2022-06-21 13:55:49
#القاسم
#الشباب
كأني بمولاتي رملة ع وهي تنظر مدهوشة الى ولدها القاسم بن الحسن ع مقطعا اربا اربا
*جاسم على الگاع لوشلعوا اصبي عيني*
*هذا ابني ياناس؟! يايمه شو حاچيني*
ماچنه وجهك يبني
مشتبهه بي كل ظني
حاچیني حاچیني يمه الولد حاچیني
....................................
اي آنا هذا اوليدچ الربیتیه
وخلصتي عمرچ یالحنینه اداریه
عود الکبرتچ هالولد ضمیتیه
ماوفه لحظة إمن المرار الضگتیه
هذا آنا عالگاع وعیونچ ایشوفني
بتراب الطفوف حنة عرس متحني
طفي الشموع اوشيلي
وعذريني رايح حيلي
حاچیني حاچیني يمه الولد حاچیني
....................................
خاب الأمل يالوالدة بوليدچ
الچان شمعه الیوم راح إمن ایدیچ
بعد البچي عالشاب لامیفیدچ
والذبح جاسم هم سبيه ایریدچ
یایمه عالنوگ ترحین وي چتالي
وبدمعة العين اتوادعين الغالي
وانا الرمل غاطيني
ومفرهدات اسنيني
حاچیني حاچیني يمه الولد حاچیني
....................................
نارك ييمه تسعر ابدلالي
جاسم ييمه ياچبیر اعيالي
يمدلل امه مرمريت احوالي
واعليك چان الأمل وانتکالي
ليش النربيه مايظل ليش إويانه
اندفن بالاولاد حصة الغبره اربانه
لوساعه ترجع يبني
اشتمك اوتشتمني
حاچیني حاچیني يمه الولد حاچیني
....................................
چاغیر شاب واعرسك اتمنيته
وظميت شيبي اوبالعرس حنيته
چاوین يادهري الفرح وديته
والعرس ماتم عالولد گلبیته
ذبلانه الخدود وامخمدات انفاسه
بعد امه مذبوح جدامي شالو راسه
ما الله قاسم يبني
ابعرسك اتفرحني
حاچیني حاچیني يمه الولد حاچیني
....................................
كل الأسف ذبيتني بالغربه
استاهد ابني حيل ابيض گلبه
ماگال امه الحد مماته اطلبه
حالتها من عگب المدلل صعبه
من تمر شبان تبچي الحنینه
ريتك يجسام ترجع علينه
اهدومك انطلعهن
لبّاسهن هاجرهن
حاچیني حاچیني يمه الولد حاچیني
....................................
*تمت*
القصيدة مهداة الى ابالفضل العباس ع
الخادمة
*ام علي رضا الشريفي الحسيني*
https://t.me/umaliridashrify
http://t.me/umAliridasharify
334 viewsedited 10:55