2022-06-12 18:13:59
#مسلم
*ياطوعه مسلم عالباب..طلعيله حاير حيره*
*ماعنده بالكوفه أحباب..ماله عرف بالديره*
............................
گلیله ياطوعه أهلا ً..والبیت يمه بیتك
بالشمس واگف ياحيف..اتصب عرگ لحيتك
چاالمن الدار اتلوگ..فدوة اغدي الشخصيتك
يمرتب وعالي الشان..يلمن محمد صيتك
هنيالي ضيفي انت تصير..يالطبتك چبیره
...........................
یالطبتك رفعة راس..اوهنياله التطب بيته
يامسلم امكيف بيك..المنزل اوراعيته
يدري الله أحب حيدر حيل..وربي إشكثر رجيته
والهالسبب جابك جاي..اختاريت بابي وجيته
اتشرف وكلك خير..ومنكم عرفنه الغيره
...........................
ياخَيِره يِعجب ملكاچ..ومردوده الچ يالحره
لوله العدو وبعض الناس..ماامر بابچ مره
خذلوني وأنا إمن حسين..جايب رسايل كثره
ياطوعه هذا إبن ازياد..ناويلي نية الكشره
لايعترف بإسم إحسين..ولارحب ابسفيره
...........................
التموا على الباب ابليل..ومسلم ابيتي ايصلي
گالوله اطلع مامون..باوع عليه اوگلي
باچر ابنيتي اتمر بيچ..مسبيه وي باجي أهلي
گليلها ابضعن إحسين....بويه اوي عمتج ظلي
وعذريني يابعد الروح..عفتچ يبويه ازغيره
...........................
جَرَد السيف الضرغام..اوهد وبرز للكفره
للحگ نوى وشد احزام..وكَبَّر اوحرگه أبصدره
يخزر ابعينه اومغتاض..وترعب شديده الخزره
الما ينذبح بالبتار...بالرمح يكسر ظهره
يحارب وحيد وعطشان..وتالي الذبح مصيره
...........................
*تمت*
*القصيدة مهداة الى روح السيدة البطلة*طوعة بنت عبدالله بن محمد الكندي الكوفي*
*الخادمة*
*ام علي رضا الشريفي الحسيني*
http://t.me/umAliridasharify
https://t.me/umaliridashrify
364 views15:13