2022-07-26 15:38:12
محرررم 1444 هـ ( رباب والحسين ع عن عبدالله الرضيع ع )
يالما تغمض عينك . خلي بيني او بينك . طفلك وانهز مهدة
صيح ابهدوة اسم الله . يبني ياعبدالله . وباب اخيمك سدة
دللول يعبدالله . دللول يعبدالله
عدت الليالي رضيعي ما غفة ابيوم
تعرف ابعبدالله لا ما شايف النوم
يبچي كل ليلة او أحسه إبني مهموم . إبني مهموم
بينك او بيني أريدة الليلة خينام
يا أبو اليمة او نلولي ابهاي الخيام
ابهدوة بس خل يغفة يمنة او ماكو أحلام . ماكو أحلام
ابصوت الدافي لوليلة هفيلة خل يغفة ابني لو ساعة
خلي يشتم حنان امه بالضلمة روحة ابدوني ملتاعة
إسمع نبضة اشوية . وايدك حط بيدية . وهز ابمهدة او إنحب
صيح ابصوت اوليدي . ضامي بس اشبيدي . هاك ادموعي او إشرب
دللول يعبدالله . دللول يعبدالله
__
بلله خينام اعله إيدك وآنه اللوليه
ابشيلتي عبدالله إبني خل نغطيه
آنه وانته الليلة هذي بس نشم بيه . بس نشم بيه
حضنة يابو اليمة حضنة وبوسة كل ساع
خلي هاي الليلة تگضي ونة واوداع
باچر ابحسراتي اموتن إبني لو ضاع . إبني لو ضاع
خل يشتم هواك انتة بالسكتة واهمس بذنة خل يغفة
خل يلمس دفو حبك وابگلبك حط يابو الوفة چفة
شيل احرورة گلبة . او زيح ابحبك تعبة . ابحضنك خلة الدافي
كاروك ابنك حضنة . ابهزتك خل يتهنه . ولا ميگلك كافي
دللول يعبدالله . دللول يعبدالله
__
ضامي يحسيني رضيعك كله ذبلان
إنظر اشفافة او تشوفة اهواية عطشان
حسرة واجروح او مواجع چبدة مليان . چبدة مليان
صب عله اشفافة دموعك بلكي ترويه
بلكي يبرد گلبة ساعة الضمة امأذيه
خايفة من شمس باچر إبني تچويه . إبني تچويه
لازم إبني يتبرگع من يطلع باچر والشمس تچوي
يعطش لا گمر عندة وايگعدة ابحضنة وبالعجل يروي
إمسح دمعة الهامل . وراوي جود الكافل . خل يرتاح اشوية
عند عباس امدلل . إبني وما ظن يقبل . ايعوفة ابلاية امية
دللول يعبدالله . دللول يعبدالله
__
باچر النبلة تشبگة او تلچمة اهواي
يبتسم ما يدري سهمة الرگبتة جاي
يفتح اگماطة او يحس ابدمة چن ماي . دمة چن ماي
إيدة من اگماطة تطلع يصرخ إحسين
ازغيرة يابويه رگبتي وسهمي شبرين
آنه وين ازغير نحري ونبلتي وين . نبلتي وين
آنه إمن الخيم أنظر من يگطر دم اوليدي بچفوفك
ترفع للسمة ادمومة واهدومة تشتم بيهن انشوفك
اتصيح الزينب شيلي . مات اهنا لحگيلي . طفلي هد انفاسة
ودي الخيمة أمة . خلي ابحسرة اتظمة . وتمسح دم لبراسة
دللول يعبدالله . دللول يعبدالله
__
تالي ما تالي أشوفن إبني منحور
والسهم بالرگبة اصدلة ويلي مكسور
وعينة صوب الماي اصدها تبچي واتدور . تبچي واتدور
خاف اجرنها نبلتة واللچمة اردود
بيش اغسلنة وگمرنة ماهو موجود
لا أبو فاضل بقالة ولا بقى الجود . لا بقى الجود
دمة ابدمعي يتغسل من ينهل أفرش دمعي بجروحة
ويلي اوليدي گدامي بخيامي فارگ من وكت روحة
شفت النبلة اچبيرة . ورگبة إبني ازغيرة . ذبحتة ابأول عمره
باچر بين اچفوفي . وانده زينب شوفي . إبني امصوب نحره
دللول يعبدالله . دللول يعبدالله
حيدر الحلفي
1.1K viewsedited 12:38