2023-05-04 22:39:38
#مشاعر_مؤقتة (الاصلية ) -
#مابعد_الفراق -
اسعد الله مسائكم ودمتم بحفظ
الله ورعايته ورحم الله رهف وجعل
مأواهة الجنة بحق محمد وآل محمد
وجميع اموات المسلمين هذا البارت
بطلبكم غلا يارب ينال اعجابكم
__
جمانة : نايمة على ضهري النهار كلة ملل
قاتل ومدمر بلاخص اني مااحب الگعدة
اشوف نفسي شي ثگيل كلش واكثر شي
يقهرني من اشوف امي تشتغل بالبيت
مسلم صاير عاقل واغلب الوقت يمي
نايم وكل شوية يگلي شوكت تجي غرام
واني اگلة بعد اربع اشهر وهو يحسب على
ايدة ويصفگ فرحان بيهة لأن ماكو طفل
يلعب وياه عقيل بالة مشغول هاي الايام
مجاي يبينلي بس اعرف انو جاي يحاول
يرجع حور على ذمتة ونوبات اسمعة من
يخابرهة المشاعر تخبط عندي ساعة اگول
حقة وزوجتة وهي بوضع خطر وساعة
يشتغل الشيطان الي بداخلي واگول مااريدهم
يرجعون سوا بس جاي احاول اطرد هاي
الافكار من راسي قدر الامكان لأن مااريد
اصير سيئة بنظر نفسي او بنظر عقيل
گمت اريد اتمشى شوية لأن اختنگت
مسلم : وين ماما ابوية گال لتخليهة تگوم
جمانة : عود ليش ماما وابوية لو تسويهن
ثنينهن بصراوي لو ثنينهن بغدادي
مسلم : انتو حيرتوني كل واحد يحچي شكل
جمانة : ههههههه غير كل واحد من منطقة
هسة ضل باوع بلايباد اني شوية وارجع
ولتگول لابوك ماشي
مسلم : ماشي بس لتتأخرين
جمانة : مااتأخر حبيبي لتخاف طلعت شفت
ماما جاي تعجن عجين مال كليچة تخبلت
گبل اخذتة من عدهة
ابتسام : شجاي تسوين ليش گمتي انتي
جمانة : انتي شجاي تسوين وين بيچ حيل
تسوين كليچة دزيهة لأم انس هي تسويهة
لتعبين روحچ لخاطري ترى والله ارجع
اشتغل وشيصير خل يصير
ابتسام : ماشي يمة بس ارجعي نامي هسة
يجي رجلچ ويتخبل
جمانة : اختنگت والله اريد اشتم هوا
ابتسام : بس مو زين عليچ الجارة متقدمة
انتي گوة وگف النزيف عندچ
جمانة : لتخافين ميصير بية شي بس اطلع
بلحديقة شوية
ابتسام : بس شوية وارجعچ
جمانة : ماشي بس خل اطلع طلعت واني
امشي على كيفي حملي صعب ودمرني
نزف والم بالضهر والجارة متقدمة احس
معجزة اذا جبت هذا الطفل سليم
گعدت بالمرجوحة واتنفست الهوا النظيف
احس نفسي چنت محبوسة نزعت الشحاطة
تكرمون وخليت رجلي بالگاع علحشيش
شعور حلو ياربي والحشيش رطب
ضليت گاعدة اخذني الواهس اصور
بالورد وامي كل شوية تصيحني حتى
افوت واني اريد اضل اكثر حدما سمعت
صوت سيارة عقيل خفت كلش شراح
يخلصني من لسانة اليوم لااگدر اروح
بسرعة ولااگدر اضل بمكاني گلت خل
اضل گاعدة احسلي هو اني بكل الاحوال
مترزلة ضليت گاعدة بمكاني واهز برجلي
من التوتر نزل من السيارة وسد الباب وهو
ممنتبه علية حدما راد يفوت جوا باوع
عليه وفتح عيونة بصدمة
عقيل : شتسوين هنانة شلون گمتي من
مكانچ تردين تسودنيني انتي
جمانة : اختنگت والله شنو حبس هو اريد
اشتم هوا نظيف اشوف الزرع خما اضل
گاعدة بالبيت ترا والله تعبت تقرب مني
وهو عصبي گومني بهدوء وشالني دخلني
للغرفة اول مفات مسلم شافة وضم الايباد
وسوا روحة نايم متت ضحك عليه
عقيل : وجع بگلب عدوينچ ليش تضحكين
جمانة : ترى ميصير هيچ مسوي بينة خوفة
عقيل : هو انتو غير لو تخافون
جمانة : نعرفك گلبك حنين
عقيل : اشش يولي ابنچ گاعد
جمانة : واني شسوويت
عقيل : يولي بطلي تماوع وضعچ ميسمح
جمانة : ضحكت وضربتة على صدرة نزلني
وراح على مسلم صار يدغدغة وهو يضحك
المهم شبع رزالة على انت خراع خضرة
ومو زلمة حوك ومسلم يباوع علايباد يخاف
ينسحب من عندة ابو كرش مشت الايام
وسط اهتمام عقيل بية واهتمام امي
رغم وضعي صعب بس مداراتهم الية
خلت الموضوع يهون اجة يوم الرؤية
وشافوا الهلال للأسف تمنيت نعيد سوا
نفس ماصمنة سوا عقيل يضحك علية
ويگلي راح تخلصين الكليچة حدما افطر
واني صدگ انعديت من مسلم بهاي
الايام صرت اكل هواية نايمة واكل والعلاج
هواية والحمل فطول الوكت لو نايمة لو اكل
چانت الدنيا العصر تقريباً ب 4 وعقيل
جاي من الدوام ونايم دگ تلفونة وگعد
جاوب وارتچى علچرپاية
عقيل : ياهلا بوية شلونچ
__تمام تمام لتخافين جايچ والله
_راح استعجل شمالچ انتي بس اهدي
____ادللي ابوية انتي
مع السلامة
جمانة : سدة وگام بسرعة غسل وبدل ملابسة
واني اباوعلة مستغربة ليش هيچ متوتر
شبيك عقيل صاير شي؟
عقيل : خابرتني حور ولازم اروحن للبصرة
جمانة : گمت عدلت گعدتي وگلتلة ليش
صاير شي خما تخربطت
عقيل : مااعرف والله بس صوتهة مايطمن
جمانة : الله يستر ان شاء الله مابيهة شي
لتخاف حبيبي
عقيل : يارب ادعيلهة جمارتي
1.2K views19:39
ق
