ئەدەبیاتی بێ سنوور

2020-11-01 00:57:41 باز کردن / نظر دهید

2020-10-31 22:55:52 باز کردن / نظر دهید

2020-10-31 22:55:45 باز کردن / نظر دهید

2020-10-28 14:39:25

#ئه_ده_بیاتی_وڵات


سەودا


ڕۆژگارێکە خەیاڵی من بەرەو سەودا دەچێ
مانگ و ڕۆژی من بە دووی خاڵێکەوە تێدا دەچێ

پەیکی دیدەم پەی تۆ سوستە و دەرفەتێکیش نایەنێ
چەندی بێ هەست و بە پەردەو و نەرم و ناپەیدا دەچێ

هەر چی تۆماری ژیانی هێدی دەخوێنێتەوە
دێ سەری زولفی لە پێشدا دەگرێ جا، پێدا دەچێ

سەد هەزار دیدەم هەبێ، پێ ناڕوانمە هیچی تر
ئەو دەمەی،ئەو بێری شۆخە دێ بەرەو، سەحرا دەچێ

باسی لاجەنگ و گوارەی تۆ بە هیچ کەس ناکرێ
بۆیە ڕەنجی من لە نووسین و گوسن هەر وا دەچێ

گەر مەم و زین بێنە مەیدانێ،ئەگەر لاس و خەزاڵ
هەر ئەوین زاڵە،ئەویندار هەر لەبەر پێدا دەچێ

جارێ بۆی دەمرم،بە خەندەی جارێ زیندوو دەبمەوە
من کە سەد کفنم دڕی،ئازاری وا زوو کوا دەچێ

چەند پەرێشانە دڵم،سەد هێندە شێواوە خەیاڵ
ئەی خوایە،ئەو پەژارە کەی لە سەر من لادەچێ

هێدی یا خوا کەس نەبینێ چۆن لە گەڵ دڵ پێوە بوو
چۆن بێ ترس و لەرزە ٸەو دێوانە بێ پەروا دەچێ


#هێدی

@besnoor باز کردن / نظر دهید

2020-10-08 10:14:09 @besnoor



شێعر یا ژن؟! شێعر یانییی ، یانی ژن!
یانی هەر ژن؟! هیچی‌تر ئوستاد؟ هەر !
ها !!! ئەرێ!! یانی هەموو شت، چۆن بڵێم؟!
نا!! مەبەستم.... ژن،،، وەکوو بونیاد هەرــ
ئافرانێ ها لە پشتی جوڕێ ژن،
دایک یا مێوێنە، زایا بوونە شێعر.
سێکس چی؟! وەک ڕابیتەی ئازاد! هەر
سادەتر بێژم ، دەفەرمووی ژن، بە زەی‌ــ
ـــنی منا دێ دیاردەی سێکس و ئەوەی ــ
وێژمانی جوانیناسانەی شێعر
نەقد، بووتیقا، دەق و وانەی شێعر
‌گشتی تێکۆشانە تا هەستی زمان
پێک بێ سێکس و دەمێکی شاد!!! هەر
پیاو هیچێ بێجگەلەو باسەش نییە
دەی کە وایە شێعر چی لێهات؟!! هەر
گۆڕدرا، شێعر یانی پیاو ، یا
وێژەیێ بۆ تاقمێ شەییاد هەر !

موعجیزەی دوو پیت یا دوو دەنگ (من)
ئەلف و بێی (تۆ)؛ چاو، جادوو ، دەنگ، (من)
یەک دڵی بزرۆکە، ن‌ێ ، م‌ێ ؛ من / هەمووی
(تۆ) دەناڵێنێ نەهاد و دەنگ (من)
ناتناسم/تۆ وتت/ نا ؟ سادە بوو
(تۆ) دەکەم بێدەنگ یاد و دەنگ(من)
هەڵدەدا سەر قارەمانی بێ‌وشە و
شێعر نادا (تۆ) نەجات و دەنگ (من)
بیر ئاڵۆزی گژەی مانا ، لە پڕ
فۆڕم وەک تۆ ڕوو دەدات و دەنگ(من)
کەوت، دەنگت لێ نەبیست و ئامبوڵانس
هات،،،،،،، دادوو
دادوو
دادوو
[دەنگ] (من)

م‌م‌م‌م‌ن‌ن‌ن نەبوو هااااای شا ااااااا
بێ‌ێ‌ێ‌ێ ت سووووووووووووک
واااااو کێێێێێم
ئاوا ئاااو ئااااوااااتتتت
هااااااااااااا
ههههههههههههههه

کە مردم شێعرەکانی من بە تۆ خخخخ
لە سەر شانت تەکانی من بە تۆ خخخخ
ئەوەی بگری مەگەر نا مەگری مەگری
خەراپ و باشەکانی من بە تۆ خخخخ
مەکانم بوو بە زیندوووویی نەهاتی
ئەگەر مردم مەکانی من بە تۆ خخخخ
و هتد خۆلاسە

مەرگ کۆتایی زمانی مل‌بە‌نی‌ــــ
ـــری هەموو مانایەکە
شێعر وەک
تاجی بێدادی زمان
ڕێک:کۆگەی ڕژتە، مووسیقا ، خەیاڵ
وێژە تەختی شانشین
ئێستێ دوایین شاعیری سۆزی زوڵاڵ
پێکەنی!
هههههههههههههه

سادە دانیشتووم و خێزانم لە بەر
پەنجەرەی شێعرێکی من دانیشتووە
چائییەک ئارامی مەیلەو سووری کات
دڵ لە جێگایێ ئەمن دانیشتووە
لایەکی رووحم دەبێتە شێعر، چون
(پیاو)م و لەو لام (ژن) دانیشتووە

شەو وتوووێژی من و ئەزداد هەر
داد هەر، هاوار هەر ، بێداد هەر......

ع.گ.هونەر
/۹ی ڕەزبەری ۹۹/مهاباد


@besnoor باز کردن / نظر دهید

2020-08-04 15:00:12 ‍
@besnoor


(تۆ...)


تۆ تکه‌ ئاوه‌نگی به‌یان ، ئه‌و گوڵه‌ ده‌مبازه‌ منم
تۆ شه‌به‌قی شه‌ونمی و ، مێرگی ته‌ڕ و تازه‌ منم

سێپــه‌ڕی کانیاوی بڵێ ، تیشکی له‌ جێ ماوی بڵێ
بۆ دڵی من داوی بڵێ ، هه‌ڵگری ئه‌و ڕازه‌ منم

ژینی ئه‌ تۆ هه‌ستی ئه‌تۆ لاوک و هه‌ڵبه‌ستی ئه‌تۆ
بێ‌خود و سه‌رمه‌ستی ئه‌تۆ بێ‌حه‌د و ئه‌ندازه‌ ، منم

هه‌ڵگری هه‌رچێکی هه‌ست ، وێنه‌یه‌کی جامی ده‌ست
گه‌ر بته‌وێ بۆ نه‌فه‌ست ، ئه‌و ده‌مه‌ ده‌مسازه‌ منم

ڕۆ ده‌چمه‌ گۆلی چه‌مت ، ڕایه‌خه‌ دڵ بۆ قه‌ده‌مت
سوێنده‌ به‌ شه‌کراوی ده‌مت ، ئاشقی ناوازه‌ منم

چاوه‌ له‌ ڕێێ کانیه‌ بۆت ، ئه‌و ده‌مه‌ گۆرانیه‌ بۆت
هه‌ستی دڵه‌ با نیه‌ بۆت ، ده‌نگی ئه‌و ئاوازه‌ منم

سازێ که‌ سۆزی له‌ خه‌مه‌ ، وێژه‌ری شه‌مزین و شه‌مه‌
بۆ شنه‌ی ئه‌و لێو و ده‌مه‌ ، ڕایه‌ڵی ئه‌و سازه‌ منم

ئێمه‌ له‌ ئاستت که‌ نه‌وین ده‌ستی مه‌ بگرێ نه‌که‌وین
ئه‌و که‌سه‌‌ بێ تۆ له‌ ئه‌وین ئاوه‌زی لاوازه‌ منم

ڕێم بده‌ ماچێ بدزم ،تاکوو به‌ ئه‌سپایی نزم
بێموو له‌ کوڵمت بخزم ، پێم بده‌ ئیجازه‌ منم

هێنده‌ له‌ ده‌ورت ده‌گه‌ڕم ، بۆیه‌ که‌ لاواز و‌ له‌ڕم
بتخه‌مه‌ ژێر باڵ و په‌ڕم ، کۆتری تۆ بازه‌ منم

لێره‌ ئه‌ویناری ئه‌تۆ ، بۆ چه‌می بیماری ئه‌ تۆ
یا له‌شی پڕباری ئه‌تۆ ، ڕۆحی له‌ هه‌ورازه‌ منم‌

ئه‌و که‌سه‌ ناڕازی بکه‌ی ،بیکوژی ده‌ربازی بکه‌ی
مه‌کری بکه‌ی نازی بکه‌ی ،باوه‌شی هه‌ر بازه‌ منم


#ئازاد_سه‌ید_ئیبڕاهیمی


@besnoor باز کردن / نظر دهید

2020-07-28 21:22:51 @besnoor


زەمەندی عیشقی من کوا شینە بێ تۆ
هەناسەم سارد و دڵ خەمگینە بێ تۆ
ڕەشە ڕۆژم لەچەشنی چاوەکانت
هەتاوی بەختەکەم بێ تینەبێ تۆ
...................................
دەمێک ئاور ،دەمێک ئاوم بەبێ تۆ
مەلی هێلانە سوتاوم بەبێ تۆ
سەرم سوڕماوە ئەی سروەی بەهاران
هەتا ئەمڕۆ چڵون ماوم بەبێ تۆ؟

......................................

وەکوو کوێستانی تەم گرتووی وڵاتم
لەشەوگاری خەما داماو و ماتم
بەڵام نووری هومێدم هەر لە دڵدا
هەتا هەم چاوەڕوانی ڕۆژهەڵاتم

..................................

ئەوا نەورۆزە خەمڵیوە کەژ و کۆ
ئەتۆ پێت وایە من چۆنم بە بێ تۆ
خەمینم،لێو بەبارم،دڵ شکاوم
لەناخی جەرگ ودڵ هەڵدەستێ بۆسۆ


#عەلی_حەسەنیانی(هاوار)


@besnoor باز کردن / نظر دهید

2020-06-01 23:21:44 @besnoor

#خۆوێژ

قاوەیەک تاڵ لە تەنیاییدا
ژن لە نێوماڵ لە تەنیاییدا
قاوەکەی خواردەوە بگرێتەوە تا
باز هەم فاڵ!!! لە تەنیاییدا
وە خودایەک بوو بنی فینجان و
کەوتبوو پاڵ لە تەنیاییدا
یانی بە گونیشی نەبوو وەک خودی خۆی
مێرد،،،، منداڵ لە تەنیاییدا

وێژەوانێکی قەرەنتینه کراو
قوونی پاتۆڵی شێعر پینە کراو
عەرزی کرد کاری عەرووزی ناکا
دەی بە لایەک بەری کۆنینە کراو
ئەو ڕەدیفەی سەرەوەی پێخۆش بوو
ساڵی ئەو ساڵ لە تەنیاییدا
ئانێ ئەعسابی خرابوو هەستا
وە بە گۆپاڵ لە تەنیایی دا
کوێر بێ چاوی رەشی کۆمەڵگا
بۆوه چون کاڵ لە تەنیاییدا
سەندەڵی سەندەڵی رووحی خاڵی
دەکەن ئیشغاڵ لە تەنیاییدا
بەر دەبن خەڵک و نەخۆشی بەدەرەک
شایی دەکرێ سەرەخۆشی بە دەرەک
دەکەوی ناکەوی مەنزووری نییە
دەوڵەت و مردنی تۆشی بە دەرەک
تەح لە جڕجاڵ لە تەنیاییدا
خەڵکی بەدحاڵ لە تەنیاییدا
ئەو هەموو مەرگە لە پەی ناژینێک
یانی جەنجاڵ لە تەنیاییدا
دەیگری نایگری ئای رووحانی
چ دەزانێ وەکی هەر نەیزانی
چۆن دەکا زیندەگی ـ یک ایرانی ـ
یەک سوئالم هەیە کوا قائانی
ئاخرین خاڵ لە تەنیاییدا
کە کرا قاڵ لە تەنیاییدا
مەلی بەرزائیەکانی جەولان
لێدەدا باڵ لە تەنیاییدا
کەرنیووزانی بەرەڵا به هەزار
کەڵی کاناڵ لە تەنیاییدا

وە رەبولنەوعی هونەر قالە مەڕە
دوای گەلێ گەشت و گوزەر قالە مەڕە
زۆر سەیر کردی زەرەر قالە مەڕە
وەسیەتی کربوو ئەگەر قالە مەڕە
مرد لە سابڵاغێ بە خەڵکی بێژن
لە پەنا مامە هەژار بینێژن
ئەو خودا کوردە گەلێکم دیبوو
ساف و ساماڵ لە تەنیاییدا
رایدەخست کۆنە پەڕۆیەک لە شەقام
تا بکا سواڵ لە تەنیاییدا
سووژەیەک بۆ فشە بۆ رابوردن
یەک مەتریاڵ لە تەنیاییدا
کۆڕە کوردایەتی پیرۆزە وەرە
لێدە شمشاڵ لە تەنیاییدا
ڕۆژێ وەک زیرەکی مووسیقی کورد
دەکرێی چاڵ لە تەنیاییدا

ژنی پێخۆشی، گڕووی ئازادی
شتی نامووسی قسەی نازیادی
ماڵ ویلایەکی غەربی شەڕقی
شەکەتی بەر دەمی جاروو بەڕقی
چەند دەستێ جلی کوردی مۆد و
مانتۆ و شاڵ لە تەنیاییدا
بێهتەرینی لە هەموو شت سێت و
خزمەکانی کە دەبن پێی شێت و
شڕ و عەوداڵ لە تەنیاییدا
وەلی ئەو ساڵ درا بە کڕۆنا
دەرکی ئەو گاڵ لە تەنیاییدا
فاااااگ ویرووس، پەزیرایی، خاب
سەت میتر هاڵ لە تەنیاییدا
باشە تێی ڕیییم بە کەلکی چی دێ
تۆق و خرخاڵ لە تەنیاییدا
هەمبوو نەمبوو بڵە بۆ کێیە موهیم
جل و کووتاڵ لە تەنیاییدا
بە جەهەننەم ئیدی ناپارێزم
وە دەگەڵ ڕێزم ئەگەر بێڕێزم

رووحی دونیایەکی تۆفانی من
نوسخەیەک ژێنی پەرێشانی من
کوردی یەک گۆشە لە وێرانی من
هەمە ناسنامەیی ئێرانی من
وەلی ئیحساس و زمان و عەقڵم
هەموو وەک ئەو دڵە زیندانیمن

لێی دەپرسم بە کزی و خەمباری
حاڵ و ئەحواڵ لە تەنیاییدا
وە دڵم تازە کە هیچی ناوێ
پیر و پاتاڵ لە تەنیاییدا
دادەخا سەر نییەتی جوابێ هیچ
وە دەکا ماڵ لە تەنیاییدا

بە کرێگرتەیی مردن نابێ
قەرزی مردوو بە مەرگ ون نابێ
ژینی بەدبەختی سەروبن نابێ
تیر وە جەرگی دەکەوێ، کون نابێ
وەڕەز و مات هەموو ئێواران
سەر بە لاپاڵ لە تەنیاییدا
تاو دەکشێت و دەنیشێ بە تەمی
‌خەوی گرژاڵ لە تەنیاییدا
وه کرێگرتە فڕێهەڵدەدرێ
وەکوو سیپاڵ لە تەنیاییدا
کتوپڕ کێو بە ڕژدی گشتی
دەبنەوە جاڵ لە تەنیاییدا
ژنە داماو بە جەمدا، کە تەواو
بووە سریاڵ لە تەنیاییدا

میزی تۆزاوی لە ڕێستوورانێک
کەچک و چەنگاڵ لە تەنیاییدا


#عەوڵا_گولابی(هونەر)



@besnoor باز کردن / نظر دهید

2020-04-24 00:47:18 @besnoor



جیاوازی نێوان هیچەکان

مەودای نێوان ماچێک لە هیچ

تاکو باوەشێکە لە پوچ!

کە لە ناخم بێ ماناتر،

تەنیا بەهارێکی ونە

لەناو تەمی بێدەنگیا...

رو دە خودا کەن!

کارەسات ئەمجارە سوێرە،

لە وێنەی فرمێسکێکی خۆی

بەسەر غونچە گێلاسەکان...!

پشکوتن لە سەبز نامۆیە و

منیش...

غەریب ترینم بو شەقام

بەکاتی بەندیخانەیەک،

بە ناوی شار!

(بیناکان) تێیدا تاکەکەس،

بە حوکمی کۆنگرەی بزە!


#ئەسرین_حەسەن_پوور



@besnoor باز کردن / نظر دهید

2020-04-06 10:27:40 ببینن//

بەبۆنەی کۆچی ناوادەی شاعیری هەڵکەوتە مامۆستا ناسر ئاغابرا

دیکلەمە و دیمانە لە لایەن: مامۆستا عومەر ڕەسووڵی باز کردن / نظر دهید