيت لغرفتي تمددت

علچرپاية وصرت اهمسلة بصوت ناصي

مشتاگتلك عقيل

عقيل : وانا بعد مشتاگلچ هلمرة من انزل

اجازة اجي اخذچ لاشهر ولابطيخ

حور : خجلت گلتلة ان شاء الله

عقيل : شجاي تسووين

حور : جاي احاول اقرى بس بالي موش وياي

عقيل : چا ويامن بالچ

حور : وية واحد گاسي وماعندة گلب

عقيل : چا هيچ صارت انا ماعندي گلب

حور : يو عندك گلب ماتضربني

عقيل : انسي هاي السالفة ذني النگسات خما جاي

تشوفيهن بالكلية

حور : لا مجاي اشوفهن يمكن انقلن يو بطلن

عقيل : هو الزين

حور : گمرة ذبحتني تريد تطلع ليش مانعهة

اكلت راسي خليهة براحتهة

عقيل : اخافن عليچ تضلين ابحدچ

حور : ماعلية شي خليهة تطلع حتى يو فد الصبح

موتتني چني انا حابستهة

عقيل : ادري هلگمرة جابتهة امهة وهي تركض

حور : ههههههه يمكن

عقيل : يلة نامي عندچ دوام الصبح

حور : وانت بعد نام تصبح على خير

عقيل : وانت من اهلة بنيتي

سدتة وانا عاينت لجمانة الي تسفط الهدوم

وهي ضايجة اعرف زودتهة عليهة بس مااحب

المرا الي تحقق وتدخل وانا مااريدنهة تصير

نفس نوال وتكرهني بيهة

ذبيت الابتوب وگمت وگفت بصفهة وهي ماانطت

اي رد فعل ضلت تسفط بالهدوم ابتعدت عني

وانا سحبتهة لحضني

جمانة : وخر عقيل

عقيل : ماسويتلچ شي يستوجب الزعل تعرفين

طبعي عدل وتعرفين انا زلمة عندي ماضي

ليش اتعبيني وتعبين روحچ انا ماعندي نية

اخونچ ولا ابالي هذا الشي انا الي بية مكفيني

جمانة : اعتقد من حقي اعرف منية هاي

عقيل : نوال طليقتي ارتاحيتي هسة






جمانة : لا ماارتاحيت الي صار معناه بعدهة

تحبك وتريد ترجعلك

عقيل : اي ومن ساعة الطلگتهة بيهة لهاي

اللحظة تريد ارجعهة بس انا نفسي انسدت منهة

كرهتني روحي

جمانة : وشنو تگلي لتصيرين نفسهة حتى

ماتصفين مثلهة شنو عندك استعداد تطلگني

عقيل : تعرفين عدل شكثر احبنچ ومااگدر

اطلگچ بس حچي بساعة عصبية

جمانة : لا عندك استعداد انت هم چنت تحبهة

وطلگتهة انت ماعندك بشر غالي كل شخص

قابل للتبديل المهم نفسك

عقيل : شمالچن انتن اراضي وحدة تزعل وحدة

شني مكوكات علمشاكل

جمانة : اني راح انام يم مسلم الحچي وياك

مابي فايدة

عقيل : اوگفي ارجعي نامي ماعندي حرمة

تمشي بكيفهة انا طالع للصالة

جمانة : گعدت علچرپاية وبچيت ياربي ليش

ورطت نفسي بحبة وصرت اغار عليه من كلشي

شلون تاليتهة وية گلبي اني تزوجتة واعرف

عندة ماضي وعندة زوجة ثانية منين الله

جابك علية عقيل شگد قاومت حتى مااوگع

بحبك شگد حاولت ابتعد بس بلاخير وگعت

وجاي اتعذب يوم بعد يوم بهذا الحب

گمت باوعت بالمراية مسحت دموعي وخليت

ايدية علميز واني احاول اتنفس وافكر بكلشي

حلو سواه الية عقيل ميستاهل هذا الكلام باز کردن / نظر دهید