NOVEL • روايات

2022-07-27 16:32:26 _وانتي ي شهد تقطعي من راسك ساي، بداية سنة شنو ي زولة
يااخ انا ما عارفه ح اعيش مع خالد دا كيف
*هُيام انتي لو ما مرتاحه في العلاقة دي افسخي الخطوبة دي، يعني في النهاية هو ود عمتك ما زول غريب.
_ المشكلة هنا أن ما زول غريب
" تلفون هُيام يضرب "
ياريت لو قلنا مليار
*دا هو ول شنو
_اي
________
" في بيت الزين "
_صباح الخير ي عمتي
*تقول نهارك سعيد، احنا الظهر
_وين ديل؟!
*في الشركة طلعوا كلهم، ومروة في الجامعه
اخلي البت تعمل لك حاجه تأكلها
_لا عايز قهوة
*لا، اول اكل بعدين نشوف القهوة دي
ي سعاد جهزي أكل ل مروان
الليلة ماشي على الشركة
_ما عارف والله ي عمتي
ليه السؤال
*لا، سااي سألت
_ما ساي، اكيد ابوي قال لك امبارح حصل شنو في الشركة
*والله هو قال، انا اصلا قلت ليهو ما يتكلم معاك تاني برا البيت
_حتى في البيت زاتو ما عايز كلام انا ي عمتي
*كيف يعني ما يتكلم معاك، يعني يشوفك كده بس قاعد تضيع في مستقبلك ويكون ساكت.
_خلاص قول ليهو ما يفتح لي موضوع العرس دا تاني
*لا، يعني ما عايز تعرس، عايز تقعد كده
_اي.
*والله ربنا يهديك ي مروان ي ولدي.
"سعاد جابت الأكل "
قوم الاكل طيب.
__________
:عندي لك خبر حلو
_خير ان شاء لله
:مش كان قلت لك اخُ صاحبي في دبي شغال في شركة أدوية
_اي
:بس عايزين محاسب، قال لي اقترح عليهم وقال لي ارسل أوراقي
_كويس طيب، الف مبرووك
:الله يبارك في عمرك،اوراقي جاهزه بس عندي حاجات بسيطة كده بكره بجي الخرطوم اخلصها وارسلها ليهو.
_أن شاء لله ربنا يكتب السلامة.
:خلاص لمن بعدين، مع السلامة
_الله يسلمك.

*سامعه بتقول مبرووك
_ اي عندو فرصة شغل في دبي
*الله بختك ي هُيام.
_بختي شنو
*مالك ما فرحانة
_والله انا فرحانه ليهو هو يستاهل فرصة زي دي
بس خايفه يقول نعمل عقد هسا،لمن أوراقي تجهز امشي معاه، انا اصلا ما خاته في بالي سفر وكلام زي دا
*احسن دبي، من ما تمشي البلد ي هُيام، بعدين منُ قال لك ح يقول كده، احتمال هناك الوضع ما يسمح يجيبك وتقعد هنا مع امك،ويجي هو في الإجازات
_لا، الشركة دي كان قال عندها سكن ل المتزوجين، وال ما متزوجين.
*والله ي هُيام انتي غريبة وحده ح تعيش في دبي، مع راجلها حلاات الدنيا فيه خلقة وأخلاق، وتقول لا.
_انتي كمان اتلمي.
*مالك دايره تقولي ما سمح ول شنو، عندو سماحة لحية وأسمراني، ي لطيف
_شهد انتي بقيت قليله أدب والله
*غيرانة ول شنو
_ما غيرانة ول حاجه وخلاص زاتو وصلت الشركة، يلا امشي مشوارك.
"في جانب مروان"
سائق العربية
وبتصل على همسة، التلفون مقفول، طيب ي همسة.... اشوف نهايتك ح اتصل على رنيم.
*الو ي رنيم عارف انك مع همسة اديني ليها
=مروان.....
همسة قاعده ترسم، وبعيدة مني
*امشي واديها التلفون، والا بجي محل قاعده وبعمل ليها فضيحة.
=طيب طيب
همسة دا مروان
_ي لله منك يا رنيم، ردت عليه مالك
=اتكلمي معاه، قال ح يجي يعمل لك فضيحة
_فضيحة!!
اديني التلفون دا...
اي مروان، امبارح مش اتكلمنا في الموضوع دا، وخلاص تاني في شنو، و فضيحة شنو كمان قاعد تهدد فيني انا ي مروان. باز کردن / نظر دهید

2022-07-27 16:32:26 #ذات لحظة
#حلقة "3"
_____
متوسطة  الوزن و القامة، ذات بشرة قحمية ، ترتدي اسكريت اسود وقميص ابيض فيه بعض الزهور الزاهية مع جزمة رياضية باللون الأبيض،تقيف في منتصف الصالة " هُيام "
_يلاا بس كده الإضاءة ظابطة يا عمرو، يلا نبدأ الإضاءة مع الموسيقى طوالي...
ظابطة كده
يلاا نعيد تاني ي شباب عمرو تعال قريب.
اول حاجه قبل الحفلة تبدأ ح نعمل شنو؟!
*ح نشغل الفيديو فيه صور العرسان.
_طيب الحفلة بدت التصوير كيف؟!
*بالترتيب، وكل مصور حافظ دورُ ومكانُ
_العرسان وصلوا ح نعمل شنو؟!
*الإضاءة تقل الكاميرات عليهم ونشغل الاغاني ب الترتيب، بعدها الاسلو ونغير الإضاءة مع الموسيقى، بعد كده نرفع الإضاءة ونرجع إلى إضاءة الصالة العادية.
_والعشاء كيف؟!
*بعد الساعه عشرة نوزع.
_وبعدين ح "قطعت كلامها"
=ما في بعدين نمشي بعد دا تعبت انا ي هُيام
_حاضر طيب دقيقه ي شهد بس
عمرو ما تنسى اتصل على مصور اللقطات.
*حاضر طيب
_يلا مع السلامة ي شباب.
=والله تعبانه تعب ي هُيام
_خلاص خليني اسوق لك لمن اصل بيتنا وبعد داك سوقي انتي.
=طوالي، يلا اركبي.
__________
_مشيت وين انت ي زول اختفيت كده!؟
*كنت مع ناس حبوبة.
_عليك لله لقيتهم كيف، يوم الجمعه كنا معاهم
*اي قالوا لي
=انا نعست ي شباب ح امشي تصبحوا ع خير.
*بدري ي أحمد اقعد
=بدري من عمرك،تعبان بس وعندي قومه بدري بكرة.
_* مروان ومصطفى بصوت واحد
خلاص الله معاك.
_ح تجي معاي البيت، عمتك قاعده تسأل منك لك قريب تلاتة يوم ما شوفتها.
*ما كان عايز امشي لأن تاني ح يتكلم معاي ابوي، وانا ما ناقص كفاية الصباح.
_لا، ما ح يتكلم، قوم نمشي طيب.
*طيب
________________
"في جانب هُيام"
"تشرب في الشاي مع امها في الحوش "
_وبكرة ح تمشي المشاوير دي كلها ب شنو؟!
*امي معاي ناس  ممكن نأجر اي حاجه.
_ هو العرس بعد بكرة صح.
* اي ان شاء لله .
_اديك العربية تمشي بيها بكرة.
*لا ي يمة ما يحتاج.
_خلاص طيب، قبل انسى يوسف ضرب سأل منك، قال ضرب لك مقفول تلفونك كان.
*اي قبل كان نازل شحن.
_اقوم انوم انا، تصبحي ع خير ي بتي،ما تنسى ارفعي معاك صينيه الشاي دي.
*حاضر، وانتي من اهلو.
_______________
"فيلا الزين"
_امي امي مروان حبيبك جا.
*مروان حبيب عمتك تعال تعال ي ابوي مشتاقه لك شوق.
'بقيت واقفه مسافه تسلم عليه وتحضن'
مالك ما بتسأل من عمتك ومن اختك.
=امي مروان بايت هنا الليله ح تقعد تسالي فيه كده لمتين ، رايك شنو تجهزي له احلا عشا.
*من عيوني ابوي.
'باس يدها مروان'
_تسلم يديك ي عمتي.
'بعد مشيت '
_'انا ح امشي اسلم ل مروة'
_______
" في جانب هُيام "
والله ي يوسف الحمد لله
مع جرى الشغل والكورسات بس.
انت كيف مع القراية ومصاريفك خلصت ول ف؟!
.....
الحمد لله ان شاء الله دايما موفق ي يوسف.
.....
دقيقه خليك معاي ي يوسف خالد في الانتظار.
.....
لا ما تقفل.
..... خلاص طيب مدام بكرة عندك دوام بدري.
..... وانت من اهلو. ' قفلت الخط'
الو اي خالد
......
مسا النور
.....
انت كيف
......
الحمد لله
اي قبل ما كان شاحن التلفون.
....
اي يوم الجمعه ان شاء الله
....
امين يارب.
....
_________
" فتاة قصيرة القامة، اخدت الكثيرة من ملامح ابيها وأخيها، تجلس على سريرها ترتدي نظاراتها الطيبة، هنا مرجع ثقيل الوزن والمعلومه، وهنا قلم وقاموس لترجمة"
*ممكن ادخل ي دكتورتنا
=مروان 'قامت تسلم عليه بالاحضان'
مشتاقين والله، مالك ما بتسأل
*كتير والله، والله مع مشاغل الدنيا
=انت عارف لو ما جيت الليله كنت ح أكون كده اسبوع ما شوفتك.
*عمتي تحت تقول تلاته يوم وانتي اسبوع دا كلام شنو يخووانا
=لا، انا قبلها ما لقيتك زاتو مرتين كنت بايته في المستشفى ومرة الصباح طلعت بدري انت.
*اي صح.
كيف هسا انتي مع القراية؟!
=دعواتك خلاص هانت.
*ربنا يوفقك واشوفك دكتورة كبيرة، يلا انا نازل تحت قلت اجي اشوفك.
=دقيقة نازلة معاك
*خلاص يلا انا ح امشي اسلم على ابوي.
_______________
"صباح يوم جديد"
_يلا اول نمشي نشوف العروس وموضوع الكوافير دا
*هُيام عمرو ظبط موضوع الصالون والتصوير، في وحده بت ح تكون مع العروس، و واحد مع العريس
_خلاص الحمد لله، بعد الكوافير نرجع المكتب عندي حسابات اخلصها وارجع البيت.
*ترجعِ وين ي هُيام انتي الليله مش بايته معاي
_بايته شنو ي بت، امي تقعد براها في البيت يعني.
*يوم واحد هو، بعدين ح تعملي شنو لمن تعرسي؟!
_يوسف ح يكون خلص الجامعه وبيكون معاها
*قول لي قاعدة تهظري ي هُيام، يوسف لسه باقي ليهو تلاته سنة، ح تتأجلي في عرسك تلاته سنه تاني،وانا كمان قلت بدايه السنة كده يكون. باز کردن / نظر دهید

2022-07-25 01:06:09 حلقه بكره نزلتها لأن بكره مشغوله شويه باز کردن / نظر دهید

2022-07-24 16:39:36 =تقولي شنو بس، كده خليك من ديل، انتي عرسك متين ي بت، عايزين نفرح بيك.
*هيييي انتي كمان، عايزه تبقى لي زي امي كل مره عرسك عرسك.
=لا، بالجد ي شهد، انتي داخله على السنه الرابعه في الخطوبة
*ما ادخل أن شاء لله في الميه، هو في مدة معينه ليها
بعدين انتي ي شهد الوحيدة العارفة، انا ما عايزه العرس دا ول خالد، هو مفروض علينا، ما اختيار واحد فينا.
=هُيام خالد بيحبك، احتمال انتي لا، بس هو بيحبك.
*هو ما لقى غيري، يعني من صغار انا وهو ل بعض ف مجبور يحبني، بس انا ما قدرت احب او اشوف زوج لي زاتو.
=انتي هسا قلت مفروض عليكم، يعني مهما اتاجل مصيركم واحد، علي الاقل هو اتقبل الحاجه دي وبقي يحبك، ف انتي عايزه شنو تانيه
*عارفه ي شهد، خالد دا فيهو مواصفات كويسه شديد، يعني ح يبقى اب كويس، وزوج كويس اظن ، هو صح فيه بعض العيوب بس هو كويس، المشكله انا ما مرتاحه.
=اجيي يخووانا، بعد الكلام دا كل ما مرتاحه،ي زوله هووي، العرس دا نهاية السنة والموضوع انتهينا من خلاص، وما تخافي ح اعمل لك تخفيض ل عرسك،اقول لك مجان عديل.
*هههه ودا عشان شغالة معاكم ول عشان صحبتك، وبعدين امي وعمتي ما سامعين كلامك دا، كان طوالي يقولوا العقد بكره
=ههههه عسل امك ونسبتك دي، بعدين مجان عشان انتي اختي وصحبتي،ويلا يلا أركن العربية انا، وأنتي امشي اخدي شكلتك من مديرك.
_______________________
" دق دق "
*اي اي جايه
"فتحت الباب"
مروان حبيب خالتو
"سلمت عليه ب الحضن"
أدخل ادخل حبوبتك ح تفرح ب شوفتك.
امي شوفي منو عندنا
=مروان ولد الغالية "بقيت تحضن وتبوس فيه"
_ازيك ي حبوبة أن شاء لله كويسة
=انا كويسه ب شوفتك مالك طولت مننا كده
_مع مشاغل الدنيا.
"جابت موية وعصير "
*بقيت كعب ي مروان ول بالتلفون زاتو ما تسأل مننا
_اعفي لي ي خالتي،كيف انتي وكيف العيال
*كويسين الحمد لله يسألوا منك طوالي.
=انت كيف ي ولدي
_انا كويس ي حبوبة
=بس شكلك بيقول عكس كده
_إرهاق بس"خت رأس في رجولها"
*الليله ما ح تطلع الا تأكل معانا.
_اعفي لي والله ما عندي طريقة "رفع راسُ"
=طولت مننا الا تقعد بعدين عيال خالتك مشتاقين لك
*خلاص الكبيرة قالت تقعد يعني تقعد ي ود "بضحكة"
_حاضر "رجع راسُ تاني"
*اقوم افتح الباب انا شكل العيال وصلوا
"جاريين علي الصالة ال فيها مروان وحبوبةُ"
"ولدين وبت"
مروان مروان وجرى اي واحد بقى يسلم ومعلقين في رقبةُ
جا ابوهم ي اولاد خلاص خلوني اسلم عليه، جا سلم عليه زوج خالتو
كيف صحتك ي مروان
_الحمد لله، انت كيف وكيف مع الشغل
والله الحمد لله
*يلا ي عيال غيروا عشان نخت الاكل
ود خالتو الصغير" مروان ح تاكل معانا "
_اي
"ي سلاام، ح امشي اغير واجيك.
انا كمان بعد اذنك ي مروان
_اتفضل اتفضل ي عمي.
________________
" في جانب شهد وهُيام"
=ي ابوي عليك لله كفاية نمشي نأكل بعد دا
_اول حاجه ي شهد قلت لك في الشغل ما تقول لي ابوي، وبعدين انتو اصلا جيتوا متأخرين، في اشتغلي وانتي ساكته
=حاضرما بقول تاني، بس عليك نمشي نأكل خلاص وبجي اعمل لك كل الانت عايزو.
_خلاص امشوا وبعد تأكلوا امشي الصالة طوالي، ما عندكم حاجه هنا تاني.
=حاضر، يلا ي هُيام.
______________
_تسلم يدك ي خالتي وان شاء الله دايما عامرين
*الله يسلمك، ما أكلت حاجه.
_أكلت والله الحمد لله.
و بسبوسة ليلي حلوه كمان، كبرت لمن بقيت شاطرة في المطبخ كمان.
مروان مروان يلا نلعب
_هسا ما ينفع لأن اتأخرت، بس اوعدك المرة الجايه نلعب لمن تقول لي كفاية.
وعد ي مروان ؟!
_وعد ي هشومي.
"باس رأس حبوبةُ وسلم عليهم وطلع، وقبل يصل الباب"
*مروان مروان
_اي ي خالتي.
*الله يرضا عليك ويهديك ويسعدك ي ولدي، خلي ال بتعمل فيهو دا وارجع مروان حق زمان، ولد اختي الأنا بعرفو، انت فاكر انا ما عارفه ب عمايل عارفه والله، وما حبيت افتح الموضوع قدام أمي، وما لقيت فرصة اقعد معاك برانا،اسمع كلام ابوك، وخلي القاعد تعمل فيهو دا، انا بتكلم ل مصلحتك.
_حاضر ي خالتي "باس رأسها وطلع" باز کردن / نظر دهید

2022-07-24 16:39:36 #ذات لحظة
#الحلقة "2"
______
*تقصد ما كضب عليكم، انا بس عايز اعرف انت ل شنو بتعمل في نفسك وفينا كده، لو الزول حياتو ح تقيف بعد كل عزيز يموت ليهو الدنيا دي ما كان ح تكون في، يعني انت فاكر ان امك ول بت عمتك بيكونوا مبسوطين.
وكده ب حركاتك دي قاعد تثبت ليهم انك حزين علي فراقهم، كلنا صعب علينا فراقهم بس نعمل شنو دي سنة الحياة، وانت كمان لازم تكون مؤمن بالقضاء والقدر، وانت ما سبب في موت وحدة فيهم.
_لا انا السبب ي ابوي
*يعني ب طريقتك دي هم ح يرجعوا، هسا في يديك تدعي ليهم وتشوف حياتك الواقفة دي، انت هسا عمرك ثلاثين، مفروض يكون عندك عيال زاتو، انت ما محتاج تجهز زاتو او تبني نفسك.
_"مروان قام من الكرسي "
_ايواا قول لي الموضوع كده، كان تقول لي طوالي تفتح سيرة العرس بدل المحاضرة دي، انت عايز تصل ل نقطة العرس دي
اهاا شوفت لي وحدة من بنات اصحابك ديل ول قلت ل عمتي تشوف لي عروسة، عشان اجيب لك حفيد، يوصل مسيرتك الأنا قاعد اخربها لك.
*" قام من مكتب متعصب "
اول حاجه صوتك ما يعلى، انا من قبل بتكلم معاك بكل هدوء، بعدين كويس انك عارف ان انت خارب مسيرتي،ووو اي ي مروان شوفت لك عروسة.
_وانا قلت لك ي ابوي انا ما ح اعرس ما ح اعرس بس لمجرد انك داير لك حفيد، ول عايز تجامل لك واحد من اصحابك على حسابي.
*ياود احترم نفسك واتكلم معاي باحترام انا بقول لك كده عشان تلم بدل انت صايع وضايع كده، و القروش كلها ضايعه في البنات والشي القاعد تشرب دا.
"في أثناء الجوطة والصوت العالي جا مصطفى"
=في شنو ي خالي صوتك وصل نهاية الشركة.
*شوف صاحبك دا.
=مروان اطلع، بجيك هسا انا.
"بعد مروان طلع"
=اهدي ي خالي اهدي، ح اطلب لك عصير ليمون.
*اتكلم مع الود دا شكلو كل ما يكبر قلة الادب قاعدة تكبر معاهو.
=حاضر بتكلم معاه، انت اهدي هسا
___________
"في مكتب أحمد صاحب مروان ومصطفى "
_في شنو ي مروان صوتك انت وابوك لمن نهاية الشركة واصل.
*موضوع كل مرة، قال عرس قال.
_والله ي مروان، ابوك عندو حق يعني انت ولدو الوحيد، وعايش حياتك كده وما عايز تعرس وهو طول عمرو قاعد يأسس ويبني في الشركات والمصانع، بعدين هو ما عايز منك حاجه غير تعرس، في زول يقولوا ليهو عرس في الزمن دا يقول لا.
*في، اي انا، ابوي العرس زاتو حقي دايرو ل مصلحة، بعدين انا ما قاعد اشوف نفسي عريس غير ل وجن.
_ي مروان وجن ربنا يرحمها، انت لازم تعيش حياتك وتشوف مستقبلك، يعني ح تكون كده ل متين.
*ما عارف ي أحمد بس شكل المشكله فيني انا، لمن قلت ابدأ من جديد البت مشيت وقالت عايزه تعرس.
_همسة؟!
*اي، عرسها يوم الجمعه.
_كل حاجه قسمة ونصيب، واكيد يعني لخير.
"جا مصطفى قطع كلامهم"
=و دي منو كمان البتكلموا فيها وعرسها يوم الجمعه
_همسة.
"قاعد مصطفى في الكرسي المقابل ل مروان"
=ما تشيل في قلبك وتزعل سااي،هي لو بتحبك بالجد كان قعدت، ورفضت العرس دا.
*وذنبها شنو تقعد مع واحد صايع وضايع وما عندو مستقبل.
=مروان انت زول حساس شديد وانا عارف ان حياتك دي ما عجبك وانت بتعمل كده عشان تنسى.
"أحمد عشان يغير السيرة" يلا ي شباب الظهر خلاص ح يأذن نمشي نفطر ونصلي بالمرة.
*لا، ي أحمد امشي انت ومصطفى، انا عندي كم مشوار، بجي عليكم المسا.
_________________
"في جانب تاني"
*الوو... اي شهد... نازلة نازلة والله
'"بعد وصلت لقيت صحبتها منتظره في العربية"'
=ساعتين ساعتين ي هُيام " ب ضحكة"
*انا خلصت المحاضره كده  دقيقتين انتي اتصلتي خلي امورك دي ي شهد.
=انا دقيقتين بالنسبه لي ساعتين ما عارفه انا بخاف من الزحمة، بعدين شارع المعهد دا زحمة مبالغه.
*اي ما عشان الشركات القريبة ليهو دي.
=ي رب نطلع ب سلام من الزحمة دي
"مروان كان برضو بيحاول يطلع من الزحمه دي، شهد كان سائقه براحة، وهو مستعجل أتجاوز عربية شهد وقرب يضربهم"
=عميان انت... مستعجل مالك.؟؟!
"مروان وصل سواقه زي ما قاعده تتكلم معاه "
*شهد اهدي، مشا هو خلاص
=غبي، مفتري دا كمان
*هو انت تعرفيهو لمن تقول عليه مفتري
=اي، في زول ما يعرف مروان الزين صاحب أكبر الشركات في السودان.
*انا ما بعرفو" بضحكة"
=احسن زاتو ما تعرفيهو، واحد صايع وضايع ساي، حياتو كلها شرب وبنات وكل عليه
*لا حول ولا قوة الا بالله، بعد دا كلو.
= اي، ابوه عندو منصب كبير، وشركات ومصانع والعمارات في اي مكان عندهم ، بس تقولي شنو، واتخيلي هو ولد واحد وعندو اخت تقربيا.
*خسارة يضيع شباب كده.
=وبعد دا كل البنات مكسرات فيه.
*على شنو ب لله
=والله النصيحه هو سمح، وكمان عندو قروش
*ما عندهم شغلة ديل كمان، احب لي واحد عشان قروشو وشكلو. باز کردن / نظر دهید

2022-07-23 17:09:13 __________________
"في شركة الزين"
شاب في أواخر العشرينات،اسمر اللون مقرن الحاجبين، رفيع في البنية، طوله أقل من مية وتسعون، يرتدي زي رسمي بدلة "أحمد"
دخل عليه في المكتب شاب في الثلاثين او اكثر، قمحي، صاحب بنية رياضي جذابة، متوسط القامة، يرتدي بدلة سودا "مصطفى"
_رد لك ي أحمد
*اي ف السكة بيكون، كمان دا لو ما وصل.
_أن شاء لله يكون وصل ول بالجد في السكة، لأن خالي ح يكسر الدنيا في رأسنا لو ما جا مروان.
*بجي بجي خلاص، انا اصلا متوتر ما تزيد توتري،بعدين الليلة مالو خالك من الصباح كده.
_اصلا هو حال مروان دا ما عجب، كل فترة يقوم فيه زي دا، من الصباح وقت الشاي سأل من، كضبت قلت ليهو ضرب لي وقال بايت معاك.
*والله ربنا يعينكم ويهدي عم احمد ويهدي مروان دا،كده اشوف لسه ما وصل.
_انا كمان امشي مكتبي قبل خالي يلاحظ لي هنا ويشك فينا.
____________
ثلاثيني ، ملامحه هادئة، رياضي البنية، اسمر اللون، يرتدي بدلة سودا تعطي لوحة مع لحيته الكثيفة. "مروان"
_وصلت ي أحمد دخلت الشركة كمان، دقيقه وح اكون في مكتب ابوي.
"وصل المكتب"
"زي رسمي، رجل في الخمسينات من عمره، فيه بعض الملامح من ابنه مروان"
_السلام عليكم ي حاج
*وعليكم السلام
_قاعد تسأل مني قالوا!!!
*اي سألت، كنت بايت وين انت
_مع أحمد، مصطفى ما قال ليكم
*تقصد ما كضب ليكم. باز کردن / نظر دهید

2022-07-23 17:09:13 #ذات لحظة      
#الحلقة "1"
__________
في وحدة من عمارات عائلة الزين، شقة جايطة، قام مخلوع دي منو ياربي كمان،  "ماسك رأسُ" ي لله الصداع ح يفجر راسي، عاين ل البت ال نايمة جمبو دي منو انا ما متذكر اكون جبتها امبارح!!؟...... امشي الحمام احسن لي.
جهز نفسُ جاب ظرف فيهو قروش وكاتب ليها 'ما عارف متفق معاك علي كم بس اظن القروش دي كفاية'. وطلع
بعد نص ساعة صحيت اهاااا اا دا شنو شنوو بقيت تبكي ب طول صوتها، امشي وين انا.... لقيت روب جمبها لبستُ وبقيت تشوف زول في الشقه، لقيت شنطتها....اهاا التلفون
الو.... اي ح ارسل لك عنوان تعالى لي فيه، و جيبي لي هدوم، وقول لي امي بايتة معاك.... تعالي سريع عليك لله...
__________________
"فلاش باك"
انا هُيام محمد، عمري ٢٦ خريجة it مدمنة حواسيب، ابوي متوفي من وانا في ثالث، امي بثينة عندها روضة، ومعاها كم بت كده مرات بتعمل اكل مناسبات، بعد وفاة ابوي الصرف كان تقيل عليها، عندي اخوي واحد أصغر مني يوسف بقرأ في الجامعه في مدني.
انا مخطوبة ل ود عمتي خالد، من احنا صغار هُيام ل خالد وخالد ل هُيام، لبسنا دبل لنا تلاته سنه طول السنين دي ما حسيت ب اي مشاعر اتجاه خالد، غير ان ود عمتي.
*ي بت هُيام اطلعي عشان اوصلك معاي
_كويس ي امي جاية جاية، اشرب الشاي بس، و جمبك في العربية طوالي.
*يلا سريع عندي مشاوير انا.
_جيت جيت ي امي.
*اقفلي الباب دا براحة قاعد يأكل معاك هو
_حاضر، كده ي أمي افتحي المكيف.
*المكيف بايظ
_احيي نفسي طبعا يوم العربية ما يكون فيها مشكلة، بس على قول يوسف دي عربية مع العربات هسا
*انتي ويوسف الاتنين جادحين قولوا الحمد لله، احسن من مرمطة الموصلات.
_اي اي الحمد لله.
صحي ي امي قبل انسى بعد الكورس، عندنا عرس يوم الجمعه قاعدين يجهزوا في القاعة وكده ح امشي واحتمال اتأخر، ما تخافي ح ارجع مع شهد.
*طيب. انا زاتو شايفه مافي داعي ل الكورسات دي ول شغلك حق تنظيم المناسبات دا، كان وافقت نعمل عرسك نهاية السنة دي فيها شنو، بعدين خالد دا زاتو صابر اول تقول جامعة وهسا عملتي برنامج شغل وكورسات.
_والله ي امي هو موافق وبعدين في حاجات كتير ما جاهزة عشان نعمل العرس،ولو الكورسات انا بحب الحاسوب دا في كل ما لقيت حاجه جديدة او برنامج جديد بحب اتعلمُ، شغل التنظيم دا فيه متعة،بعدين زاتو عشان اعرف الناس ديل بيعملوا شنو في أعراسهم عشان اعمل بعدين في عرسي.
*يا بت انتِ فاكر خالد دا زي ناسكم القاعدين تنظمي ليهم ديل ول شنو، براهم في التنظيم دا يدخلوا ملايين،خالد شنو كمان ال يدفع لك قدر دا.
_يدفع ويعمل لي والله، قول الخوف من عمتي تقول ما في داعي ل الكلام دا
*اصلا ب تقول عمتك.
_والله ي امي الا لو طمع سااي، لاكن القروش ال ح يدفع لينا احسن من يدفع في اي حاجه براها، يعني احنا ح نحجز ل العروس الكوافير والفستان والحنة، وهو زاتو مكان صالون الحلاقة، الاكل ال ف الصالة الصالة زاتها، دا غير الزينة.. وكمان ح يكون وفر ل نفسُ تعب المشاوير.
ف لو هو فالح بالجد ح يشوف ان القروش حقت شركة التنظيم أقل.
*عارفة انا ي بت، بس بقول لك عمتك تعرفيها براك، تقول جرتق بس هسا.
_عليك لله لمن يجي الوقت داك ربنا كريم.
ب المناسبة المرة الشغالة لنا الاكل قالت دي اخر مناسبه ليها لان ح تسافر، فكرت اجيب البنات الشغالات معاك وانتي كمان تشغلي معانا.
*هييي انتي كمان،انا شغل المناسبات دا عندي بمزاج وانتو شغلكم دا داير زول منتظم، انا عادية ممكن اكون ما محتاجة قروش، أوقف شغل، عشان كده خليني بعيده انا.
_خلاص بضرب ل البنات، هم زاتو ما شاء الله معلمات.
____________________
'' في جانب تاني ''
_انت ل شنو ما عايز تفهم يامروان حالياً انا زولة مخطوبة وح اكون زوجة بعد كم يوم.
*'' المتصل"  لا، ما عايز افهم انتي حبيبتي انا وبس، خلااص خلاص انا ح اتغير بس انتي ما تمشي ي همسة عليك لله
_مروان انت ما ح تتغير نهائي عارف ليه؟!
*لأن انا ما كنت حبيبتك يوم، انا كنت وحده بتحاول تنسى بيها حبيبتك الميتة،ولو جات وحدة غيرتك بالجد معناها انت حبيتها.
_همسة دا شنو الانتي بتقول فيهو دا، انا بحبك ما تمشي.
*مروان.. مروان انت سكران حالياً كالعادة وما عارف انت بتقول في شنو اقفل وتاني ما تضرب لي. "تتتتتت الخط قفل"
"قاعد في الأرض ودموعُ بتنزل وحدة وراء التانية "
_انا كل الناس ال بحبهم ب يمشوا مني ل شنو، هو انا كعب لدرجه دي "التلفون يضرب"
الو... اي أحمد
*"المتصل "  انت وين يامروان ابوك من قبل بسأل منك قلت ليهو بايت معاي وخليتك الصباح نايم، تعال سريع لان ابوك متعصب شديد.
_هو طبيعي متعصب، خلاص خلاص مسافة السكة واجي. باز کردن / نظر دهید