2023-04-27 00:15:06
يلي كان ع سطح المزرعة وعم يطلق النار
ع رجال عابد،يلي عم يشتبكو مع مجموعة ميسم
ضاق الخناق ع رجال عابد وماعاد عندهن حل غير انو يعلنو استسلامهن
، الكل استسلم
وسلم سلاحو، وانتهت المعركة بفوز ميسم وانس
بالرغم من انس كان لازم يكون كتير فرحان
بس كان حاسس بغصة ،
لانو الانسانة يلي عمل هالمعركة كرمالها، كانو رح يخسرها، كان حزين كتير وخايف تكون فعلا لميا كرهتو،
وصل هو والدورية تبعو ودورية ميسم عالفرع ،
وراحو هو وميسم فورا ليخبرو رئيس الفرع ،
دخلو لعندو وضربلو تحية
عادل: شوفي عندكن
انس: سيدي تم القبض ،على كامل اعضاء عصابة الAks وعلى رأسهن عابد الكساب
عادل(متفاجئ):شوعم تقول؟؟؟ كيف هيك
انس: سيدي رح خبرك بكل شي،
قعدو انس وميسم وحكا انس،كل شي لرئيس الفرع ورئيس الفرع نبسط منو كتير
عادل: احسنتو ياولاد ،الشي الي عملتوه بيرفع الراس، انت ياانس من اكفئ الضباط ، وبتستاهل كل خير، والسلطات العليا، بس رح تدرا ، يمكن يرفعوك
انس: نحن من بعدك سيدي، انا كل الي بهمني انو المجرمين يتحاسبو ،وبعدين لازم تتشكر كمان ميسم،هي كانت معي خطوة بخطوة، وكمان الملازم فادي،ماقصر،
اطلع عادل ب ميسم وابتسم
عادل: صحيح، بنت اخي مافي منها،
ومكافئتها رح تكون من العيار التقيل
ميسم: مابدي الا سلامتك سيادة العميد،انا عملت الواجب
بيلتفت عادل لعند انس وبيطلع فيه بتساؤول
عادل: هلق عنجد جابر السيد ساعدكن من جوا؟
انس: اي سيدي،هو كان ع تواصل معي ،وقلي انو مستعد يساعدني، ويسلم حالو،نسقنا انا وياه
ونفذنا،بس سيدي الشب طالب برائتو
لانو هو ندمان ع كل شي واصلا هو نجر متل ماباقي الشباب نجرو لهالطريق
عادل: طيب وينو هو هلق؟ لازم شوفو وافهم منو كل شي، هيك مابيمشي الحال،بعدين لازم نسويلو وضعو،
انس:سيدي موجود عندي بالبيت، بكرا الصبح بجيبو معي وبجي
عادل: طيب تمام، ،،،ملازم فادي كان معكن؟
انس: لاسيدي الملازم فادي بعتو ع غير عملية ،لازم يكون رجع
عادل(مستغرب):وشو هالمهمة،،كيف بعتو بدون ماترجعلي؟
انس:سيدي،انت عطيتني الصلاحيات، اعمل شومابدي كرمال قضية عابد،وانا عهالاساس بعتو
عادل: طيب لوين بعتو؟ بعد عملية القبض ع سعيد المهنا؟
انس; سيدي هاد سعيد كان خاطف ليمار المولى،بعتو بمهمة مشان ينقذها ويقبض ع رجاله
عادل(متفاجئ): ليمار المولى ماغيرها؟ شو وصلها لسعيد؟
بيتلبك انس وبيحك راسو بااحراج
انس:سيدي هي قصة طويلة ببقا بحكيلك ياها
عادل: طيب ماشي،مع اني كتير مصر اعرف القصة، بس انت هلق تعبان روح هلق على بيتك وارتاح ، اكيد بتكون تعبت كتير
انس: اي والله كتير
عادل: طيب انصرف
انس: احترامي سيدي
وقف ع حيلو وطلع من عند رئيس الفرع وبقيت ميسم ،عندو
اطلع فيها عادل وسألها
عادل:شوقصة ليمار المولى؟ بتعرفي؟
ميسم(بااحراج): عمو الاحسن تسمع القصة منو
عادل: كمان انتي مابدك تحكي؟
ميسم: قلتلك الاحسن تسمع منو،
وانا هلق بدي روح ارتاح ازا بتسمحلي
عادل(بااستسلام): طيب روحي الله معك،
-------------------
بغير مكان
نزل لعند العناصر
يلي تحت واول ماشافوه ضربولو تحية كلهن
انس: شو صار؟ رجع الملازم فادي
--:رجع سيدي،والقى القبض ع رجال سعيد
انس; وليمار؟
--:سيدي هي عندو
انس: طيب ماشي،،يعطيكن العافية
كمل انس طريقو وتوجه ناح المكتب يلي بيكون فيو فادي
دق الباب ودخل لعندو
كان قاعد هو عالكنبا ومقابيلو ليمار
اول ماشافو انس دخل وقفو بااستعداد
ليمار وفادي: احترامي سيدي
انس: يعطيك العافية يافادي، كفيت ووفيت
فادي: هاد واجبي سيدي
قرب انس لعند ليمار واطلع فيها بعتب
انس: وانتي ياخانم، عجبك يلي عملتيه بحالك؟ !
حطت راسها بالارض وحكت راسها بااحراج
ليمار: غلطة وندمت عليها سيدي
انس: هاد يلي مابيسمع كلمتي، هيك بيصير فيه
ليمار: خلص سيدي ماعاد عيدها
بيبتسم انس وبيأشرلا
انس: اي امشي معي امشي
بتطلع فيه ليمار مستغربة
ليمار:لوين؟
انس(بخبث): لعندي عالبيت في حدا عم يستناكي ع نار
ليمار: مين؟
انس: اي اي عملي حالك مابتعرفي، غشمي حالك،
ليمار(بعدم استيعاب):سيدي ماعم افهم عليك جد
انس(بضحك): اي امشي معي ،بلاكتر حكي،هلق بتعرفي
ليمار: بس انا لازم طمن اهلي عني
انس: بكرا بتطمنيهن تعي معي هلق
---------------
وبعد بضع من الوقت
وصل انس ع بيتو ومعو ليمار
كان جابر قاعد بالصالون وعم يستناه
اول ماشافو داخل هو وليمار ركض لعندن ب لهفة تفاجئت ليمار فيه
ووقفت مصدومة
ليمار: انت شو عم تعمل هون
بقي جابر عم يتطلع فيها. بنظرات حزينة وساكت
انس: رح اترككن لحالكن
انا رايح ارتاح،خدو راحتكن
بقيت ليمار عم تطلع بجابر مصدومة فيه وهو عم يتطلع فيها وعيونو مدمعين،
واول ماراح انس
قرب لعندها وغمرها بقوة بين ضلوعو
373 views°• ᒪᗩᗰOOᔕᕼ °• , 21:15