Stories 📖

2023-07-03 22:23:37 ريان:بس أنت وياها لسا مانمتو بنوب

روح:بروح ساعتين وبرجع بنام..بتفطر؟

ريان:لأ شربت قهوة بدي أمشي

بيكمل روح التجهيزات وبيحطن بصينية وبيطلع لفوق

بتطلعلو بلانكا:أووه..شو هالدلال كلو

روح:عرسان شو منعمل..

بلانكا:مو خجلان عحالك روح

بيضحك باستهزاء:ليكي مين عم يحكي عن الخجل..لو كنتي بتخجلي ماسمحتي لرجال تاني يلمسك..أو تروحي عالمحكمة وترجعي عالبيت أجباري عني..لو عندك ذرة خجل..بتمشي من هالبيت يلي ماحدا متقبلك فيه

بيتركا عم تشعل نار وبيفوت لعند ريحان..

كانت عم تحاول تعمل شي ومو قادرة

روح:بدك شي؟

ريحان:وااو..والله طلعت بتعرف تعمل فطور..

روح:طبعاً..يلا تعالي

بيحطن عطرف طاول كان جنبها كنبة..بيقرب وبياخد الكرسي يلي مقابل التسريحة

روح:بتقدري تاكلي بأيد الشمال؟

ريحان:رح حاول..

روح:بس بيقولو مكروه ها

بتطلع فيه وبتكتم ضحكتا بالويل

روح:يعني إذا بتحبي فيني ساعدك..كرمال ماتعملي شي مكروه

ريحان:بس يعني أنا مضطرة

روح:براحتك..

بترفع التوست وبتعطيه ياه:بس هيك أفضل

بيمسكو منها وبيطعميها..وهي بتشرب الحليب..بينتزع طرف تمها (مربى) بيمسحلا ياه بطرف أصبعو..وبعدا بيقربها من تمو وبياكلها

بيلاقي وجها صار أحمر من الخجل

ريحان:أنا شبعت..

روح:مالحقتي

ريحان: من النعس يعني مالي نفس

روح:بس لازم تشربي كاسة الحليب..الدكتور حكا لازم تشربيه كتير

بعد ماتشربو بتحاول تقوم

روح:تمام تعي لساعدك

بيقومها وبيشلحا الجاكيت

ريحان بخجل:بقدر كمل لحالي

بيقرب أيدو ع عيونها وبيمسح عليهن..كان لسا علامات البكا عليهن..منقوش فيهن العروق الحمر ..حولين البؤبؤ الأسود.. منتفخين بشكل واضح

روح:لاعاد تبكي لهلدرجة..

ريحان:يمكن يخفف عني..

روح:بس ليكي كيف صارت حالتك..رح جبلك المسكنات لازم تنتبهي ع أدويتك..حكالي الدكتور السكر كان مرتفع وإذا رجع ارتفع رح يضرك بزيادة..حاولي لابقى تتوتري وانسي كلشي

ريحان:إن شاء الله

بيطلع روح ليجيب الدوا وبصعوبة بتغير ملابسها بيجي بيدق الباب

ريحان:تفضل

بيعطيها الأدوية..وبيسطحا بسريرها وبيغطيها منيح..

روح:نامي..

ريحان:رح تبقى هون؟

روح:أي عندك مانع؟ولا خايفة مني؟..اطمني إذا بدي أأذيكي باذيكي وانتي صاحية

بتتزورو وبتغمض عيونها..وبعد وقت قصير بتستلم للنوم..

بيسحب الكرسي وبيحطو أمامها..

روح:ريحان..ريحان؟نمتي؟

لما بيتأكد أنها نامت..بيتأمل ملامحا

روح:أديش حابب أكرهك..قلبي واجعني وماعم أعرف علاجو..بس متأكد فراقك رح يكون وجع أكبر عليه..ماعم أقدر اتناسى الموضوع،ولا عم أقدر أتأكد أني لسا بحبك..صرت متناقض متلك تماماً..وماعم أعرف شو بدي

بيبقا عهالحالة شي عشر دقائق بعدا بيتركا وبيروح عشغلو

بيتقابل مع أبوه وبيخبرو كلشي..ريان كان متسامح اكتر من ابنو بكتير..وطلب منو يهدا ومايتصرف بسوء مع ريحان

بعد كم ساعة بيرجع عالبيت

بيطلع ليطمن ع ريحان..بيسمع صوت بلانكا و الفضول بيسحبو ليقرب عغرفتها

بلانكا كانت عم تحكي بالتلفون:أنا عم حاول صلح وأنت بدك تخربا من جديد..قلتلي سافرت وبعدت شو لسا بدك؟ديفيد طلاع من حياتي

ديفيد:رجعت وبدي شوفك..بدنا نرجع علاقتنا عم تسمعي

بلانكا:علاقة شو؟علاقتنا انتهت..واتفقنا عهيك..بسلمك ريحان بتحل عني،ليش رجعت هلأ؟

ديفيد:شتقتلك...شو منعمل؟

بلانكا:لأ..انتهينا

ديفيد:جايبلك شي رح يعجبك كتير..تتذكري سهراتنا أيام الجامعة؟

بلانكا:....

ديفيد:فكري منيح قبل ماتعطيني جواب..جايبلك ياه من النوع التقيل

بلانكا:بودرة؟

ديفيد:كلشي بيجي ببالك موجود

بلانكا:رح فكر

ديفيد:إذا ماجيتي ..رح خبر روح أنو أنا الشخص المجهول يلي بحياتك وعلي وع أعدائي

بلانكا:مارح تتغير

بيسكر بوجها وهي بترمي التلفون وبتتسطح وعم تفكر

روح:مستحيل..ماأوسخكن

بيمشي ليفوت عند ريحان ،بيدق الباب..

ريحان:تفضل

بيفوت روح بيلاقيها عم تحكي مكالمة صوت وصورة مع أمها وخالها

روح:بجيكي بعد وقت..

ريحان:لا رح سكر خلصنا حكي

يونس:روح؟كيفك

بيخجل روح وبيقرب ليسلم:أهلاً خال..الحمدلله بخير

يونس:الله يجزيك الخير..حكتلنا ريحان أديش وقفت معها..بتشكرك كتير

منتهى بضيق:يعني زوجها..طبيعي يعتني فيها ويحميها

ريحان بضيق:أمي..

منتهى:شو حكينا؟غلط يعني؟

روح بيكتم أعصابو..بيحترم عمرها وبيحترم أنها كانت بيوم زوجة عمو

روح:كيفك مرت عمي

منتهى:من الله بخير

ريحان:أمي..بترجاكي

روح بيتطلع فيها بمعنى(أهدي مايهمك)

يونس:روح..حابب أحكي معك لو سمحت عطرف

روح:أي أكيد

ريحان:خالو لشو عم تخطط؟

يونس:ريحانة خانم ماتدخلي بكلام الرجال

بتدايق منتهى وبتطلع من الغرفة وبيسكرو الكاميرا وبيطلع روح عالشرفة

يونس:ماصار فرصة وحكينا..بعد ماعرفت بزواجكن

روح:كلشي صار بسرعة

يونس:مو مشكلة..ربي يباركلكن..بدي حاكيك هالكلمتين ياروح وبتمنى ماتدايق أو تفهمني غلط

روح:أكيد تفضل باز کردن / نظر دهید

2023-07-03 22:23:36 روح:fell to the ground (سقطت على الأرض)


الطبيب:everything will be alright (سيكون كل شيئ على مايرام)

ريحان بتبعد للخلف:روح..بترجاك لأ..عم توجعني كتير

روح:أهدي بس رح يفحصا..

بتبعد نظرها عطرف

الطبيب:you can help (بإمكانك المساعدة)

بيقرب روح..وبيمسك أيدها التانية ليدعمها
وأول مايلمس الدكتور أيدها

وأول مايلمس الدكتور أيدها بتتألم بيقربها روح لحضنو أكتر..

روح:رح يكون كلشي بخير لا تخافي

بيطلب الطبيب يعملو أشعة مباشرةً..شاكك أنها مكسورة

وبعد وقت بيكتشف الدكتور أنو في كسر بسيط جداً بس لازملو جبيرة

ريحان:شو؟يعني رح يوجعني صح؟

روح:أهدي رح يحاول يرجعها هو لأن مافي داعي للجراحة..ولا بدك عملية؟

ريحان:لأ لا...روح بترجاك بيكفيني وجع

بيحضنا بقوة..وبيهمسلا:كيف قدرتي تخطفي قلبي هيك؟كيف أنتي مميزة عنهن كلهن..كلشي عشتو بحياتي بكفة..والأيام يلي عشتن معك بكفة..

بيحس انشدت قبضتا عليه يمكن تألمت بس بقيت ساكتة

روح:حبيتك..أي حبيتك وماكنت اعترف لنفسي(بترجع بتهدا ريحان)،ولا انتي عترفتي..لأنك عنيدة..قوية..متناقضة

ريحان:ياأمي

انتهى الدكتور..بيبعد عنها روح وبعد مايظبط الوضع ويكتبلا علاج بيمشي الدكتور كانت لسا متخدرة بكلماتو

ريحان:شكراً ألك روح

روح:عم نتعلم نجرح ونداوي..عقبال الناس التانية يعرفو يداوو

ريحان:عم نقول شكراً...يعني مافي داعي كان تستغل الوضع وتقرب مني هالقد

روح:شو منعمل؟لو ماالدكتور قلي..ماكنت رح قرب

بيبرملا ضهرو وبيبتسم بدون ماينبها وبيطلع من الغرفة

ريحان بتعصب منو كتير:وين رايح؟انتظرني عالأقل؟

روح:ناطرة أحملك يعني؟الدكتور حكا مافيكي شي شغلة شهر وبتطلعي خالصة

ريحان:بعيد الشر عن قلبي

روح:نيتك عاطلة..بقصد الجبيرة بتكون خالصة

بياخدها عالسيارة

ريحان:وهلأ لوين؟

روح:عالملاهي..يعني لوين ريحان؟عالبيت

ريحان:عند بلانكا؟

روح:لا إله إلا الله...أي عند بلانكا..وبتسكتي ومابتحسسيا بأي شي

ريحان:ليش؟

روح:ريحان ركزي منيح..ولا بس بتعرفي تخططي لحالك؟

ريحان:وبعدين معك يعني؟نخرت عضامي بكلامك..غلطنا ومنك السماح...كتر خيري اعتذرت

روح:ماعتذرتي

ريحان:كيف؟مبلا عتذرت

روح:ماسمعتا..

ريحان:الموقف صعب لهيك بكون نسيت..

روح:أي بس ماعتذرتي..

ريحان:لك منعتذر..منيح هيك؟

روح:منتركها للزمن

بتاخد نفسها بقوة لتهدا

بيوصلو عالبيت كان صار الصبح وبلانكا صحيت..ومابتشوفهن بالبيت بس بتشوف ريان

بلانكا:صباح الخير أنكل

ريان:صباح النور

(كان واضح هدوء روح آخدو من أبوه..بس ريان أهدا اكتر)

بلانكا:ااا..نمت كان روح بالغرفة وهلأ لأ..بتعرف وينو؟

بيسمعو صوت الباب انفتح..بيقومو سوا ليشوفوهن فايتين مع بعض وبيشوفو أيد ريحان

ريان بقلق:بنتي؟شو صار؟

روح:مافي شي خطير..

ريحان:لاتقلق عمو وقعت عالأرض وأيدي نبرمت بالغلط وانكسرت

ريان بحزن:سلامتك ماتشوفي شر

بلانكا:روح..وين كنت؟

بيتجاهلا تماماً

روح:ريحان تعالي طلعك لفوق

ريحان:تمام
بيطلعو سوا من جنبها وهي بتموت قهر..وريحان عم تتمايل جنبو جكر فيها

أول مايوصلو لفوق بيبعد عنها

روح:فيكي تمشي لحالك بظن رجليكي مافيهن شي

ريحان:عفكرة أنت يلي قربت مني

روح:أي لأن مابدي شوف خلقتا

بتتنرفز منو وبتفوت عغرفتا وبتخبط الباب بقوة وراها

بيوقف أمام بابها منرفز..بيسمع صوت خطوات بلانكا خلفو

بلانكا:شو بلاقيك وحدك؟شايف كيف مالك غير غرفتنا..

بتفتح ريحان من خلفو:روح..ليش مافتت ناطرتك

بتستشيط بلانكا من الغيرة..

بيبرملا ضهرو وبيفوت لعند ريحان وبيسكرو الباب

روح بيهمسلا:برافو عليكي..هلأ صرتي تفهمي علي

ريحان:أي يعني اتفاقية مو اكتر

روح:أي لازم ابقى هون

ريحان:رح تنام كمان المسا هون؟

روح:بدك ياني نام جنبها؟

ريحان:لأ طبعاً..يعني مو مشان شي...بس يعني أنت مارح تتحمل

روح:والحل؟

ريحان:بتنام عالكنبة تحت

روح:مارح تتركني بحالي..أكيد آخر الليل رح تنزل لعندي..هي غير رح تصير تقول أنو أنا وأنتي متزاعلين

ريحان:وكيف رح ننام بنفس الغرفة وعمي شو رح يقول عننا

روح:لك انتي مرتي

بتسرح فيه بعد هالكلمة..وهو بيبقى عم يتطلع بعيونها

روح:شو رأيك ناكل؟بعدين منحل السيرة

ريحان:أي بس هلأ ماعاد في أكل طيب من بعد ماصار هيك فيني

روح:يلي بيسمعك بيقول أني كنت بدونك ميت من الجوع

ريحان:والله هيك شي..شو نسيت كنتو مقضينها ديلفري

روح:مفكرتيني مابعرف أعمل أكل لحالي؟

ريحان بتتقصد تغيظو:لا طبعاً

روح:ماشي ياريحان..استني وشوفي

بينزل لتحت وبيبلش يجهز فطور بيفوت ريان

ريان:شو صاير روح؟أحكيلي..

روح:انكشفت كل الأسرار ..عصبت شوي ولما قربت مني دفعتا وهيك صار

ريان بعصبية:مديت أيدك عليها؟أنت صار لازمك ترباية من أول وجديد

روح:أهدا أبي مابقصدي..

ريان:ليك روح..بنت أخي بأمانتي..إذا مفكر مالها سند بتكون غلطان

روح:أي لاتخاف..مستحيل أأذيها

ريان:ولو شو ماعملت فيك..بتجي بتحاكيني ألي..

روح:مافينا نحكي هون،بلانكا ممكن تسمع،بحكيلك بالشركة باز کردن / نظر دهید

2023-07-03 22:23:34 بيتطلع بعيونها:مو بأيدي...هو ضربتك كانت الأقوى لأني بحبك اكتر من الكل

ريحان:لأ كرهني ماتحبني..أنساني رح أترك كلشي وأمشي،لتعيش حياتك مرتاح،وإذا بدك ابقى لترد وجعك أنا قبلانة بأي شي بتخترلي ياه

روح:رح تبقي..رح نرجع عالبيت

ريحان:وبلانكا؟

روح:مدايقك وجودها؟خليكن سوا..

ريحان:مابقدر..بترجاك

روح:خايفة منها؟

بتطلع فيها بغيظ:أنا خاف منها؟خايفة ارتكب فيها جريمة

روح:منيح كتير وبتخلصو ع بعض..وهيك بيرجعلي حقي

بتتفاجئ بكلامو

روح:هاتي المفتاح..خلينا نروح عالمشفى

ريحان:مو قبل ماتوعدني ماتقرب عليهن

روح:بدك أتركن هيك؟

ريحان:طلق بلانكا..وديفيد تركو كمان وبعد عنو..لاتنسى أنو ربنا عقابو أشد من عقابك،صدقيني رح ياخد حقك وأكتر ماتتوقع..شفت شو صار فيني؟لو بتعرف شعوري لحظتا،كنت قرفانة من حالي ربي عاقبني بديفيد..وهو يلي أنقذني منو ومابتعرف شو بيصير بالأيام

روح بهدوء:لأ...الله يبعد عنك كل شر..

بتطلع فيه وبتسرح..

روح:مارح أقدر أتحمل شي يأذيكي..

بعد ماهديت ووقفت بكا،رجعو لمعو عيونها بالدمع

روح:هلأ عم فكر فيها..المناقصة ولا أنتي..أكيد أنتي،حتى يمكن أنا السبب بيلي صرلك..يعني لو مايلي كان اسمو صديقي..ماكنتي عشتي هيك

بتقرب لعندو وبتحط أيدها ع وجهو

ريحان:ماتكون هيك..كرمال الله اقسى عليي شوي

روح:اكتر من يلي صار اليوم..ماعاد بقدر أأذيكي..غير أني طالعك من قلبي

بيوقف عرجليه وهي بتأعد بالأرض موجوعة..هلأ بهالكلمة بس ستوعبت حجم خسارتا،كانت مفكرة عادي..رح تعدي عخير ومارح تتعذب إذا تركا،بس كلمة وحدة كسرتا هيك

بيكمل روح:بتبقي ع اسمي زوجة كرمال الإقامة وبس

ريحان:....

روح:ديفيد..رح احكي للمحامي وهو إذا بيلاقي طريقة نسجنو فيها مارح قصر..ورح شوه حياتو على يلي عملو معك

بيسكت لحظات وهو يمشي بالغرفة رايح جاي

روح:بلانكا..رح ندما عاللحظة يلي فكرت فيها تخوني..وتأذيكي بس..مو هلأ،وكلشي بوقتو حلو

ريحان:تمام..معك حق،بس ياروح..تقرب من رب العالمين وأوعك تبعد عنو..لأن طريق الإيمان عطول فيه نور لتشوف..أما أنا مشيت بطريق معتم..وليك النهاية

روح:وبقيت أمك..

ولحظتا بيغص قلبها وبتوقف عرجليها أمامو..بتقرب منو وعينها بعينو،بيتذكر نظرتها القوية يلي كانت ملازمتا أول ماتقابلو..

ريحان:أوعك..تفكر حتى تفكير ياروح تقرب من أمي..ليك أنا قدامك عمول شو مابيحلالك فيني..خود حقك مني بس لاتقرب منها

روح:هالقد خايفة عليها؟

ريحان:كل الحدود تخطاها معي،إلا أمي...لو شو ماعملت،هي هيك طبعها هي هيك تفكيرا شو منعمل؟ماهي يلي قالتلي روحي انتقمي..أمي ماخططت معي ولا بشي

كان الألم باين بعيونها من أيدها بس عم تكابر

روح:يعني عندك استعداد لكلشي بدي أعملو؟

بتسكت وبتنزل راسها بأسى..
بيقرب منها بجرأة ليرفعلها راسها ويقرب منها..بيشم ريحتا وريحة شعرها ..بيرفع أيدو وبيمسح بطرف أصابعو ع عيونها وخدوها..وشفافها

كان قلبها عم ينبض بسرعة،خايفة يكسر قلبها وماتقدر تمنعو

بيتجرأ أكتر ب قبلة حب من جواتو..وكان عارفها رح تكون عقاب بالنسبة لريحان

بينتبه كيف واقفة وبدون حركة..ليحس بدمعتا عخدها

بيبعد عنها لياخد نفس ويحاول يهدي أعصابو

روح:إذا مابتعطيني المفتاح..مارح يحصل خير..خلينا نطلع من هالمكان أفضل مانبقى وحدنا

بتأشرلو ع مكان مو مخبيتو بيقرب بياخدو

ريحان:بدي حط الحجاب...فيك تساعدني؟

بيقرب بياخد منها ربطة شعرها وبيحاول يلمو بصعوبة

روح بيتوتر:ماعم ينكمش معي..

بتحاول تساعدو بأيد وحدة بعدا بيحطلا الحجاب وبيمشو

وبيفتح الباب..بيطلع وهي وراه

روح بياخد نفس عميق وبيبرم لعندا:ليش لسا عم تبكي؟شبك هي بعدت عنك

ريحان:لأ..مو هاد السبب..أيدي

بيتطلع عليها ليلاقيها انتفخت..

روح بخوف:لك..ليش ماعطيتيني هالمفتاح من الأول..كيف ساكتة عن هالألم..

ريحان:ماعاد أقدر كنت عم حاول هلأ لأ

روح:يلا امشي فوراً عالمشفى

بيطالعا بالسيارة وبينزل فيها عن الجبل..بيقطع المكتب ليشوف أنذار من صاحب البيوت من خلفو

روح:لك..اااخ نسيت أنزل أعطيه المفتاح

بينزل ركد بيعطيه وبينهي الآجار وبيرجع لعندها

بيلاقيها نزلت راسها ع مقدمة السيارة

بيقرب وبيحط أيدو ع راسها:ريحان..أصحي..عم يزيد الألم؟

بترفع راسها وبيكون وجها منتفخ من البكا

ريحان:عم يزيد كتير،حاسة عم يوصل لنص قلبي

بيقول جواتو بدون ماينطقها(ريت الألم لقلبي..)

بيمشي بسرعة وبيتوجه ع أقرب مشفى..

روح:عم تحسي بدوخة؟

ريحان:أي

روح:أهدي وصلنا...

بينزل من مكانو بتحاول تنزل بتلاقيه صار جنبها،بتتفاجئ لما بيحملا بين أيديه

روح:انتبهي عليها..خلص أهدي رح تطيب لاعاد تبكي

بتركي راسها عكتفو وبتاخد نفسها من طرف عنقو..بتغيب عن الدنيا لحظتا وهي عم تشم عطرو الدافي..وكأنو مخدر عن الألم يلي عم تحسو

بيعمل الأجراءات اللازمة وبيدخلوهن ع غرفة صغيرة لبينما يجي الدكتور ويفحصا

بيسطحا عطرف السرير لحظات وبيفوت الدكتور..
الطبيب:?What happened (ماالذي حدث؟)

بيتطلع روح بريحان باز کردن / نظر دهید

2023-07-03 22:23:34 #ريحان_شرقي
#سارة_العلي
#الجزء_الثامن

روح:لك شو بدك تكفي..شو لسا باقي..والله لأشرب من دمو لهالواطي

ريحان:سمعني..حاولت أعمل مخطط تاني،بما أنو مابقدر أتراجع لأنو هددني كتير..خبيت الأوراق بغرفتي ولما فات عغرفتك دليتو عمكانن ومالاقاهن

بتسكت ريحان وماعاد قدرت تكفي

روح:وكيف لاقاهان؟

ريحان:والله ماكنت بدي أعطيه ياهن..والله كنت مخبيتن عنو ياروح صدقني

بيوقف أمامها:أحكي..كيف لاقاهن

بتقوم لعندو وبتوقف أمامو وعيونها حمر من البكا:كنت بدي أعمل كلشي لصلح غلطي..بس آخر شي كنت متوقعتو أنووو..

روح:أنو شو طلعتيلي روحي احكي..

ريحان:أنو يخيرني يابعطيه الأوراق..يابسلمو حالي

روح بصدمة اكبر:شو...أنتي وين وصلتي حالك..لك والله لموتك ياديفيد...

بيتوجه عالباب بيفتحو ليلاقيه مقفول

روح:قفلتي الباب؟انتي قفلتيه؟

ريحان:أي..مابتطلع لكفي كلامي..

روح:هاتي المفتاح ريحان،عطيني ياه احسن ماطلع غضبي كلو فيكي..

ريحان:لأ..مابعطيك ويلي بدك تعملو فيني عملو

بيبرم راسو عموبايلو يلي عالكنبة بس ريحان كانت أقرب عليه بتمسكو وبتركد عالشباك لترميه لبرا بعيد

روح:لك شو عملتي

ريحان:مارح اسمحلك تأذي حالك

روح بيضحك باستهزاء:أأذي حالي؟ماكلكن أذيتوني..شو فيا إذا أذيت حالي أنا كمان..

ريحان:أقسم بربي انجبرت ياروح..حاول يلمسني وانجبرت أعطيه ياهن..

روح:وماأحلاكي تسلميه حالك..بس لو من الأول ماخبصتي مابتوصلي لهون

ريحان:أخدتو عالغرفة،وعطيتو الأوراق..واتصلو وعطاهن المعلومات وخلاني رجع الأوراق عمكانهن لحتى ماتحس

روح:الكاميرات؟كانو مقفولين أنا فحصتن ومالقيت ولا لقطة

ريحان:يلي قفل باب البيت علي..نفسو يلي وقف الكاميرات

روح:مافهمت؟

ريحان:حاول يرجع يقرب مني،وخبطتو ع راسو بشي وهربت لتحت،كان بدي أهرب من الباب وكان مقفول..وهربت عالصالون لانزل من الشرفة بس ماقدرت حاصرني الحقير...بسس

بيقرب لعندها وبيمسكا:بس شو؟شو عملك..؟جاوبي أعصابي تلفت نطقي

ريحان:مستحيل يكون لمسني..غميت بس والله حاولت ياروح وربي حاولت اتماسك لدافع عن حالي بس مو بأيدي غبت عن الوعي..بس مالمسني أنا متأكدة..هرب بيوما يمكن من الشرفة

روح:مين يلي قفل الباب؟

ريحان:بلانكا...قفلت الباب باتفاقية معو،ووقفت الكاميرات قبل بكم يوم،هي خبرتني اليوم لما كانت شربانة شي وعم تفقد تركيزا..بس ماكان مخبرها أني متفقة معو عالمناقصة..ووقتها أنت انقذتني وتقربت مني..وعمي رجع،وتغير كلشي ونكشفت الحقائق..وفتحت عيوني لقيت الدنيا خربت بسبب عمايلي وماعاد قدرت صلح شي..وكل يلي بدي ياه وقتا أني أبعد..

بتكمل ريحان:اليوم قالتلي بلانكا خليه يكرهك وإلا رح خبرو حقيقتك..قلت جواتي بسيطة جداً...لمجرد خبرك الحقيقة رح تكرهني..ولهيك..قلتلك ياها..ياريتني بقيت بكرهك من بعيد ولا قربت وحبيتك

بيبتسم بسخرية..ماعم يقدر يصدق

روح:بتحبيني وعملتي كل هاد؟إذا جد بتكرهيني شو بتعملي؟

بتسكت وبتبقى عم تبكي بصمت

فجأة بتفزع من صوت صرخاتو وهو عم يكسر كلشي بيشوفو أمامو بيرفع كرسي وبيرمي عالجدار ليكسرو بالكامل..

بتقرب منو لتحاول تهديه

ريحان:كرمال الله ياروح أهدا..نحن مامنستاهل ألمك كلو

روح:مابتستاهلو لأ...لك مابتستاهلو محبتي ألكن ولا ثقتي فيكن ولا وفائي ألكن

بتحاول تقرب وتلمسو ليدفعا بقوة بعيد عنو وبتوقع بالأرض

بتصرخ بألم نزلت عطرف أيدها

بيقرب منها بلهفة

بيتطلع عليها بطرف عينو..كانت عم تتألم بصمت وماسكة أيدها..بينزل لعندها عالأرض

روح:ليش قربتي مني؟لك ليش قربتي قلتلك رح أأذيكي..

ريحان بألم:امممم...

لسا عم تبكي بس من ألم أيدها

بيحاول يمسكلا ياها وأول مايلمسا بتصيح بقوة

ريحان:ااااه...لاا لا روح بترجاك

روح بعصبية:طيب أهدي..وين المفتاح؟يلا لازم نمشي من هون

ريحان:لأ

روح:لك شو لأ؟مو شايفة أيدك يمكن نكسرت

ريحان:أيدي مو اغلى من قلبك..مو اغلى من جرحك .. روح ياريتني موت أهون عليي من ألمك..شايف هاد الألم يلي بأيدي..مابيساوي شي مقابل الألم يلي تسببتلك ياه

روح:وليش عملتيه؟

ريحان:والله غصب عني..ماكنت عم أقدر شوف الصح من الغلط

روح:عطيني المفتاح وبعدين منحكي

ريحان:لأ

روح:لك ليش؟

ريحان:رح تروح لعند بلانكا وديفيد...أنا بعرف

روح:ورح موتن بأيدي كمان بس مو هلأ

ريحان:كيف يعني؟وتفوت السجن

روح:بيكون اكتمل انتقامك

ريحان:كرمال الله بيكفي..صابني مرض السكر،وأمي كذبت علي لسنين،وبالاخير تزوجت..وبعدا بتعامل مع انسان كان رح....

بتسكت وماعاد تقدر تكمل...

روح:ايي..قولك رح أقدر أغفرلك؟

ريحان:لأ بدي تعيش حياتك وتطلب من الله ياخد حقك مننا الله ياخد حقك مني ياروح بأغلى ماعندي

بيقرب منها وبيضم وجها بكفوف أيديه

روح:لك هسسس سكتي أنتي شو عم تخبصي

ريحان:ماتروح هلأ..بس تهدا

روح:وأيدك؟مارح قرب منهن..عطيني المفتاح منروح عالمشفى مابيصير تبقي هيك بترجاكي

كانو عيونو عم يحكو خوفو عليها

ريحان:بعد كلشي صار،وكلشي حكيتو،لسا خايف علي باز کردن / نظر دهید

2023-07-03 22:23:33 روح:لأ....مستحيل،لأ ماتكملي

ريحان بتعلى شهقاتا:وقررت نفذ انتقامي..أنت حكيت مابيهمك المال..وقلت لاتأكد..المال يلي روحتوه ع أبي لازم تجربو الشعور

بيقرب منها روح وبيمسكا بقوة من كتافها بيسحبا لعندو لتوقف أمامو وبيهزا:لك نحن ماعملنا شي لأبوكي..لك نحن بحياتنا ماأذيناكن

كان صوتو كتير مرتفع وعم يخوفها بزيادة بس رح تكمل...مارح توقف

بيهز راسو بالرفض..كان عم ينطعن منها سكين ورا سكين وأمام عينو..برميها عالكنبة وبيبعد عنها

ريحان:بدل ماألجأ لربي..بلشت بالخطأ..

روح:وأنا كنت مفكرك ملتزمة وبتصلي ومابتغلطي..أنتي يطلع منك كل هاد

ريحان:بترجاك روح...أنا تعاقبت بما فيه الكفاية

روح:شو عملتي؟لمين عطيتي المعلومات احكي...لك ماكنت متوقع انتي ولا مجرد تفكير مافكرت

ريحان:بيوم الحفلة التنكرية،بعرف كان في مشاكل بينك وبين ديفيد..بعتلو من رقم غريب أني رح أعطيه المعلومات

بيصرخ فيها روح:لك لااا..لا لاا..أنتي غبية..لك غبيةةةة

بيسحبا من مكانها وبيخبطا بالجدار وعيونو متل الجمر

روح:انتي شو؟لك انتي شووو

بيقبض عأيدو بقوة وبيرفعا بوجها بتغمض عيونها وبتشيح بوجها عنو ليخبطا عطرف الجدار بقوة مرتين

بينزل منها الدم..وريحان بتهوي عالأرض وهي عم تبكي

بيبرملا ضهرو وبيمسك راسو بأيديه..حاسس رح ينفجر

روح:كملي

ماكان عم يسمع غير شهقات

بيصرخ فيها:لك كملي...كملي

ريحان:دغري قدر يعرف مين صاحب الرقم..وواجهني يوم الحفلة

روح عم ياخد نفسو بصعوبة:مستحيل..لك أنا يلي غبي،عم تستغفلوني..لك عم تستغفلوني وأنا مغمض

ريحان:كنت معمية..لحظتا حاولت أنكر أرفض أعمل أي شي..حكالي ماعاد فيني أتراجع..وأنو بالرسالة يلي بعتلو ياها فينو يسجني

روح:وأنتي غبية وصدقتيه..لك كنتي تعي احكيلي..لك كان لقينا مية حل

ريحان بعصبية:وحق أمي؟؟

روح:لك أنو حق..أنتي مابتفهمي؟

ريحان:أي...مابفهم،كنت مو فاهمة شي غير بدي برد قلب أمي ..ماكنت بعرف الضربة الأقوى رح تجي منها

روح:معك حق..الضربة الأقوى مابتجي إلا من الشخص الأقرب

بتغمض عيونها بأسى وبتنزل نظرها للأسفل..

ريحان:طلب يجي ياخدهن من البيت يوم الاجتماع

روح:طبعاً لحتى ماشك بشي،بيقدمو المعلومات باللحظة نفسها،لحتى مالحق وأعرف الأوراق مختفية من البيت

ريحان:بوقتا أجتني مشكلة الجامعة..يلي كتشفت أنو بلانكا كانت وراها

روح:شو تفضلتي؟مافهمت..

ريحان:بلانكا كرمال أمشي من هون دفعتلن مصاري ليوقفولي منحتي..وأنت قلتلي ختاري..وكان زواجنا بنفس اليوم يلي رح يكون فيه الاجتماع...وياأما بسافر..أو ببقى وبنفذ خطتي مع ديفيد

روح:لسا عم تحكيها بعين قوية؟لك أنتي مابتخجلي؟

ريحان:شو ماحكيت حقك

بيقرب لعندها:طبعاً حقي..لك أنا إذا بموتكن كلكن بين أيدي بيكون حقي

ريحان:صح...ياريت موت..وينتهى هالعذاب يلي جواتي

روح:كملي..بيكفي تمثيل

بترفع عيونها لعيونو بينجرح قلبا من كلمتو،بس بتقول لحالا..شو ماحكا عنها قليل بعد عملتها فيه

ريحان:قررت ابقى..ونتزوج،وأجا ديفيد عالبيت قبل مابانة تروح لعند بلانكا ..كرمال موضوع المحكمة يمكن،بس بلانكا كانت متفقة مع ديفيد...

روح:كرمال شو؟

ريحان:لابقى وحدي بالبيت

بيفتح عيونو عآخرن..وبيقرب لعندا بيسحبها من أيدها:أجا لعندك؟وفات عالبيت...شو عملك..لك نطقي..لمسك هالواطي؟

بتبكي بقهر

روح:بهداك اليوم جينا وكان مغمى عليكي..صح..

ريحان:خليني كفي بترجاك
يتبع باز کردن / نظر دهید

2023-07-03 22:23:31 كان في نسيم بارد..بترفع راسها للسما،كان يادوب عم تتبدل للون الأزرق الفاتح..ورايح يصير الفجر

بيفوتو عالبيت..وبيتوجه أول شي روح ليولع الدفاية لأن واضح الجو بارد

بتمسك المفتاح وبتقفل الباب..وبتخبيه بمكان بدون ماينتبه روح

وبتأعد بأبعد نقطة عن روح

روح:وهيك شغلناها

بيبرم بيلاقيها آعدة بالزاوية

بيبتسملا وبيقرب منها:هديتي؟بتحبي نبقى كم يوم هون لترتاحي

ريحان:يمكن أنت ماتريد تبقى معي هون

بيرد بيبتسملا:ليش بتفكري فيني غلط..لو بقدر ابقى معك العمر كلو هون..لحالنا أنا وأنتي مابقول لا

بتبتسملو بعيون عم تغزل حب،بيقرب منها وبيسحب الشال عن راسها،كانت ريحتو مخدرتا بالكامل..ماعاد قدرت تسيطر ع مشاعرها بين أيديه..بيقرب وبياخد نفس عميق من طرف عنقها

بعد لحظات بيرفع راسو وبيطبع قبلة حب بتخليها تدوب بين أيديه

بيبعد عنها شوي لياخد نفس ويهدا

روح:بعتذر..

وردو خدودها بقوة،وماعاد تعرف شو تعمل

ريحان:عادي..تعودت عليك وأنت تصعبا علي أكتر

روح:مافهمت..

ريحان:بكلشي،كل ماخطط لشي،أنت تفاجأني بشي وتخليني استصعب الموضوع أكتر

روح:...فيكي تحكي يلي بقلبك عم اسمعك

ريحان:أوعك تقاطعني

بتسكت ومابتقدر تحكي

بيقرب منها وبيضما

روح:أحكي هيك..يمكن رح تتشجعي اكتر

بتضمو بكل قوتها وهالشي بيأكدلو كمية وجعها

بترجع لخيالها لبعيد كتير لسنين بعيدة مرت

ريحان:وعيت عالدنيا،مع أمي وخالي،كانو كتير متناقضين وكتير يتخانقو،بس هنن أغلى شي عندي بعد مابابا تركني..كل طفل بيتربى ع أساس..كان الأساس عنا مختلف بصحا ع دموع أمي وبنام ع دموعها،كلشي منملكو مابيعجبا،لا البيت ولا الأثاث ولا حتى الملابس..ربتني ع كلمة(لو ماعمك..كنا بمكان تاني هلأ)

بيسمعا للآخر..كان عارف شوي عم مرت عمو من أبوه

ريحان:كنت صغيرة وماأفهم عليها شو قصدها..لكبرت وهي عم تقلي (عمك مابيساعد أبوكي مع أنو وضعو أفضل مننا...عمك ماعم يسأل عنك)لما كبرت واسمع أنو عم يتصل فيني تقلي معقول تقبلي تحاكيه بعد كلشي عملو فينا..وشو يلي عملو فينا؟صار لازم أعرف..لأني كبرت..كنت فكر حالي كبرت بس بالحقيقة..الوجع يلي حملتني ياه أمي أكبر من عمري..حكتلي أول شي عن كره عمي ألنا..حكتلي كيف عمي رفض مشروع مهم بحياة أبي..وكان أبي يسمع كلامو بكلشي لأنو بيثق بقراراتو..وهاد المشروع كان كفيل أنو يعيشنا عيشة كريمة ومتل كتير ناس

روح:آسف بدي قاطعك..حكالي هالشي بابا،بس بأكدلك كان المشروع فيو حرام..لهيك رفضوه سوا..أبي وعمي..كملي

ريحان:لينفتح علينا باب جديد..(عمك قتل أبوكي)


بيبعدها روح عن حضنو:كيف؟شو قلتي..؟

ريحان:بابا مريض سكري..وعمو جبلو أنسولين منتهية مدتو

روح:لأ..مو هيك مستحيل

ريحان:مستحيل شو؟أنا كنت أعرف المستحيل؟

روح:بابا منبهو أنو ينتبه عالمدة..أنتي مابتعرفي كيف أبي فات بحالة نفسية من ورا هالموضوع أنا بتذكر هيك شي ومتأكد أبي ماكان بيعرف

ريحان بدموع:متأكد؟

روح:أقسم بالله..أبي كان منبهو لعمي ينتبه عالتاريخ قبل مايستخدمهن

بتبكي بغصة

بياخدا لحضنو:أهدي..يمكن أمك ماصدقتهن

ريحان:شو بدك من بنت تربت عهيك كره..أنت نفسك إذا حدا خبرك أنو سبب وفات أمك شخص..شو بتكنلو غير الكره؟

روح:..

ريحان:وكبرت..وأمي عم تسمعني أنو ماعاد نقدر نعتمد عخالي بكلشي مصاريفي أنا وياها

روح:بس...بابا كان يبعتلا كل شهر مصروفك

بتبلع بريئها بصدمة..بتبعد عن حضنو وبتوقف

روح:بعتذر خلص..صدقيني رح اسكت

ريحان:أنت متأكد؟

بياخد لحظات قليلة بيفتح الموبايل عن قبل كم سنة وبيورجيها حسابات البنك كيف عم تنتقل لأمها بمبلغ شهرياً

روح:مالازم احكي..بس لازم صلح نظرتك بأبي

ريحان:بعد شو؟بعد ماقلبي صار أسود من الحقد والكره؟بعد ماالانتقام انزرع براسي

روح:انتقام شو؟

ريحان:انتقامي من الناس يلي قتلو أبي..وعيشو أمي كل عمرها عم تبكي..وذلوها

روح:...

ريحان:بعرف..كلو هلأ بعرفو أنو كان كذب..أو مابعرف..شو ماكان يكون أنا هلأ أمامك..أسوء انسانة بالدنيا

روح بصدمة:بفهم من كلامك،جيتي عبيتنا لتنتقمي؟

ريحان:كان بدي خرب عيشتكن..بأي طريقة لأن أمي كانت تحكيلي أديش مرتاحين ومبسوطين وهي لأ

روح:ماعم صدق..أنتي هيك عم تفكري

بتصرخ ودموعها عخدودها:كيف بدك فكر؟بعد كلشي حكيتو

روح:تمام..أهدي

ريحان:فتت ولقيتك أنت بوجهي..قلت لازم ماهنيكن بحياتكن،أكيد رح لاقي أي طريقة أأذيكن فيها

بلش روح مايتحمل الكلام بس عم يجبر حالو يبقا

ريحان:بس المشكلة،بلشت اندمج معكن،وانسى السبب الرئيسي يلي جابني لعندكن..بعدا صرت شوف تناقضاتك معي،يوم تدافع عني يوم تعاملني بشكل سيئ

روح بعصبية:لأني ماعاد أفهم حالي..بلشت حس تجاهك وهالشي يوجعني كتير،من طرف أنتي بتكوني بنت عمي..وبلانكا من طرف تاني

ريحان:أي..وأنا شو بعرفني أنو هيك..حسيتك بدك تستغلني وتعيد قصة أمي معي،وبالليلة يلي أجا فيها ديفيد عالبيت..سمعت حديث مهم..كان عن الشركة..بخصوص مناقصة،وأنت حكيت أنها أهم مناقصة بحياتك

بيجمد الدم بعروقو من الأفكار يلي بتراودو باز کردن / نظر دهید

2023-07-03 22:23:29 ريان:ريحان؟وين رايحة يابنتي بهيك وقت..

بتوقف مكانها للحظات..فجأة بتبرم لعندو لينصدم بملامحا يلي مغرقة بالدموع

ريان:بنتي؟

بتمشي لعندو بخطوات سريعة وبترتمي بحضنو وبتعلى شهقانا

ريحان:بابا..ساعدني بترجاك

ريان بينقبض قلبو من كلمتا

ريان:أهدي..أنتي بحمايتي هلأ..رح ساعدك شو صاير احكيلي
ريحان:أنا تعبانة من حالي..عم أأذي حالي ويلي حوليي

بيفوتها عالصالون وبيأعدها:أهدي..مابيصير تتوتري هيك رح يرتفع سكرك

ريحان:مو مهم..صدقني مو مهم،المهم هلأ أنا مافيني أتحمل كل هاد

ريان:روح أذاكي؟وجود بلانكا هو السبب؟

ريحان:أي ..أي بلانكا السبب،أنا مابتحمل ياعمو مارح أتحمل..أنا بحبو..والله بحبو

ماعرف ريان يفرح لأن طلعت بتحبو بعد ماكان خايف من أنو تكون مابتحبو..ولا يزعل عحالتها المريبة هي

ريان:تمام..وروح رح يحل القصة،رح حاكيه ولازم يقرر..

ريحان:يقرر؟..أي صح،بس لوقتا كيف بتحمل؟ليش خليتوني حبكن؟ليش انتو مناح هيك ليش؟

بهالوقت بيتأكد روح أنو بلانكا نامت..طبعاً وغرقت بالنوم أكيد لتاني يوم،لأن الحبوب يلي آخدتهن بيخلوها تتخدر وتغرق بالنوم

بيطلع من الغرفة ليسمح صوت بكا..بيقرب من غرفة ريحان مافي صوت،بينزل لتحت وأول مايقرب من الباب بيسمع صوت بكاها

ريان:أنا سندك بهالدنيا عم تسمعي

ريحان:و روح؟شو مشان روح؟معقول مايسندني بعد ماوعدني يحميني؟أنا هلأ عرفت أني كنت حبو لأني كرهتو..كرهتو وماعاد بدي شوفو

ريان:تمام أهدي

بيتراجع للخلف..مابيعرف ليش هالقد موجوعة وشو صاير..بيعطي صوت أنو نازل عن الدرج وبيفوت لعندهن بيلاقيها بحضن أبوه منهارة

روح:ريحان..

بترفع راسها من حضن عمها وبتبرم للخلف..

بيوقف ريان وبيقرب ع ابنو:انتبه عليها..رح أترككن تتفاهمو ..بس إذا المكان مو مناسب..كرمال بلانكا أنا برأيي تروحو لمكان تاني

بيهز راسو روح وبيمشي ريان من البيت

بيقرب لعندها من الخلف

روح:فيني أعرف ليش عم تعملي بحالك كل هاد؟

ريحان:لأ...مافيك تعرف..لو سمحت طلاع لعند مرتك

بتمشي من جنبو بيسحبا بقوة وبيحط عينها بعينو:أنتي مرتي..عم تفهمي..انتي وبس

ريحان بتهز راسا بالرفض:لأ..مافيك تنكر أنها مرتك..ومافيك تنكر أنها كانت بحضنك

بتبعدو عنها وبتلاحظ آثار الحمرا عالقميص وكيف مفتوح

بيتطلع عنظراتها لوين موجها ليلاقي هالمنظر عالقميص

روح:لأ ريحان..صدقيني مو هيك،هي تعبت وقربت مني بس صدقيني ماقدرت ألمسا..ماعم أتقبلا

ريحان:كرمال شو؟كرمالي؟لاتكذب عحالك ياروح..بترجاك ماتكذب..

روح:مابدك تصدقيني؟لكن شو بدك؟

ريحان:بدي امشي من هون

بتمشي من جنبو بيرجع بيسحبا:مابخليكي تروحي

ريحان:مارح اتحمل..هي رح تبقى جنبك وأنا مافيني

روح:ليش؟قوليها...بترجاكي بدي اسمعا،أنا بحاجة أني اسمعا

ريحان:بكرهك..

روح:كذابة..

ريحان:ياريتني بقيت بعيدة عنك وأنا بكرهك ولا قربت منك..

روح:شو عم تخبصي؟

ريحان:عم أحكي الحقيقة..مستعد تسمع؟

روح:أي طبعاً أديش صرلي بنتظر هاليوم..الحقيقة يلي مخبيتيا عني..لازم أعرفا

ريحان:مو هون

روح:لكن وين؟

ريحان:تتذكر هداك المكان يلي أخدتني عليه..يوم عترفتلي أنك بتحبني

روح:أي..

ريحان:بدي نروح لهنيك،في البيوت يلي كانو غرفة وحدة..بدي تستأجر واحد ونبقى يوم فيه..موافق؟

روح:ريحان...عم تضحكي عليي؟

ريحان:قولك شكلي وحدة عم تضحك عليك

روح:جهزي حالك دقايق ورح نمشي

بيكون طالع من الصالون وقبل مايتخطى الباب

بتقلو:خليها لبكرا..

بيبرم عليها وعيونو فيهن غضب:اليوم..

بتتوتر بزيادة..شو عملت؟شو خبصت

ريحان لنفسا:لازم تواجهي أغلاطك..ضميرك مارح يرتاح لتعترفي..وبما أنو بلانكا رح تبقى وراكي..مارح تهنيكي بعمرك

بعد وقت بينزل بيلاقيها آعدة عالدرجات

روح:جاهزة؟

ريحان:...

بيقرب منها بيمسكا من أيدها وبيطالعا من البيت وبيطالعا بالسيارة وبيمشي

ريحان:من هلأ معصب؟

روح:لأنك رح تجننيني،بقلك بحبك بتبعدي عني..بقلك مابدي غيرك بتبعدي عني،بقلك أنا بعرف بتحبيني بتقولي لأ..جننتيني ريحان

ريحان:لاتصرخ..بترجاك بيكفي أني متوترة لحالي

بيسكت وبيحاول يكتم غضبو..

بتسند راسا عالشباك وبتفكر

ريحان بتقول لنفسا(مالك خايفة؟بدك تبقي أنتي وياه لحالك..مالك خايفة يموتك؟لك ويمكن يضربك..أو يصرخ عليكي،هالقد واثقة منو؟بس من حقو،لازم يطالع غضبو فيني أنا قبل الكل)

بيمر الوقت وبتتمنى ماينتهي..بدا تبقى كل عمرها بالطريق ولاتوصل لتبدا المواجهة

بينزل روح عطرف كان في بيت عبارة عن مكتب ليستأجر هي الأكواخ..هي بيوت من حجر ومن برا باينة متل كوخ،وفيو غرفة وحدة،والشبابيك كلها موصدة بحديد وبعيدة عن بعضها

ريحان:روح

روح:شو؟

ريحان:بدي أبعد بيت..يلي هنيك عالجبل

روح:بدك تقتليني يعني؟

ريحان:ممكن..

بيستغفر ربو وبيحاول يهدا شوي وبيروح بيستأجر البيت وبيرجع لعندا

ريحان:شو صار؟

روح:رح نطلع عالجبل هي المفتاح

بيكملو طريقهن لفوق

بس يوصلو بينزلو

روح:بتعرفي أنك مجنونة..وأنا مجنون أكتر منك باز کردن / نظر دهید

2023-07-03 22:23:27 بلانكا:لكن مين؟بحياتك سمعتي منحة بتتوقف؟حاولت..بس طلع روح بوجهي..ماكنت بعرف متزوجين ورح تقدري تكملي بإقامة رسمية

ريحان:انتي..مستحيل تكوني بشر..أنتي شيطان

بلانكا بضحكة قوية:أي شيطان..سمعي منيح يلي حكيناه هون،إذا بيطلع منو حرف ماتلومي إلا حالك

بتبرم لتمشي وبيختل توازنها بترجع بتتماسك وبتطلع من الغرفة

ببكون طالع روح عالدرج بيتفاجئ أنهن مع بعض كانو

روح:شو عم يصير؟

بتضحك بلانكا بقوة وبتتوجه عالغرفة

بيقرب ع ريحان:هي شو كانت عم تعمل عندك؟

ريحان:حكت وخبصت وراحت..مافي شي مهم

بيلتفت عليها ولاحظ أنها مو بوعيها..بيفوت وراها عالغرفة ليلاقي عالسرير الحبوب يلي من زمان كتير أول ماتعرفو عبعض تاخدهن

بيمسكا من أيدها:أنتي من ايمتى رجعتيلن؟

بلانكا:ليك روح..يادوب بلش المفعول بترجاك ماتخربا عليي ههههه

روح:أنتي كيف بتعلمي هيك؟قلتلك ببيتي مابيفوت هيك شي..ولا انتي مسموح تاخديهن

فجأة بتحس بأقياء..كان مفعولهن عم يأذيها لأن رجعتلن من جديد

بيسحبا عالحمام وبيبقى جنبها،بعدا بيغسلا وجها

بلانكا ببكا:روح..تتذكر،لما كنا أصحاب..كمان كنت تمنعني آخدهن..وتخاف عليي..أنت هلأ خايف عليي صح؟

روح:أمشي تسطحي أنتي تعبانة هلأ

بلانكا:لا مو تعبانة،ليك روح..أنا ندمانة صدقني

بيتركا بالحمام وبيروح بيأعد عطرف السرير وبيدفن راسو بكفوفو

بتفوت بهدوء والغصة مالية فؤادها..والدمعة عم تبرق بعيونها

بتقرب بلانكا منو وهي منتظرة يتطلع فيها بعيونو لتواجهو..بس ماكان في أمل

بتنحني للأسفل لعندو وبتمسك أيديه

بلانكا:روح..لازم نحكي..بترجاك رد عليي أنا عندي استعداد صلح كلشي عملتو..بس رجاع حبني متل أول..أصلاً بعرف أنك لسا بتحبني..من أول مابدأت علاقتنا انت قلتلي ماعندك مشكلة باختلافنا..ماعندك مشكلة بعيشتي المختلفة عن عيشتك..ليك تطلع فيني شوف وجهي..شعري صار أسود أنت ماكنت تهتم لهيك أمور بس انا مشيت معك وعملت هالتغيير كرمالنا..صارح نفسك أنت مابتحبا أنت بتحب أنها بتشبه بلدك هي بس عم تذكرك ببلدك مو اكتر بس الحقيقة ومن جواتك بتحبني ألي..كون صريح مع نفسك..أنا غربية صح بس فيني كون احسن منها بكتير
روح:بيكفي يابلانكا،مابحب تكوني خاضعة هالقد..مابحب المرأة الضعيفة لاتنزلي من عيني اكتر امشي من هون...ولا عاد ترجعي بترجاكي

بتهز راسا بالرفض:لأ..مابتخلى عنك أنت ألي مو ألها

بتغمر وجهو بين أيديها وبتقرب لتحط جبهتا ع جبهتو

بلانكا:رح نبدا من الصفر وكأن تعرفنا عبعض من جديد..وأنا رح اعترفلك بحبي ألك..متل ماصار معنا بالبداية

بتقرب لتبوسو بيبعدها عنو وبيرميها عالسرير

روح:بيكفي بلانكا..عم قلك مافيني كون معك،خلص طلعتي من قلبي..يمكن لو ماخيانتك..وحسيت بالفعل عم أنشد ألها،باخدك وبروح ع غير بيت.
بيكمل روح:صدقيني ماكنت بقيت لحظة بس تصرفاتك هي يلي وصلتنا لهون

بتتصنع الألم فجأة ببطنها

بلانكا:اااخ..عم اتألم ياروح

بيقرب منها خطوة:لازم تروحي عالمشفى،هاد السم يلي أخدتيه هو يلي عمل هيك

بلانكا:اااخ ماعاد أتحمل الألم فظيع..بترجاك ساعدني بردانة كتير

بيقرب لعندها وبيساعدها لتتسطح تحت البطانية وبيدفيا

بتقرب منو بجرأة وبتحط راسها عصدرو..مابينتبه لأحمر الشفاه يلي كان عتمها كيف انمسح بقميصو..

بلانكا:لا روح..بدي أنت تدفيني،بترجاك..هلأ بوضعي الصعب لاتتخلى عني..بعرف يلي عملتو كتير بشع،بس أنت خليك احسن مني،ياما غفرتلي أخطاء..بس هالمرة ابقى جنبي لأني بحاجتك

بيحاول يقرب منها بس مابيقدر..

روح:رح ابقى هون آعد كرمال إذا حتجتي شي..

بلانكا:محتاجة حضنك

روح:بعتذر..مارح أقدر

بيقوم ليبعد عنها بتمسكو بقوة بينفتح أول قميصو

روح:لأ..بلانكا لأ..يلي عم تعمليه كتير بشع كتير دنيئ صدقيني

بتتسطح وحدها تحت البطانية وهو بيأعد بعيد عنها

كان بيكفيها يبقى بالغرفة المهم مايطلع عند ريحان

بلانكا:روح فيك تطفي الضو..بس كرمال نام مرتاحة

بيطفي الضو وبيرجع لمكانو

بتبقى ريحان عم تروح وتجي بغرفتا،ناطرة يطلع..وكل شوي تطلع عطرف الباب..لتلاقي الضو انطفى

بتغص لدرجة ملامح وجها بتتعكر..بتحس بخنقة فظيعة بحلقها

بتسكر بابها وبتنهار خلفو..بتبكي بكل ماعندا وماعم تعرف شو وجعها

وكل مايمر الوقت تتوتر اكتر..جسدها كلو يوجعها وبترجف..بتقرب من المرايا لتشوف وجها

وبتخاطب نفسا:شبك؟ليش متفاجأة؟شو بدك منو؟شو بدك...(بيعلى صوتها اكتر)انتي غبية..غبية كتير ياريحان،جيتي تنتقمي والله انتقم منك..عم تنتقمي من ناس ماعملو شي ونسيتي أنو ربنا هو يلي بياخد الحق..جيتي بكرهك الكبير..لتصيري بتحبيه ياغبيةةة

بتوقع بالأرض وهي عم تبكي..ماعم تقدر تتخيل أنو معها..ماعم تتقبل أنو ممكن بلانكا تقدر تلمسو أو تشم عطرو

ريحان:لأ..أنا السبب،كان ممكن يكون معي كان لازم اعترفلو بكلشي من قبل..روح ألي..لأنو بحبني ألي..هو حكاها وهو مابيكذب..طيب ليش هلأ هو معها ليش ليييش

بتحس حالا رح تختنق..بتفتح باب غرفتا وبتنزل لتحت بتقرب عباب البيت لتطلع بس بتسمع صوت عمها من خلفها باز کردن / نظر دهید

2023-07-03 22:23:26 وكأن ماكانت عم تسمعو،رفعت أيدها ولمست بأطراف أصابعها لحيتو كان شعور رهيب فعلياً
بيغص قلبها بتبلع بريئها من التوتر

وهو لحظتا مابيقدر يمسك حالو وبيضحك

بتنتبه لغبائها وبتبعد عنو خطوة

ريحان:كان...اااا...فكرت يعني في شي ع لحيتك..حشرة أو هيك

روح:أي عادي بتصير كتير..

ريحان:أي..لأ...يعني مابعرف

بتخجل ووجها بيصير أحمر

روح:طيب ليش بعدتي؟قربي

ريحان:لأ

بيقرب منها خطوة،لترجع هي خطوة..بيرد بيقرب خطوة تانية،بترجع بتبعد

روح بيلتفت لطرف الباب وبيقول:بلانكا؟

بتفتح عيونها ريحان عآخرهن وبتقرب منو وبتحضنو

بيبتسم من كل قلبو،كان متمني لو يقدر يحملا ويطير...يضما لجوا قلبو ويضحك بصوت عالي يملي الدنيا فرح

بس مابدو يخرب هاللحظة..بيتركها غرقانة بحضنو الدافي وبيغرق هو كمان..

يلي ماكانت عارفتو ريحان أنو روح عم يضحك عليها،وبلانكا مالها موجودة

بعد لحظات بيهمسلا:بتجنني وأنتي غيرانة

بتفتح عيونها وبتبعد عنو بتطلع خلفها مابتلاقي حدا

ريحان:أصلاً..لأ مو مشان بلانكا..كنت حاسة حالي يعنيي

روح:لاتكذبي..تمام

ريحان:ماعم كذب..

بتفوت بلانكا لحظتا:أنتو هون

صوتها بيزعج ريحان كتير،وبنفس اللحظة بيسحبا روح لحضنو

روح بيهمسلا بأدنها:هسسس أهدي..عتبريها مو هون،عتبرينا لوحدنا..تجاهليا..وبوعدك رح تمشي بأقرب وقت

النار بتشعل ببلانكا وبتطلع عغرفتا

بتبعد عنو ريحان:لأ أنا مو متدايقة من وجودها..هي زوجتك كمان..نحن زواجنا كان اتفاقية يعني مو من حقي غار

بتترك المكان وبتمشي..بيتدايق منها روح،حقها تكابر عحالها وعليه بس مو هالقد..شايف حبها الكبير ألو بس هي ماعم تشوف

بتطلع ريحان عغرفتا لتندهلا بلانكا..

بلانكا:ريحان..لازم نحكي

بتفوت ريحان عغرفتا وبتترك الباب مفتوح
وبتفوت وراها بلانكا

بلانكا:طلع وجهك الحقيقي أسوء من وجه الكذابي


بتستغرب ريحان من شكل بلانكا..كانت حروفها مو منتظمة وحركتها مو ثابتة

ريحان:انتبهي لكلامك..

بلانكا:انتي يلي انتبهي عحالك

ريحان:عم تهدديني؟

بلانكا:ضحكتي علي وعتبرتك رفيقتي،بس طلعتي رهيبة بالتمثيل..قدرتي تخدعيني

ريحان:لا تعمليلي فيها الملاك الطاهر بلانكا

بلانكا:لك أنتي شو؟أنتي مين؟جيتي من العدم وفتتي لنص بيتي..أخدتي زوجي وحياتي وبدك اتركك؟

ريحان:أنا ماأخدت شي عنوتاً،أنتي يلي مابتستاهلي

بلانكا:عن شو قصدك؟لشو عم تلمحي..حكالك روح أني خنتو؟طبعاً رح يحكيلك وعاملي فيها شريف ومبادئ..وهو مخبر الكل

ريحان:فشرتي ..مابيطلعلك تحكي عنو ولا حرف..روح انسان كتير منيح،حتى ماحكا عن خيانتك ألو

بلانكا:مين يلي خبرك؟

ريحان:ديفيد..

بتنصدم بلانكا وبتجمد مكانها

ريحان:تركيني بحالي،أنا مارح خبر روح كرمال مايأذي حالو..لهيك الأفضل تبعدي عن طريقي

بتجي لتطلع ريحان بتسحبا من أيدها بلانكا

بلانكا:وين رايحة؟لسا ماخلصت كلامي..دخلك وايمتى خبرك ديفيد؟باليوم يلي أجا لعندك صح؟

بتوقف مكانها والدم بعروقها بيجمد

بلانكا:ههههه...شفتي الدنيا شو صغيرة،بتمسكي علي قصة بمسك عليكي كمان..دخلك روح بيعرف أنو فوتيه عبيتو؟ياترى صار شي بيناتكن؟وديفيد كان عم يستر عليكي لهيك حكالي أنو غبتي عن الوعي

بترفع أيدها ريحان لتضربها لبلانكا..بس بلانكا بتمسكلا أيدها..مع أنو بختل توازنها بلحظتا وبتتمسك ب ريحان

ريحان:انتي شاربة شي؟

بلانكا:وانتي شو خصك؟أوعك تغلطي هيك غلط..ليكي ريحان،أنا خسرانة خسرانة،بس هلأ عم حاول استرجع شي من خسارتي،بس أنتي رح تخسري كتير لهيك بعدي عن طريقي احسنلك

ريحان:ماصار شي بيننا..مستحيل..أنا بالفعل غميت وأجا روح اسعفني عالمشفى

بلانكا :زعلتيني والله..ماتشوفي شر ههههه بتعرفي لزيدك معلومة،بيومها أنا يلي مشيت بانة من البيت،وأنا يلي قفلت عليكن من برا...شو منعمل قلت لحالي عصافير الحب ورح يستفردو ببعض

ريحان:لك خرسي..خرسي وحاج تخبيص..ديفيد مكذب عليكي مافي شي بيني وبينو

حركاتها الغريبة بتأكد لريحان أنها آخدة شي

بلانكا:بعرف كلشي أنا

بتخاف ريحان اكتر لتكون بتعرف عن المناقصة

ريحان:شو بتعرفي؟

بلانكا:فكرك ديفيد ماكان متفق معي من زمان ليجي عالبيت لعندك..بس هيك النصيب..بس حاسة في سبب تاني..ومابعرف شو هو

بتسكت ريحان،هلأ تأكدت أنو ديفيد مو مخبر بلانكا شي تاني

ريحان:سمعيني بلانكا..إذا روح عرف بعمايل ديفيد ممكن يقتلو

بلانكا:بعرف..ولهيك أنتي بتسكتي..أنا بسكت،اتفقنا؟

بتأعد ريحان عالسرير..مقهورة وراسا رح ينفجر

بلانكا:ولا قلك..بدي شي تاني..

ريحان:شو بدك؟

بلانكا:يابتخلي روح يكرهك..ياأما رح خبرو أنك فوتتي ديفيد بكامل إرادتك ع بيتو..

ريحان:أنتي شو عم تخبصي؟

بلانكا:مافي ولا اثبات لأنو ديفيد هو يلي قرب عليكي..حتى الكاميرات وقفتهن

ريحان:صحيح..حكالي روح أنو معطلين...يعني أنتي ورا تعطيل الكاميرات كمان

بلانكا:خافي مني ياريحان،وأوعك ترجعي تقربي من شي بيخصني..لأنو مو بس بنهيكي..بشوه سمعتك وبنهي مستقبلك ومتل ماحاولت أول مرة وماقدرت،رح حاول مرة تانية وأقدر..

بتنصدم ريحان:أنتي؟ باز کردن / نظر دهید

2023-07-03 22:23:25 #ريحان_شرقي
#سارة_العلي
#الجزء_السابع

بيحكي القاضي معهن وبيدافع روح عن نفسو وعن ريحان والمحامي بيحكي وبالنهاية القرار للقاضي

يلي طلب ريحان تترك البيت..لينطق روح بالصدمة الأكبر بالنسبة لبلانكا

روح:(Rehan is my wife) ريحان زوجتي..
وهذا منزلها(And this is her home)

بيسكتو جميع الحضور بصدمة

بتوقف بمكانها بلانكا..ومو قادرة تحكي حرف..

زواجها من روح كان زواج إسلامي وبيحقلو يتزوج

بيسكت القاضي وبعد وقت..بيقرر أنو بلانكا لازم ترجع وتعيش ببيتها،ويصلحو العلاقة ويعدل بين زوجاتو..

بيطلعو من الغرفة وعيونهن عم تطاير منها الشرار
بس عتبو كان ع بانة

روح:صدمتيني يابانة..كنت معتبرك متل أمي

بانة:بعتذر..بس وصلني التبليغ ومافيني احكي غير يلي شفتو،ماكنت بعرف متزوجين أنتو ماخبرتوني

بلانكا:بانة ماخصا..أنا يلي جبتا تشهد

بانة:بعرف انتهى كلشي هلأ..رح أمرء واحكي مع مستر ريان وأمشي

روح:لا بانة..مارح فوتك بلعبة ناس مو نضيفة..بتستغل كل الناس لصالحها

كان عم يتطلع ببلانكا بغضب

روح:فيكي تكملي شغلك..بس يلي صار مستحيل يتكرر..لأن مارح يبقالك فرصة تانية عنا،ورح احترم عشرة العمر يلي بيناتنا

بتمشي بانة ودموعها حارقين قلبها

بلانكا:أنت شو يلي عملتو؟كيف بتتزوجها

روح:تزوجتها لأني بحبا..أما انتي،إذا مابتلغي المحكمة وبتمشي من البيت..رح احكي أنك خنتيني وحملتي من غيري

بلانكا:وبتشوه سمعتك؟

روح:وقت رح تجبريني أعمل هيك مابيهمني شي

بلانكا:طلقها..ورح يرجع كلشي متل قبل ورح أقدر خليك تسامحني ع كلشي عملتو

روح:لك انتي ليش ماعم تستوعبي يلي عملتيه مابينغفر..لو مو ماسك نفسي عنك كان ارتكبت جريمة فيكي..عم تفهمي

بلانكا:مافيك تعمل شي أنت مامعك أي اثبات ضدي وبيثبت خيانتي وأنت هلأ مجبور تتركني معك بالبيت

بينقهر منها كتير وبيرجع عالبيت وهي معو..بتجبرو بالغصب بسبب حكم المحكمة

كانت ريحان ناطرتو بعد ماخلصت جامعتا خبرها رح يرجع عالبيت أول مايخلص المحكمة

بتتوجه عالباب لتستقبلو،بتفتح الباب وناطرة جوابو..والصدمة الأكبر لما تلمح خلفو بلانكا بتحس جسدها انتفض

بتبعدو عن طريقا وبتفوت بلانكا

بلانكا:شايفة ياريحان القدر..أول مافتتي عالبيت كان بيتي وستقبلتك..هلأ أنتي واقفة ببيتي عم تستقبليني

بتطلع بلانكا متوجهة عغرفتا وريحان واقفة وناطرة كلام روح والحزن باين بعيونا

روح:حكملها القاضي تبقى معنا..

بيحكيلا كلشي صار بتحس بشعور بشع كتير بتتركو وبتطلع لغرفتها
بيلحقا لفوق وبس توصل عبابها بيندهلا

روح:ريحان..استني شوي

بتفتح بلانكا:روح..فينا نحكي شوي

بتطلع فيه ريحان وبتسكر الباب بقوة

بيتدايق من بلانكا كتير،بيقرب منها

روح:سمعيني بلانكا،طول ماأنتي موجودة بهالبيت تركي مسافة بيناتنا،لأنو مابتعرفي بأي لحظة بفقد سيطرتي ع حالي..وبعمل شي مابيعجبك

بلانكا:أقوى من ضربك ألي هديك الليلة؟

روح:أقوى بكتير..لاعاد تستفزيني أحسن ألك

بيفوت بياخد أشياءو وبيطلع من الغرفة
أما ريحان،كانت متوترة كتير ومتدايقة

ريحان:لك شبك ريحان..أهدي شو صرلك؟هي أول عن آخر بتكون زوجتو...طيب وأنا شو؟أي صح زواجي كان عبارة عن أتفاقية..بس هو بحبني..وبحب مرتو..الخاينة،ياترى بيعرف؟أي أكيد بيعرف أنها خانتو هداك اليوم أجا وحكالي أنو مافي أمل برجعتن..من الآخر،أنا ليش مقهورة هلأ؟شو يلي زاعجني

بتحس بالغيرة جواتها عم تاكلا

ريحان:وين رح ينام؟معقول بغرفتا..مستحيل أقبل...

بتقوم وبتتوجه عالباب وبتوقف قبل ماتفتحو

ريحان:أنا شو عم خبص؟شو بدي منو ليش لأمنعو..أي لأنو هي خاينة مابيصير يقرب منها

بترجع لتفتح الباب بتغمض عيونها:أنا كذابة..ليش مابدي ياها تقرب منو..؟مو مهم هلأ السبب..المهم مايقرب منها

بتفتح الباب بعصبية وبتنزل عالدرج..

أول ماتوصل لتحت بتفوت عالصالون وكأنها عاملة مداهمة

ريحان بعصبية:روح..

بيفزع روح وبيوقف عرجليه:شو صار؟

بتتلفت حوليها كأن متأكدة رح تلاقي بلانكا

روح:فيكي شي؟

ريحان:أاا..بصراحة نسيت،كنت بدي أحكيلك شي

بيبتسم وبيقرب منها:وشوفتي نستك يلي رح تحكيه

ريحان:لاتنغر بحالك

روح:ليش؟مابيلبقلي؟

بيقرب منها أكتر..ليش هيك كل يوم بتكتشف فيو شي بيخلي قلبها يدوب بزيادة،وكأنها لسا مو حافظة ملامح وجهو..عيونو العسلية يلي متوَجين برموشو الطويلة..ولا رسمة شفافو وبسمتو الساحرة..ونظرتو المشاكسة يلي بتخلي قلبها يلهف..كان قريب منها لدرجة رفعت راسها للأعلى لتوصل لعيونو...بتنتبه لفرق الطول بينهن..تماماً إذا قرب اكتر خطوة..رح تصير بين ضلوعو عند نبضات قلبو تماماً

بتطلع ع لحيتو المرتبة دافع قوي عم يخليها ترفع كف أيدها،لتلمس هالشي الملفت..وتحس بهالشعور يلي بحياتا ماحستو

كان منتبه لنظراتا كيف عم تتنقل بملامحو نتفة نتفة

بيبتسم لترتسم انحناءات عخدودو بطرف شفافو ويظهرو أسنانو البيض

بيغص قلبها بتبلع بريئها من التوتر

روح بهمس:قولك بيحقلي كون مغرور؟ باز کردن / نظر دهید