2022-07-07 22:49:18
بسم الله الرحمن الرحيم
اللهم صل على محمد وآل محمد وعجل فرجهم الشريف
قصيدة #توديع
#الحسين عليه السلام لقبر امه فاطمة
#الزهراء صلوات الله عليها
{ تقرأ بعدة أطوار وألحان
تصلح لمجالس النساء والرجال }
شنهي رايج شايل الليلة الولد
جلبي بذياله ودكَولي إشوي بعد
هيج هيّه الأم تره
الضنه دوم إتحذرة
يمه كَومي حسين يم كَبرج كَعد
°°°°°°°°°°°°°°°°○°°°°°°°°°°°°°
ينعه أبو السجاد ويهل مدمعه
الشوكَ لأمه اليله غصبا طلعه
يريد صوت من الحنينه يسمعه
وجلمة الله وياك بيها تودعه
وترشكَ الماي إبكَفاه
وتندعيله بالصلاه
تكَله حصنتك أنه بواحد أحد
°°°°°°°°°°°°°°°○°°°°°°°°°°°°°°
يكَلها مخنوكَ وعليه هوايه هم
الظيم البكَلبي كُبَر يحتاج إم
عايني الشيبي إشكثر من الهظم
وآنه بس اليوم حسيت اليتم
ومايطب ريتي الهوه
إمتييه وماكو ضوه
آنه محتاجج إلي عون وسند
°°°°°°°°°°°°°°°°○°°°°°°°°°°°°°°°°
يمه هنياله البعدها أمه بحياته
مايهمه إشما توالت نايباته
يم كَبرها من البجي نشفت لهاته
الليله خله إعله الكبر كل ذكرياته
وسايل المدمع دمه
وبالحلم جن فاطمه
تبجي واتكَله انمرد كَلبي مرد
°°°°°°°°°°°°°°○°°°°°°°°°°°°°°
مسحت إدموعه وتكَله ويه عليه
ياحبيبي وليدي ياروح الزجيه
إشصاير ابحالك يبن حامي الحميه
إمغيير إهوايه يبو طلعه البهيّه
ونايم بصف الكَبر
وبالدمه عيونك تدر
وكَوه عايف دارك وهذا البلد
°°°°°°°°°°°°°°°°°○°°°°°°°°°°°°°°°°
جني أشوفك سرت باليل ورحت
وكل غواليّك يبو الأكبر خذت
تروح روحك لون بتك ودَعِت
وإم البنين الدمع منها يكت
يوم الأسود من تشيل
وتاخذ اوياك العليل
هذا يوليدي من الباري وعد
°°°°°°°°°°°°°°°○°°°°°°°°°°°°°°°°°
يالمحمد جدك وماقدّروووه
كل عظم عمده بحقدهم كسرووه
عالرمل جسمك خضيب وطشرووه
والمخيّم فزعوا إعليه فرهدوووه
وشتتوا شمل البنات
بلايه سايه مسلبات
الجان بيه ازماطهن هسه انفكَد
العمل مهداة إلى مقام حضرة صاحب الزمان عج
تمت بقلم خادمة الإمام الحسين عليه السلام
# إم علي رضا# الشريفي الحسيني
https://t.me/umaliridashrify
غير مبرئ الذمه من يحذف الإسم ويتلاعب بالكلام وينسبها له
491 views19:49
ا
