قًصّصّ 📝وَبّسِ🪐

2023-04-25 00:07:57 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-04-25 00:07:28 عقيل : الوادم نامت وگعدت وانتي تگليلي

تصبح على خير

جمانة : لا هاي جيلك نام وگعد احنة نحب السهر

عقيل : هههههههه جيل فسگان

جمانة : يلة حبيبي راح انام نعست

عقيل : نامي يعمري

جمانة : نمت وگعدت على صوتة مااعرف

حلم علم بس چان شعور مريح حدما حسيت

بأيدة على خدي عرفت نفسي مجاي احلم

فتحت شفتة عقيل والدنيا صايرة ضهر

عقيل : صح النوم

جمانة : گمت وگفت على ركبي وحضنتة

وهو شالني كلعادة دائماً اضحك واگلة النسوان

بس ينشالن ليلة عرسهن والباقي اذا گالتلة

شيلني يگلهة ماعندچ رجلين وهو يجاوبني

بكل حنية اشيلچ بگلبي موش بس بيدية

جمانة : شوكت اجيت

عقيل : توني اجيت

جمانة : متريگ

عقيل : لا طلع ورى صلاة متريگت

جمانة : هسة اسويلك اني واحاچي دگ تلفونة

نزلني وباوع علتلفون بأستغراب فتح خط وطلع

برا الغرفة الفضول كتلني هو دائماً يجاوب گدامي

طلعت وراه شفتة واگف بلصالة ويلاعب مسلم

ويحچي بضجر

عقيل : گلتلچ گطنة وشيليهة من اذانچ اسامحچ

انا ماعندي نساوين تمشي بكيفهة

لالا انتي بديتي بلاول وانا تصرفي كلش طبيعي

جمانة : ضليت مستغربة منية هاي البنية

الي يحاچيهة واني قبل فترة شفت رقم وحدة

اسمهة ملازم سيدرا خفت كلش والشك

اكل گلبي مو كافي متزوج انوب يطلع يحاچي

وحدة ثانية غير اتخبل هو نهى اتصالة وهو منزعج

التفتلي وهو متفاجأ من تصرفي

عقيل : شني تتصنتين علية

جمانة : منية هاي عقيل

عقيل : ميخصچ ولتعيديهة بعد انا موش جاهل

خاطر ابررلچ تصرفاتي

جمانة : منية هاي عقيل الي تريد ترجع لحياتك

عقيل : گلتلچ كافي جمانة زلم ماتحقق وياي

ولاتستجري اياچ تاخذين دربهة ترى تصفين نفسهة

جمانة : منية هي عقيل

عقيل : الي گلتة كافي افهمي واحفظي

جمانة : طلع ورگع الباب وراه مااعرف شنو الي

صار ابد معصب هيچ علية بحياتة منية هاي

الي گلبت احوالة ياربي

يتبع ٫٫٫٫٫٫٫٫٫٫٫


#ذوالفقارالحجي باز کردن / نظر دهید

2023-04-25 00:07:28 #بارت 10 #الجزء الثاني -






الجمعة 10 اذار / بغداد الاحداث في البارت

بتاريخ الامس

جمانة : لعل من يقرأ قصتي يضن اني سعيدة

واعيش في عالم مخملي لا ليست هذا الحقيقية

انا اعيش في عالم واقعي مع انسان يفعل مابوسعه

لجعله خيالي قدر الامكان ماهي الغيرة انها نار

تحرق صاحبها انها لهيب من جهنم يقبع في

صدري ولكني اتعايش معها لماذا هل انا مضطرة

نعم مضطرة لاني احبه حد الجنون ولاني لااقوى

على الابتعاد سديت الدفتر وخليت القلم عليه

مجاي اگدر انام وهو بعيد عني مرة سمعت مقطع

لكاظم الساهر من يگول الحب يدمرك الحب يموتك

فعلاً كلامة صحيح الحب الحقيقي يعذب

وهواية الليل طويل والبعد صعب مااعرف

شلون اگضي اسمع اغانينة الي سمعناهة سوية

افتح رسائلة واقراهن الورد الي يعوفة الية

حافظتة بكتاب علطول اطلعة واشمة الورد

متيبس وريحتة رايحة بس ريحة عقيل بيه

موجودة بكل ركن بالبيت بفراشنة بملابسة وملابسي

كلعادة اذن الفجر واني گاعدة گمت صليت وضليت

گاعدة علسجادة واسبح باوعت على سجادتة

وابتسمت مكانك خالي حبيبي اخذت وضع

الجنين ودموعي نزلت دعيت الله انو يقل

هذا الحب بگلبي الة لان مجاي اتحمل بعدة

ولا وجودة وية غيري شگد ماادعي القوة اني

ضعيفة كلش دگ تلفوني گمت بسرعة للغرفة

وجاوبتة عرفت هو ماكو غيرة يدگ علية وبلاخص

بهيچ وقت دائماً نتخابر

عقيل : تقبل الله جمارتي

جمانة : منا ومنكم صالح الاعمال شلونك حبيبي

عقيل : بخير انا دام الفستقة موجودة وتسولف

جمانة : هههههههه شلونهم عمامي

عقيل : نذر اروحن لليسأل بخير يرويحتي

جمانة : غمضت عيني وگلتلة بصوت يرجف ووحور






عقيل : بخير بعدهة ابيت ابوهة

جمانة : بعدهة زعلانة

عقيل : اي ماخذة على خاطرهة

جمانة : اي حقهة

عقيل : فد فهميني شني انتي من بشر ماشفت ابد

بطيبتچ واخلاقچ

جمانة : كلنة داخلنة واحد عقيل بس الي يصدر

من الانسان هو بس اليختلف

عقيل : بعدچ سهرانة

جمانة : تعرفني مااگدر انام اذا انت مموجود

عقيل : بسچ من هلسالفة گدامنة عمر سوا راح

تموتين روحچ

جمانة : مو بيدي مااگدر

عقيل : تعلمي بوية اخيرلچ

جمانة : عوفك مني انت ليش مانمت

عقيل : هو نفس السبب الي مجاي يخليچ تنامين

جمانة : باچر تجي

عقيل : اي زودتهة بلاجازات

جمانة : شتسوي غير عندك ضروف

عقيل : يلة نامي لو تردين اسولفلچ قصة

جمانة : اي ياريت يلة راح امدد بالفراش

وانت سولف

عقيل : ربي انا شجايبني علمزعطة تالي عمري

اسولف قصص واراضي

جمانة : عندك مانع

عقيل : لا عمي ماعندي يلة خليتي راسچ علمخدة

جمانة : اي وتغطيت زين

عقيل : شني تردين اسولفلچ

جمانة : اي شي بس مو حزين

عقيل : چا خل اسولفلچ هاي القصة چان عندي

صاحبي اسمة ماجد چان زلمة اخو خيتة وكلهة

تهابة چان يداوم بلموصل واهو من هنانة من البصرة

چان نوبات يوگف بلسيطرة وليغاد منهم مدرسة

بنات وهن بنات الموصل بعد چبدي حلوات

جمانة : عقيييل

عقيل : عيونة لعقيل جمارة گلبي لتغارين غير

واحد يحچي مالات الله هن حلوات

جمانة : عوف البنات وكمل القصة

عقيل : نذر اروحن للعصبي اي وين وصلنة

جمانة : لحد مچان يداوم يم مدرسة البنات وعوف

البنات وكمل القصة

عقيل : ههههههه ماشي صار فهو شاف وحدة من

البنات واعجب بيهة وصار ينتظرهة يومية

تطلع ويبتسملهة بس هي چانت ماترفع عينهة






عليه تعذب بحبهة صار يدزلهة رسايل وية

البنات الي وياهة وهي ترفض تستلمهن

اتدمر بحبهة وهي متنطي مجال بس كبرت

بعينة بعد تصرفهة وقرر يخطبهة من اهلهة

وجمع عمامة واصدقائة وشيوخ حتى انا رحت

وياه بوكتهة اهلهة ناس فقرة وكيفوا من شافوه

ظابط وعندة مال ومنصب وافقوا بسرعة

وصارت هي مشية وهي عقد بيومهة ماجد

چان فرحان وطاير فرح چنت من اشوف ثنين

متحابين اضحك عليهم لان نوال كرهتني بحياتي

تدرين چان يگلي من افوت الموصل اشتم ريحتهة

بيهة حبهة فوگ ماتتخيلين بس بلاخير

ماتهنى بحبة هي استشهدت بأحداث 2014

هي واخوهة وهو ضل مثل المسودن وراهة

مايندل دربة وشارك بالتحرير وصار ينتقم

الهة وكل مايكتل واحد منهم يحس بالنصر

وانة جاي يرجع حگهة وحگ الي استشهدوا

جمانة : ياعيني الله يعينة

عقيل : الله يساعدة لساعة ماتزوج لحد اليوم

جمانة : هاي قصة تقهر مو مال واحد يريد

ينام عليهة

عقيل : هي دنيتنة كلهة قهر

جمانة : الله يبعد القهر عنك عقيلي

عقيل : يلة نامي كافي سهر

جمانة : تصبح على خير باز کردن / نظر دهید

2023-04-23 00:40:48 يتبع غدا باز کردن / نظر دهید

2023-04-23 00:39:59 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-04-23 00:39:36 عقيل : لتخافين كلشي يعدي

جمانة : ابتعدت عنة ولزمت ايديه بستهن

وخليتهن على خدي

عقيل : بيچ حنية مموجودة بأي بشر

جمانة : چنت قاسية قبل تعلمت القسوة من الحياة

بس گلبي لان على دفو حبك لتعوفني ابد

مااتحمل بعدك فدوة عقيل داري نفسك لخاطري

عقيل : لتخافين احنة سوا موش بس للموت

حتى بعد الموت احنة ارواحنة عاشگة ومنتفارگ

ابد بكل العوالم انتي چنتي وياي ومن اجينة

لهاي الدنيا روحي عرفت روحچ

جمانة : تدري ساعات احس حبك صار فوگ

طاقتي وعاء گلبي فاض وتبدى منة حبك

عقيل : اخذتهة لحضني وصرت امسح على

راسهة وابوس بخدهة هي هاي راحتي بهاي

الدنيا وتالي تعبي خايف عليهة وخايف على

نفسي موش حباً بنفسي بگد ماهو خوف لايلچمهة

غيابي من يوم عرفتهة صرت احسب حساب

لكلشي وافكر بكل تصرف لخاطرهة

نبعة : يمة اكلي متضرين غير نفسچ هو هسة

ابغداد وية حرمتة انتي الي جاي تأذين روحچ

حور : مااشتهي يمة نفسي مسدودة

نبعة : ولچ وجهچ اصفر راح تموتين لخاطري

فدوة اروحلچ بس هاي اللگمة

حور : مگدرت ارد ايدهة اكلت بس الاكل

ينزل زقوم بمعدتي ممتحملة گعدتي ببيتة

بعد الصار وچمالة موش هامة الصار عايفني

ورايح لبغداد حتى مفكر يطمن عليه يو يشوف

حالي بسيطة عقيل هيچ صارت الة اندمك

على كل السويتة وياي واخليك تتوسل

ارجعلك الة اكسرك نفس ماكسرتني

نبعة : بيش صافنة يمة

حور : هيچ شغلة يمة فدوة دزي على حبوبة گمرة

نبعة : شتردين منهة

حور : اريدنهة بشغلة

نبعة : شني سر هو شرايدة منهة

حور : اريد اخذهة وياي

نبعة : تردين تهجين ياسواد الوجه

حور : لا يمة اريد اخذهة ونگعد ببيت ابوية الله

يرحمة مااريد اضل هنانة بعد الصار

نبعة : شني هلحچي هاذ يمة لاتطلعين من بيتج

احنة واثقين بيج وعقيل ميتعرضلچ بعد

حور : لا يمة كرامتي متسمحلي اضل بعد لازم

اشوف حياتي عقيل طلع ميستاهل عشگي

نبعة : خلفلة عليج هسة طلع عقيل ميستاهل

چا منو رباچ وتعب عليچ

حور : مشكور على تربيتة بس احنة بعد

مانرهم سوا انا چزت نفسي منة دست على

نفسي چثير لخاطرة بس من هاللحظة لازم

اشوف لنفسي حياة بعيد عنة

نبعة : سوي التردي بنات تالي وكت ميغزر

بعينچن كلشي

يتبع ٫٫٫٫٫٫٫٫٫٫

ترقبوا البارت الجاي راح يكون الي دور

مهم بي كاتبتكم مو بس كاتبة تحل مشاكل

هم فديتني شگد مفيدة باز کردن / نظر دهید

2023-04-23 00:39:36 #بارت 5 #الجزء الثاني -









____

حور : گعدت لگيت نفسي بلمستشفى غمضت

عيوني ونزلت دموعي ياربي ليش هيچ صار

وياية وشلون عقيل صدگ لعنت نفسي الف نوبة

ليش طلعت بدون علمة لو گايلتلة چان مصار

كل هذا الله ينتقم منكم يارب شوية وفاتت

امي نبعة للغرفة

نبعة : حمد الله على سلامتج يمة

حور : الله يسلمچ

نبعة : ليش هيچ يمة عقيل حچالي كلشي صار

منين اجت هاي الاثار بجسمچ احچي حتى يو

غلطانة انا راح استر عليچ

حور : شني حتى يو غلطانة يعني انتي بعد ممصدگتني

نبعة : انا ماصدگ تسويهة بس فهميني شنهو صار

وياج خاطر افتهم والله حيل ماضل بينة

حور : مااريد افهم احد انا مظلومة والله راح

يبريني وياريت تطلعوني لان اختنگت

نبعة : ولچ لتعاندين احچي راح تصير لزمة عليچ

وانتي تخسرين كلشي واولهم عقيل

حور : منهو گالچ انا ماخسرتة عقيل من يوم

شك بية وطگني خسرني وخسرتة انا مااريدة بعد

نبعة : انا مراح اضغط عليچ هسة صيري زينة

ونتفاهم هسة انتي ملچوم گلبچ منة

حور : خليت ايدي على عيوني وگلتلهة ان شاء الله

مااريد حتى اسولف بلموضوع ولا ابرر لاحد لا الي

صار ولا قراري بكثر حبي لعقيل گلبي چز منة

وماعدت اريد اشوفة متصورت تطلع علاقتنة

هشة هلكثر وبسرعة تنكسر وتتحطم

شوية وفات الدكتور فحصني وكتبولي خروج

لان انا اريد اطلع احس روحي تنقبظ من المستشفيات

واكرهة من يوم توفوا اهلي وشفت شلون طلعوهم

والناس تعيط وراهم كرهت شي اسمة مستشفى

اخذنة عقيل للبيت والصمت يسود المكان لاهو

حچى ولا اني بس وصلنة وراح وهو صاير بارود

عقيل : الووو اوس راح ادزلك رقم شوفة






المن وردلي خبر بسرعة

اوس : اي ادلل اخوي دقايق واجيبلك صاحبة

عقيل : ماشي منتظرك سديتة منة وسقت بسرعة

جنونية كل كلمة منهة تدگ براسي يعشگي

يبعد هلي كل غزلهة وحبهة معقولة طلع كلة چذب

ليش حور بيمن قصرت انا خاطر تذليني تالي وكت

واركض ورى ناس مهتلفة خاطر ارد كرامتي

ضربت علستيرن واستغفرت الله وگفت السيارة

ونزلت اخذت بطل مي وگعدت علرصيف غسلت

وجهي ورگعت البطل بلگاع ربي فدواتك شمسوي

انا حتى استاهل كل هاذ فوگ متكفلتهة تطعني

بضهري وانا لوما شايف بعيني مااصدگ لو كل

الناس گالت تخون رجعت سقت وقررت اطلع

لبغداد لان مااريد ارجع واشوفهة گبالي

رجعت صعدت بلسيارة لزمت الستيرن وايدية

وجعتني حيل رفعتهن شفتهن مبطبطات

شلون كل هذا الوكت محسيت بيهن صدگ حرگ

الگلب ينسيك كلشي ويخليك بدون احساس

جمانة : گاعدة بغرفتي انتظرة مااعرف شنو

الي صار بس متأكدة حور مسوت هذا الشي

مرت ساعات وهو ماكو ادگ ميجاوب

ضليت گاعدة للفجر اذن واني مااگدر انام

گمت توضيت وصليت ودعيت الله يبرئهة لان

الشرف غالي والمرية ماعدهة غير سمعتهة

خليت راسي علتخم وغفيت من التعب محسيت

غير على عقيل شايلني فتحت عيوني وباوعتلة

ممصدگة تلمست خدة وحضنتة حيل

عقيل : ملچوم گلبي جمارتي وملگيت غيرچ

اجي واشتكيلة تعبان من الناس كلهة

جمانة : لا عقيل لتحچي هيچ اني اتقوى

بيك مااريد اشوفك ضعيف اني مااعرف الصار

بس متأكدة الله راح يبرد گلوبكم

عقيل : خلينة انام تعبان مابية حيل لكلشي

جمانة : اخذني للغرفة وخلاني علچرپاية

وتمدد بصفي انتبهت على ايدة بيهة شي

رفعتهة شفتهة محترگة رفعت الثانية نفس الشي

تخبلت گمت بسرعة جبتلة مرهم وخليتلة هو اول

مخلى راسة نام خليت راسي على صدرة وغفيت

حور : گعدت الصبح مطايقة الدنيا تمنيت مااگعد

على هذا الكابوس تمنيت اضل نايمة عاينت للغرفة






شفت تلفوني موجود استغربت شعجب مأخذة

فتحتة شفت رسايل واصلتني من روان

روان : هلو حور شلونچ طمنيني عنچ

المتابعات گلبهن وياچ ويدعولچ اول متتحسنين

جاوبيني ترى ضل بالي يمچ

حور : دزيتلهة الحمد لله بخير وشكراً

على دعواتكم ربي يخليچ ويخليهم

سديت التلفون وتمددت علفراش هسة انا وين

اولي اروح لبيت ابوية الله يرحمة بس شلون اعيش

وحدي انا مااگدر اضل بعد وية عقيل لازم

اصير صاحبة كرامة ومااسمحلة يذلني بعد

جمانة : گعدت الصبح شفتة يصلي ضليت اتأملة

ياربي ليش دومة معلعل يارب ساعدة وخفف من المة

الي صار بي مو هين كمل صلاتة ورفع ايدة

يدعي لاارادياً نزلت دموعي لان حسيت بكم الالم

الي جاي يعيشة بهاي اللحظات

مسح وجهة بأيدة وباوعلي واني گمت ركضت

عندة مثل الطفل الي يريد يتمسك بأبوه

وميريدة يعوفة

عقيل : ليش البچي جمارتي

جمانة : خايفة عليك عفية لتأذي نفسك باز کردن / نظر دهید

2023-04-23 00:38:37 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-04-23 00:38:00 النار بلبطانية بسرعة وانا من الموقف وگعت

محسيت على نفسي بعد

جمانة : يمة مجاي يجاوب

ابتسام : يجوز عندة شغل

جمانة : لا اني متأكدة اكو شي گلبي حاس

ابتسام : الله يستر

جمانة : ضليت ادگ وهو ميجاوب تخبلت صرت

افتر بلحوش اريد بس يجاوب ماكو متت واني

ادز رسايل وادگ وين يلة جاوب اول مجاوب

خليتة على اذني وگلتلة بصوت يرجف

وين انت ليش متجاوب مو راح اتخبل

عقيل : لتخافين ماكو شي

جمانة : وين انت فهمني

عقيل : بلمستشفى

جمانة : ليش شصار وياك

عقيل : موش انا حور

جمانة : شنو صارلهة

عقيل : رادت تحرگ روحهة وتلاحگتهة

جمانة : شنو ليش عقيل

عقيل : مااعرف شحچي بس المهم انا طلگتهة

وخلصت منهة هلانسانة ماتستاهل كلشي

حرامات بيهة التعب والتربية

جمانة : شسوت فهمني

عقيل : سالفة متتسولف اصلاً

جمانة : خفت كلش گلتلة شي يخص الشرف

عقيل : اي

جمانة : لا مااضن تسويهة لتتسرع عقيل حور

تحبك مااضن تخونك ابد

عقيل : خانت جمانة خانتني

جمانة : اكيد اكو غلط هاي يتيمة عقيل لتظلمهة

عفية ترى حوبتهة چبيرة يم الله

عقيل : انا مااظلم احد هي تستاهل كلشي سويتة

بيهة وچان المفروض اسوي ازود بعد

جمانة : ضربتهة

عقيل : طبعاً چا شترديني اصفگلهة

جمانة : لاعقيل ليش حرام عليك

عقيل : چا مو حرام السوتة بية فد الله يعلم بحالي

جمانة : انت ظالمهة ترى واذا طلعت غلطان راح تتندم

واني متأكدة هي متسويهة اكيد اكو سوء فهم هي تحبك

والي يحب ميخون ابد المهم شلون حالتهة هسة

عقيل : بعدهة مااستقرت صاير عدهة انهيار عصبي

حاد ولوما الله ستر چان هسة معتلگة

جمانة : الحمد لله على سلامتهة عقيل فدوة

لتتهور حور تحبك متسويهة خليك ساندهة اذا مو كزوجة

كأبنة انت مربيهة وتعرفهة

عقيل : ان شاء الله

يتبع ٫٫٫٫٫٫٫٫٫٫ باز کردن / نظر دهید

2023-04-23 00:38:00 #بارت 4 #الجزء الثاني -



حور : گعدت الصبح چان يوم جمعة تأخرت بالنومة

بس اول مگعدت تذكرت الصار نزلت جوة صبحت

على امي ونظفت البيت هاي الفترة چان عقيل

نازل للدوام وانا من ينزل اكره الحياة كلهة

احس دنيتي كلهة تكمل بي حتى گبل لنتزوج

چنت اكره الايام الينزل بيهة وانصب مناحة

بس چانت اسراء موجودة والتهي وياهة

هسة ماكو بس امي نبعة وهي موش من النوع

الي يحب السوالف واهي مرة چبيرة

موش من جيلي حتى نسولف سوية نفس

سوالفي وية اسراء سوينة دولمة وگعدنة

ننتظر ابوية يجي حتى نتغدا مشوار واجة

ابوية وتغدينة غسلت مواعين

وغسلت الگراج وصعدت لغرفتي ارتاح يوم

الجمعة يصير متعب لان انظف البيت كلة

وشكو شي ممسويتة طول الاسبوع اسوي

صعدت لحجرتي

خليت راسي علمخدة مرعوبة من الصار

وياية انا شوداني لحفلة هدير وفوگ هذا

مگلت لعقيل انا طالعة ياربي ميعرف

ضليت اتگلب واستغفر الله اول مغمضت عيني

سمعت صوت احد يصعد علدرج بسرعة

رفعت راسي ماكو ثواني واندفر الباب

وفات عقيل وجهة ميتفسر ياربي معقولة

عرف بية طلعت بدون علمة

عقيل : مشيت صوبهة وانا احس جاي ادوس

على جمر تمنيت يطلع الشفتة غلط لان اذا

طلع صدگ يمكن اذبحهة بدون حتى ماافكر

حور : سلامتك يعشگي ليش دفرت الباب

عاينتلة غمض عينة بنفاذ صبر واشرلي بأصبعة

بمعنى اسكتي طلع تلفونة وانا خرطت العافية

رغم ماسويت شي غلط بس نظراتة حسستني

اني مجرم ولازم يتحاسب بأسرع وكت

عقيل : طلعتلهة الصور ووجهت التلفون الهة

حور : عاينت للصور هاي صوري بلحفلة مال






هدير شجابهن عد عقيل ياربي ايدية صارت

ترجف وماعندي سيطرة عليهن

عقيل : جاوبي هاي انتي يو لا

حور : بلعت ريجي وگلتلة ااااي اااا بعدني ممكملة

وضربني راشدي حسيت اذني انطرشت ووجهي

صار يطلع نار

عقيل : طلعتلهة المحادثات الي دزوهن الي

وشمرت التلفون يمهة احچي حور هاي الچ

حور : چنت دايرة وجهي وعيوني تصب دمع

عاينت للتلفون محادثاث وية ولد وياية

بلكلية انصدمت عاينت لعقيل وگلتلة انت

مصدگ هاي المحادثات الي

عقيل : جاوبي

حور : لا مااعرف عنهة شي

عقيل : باعي ولچ مو حسبالچ ماخذة زلمة چبير

بالعمر يعني يعوفچ تلعبين براحتچ انا ماجبرتچ

علية حتى ترحين تلوثين سمعتي وتدنسين

فراش الزوجية بالحرام

حور : ضليت صافنة عليه ياحرام وشدنس

عطت بوجهة انت تسودنت شلون تصدگ

اني خنتك منهو گالك هذا الحچي

عقيل : جريتهة من شعرهة ولزمت زيج

دشداشتهة وانا متردد تمنيت الف نوبة يطلع

هذا الشي غلط تمنيت ماالگي الاثر الذكرة

هذا الناقص شگيت الدشداشة وانصدمت

بلاثار الي على صدرهة احس من صدگ

ماعاد اشوف جدامي يعني مسويتهة صدگ

تهسترت عليهة ضربتهة حدما صعدوا امي

وابوية گوة فكوهة من ايدي

نبعة : ولك عقيل شني تسودنت ليش تضربهة

عقيل : هاي الس٫٫٫٫ة متضل على ذمتي بعد

صالح : ولك شني ناهبة مرافجتلهة واحد احچي

شسوت البنية وهيچ تضربهة

عقيل : عاينتلهة وگلتلهة انتي طالگ

ويوما انا مربيچ بيدي الة اذبحچ هسة

بس صدگيني لاخليچ تتمنين الموت

نبعة : ولك انت شجابك من بغداد شايش علبت

شني حرمتك حشتك عليهة هاي يتيمة خاف الله

عقيل : ضربت على راسي وگلتلهة ماخافت الله

هي من عشگتلهة واحد مهتلف وهي على ذمتي

ليش ماگالت ماريدك انا ماجبرتهة علية

حور : يزززي عاد شني هلحچي انا ماخنتك ابد






واذا انت متصدگني ومتريدني انا هسة احرگ

روحي خلني الحگ اهلي واخلص منكم

نزلت اركض وهم نزلوا وراية رحت للمطبخ

ادور سچينة حتى اذبح روحي واجتي عيني

على الصوبة شلت الدبة مال نفط وفتحتهة

وصرت اذب على نفسي وعلگاع

وركضت اخذت الجداحة

عقيل : ولچ شجاي تسوين تسودنتي

يمة جيبي بطانية بساع

صالح : ولكم تسودنتوا شجاي يصير بنيتي

ذبي من ايدچ الله يرضى عليچ انا اخذلچ

حگچ منة بس ذبي من ايدچ ماكو شي يسوى

تموتين كافرة استهدي بالرحمن

حور : انا يشك بية والله لحرگلكم روحي

واخلي يضل شايل خطيتي عمرة كلة

عقيل : ذبي من ايدچ فوگ شينچ گواة عينچ

انا خلاص طلگتچ روحي اخذي التردي بس

لتحرگين روحچ

حور : منهو الي اريدة انت ليش مصر تطلعني

خاينة وتراب اهلي انا ماخنتك

نبعة : يمة اعرفچ متسويهة عوفي من ايدچ

الله يخليچ حيل ماضل بية لخاطري بنيتي

حور : چنت خايفة كلش بنفس الوكت منهارك

مااعرف شلون طلعت مني شعلت الجداحة

وشمرتهة بلگاع بس بعيد عني لحظات

مااعرف شلون صار الموقف بس عقيل خمد باز کردن / نظر دهید