Stories 📖

2022-05-03 21:43:10 الجزء الرابع
مرقت سنه وانا بحبهم الاثنين لكن ما حد بيعرف عن الثاني ....
وفي يوم كنت بالجامعه قدمت آخر امتحان ...جلست مع صحباتي في الكفتيريا قضيناها ضحك ومسخره ...وبعدها استأذنت وطلعت على الشارع الرئيسي بستنى تكسي واذا سند وقف سيارته وفتخ الباب
سند: اطلعي
نظرت يمين وشمال تأكدت انه ما في حدا بعرفه شافني أركبت ونطلق بسياره
فرح : سند لوين بدك توخذني
سند بينزل نظارته وبينظر الي: ممم بدي اخطفك
فرح : هههههه خطف مره وحده والله اخواني ليقتلوك وبعدا بيحرقوني وانا عايشه
سند : اف .. الله يعينك عليهم
بيرن موبايل سند
سند : نعم
مساعده: عرفت كل شي عن الست سحر وعنوانها وكل المعلومات بعثتهم على الواتس
سكر الخط ...ووقف السياره على جنب ...وبلش بيقلب بلموبايل وكل دقيقه وجهه بيقلب للأحمر ... وانا براقبه وخايفه اسأله
سكر الموبايل وبلش بيصرخ وبيضرب ايده على سواقة السياره ...قربت منه وبلشت اهدي فيه ..حظني وبلش يبكي مثل الطفل ..بلحظتها ما عرفت شو بعمل طبطبت عليه وحظنته
....وبعد ما هدي نزل من السياره وبلش يستنشق هواء..انزلت ووقفت جنبه
سند: حاسس جبل طابق على صدري
مسكت أيده.. اطلع علي وابتسم وبادلته الابتسامه
سند: من وقت الي صحيت على الدنيا انا واخي كنان بنعرف انه اختي الكبيره سحر توفت بحادث ...ما بعرف كنت احس انها لسه موجوده على الدنيا
فرح: كم كان عمرك وقت الي توفت
سند: خمس سنوات بينا عشر سنين...تخيلي قبل سنه اكتشفت بالصدفه انه لسه عايشه
فرح : عنجد بتحكي ..وأهلك عرفو
سند : هون المشكله انه ابي وامي بيعرفو وفوق هيك هما الي ناشرين خبر وفاتها ...تخيلي
فرح : اسفه على السؤال ليه هيك عملو
سند : من وقت الي عرفت وانا بدور عليها وهلا عرفت كل شي عنها
بلحظه هاي بيمرق مهند وبيلمحني وانا واقفه مع سند
وماوعيت الا على صوته بيعبي المكان
مهند بيمشي لجهتي: فرررررح
التفتت على مصدر الصوت ووقت الي شفته تركت أيد سند وبلشت أرجف من الخوف
مهند بيقرب وبيمسك ايدي : مين الاخ الي واقفه معه بنص الشارع وماسكه ايده بالمره نامي بحظنه
مسكو سند من قبة قميصه : هي مين بتفكر حالك احترم نفسك احسن ما خربطلك معالم وجهك
سحب سند أيدي من مهند
مهند بيرفع اصبعه وبوجه سند وبهدد: مين انت لحتى تمسك ايدها وتهددني يا قذر
سند بيمسك اصبع مهند وبينزله: انا حبيبها وعن قريب بدي اخطبها
مهند وقف مكانو واطلع علي نظره تمنيت لو متت ...بلشت ابكي على الساكت
مهند ودموعه بتنزل وبيزقف: برافو برافو انتي اشطر ممثله شفتها على وجه الارض...(قرب مني وحط ايدي على جهة قلبه ) لك قتلتي ..والله حبيتك من كل قلبي.. يبنت كنت شاريكي لكن انتي خنتي العشره الي دامت سبع سنوات ..بعتيني لأبن العز والجاه والمصاري ... (التفت لسند وكمل حكيه) اخذت روحي مني ..بتمنى تحافظ عليها
ترك ايدي ومشي بخطوات ثقيله
بلشت اصرخ بصوت مبحوح وبيرجف : مهند مهند لا تتركني
بيسحبني سند من ايدي وبيدخلني السياره وبينطلق بسرعه جنونيه خفت كثير وبلشت معدتي بتقلب
فرح وانا بصرخ: لك وقف السياره بدي استفرغ
وقفها ونزلت بسرعه وستفرغت كنت بدي روحي تطلع مني لحتى ارتاح ...وعيت على ايد سند وهي على كتفي
سند: انتي منيحه
رفعت وجهي ..
سند: خذي المنديل وامسحي شفايفك
اخذتو ...اطلعت بسند وبلشو دموعي بينزلو
سند : هههه والله مانك قليله بتحبي اثنين بنفس الوقت
..طيب على الاقليه خبريني يا ست فرح
بلحظه هاي بلشت افقد اعصابي
هجمت عليه وبلشت اضرب فيه على صدره
فرح: اسكت ولا كلمه انت الي طلبت مني اعطيك فرصه لحتى نتعرف على بعض ...كنت بدي احكيلك لكن سكتتني وحكيت بدك تحبني هيك بدون مابتعرف شي عن الماضي تبعي ...مو هيك انت بدك اااه جاوب
سند بيمسك ايدي الثنتين: مين مهند بدي اعرف كل شي عنه احكي
فرح بنظرة تحدي: مهند حب الطفوله والبراءه لك حبينا بعض من كنت بصف الثامن وعمل المستحيل لحتى يسعدني
سند بيشد بغضب على ايدي :
لا تجيبي اسمه قدامي وانتي حبي وعشقي ما بدي من الدنيا الا انتي ...واعتبري انه الي حصل اليوم كانه ما حصل وبدي اتقدملك ونخلص من القصه مفهوم
فرح : لك اترك ايدي عم توجعني
ترك ايدي
فرح: انت روح بدي اروح
سند: لا بدي اوصلك اول حارتكم
فرح: يا رب تصبرني ...
مشيت وتركته واقف ...وقفت تكسي وطلعت فيه ..واول ما وصلت على البيت دخلت لغرفتي وطلت الموبايل واتصلت بمهند مره ومرتين وثلاث لكن ما بيرد ...ارجعت اتصل كمان مره فتح الخط
مهند: .......
فرح بتبكي: مهند بترجالك تسمعني منيح والله ما كان قصدي اني اخونك بدي احكيلك كل القصه ومتأكده انك راح تسامحني
بلشت احكي واحكي لحظات كنت ببكي بهستيريا ولحظات بحكي وصوتي بيرجف ..كان كل همي انه بيسامحني باز کردن / نظر دهید

2022-05-03 21:43:09 فرح كنت بسمع وبحس بنفس الاحساس الي بحسه مع مهند: بس انت دكتور..
لسه ما كملت وضع ايده على شفايفي : اص لاتحكي شي بدي ياكي تتركيني احبك ..ما بدي اعرف اذا كنتي مرتبطه او لا بدي تعطيني فرصه اعبرلك فيها عن مشاعري لانه هاي اول مره بفتح فيها قلبي للحب .. بدي اياكي تسيبي نفسك بين ايدي وبعدا انتي قرري انكمل او نترك بس لا تحرميني انو عيش معك لحظات حب لحتى تبقى محفره بقلبي طول العمر
......
اطلعت من عنده وانا تايهه مو عارفه استسلم لأحاسيسي اتجاهو او اقفل الباب قبل لتكبر ...
لاحظت هند اني مو على بعظي
هند: خير مالك من وقت الي طلعتي من عند الدكتور سند وانتي مو على بعضك
وبعد إلحاح منها حكتلها كل شي
هند: ولك مجنونه اذا ما بتحبي والك هاد الدكتور سند ابن الملكاوي اكبر مسؤل بالبلد وصاحب اكبر شركات الاستيراد التصدير ..لك امك داعيتلك بليلة القدر
فرح: ومهند هيك بخونه..
هند: لسه تحكي مهند ولك البنك المركزي كله صار بين ايديكي وبتحكيلي مهند
فرح : مهند قلبي
هند: ادعسي عليه ...وفكري بعقلك
بلش كلام هند بيدخل عقلي ...
...وفعلاً بلشت بعلاقة حب مع سند وبنفس الوقت مع مهند الي حاولت ما اظهرلو شي
# يتبع باز کردن / نظر دهید

2022-05-03 21:43:09 الجزء الثالث
(فرح)
فترة المسا جلست قريب من امي كل مابدي احكي برجع اسكت
ام مجد: خير ياطير احكي شو بدك
فرح بقرب وبوس خدها: يسعده الي فهمان علي ...امي مو حلوه ابن جيرانا بيرجع من العسكريه وما بنروح نهني امه
ام مجد : يا عيني على الي بتعرف بالواجب
فرح : بالله كيف وانا بذكرك
ام مجد بعصبيه : لا تحلمي اذا رحت اخذك معي لانه مجد ليكسر رجليكي
قمت وانا زعلانه
دخلت غرفتي واتصلت في
مهند :يا روحي يا عمري ياقلبي حليانه كثير
فرح: مالك انفتحت مره وحده عارف انك مشتاقلي بس مو هيك
مهند: يبنت بدي شوفك هلا ..اطلعي على السطح
فرح: لا مابقدر بخاف من مجد والله ليقتلني
مهند : ولحل بدي شوفك
فرح: مممممم آسفه مابقدر
وفجأه مجد بيفتح الباب وبسرعه بسكر الموبايل وبخبي تحت المخده
مجد: شو بتعملي هون وامي بتجهز العشا لوحدها اااه
فرح برجع خصله من شعري ورا اذني : كنت طالعه
مجد: ممم امشي قدامي اشوف
مشيت قدامه ودخلت المطبخ جهزت العشا وتعشينا ونظفت المطبخ ..وسمعت مجد بيحكي لأمي انه طالع بيسهر مع صحابه
وبس طلع رجعت ترجيت امي لحتى نروح زياره لعند ام مهند ووافقت اخر شي بس بشرط بنرجع قبل رجعت مجد...وبسرعه لبست واخذت معي طبق حلو عملته بايدي ...وصلنا لبيتهم ورنت امي الجرس وفتح مهند الباب وبس شافنا انصدم وسكر الباب بوجهنا ...امي نظرت الي
ام مجد : شكلو انجن الولد مع العسكريه
رجع فتح الباب وهو مرتبك
مهند : اهلا وسهلا خالتي ام مجد
ام مجد : والمهلي ..والحمدالله على سلامتك وينها أمك
مهند بيفسح مجال : اتفضلي
كنت ماشيه خلف امي وقت الي بقيت جنبه غمزلي ..لا اراديا عضيت على شفتي
مهند بصوت عالي : اااخ يمااا
ام مجد بتلتفت عليه : خير يابني مالك
مجد : اه.. لا ما في شي بس اصبع رجلي الصغير دقر بالباب
فرح بتضحك بصوت واطي...
دخلنا لعند ام مهند كانت جالسه واول ما شافتنا وقفت واستقبلتنا
وجلسنا جنبها
ام مجد : يه لساتك حامله طبق الحلو فوتي دخليه على المطبخ وعملي فنجانين قهوه
ام مهند بتوقف: لا خليها انا بعمله
ام مجد بتسحبها من ايدها : اقعدي مو مطوله كلها نص ساعه ومروحه ..يالله قومي يمه
قمت ودخلت المطبخ وبلشت اعمل قهوه ...دخل مهند لعندي
مهند: بساعدك بشي
فرح بتسكب القهوه بلفناجين : لا خلصت ..ولا بقلك عبي كاسة مي لحتي بروح أقدمها
مهند: والله مانك قليله كيف اجت الفكره على بالك
فرح: ههههه المشتاقه وبعمل المستحيل لحتى اشوفك
مهند بيمسك جهة قلبه: اااه قلبي الصغير لا يتحمل
من الصاله صوت ام مجد: يافرح لتكوني نمتي
فرح : بعدلي هيك بدي ضيف القهوه قبل لتبرد
ضيفت القهوه وطلبت ام مهند مني اقدم من الحلو الي عملته
وانا داخله على المطرخ ما وعيت الا بحد ساحبني ودخلني للغرفه وسكر الباب
مهند وحاط ايده على شفايفي : هاد انا لا تخافي
فرح مسكت ايده وبعدتها: انت مجنون حسيت قلبي وقف من الخوف...صحيح كيف بتعمل هيك بعد بدي اطلع قبل لينتبه حد علينا
مهند حاوطني بايديه: هئه بدي اشبع منك وبعدا بتروحي
فرح بلش بجسمي بيرتعش وبحس بأحساس حلووو كثير من قربه : مهند لا تتهور وتعمل اشي
مهند بيقرب انفه لعند انفي وبيستنشق نفسي
بلحظه هاي ذبت بين ايديه مثل قطعة ثلج ... باسني على خدي وهاي اول مره بيكون قريب مني ويبوسني.. بلشت استنشق عطره
فرح: ااه بحب ريحت عطرك كثير
مهند: يبنت اطلعي برا الغرفه قبل ما اعمل شي ما كنت حاسب حسابه
بلحظه هاي وعيت على حالي ..بعدته وطلعت لبرا
..انتهت زيارتنا ورجعت على البيت والليل مانمته وانا بتذكر انفاسه وريحة عطره
.......
ثاني يوم رحت على الجامعه ... وانا جالسه مع صحباتي بعثلي الدكتور سند لحتى بيشوفني
...وصلت وطرقت الباب واذنلي بالدخول
فرح: مرحبا دكتور .. باعث وراي
سند بابتسامه : تفضلي اجلسي ليش خايفه
جلست
سند: بدي منك تجمعي التقارير الي طلبتها منكم تعملوها وبتجيبيلي اياها بكرا على مكتبي
فرح : حاضر تأمرني بشي ثاني
سند : اه صحيح اعطيني رقم موبايلك يمكن احتاجه ..بصراحه طلبته من زملائك والكل بيحكي مابيعرفو
فرح : احم .. اسفه دكتور ما معي موبايل
سند بيركي ضهره على الكرسي : غريبه صبيه جامعيه وما معها موبايل
فرح بإحراج: اه انا ..
سند بيوقف وبيوضع ايديه بجيابه: السبب
فرح : هيك بدهم أهلي فيك تحكي انهم شديدين كثير
سند : طيب اذا بدي اتواصل معك كيف
فرح بترفع حاجبها: نعم ليه بدك تتواصل معي
سند بيمشي وبيقعد قبالي على الطاوله وبيركي أيديه على رجليه: بدي كون صريح معك وبتمنى تستوعبي حكي منيح
فرح: تفضل
سند : انا من وقت الي شفتك فيها لفتي انتباهي بتمردك وعفويتك وطيبة قلبك بتعرفي مع المشاحنات الي كانت بتحدث بينا كنت بنجذب وبنشد الك لحتى استملكتي عقلي وقلبي ..فرح باللحظة الي بشوفك فيها عم حس بنار بتجري بعروقي وعم تتفجر خليه ورا خليه بجسمي وقلبي بيخفق مثل الطبل وعيني ما عاد تشوف غيرك هههه تخيلي بنسى اسمي ومين بكون انا باز کردن / نظر دهید

2022-05-03 21:42:32 ........
(مهند)
وقت الي نزلت من السياره اول منظرت لجهة بيت فرح ولقيتها واقفه برا وعم تنظر لجهتي يالله ادي مشتاقلها ..مو معقوله البنت هاي كل مافيها بتحلى ...اشرتلها وهزت راسا وابتسمتلي ودخلت لبيتهم .. اما امي استقبلتني بكل حفاوه
ام مهند : نور البت يحبيبي
مهند بيحظنها: منور فيكي يا ست الكل
ام مهند بتبكي : اشتقت لريحتك يمه
مهند بيمسح دموعا: وانا شتقتلك كثير
عبدالله : شو بدنا نضل واقفين على الباب ادخلو لجوا
دخلت اخذت حمام بارد ووقت الي طلعت لقيت ست الكل مجهزه الغدا وطبعاً عامله كل الاصناف الي بحبا
.........
(سند)
جالس بغرفتي عم يستنا أتصال من مساعدي ..برن الموبايل
سند : احكي
مساعدي: بحثت بكل الاوراق الرسميه مافي ولا ورقه او اي اثبات انه سحر توفت
سند : مثل ماتوقعت ..اسمعني منيح بدي ياك تجيبلي معلومات عنها وحاول انك تلقاها باي طريقه وطبعا اذا لقيتها الك مبلغ مرتب
مساعدي : اسبوع زمان وبتكون عندك كل المعلومات
سكرت الخط وفتحت باب البلكونه ووقفت بتأمل القمر
شفت صورة فرح بداخله ابتسمت : بكل مكان بشوفك .. رجعت مسكت الموبايل ورنيت على مساعدي
سند : بدي منك تعرفلي رقم طالبه عندي بلجامعه هلا ببعثلك اسمها كامل بمسج
مساعدي : اعتبره صار عندك
سكرت الخط .. مسحت وجهي وبعدا مرقت ايدي على رقبتي: اااخ شكلي وقعت بحبك يافرح وماحدااا سما علي
والصبح اتصل مساعدي وبلغني انه حاول بيعرف رقمها لكن ماقدر
#يتبع باز کردن / نظر دهید

2022-05-03 21:42:32 الجزء الثاني
أخذت نفس وسلمت عليهم وجلست
ام كنان : مالك يأمي حاسستك مو على بعضك
سند ضغطت على اصابيعي ووجهي عابس : لا مافي شي
ام كنان مسكت ايدي بحنيه: انا امك وبعرفك من وقت كنت صغير بس تنزعج بتضغط على اصابيع ايدك
سند : بعرفك راح تبقي تنقي لحتى تعرفي مالي ..ياستي اليوم في طالبه تمردت علي وازعجتني هاي كل القصه
ابو كنان: ان شاءلله سكتلها
سند : موضوعها عندي وانا بحله
ابو كنان بيسحب نفس ارجيله: اعطيني اسمها بلكامل وعتبر انها مفصوله
سند بيقوم : لا شو تنفصل
خليها ...بتعرف اني بحب اروض القطط الي بتخرمش
تركتهم وطلعت على غرفتي ... مسكت الموبايل وتصلت على مساعدي وايدي اليمين بكل شي
سند: اسمعني ...خلال يومين بدي معلومات كامله عن موت اختي سحر
سكرت الخط .. ودخلت الحمام اخذ حمام بارد ...طلعت وانا لافف المنشفه على خصري والمنشفه الثانيه بنشف بشعري..وقفت قبال المرايه ونظرت فيها
سند : اذا الي ببالي صحيح لقوم الدنيا عاليها واطيها
........
(فرح)
كنت باقي اليوم سرحانه وعم فكر بدكتور سند ...نظرت لجهة الباب واذا مجد واقف على الباب ومو منتبهاعليه
مجد: ممم الي ماخذ عقلك بيتهنا
فرح : احم تحكي معي
مجد بيجلس جنبي على السرير : لا بحكي مع الجيران ...الي ربع ساعه واقف على الباب ولا انتي منتبها(بيمسك خصله من شعري وبيشدها لجهته) ليكون بتحبي
فرح توترت وقلبي بلش بيخفق بقوه: عيب الحكي هاد انا تربايتك اخي
مجد بيشد شعري اقوى من قبل: اسمعي ولي اذا بعرف اوبسمع شي عنك مو منيح والله لقتلك واشرب من دمك وجامعه مافي ...بح
فرح: انا اهم شي عندي الدراسه والله
دفشني وطلع برا الغرفه ... مسكت السلسال الي برقبتي وضغطت عليه: مهند متى بدك تيجي وتريحني من العيشه هاي

مرق شهر وانا كل يوم بالجامعه بتخانق مع الدكتور سند... لكن بعض الاحيان كنت بشعر بأحساس حلو وقت الي بشوفه
...اما مهند كان التواصل معه قليل مكالمه وحده بالاسبوع نطمن فيها على بعض ..
قبل موعد قدوم مهند باسبوع
فقت بكير وجهزت اموري
..دخلت على المطبخ وكان الجميع متواجد
فرح : صباح الخير
سحبت كرسي وجلست
ابو مجد: صباح الورد لدلوعتي.. كيف جامعتك
فرح بشرب شاي : منيحه وان شاءالله راح كون الاولى على دفعتي
ابو مجد: الله يرضى عليكي
فرح: بابا مو انا دلوعتك بدي موبايل مثلي مثل باقي البنات تخيل انا الوحيده الي مامعي
مجد بيصرخ: موبايل لا لا والف لا ..
فرح : طيب ليه اعطيني سبب مقنع
مجد بلش وجهه بيقلب احمر من الغضب: راح بلهيكي عن دراستك وانا بحس انه البنت الي معها موبايل مو ولا بد وكلامي مابعيده وسكري على الموضووووووع
ابو مجد : بنتي اخوكي معه حق ونحنا ماعنا بنات بيحملو موبايل
وانا بكسرة خاطر : بس انا
قبل ماكمل مجد بيضرب أيده على الطاوله: خلص سكري على الموضوع.. بابا انا سابقك على السوبر ماركت
طلعت من البيت وانا كرهانه عيشتي لانه كل شي ممنوع ..
وصلت الجامعه ودخلت القاعه لقيت الدكتور سند قاعد على المكتب وعم بيضغط على اصابعه وعاض على شفافه
فرح: تسمحلي ادخل دكتور
سند بيسحب الكرسي للخلف وبيقوم وبيمشي لأتجاهي: ليش متأخره
فرح : لسا باقي وقت على المحاضره
سند بيرفع كم بدلته : شوفي الساعه ..متأخره دقيقه
فرح : تعرف دكتور بدي اريحك سجلني غياب يالله سلام ..
سحبت حالي وطلعت لساحة الجامعه ومن كثر ماكنت معصبه حسيت انه نفسي ماعم يدخل لجوا رئتي بلشت اخذ نفس لكن غط على قلبى ووقعت على الارض
وما وعيت الا وانا مدده على كنبه بمكتب .. وضعت ايدي على راسي واتذكرت الموقف الي حدث معي انا والدكتور سند
..اخذت نفس وقمت .. لقيت شنتتي وكتبي على المكتب
...اخذتهم ومشيت لحتى أطلع واذا بلباب بينفتح.. دخل الدكتور سند وبأيده كوب
سند : واخيراً وعيتي
فرح : عفواً انا شو بعمل بمكتبك
سند بيسحبني من ايدي وجلسني حده على الكنبه ووضع الكوب بأيدي
سند: اشربي كوب الزهورات
وانا بحكيلك كيف وصلتي لهون
فرح : اوكي احكي
سند : وقت الي طلعتي انا لحقتك لحتى رجعك ووقت الي وصلت لعندك كنتي فاقده الوعي حملتك وجبتك لهون ..وجبت طبيب الجامعه وشاف وضعك
..وطمني انه ضغطك نازل شوي
شربت الكوب وتشكرته ومشيت
...ومن وقتا علاقتنا تحسنت مع بعض....
وبلش سند بلاحظ انه عم يشتاق لفرح بكل الاوقات كل ماأجت
على باله زادت دقات قلبه
...وأنا نفس الشي ماكان بيفارق تفكيري ابداً الا وقت الي أتذكر مهند وأحاول ابعد مشاعري واحساسي اتجاه سند لانها بعتبر هل شي خيانه لمهند...لكن مهند ملك نص الاول من قلبي وسند النص الثاني
............
ووقت الي رجع مهند من العسكريه كنت عند باب بيتنا عم أستنى فيه ...ووقت الي نزل من السياره انصدمت من منظره كيف متغير نحفان وسمران وحالق شعره على الصفر ... شافني واشرلي بأيده ..هزيت راسي وبتسمت ودخلت البيت خوف من انه بينتبه حدا علي باز کردن / نظر دهید

2022-05-03 21:42:30 مشيت بسرعه ودخلت القاعه
..وقعدت جنب هند
هند: يخرب فنك صغرتي الشب قدام الكل
فرح : اف مثقل دمو
دخل نفس الشب على القاعه ووقف بالنص : الكل بمكانه ..يالله لحتى نبلش المحاظره ..انا الدكتور الجديد للماده هاي بدل الدكتور ايهم
باللحظه هاي اطلعت عهند
فرح: اكلت هوااا
هند: اعتبري حالك حامله هاي الماده
الدكتور : بدي اعرفكم عن حالي انا الدكتور سند عمري ٣٠ فيكم تحكو اصغر دكتور بالجامعه
عرفوني عن حالكم ..
الكل بلش بيعرف عن حاله ووقت الي اجى دوري حاولت كون قويه وبينله انه مو هاممني شي
وقفت : وانا فرح سنه ثانيه
اطلع فيا نظره تمنيت الارض تنشق وتبلعني
سند: معلش تتفضلي لعندي
بلش قلبي بيخفق بسرعه من الخوف .. مشيت لعندو وحطيت عيني بعينو: نعم دكتور
سند : اعتذري عن التصرف الي بدر منك قبل شوي ونحنا على الدرج
فرح اخذت نفس وابتسمت : مو اسفه لاني ما عملت شي ولي صار كان خارج القاعه يعني مو داخل محاظرتك فهيك ما بحقلك تطلب مني بعتذر
تكتف ورفع حاجبه : بالله ...ممم
تفضلي على مكتب المدير وستنيني هناك لخلص المحاظره لحتى لاقي حل مع قلة ادبك معي
عضيت على شفايفي من جوا لحتى ما ابكي ...اخذت اغراضي وطلعت ..بقيت أستنى في لحتى خلص محاظرته ..ودخلنا لعند المدير وحكاله كل شي ...دافعت عن حالي..
..طلب المدير مني اني ما بعيدها وسامحني هاي المره لانه معروف عني اني الطالبه المتفوقه والاولى في تخصصي
..وكان اهم شي عندي اني ما بعتذر للدكتور الي كان ظاهر عليه الغضب ...ما بلومه لانه شب صاحب جمال وعلم ومال وابن عز وجاه يعني مو متعود انه حدا بيردلو جواب او بيرفضلو طلب...
كان وجهه احمر من كثر الغضب بس هل شي زاد من جماله
طلعنا ومشي قدامي وانا
خلفه وبضحك.. التفت علي ونظر الي من فوق لتحت
سند : مسكينه لسه ما بتعرفي مين الدكتور سند
ومشي ..خفت من حكيو فحاولت اتجنب اني أصدفه خلال باقي الدوام
رجعت على البيت ..والمسا حكيت مع مهند وطمنت عليه وبعدا خبيت الموبايل ونمت...
.........
لكن بمكان ثاني وصل سند للقصر الي ساكن فيه ... نزل من سيارته ودخل لجوا ..لقي الدادا ام كامل بأستقباله
ام كامل : يعطيك العافيه يا ابني
سند بيحظنها : الله يعافيكي
..وين امي
ام كامل : برا بالحديقه مع ابوك
سند بيعطيها الحقيبه : غريبه ابي مروح بدري مو عادته
ام كامل : مابعرف ..شكله في شي مهم ...جوعان بحظرلك الاكل
سند : لا اكلت مع صحابي بعد الدوام
ام كامل : مابعرف ليه هيك تاعب حالك ..هي شركات ابوك اشتغل فيهم
سند : لسه ما عرفتيني منيح انا بحب التدريس كثير والبركه بكنان عم بساعد ابي ووقت الي بحس انه لازم أساعده ما بقصر معه
طلعت لعند امي وابي لكن سمعت حكيهم بدون قصد... باللحظه هاي حسيت انه الزمن وقف... وما استوعبت شي من الحكي الي سمعته ..مو معقول انه هيك سر بيتخبا عنا انا وكنان
#يتبع باز کردن / نظر دهید

2022-05-03 21:42:30 الجزء الاول
(فرح)
خلال الاسبوع كانت لقائتنا قليله ...كنت بلمحه وهو داخل وخارج من بيتهم ... وقبل يوم من التحاقه في العسكريه..

..رن جرس البيت
مجد: فهد افتح الباب
فهد : ااااف .. عم بحفظ بالقصيده خلي فرح بتفتح
ام مجد: فرح افتحي الباب
...فتحت الباب
مهند : مفاجأه
فرح:شو بتعمل هون ...الله يخليك روح قبل ليجي حدا من اخواني
قرب مني وهمس بأذني (بحبك)
احمرو خدودي
واذا بسمع صوت مجد
مجد : مين على الباب ... مهند !!
مهند : كيفك ؟
مجد بيمشي وبيوقف بينا
..وبيوجه حكيو الي: خلص ادخلي لجوى
دخلت
مجد: تفضل ادخل
مهند : حبيت اسلم على والدك وعليكم قبل مابروح على العسكريه
مهند : ادخل الكل جوى
دخل وضل عنا وسهر مع مجد وخالد .. اما انابقيت بالمطبخ اعمل قهوه وبجهز اغراض السهره خلصت من هون.. وركض وقفت ورى الباب لحتى أتسمع على حكيهم وأحاول أسرق النظر لحتى أشوفه ... بعد سهره طويله روح ...
وطول الليل جافاني النوم.. كنت بتقلب يمين شمال ..فجأه خطر ببالي اني بطلع على السطح..
بعد ما تأكدت ان الكل نام
فتحت باب السطح وصرت اتمشى.. بعد ربع ساعه وقفت عند السور الي قبال سور بيت مهند وبلشت أتخيل انه من بعد الليله ولمدة شهرين راح انحرم من شوفة مهند ...نزلو دموعي مثل الشلال وما وعيت الا عصوت مهند..
مهند: يا بنت
رفعت عيوني والتقو نظراتنا وضلينا ساكتين وكانت النظرات كفيله بتحكي كل شي جواتنا
مهند: فروحتي
فرح : يا عيوني
مهند : تسلملي عيونك..خذي (مد ايده وفيها كيس )
اخذت الكيس بصعوبه لبعد المسافه .. فتحته ولقيت بداخله بكيت فتحته واذا في موبايل
نظرت اله بصدمه
فرح: شو هاد
مهند: موبايل لحتى بقدر اطمن واحكي معك وقت اشتاقلك
مديت ايدي بدي رجعو : اسفه مابقدر اخذه بخاف اخواني بلاحظو انه معي والله ليقتلوني ..بتعرف مجد ما بحب انو بيكون معي موبايل
مهند : يبنت انا جبته الك مسمى على اسمك خبي بطريقتك
..يالله عاد لاتزعليني منك ..

وباللحظه هاي اسمعت خطوات رجلين على الدرج
فرح: صوت رجلين ..وين بدي اخبي
مهند : خبي ورى الخزان بسرعه وانا بدي اتخبى
خبته والتفتت لورى والا مجد واقف وراي وعيونه مثل الجمر
مجد: شو بتعملي هون بنصاص الليالي
مشي ومسكني من أيدي:ااه احكي
كنت خايفه وحسيت انه دقات قلبي وقفت : كنت عم عم عم شوف اذا في مي بالخزان لانو اليوم دور المي لحارتنا
مجد بينظر يمين شمال : كاني اسمعتك عم تحكي مع حدا
فرح : لا انا كنت احكي مع حالي لاني خايفه من العتمه ..مجد اترك ايدي بتوجعني
ترك ايدي واكلت بهدله ..وهاد كان اخر لقاء بمهند...ووقت الي فقت الصبح طلعت واخذت الموبايل وخبيته لانه ممنوع بيكون معي .. هيك طبع اخواني متحجرين ...
.........
(مهند)
اليوم التحاقي بالعسكريه ..
كنت عم بودع امي واخوي ودموعي على خدي
وانا بقبل ايدين امي: راح اشتاقلك يا ست الكل ..وانتبهي على صحتك منيح وخذي ادويتك بموعدها
ام مهند: الله يرضى عليك ..لا تاكل همنا راح نقدر ندبر امورنا
..هاي مو اول مره بكون فيها مسؤله عنكم ..ااه الله يرحمه ابوك مات وانتو صغار والحمدالله قدرت ربيكم احسن تربيه
عبدالله : هههه الي بيسمعك بيفكرك كبيره بلعمر ..
مهند : احكي ما شاء الله عمرها بالأربعين ومبينه بنت اربع طعش
ام مهند: هههه الله يخليلي اياكم يااغلى شي عندي
عبدالله : انا بدي أشغل السياره معك دقيقه ولحقني لاني بدي وصلك وأروح على الجامعه ..
طلع عبدالله وقربت امي مني ومسكت ايدي وضغطت عليها
ام مهند : السر الي حكيتلك اياه لا تحكي لحدا الا وقت الي اموت
مهند وانا بقبل ايديها: بعيد الشر عنك يا ست الكل .. وحياتك ما حدا راح يعرف في ..وانتي بس خذي ادويتك بموعدهم ولا تنسي عندك موعد بعد يومين مع طبيب القلب راح ذكر عبدالله
ام مهند : روح يا أمي اخوك عم بيزمرلك الله يحميك
..............
(فرح)
بلش دوام الجامعه وبلشت سنه جديده ..
حظرت اول محاظره انا وصاحبتي هند وبعدا قعدنا بساحة الجامعه
هند: طمنيني بتحكي مع مهند
فرح : مره وحده اول وصوله رن وبالسرقه لأنو ممنوع الموبايلات هناك
هند : اه منيح ..المحاظره الجاي بيحكو انه دكتور جديد راح يدرسنا الماده بدل الدكتور ايهم
ريم : اف ...الدكتور ايهم كثير متفهم وبيساعدنا كثير ان شاءلله بيكون الدكتور الجديد مثلو

قمنا ونحنا طالعات على الدرج اذا بشب يطلب مني افتحلو مجال لحتى يمرق
الشب: لو سمحتي افتحي مجال لحتى نمرق كأنه درج الي خلفك
فرح بعصبيه : امرق مين ماسكك
الشب : لا تعصبيني و
قبل ما يكمل حكي تركته ومشيت
لحقني ووقف قبالي: وقت احكي معك لا تتركيني وتمشي اوكي
فرح بتأفأف بوجهه: ااااف يي علينا.. يأخي بدك تعمل مشكله من لا شيء ..انا مستعجله عندي محاظره ومو فاضيه لتفاهتك باز کردن / نظر دهید

2022-05-03 21:41:18 قصة جديدة : #حب_مزدوج

"قراءة ممتعة" باز کردن / نظر دهید

2022-04-29 21:40:47 رأيكن بالقصة
@Stories_3_bot باز کردن / نظر دهید

2022-04-29 21:40:46 الفصل الاول : فتحت عيونها على الصوت الهامس .. فاتنة .. فاتنة .............. رفعت اللحاف عن راسها واطلعت بالوجه الصغير الى امامها .. شو جميلة .. ليش صاحيه هلأ !! ............. ضمت جميلة لعبتها بقوة وهي بتقول بخوف .. خايفة من العاصفة .. بدي انام جنبك .. بديعة… باز کردن / نظر دهید