Stories 📖

2023-05-02 22:28:39 أغيد:شب بحب المزح والمشاكسة متل ميلا بلظبط طولو وسط عمرو 22 بشرتو حنطية وشعرو كستنائي يعني تفاصيلو كتير بتشبه تفاصيل ميلا حتى بتصرفاتو ((منرجع لعند آسيا)) بتفوت لعندا ميلا
ميلا:تفضلي حبيبتي شربي
آسيا:شكراً
ميلا:العفو..آسيا بتسمحيلي كون صديقتك؟
تطلعت فيها آسيا باستغراب
ميلا:أنا صديقة للكل،يعني هيك شخصيتي،بس حابة كون قريبة من شخص واحد،ومتل مالك شايفة مافي غيري بلبيت مع تنين شباب الله يعيني عليهن
ابتسمت آسيا:تمام اكيد رح نكون اصدقاء
ميلا رفعت ايدا وحطتا بقوة عكتف آسيا بعفوية:تمام لكن صرنا اصحاب وانا رح ساعدك لتتعلمي اللغة التركية

آسيا كانت هيك
ميلا:يه..آسفة وجعتك،نسيت أنو ضربتي بلجدار
آسيا:أي جدار منهن؟الحجر ولا أخوكي؟
ميلا فرطت من الضحك:والله معك حق،أوس صاير أقوى من الحجر..بس والله ماكان هيك

كانت آسيا بتختصر كلامها بنظرات وميلا عم تفهم عليها
ميلا:من فترة كم شهر كان اخي برا البلد رجع وترك كلشي كرمال بنت بيحبا،وقت أجا يعملا مفاجأة...اكتشف انها بتخونو ومن يومها تغير كتير،ولا هو كان فرحة هاد البيت كلو

آسيا:الله يكون بعونو
وبقيو هيك سهرانين وميلا ماسكتت تطلع من سيرة وتفوت بغيرها

تاني يوم الصبح
بيصحا أوس وبدو يطلع من البيت
عامر:لوين رايح؟
أوس:بدي شوف صديقي
عامر:تعال فطار معنا،اليوم بدك تروح معي علشركة
أوس:بس...
عامر:لسا ماكملت كلامي..هلأ رح تنزل بنت عمك ولازم تتعرف عليها
أوس بيتدايق
عامر:أوس عم نبهك ها،بتعاملها بأدب البنت مو ناقصتك ابداً

ميلا وأغيد:صباح الخير
عامر:صباح النور..شو وينا آسيا
ميلا:بابا مبارح سهرت أنا وياها وماحبيت صحيا من هلأ
أغيد:أنا رح صحيا
أوس وميلا بيتطلعو فيه
أغيد:رح دق الباب وناديلها بس،ثواني ومنجي... أوس كان مو عاجبو شي بنوب،وبعد عشر دقايق بينزل أغيد ووراه بتفوت آسيا...
بيتطلع فيها أوس،ستغرب فكر بدو يشوف انثى،بس شاف طفلة...بس كلن متل بعض بنظرو ماعاد يتاخد بلشكل

عامر:احم..كيفك آسيا؟
آسيا:تمام عمو منيحة
عامر:انشالله رتحتي بلنومة مبارح؟
آسيا بخجل:اي عمو كلو تمام
عامر بينكشو لابنو..
أوس:مرحبا...آسيا،أنا أوس
آسيا:اي تشرفنا
أوس:وليش هيك عم تقوليا ومو عاجبك شي؟

كانت نبرة صوتو شوي حادة،وهية مستغربة ليش هيك عم يحاكيا،رجعت خطوتين لورا..مسكا من ايدا اغيد وبحاول يغير السيرة
أغيد:اعدي هون جنبي،رح يكون مكانك علسفرة عطول
ميلا بضحك:هههه والله هون احلى مكان لأنو كلشي رح يصير قدامك بفضل اغيد ابو كرش
اغيد:ميلا خانم بتسكتي ولا باكلك
ميلا:ييي ياماما خوفني اغيد الوحش

بصيرو يضحكو،أوس عم يطلع فيهم بأستخفاف،وآسيا كتفت بابتسامة

راحو علشركة ورجعو المسا ومضي اليوم عادي،أوس عم يحاول مايتقابل معاها...هو متقبل وجود اناث بلبيت لانو بكونو امو واختو..بس هي البنت يلي دخلت جديد كرهان البيت لاجلا

تسطح أوس وصار يقلب من طرف لطرف..مايجي نوم،لذلك قرر ينزل علحديقة..وهو ماشي بيمرء من جنب غرفتا
أوس:لعما هي مع مين عم تحكي؟مستحيل تكون ميلا لأنو مابتبقى لهلوقت..أغيد؟؟(بيتذكر الموقف يلي صار علسفرة وقت أغيد مسك ايد آسيا واعدها جنبو)
ومن بين أفكارو بيسمع صوتها صار يعلا اكتر..هية ثواني وتحول لصرخات،بكل جرأة بيفتح الباب ومابيعرف شو ممكن يشوف
#سارة_العلي
#يتبع باز کردن / نظر دهید

2023-05-02 22:28:38 بيرن التلفون
أبو زياد:يلا يابنتي هاد متل أبوكي
آسيا:مافي حدا متل أبي
بيفتح التلفون وبيسلم عليه بعدا بيعطي لآسيا
عامر:كيفك يابنتي،أنا عمك عامر
آسيا:...أهلاً
عامر:طمنيني عنك كيف صرتي؟خبروني أنو حالتك كانت كتير تعبانة
آسيا:الحمدلله عكل حال
عامر:طيب عم قول أنووو...بنتي في كتير ناس عم يجو عتركيا،الوضع ماعاد يطمن ابداً عندكم...لذلك أنا قررت جيبك لعندي

آسيا بنرفزة:لعندك شو؟؟وأي وضع يلي مابيطمن؟هلأ لحسيت أنو الوضع مو تمام..بعد ماخسرت أبي وأمي..ليش ماطلبت هلشي قبل واخدتنا من هون انا وعيلتي
(وصارت تبكي)
عامر بحزن:يابنتي والله أني طلبت من ابوكي كتير بس هو كان رافض..بعدين هاد قدر رب العالمين ومافينا نهرب من قدرنا...ألو..آسيا

أبو زياد بياخد التلفون:أي سيد عامر،البنت تعبانة كتير فاتت عغرفتا،مابعرف كيف رح نقدر نقنعا بلموضوع
عامر:الله يجزيكم الخير ياأبو زياد بس البنت لازم تجي لعندي،أنا عما ومسؤول عنها بعد أهلا
أبو زياد:له ياسيد عامر،البنت بنتي وحاطتا بعيوني،انا وافقت عطلبك بس لأنو بلفعل الوضع صعب وحالتا النفسية كتير متأزمة

بيسكر التلفون،وبيتنهد...محتار كيف رح يقنعا لآسيا
وبعد محاولات كتيرة أم زياد:لك ياآسيا هي مصلحتك هون مابقالك شي
آسيا:هون انتو،وهنيك مافي حدا..ألا اذا انتو ماعاد تتحملوني
أم زياد:الله يسامحك،لك اذا ماوسعك البيت منحطك بقلوبنا وعيوننا،انتي بنت الغالية ومن ريحتا،بس خايفة عليكي كتير..بعدين بتعرفي شغلة..احتمال تلتقي هنيك مع زياد

آسيا بتطلع بعيون خالتا وهية عم تبكي،بعدا يتنزل راسا علارض مافي حل تاني ولازم تسافر

جهزولا كلشي وبس باقي تمشي..رح تسافر وتترك بلدها،وموعرفانة شو حقيقة مشاعرا..
لسا هلبلد غالية عقلبا؟ولا بعد يلي عاشتو بدها تهرب منها؟؟ غمضت عيونها..واخدت نفس عميييق بدها تحتفظ بريحة بلدها وكأنو ماعاد تقدر ترجع بيوم...فجأة رجعت فتحت عيونها بخوف من الصوات يلي طلع،ركدت وطلعت بلسيارة...ومن مكان لمكان هييك لوصلت علمطار

ليش عرفتو لهلانسان؟من أول مالمحتو حست أنو هاد عما..كان بيشبه أبوها،قربت عليه كان جنبو زوجتو وشب وصبية يمكن أعمارهم قريب عمرها..والكل ستقبلها بابتسامة
قربت من عمها عم تتأملو بعيونها الحزينة فتح ايديه وضما

عامر:الحمدلله عسلامتك يابنتي
ابتسمتلو وماقدرت تحكي كلمة،اخدوها عبيتو وكان طول الطريق عم يحكو معها ولاد عمها لحتى يخلوا تحس براحة تجاهن

أغيد:يلا وصلنا تعالي آسيا
ميلا:بلله،اي منعرف انو وصلنا،يعني وقفنا لنستجم مثلاً
ابتسامة خفيفة من آسيا ومشيت معهم،واخدوها عغرفتا..كان البيت كلو كبير الظاهر عمها مرتاح مادياً منيح،مشان هيك مارجع علبلد من سنين

حتى مرت عمها(ريم)كانت لطيفة معها،اعدو شوي معها حاولو يتعرفو عليها بعد هيك قضت يومها بغرفتا
وهية غايصة بأفكارها بتسمع صوات عالية من مكان تاني بلبيت..بتقوم خايفة بتطلع من غرفتا،كانت بلجهة المخصصة لغرف النوم،يعني غرف الولاد كلها بهلقسم

ميلا:لاتخافي آسيا عادي،صرلنا فترة عهلحالة
بيمشي أغيد بدو يشوف شو صاير بس بتمسكو من أيدو ميلا:لك وين رايح،بلا مايشوفك هلأ بتعرف بس بابا يبهدلو كيف بصير يتفشش فينا

بغرفة الجلسة
عامر بعصبية:وبعدين معك،ايمتى رح ترجع متل قبل؟لك انت كنت انشط شب بشوفو بحياتي ليش هيك عم تعمل،مستقبلك رح يتدمر
أوس ببرود:هي حياتي وأنا حر فيها،وياريت ماعاد تدخل،اهتم بولادك التانين

بشيل ايدو وبضربو كف:لا عنجد انت ماعاد ستحيت الظاهر ماعرفت ربيك
أوس بجرأة:ربيني..رجاع ربيني من أول وجديد..بس علطريقة يلي بتناسب هيك زمن وهيك بشر،لاتربيني علقيم والاخلاق تبعك

بيتركو وبيروح عغرفتو وهو منرفز،وإذ بتطلع بوجهو آسيا كان بدها تروح علمطبخ تشرب مي
بس انعما عقلبو بطل شايف ولانتبه مين،ضرب كتفها بكتفو،هية نخبطت بلجدار وهو كمل عغرفتو

بيروح لعندا أغيد وميلا
ميلا:انتي منيحة
آسيا:شبو هاد لعما كان كسرلي كتفي
أغيد بيحاول يخفي ابتسامتو لأنو وأخيراً اخدت شوي عليهم:لاتدايقي هو معصب ومانتبه

آسيا:عادي،رايحة نام
أغيد:مابدك تشربي
آسيا:ماعاد ألي نفس
بتروح ميلا وبتجبلا مي ((نحكي شوي عن شخصية الشباب والصبايا))
أوس،،شب طويل وكتافو عراض،تقريباً بعمر ال 28اسمراني وعيونو مايلين عأخضر وشعرو أسود ناعم،ألو نظرة عبوس خاصة بسبب وجع داقو وماعم يقدر ينساه

آسيا:بنت ناعمة ولطيفة،صارت بسن ال20 بس لسا البراءة يلي بوجها بتبينها أصغر،قصيرة وبشرتها حنطية وعيونها عسلي وشعرا أسود ناعم وطويل لآخر ضهرا،وعيونها حزينين كتير

ميلا:بنت مشاكسة ومزوحة،هية بعمر آسيا تقريباً شعرها كستنائي ومموج وبشرتها حنطية..وأطول من آسيا بشوي باز کردن / نظر دهید

2023-05-02 22:28:38 ‏#هواك_أذلني #الجزء_الأول

اليوم عيد ميلادها،وهو رجع من السفر بدون مايخبرها..
ترك كلشي ورجع ليستقر بلبلد كرمالها،وعاملا مفاجأة،بيوصل عبيتها بيعرف أنو بهلوقت المفروض تكون بدوامها... بيفتح الباب بخفة وبفوت،كان مخطط أنو يجي ويزين بيتها،البيت يلي كانو يلتقو فيه من زمان..بس توقعاتو كلها نهارت وقت شاف هلمنظر... سلمى بصدمة:أوس
بتبعد عن الشب يلي كانت ضاممتو قبل مايفوت أوس،

بتوقف وبتقرب منو بتحاول تحكي شي بس الحروف كلها بتهرب منها:أأ..أوس بس سمعني

أوس بقهر وصدمة:ولا حرف..لاتحكي ولا كلمة
بيوقف هداك الشب بيقرب منهم،بس مابيتوقع أنو أوس يضربو هلضربة القوية،يلي حاول يطالع كل غضبو فيها ورما علأرض بدون مايقدر يتحرك

صارت تبكي وتترجاه يسمعا
سلمى:أوس انا..انا ماكان بدي أعمل هيك...
أوس بيضربا كف وبيصرخ عليها:لك شو بدك تحكي قولي ..شو ماحكيتي مارح تقدري تبرري خيانتك
مسكا من كتفا وعم يهزا،بس اعدت بأرضها وصارت تبكي

أول:انتي وحدة واطية..(بيرفعا وبيرميها فوق الشب) وبيكمل:الوساخة لازم تبقى مع بعضا،لك الله لا يسامحك ياسلمى

بيتركا وبيطلع،في دمعة بطرف عينو بس مستحيل يخليها تنزل...أوس مابنكسر
بس هي البنت خانتو،ومسحت بكرامتو الأرض بعملتا،لك هي اكتر بنت بيعشقا وبيتمناها...اخطأ الاختيار

ركب السيارة وبأقوى سرعة بيمشي وكأنو نعمى على عيونو..بلآخر بيضغط علفرامل مرة وحدة وبتوقف... وبيصيح الآه من جوا قلبو وهو عم يخبط عمقود السيارة
ومن يومها..حلف أنو مايرجع لأوس القديم،عاهد نفسو أنو يكره كل نساء الأرض...ومايرحمهن

البنت يلي ترك كلشي كرمالها... رجع عبيتو...الكل تفاجأ وفرح برجعتو،بس نصدمو لما شافوه بهلبرود فات عغرفتو وسكر الباب وبقي بلبيت شي اسبوع بدون ماحدا يعرف السبب

بس بعد فترة وبعد محاولات سلمى أنو ترجعلو وتستسمحو،عرفو بلقصة أهلو...وفهمو أنو ابنهم انكسر بسبب بنت خانتو وخلتو يخسر كل مستقبلو برا البلد

بمكان تاني...وببلد تانية

آعدة علتخت وضامة رجليها وعم تهز براسا لقدام وللخلف

الخالة:يابنتي كرمال الله أهدي،حرام عليكي تحرقي بحالك اكتر،الزمن عم يمشي ومضى علحادثة تلت شهور ولساتك عحالك

عم ينزلو دموعها لحالهن بدون أي حركة بوجها،لا إرادياً
آسيا بدون ماتطلع فيها حتى،عيونها شاردة:ماعم اقدر..ماعم يطلع من راسي هداك اليوم خالتي..كل مابحاول انسى بيرجع كلشي بينعاد قدامي،هداك الصوت وبعدين لما شفتن بهلمنظر...خالتي هدول أمي وأبي كيف بدك انساهن

الخالة:الله يجبر بمصيبتك ياقلبي انتي
بتضما وبيصيرو يبكو هني التنتين..بتبعد شوي وبتسألا:خالتي مااتصل زياد
الخالة:آاخ ع زياد،مو قدرانة اتواصل معو،بعد ماسافر من شهرين عتركيا حكا معي كم مرة ومن اسبوعين عأساس رح يروح عبلد تانية وبعدا بطلنا عرفنا عنو شي...بس بدعي لربي أنو يحمي...ستفقدتيلو مو هيك؟

آسيا:زياد متل اخي الكبير،واول شهر بعدي علي من الحادثة ماتركني بنوب..بس الظاهر مكتوب علي فارق كل شخص برتحلو...والحرب رح تخليني اخسر كل ناسي وكل واحد بطريقة
بتمسح خالتا عراسا:قومي يابنتي كلي لقمتين معنا مابصير تبقي هيك شو نسيتي كلام الدكتور

بتتركا وبتطلع من الغرفة وبتسكر الباب
وبتقول لحالا:اخ يابنتي،شو عم يصير فيكي..كنتي وحيدة أهلك وخسرتيهن،ياترى شو لسا مخبيتلك الدنيا؟؟ بغرفة الجلسة
أبو زياد:فتحتيلا السيرة؟
أم زياد:لا والله ماقدرت..ماسخيت شوفا بهلحالة وارجع افتحلا مواضيع تانية
أبو زياد:الله يصبرا
أم زياد:مارح أقدر،شو رأيك تحكيلا انت،هية متل بنتك ورح تسمع منك
أبو زياد:أنا برأيي لازم تحكي معو بلأول بعدا منشوف شو منعمل

وبآخر الليل..ومتل كل يوم بترجعلا الكوابيس،وبتصير تهلوس وتعرق..بتحاول تصحا كتير بس ماعم تقدر بترجع بتشوف نفس المنظر

آسيا بتصحا وبتصرخ:ماماا لااا...ااه بدي باباا
بتركد خالتا وبتضما
آسيا ببكا وهية بحضنا:بكفي خالتي والله ماعاد اتحمل عم موت ألف موتة كل يوم،ياربي خدني وريحني
أم زياد:حرام يابنتي شو هلحكي اهدي وقرأي قرآن

فجاة بيطلع صوت مخيف،بس المفروض بعد هلسنين يكونو تعودو عليه،بتخاف آسيا وبتضم خالتا بقوة
ام زياد:اهدي ياقلبي اهدي..بس صوت بأذن الله مارح يصير شي
آسيا:وهداك اليوم فكرت هيك،فكرت بس صوت ومارح يصير علينا شي.بس..

بعد كم يوم
آسيا:أي عمو ندهتلي
أبو زياد:أي يابنتي،تعالي لجنبي..بعد شوي رح يتصل شخص هو بيقربلك كتير
آسيا:مين؟أنا مالي حدا غيركن بعد وفاة أهلي
أبو زياد:عمك عامر..أخو ابوكي
آسيا:أي صح..تذكرت،بس عمو أنا مابعرفو ابداً ولا نهار حكا معي،كان أوقات يتواصل مع بابا...لأنو مسافر من سنين طويلة عتركيا

أبو زياد:صح،وهلأ من فترة قصيرة عم يتصل بدو يحاكيكي بس حالتك ماكانت تسمح،لذلك..
آسيا:مابدي عمو..مابدي أحكي مع حدا باز کردن / نظر دهید

2023-05-02 22:27:22 قصة جديدة: #هواك_أذلني

قراءة ممتعة
@Stories_3 باز کردن / نظر دهید

2023-05-01 04:31:53 يسعدلي اوقاتكن
عم تدور على قنوات ذات محتوى مفيد؟! ماضيعلك وقت وتلاقي كل طلباتك فيها
هي روابط قنواتنا اختصرناهن وبعتناهن

#تنويه : قنواتنا خالية من الاعلانات او روابط قنوات تانية باز کردن / نظر دهید

2023-04-27 00:49:10 فاكرين راوية كونسلر؟؟
دي. بقا نفس الكاتبة نزلت رواية جديدة لكن بلحن جديد

#لحن_سيبقى_بيننا
https://t.me/Novelsgallery/3204 باز کردن / نظر دهید

2023-04-27 00:21:56 رأيكن بالقصة
@Stories_3_bot
لاتنسو التفاعل
@Stories_3 باز کردن / نظر دهید

2023-04-27 00:21:55 #بين_اختيارين_ بقلم: Amina Thhan(شرقيةالهوى) البارت 1 انس شب عمرو ٢١ سنة شب طيب وطموح بيدرس حقوق ، وحلمو يلتحق بالكلية الحربية ويكون ضابط امني ، انس يتيم الام والاب وعايش عند خالتو يلي ماالو حدا غيرها من بعد الله خالتو مرأة كبيرة ومريضة ، واهلو ماتو… باز کردن / نظر دهید

2023-04-27 00:19:53 واول مابتشوف انس داخل بتركض لعندو وبتعانقو وبتصير تبكي
لميا: حبيبي،اشتقتلك ياعمري، ياروح قلبي انت
انس (بعتب): اشتقتيلي وقسيتي عليي كل هالقسوة،كيف لومامشتاقتيلي
لميا: انا اسفة حبيبي مشان الله سامحني،انس انا بحبك وبعشقك،مافيني عيش بلاك بعرف انو كانت ردة فعلي قاسية عليك،بس انا عصبت عليك لاني ماني متعودة عليك تغلط، ماني متعودة عليك غير انس النضيف،يلي بعمرو مابيرضا بالغلط
انس: غصب عني لميا،والله غصب عني، كنت رح موت بدونك،ماقدرت اتحمل غيابك عني،
ماقدرت اتحمل فكرة انو يصرلك شي. حبك عمى ع قلبي ماعاد اقدر فرق بين صح وغلط،كل الي كان بهمني اني رجعك لحضني
لميا: الله يخليلي ياك ياتقبرني،يالله لوتعرف قديش تعذبت بدونك، كان الوقت عم يمرق عليي متل السم،ماغبت عن بالي ولالحظة،
انس(بحسرة): اااخ ع اساس انتي الي غبتي عن بالي. يابنت قلبي،جنيت ع غيابك صرتي حاكي حالي
لميا: الله لايفرقنا بقا،ياحبيبي ولايحرمنا من بعض
انس;امييين ياروح الروح امين
بيمسكلا وجها وبيطلع بعيونها وبيمسحلا الدموع
انس: خلص لابقا تبكي،مابحب شوفك دموعك
لميا: انت مسامحني!!
انس: انا مازعلت منك لسامحك ياقلبي،كل شي منك بتقبلو مستحيل ازعل منك او احقد عليكي
لميا: دخيل قلبك شو طيب وحنون
بيبسلا راسها وبيرجع بيغمرها بين ضلوعو وبيشد عليها
انس: بعشقك انا لموشتي
لميا: وانا كمان
بترتسم ع وجهو علامات الفرح وبيبعد عنها وبيأشرلا ع الرتبة يلي ع كتفو
انس:صح ماباركتيلي ! جوزك صار رائد
بترتسم ع وجها علامات السعادة وبتحط ايدها ع تمها وبتشهق
لميا: ياااا عنجد عم تحكي،حبيبي
انس(بفخر):شوفة عينك لموشتي. اطلعي منيح عالنسر
لميا: ياقلبي انت ريتو الف مبروك،عقبال ماشوفك عميد
انس(بغرور): تسئ،،لواء بدي
لميا:لاتزعل وجنرال كمان ان شالله،انبسط
انس: جنرال؟!! ليش لا حاكم انا بيلبقلي،موهيك حبيبتي؟ !
لميا: هيك ونص ياروحي
التفت لعند حياة يلي كانت مسطحة عالكنبا وعم تلعب وتكاغي لحالها
ابتسم بحنية
وقرب من لميا وباسها من خدها وغمزها
انس: صار دور بنوتي هلق ، انتي بتفضالك المسا
وسحبها من ايدها وقعدها
جمبو عالكنبا وقعد هو جمب حياة
حملها بين ايديه وصار يتأملها
بحنية الاب ع ضناه
بيحط اصبعتو باايدها وهي بتمسكها بكل براءة
انس: ياروحي انتي ياتقبري قلب ابوكي، حياة بابا،
لك ايمت بدك تكبري وتناديلي يابابا ايمتا ياقلبي ايمتا
بيضما لصدرو وبصير يبوسها ويشم ريحتها
انس: مااحلاها هالريحة،الله يحميلي ياكي ياروح البابا
بتقرب لميا منو وبتحط راسها ع صدرو
لميا: حاج بقا بلشت غار انا ها،اوعك تحبها اكتر مني،بموتك والله
انس: انا مابحب حدا اكتر منك، يابنت قلبي، انتي رقم واحد بقلبي
لميا: اممم ومين رقم تنين بقا
انس: مابدها ذكا، اكيد هالبنوتة الحلوة يلي جبتيلي ياها،الله لايحرمني منكن
لميا:ولايحرمنا منك ويديمك فوق راسنا لااخر العمر،ياحبيب قلبي
انس: بحبك بجنون لميا
لميا: وانا بموت فيك،بتنفسك
-------------------------------
انتهت....
ان شالله تنال الاعجاب
ولاتنسو اكتبولي ارائكن بالتعليقات رايكن بهمني
مع تحيات:Amina Thhan

ملاحظة: القصة قديمة وعدلت عليها
وضفتلا احداث وغيرت اسمها حتى ....

كل الحب الكن باز کردن / نظر دهید

2023-04-27 00:19:52 بيطلع جابر بجلال وبيتنهد بحرقة قلب
جابر: طامس وبس، والله غرقان ومكتر يابي،بس هي معندة ماعم تسامحني،مابعرف ازا حكتلكن قصتنا
جلال(بعصبية): حكتلنا ابني حكتلنا،الله يصلحك ويهديك،موحرام عليك تعمل هيك فيها،لك بنت متل القمر كيف اجا من قلبك تقصلا شعرها وتضربها
جابر(بزعل): ندمان ابي والله ندمان،
جلال: الله يسامحك بس
بتحط رولا ايدها ع كتف جابر وبتطبطبلو
رولا: لاتزعل امي،ليمار قلبها طيب،واصلا هي سامحتك
جابر(مستغرب):شوعرفك انها سامحتني!!
رولا: هي قالتلي
بتظهر ع وجهو علامات الفرح
وبيمسك ايدها وبيسالها
جابر: بربك؟ امي انتي عنجد عم تحكي؟
رولا: اي امي عنجد
بيقطع حديثهن صوت دقة الباب
بتبتسم رولا وبتأشر بعيونها ع جهة الباب
رولا: هي اكيد هي،اجت
انتفض جابر من مكانو بلهفة
جابر:خليكي انا رح افتحلا
وبيروح دغري ليفتح الباب
بيطلعو رولا وجلال ببعض وبيضحكو
جلال: هالضرسانة اخدتلو عقلو للصبي
رولا: هههه يقبرو قلبي تنيناتن، الله يفرحني فيهن، والله لااعملن عرس كل البلد تحكي فيه،،،،
فتح جابر الباب وكان كتير متحمس وحاسس بشوق كبير الها
لكن تلخبط كل كيانو
اول ماشاف ليمار واقفة مع هاني عالباب وعم يحكو ومدموجين بالحديث
هاني: طيب ع كل حال بكرا منلتقا وبنرجع بنحكي بالموضوع باي
ليمار: ماشي الله معك
بيروح هاني بدون ماينتبه لوجود جابر
بتلتفت ليمار لعند الباب
وبتتفاجئ لما بتشوف جابر واقف عالباب
وعم يتطلع فيها بعصبية
ليمار(بفرح):هاد انت؟ !! الحمدلله ع السلامة،انت ايمتا رجعت؟!
جابر: مين هاد يلي كنتي واقفة معو
ليمار: هاد زميلي بالشغل
بيسحبها من ايدها وبيدخلها لجوا وبيسكر الباب
بيسندها عالحيط وبيحاصرها باايديه
جابر(بغيرة):بتحبيه!!
ليمار(متلبكة):....
جابر: جاوبيني لشوف بتحبيه،
ليمار: لا مابحبو، هو بس زميلي بالشغل مواكتر
جابر:اكيد؟!
ليمار: اي اكيد
بيحس بالراحة وبيصفن بعيونها بحب ولهفة
وهي بتكون عم تبادلو النظرات بيضلو حصة عهالحال صافنين بعيون بعض وعم يحكو بلغة العيون ،مابيعود يقدر يسيطر ع مشاعرو
بيقرب منها اكتر ويبوس جبينها
وبيتحسس وجها باايدو بحنية
جابر: اشتقتلك كتير
تلبكت وفاتت ببعضها
وضلت ساكتة وصرفت نظرها عنو
برملها وجها باايدو وثبت عيونها بعيونو
جابر: اطلعي فيني،انتي ماشتقتيلي ولو شوي؟!
ابتسمت بوجهو بحب ولااول مرة بادرت وضمتو
ليمار:مبلا اشتقتلك ،بس مو شوي، كتير جابر، كتير،
مابيعود بيصدق يلي،سمعو
بيبعدها عنو وبيطلع فيها بعدم تصديق
جابر:شوقلتي،عيدي،بربك شوقلتي
ليمار(بخجل):خلص بلا غلاظة
جابر: امانة رجعي قوليها،
بتطلع بعيونو بحب وبتحاوط رقبتو باايديها
ليمار: قلتلك اني اشتقتلك، اشتقتلك كتيير،
جابر: ياعيوني انتي،وانا اشتقتلك ،ليمار انا بحبك،وبموت فيكي،سامحيني امانة،بوعدك اني عوضك عن كل شي اذى تسببتلك فيه،بس سامحيني وكوني الي
ليمار: انا مسامحتك،مسامحتك جابر، انت صح اذيتني،بس بنفس الوقت عملت كتير لحتى تدافع عني وعن شرفي،وواحد متلك، بيستاهل اني سامحو وافتحلو قلبي،لاني بصراحة مارح لاقي رجال امن ع حالي معو متلك،انا بحبك جابر
بتظهر ع وجهو علامات الفرح وبحس الدنيا كلها مو وسعانته من كتر مانو سعيد
بيغمرها بين ضلوعو وبيبلشو دموع الفرح يتجمعو بعيونو
جابر: يالله شو حلوة هالكلمة منك،هي احلا كلمة بسمعا بحياتي،وانا بحبك ياعمري بعشق الارض الي بتمشي عليها
بيطلع بعيونها وهو مبسوط ومتحمس وبيسالها
جابر: ليمار؟!
ليمار: عيونها
زادت فرحتو وجن جنانو اكتر
جابر: ياااالله، لك يقبروني عيونها انا
ليمار: بعيد الشر عن قلبك، ماتحكي هيك حبيبي
جابر(بهبل): وحبيبي كمان!!!؟؟ اااخ الله يعينك ياقلبي شو بدك تتحمل
امرك امرك ياروح الروح، مارح احكي هيك
ليمار(بدلع): ايوا سماع الكلمة،احسن ماارجع احرد ودجلك حكي
جابر: دجي حكي لتشبعي،ع قلبي احلا من العسل،ولك الله لايحرمني منك ياام لسان
ليمار: ولايحرمني منك ومن حنيتك
بيحط راسو ع راسها وبيقرب منها ليختلطو انفاسو باانفاسها
جابر: بتقبلي تتزوجيني؟ !
ليمار: اي بقبل
جابر: يالله مو مصدق ياربي مو مصدق رح احسد حالي عالسعادة الي انا فيها
بيبعد عنها وبيلتفت لجوا
وبيصرخ
جابر: امييي، سمعيني زلغوطة،ابنكن رح يتزوج احلا بنت. بالكون كلو،
بتحط ايدها ليمار ع تمها وبتصير تضحك
وبتضربو ع صدرو
ليمار: مجنون بربي
،
جوا بتكون رولا عم تطلع بجلال بفرح
والدموع بعيونها
بترفع راسها للسما
وبتزلغط بااعلا صوت
رولا: للللوووووويش، الف الحمدلله ياربي،الف الحمدلله
------------------------
ببيت لميا
كانت قاعدة وبحضنها حياة عم تلعبها وتضحكها
وفجأة بتسمع صوت فتح الباب
بتحط البنت من ايدها وبتركض لعند الباب باز کردن / نظر دهید