Stories 📖

2023-05-15 13:51:34 أسر: بيشلح بلوزته وبتبين عضلات جسمو لمقسمة رياضي لكن وبنط وبشك وراهن
بتطلع فيه شام ومفتحة عيونها على الاخير
شام: بتطلع بشهد بتشوفها عم تطلع عليهن وبتطلع على جوري بتكون عم تطلع على أسر وعم تبتسم
شام: بقلبها( ياحبيبي شبهن انسطلو هدول وهو التاني لازم تنشلح لبلوزة يعني شبدك فيه شام يوه )
شهد: ييي تحمست بدي انزل قومي جوري
جوري: امي رح انزل
ريحان: نزلي شو ماسكتك
بيركدو جوري وشهد وبينزلو معهن وببلشو يرشو على بعض المي من المسبح
شهد: بتسبح لعند أسر وبتمسك فيه يسس مسكني أسر مالهن واصلين رجلي
أسر: بيضحك عليها وبيمسكها مسكي برقبتي تعي رح وصلك
شهد: بتمسك برقبة أسر وبتمشي معه وبتبلش ترش عليه مي ويضحكو
شام: بتكون حاطة رجل على رجل وعم تهز رجلها ورافعة حاجبها ومو عاجبها والغيرة رح تقتلها بتضرب رجلها بالطاولة اخخ
ريحان: شبك بنتي
شام: مافي شي امي نضربت رجلي بالطاولة بتوقف رح اتمشى شوي
بتكون عم تتمشى وعم تطلع عليهن بطرف عينها ومزعوجة بتعد على العشب وبتطلع فيهن بأنزعاج
شام: بقلبها ( كمان ضحكو كمان تضحكي بلا سنان )
أسر: بيتطلع عليها وبشوفها كيف اعدة وعم تعض شفايفها وتنتف بالعشب بايديها بيضحك اكتر ليستفزها
شام: بقلبها ( اي هدي على حالك رح ينشرط حنكك )
أسر: بيطلع وبيمسك المنشفة وبنشف جسمو وبحطها على جسمو وعم يتطلع على شام ويبتسم
شام: بتزورو وبتدير وشها عنو
بيمشي أسر من جنبها بدو يدخل يبدل تيابه بزت المنشفة قصداً جنب شام وبينحني بيمسكها
أسر: بيهمسلها حاج تعضي شفايفك ببين عليكي وقت تغاري
شام: بتطلع فيه هاهاها ضحكتني ها وعلى مين بدي غار مثلاً
أسر: مابعرف سألي حالك وبيغمزها
شام: بأحلامك مابغار على حدا انا
أسر: بوقف متل مابدك وبيبتسم وبيدخل
بخلصو سباحة وبيطلعو بيعدو
بالليل
بتكون شام عم تتمشى وماسكة بايدها الياسمينة يلي حطها أسر على شعرها وعم تطلع بنجوم السما وسواد الليل وتستنشق الهويات وتبتسم بيمشي أسر جنبها
أسر: ممكن امشي معك
شام: بتطلع عليه بطرف عينها امشي مالي ماسكتك
أسر: بيتطلع على ايدها لسا معك الياسمينة
شام: بتهز براسها
أسر: بيبتسم حلوين لنجوم
شام: اي حلوين
أسر: الله يرحمك يا ياسمينتي
شام: بتطلع فيه امين تعيش
أسر: كانت كتير حنونة تحبني وتهتم فيني واحلى شي فيها بيتطلع بشام هي ضحكتها وغمازتها وقت تبتسم
شام: بتطلع فيه وبتبتسم عنجد
أسر: تماماً متل هيك بالزبط ابتسامتك بتشبه ابتسامة امك كتير
شام: يمكن لهيك بنحب! وبتبتسم
أسر: بتنحبي لاانك انتي مو لانك بتشبهي أمك
شام: بدك تقنعتي انت مو شايف فيني امي!
أسر: شايف الياسمين والشام سوا الياسمين شي والشام شي تاني مع انهن اسم واحد
شام: بتبتسم ممكن بس الشام بتختلف عن الياسمين الشام قاسية بأوقات وعنيدة بأوقات وضايعة بأوقات بس الياسمين قوية كتير وما بتستسلم ابدا وناجحة ومحبوبة
أسر:وانا بنظري لولا الشام ماشفنا الياسمين الشام ململمة جواتها الياسمين كله مو هيك ووقت يوقع الياسمين وين بيوقع على طرقات الشام
شام: بتبتسم مزبوط
أسر: لكن اقنعتك صح
شام: اي اجباري رح تأقنعني لانك معجزة الحب مو هيك
أسر: بيضحك بالزبط معجزة الحب
.
.
(بتخلص الرحلة وبيرجعو كل واحد على بيته ولحياته وبمر اسبوعين وكل واحد ملتهي بحياته)

الصبح بتكون شام بالبيت ونايمة بتختها برن موبايلها
شام: بتفتح عيونها بأنزعاج وبتمسك موبايلها وبتفتحو هي ومغمضة عيونها الو
أسر: يا عافية قلبي، صباحك خير
شام: بتفتح عيونها وبتستغرب بتطلع بالاسم وبترد دكتور أسر شو في
أسر: مارح قلك شوفي فتحي شباكك يا معزوفتي الجميلة وبسكر
شام: بتطلع بموبايلها شبو هاد بتبتسم غريب والله شو قلي افتح الشباك بتقوم من تختها وعم تفرك عيونها وتتثاوب بتقرب من الشباك وبتبعد البرداية عنو بتشوف بولين حمرة على شكل قلوب طايرين وواقفين على شباكها بتضحك وبيلمعو عيونها بفرحة وبتفتح الشباك وبتمسكهن وبتدخلهن بكون مربوط فيهن كرت
شام: بتمسك الكرت وبتفكو وبتفتحو وعم تقرأ المكتوب وبتبتسم
(انتِ شامي وشئامي وشهادتي وشهدي وبسمتي وابتسامتي وصباحي ومصباحي وقبيلتي وقلبي وقبلتي وكوني وكينونتي وكياني وكاتبلها بالاخير "في جمال صوتكِ انا مغرم" )
شام: بتضحك وبتطلع بالكرت ومصدومة ماعم تعرف شو تحكي برن جرس البيت بتترك البولين من ايدها وبيتطايرو بالغرفة وبتطلع لتفتح الباب بتقرب وبتفتح
شام: بتطلع حولين الباب مافي حدا بتطلع لتحت بكون في صندوق وفوقه بوكيه ورد احمر وبقلب البوكيه كرت بتحمل الصندوق والبوكيه وبتدخل بتسكر الباب
وبتقرب البوكيه منها وبتستنشف ريحتو بعمق وبتغلغل ريحته بقلبها
بتعد على الكنبة وبتحط البوكيه جنبها وبتاخد الصندوق وبتفتحه بكون فيه اكتر انواع الشكولاه يلي شام بتحبه باز کردن / نظر دهید

2023-05-15 13:51:33 ببلش يصفقلهل أسر والبقية
شام: بتضحك هي خلصت تحدي تبعي يلا كفو
بيبرمو وبتطلع على أسر وجوري
جوري: بتطلع بأسر اي دكتور صراحة ولا تحدي
أسر: صراحة
جوري: امم في حدا بحياتك وشو بتحب بهالشخص
شام: بتطلع بأسر منتظرة جوابه
أسر: بيبتسم امم حلو السؤال اي في وبحب فيه كلشي بيكرهو بحالو فيكي تقولي بحبو بعيوبو قبل مميزاتو مثلا عصبيتو خوفه وبحبه بأضعف حالاته
ريان: عم تبالغ شوي مافي حدا بحب عيوب حدا
أسر: بيتطلع بشام بحب يلي بحب بيعشق عيوب يلي بحبه وبحبو لانه هو هيك بمميزاته مانو شرط وهاد بالاخير بالنسبة الي يعني
شام: بتبتسم معقول شو نيالو هالشخص يلي بتحبه
أسر: انا يلي نيالي فيه
ريان: بوقف وقت يشوف نظراتهن لبعض انا بدي اشرب مي وبيمشي بأنزعاج
اياد: وانا رح جيب شي ناكله
بيلحق ريان
وبوقفو هنن لتنين بعيد
اياد: شايف يلي انا شايفه
ريان: اي منضرب
اياد: كانو اخونا حاطط عينه على شام
ريان: اي نعم بس مافشر
ريحان: بتوقف قبالهن وبتتكتف شو قصتكن انتو لتنين
اياد: عمتي
ريحان: عما الدبب اي
ريان: خالتي ريحان مالك شايفة تصرفات البطل أسر
ريحان: شايفة وشايفة كمان انو هو احسن واحد فيكن وانو هو يلي بيستحق شام لانو بحبها
اياد: عمتي شو عرفك انو بحبها
ريحان: خرسو انتو الجوز اليوم صار كلشي قدام عيوني خبرني سيد اياد وانت سيد ريان مين يلي زت حاله بدون وعي على المسبح كرمال شام يلا عم بسمع أسر يلي زت حاله وانتو شو عملتو الاخ ريان هون وقف وجمد بأرضه مزبوط سيد ريان
ريان: بنزل راسه على الارض مزبوط
ريحان: وانت سيد اياد شو عملت!!
اياد: عمتي انا كنت رح انزل جيبها
ريحان: بالله جد ايمتى ان شاءالله بعد مايصرلها شي لاسمح الله
##############################

الجزء الثامن
اياد: كنت عم بشيل مسدسي اذا بيخرب بخسر مهنتي
ريحان: ياريتك ضليت ساكت بتقرب منه وبتضربو على راسه يلي بحب مابفكر بشي ياغبي مهنتك اهم من حياة شام رد علي جاوبني
اياد: عمتي يعني أسر صار بنظرك بطل هلق
ريحان: زت حاله وراها وهو كان بأخر الفيلة وانتو جنبها واقفين الشغلة مو بالبطولة الشغلة بالقلب حلو عن شام انتو لتنين وحطو ببالكن شام اختكن ومارح تصير غير هيك
وبتتركهن وبتمشي
بيدخلو وراها وبيطلعو على الغرفة
شهد: انا نعست فايتة نام تجي جوري
جوري: اي اي خديني معك بردت
شهد: تعي يلا
بقومو كلهن وبيدخلو على الفيلة وبسكرو الباب وراهن
شام: بتبتسم وبتحس بنسمة هوا باردة بأشعر جسدها وبتبتسم في برودة
أسر: اي الجو حلو
شام: ايي
أسر: بيبتسم وبيتطلع فيها ممكن اخطفك
شام: بتبتسم لوين بهالوقت
أسر: مو لمطرح لورا الفيلة
شام: شوفي ورا الفيلة
أسر: مفاجأة
شام: مفاجأة شو!!
أسر:بيبتسم الك
شام: الي انا
أسر: اي يلا قومي
شام:طيب لنشوف شو هالمفاجأة
بوقف أسر وبمد ايديه لشام بتمسك ايده شام وبتوقف وبيمشو لورا الفيلة
شام: شوفي احكيلي
أسر: غمضي عيونك
شام: كمان!
أسر: اي غمضي وبس
شام: بتبتسم اللهم طولك ياروح طيب بتغمض عيونها
أسر: بقرب منها وبيمسك ايدها وثقي فيني وامشي
شام: بتبتسم وبتمسك ايده بحب وبتمشي معه
بقربو شوي شوي وبوقفو بالنص
أسر: بوقف قبال شام فتحي عيونك
شام: بتفتح عيونها شوي شوي وبتطلع حوليها بكون مكان مليان ياسمين ومشبوك ببعض وعامل منظر بجنن بتلتفت وبتتوسع ابتسامتها أسرر شو هاد
أسر: بيبتسم الفيلة استأجرتها كرمال هالمكان وكرمالك
شام: بتبتسم بخجل وبتطلع فيه بجنن شكرا كتير بتدور وهي عم تبتسم وتستنشق روايح الياسمين
أسر:بوقف وعم يتطلع فيها بمد ايده وبيقطف ياسمينة وبقرب من شام وبحطها على شعرها بتلبق لشعراتك وهيك صرتي ياسمين الشام
شام: بتبتسم بخجل وبيحمرو خدودها بتطلع فيه ليش عم تبتسم
أسر: بتحتار بأي ياسمينة تطلع
شام: بتضحك لتبين غمازتها بالله
أسر: بيضحك معها والله
شام: لكن خلينا نطلع دكتور هلق بشوفونا هون
أسر: بكرا بفرجيهن المكان بس حبيت تشوفيه انتي اول وحدة
شام: بتبتسم طيب يلا نطلع
بيطلعو وبكسر الباب أسر وبيمشو ليرجعو لمكانهن

بيدخلو على الفيلة وبيطلعو على الغرف وبنامو
__ تاني بوم الصبح ___
بيصحو كلهن وبيفطرو وبيعدو بقضوها غنى وضحك ومزح
اياد: شو دكتور مابدك تسبح
أسر: ولو انا يلي بسبح بتحب ننزل
اياد: اي ليش لا شو ريان
ريان: اي يلا تفضلو
أياد: عمي أوس عمي أدم شو مابتنزلو
أدم: لا لا انا مابدي خود عمك أوس وعمار
أوس: اي بنزل شو خايف منكن بعدولي هيك وبينزل شك
بصفقولو الاعدين
شام: طيبة خالي طيبةة ههههههه
شهد: قومي نزلي شام هههه
شام: ناقصني مبارح جبتوني بالزور ههههه
أياد انا نازل بينزل ورا أوس وريان بيركد وراه وبنط باز کردن / نظر دهید

2023-05-15 13:51:32 أسر: هي التوئت من الضربة بس تبدلي تيابك بشفلك ياها
أدم: معناها يلا تعي ندخل بنتي بيسندها وبطلعها على الغرفة وأسر بيدخل على الغرفة يلي جنبها وببدل تيابه
بخلص أسر وبيطلع بكون عم يسرح شعره بأيده وعم برجعه لورا بقرب من غرفة شام وبدق الباب نقرات خفيفة
شام: ادخل
بيفتح الباب أسر وبيدخل وبسكر بوقف وهو عم يتطلع فيها
شام: بتكون واقفة على لمرايا وماسكة المنشفة وعم تنشف شعرها بايديها ومنزلة شعراتها لتحت وجايين على وشها بترفع راسها وبيرتفع شعرها معها لورا ضهرها هو ومبلول وبينزل على كتافها بتطلع بأسر
شام: بتتلبك هاد انت!
أسر: بيبلع ريقو وهو جمدان من الجمال يلي قبالو احم اي انا
شام: بدك شي !
أسر: بقرب منها ليصير قبالها شفتي عنادك لوين بوصلك
شام: بشو عاندت
أسر: ماقلتلك لاتقربي منهن
شام: بعتقد بعمل يلي بدي مو
أسر: اي واناا بركد وبنط وراكي مشان جيبك هيك صح
شام: ماحدا قلك تنزل تجيبني
أسر: خليكي تغرقي لكن
شام: اي
أسر: عنيدة
شام: انننن
أسر:بقرب منها وبيتطلع فيها
شام: بتسكت وبترجع خطوة لورا وبتوجعها رجلها بتغمض عيونها بألم وبتشهق من وجعها
أسر: بقرب منها وبيمسك ايدها بخوف عم توجعك
شام: شوي
أسر: طيب تعي ننزل و بحطلك عليها كريم وبلفلك ياها

شام: طيب يلا ننزل بتمشي شوي شوي على رجلها وعم تتوجع
أسر: بقرب منها وبيحملها بين ايديه
شام: بتطلع فيه لاأسر نزلني
أسر: بيبتسم مالك قدرانة تمشي
شام: الكل تحت مارح اسلم من اللسانهن
أسر: بعتقد حجتك معك ماعم تقدري تمشي مو!
شام: لو سمحت مابدي مشاكل بابا مارح يقبل بهالشكل
أسر: ابوكي اعد برا مارح يشوف يلي تحت بس النسوان
شام: أسر بس بتطلع بعيونو وبتكون محاوطة رقبتو بين ايديها
أسر: بيبتسم مافي مهرب رح نزلك قدام مو بس ابوكي لو كل العالم تحت بقرب منها وبيهمسلها بعدين ممنوع الواحد يحمل يلي بحبه
شام: بتتلبك وبتسكت
أسر: بيفتح الباب وبينزل هو وحاملها وهي ماسكة برقبتو وخجلانة من حدا يشوفها
بوصلو على الصالون وبتكون سراب وريحان ويزن واقفين بس والباقي برا
أسر: بيبتسملهن وبقرب من على الكنباية وبنزل شام
ريحان: بتكون واقفة وعم تطلع ومصدومة
أسر: عمتي جيبيلي شاش وكريم بقلب شنتايتي فوق لو سمحتي
سراب: بتبتسم من عيوني
بتطلع سراب وبتدور عليهن ما بتلاقيهن بتنده لأسر وبيطلع أسر ليجيبه
يزن: بيتطلع بشام شو انسة شام حب وغرام والله لقلو لاابوكي
شام: بتتوسع عيونها ولاك يزن شو رأيك قول لاأمك
ريحان: بتطلع فيها شو بدك تقوليلي شام
يزن: اي صحيح شو بدك تقوليلها
شام: بتبتسم احكي قصة نرجس اه
يزن: بينصدم من شام وببلش يتأتأ
ريحان: شبها نرجس ولاك
شام: ابدا امي مافيها شي بس عاملين غراميات ابنك المصون هو وبنت اخوكي
ريحان: بتطلع بيزن وبتشلح كندرتها من رجلها وبتمسكه من ادنه ولاك فصعون الجن شو هاد يلي عم بسمعو اهه وكازة على سنانها
يزن: عم يتوجع ويفرك بين ايدين ريحان اخخ امي مافي شي والله هي شام عم تكذب
شام: انا عم كذب يعني مو انت قلت لنرجس انك بتحبها بالبلكون ببيتنا
ريحان: بتشهق بتحب شوو ياابن الصرماية وبتبلش تضربو بكندرتها
يزن: اخخ امي اخخ وعم ينط امي مافي من هالحكي لعب ولاد اخخ
ريحان: بتنزل كندرتها وبتمسكلو ادنيه التنتين والله يا يزن اذا بسمع هالحكي مرة تانية شايف هدول ادنيك وعم تشده منهن لاشلخهن عم تفهم
يزن: اخخخ مفهوم امي مفهوم
ريحان: روح من وشي ياكلب وياويلك اسمعك حكيت هيك او هيك
يزن: حاضر حاضر
بينزل أسر وبقرب من شام
أسر: رفعي رجلك لحطلك عليها كريم
ريحان: بتقرب من شام وبترفعلها رجلها وعم تطلع فيهن
أسر: بقرب بحطلها كريم وبلفلها ياها عليكي العافية
شام: الله يعافيك دكتور شكرا الك على كلشي
أسر: بيبتسم ولو واجبي يلا لكن نتغدا
ريحان: اي يلا تعي شمشم استندي علي
بتستند شام على ريحان وبيطلعو وبيتغدو كلهن وبكفو اعدتهن ومبسوطين

بالليل
بكونو اعدين كلهن وعاملين دويرة الشباب والبنات
شهد: شو بدكن تضلو ساكتين ملينا عملو شي نلعب صراحة وتحدي موافقين
الكل: موافقين
بتجيب شهد قنينة فاضية وبتحطها بالنص وبتبرمها بتجي على أياد بدو يسأل شام
اياد: تحدي او صراحة
شام: اممم تحدي
اياد: بيبتسم طيب غنيلنا غنية بصوتك
شام: لا اياد ماحلو صوتي
اياد: يلا تحدي هاد
شام: طيب بس بتساعدوني بتطلع بأسر وبتبتسم وبتغني
من يوم ماجيت عيونو فا عينيا وشوفت ضحكته الجميلة ديا بحلم بيوم ما يبقى ليا وابقى ليه واصحى لاقي حبيبي حوليا ووادي الي في خيالي بيحصل قصادي حبيبي جنبي فحنضي الليلة دي والله وبقيت معها نادا الفرح جمعنا بالحب نادا انا وحبيبي وتالتنا السعادة والحلم فسرناه باز کردن / نظر دهید

2023-05-15 13:51:30 يزن: لكن يسعد الله بيتطلع بنرجس وبيبتسم
شام: بتطلع فيه بطرف عينها وبتطلع بنرجس يلي بتكون جنبها وبتنكشها
نرجس: بتطلع بشام شبك
شام: بتهمسلها حركاتكن كاشفتها انا بفرجيكن لكن بس انا بنفضح قدامهن وبوقع من على الطنجرة بسببكن
نرجس: بتطلع بشام بعيون توسل وبتهسلها حبابة شام لا تحكي لحدا اي
شام: لشوف عيب استحي
نرجس: خلص ماعاد اتطلع فيه
شام: اي لنشوف بتبتسم
أسر: لكن يلا ياجماعة تفضلو لفوق حطو غراضكن الفيلة فيلتنا
سراب: يلا اختي ريحان اختي ماسة ست انجي تفضلو بيطلعو كلهن وبحطو غراضهن وببدلو لبسهن وبينزلو لرجال بيعدو بمكان ولولاد بينزلو ليسبحو واياد وريان وأسر عم بشغلو الفحمات للشوي ولتلاتة مو طايقين بعض وكل واحد بس راكد يفرجي عضلاته لشام
بتكون واقفة شام مع شهد وجوري وعم يساعدو بالاكل والتزبيط
ريحان: يابنات نحن رح ندخل لجوا نزبط السفرة
جوري: ماشي امي
بيدخلو ريحان وماسة وسراب لجوا وبيلحقوهن جوري وشهد
شام: بتنزل بكم درجة بكون عاملينها خصوصي للشوي هاد المكان بتقرب من الشباب يعطيكن العافية
ريان: بنط الله يعافيكي شمشم
اياد:الله يعافيكي شامو
أسر: بيرفع نظرو عليهن هنن لتنين بقلبو( الله لايعافيك ولا يعافيه ) بيتطلع بشام بدك شي انسة شام!؟
شام: بتطلع فيه لا مابدي شي عم اتفرج عليكن
أسر: شغلة رجال روحي لجوا مشان ما يطير الفحم على عيونك
شام: أمر بفهمو ولا براحتي
أسر: براحتك اكيد
شام: بتطلع في بنظرة استفزاز اي لكن حابة اتفرج
أسر: مابيعجبو وقفتها بس مابيقدر يعمل شي برن موبايله بيطلع وبيمشي بعيد عنهن ليحكي
ريان : ببلش يتناقش هو واياد ويتخانقو على الفحمات بيرفع الملقط ريان من على الفحم بدون ماينتبه بتطير الغبرة على عيون شام
شام: بتغمض عيونها فوراً وبتبعد عنهن بتطلع هي وعم تلمس وبتمشي هي وماعم تشوف بعيونها عم تحاول تفتحهن بس عم يحرقوها اخخ يعيوني هي وماشية بتضرب بحجرة برجلها بتكون وصلت على المسبح بتدعس على فستانها وبتتفركش فيه بيختل توازنها وبتصرخ وبتوقع بنص المسبح و مابتعرف تسبح
شام: بتبلش تصرخ ساعدونيي وعم تضرب بايديها على المي بباب وعم تنزل لتحت وتطلع باابا
بتطلع جوري من جوا وبتشوفها
جوري: بتصرخ لك شام عم تغرق ياامييي باباااااا عموو ادمم شاام عم تغرقق
شام: بابااا وعم تنزل لتحت المي وماعم تقدر ترفع حالها
بيطلعو كلهن على صوات لصريخ
أسر: بينتبه عليهن بزت موبايله وبيركد لعندهن
أدم: شاام
بيطلعو ريان وأياد
ريان: بوقف وبتجيه الجمدة ماعاد يتحرك
أياد: جايي شام بكون عم بشيل مسدسو من على خصره
وبدو ينط
بيركد أسر وبزت حالو بالمسبح
وبيسبح لعند شام وبطلعها من المي هو وحاملها بين ايديه
أسر: شام ردي علي شام
شام: بتكون ماعم تتحرك بحضنو
أسر: بيسبح هو وحاملها والكل قلبو واقف من الخوف
بطلعها برا المسبح وبيطلع
بيركد أدم لعند شام
أدم: شام بنتي ردي علي شام
أسر: بقرب بدسلها النبض وبقرب ادنو من قلبها بيسمع دقاتها بحط ايديه فوق بعضنهن على صدرها وبيضغط كرمال تطلع المي بيضغط مرتين شام قومي شام يلا
شام: بتبلش تسعل وتطلع المي
أسر: بيبتسم وعم يبعدلها شعراتها عن وشها
أدم: بقرب من شام وبيحضنها اخخ وقفتيلي قلبي ياروحي
شام: بابا وعم تسعل
ريحان: بتطلع بعصبية على ريان واياد يلي بكونو واقفين ومزعوجين من أسر
أدم: بكون ضامم شام الحمدلله يارب انتي منيحة ياروحي
شام: اي منيحة بابا
أسر: بكون عم يرفع شعره بايديه وعم ياخد نفسه من الرعبة يعلي
سراب: شهد جيبي مناشف ليحطوهن عليهن
شهد: يلا ماما
بوفق أسر
أسر: الحمدلله على سلامتك الله قدر ولطف
شام: بتطلع فيه وهي لسا عم ترجف الله يسلمك
أدم: شكرا الك ياابني لولاك مابعرف شو كان صار
أسر: مافيها شكر هي عمي سلامة شام اهم شي
ريحان: بتبتسم وبتقرب بتضم شام بخوف ياروحي انتي
شام: بتبتسملها منيحة انا لا تخافي
ريحان: كيف وقعتي بتعرفي حالك مابتعرفي تسبحي ليش بتقربي على المسبح
شام: امي ماقربت بس ريان هو وعم يرفع ملقط الفحم اجا غبرة على عيوني
أسر: بيتطلع فيها بعصبية بقلبو ( قلتلك بعدي عن هالحمير مابتردي مهم تعاندي)
شام: فطلعت وبعدت عنهن بس عيوني صارو يحرقوني ماعاد شفت خبطت بالحجر وماشفت حالي غير عم صرخ بالمي
ريحان: بتطلع بريان واياد وبتزورهن وعم تتوعدلهن الحمدلله على سلامتك الحمدلله يلي هيك ولا غير هيك
بتقرب شهد وبتعطي أسر منشفلة وبتحط وحدة على شام
بتوقف شام وبتصرخ
شام: اخخخ رجلي
أدم: شبها رجلك بنتي
أسر: بيتطلع فيها بخوف من وين عم توجعك
شام: من الكاحل
أسر: بينحني وبقرب منها بحنية وبيمسك رجلها من هون
شام: بتهز براسها بألم باز کردن / نظر دهید

2023-05-15 13:51:26 الجزء السابع

بتكون شام واقفة على لمرايا عم تزبط لبسها بتكون لابسة فستان ابيض طويل وحاطة طاقية شمسية قش على راسها ونضارتها وبتمسك شنتايتها وبتطلع
شام: بابا انا جاهزة
أدم: وانا جاهز رني لخالتك ريحان وشوفيهن اذا خلصو
شام: تمام
(بترن لريحان وبتكون ريحان خالصة وبينزلو هي وأدم وبروحو على بيت ريحان لان هنيك حيجتمعو كلهن
بكون أسر عازم الكل نزار وعيلته وريحان وعيلتها وأوس وعيلته وهو وعمتو وبنتها وأدم وشام وبروح ريان لان يونس ورنا مابيرضو يروحو كرمال امتحانات بنتهن مايا وجاد ابن نزار ما بروح )
بوصل أدم وشام لعند بيت ريحان وبكونو الكل بأنتظارهن وبتنزل شام من السيارة
بشوفها أسر وبيبتسم
شام: صباح الخير للجميع
الكل: صباح النور
أسر: بقلبه( بدك تشلي قلبي اليوم بهالجمال ريتني مطرح النضارة لو تعرفي انو كل هالروحة كرمال شوفك )
أدم: شو جاهزين
أسر: نحن جاهزين خلونا نطلع لكن يلا
أدم: في تلت سيارات انا رح اخد معي ريان وانت اخي نزار وعيلتك وشام
ريحان: ونحن واخي أوس وعيلته وبتضل أبني أسر انت والست سراب وشهد وبيطلع معكن حدا من البقيةوهيك منكون خالصين
بتنط شهد : بس هيك سيارتك عمو أدم مارح توسع شام ماعاد الها مكان خليها تروح معنا
سراب: اي بتروح معنا السيارة فاضية عنا
أدم: فيكن تاخدو معكن حدا غير شام اخي نزار مثلا واختي انجي
شام : بتكون واقفة وعم تستناهن يقررو
ريحان: خلص لا نختلف بقلبها( بدكن تاخدو شام لكن مو هيك فهمانة عليكن) التقسيمة حتضل متل ماهية وشام وجوري ونرجس بيطلعو مع ابني أسر تمام هيك
أدم: طيب يلا لكن على السيارات ببلشو يطلعو غراضهن على السيارة
بتمسك شنتايتها شام وبدها تحطها بالسيارة
أسر: بقرب منها هاتي عنك انا بحطها
شام: بتبتسم مافي داعي
أسر: هاتيها لشوف بيمسك الشنتة وبحطها وبسكر السيارة من ورا تفضلي يلا
شام: شكرا
أسر: بيبتسلمها
جوري: نرجس عم قلك بدي اعد على الشباك
نرجس: لا بدي انا اعد على الشباك
شهد: خلص تتخانقو وحدة بتعد على الشباك والتانية جنبها
شام: انا بعد خلصوني
شهد: لا شام ستني انا رح ادخل انتي اعدي من برا
شام: متل مابدك
بتدخل جوري وبعدها نرجس وشهد واخر شي بتعد شام ورا كرسي أسر وبتسكر الباب وبتفتح الشباك وسراب من قدام جنب أسر
بيطلعو كلهن وبيمشو
بصفن شام بالطريق ومستمتعة بالهويات يلي عم تنسم على قلبها
أسر: بزبط لمرايا على عيون شام وكل شوي بيسرق نظرة عليهن
شهد: بتطلع بشام عفكرة كتير طالعة حلوة اليوم ما شاء الله عليكي
شام: بتلتف على شهد دخيل قلبك هاد من ذوقك ياقلبي
شهد: بتبتسملها بتطلع بأسر شو دكتورنا مارح تسمعنا شي غنية
أسر: له كيف لكن لعيونكن
بشغل غنية بحبك انا
" عندك حلا متلو ماصار علمني كيف جن وغار لو بدي ارجع اختار بختارك انا غازلني وعشقني بجنون بحبك لما هيك تكون خيفان علي يامجنون بحبكك اناا
أسر: بيتطلع بالمرايا وبيبتسم
شام: بتسمع الغنية بتبتسم وبتضل حاطة راسها على الشباك وعم تبتسم
بتخلص الغنية
أسر: بدكن حطلكن شي !
سراب: سأل الصبايا
أسر: شو شهد بدك غنية معينة
شهد: انا مابتفرق وانتي شام بدك شي
شام: انا مافي ببالي شي
شهد: فكري
شام: امم مافي حطو على ذوقكن
أسر: طيب لكن بعمرك لا تسأل بنت بشغل غنية عندي قناعة
شام: شبهن البنات ليش دكتور
أسر: ما بيتاخد رأيهن انسة شام
شام: بالله
أسر: بيبتسم والله
شام: بتبتسم وبتسكت
أسر: بيندمج مع الغنية وببلش يدندن ويغني عندي قناعة بتموتي فيي وبتحلمي بكلمة مني عندي قناعة شو سهل علي بغمزة عينيي باخد منك شو مابدي بربع ساعةة وبالحب عينك دوم عليي انتي بحبيي مستوييةةة ماعندك واحد بالميةة ضدي مناعة ضدي مناعة
شام: بدنا نسمع الغنية مو صوتك دكتور
أسر: مو عاجبك ليكون انسة شام
شام: بقلبها( يخليلي هالصوت ) لا للاسف انطرشت يعني والغنية ماحلوة
شهد: بتكتم ضحكتها
أسر: بيبتسم ليش
شام: ماحلوة
أسر: خلص وصلنا مافي داعي نتناقش بالغنية بوقف السيارة
شام: بتلتفت لوراها وين البقية
أسر: ليكهن كانو ورانا هلق بوصلو وبينزل وبيفتحلها الباب
أسر: يلا نزلو ياصبايا يلا عمتي تفضلي انسة شام
شام: يزيد فضلك بتبتسم وبتوقف بدها تنزل بتدعس على فستانها وبتكون حتوقع بيمسكها أسر
شام: بتطلع فيه وبتهمسلو لازم تضل تمسكني يعني مافي مهرب
أسر: بيهمسلها للاسف بتوقعي بحضني على طول بيبتسملها وبهديها لتوقف
بوصلو البقية وبينزلو كلهن وبيدخلو على الفيلة
بوقفو قبال المسبح
أسر: نورتو ياجماعة
أدم: تسلم ياابني عذبناك معنا ماكان في داعي
أسر: ولو نحن عيلة وحدة ان شاءالله
أدم: واعز ان شاءالله
يزن: اخي أسر غميق المسبح
أسر: حكالي صاحب الفيلة انو غميق بس يلي بيعرف يسبح مابينخاف عليه باز کردن / نظر دهید

2023-05-15 13:51:24 شام: يلا بتقوم على الغرفة وبتمسك الموبايل وبتشوف أسم أسر بتتلبك اول شي وبعدها بتفتح
أسر: ألو السلام عليكم
شام: الو
أسر: مال الشام
شام: شو سامع
أسر : عم تحكيني بهالنبرة معناها ابوكي مو جنبك شو هالحظ يلي الي لتطلعيلي امي رضيانة علي بقبرها اكيد دخيل هالصوت يلي مشتقله
شام: بتبتسم ومابترد شو بدك دكتور
أسر: بدي ابوكي بظن طالب رقمو مو رقمك
شام: شو بدك منو
أسر: مابخصك حكي رجال
شام: بالله شو
أسر: والله شو
شام: طيب ستنى رح اعطيك ياه
أسر: بالانتظار
بتطلع شام وبتعطيه لأدم
بيحكي هو وأسر وبسكر
شام: شو بدو بابا
أدم: عازمنا بكرا على فيلة بدنا نعد يومين مستأرجها وعازم الكل
شام: وانت وافقت!!
أدم: اي منغير جو
شام: بس ودراستي
أدم: بكرا جمعة ويلي بعده سبت عطلة بنتي عادي
شام: متل مابدك بتفرح من جواتها انو حتشوف أسر يومين كاملين
__ تاني يوم الصبح ___
بتكون شام واقفة على لمرايا عم تزبط لبسها بتكون لابسة فستان ابيض طويل وحاطة طاقية شمسية قش على راس باز کردن / نظر دهید

2023-05-15 13:51:23 شام: بتطلع فيه بتحدي أسررر
أسر: دخيل الله اسمي محلاه من تمك
شام: بتزفر بضيق ومابتحكي
أسر: بقرب وبيفتح باب السيارة طلعي طلعي
شام: بتدفشه وبتطلع
بيطلع أسر وبسكر الباب بيتطلع بشام
أسر: اي وليش هيك خدودك حمر متل البندورة وماعاد عرفتي تعزفي شو صابك وبيكتم ضحكتو
شام: كلو بسببك اول مرة بحياتي بخربط هيك وبخجل قدامهن ساويتني قد الكمشة
أسر: بيبتسملها وبقرب منها وبيحكي بمكر وليش بسببي شو عملت انا
شام: بتطلع فيه وبتحكي بسرعة مين يلي حكا كلام مابعرف شو لزومو و بتسكت وبتحط ايدها على خدها
أسر: بقرب منها اكتر كفي ليش سكتي! شو عملت كمان
شام: بتسكت ولاشي
أسر: مابدك تحكي
شام: لا
أسر: طيب انا بكفيلك شو عملت بقرب ايده من خدها رفعتلك خصل شعرك هيك و
شام: بتشوفه بدو يتمادى بتاخد وضعية ملاك ب#هندسة_الحب وبتعضلو ايده بغل
أسر: بصرخ اخخخخ ايديي يامجنونةة ايديي
شام: بتبعد عنو وبتطلع فيه وبتزورو
أسر: بيمسك ايده وعم يضحك عليها اخخخ ليش هيك عملتي
شام: بترفع ايدها بوشه كتهديد ايدك اذا بتنمد على خدي تاني مرة رح افرمك مفهوم
أسر: وليش معصبة اخخ ياايدي ماعملنا شي
شام: بتطلع فيه مين عطاك الصلاحية تبوسني اه
أسر: بيتبتسم اي احكيها من الأول ماعملت شي غلط بوسة اسلامية خالية من الفتن وبيرفع ايديه
شام: أسرر ما تستفزني
أسر: كمان مرة اخخخ ياقلبي
شام: بتمسك شنتايتها وبتضربه فيها وجع ايه امشي وصلني والا بنزل وربي
أسر: بيضحك عليها هههههه خلص بوصلك بوصلك بشغل السيارة وبيمشي
شام: مو على بيتنا على بيت امي ريحان
أسر: اي بتأمري انسة شام
بوصل شام على بيت ريحان
أسر: تفضلي نزلي ولا انزل افتحلك حزام الامان
شام: بتطلع فيه بطرف عينها استغفر الله وبتفتح حزام الامان وبتفتح الباب وبتنزل وبتخبط الباب بتطلع عليه من الشباك شكراًأسر: يعني كلشي لحال عصبية ومجنونة وعضيتيني بس محترمة وبتعرفي بالواجب بيضحك العفو
شام: ياريت ماعاد شوف وشك دكتورر
أسر: قولي بالله
شام: بجدبنة بالله
أسر: والله و بيبتسملها
شام: بتضحك ضحكة خفيفة وبتلتفت وبتطلع على البناية
أسر: بشوفها طلعت بيمشي بسيارته
بتوصل شام على البيت وبتحط ايدها لترن الجرس وقبل ماترن بينفتح الباب وبتنشد شام لجوا
شام: بسم الله الرحمن الرحيم شو شوفي
ريحان: بتكون ماسكة شحاطتها بأيدها مين هاد يلي نزلتي من سيارته اه
شام: امي شو هي يلي بأيدك
ريحان: شو شايفة
شام:بتبتسم شحاطة
ريحان: معناها نظرك شغال مين يلي نزلتي من سيارته
شام: لك هدي ونزلي الشحاطة ومنحكي
ريحان: بتنزل شحاطتها وبتعد اعدي لشوف وحكيلي
شام: بتعد هاد الدكتور أسر
ريحان: وليش موصلك مو انتي بالمعهد كنتي شو جابو لعندك اه
شام: اي امي سؤال سؤال بتحكيلها السيرة كلها بدون المشاهد الرومانسية اكيد مشان ماتروح فيها
ريحان: ايوا قلتيلي
شام: اي بس
ريحان: مال الشام
شام: بتطلع فيها انتي مابتندهيلي مال الشام الا اذا بدك تحكي شي مهم شو عم بدور بعقلك ريحان خانم
ريحان: بتبتسم بحبك وليه!
شام: بتعمل حالها مصدومة من سؤال ريحان شوو عم تقولي امي معقول انتي كيف بتفكري
ريحان: اي اي بفكر صح فكرك مابعرف ليش بالمستشفى عمتو طلعتني لبرا واعدت تشغلني ولا شايفيني جدبة ومبين خوفه عليكي وقت كنتي بالعناية بعيد من هون تفتفتف و هلق موصلك واعد معك بالمعهد ويالطيف شو كمان وكل هاد بدك تأثبتيلي مابحبك
شام: ويا أمي انا شو بعرفني هو ماحكالي شي
ريحان: بدون مايحكي مفهومة
شام:مابعرف امي
ريحان: بتبتسم لشام تطلعي فيني شام
شام: بتطلع بريحان
ريحان: انتي مالك حاسة بشي تجاهو!
شام: بتبتسم بدك الكذب ولا الصدق
ريحان: طبعاً الصدق
شام: مابعرف بس يكون موجود بحس بشعور غريب ممكن اعجاب مابعرف
ريحان: بتبتسم لشام بنتي بدي ياكي تسمعي لقلبك وهو رح يخبرك امك امنتني فيكي ومابدي بيوم تختاري غلط أسر ممكن يكون بحبك وريان واياد كمان
شام: بعد فهم شبهن!
ريحان: ابن عمك ريان حاطط ببالو انو بدو يخطبك وابن خالك اياد معجب فيكي وأسر هلق
شام: اوف اوف شو كل هاد عمتي طلعت برجيت باردو ومالي عرفانة
ريحان: ييي ما بتطلع نقطة ببحرك ياعيوني
شام: بالنسبة لااياد وريان فاانا مابعتبرهن غير اخواتي وبس ومستحيل يصير بينا شي بس
ريحان: وأسر
شام: بتسكت وبتبتسم
ريحان: بتحضن شام الله يريحلي قلبك ياروحيبتضل شام عند ريحان وبيجي أدم لعندهن وبعدها بروحو على بيتهن
بيمرق اسبوعين وشام عم تدرس ومن جامعتها للمعهد ومن معهدها لبيتها وأسر بيبعتلها على موبايلها وهو مشغول بالمستشفى وشغلو
بتكون اعدة شام وأدم برن موبايل أدم
أدم: بابا شام قومي ردي على الموبايل مالي فاضي عم بتفرج على المبارة باز کردن / نظر دهید

2023-05-15 13:51:19 أسر: بيفتحو وشام لسا ماحاسة بيتطلع فيها وبيبتسم بيهمس انسة شام
شام: بتفتح عيونها وبتطلع فيه وبعيونو خلصت
أسر: بهز براسه ايه فيكي تقومي
شام: بتتلبك بعد عني طيب
أسر: بيطلع من الباب تفضلي
شام: بتمسك شنتايتها وبتطلع يسلمو
أسر: الله يسلمك
شام: سلام
أسر: فيني اسمع عزفك!
شام: بدك تدخل!
أسر: اذا ممكن ليش لا
شام: تفضل عادي
أسر: بيبتسم لكن يلا بسكر سيارته وبيدخل هو وشام لجوا بيعد هو على كرسي
شام: رح شوف استاذي استنى هون
أسر: بيبتسم مستني
شام: بتدخل بتسلم على استاذها وبتخبرو على أسر
بتطلع هي والاستاذ وماسكة بايدها الكمان تبعها
استاذ شام: بقرب من أسر شرفتنا دكتور أسر
أسر: بوقف وبسلم عليه الي الشرف
استاذ شام: رح نتركك تسمع عزف شام وتعطيني رأيك
أسر: بيبتسم وانا حاضر
استاذ شام: سمعي مقطوعة للدكتور لبين مايجو باقي الطلاب
شام: بتبتسم تمام
بيتركهن الاستاذ وبتضل هي وأسر
شام: بلش دكتور
أسر: بيبتسم بالانتظار
بتعد على كرسي قبالو وبتمسك الكمان بخفة وبتبلش تعزف غنية مابعرف كيف بنظرة
شام: بتطلع بأسر وبتبتسم وبتبلش عزف
.........
بتخلص عزف وهي مبتسمة وعم تطلع فيه
أسر: بيبتسم وببلش يصفقلها
شام: بتخجل شكراً
أسر: عزف رائع متميز فعلاً انك معزوفتي الجميلة
شام: بتبتسم معزوفتي الجميلة
أسر: بهز براسه وبيبتسملها بحب أسرتي قلبي بهالعزف
شام: بالله
أسر: والله
شام: شكرًا على المجاملة
أسر: ماعم جاملك أسرتي قلبي بكلشي فيكي مو بس بعزفك وبقرب منها ليصير قبالها تماماً وعم تحس انفاسها عم تتسارع
شام: بتتلبك اكتر دكت
أسر: بحط اصبعته على شفافها ليسكتها وبقرب من ادنها وبيهمسلها أسر: بيهمسلها بحب أسرتي كل ذرة بجسدي عم تخليني حبك كل يوم أكتر
شام:بتحس بقشعريرة بتجري بجسدها و بتتوسع عيونها ومصدومة من يلي سمعتو بتحكي أأ أ
أسر: بيتطلع فيها هو ومبتسم وبيرفعلها بحواجبه شو بدك تقولي
شام: بتطلع بعيونه وبتسكت ماعاد تعرف تحكي شي
أسر: بيستغل جمدتها وبقرب منها وببعد خصل شعرها عن وشها بيتطلع حوليه وبقرب من خدها بتحس شام بأنفاسه يلي متل اللهيب عم تلامس خدوها وبيطبع بوسة على خدها
شام: بتغمض عيونها وبتتسارع نبضات قلبها بتحس بالبردية ولسخونية والكهربائية كلهن سوا
أسر: بيبعد عنها وهو كاتم ضحكتو وساكت عم يشوفها كيف عم تتنفس بصعوبة وقلبها رح يطلع ويرقص دبكة
بيدخل أستاذ شام هو والطلاب وشام لسا واقفة ومغمضة عيونها
أستاذ شام: شام شبك واقفة هيك
شام: بتنئز و بتفتح عيونها اه استاذ معك وبتطلع حوليها وبتطلع على أسر
أسر: بيغمزها بخفة وبيبتسم
شام: بتخجل وبتبعد نظرها عنو
استاذ شام: يلا يا شباب خدو اماكنكن وانتي شام يلا لنبلش تدريب
شام: بتكون خدودها حمر متل الدم ورح ينفجرو الا شوي ومتلبكة تمام استاذ
بتعد شام على كرسيها
استاذ شام: وانت دكتور أسر فيك تعد وتتفرج علينا اذا بتحب
أسر: بيتطلع بشام انا يلي بحب بيعد أسر قبال شام من بعيد وبيتكتف وعم يتطلع فيها
شام: بترفع نظرها من الارض بتلاقيه بوشها عم يبتسم بتبعد نظرها عنو
أستاذ شام: خلونا نبلش ببلشو يعزفو وشام بتبلش تخربط بالعزف
شام: بتوقع من ايدها تبع الكمان يلي بتعزف فيها بنص العزف
استاذ شام: شو عم بصير معك شام اليوم!
شام: اسفة بتمسكها وبتكفي عزف وهي عيونها بالارض ماعم تقدر ترفعن مشان ماتشوف أسر بتشرد وبتتذكر كيف باسها وبتتلبك اكتر وبتخربط بالنوطة
استاذ شام: بوقف الطلاب شام تعبانة فيكي شي!!
شام: مابترد بتكون شاردة
أسر: بيكتم ضحكتو عليها وبحط ايده على تمه
استاذ شام: بصرخ لتسمعو شاام
شام: بتنئز اي استاذ
استاذ شام: وين صافنة فيكي شي تعبانة خربطتي اكتر من مرة بالنوطة وفجأة عم توقفي عزف وشي بتوقعي من ايدك شو صاير معك
شام:بخجل اسفة استاذ بس ممكن تعبانة لا تواخذني
استاذ شام: طيب فيكي تروحي ترتاحي حنوقف اليوم
شام: شكرا الك بتقوم وهي مزعوجة من تلبكها بتدخل على الحمام وبتوقق قبال لمرايا وبتطلع بحالها وبتحكي شو صابك شامم ركزي وهدي بترش على وشها مي اهدي وخدي نفس ماصار شي عادي اووف اوفف بتطلع وبتجيب شنتايتها وبتطلع من قدام أسر لبرا المعهد بدون ماتحكي كلمة معو بيركد وراها أسر وبيطلع بيمسكها
أسر: شام وقفي وين رايحة استني وبكون عم يضحك على منظرها
شام: بتلتفت عليه شو بدك مني ممكن افهم روح رجاع لعند يلي عم تفتلها الجامعات وتركني بحالي يوه
أسر: غيرانة قلتلك
شام: بتشد على ايدها وبتعلي صوتها ماقلت اني غيرانة عم تفهم
أسر: بيضحك اكتر ليستفزها وليش معصبة هيك
شام: مالي معصبة بعدلي بدي امشي
أسر: بدي وصلك
شام: يي مابدي توصلني
أسر: بدي وصلكك شااام باز کردن / نظر دهید

2023-05-15 13:51:18 شام: بتبتسم وبتبعتلو بتدخل على صورة لبروفايل الواتس بكون حاطط صورته بتبتسم وبتحفظها عندها وبتسكر وبتنام
_ تاني يوم الصبح __
بتصحى شام وبتلبس وبتاخد شنتايتها وبتطلع
شام: صباح الخير على احلى اب بالدنيا
أدم: يسعدلي صباحك شو بدك تروحي
شام: اي بدي روح بس بدي اشرب قهوة معك واكل سندويشة
أدم: قهوتك جاهزة والسندويشة جنبها تعي نطلع على البلكون نشربها سوا يلا
شام: يلا
بتطلع هي وأدم بيشربو قهوتهن وبتاكل وبتنزل بتاخد تاكسي وبتروح على جامعتها بتخلص محاضراتها وبتاخد يلي راح عليها وبتنزل هي وأسيل
شام: عم تحكي لاأسيل شو صار معها وكيف غميت
أسيل: الحمدلله على سلامتك ياروحي
شام: الله يسلمك قلبي
أسيل: بتطلع ورا شام ااااا
شام: شبك فتحتي تمك شوفي
أسيل: الدكتور أسر هون
شام: بصدمة أسر أسر ماغيرو
أسيل: لك اي اي واقف هو ووحدة
شام: بتلتفت بسرعة وينهن بتشوفه واقف هو وشهد شو عم يعمل هون هاد
أسيل: الله واعلم امشي نسألو
شام: بلا جدبنة شو بدنا فيه امشي نأعد على شي كرسي ماخصنا وهي من جواتها شاعل نار وفضولها قاتلها شو عم يعمل هون هو وشهد
بتمشي وبتعد هي وأسيل
أسيل: بتطلع عليه شام شام جايين لعنا شام
شام: اي اي خرسي شبك خرسي هس
أسيل: ماشي ماشي اعملي حالك مو منتبهة
شام: ماشي انقبري
بقرب منهن أسر بأبتسامة
يتبع

الجزء السابع

أسر: صباح الخير كيفكن يا صبايا
أسيل: بتبتسم لأسر اهلين دكتور صباح النور
شهد: كيفك شام كيف صرتي
شام: بتكون عم تعض على شفايفها من التوتر بتطلع بشهد الحمدلله بألف خير شكرا على سؤالك
شهد: بتبتسملها الجامعة كتير حلوة
شام: بالله بدك تدرسي طب ليش!!!
أسر: بيبتسم كيفك انسة شام
شام: بتطلع بأسر منيحة دكتور شو شهد ماجاوبتيني
شهد: لسا ماقررت عم نشوف الجامعات انا وأسر وبعدها منقرر
شام: ااه بتبتسملها ابتسامة باردة معك حق بدها تفكير وتتفرجي براحتك
أسر: بيتقصد قدام شام بحط ايده على كتف شهد وبقربها منو اي يعني هي شهودة لازم تتفرج ومنقرر انا وياها بعدين شو بدها تدخل
شهد:بتبتسملو يخليلي ياك
شام: بتحس النار اشتعلت جواتها وبتبلش تعض اكتر على شفايفها بتبتسملهن طيب لكن موفقين بالجامعة بالاذن يلا أسيل
أسيل: خليني فرجي شهد على الجامعة من جوا شو رايك شهد
شهد: ياريت والله
شام: بتطلع بغيظ بأسيل عملي يلي بدكن انا بالاذن عندي معهد بدي روح
شهد: بتحكي بسرعة أسر بوصلك شام وبيرجع بياخدني بكون خلصت او بروح مع أسيل وبتغمز أسيل
أسيل: بتفهم على شهد اي اي شام احسن ماتروحي لحالك
أسر:بيبتسم بكون وفرحان من جواتو شو انسة شام بتقبلي!
شام: بتطلع فيه لا شكرا بروح لحالي كفو جولتكن بالجامعة
شهد: لا والله ليوصلك أسر حلفت خلص
شام: مافي داعي انسة شهد
شهد: مافي تراجع يلا دكتورنا وصلها
بتتركهن شام وبتمشي لبرا الجامعة بيلحقها أسر
بيركد وراها ليوصل لعند سيارته وبيمسكلها ايدها لتوقف
أسر: استني وين رايحة
شام: بتلتفت عليه تركني
أسر: بقلد صوتها تركني لو سمحت دكتور مو هيك بدك تقولي
شام: ماذال بتعرف حكي ليش بتضل مصر تمسك ايدي قلتك مابحب المس حدا
أسر: بعمل يلي بدي ياه بعتقد مو
شام: بتعمل يلي بدك ياه مو معي بس
أسر: بيبتسم ليش عم كنتي عم تعضي على شفايفك ماقلتلك بضر
شام: ما خصكك
أسر: عرفت ليش بتعملي هالحركة لان مرتين صارت
شام: بتتلبك هي عادة عندي من انا وصغيرة ماخصها بشي
أسر: بقرب منها لتلزق شام بالباب وبيهمسلها كذابة انتي غيرانة
شام: بضيق نفسها وبتتسارع نبضات قلبها بتطلع فيه من شو بدي غار يامهضوم
أسر: اممم ممكن من شهد
شام: بتطلع بعيونو بقوة انا مابغار من حدا
أسر: مالك غيرانة منها كشخص غيرانة لانها قريبة مني
شام: بتتصنع الضحكة هاهاها ليش شو خصني فيك لغار عليك مثلاً
أسر: حاج تكابري انتي غيرانة ومو بس هيك اذا بلمسك هلق بتحرقيني
شام: لا توهم حالك بشغلات ما موجودة دكتور أسر: بيبتسم طيب متل مابدك اثبتلك انك غيرانة وبقرب منها اكتر
شام: بتتلبك وبتغمض عيونها
أسر: بيبتسم وقت يشوفها تلبكت وبقرب وبيفتح باب السيارة تفضلي طلعي
شام: بتفتح عيونها وبتطلع فيه بغيظ وبتطلع بسكر الباب وبلف و بيركب
أسر: نورتي السيارة
شام: بتحط حزام الأمان ومابترد بتلف وشها على الشباك وبتضل ساكتة
أسر: بيمشي بالسيارة وكل شوي بيخطف نظرة على شام وبيبتسم بوصل على المعهد وبوقف السيارة وصلنا
شام: بتطلع فيه يسلمو عذبتك
أسر: عذابك راحة
شام: بتجي لتفك حزام الامان مابينفك معها هاد شبو علق هفف
أسر: ستني رح اعملك ياه بيفتح الباب وبينزل وبيفتح بابها بقرب منها وبحاول يفتحو
شام: بتكون قلبها دقاتو ماعاد وقفت بتغمض عيونها وعم تشم ريحة عطرو يلي غلغلت بقلبها باز کردن / نظر دهید

2023-05-15 13:48:13 شام: بتهزلو براسها
أدم: بيمسحلها دموعها سامحيني اني خبيت عليكي لو كان لا سمح الله صايرلك شي والله بموت بعدك والله انتي يلي باقيتيلي ياشامي لاتخلي فيني وتتركيني ماعاد بدي شوف دموعك عم تفهمي
شام: بنبرة بكى مسامحتك بابا الله يخليلي ياك وبتضمو
أدم: بشد على شام ويخليلي ياكي يا شامي بيتطلع فيها وبيمسك كف ايدها وبينحني ليبوسو
شام: بترفع ايدها وبتطلع فيه وبتنحني وبتبوس هي ايدو هي لازم تنباس وتنحط على الراس ماانحرم منك يا رجالي
أدم: بيبتسملها ودموعو مغرغرة بعيونو وببوس راسها وبضمها لقلبو يا شامي يا شامي
شام: ادم يارجالي يامالي ورسمالي انا ياسمينتك وانت شامي
أدم:هههههه عم تسرقي كلام امك
شام: بتضحك ههههه هي الاصل
بفوت أوس
أوس: اي الله يديم المحبة ويطعمني متل شام هيك تصير الخانم نرجس متل شام
شام: بتتذكر شو شافتهن هي ويزن بتبتسم لاأوس بتصير خالي بتصير صغيرة لساتها دير بالك عليها
أوس: والله يلي شايفه انتي هيك من انتي وصغيرة الحظ لاأدم وبس اول شي انحظ بأختي الله يرحمها وهلق يلي خلف مامات الحنية المفرطة بالدم
أدم: بمزح شو اخي حسد ولا ديقة عين
أوس: لتنين هههههه
أدم وشام: بيضحكو هههه
بتدخل ماسة ماسة: دوم الضحكة
أوس: بيتطلع فيها ها شوفي خالي اول قاطعين اللحظات السعيدة
شام: بتضحك هههه لا مالك حق خالي خالتي ماسة مافي منها الماسة والله
ماسة: بتحط ايدها على خصرها اي اي احكي لقلك ماصدقت يوم يلي اخدتني هه بتطلع بشام يخليلي يلي بيفهم لك خالتي انتي جوهرة هالعيلة والله
أوس: نحن طلعنا كخ يعني
ماسة: انت عم تحكي ماحكيت انا
أوس: بقرب من ماسة وبضمها لك انتي الاصل ياغالية
ماسة: اي تضحك علي لقلك
أوس: عيب في بينا هالشغلات ههههه
ماسة: هههه اي يلا الغدا جاهز تفضلو شامي بتاكلي معنا ولا جبلك اكلك لهون
شام: لا باكل معكن مابدي ضل بالغرفة بختنق بعدين
أوس: لكن يلا شامي وها براسي بدي احملك بقرب من شام
شام: لا خالي مارح تقدر تحملني
أوس: شو قصدك انا ختيرت يعني
شام: بتكتم ضحكتها لا خالي بس مابدي عذبك مو هيك بابا
أدم : تصتفلي منك لخالك امشي اختي نطلع لبين مايجو
أوس: بدي احملك يعني بدي احملك بيحمل شام بين ايديه
شام: لا خالي هههههه نزلني بمشي لحالي
أوس: بيعمل حالو اختنق من تقلها اخخ لا لا بدنا نطلع
شام: بتضحك على شكلو ههههههه
أوس: بيبتسم اي دخيل هالضحكة مابتعرفي خالك لسا نادي وحركات بحملك وبحمل عشرة من امثالك بيطلع فيها لبرا
ريحان: بتشوفهن وبتبلش تضحك ههههه لك صفقو لأوس ياجماعة
ببلشو الكل يصفقوله
بحط أوس شام على كرسيها
أوس: شكرا ياجماعة مافي داعي خجلتوني
نرجس: بتحط ايدها على خصرها بابا بعمرك ما شلتني هيك ولا بس للست شام يا بعدي
شام: بتطلع بنرجس وبتكتم ضحكتها
أوس: بقلدها وبحط ايده على خصره اي بس للست شام يا بعديي لتكوني متل شام بحملك
نرجس: اي اصلا عادي
جوري: قال العز للرز والبرغل شنق حالو
شام: بتطلع بجوري ومابترد
ريحان: بتطلع بجوري ياريت تسدي لبوزك احسن مابلعك الرز والبرغل سيدة معلقة
بيضحكو الكل عليها
جوري: اميي انا سيدة معلقة
ريحان: وسقف الحلق كمان
شام: لا حرام امي هي جورية العيلة مافي منها اختي لصغيرة
جوري: بتبتسم وبتقوم بتحضن شام يخليلي شاميتي
شام: ويخليلي جوريتنا
ريحان: الله يحضرني على مطالعتكن انتو لتنين خلونا نبلش اكل بلشنا بالعواطف شو سيد عمار مابدك تعزمهن لنبلش
عمار: صار دوري ياجماعة تفضلو على الاكل احسن ما تستلمني تفضلو
بيضحكو الكل عليهن وبيتغدو وبينبسطو قد مابصير مشاكل بهالعيلة بتضل الضحكة والدفى والحنية بتجمعهن
بخلصو اعدتهن وبيتطمنو على شام وبيرجعو على بيوتهن
بتتسطح شام بتختها
بيدخل أدم لعندها
شام: بابا بدك شي
أدم: لا بدي اتطمن عليكي عم يوجعك شي!
شام: لا بابا الحمدلله ماعم بيوجعني شي بس بدي نام عندي جامعة بكرا ومعهد الموسيقى اهملتهن بتعرف انا اخر سنة طب لازم انجح
أدم: بقرب منها وببوس راسها الله ينجحلي ياكي ويسعدلي ياكي ياروحي
شام: امين يارب ويخليلي ياك
أدم: بغطيها منيح لكن يلا تصبحي على خير
شام: وانت من اهلي
بيتطلع أدم وبيدخل على غرفته لينام
بتتقلب شام بتختها وبتمسك موبايلها بتفتحو بكون في رسالة من أسر
بتدخل على محادثته بتكون الرسالة
أسر: كيف صرتي !؟
بترد شام
شام: الحمدلله منيحة
أسر: فوراً بشوف الرسالة وبرد الحمدلله حبيت اتطمن عليكي بس
شام: شكرا الك دكتور
أسر: بلاها دكتور مالنا بالمستشفى
شام: بالله
أسر: والله
شام: طيب دكتور أسر تصبح على خير
أسر: بحكي حالو عنيدة وربي برد عليها وانتي من اهلي وبيبعت تصحيح * اهلو بكون قصداً كتبها هيك باز کردن / نظر دهید