2021-12-29 23:24:43
قصيدة
#زينب
#لاهل زينب
عليها السلام
تقرأ بجميع المناسبات وبألحان مختلفة
يالمت البيت ...يالمت البيت
التطشرتي اشيردچ
يادور الأحباب ...یادور الأحباب
الليالي ذكره عدچ
بعدنا وطش شملنا
ولا فرصة التلمنا
يالمت البيت ...يالمت البيت
.....................................
راحت أيام المحنه والليالي البيها ود
ايام ماچنه حبايب وهسه تيهنا النِشِد
عيني محتاره ابدمعها وين انويها وتصد
عندي ماظلت حبايب عني شالوا للأبد
الهم اشتاگیت ...الهم اشتاگیت
یادمعتي سيلي دم لجدامي حدچ
يالمت البيت ...يالمت البيت
التطشرتي اشيردچ
.....................................
ابودي اسیرلهم ییمه لاچن مضیعه الدرب
وین ادورهم اعزازي حتی اسمعهم عتب
الرابي وي اخته اويحبها ليش ينساها اشعجب
مو عوايدهم واظن اقلوبهم صارت خشب
حيل آنه حنيت ...حيل آنه حنيت
ياريحة أهلي مري بانفاسي اشيصدچ
يالمت البيت ...يالمت البيت
التطشرتي اشيردچ
.....................................
همه وین وآنه وین ابهالدنیّیه
والله محد گال امرها ویدري بيه
اشصار عگب أهلي ومحنتهم عليه
من عگبهم دهري گص ثنین ادیه
من حزني ونیت...من حزني ونیت
یازینب انرسمت صور فرگه إعله خدچ
يالمت البيت ...يالمت البيت
التطشرتي اشيردچ
.....................................
ألف هنیاله الیگابلهم ثواني
انطي عمري الشوفت إحسين النساني
گتله اخذني إوياك خويه اوماخذاني
افراگه عذبني عذاب اوشيباني
من روحي مليت...من روحي مليت
ياروحي عاشرتي الحزن شو ما يهدچ
يالمت البيت ...يالمت البيت
التطشرتي اشيردچ
.....................................
ایدي إعله خدي وانتظر منهم يردون
بطلو كلش يزينب ما ينشدون
ليش اليحبهم دليلي مايظلون
آنه أحبهم همه هم لازم يحبون
چم عتبه ودیت...وچم عتبه ودیت
یازینب إمن اهلچ تراچ انگطع ودچ
يالمت البيت ...يالمت البيت
التطشرتي اشيردچ
يادور الأحباب ...یادور الأحباب
الليالي ذكره عدچ
.....................................
*تمت*
العمل مهدى إلى مولاتي زينب صلوات الله عليها
*ام علي رضا الشريفي الحسيني*
https://t.me/umaliridashrify
https://t.me/umAliridasharify
نسألكم الدعاء
484 views20:24