2023-05-03 21:59:43
وهو ينطي رفض اخر شي حضرني هنا اني
تخبلت شلون انطاه گلبة هيچ يسوي بية
راسلتة علماسنجر هم ورى شوية حضرني
علواتساب على كل التطبيقات لگيتة حاضرني
تخبلت احساس مدمر من شخص روحك بيه
يختفي ويگطع كل خط وصل بينكم وانت عاجز
ان تتحرك او تطالب بحقك لأنك انت الي تنازلت
عن هذا الحق شي صعب بس چان عندي امل
انو هو جاي يعاقبني وفترة ويسامحني تمنيت
ظني يطلع صح والي جاي افكر بي هو الي راح
يصير بس للأسف مصار شي من الي فكرت بي
استسلمت للنوم چان عندي امل يرجعلي
چان عندي امل اگعد ويطلع هذا حلم سئ حلمتة
بس مصار اي شي من هذا
عقيل : اگعد هنانة ابوية ولتتحرك بين مااسبح
واطلع هاك هذا تلفوني العب بس بس لتفوت
على التطبيقات بس اتفرج كارتون
مسلم : اريد ماما وبيبي
عقيل : باچر ارجعك هسة مشوار اخذك ونطلع
سوا اشتريلك كل الي تريدة حتى ايباد اشتريلك
اعرف امك چانت مانعتك منة
مسلم : اي تگلي عيونك تروح وين تروح يعني
عقيل : ب٫٫٫٫٫٫٫٫ استغفر الله يلة ضل گاعد ماشي
مسلم : ماشي
عقيل : هسة انة هذا ليش جبتة وياية وين اودي
هسة شوية انوب يگوم يتنعوص يريد امة
بس احسن خليهة شوية تحس على نفسهة
شني لعبة هي روح وتعال بس هاي العايزتني
امشي بسوالفچن دروحن لاانتي ولا هي
سبحت وبدلت اخذت مسلم وطلعت اشتريتلة
حلويات وگعدتة بمنتزه طلعت باكيت الجگاير
وضليت تخلص وحدة اورث اللخ حدما خلص
الباكيت دگت جمانة نطيتهة رفض ضلت تلح
واني ارفضة اخر شي حظرتهة گلبي وجعني
عليهة بس لازم تاخذ درس وتتعلم انو الحياة
موش لعبة وانك تتنازل عن حقك وانسان
تحبة هذا اكبر غلط خليهة تحس بخسارتي
وخسارة ابنهة وتصحى على نفسهة وعلى الي
جاي تسويه رجعنة للبيت وهذا القرد موتني
الله يساعدهة عليه من هذا تشكي من ضهرهة
بلموت يلة نام وخلصت منة انوب تورطت بيه
وين اودي وانة عندي دوام يمكن اخلي بحضانة
توني اريد اغفى ودگت امي
الوو هلا يمة الله يساعدچ
نبعة : من الله لايساعدك خوش
عقيل : مشكورة يمة رحم الله والديچ
نبعة : ولك متخاف الله انت شني من گلب عندك
عايف هاي اليتيمة تبچي ورايح تتونس ببغداد
بشر شبعت من الخاتون يو بعد
عقيل : شهلسوالف يمة عيب بعدين هاي
الخاتون حرمتي وام جهالي وهي افطر خلق الله
لتظلميهة وانتي صايمة متگليلي ليش صايمة
وانتي تاخذين غيبة العالم واطمنچ انة هجيت
منهة ومنكم عود خل تفيدكم سوالفكم
نبعة : هو انت هذا الي فالح بيك تهج وتروح
انة گلتهة الك وارجع اگولهة اذا مرجعت لحور
راح اغضب عليك ليوم الدين
عقيل : شتغضبين يمة رحمة لاهلچ بالله هاي
سالفة بعدين هي ميتة علية خاطر ارجعلهة
هي ماتريدني لتكفريني لخاطر الله
بعدين شني گلتهة وارجع اگولهة شوكت
گلتي مااتذكر بعمرچ غاضبة علية
عقيل : موش وكت شقاك خابرت ب 9 وانت
ضليت بس تسمع ومتجاوب تالي سديتة بوجهك
انت صاير متفيد عقيل ومتخاف الله
عقيل : يمة روحي هسة الله يخليچ ولتغضبين
علية لخاطر جاهلة متعرف الله وين شامرهة
هاي بزر دلال ولازم ينشد عليهة
خاطر تنعدل وتجوز من سوالفهة
واذا تردين تغضبين علية لخاطرهة فبراحتچ
يمة انة ماغلطان خاطر اخاف عقاب الله
ومااتنازل عن كل كلمة گلتهة ومن ارجع مااريد
اشوفة بالبيت صار معلوم يلة تصبحين على
خير لان اذا ضليت احچي بعد انجلط وماكو
حتى احد يمي خاطر يتلاحگني مع السلامة
سديتة وغلقت الجهاز خاطر ابرد راسي
جمانة : گعدت علتلفون يدگ شفتة المنبه
طفيتة وگمت باوعت عقيل ماكو وامي
غافية بصفي مسلم ماكو هنا تأكدت چان واقع
ومو كابوس تلقائياً نزلت دموعي وگلبي وجعني
فتحت التلفون دگيت بعدة حاظرني ردت
اتخبل ياربي ليش هيچ صار فدوة يارب رجعة الية
گعدت امي تتسحر واني رجعت نمت مالي نفس
گوة قنعتني اشرب مي اعرف حامل وغلط
اسوي هيچ بنفسي بس شسوي نفسي متريد
كلشي رجعت غفيت شوية وگعدتني امي اصلي
گوة گمت توضيت وصليت ضليت ساجدة
وابچي تمنيت بس اشوفة گدامي احسة
صار حلم بالنسبة الية احس خسرتة للأبد
وابني يارب گلبي عليه نار اريد احضنة وابوسة
اشمة ليش هيچ انحرم من اغلى ثنين على گلبي
بيوم واحد شلون اتحمل اني بعد رجعت غفيت
علسجادة حسيت بأمي غطتني وخلت جوة
راسي مخدة تعبت چنت منهارة واريد انهزم
بالنوم من الواقع الي صار لايطاق ولايحتمل
ثاني يوم الصبح حسيت بأيد ناعمة صغيرة
تتلمس خدي حسيت نفسي جاي احلم
بس صوتة خلاني اتأكد هاي حقيقة فتحت عيوني
وحضنتة حيل لصدري ودموعي تجري ضليت
ابوس بي وهو يباوعلي متفاجئ ليش جاي
اسوي هيچ
مسلم : ماما خنگتيني
جمانة : ياروح ماما وين چنت انت ليش عفتني
مسلم : بابا اخذني واشترالي حلويات وايباد
بس مو تاخذي مني هو بابا يقبل
جمانة : لاحبيبي مااخذة بس لتروح مني بعد
518 views18:59