الخادمة ام علي رضا الشريفي الحسيني

2022-04-20 13:56:20 #أميرالمؤمنين
القصيدة على لحن على محمد واويلاه


على عليااا وا ويلاه
على عليااا واويلاه

الليله الصميده راسه مطبور
زينب حزينة كلب مفطور
نار الكلب وي راسك تفور
حيدر ابوية منهو صاباه

وي الاذان اتطبر الراس
تصوب عليكم كوموا ياناس
والحسن راح وراح عباس
وحسين حاير صفك يمناه

جابوا لبيته راسة مصيوب
والكون كلة عليه مكلوب
مخطوف لونه داحي البوب
من كلب زينب تطلع الاه

صاحت هلة بذولة المجلين
ذولة اخوتي وعودي الحنين
شافته لن الهامه نصين
اليوم الكدر بين عرفناه

شافت ابوها شايلينه
دم هامته يصب على عينه
اصوابك يبوية تصيح وينه
يبرة عسن لو عالجيناه

تصوب ابونه صواب مجيد
من الفراك اخاف مااريد
ياريت مابين علي عيد
حيدر علي اسم الله فكدناه


ام محمد كربلاء
ام احمد ميسان


http://t.me/umAliridasharify


https://t.me/umaliridashrify باز کردن / نظر دهید

2022-04-20 05:59:23 شوووور
#اميرالمؤمنين




*ويلاه يحيدر ويلاه*
*ويلاه يحيدر ويلاه*



أمير المؤمنين
أمام الثقلين
شفيع المذنبين

هيهات گلبي ینساه
ویلاه یحیدر ویلاه

..........................


ويلاه يحيدر لاتشد احزامك
الموت للمسجد مشه جدامك
مايريدك علي تگضي اصیامك

والفجر جاك ابلواه ويلاه يحيدر ويلاه

.....................
الكوفه عجت والمساجد صايحه
واليتامه اشلون ناحت نايحه
الچان بين الناس يزهي البارحه

جبريل صبَّح ينعاه ويلاه يحيدر ويلاه

............................

ويلاه یحیدر یالمصابك چاید
اصبحت وسفه امن المصایب باید
شلون تبره وهاي طگة حاقد

ينزف جبينك خلاه ويلاه يحيدر ويلاه

.......................

گوم واتحدى يحيدر حالتك
گوم البس محبسك واعمامتك
تنام فاطر يالاسد مو عادتك

رمضان هذا التهواه ويلاه يحيدر ويلاه

.............................
هذا شهر الصوم وليالي القدر
بيك مفجوعات ياغالي اشكثر
اليفگد الكرار لَيدور صبر


احسله يرحل وياه ويلاه يحيدر ويلاه
...............................

*تمت*

العمل مهدى إلى مولاتي ام البنين عليها السلام نسأل الله تعالى القبول والتوفيق وحسن العاقبة


*ام علي رضا الشريفي الحسيني*



http://t.me/umAliridasharify


https://t.me/umaliridashrify باز کردن / نظر دهید

2022-04-20 03:02:45 يا
#اميرالمؤمنين

ملاحظة القصيدة تصلح أيضا ان تكون هوسات فقط



*مكسوفه الشمس والدنيا مرجونه *

*يگولون البطل غمضهن إعيونه*

...................................

وگع شيخ العشيرة امصوب ابراسه
وسفه اعله البطل سيف الرجس جاسه
شَل حاله الجرح وامطير انعاسه

*وجهه إمن الضربه اصفر لونه*

....................................
وجهه أصفر علي وامكدره اعياله
امعصب بالعصابه وعينه هماله
حسن وحسين دولبهم صدگ حاله


*وي زينب گعدوا عد راسه*

...................................

گعدوا یم ابوهم والدمع ینثر
گول اشتامر وشترید بس أئمر
عينك لاتسدها وداعتك نخسر

*لاتگطع ظل بویه اویانه*

...................................

لاتگطع یبونه نضیع من عگبك
عالعِشره يوالي اشگالك گلبك
ماجازينه يابويه ربع تعبك

*ومن حگك نص ماسدينه*

...................................


نريد انسد رباك اشواي ريضنه
لاتمشي يبونه وتگطع الظنه
واحنه أحباب مايصلح تفارگنه


*يالدارك وحشه امخليها*


...................................


*تمت*

العمل مهدى إلى سيدنا ومولانا
أمير المؤمنين علي بن أبي طالب صلوات الله علیه

*ام علي رضا الشريفي الحسيني*


http://t.me/umAliridasharify


https://t.me/umaliridashrify باز کردن / نظر دهید

2022-04-20 01:49:40 فزاعيه للامام علي عليه السلام

زتوه بعراضه ...هذا ابو حسين
يستاهل عليه ...نكلب الكونين
......

كومي وياي عينيني يشيعيه
طبت بالعزه تلطم الحوريه
ممنونه عليهم حيل مابيه
...عينوهه ..الزهره اليوم ..

......
البت حيدر علي نلطم على الهام
لطمتنه سوه الحيدر الضرغام
يستاهل بيارغ والله واعلام
..هزوهه ...اعلام الهيبه ..
......
شيلوهه البيارغ هذا ابو حسين
بعراضه وياي يلا ونعمي العين
هيبه ومرجله والد السبطين
..لعميهه ..اليوم اعيوني...
.......
اعيوني اعله الشجاع اليوم حزنانه
من كثر البجي صبحت ذبلانه
كلبي اليوم وي زينب يمولانه
...مرجونه ..الدنيا عليك ..

....
اعليك الكون محزن والله يا حيد
فدوه انروح لسمك ها يصنديد
يا والد حسسن يبن الاجاويد
...هوسيله ...يستاهل حيدر
.........
وين الفاكده الوالد تكابلني
زينب هوست الدهر ضالمني
اعله جدك يعون الوكت لاحكني
...ياعون احزن ...جدك هذا ..

بقلمي
ام احمد ..ميسان





http://t.me/umAliridasharify


https://t.me/umaliridashrify باز کردن / نظر دهید

2022-04-19 23:50:32 فزاعيه
للامام علي بن ابي طالب ع
.....
بهذا اليوم ....خنواسي ام البنين
نشد وياهه ...والملطم لبو حسين

.......
لبو حسين العزه ونصيح ويلاه
يبو زينب عليك النوح محلاه
يبجي حسين كلنه نبجي وياه
..انعليهه ..صرختنه اليوم ...
...........
خل نلطم سوه الليله لبو اتراب
يا هضمج يزينب ابد ما طاب
يوميه ابمناحه وكلبج انعاب
..عينيهه ..باللطمه الليله

..........
عيني الزاجيه واللطه اعدليهه
ترا الزهراء كثرت يا بواجيهه
مهضومه الزجيه وحيل ما بيهه
..مابيهه ..للونه اليوم ..
........
مابيهه الزجيه تصيح عينني
مفجوعه بشهر رمضان تدرني
عيب انساج يامن ذاكره وني
..ونينه ...والحيدر كلنه
......
نون ويه الحسن وما نسيناه
شايل يا علي وما عطليناه
ودعنه الصميده بونه وباه
ودعناه ...اللحيد الليله

.......
هوسات
طبروهه يا هامة حيدر
مهضومه الشيعه خلافه
بجانه يا يومج زينب

بقلم
ام احمد ...ميسان




http://t.me/umAliridasharify


https://t.me/umaliridashrify باز کردن / نظر دهید

2022-04-19 02:38:08 #أميرالمؤمنين

ادركني يا علي


دين الله انثلم واهتزت اركانه

طاح المرتضى وانخطفت الوانه




اليوم اسود لبس دين الحنيفيه
راس الدين طره إبن اليهوديه
عثران الفرض من طاح راعيه
مفضوخ الوصي ومفيض امچانه


عمت عين الوكت حيدر يصوبونه
وين الچان ترهب صدت اعيونه
ارامل عيّش وأيتام ماعونه
ثجيل المرتضى حيل إعله عدوانه


خايب ليش صوبت الولي ابراسه
إصبر خل يسامر صحبته وناسه
برمضان الحنين انگطعت انفاسه
ايكمّل بالگبر عيده اوي رمضانه



شايل والگلب فاير عله افراگه
الداحي الباب اظل للموت مشتاگه
هیهات إويه ابونه انوب نتلاگه
ولو انطي العمر مايرجع إويانه


بيش انعوض ابونه اوشال للغبره
الطم عالجنازة وطحت انا ابكتره
لا تبطي عليك ابداعت الزهره
شمعت بيتنه ياسدرت احمانه



*تمت*

العمل مهدى إلى مولاتي ام البنين عليها السلام

*ام علي رضا الشريفي الحسيني*



http://t.me/umAliridasharify


https://t.me/umaliridashrify باز کردن / نظر دهید

2022-04-18 00:03:41 توديع
#اميرالمؤمنين
صلوات الله علیه


*بالماتم كلنا التمينه*
*انريد انودع والينه*



التمينه وتهمل دمعتنه
الليله الشايل هيبتنه
ماياجد مثل امصيبتنه
*حيدر للغبرة امودينه*


يالشايل حيدر نزله النه
خشبات اليرعب شالنه
يالبيدك مفتاح الجنه
*وتراب الضمك متعينه*



يانجم اسهيل وشمس الله
ريض بحبابك هنتله
من الموت اعليك الف اسمله
*لعداك السرداب وطينه*


ريت الصاباك انشل چفه
ملعون وزين انته اتعرفه
واليكره تعلم مايصفه
*واحنه الهالوگعه اتاذینه*



اتاذينه ومدمعنه الشاهد
ولوطايح بدينه الحاقد
انخلي عِبره الكل واحد
*لاچن يالوالي اشبيدينه*


ياحيف ابرمضان وقدره
ودعنه الكرار ابحسره
مايبره جرحك والطبره
*إلا ايلايمهن مهدينه*



*تمت*

العمل مهدى إلى مقام مولانا صاحب الزمان عج

*أم علي رضا الشريفي الحسيني*



http://t.me/umAliridasharify



https://t.me/umaliridashrify باز کردن / نظر دهید

2022-04-13 23:10:43 #اميرالمؤمنين


هاشتاك قصائد استشهاد أمير المؤمنين عليه السلام باز کردن / نظر دهید

2022-04-13 22:31:19 شووور

#اميرالمؤمنين

بحق أمير المؤمنين صلوات الله وسلامه


*أشهد أن عليا ولي الله*
*أشهد أن عليا ولي الله*




ياامامي يانجاتي ياعَلَم
الالم بس ابمحبته أجمل الم
انت بس انته الحقيقه ياشهم
الباقي كلها بس خرافات ووهم


*أشهد أن عليا ولي الله*
*أشهد أن عليا ولي الله*

........................................

انته جنه والمفاتيح بيمينك
الله ليفرگ علي بيني وبينك
اشگد احبك والحسن انته وبنينك
إگبال ربنا ابهالذنوب امخجلينك


*أشهد أن عليا ولي الله*
*أشهد أن عليا ولي الله*

........................................

أشهد أن علياً كالجبل
واشهد أن الوصي خير العمل
للسخاء وللشرف مضرب مثل
لوحظر كل مايل ابسيفه انعدل


*أشهد أن عليا ولي الله*
*أشهد أن عليا ولي الله*

........................................

الهج اباسمك عليه اتعودت
من الزغر ياعلي اصيحن لوگمت
إشلون وفقني إلهي اتوفقت
ومن ربع حيدر ابوالحمله صرت


*أشهد أن عليا ولي الله*
*أشهد أن عليا ولي الله*

........................................

أشهد أنك ولي الجن والانس
الك ياحيدر اضحي بالنفس
انت امامي لااليوم ولاامس
واليكرهك ياعلي اكبر نجس

*أشهد أن عليا ولي الله*
*أشهد أن عليا ولي الله*

........................................




*تمت*

العمل مهدى إلى مقام حضرة صاحب الزمان عج

*ام علي رضا الشريفي الحسيني*


https://t.me/umaliridashrify



http://t.me/umAliridasharify باز کردن / نظر دهید

2022-03-28 00:22:05 #اميرالمؤمنين
قصيدة
*شووووور*
وتقرأ بألحان مختلفة

لسان حال الموالي عند الاحتضار
وهو يندب أمير المؤمنين عليه السلام



*اشگد عمري ايريد ایصیر..واشگد تدوم إسنيني*

*لابد يجي ذاك اليوم..ارحل واغمض عيني*


*دخيلك ياعلي...دخيلك ياعلي*

*دخيلك ياعلي..دخيلك ياعلي*


............................................

دخيلك ياعلي والموت اجاني
يريد الروح مني أولّيه عاني
إمن الخوف انعگد وانکض لساني
تعال انته ابعجل جاوب مكاني

ابعده الخوف عني...علي لاتبره مني


*دخيلك ياعلي...دخيلك ياعلي*

...........................................

علي أكبر وَفي اعرفته ابحياتي
اله حصه چبیره ابذکریاتي
من حبي اله اذكره ابصلاتي
وأنا اليوم اريدنه ابمماتي

على الجبله اعدلوني...المصيري سلموني


*دخيلك ياعلي...دخيلك ياعلي*

...........................................

ساعات المنيه والله صعبه
ضعيف إبن آدم ويرتاع گلبه
حگه راح یترك هالاحبه
هوه وي هله يصيرون غربه

بس حيدر يجيله....ويردله جميله

*دخيلك ياعلي...دخيلك ياعلي*

...........................................

دخيلك يابطل خيبر رجيتك
وبچیت وبالمجالس ذكريتك
تذكر عالزچیه عاونيتك
وبعاشور ياما گابلیتك

بچینه اشگد سويه...عله البالغاضریه

*دخيلك ياعلي...دخيلك ياعلي*

...........................................

خلصت ياعلي الرحله الطویله
حلم مرت حياتي چنها لیله
إذا اعمالنا کلش قليلة
الذنب حبك يبو حسين الیزیله

وانه ذبلت ورگتي....ايسوا من رجعتي

*دخيلك ياعلي...دخيلك ياعلي*

...........................................

وصَّيت الأهل لوشيعوني
ذمه إعله الضريح ايطوفوني
وبترابة علي غاد ادفنوني
أخاف من الملايك من يجوني

اصيحن للصميده.....يجي وينطيني إيده

*دخيلك ياعلي...دخيلك ياعلي*

...........................................



*تمت*

العمل مهدى إلى أرواح خدمة الحسين ع
وإلى اموات شيعة أمير المؤمنين عليه السلام


*ام علي رضا الشريفي الحسيني*



https://t.me/umaliridashrify


http://t.me/umAliridasharify باز کردن / نظر دهید