2023-05-02 18:21:16
انت كاتبهة الي وكاتبني الهة لتخلينة نتفارگ
بيوم ربي دعوة صايم وان شاء الله متنرد
فتت جوة فطرت وية ابوية وامي مگعدت
ويانة راحت اكلت وية حور بالغرفة
صالح : لتهتم ابني سوالف حريم لتكدر روحك
عقيل : بوية شلون مااكدر نفسي محسسيني
اني مجرم وذبحت هذا الجاهل
صالح : لا حشاك انت رجال تخاف ربك وانة مربيك
احسن تربية واعرفك شني من بشر وحرمتك
البغدادية تتخلى علراس وهي ام جهالك
لتدير بال لهاي السوالف اكل ابني هاي السوالف
تخلص اعمارنة ومتخلص المهم انك راضي
ربك عباد الله ميرضيهم شي
عقيل : استغفر الله واتوب اليه كملت فطور
وطلعت من البيت رحت شفت اسراء ورجلهة
وهي اول مشافتني حضنتني منظر بطنهة
ذكرني بحمل جمارتي بس اسراء بأشهرهة
الاخيرة ومضل شي وتجيب
اسراء : نورتني بوية هسة اخابر سند يرجع
عقيل : محاجة انة اجيت اشوفچ شوية ورايح
اسراء : شلونهة حور اخر مرة شفتهة چانت
حالتهة ماتسر وضعفانة
عقيل : گبل شوي طلعتهة من المستشفى
اسراء : ليش بوية شني صار وياهة ليش محد
گلي چان اجيت شفتهة
عقيل : انة بيا حال بنيتي وانتي تعتبين
اسراء : ماقصدت اعتب بس انة گلبي عليهة
وعلطول ادعيلهة بصلاتي ربي يشفيهة
صدگ شتشرب
عقيل : جيبيلي چاي
اسراء : من عيوني
عقيل : سالمة عيونچ يروح ابوچ
شوية واجتي جايبة صينية بيهة چاي وحلويات
وگوة تگعد
عقيل : چان گلتي مااگدر اشيلهة
اسراء : لا بس انة مضل شي واجيب وثگلت
عقيل : شوكت يجي حفيدي
اسراء : چنة اول حفيد الك نسيت ندى عدهة
جهال 2 صدگ بوية امانة الله ورسولة توگف
وياهة رجلهة مستغلهة اسوء استغلال وماخذ
ذهبهة بايعة ويضربهة ومشبعهة مذلة چي يعرف
انت مراح توگفلهة فدوة اروحلك ماعدهة غيرك
هي صدگ غلطت بس تضل بنتك وانت سندهة
بهاي الدنيا من بعد الله
عقيل : چا انة شگلت ما گلت مايفيد وواحد مسربت
وهي چلبت بي هي وامچ خليهن يتحملن سوء
اخياراتهن بلكت يجوزن بالمستقبل
اسراء : بوية لخاطري اذا عندي خاطر يمك
بس وگفة عد حدة لتخلي واحد مثل هاذ
يذل بنتك هي محسوبة عليك لو شكثر
ماطول الزعل هي تضل بنتك وشايلة اسمك
عقيل : ماشي انة اشوف شغلي وياه
الله يگومچ بلسلامة يلة رايح انة محتاجة شي
اسراء : ماشربت چايك
عقيل : مالي نفس سلميلي على زلمتچ
اسراء : يوصل وانت بعد سلملنة على حور
عقيل : يوصل بست راسهة وخليت بيدهة فلوس
وطلعت وانة افور من خ٫٫٫٫ا بلگو٫٫٫٫يد كلهم
بنتي يهينهة واحد مثل هذا المخنث الصبر ياربي
گوة لزمت نفسي مارحتلة باليل وطلعت روحة
بس انة اعرف شلون اخليه يجر عدل
هلكلب ابن الكلاب رجعت للبيت گعدت يم امي
وهي رأستاً گامت فاتت لغرفتهة عفتهم وصعدت
لغرفتي مختنگ ياربي ليش جاي يأذوني انة
شني ذنبي شني بيدي اموت الناس او احييهم
استغفر الله العلي العظيم حاولت انام مگدرت
نزلت ب 1 شفت حور لگيت امي نايمة بصفهة
وهي گاعدة صافنة ودموعهة تنزل تقربت
منهة شلتهة بهدوء وهي فزت وعاينتلي
مستغربة
حور : نزلني عقيل وين ماخذني
عقيل : اريد احاچيچ شوية
حور : مالي خلگ
عقيل : حووور گلتلچ شوية اخذتهة وصعدتهة
لغرفتنة وهي مچلبة برگبتي ودموعهة تجري
گلتلهة بعصبية بس فهميني ليش تبچين
حور : يعني تشوف ماكو داعي للبچي
عقيل : وصلت للغرفة نزلتهة علچرپاية
وگعدت گبالهة
حور : شتريد نعيد نفس الحچي يعني
انة اريد اتطلگ منك مااريدك
عقيل : بس اتركي هاي السالفة هسة
حور : مااريدن اترك شي انة مااريد اكمل وياك
عقيل : يزي عاد حور ليمتى تضلين بهذا عقلچ
انة ماغلطت وياچ بشي ولا اذيتچ الصار بيچ امر
الله ولازم ترضين بي لان الاعتراض مراح يرجع
صحتچ او ابنة الي راح
حور : ابنة ليش هو من شوكت ابنك عقيل
هذا ابني انة بس انت عندك ولد واحد وهو ابن
حرمتك الاولى ابني ميهمك بشي حتى دمعة
وحدة مانزلت لخاطرة
عقيل : انة دموعي ماتنزل لاي بشر شني متزوجتلچ
زلمة لو حرمة خاطر اتبچبچ انة على امواتنة
مابچيت حور تقبلي هاي الحقيقة وعيشي
وياهة انة احب حرمتي الاولى واعشگهة
وهذا من حگي لاني عشت عمري معلعل
متشوفين اني لازم على الاقل اعيش يومين
مرتاح گبل لااحط راسي واموت
حور : لتجيب طاري الموت عقيل
عقيل : ابوية انتي حوريتي بنيتي لتعذبين
نفسچ وتعذبيني گلبي خلص من الهبطات ان ضليت
يمچ تخربطتي ان هديتچ تخربطتي بس گليلي
شسوي گلبي مينطيني اطلگچ وانة ماهامني
هاي السوالف مال مرضچ والخلفة والعلاقة
الزوجية صدگي راضي بيچ ومستعد اداريچ
لاخر يوم بعمري وممتعاجز منچ
حور : مااريد عقيل مااتحمل اشوف هاي
الشفقة بعيونك علية ولا احس بأني ناقصة
ومو كاملة الك انة جاي اتمنى الموت
عقيل : عن اي شفقة تحچين حور انتي رابية
على ايدية واغلى عندي حتى من بناتي انة احبچ
505 views15:21