2021-09-30 02:01:51
قصيدة لسان حال مولاتنا زينب ع تقرأ بألحان مختلفة
#رجوع_زينب
#دار_الحسين
*يعلويات لا تنعن على الباب*
*أظن وصلو گبلنا البیت الأحباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاتبچن يعمه وگطعن النوح
بطلنه الونین وصبرن الروح
حمام الدوح میهمچن حمام الدوح
لاگاچن یون ومخضب اخضاب
*يعلويات لا تنعن على الباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طیر الطار گدامچ یسکنه
لایرجف دلیلچ یمه منه
احنه انرید ندخل دار اهلنه
مشتاگیلهم یدرون الاطیاب
*يعلويات لا تنعن على الباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صحت بالدار حیهم یاولینه
دورن بالغرف شوفنه وینه
اظنه إحسين مايدري إمن إجينه
بالعاده بهلا یلاگي الغياب
*يعلويات لا تنعن على الباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طبت والدمع ما فارگاها
تفتر والحرم تفتر وراها
یوجعها وتقوس یاگفاها
أغشم الروح وآنه أدري الأمل خاب
*يعلويات لا تنعن على الباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
يعمه الروح تعبني نحشها
گومي اتگول هالحجره ندشها
انحزن الحایط اونطوي فرشها
وعالظل بالرمل نلطم بالتراب
*يعلويات لا تنعن على الباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دورنا الولي بالبيت كله
ضيعنه وغفه وسدد محله
شال وخله بالدلال عله
وجرح اگلوبنا بجفاه ماطاب
*يعلويات لا تنعن على الباب*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*تمت*
العمل مهدى إلى مولاتي زينب الحوراء ع
رحم الله من قرأ سورة الفاتحة واهدائها إلى المرحومه
*رقیه بت حمده*
*حمده بت سالمه*
مسبوقة بذكر محمد وآل محمد
*ام علي رضا الشريفي الحسيني*
الاخوة الرواديد اذكروا اسم
#عبد_الزهرة_الحسيني
بدل إسم ام علي رضا الشريفي الحسيني
https://t.me/umaliridashrify
نسألكم الدعاء
1.4K viewsedited 23:01
ا
