فَكِّرْ

2021-10-13 20:46:01 عندي إعجاب لا إرادي لأي انسان متواضع

المتواضع بعيشتة وبحياته، الكل همه يعيش حياة مستقرة بدون مبالغة، حياة بسيطة متروسة تسامح وإبتسامه، هيج ناس الوحيدين اليعرفون يعيشون حياتهم صح، رغم امانيهم البسيطة، وهالأماني والاكتفاء هي المخلية حياتهم الها طعم خاص لأن صدك تتحقق.
ذوله الناس الأنقياء متصالحين ويه نفسهم ومتفاهمين ويه كل خطأ يصير وراضين بفكرة النقصان بالاشياء والذات، يتعاملون بمنطلق احنه بشر عاديين نختار غلط ونمر بتجارب غلط ومنجلد ذاتنه، نفشل بطريق نروح بالطريق الثاني والثالث، مانعقد الأمور وماعدنه أزمات وجودية, واكفين بالنص بين الحماس والرغبة وبين الزهد بيها.

اني ممتن منهم لأن وضحولي فكرة الجانب المستقر للحياة، الجانب الي هو مو اله نسعى للكمال والتميُز دائمًا، مو اله نسوي كل شي مثالي حتى نحس بداخلنا بالرضا، علموني احنه نحس بالرضا بأختياراتنا البسيطة وضحكتنا، بعزيمة على مخلمة وچاي بشارع المتنبي، بالبالات مال شورجة، بكبة السراي، وصوت ياس خضر وياها.

علموني أول خطوة بهالطريق ، تتنفس، وتسترخي، وتكول هيّ خلصانة اصلًا
اذا مو اليوم باجر ، عيشها ببساطة وحُب وإبتسامة.

وكلكم عيوني باز کردن / نظر دهید

2021-10-13 19:14:52 إتقبل فكرة بأنه مو كل اللي تريده بالعلاقه حتلگي، الشخص اللي تريد حاله ينصلح ممكن مينصلح وهذا مو ذنبك، الشخص اللي تحاول أنه تقربه من عندك وهو مصمم يبتعد، لا تعتقد بأنه من عندك الغلط، وتحمل نفسك مسؤولية الفشل، لأن هذا مو ذنبك ، اللي تعاتبه حتى علاقتك بي تصير أحسن وهو ميتأثر بكلامك ولايفرق عنده ، فهذا مو ذنبك ، أوقات تشيل ذنب و أطباع ناس حواليك، تجلد ذاتك وهمه گلوبهم بارده وأنت ولافارق عدهم، تلوم نفسك وتكول همه ليش يسون هيج؟باردین بايعين جافين کلامهم يجرح، ميهتمون لمشاعر الناس اليحبوهم،
وتجيب اللوم عليك، كل هذا مو ذنبك، أكو أطباع متتغیر شگد محاولت، خصوصًا لو اللي گدامك مغمض عيونه عن عيوبه ولو شسويت مراح يتغير ، تقبل فكرة أنُ مو شرط حبك يقابل بحب، وأنه عادي تبطل عطاء للناس اللي متستاهل عطاءك، وما تنتظر شيء من اللي خذلوك، واللي خذلك مره فهذا راح يبهذلك بعدين وياه، تقبل بأنه بعض الناس ميشوفون غير نفسهم وبس
وشميصير بيك خل يصير مراح يفرق عدهم.

"بيع الما يقدر، واشتري نفسك"

وكلكم عيوني. باز کردن / نظر دهید

2021-10-11 00:55:13 صرت من اشوف واحد يحجي بس بإسم العراق بدون انتمائات مذهبية او حزبية اسوي الصفحتة سكرين شوت واحط خمس گلوب حمر عالستوري الينزله حتى لو باكيت بسكت. باز کردن / نظر دهید

2021-10-10 23:11:33 احنه صرنا مثل الملابس العارضيها بالمحلات، هواي ناس ينعجبون بيك بالظاهر ومن اول نظرة، بيهم اليگدرك ويعوفك، وبيهم يشوفون سعرك غالي يروحون لحاجة أرخص مثلهم، واكو ناس يتمسكون بيك لأن راهم عليهم، واكو من يشتروك وراها ينسوك وتبقى مركون بالكنتور، واکو ناس تبقى تلبس بيك حتى لو شافت لبس ثاني احلى!

اليعرف قيمتك ميهمه شكد السعر، وما ينتظر ترخص وتصير تنزيلات حتى ياخذك.
اليعرف قيمتك راح يحتويك من كل گلبه.
وما يتركك حتى اذا جان بيك عيب او فتگ بالقماش.

وكلكم عيوني. باز کردن / نظر دهید

2021-10-10 22:37:06 محمد ٢٦ سنة ولد صديقي اعرفه من سنين طويلة، من أهالي حيّ العامل ببغداد
جنت دائمًا على تواصل وياه وخاصةً ب٢٠١٤ و٢٠١٥، جان شاب بائس، منعزل جدًا ومايطلَع ابد، شاب ينطيك طاقة سلبية الى أبعد درجة، يخليك تبجي بكل وقت,
المهم إنشغلنا بأمور الحياة وكل واحد إلتهى ولكن بعده السؤال مستمر، كل اسبوع او كل شهر يدخلي او ادخله ونسأل على بعض، بنهاية ٢٠١٥ محمد إنقطعت أخباره نهائيًا،، لا انترنيت ولا مبايل، ادك مغلق،و٣ سنين هو غايب
لحدما اجتي ٢٠١٩ جنت الفجر فاتح فيسبوك جان يوصلني إشعار (محمد) أرسلَ لكَ رسالة ،، يا محمد هذا؟
فتحته جان الكيه نفسه، اني على متفاجئ على مصدوم، بعدما سألته عن حاله ورحبت بي ترحيب حار، گتله شنو القصة وين هلغيبة؟
گلي احمد صار بيه ذاك المرض (كانسر) اسم الله عليكم، واضطريت اقص وحده من رجلين ... ونفسيتي صارت صفر وتركت كلشي, بس هسه اني الف الحمدلله كلش زين وتعودت على الوضع، صح بالبداية صعب بس اني بطل.
من سمعت هلكلام اني نقهرت بشكل مو طبيعي، بقيت حاير شلون اواسيه، ضليت بالمحادثة ٣ دقايق وره ما گالي هل خبر، شكتبله هسه؟
وبعد مرور وقت قصير من الصمت، دزلي بصمة كلي اني مشتاقلك والله ابو شهاب عود خلينه نلتقي ونغيّر جو ...
اني لساعني حزين ومقهور على وضعه
كتله ماشي حبيبي هل أيام نطلَع ..
بعد مرور كم يوم ألتقيت بي لأول مرة،
تفاجئت بمحمد ونصدمت بي صدمة العمر، محمد ذات الطرف المبتور اكثر شخص مرّح ويبتسم وينطي طاقة ايجابية !
محمد إلي كل سوالفه صارت تجشيّع وأمل وتفائل، محمد الي كام يطلع كل يومية ويفتر ويلتقي بناس ويصادق ناس، ودخّل جم وباني عضلات، ومفتّح مشروعه الخاص هم!
لا وزاير لبنان والأردن ومصر !!
تحوّل من إنسان بائس ماله اي معنى بالحياة، الى كتلة ايجابية وفعالَة بالمجتمع، الى شخص مثابر وناجح وعنده احلام خير من الله.
قضيت يوم جدًا ممتع وياه .. الله يحفظه يارب.

وره كل حدث سيء وصعب بحياتك، وره كل فكرة سلبية "قاتلة"تجيك، وره كل فشل ذريع يصادفك، وره كل خذلان، وره كل فقر وضيق حال
اتذكرلي هاي الآية ( وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ)

وكلكم عيوني

احمد قاسم باز کردن / نظر دهید

2021-10-10 13:12:39 باز کردن / نظر دهید

2021-10-10 13:01:56 مساء الخير
اني المواطن أحمد قاسم
أؤمن إيمان تام بمصطلح الحرية، وأؤمن إيمان تام بالإختلاف وأحترم الرأي المقابل حتى إذا كان لا يتفق معي.

ولكن
ومع إيماني التام بما سَبق، إلا أنني لا أتشرف مُطلقًا بأي شَخص حزبي وبأي شخص يُقدّم مصلحة تأج راسه سواء كان (سياسي او ديني) على حساب وطنهِ، بل واشمئز منهم، لا أتشَرف بأي شخص إنتَخَبَ اليوم سياسيًا فاسدًا من أجلِ طرفٍ ما.
"ولن يشرفني متابعتهم لي"
والخصام معهم إلى يوم يبعثون.

قالَ تعالى
((ولا تَحسَبَنَّ اللَّـهَ غافِلًا عَمّا يَعمَلُ الظّالِمونَ، إِنَّما يُؤَخِّرُهُم لِيَومٍ تَشخَصُ فيهِ الأَبصارُ)) باز کردن / نظر دهید

2021-10-09 11:40:55 فوضى

نعم فوضى هيّ أقرَب كلمة توصف المشهد العراقي السياسي الحالي, وتتركز هذهِ الفوضى على الوطنيّين الغيورين الشريفيين فَقَط ، اما (المطي) مسّلم صوته لتاج راسه ولحزبه ومرتاح، مايفكر ولا يقلق لان ميهمه الوطن والشعب، حتى اهله ميهموه، لا انطيك الأقوى حتى نفسه ما مهتم الها
اهم شي عنده ينتخب تاج راسه ويطلع بالشارع يهلهل.

فوضى على العراقي الشريف، مايعرف شنو يسوي، ينتخب؟ إلمن ينتخب؟ منو يستحق؟
شو كلها تحجي براس الشهداء وكلها تكول اني وبس
تقاطع؟ هل الحل بالمقاطعة؟ ماعرف.
تسكت؟ ماتكدر ابد ..

نفس احساس (اليوكف) بغرفة ضيقة وحيطانها يتقربن عليك كل ٥ دقايق.
هيج شعوري بإتجاه باجر.
اتمنى انام ٣ ايام.

مو كلهم عيوني. باز کردن / نظر دهید

2021-10-08 18:08:46 اليشرب جكاير مو شخص ممتربي، والميدخن جکایر ميضمن صحتة، والممتحجبة مو بعيدة على الله، واللابسة حجاب مو اكثر تدیّن، والعندة فلوس مو اله مرتاح، والماعندة مو اله عينة عالثاني، والجاب معدل عالي مو اله اذكى من غيرة
، والجاب معدل اقل مو بالضرورة فاشل، التضحك بصوت عالي مو اله منحرفة والينتقدها مو اله يحمل عفة،

أغلبنا مختلفين وتحكمنا ظروف مغايرة
مو لازم اله يشبهك حتى تقتنع بي
الموضوع كله مثل الألوان مو شرط المتخيلة يتلوّن حتى يعجبك.
لتحكم على الناس من خلال عوامل انتَ وضعتها بينك وبين نفسك
مو شرط تكون انتَ الصح، ولا شرط دائمًا الناس على خطأ بنظرك

فكِّر بيها.

وكلكم عيوني باز کردن / نظر دهید

2021-10-07 12:34:36 ماكو شي بالحياة اجمل من السمعة الحلوة
ودائما بحياتك تلگه ناس تريد تشوه صورتك، ويمرغلون نفسهم بالتراب في سبيل هلشي، بس يفشلون بكل مرة، لان الذهب الأصلي لونه ابد ما يتغير.
شكد ما تنجح وتشتغل وتداري روحك وتضمن مستقبلك ما راح تلگه كنز احلى من نظرة الله الحلوة والناس عليك
الانسان ويه كل فعل وحجاية يحصد تقدير الناس واذا الناس ما قدرته الله يقدره ويرفع شأنه.
وهنيال النيته صافية ويحبه الله.

لتحجي على ناس متعرفهم ما مأذيك، واذا تعرفهم دافع عليهم مو تسقط بيهم اذا جانوا على حق، لتصير ظالم، ولتحجي على صديقك او صديقتك، وتصير الشخص المنافق الموجود بالشّلة، لتنقل حجي وتخرّب سمعة وعلاقات، أستر شكد ماتكدر، أستر على الناس حتى الله يستر عليك ويغطي فضيحتك اذا نفضحت لاسامح الله.

وكلكم عيوني. باز کردن / نظر دهید