2023-04-30 22:49:34
بس مااخليچ تداومين يومية عسى ماادفع فلوس
او اسوي واسطة
جمانة : شلون بغيرتك اني
عقيل : ولچ دعايني لروحچ بلمراية انا جاي
اموت حسنچ مصيبة ماينحمل ضربني بگلبي
جمانة : امممم وبعد
عقيل : وصوتچ مثل المخدرات اخدر عليه
جمانة : وبعد
وعيونچ بيهن سحر يخلني مااگدر اشيل عيني عنهن
جمانة : وبعد
عقيل : وفستقتچ راح تنگرط اذا ضليتي تتماوعين
جمانة : صدوووگ
عقيل : احترگ عمچ
جمانة : هههههههههه ماشي بطلت والله
عقيل : لا احنة شعب نموت عليتماوعن
جمانة : ههههههه شعب صيني على گولتك
عقيل : بعدين تعاي صارلي هواي مضايگ الفستق
نفسي دنت عليه
جمانة : عضيت طارف شفتي وتقربت منة
بستة بشفتة بوسة خفيفة وهو گبل سحبني
معافني الة دخت وانگطع الهوا عني
عقيل : احووي
جمانة : اووي شبيك عنيف
عقيل : هو هذا عنف چا المساكين الي بلتوقيف
شجاي يصير بيهم
جمانة : هم مجرمين اني شكو
عقيل : انتي اكبر مجرمة خاف متدرين
جمانة : شنووو ليشش
عقيل : بگتي گلبي وخليتيني اركض وراچ
جمانة : اني مبگت شي انت الي نطيتني گلبك
وانت الممنون
عقيل : عمي بلوة انتي بنت خالد ماتنغلب
بلحچي تگول رشاش موش لسان عدهة
جمانة : خليني ارجع انام احسن
عقيل : لا بالله شو تعاي اسولفلچ سالفة
جمانة : كلعادة ياخذني لعالمة يخليني ضايعة
بيه بغزلة والسحر الي بكلامة كل ثگلي وعقلانيتي
تختفي وياه اصير اسيرة الة ولهاي الحالة
الي بينة والي متتعوض ولا تشبهة حالة بلوجود
بيومهة طلع ورى السحور للبصرة
واني گلبي يضل نار عليه منمت ضليت انتظر
يخابرني ويگلي وصلت حدما خابرني يلة
گدرت انام ويرتاح بالي
عقيل : دگيت الباب وانا افكر بطلبهة ليش
جابتني لهنا اذا تريد نتفارگ شني غايتهة
شوية وانفتح الباب فتت وصارت بوجهي
ارتچيت عليه وعاينت الهة متغيرة كلش
ضعفانة ووجهة اصفر حيلي راح من شفتهة
بهاي الحالة تمنيت لو انا مكانهة ولا صاير
بيهة كل هاذ ربي ليش ابتليتني بيهة
حور : حمد الله على سلامتك
عقيل : الله يسلمچ
حور : تعال خل نفوت جوة نحچي
عقيل : التفتت تريد تفوت للبيت گلتلهة ليش
جبتيني لهنا حور شتردين بالضبط
حور : عاينتلة وانا گوة كاضة نفسي ماابچي
گلتلة بصوت ناصي اريد احاچيك شوية
عقيل : انتي مو تريدين الانفصال ليش طلبتي
اجي ليش تردين تعذبيني
حور : گربت منة ولزمت ياخة قميصة
گلتلة بصوت رايح ماعاد عندك وكت الي
عقيل : لزمت ايديهة وخليتهن على وجهي
الچ كل الوكت بنيتي
حور : تعال جوة
عقيل : ماشي تعاي فتت وانا ساندهة
گعدنة علتخم عاينت بلبيت مستغرب ماكو احد
حور : الممرضة انا گلتلهة تروح اليوم اريد
اگعد وحدي وياك
عقيل : اي سولفي
حور : اريد ننفصل بدون مشاكل عقيل
انت الك فضل علية ماانساه انت فضلك اكبر
من فضل ابوي الله يرحمة انا لولاك مچان
لادرست ولا حصلت هاي الحياة انا اضل
مديونتلك لاخر يوم بعمري بس تعبت والله
مااگدر اتحمل بعد ومااگدر اخليك بأختيار
وانا اعرف راح تختارهة هي الاحسن النة
كل واحد يروح بحال سبيلة
عقيل : ماشي صار وانا اوعدچ مصرفچ يضل
يوصلچ منا لحد ماتتخرجين وتتعينين
وكلشي ترديه انا حاضر وراح اضل دوم
بضهرچ ووياچ بكل قرار تاخذي بس اگدر
اعرف ليش تردين الطلاگ انا بيمن قصرت
خاطر تهديني وتمشين ليش مامن الاول گلتي
مااگدر جاية بعد 5 سنوات زواج تگولين
مااگدر انا تعودت عليچ ومااگدر بلياچ
حور : تتعود وية الوكت
عقيل : ليش نتعود انتي موجودة وانا موجود
ليش نعيش افتراض وليش نختار البعد واحنة
بيدنة نگدر نضل سوا چا وين حبچ وعشگچ
ليش كلمة والثانية طلگني
حور : يزي عاد عقيل ارحم بحالي گلبي ماعاد
يحمل الجاي يصير فوگ طاقتي خاف حسبالك
سهلة علية اگلك طلگني انا جاي اموت
بس هذا الاحسن الي والك
عقيل : انا عمري ماجبرت احد علية ولا راح
اجبرچ ان اختاريتي الطلاگ فأبشري
انا راح امشي بلاجراءات واطلگچ وانطيچ
كامل حقوقچ وانتي مسجلة من الورثة
وانا مأمن عماد على وصيتي ان صار بية
شي انتي تورثيني وياهم حالچ من حالهم
حور : اسم الله عليك عمرك طويل
عقيل : طويل گصير بلاخير ينتهي
يلة انا رايح والي طلبتي اعتبري تم يابنت خالي
گمت اريد اطلع چان توگفني
حور : اوگف عقيل
عقيل : صديت عليهة وگلتلهة رايدة شي بعد
حور : خليك اليوم يمي
عقيل : ليش شتسوين بية اتعودي على وضعچ
الجديد وعلى الحياة الي اختاريتيهة
حور : يزي عاد جاي اگلك فد اليوم
عقيل : تنهدت وگلتلهة ماشي
حور : چنك ماتريد تضل عادي اذا مالك نفس
عقيل : لا بس ردتچ تعرفين معنى قرارچ
وتفكرين زين بي والة انتي وياي من چنتي
جاهل اريد هسة اضوج من وجودچ
حور : اذا تعبان فوت نام
عقيل : وانتي
حور : انا مجايني نوم
عقيل : ماشي انا رايح ارتاح فتت للغرفة
420 views19:49