2023-03-10 16:37:08
دەستەی کارگێڕی لەگەڵ ئەنجومەن و کادرانی سنوری مەڵبەندی سلێمانی کۆبۆوە
رۆژی ٩-٣-٢٠٢٣، لەهۆڵی شەهید ئارام لەبارەگای مەڵبەندی ١ى رێکخستنى سلێمانی، کۆبونەوەی دەستەی کارگێڕی مەکتەبی سیاسی بەئامادەبوونى لێپرسراوى مەڵبەند لەگەڵ ئەنجومەنی مەڵبەند و بەشى راوێژکارى و پشتیوانى سنوری مەڵبەند بەڕێوەچوو.
لەکۆبونەوەکەدا، گفتوگۆی هەمەلایەن کرا لەسەر دوایین ئەگەر و پێشهاتەکان و گۆڕانکارییە سیاسییەکانى هەرێم و عێراق، بەتایبەت بارودۆخی ناوخۆی یەکێتیی نیشتمانیی کوردستان و کێشە و داوای کادران و رێگاچارەکان، سەرباری تاوتوێکردنی ئەنجامی کۆبونەوەکانی وەفدى یەکێتى لەگەڵ حزب و لایەنە سیاسییەکانی سەر گۆڕەپانی سیاسی کوردستان و عێراق و پەیوەندییەکان لەگەڵ بەغداد.
لەکۆبونەوەکەدا ئەندامانی دەستەی کارگێڕی مەکتەبی سیاسی بەرچاو ڕوونییاندایە هەڤاڵان و باسیان لە دید و بۆچوون و سیاسەت و هەوڵەکانی یەکێتی کرد بەتایبەت لەپرسە گرنگەکانی پەیوەست بەژیانى کۆمەڵانى خەڵک، ئەوەش دووپاتکرایەوە کە ئەم هەرێمە بەخوێنی هەزاران شەهید و قوربانیدانی تێکۆشەرانی یەکێتی هاتۆتەدی، لەو روانگەیەوە پەرۆشیى یەکێتی بۆ چارەسەرى کێشەکان و فەراهەمکردنی ژیانێکى سەقامگیر و شایستە و پێشکەشکردنى خزمەتگوزارى زیاتر بۆ هاوڵاتیان دووپاتکرایەوە.
لەتەوەرێکی تردا ستایشی هەوڵ و هیممەتی کادرانی سنوری مەڵبەندی سلێمانی کرا بۆ خزمەتکردنی خەڵک و چونە ناو جەماوەر و گەیاندنی پەیام و راسپاردەکانی ئەم حزبە تێکۆشەرە بەکۆمەڵانى خەڵک.
لەکۆتایی کۆبوونەوەی ئەندامانی دەستەی کارگێڕی و ئەنجومەن و کادرانی سنوری مەڵبەندی یەکی رێکخستنی سلێمانی، ژمارەیەک لەکادران راوبۆچونی خۆیان خستەڕوو.
34 views13:37