Stories 📖

2023-05-18 22:19:11 #الجزء_الخامس
‏eomoo_prhom ‏جزء ٣١
وسام. بحسب ما قال المحامي وبحسب ما تبين معو انو توقيع البائع نفس توقيع المشتري

ابتسمت ابتسامة عريضة ليلى. انت عم تحكي جد؟ ههههه جد ما لازم استغرب هيك فعل عسماح

وسام. اي نعم هلق ضل علينا نثبت انو التواقيع بتخص سماح وبعدين بنقدم التقارير للمحكمة

ليلى. اي وشو بصير بعدين

وسام. هلق ما عندي معلومات كتير بس الي بعرفو انو ادا ما أسقطو حقكون عقوبتها كبيرة كتير رح يزتوها بالسجن بتهمة التزوير وتهمة حرمان الوارثين من الأرث

ليلى. لا يو شو نسقط حقنا جد وسام بتشكرك كتيير حاسة هلق براحة نفسية كبييرة ما بعرف شو بدي احكي

وسام. ادا بتحبي بحجزلك موعد مع المحامي لحتى نرتب الأمور مع بعض

ليلى. اي والله يا ريت بكون ممنونتك

سكرت الخط مع وسام وحاسة حالها طايرة من الفرح حاسة بشعور الراحة والسكينة صارت تضحك بصوت عالي لحد ما اجو صفا وسلوى عالمطبخ عصوتها

صفا. أختي شو في ليش عم تضحكي هيك...

سلوى. شو صاير هون

رجعت تضحك ليلى. العقربة سماح ...

بصوت واحد سلوى وصفا. شبها!!

ليلى. طلعت مزورة اوراق الطابو وابي الله يرحمو مو كاتبلا ياه بأسمها ولا شي

سلوى. بتحكي عنجد

صفا. كييف عرفتي؟؟

ليلى. سرقت ورقة الطابو من غرفتها يوم العزا وبعتتها لمحامي أكدلي انو توقيع البائع والمشتري لنفس الشخص

ابتسمت سلوى. الف الحمدلله

صفا. الله لا يسامحها الحمدلله رح يرجع حقنا

التفتت ليلى لوراها عبت كاسة مي وطلعت ظرف الدوا اخدت حبتين عالسريع وشربت وراهون مي كانو صفا وسلوى واقفين وحاسين في شي مو طبيعي قربت ليلى منهون وضمت سلوى وصفا ليلى. الحمدلله

سلوى خلصت حالها من بين ايديهون ووقفت مواجه ليلى سلوى. ليلى بدي اسألك سؤال

ليلى. سألي...

سلوى. شو هاد الدوا الي عم تاخدي صار لاحظت عليكي هالفترة كتير عم تاخدي منو
ليلى. ههههه هاد حب وجع راس عطتني ياه اسراء الي حكيتلك عنها بالجامعة كان راسي كتير عم يوجعني وعطتني حبة منو وما بتصدقي شقد ريحني

بقلق سلوى. انتي كيف بتاخدي دوا من حدا ما بتعرفي !!

عقفت حواجبها ليلى. كيف يعني ؟

سلوى. ليلى صدقيني هي الأدوية كترتها مو منيح

ليلى. بتعرفي الضغوطات الي عم نمرق فيها هي الفترة وهاد الدوا كتير عم يريحني لا تكبري القصة

طلعت ليلى من المطبخ من دون اكتراث اما سلوى كانت حاسة بنار شاعلة جواتها وقلق مو طبيعي مسكت صفا من ايدها وهمست بأذنها

سلوى. صفا في شي مو طبيعي بهالبنت

بقلق صفا. خالتي لا تخوفيني...

سلوى. ما بعرف صفا ما بعرف لازم نتصرف بأسرع وقت احساسي انو هالدوا الي عم تاخدو فيه شي وكل مالها عم تزود العيار انا خايفة

صفا. شو بدنا نعمل‏eomoo_prhom ‏جزء ٣٢
سلوى. انا رح اخد حبة من هاد الدوا لنبعت عينة للمخبر ونحللها بس ادا تأكدت من شكوكي مصيبة

طبطبت عأيدها صفا. لا تخافي خالتي ليلى قوية مستحيل يكون الي عم تفكري فيه صح

سلوى. ما بعرف صفا خايفة كتيير ماني مطمنة

سمعو صوت ليلى عم تصرخ ليلى. خالتي انا طالعة غشغلي ادا بدكون غراض من برا بعتولي رسالة

سلوى. لحظة...

سمعت طبقت الباب بقوة غمضت عيونها وسحبت تنهيدة سلوى. كان لازم تروح معك عجلسة الكيماوي لانو انا ما فيني اطلع من البيت هالبنت صايرة عم تنسى كتير

صفا. لا تهكلي هم خلص بروح لحالي

سلوى. خلينا نأجلها لوقت ترجع ماني حابتك تروحي لحالك

صفا. مافي داعي خالة

صارت سلوى تروح وتجي بالمطبخ وكأنها عم تفكر بحل ليروح قلقها وترتاح فجأة ابتسمت وكأنها لقت الحل

سلوى. لقيتا...

صفا. شو هي؟

قربت من الرف الي كانت واقفة جمبو ليلى وطلعت علبة الدوا نفسها وعطتها لصفا
سلوى. صفا بطريقك بتاخدي علبة الدوا هي وبتروحي عصيدلية رولا بدي اعرف لشو هاد الدوا قوليلا تاخد منو كم حبة وتحللهون بالمخبر

صفا. ادا هاد الي بيريحك من عيوني

قربت منها وضمتها سلوى. خالتي بدي منك تكوني قوية قطعنا مرحلة كبيرة من المرض ما ضل غير القليل هدول الجلسات هنن الي رح يحددو مصيرك وبعدها رح نرتاح من الكيماوي ان شاء الله

صفا. ان شاء الله خالتي لا تخافي انا قدها

سلوى. الله يحميلي ياكون

طبطبت عكتفها ومشيت بسرعة لتلحق جلستها لبست جاكيتها وصارت تركض قبل الكيماوي كان يطير معها شعرها الأشقر الي نزل جلسة ورا التانية لحد ما صفيت بلا شعر بس ما خلت هالشي يأثر عليها ابداً بالعكس كانت بكل جلسة تقوى اكتر من الي قبلها اول ما فتحت باب البناية تفاجأت بسيارة عماد واقفة جمب الباب لما شافها طلعت زمرلا وفتح الشباك

قربت منو والاستغراب باين عملامحها صفا. مرحبا عماد

عماد. اهلاً كيفك

صفا. الحمدلله تمام ادا عم تستنا ليلى فهي طلعت من شي نص ساعة

عماد. لا لا انا عم بنتظرك طلعي عالسيارة بسرعة مشان نلحق موعد الجلسة

ضلت صفا واقفة مكانها من الصدمة
عماد. يالله شو ناطرة ر

بع ساعة بالكتير لازم نكون هناك

فتحت باب السيارة وطلعت
_______ باز کردن / نظر دهید

2023-05-18 22:18:32 طلعت من الغرفة وفاتو شباب تنين حطو الجثة بقلب التابوت وحملو وطلعو اما ليلى كانت لساتها جامدة مكانها وكأنها مو قادرة تتحرك عم تراقب التابوت بنظرها وعم تحاول تكتم دموعها بصعوبة صارت تمشي بخطوات ثقيلة وقربت من صفا وسلوى وضمو بعض وبهاللحظة انفجرو بالبكا تلاتتهون سو....
___
بعد 3 أيام عزا رجعو الصبايا لحياتهون الطبيعية ليلى رجعت عجامعتها وعشغلها مع وسام وبالمكتبة وصفا رجعت لعلاج الكيماوي ومدرستها اما سلوى فقررت تستقر بالبيت لبين ما تخلص عدتها ما مننكر انو الفراق قاسي بس كمان البعد جفا يعني بعد الاب عنهون كل هالفترة خلتهون ينسو بالفعل

كانت ليلى ماشية بالطريق بعد ما خلصت جامعتها متجهة عبيت وسام لتكمل معو رحلة العلاج الي رسمتها براسها كانت حاسة راسها رح ينفجر طلعت ظرف الدوا الي عطتها ياه أسراء واخدت منو حبتين وشربت وراهون مي بسرعة كان هالدوا كتير عم يهدي إعصابها ويروقها بالفترة الأخيرة
رنت الجرس ونطرت شوي لفتح عماد الباب تطلع فيها بأستغراب
عماد. ليلى ليش هيك مانك عبعضك ووشك لونو أصفر

ابتسمت ليلى. ما فيني شي بس راسي كتير عم يوجعني هالفترة

عماد. ادا بتحبي منأجل موعد الجلسة

ليلى. لا لا عماد مافي داعي اصلاً هالفترة كتير قصرت بجلسات وسام

عماد. متل ما بدك اتفضلي

دخلت ليلى عالبيت وكان ناطرها وسام مقابل الشباك كانت أشعة الشمس عم تداعب خصلات شعرو وعيونو الزرق عم يلمعو أرتسمت عوشو ابتسامة عريضة لما لمحها

ليلى. كيفك وسام

وسام. تمام انتي كيفك!

ليلى. الحمدلله منيحة

عماد. انا عن أذنكون عندي شوية شغل لازم روح لحقو

ليلى. اذنك معك

بعد ما طلع عماد قعدت ليلى عالكرسي المقابل لوسام ورتبت خصل شعرها الأسود ورا ادانها بهاللحظة كان وسام هادي كتير ما ابدا اي ردة فعل‏eomoo_prhom ‏جزء ٣٠
ليلى. توقعتك تكون لساتك معصب من آخر جلسة

هز راسو وسام. اكيد انتي ورا فكرة اني اجتمع مع رفقاتي صحيح ولا ماني غلطان

ليلى. انت شو رأيك!!

وسام. ما بعرف

ليلى. وسام انت لازم تواجه الماضي التهرب منو ما رح يعطيك غير الحسرة والندم

وسام. معناتا انتي صاحبة الأقتراح

ليلى. اي انا وين المشكلة !

ابتسم ابتسامة عريضة وسام. بما انك صاحبة الاقتراح معناتا لازم تكوني موجودة يوم الخميس الجاي لما رح يجو

ليلى. اكيد رح كون ما توقعتك توافق بهالسهولة

وسام كان سارح بعيونها وعم يفكر بلمعة الحزن الي عم يشوفها بيناتون فجأة قاطع صمتو صوت ليلى

ليلى. بشو شارد وسام ؟

وسام. ليش زعلانة اليوم ليلى شو صاير معك!

سحبت نفس عميق ونزلت عيونها عالأرض ليلى. شفت بابا

وسام. شووو!!

ليلى. يعني شفت جثة بابا الله يرحمو وانا فايتة لأخد ورقة الطابو من غرفة سماح يوم العزا

وسام. الله يرحمو ويغفرلو لا تزعلي ودعيلو بالرحمة

ليلى. ما بعرف وسام لما شفتو حسيت كل الحقد الي بقلبي طار حسيت حالي مسامحتو عكل شي وجد تمنيت يطلع كل شي عم عيشو كذب او شي حلم وأصحى منو

تطلع وسام فيها ولمعت عيونو كان نفسو يقرب منها ويضمها كان نفسو يمسح الدمعة الي نزلت عخدا ويلاعب خصلات شعرها بس كان عاجز بكل معنى الكلمة

نطق بكلمات مبعثرة وسام. بيكفي ليلى ما بحب شوفك ضعيفة

مسحت دمعتها وحاولت تتصنع القوة من جديد ليلى. بتعرف وسام انا هلق شبه متأكدة انو ابي مستحيل يكون فضل سماح علينا وكتبلا البيت بأسما

وسام. ليلى يعني الورقة هلق معك ؟

هزت راسها ليلى. اي معي

وسام. بعرف محامي شاطر ادا بتحبي عطيني الورقة وخليني اتواصل معو ليتأكد ادا التواقيع مزورة او لاء

طالعت الورقة من شنتتها ووجهتها لوسام ليلى. اتفضل وسام

وسام. بكرا او بعد بكرا بالكتير رح نعرف كل شي لا تقلقي

ابتسمت ليلى. ان شاء الله
بعد جلسة علاج دامت لساعتين طلعت ليلى من بيت وسام وكلها أمل انو يطلع الي عم تفكر فيه صح مرو يومين بسرعة على ليلى وباليوم الثالث كانت عم تنتظر اتصال وسام على نار كانت عم تروح وتجي بالصالون والتوتر طاغي عملامحها عم تدعي ربها تطلع الأوراق مزورة وعالساعة 2 الضهر رن موبايلها ردت بلهفة على وسام من دون ما تسلم

ليلى. شو صار معك

وسام. طلعت النتائج

ليلى. اي نتائج

وسام. المحامي حلل توقيع البائع والمشتري وتأكدت معو النتائج حسب مو كاتبلي

ليلى. اي شو هيي.... باز کردن / نظر دهید

2023-05-18 22:18:32 سحبت نفس وتنهدت بعمق ليلى. لازم نستعجل خالتو ما بدنا اي مخاطرة

نرجس. ولا يهمك انا هلق رح روح احكي معو لازم نكون أيد وحدة من هون وهيك ما بدنا نخسر وسام

كانت مستعجلة كتير لبست جاكيتها ولملمت غراضها بسرعة وصارت تركض وكأنها خايفة ما تلحق ابنها فاتو صفا وسلوى عالمطبخ وعلامات الأستغراب واضحة عمعالم وشون

سلوى. ليلى شو القصة ليش طلعت المدام نرجس عم تركض ومستعجلة ان شاء الله مو صاير شي سيء

ليلى. لا تخافو مافي شي بس بدا تروح لعند وسام

صفا. والله هالوسام بيزعل يا حرام شب متل الوردة كاسة مي ما بيغضر يرفعها ويشرب

بصوت مخنوق ليلى. احمدو الله على الي عندكون لكن

صفا. الف حمد وشكر

سلوى. ليلى صح بدي اسألك ...
انتي بتعرفي لوسام من قبل يعني قبل ما تشتغلي بمعالجتو

ليلى. بتتذكرو للشب صاحب الصورة الي ضلت سماح 3 سنين تهددني فيها

صفا. لا تقوليلي هو نفسو ...

هزت راسها ليلى. هو بذاتو وكان الضحية الكبرى لغباء سماح وغرورها مع انو ما ألو ذنب بشي

سلوى. الله ينتقم منها يا رب

وهنن عم يحكو رن موبايل سلوى سحبتو وطلعت لتحكي بالصالون وبعد خمس دقايق رجعت وباين الحزن عملامحها

سلوى. صبايا مبارح المسا وصلت جثة الوالد الله يرحمو من الأمارات صرلون أسبوع عم يحاولو يدخلوها غسلوها اليوم وعصلاة الجمعة الدفن نحنا لازم نكون موجودين هناك
....‏eomoo_prhom ‏جزء ٢٨
بصالة كبيرة عم يضج فيها صوت القرآن والتسبيح وذكر رب العالمين كانت مكتسية باللون الأسود ليلى وصفا وسلوى كانو قاعدين جمب الباب وعم يستقبلو تعازي الناس أما سماح كانت قاعدة من الجهة المقابلة وعم تبكي بصوت عالي وعم تمثل الحزن قدام الناس كانت مو قادرة تقلع الصبايا من البيت قدام كل هالبشر الناس عم تحاول تهديها مع انو عرفانين من جوا انو كل هاد تمثيل مو اكتر

اما ليلى كانت عم تفكر بشي تاني تماماً كان الحقد طاغي عكل مشاعرها بعد ما هدت الأجواء شوي قامت من عالكرسي وسوت حالها عم تفوت عالحمام بس لفت ودخلت عغرفة سماح بالجهة المقابلة طبقت الباب بهدوء وراها
التفتت لعند البيرو وفتحت الجرار الأول كانت متأكدة انو ورقة الطابو بغرفة سماح لانو بتتذكر بهداك اليوم شافت سماح اتجهت عغرفتها لما جابتلا الورقة صارت ليلى تقلب بين الأوراق لحد ما لاقت هديك الورقة ابتسمت ابتسامة عريضة وحطتها بشنتتها تطلعت بالجرار مرة تانية لقت رزمة مصاري كانت حاسة انو هي أحق من سماح بهالمصاري هدول تعبها هي وحق اختا كمان ما قدرت ما تشيلون وتحطون بشنتتها

كانت عم تتلفت لجهة الباب حتى تطلع فجأة استوقفها شي بالجهة التانية من الغرفة خلاها تقرب منو وتنزل عركبها شوي شوي كانت جثة ابوها مغسلة وملفوفة بشاش ابيض صار جسمها يرتعش ودموعها يشرو من دون ما تشعر فتحت الشاش شوي شوي وهي عم تهمس بصوت واطي...ليش.....

ضلت تفتح بالشاش لحد ما بين وش ابوها حطت أيديها على عيونها و كان نفسها تصرخ وكأنو بهاللحظة فقدت اعصابها وانهارت كل القوة الي عم تحاول تمثلها كانت عم تشهق وتهمس

ليلى. ليش تركتنا ليش...والله ما ضل ألنا غيرك بهالدنيي...انت طلمتنا كتييير...كتيير ظلمتنا يا بابا كان نفسي تكون الأب والأم لألي وتعوضني عن حنان ماما الله يرحمها كان نفسي بيوم اجي واشكيلك وحس معك بالأمان

صارت تمسح دموعها وتحاول تهدي حالها شوي قربت من راس ابوها وباستو لأخر مرة ورجعت تحكي وهي عم تغطي راس أبوها وترجع الكفن عحالتو القديمة

ليلى. بترجاك لا تخيب ظني فيك هالمرة كمان ...انا صدقني ما بدي البيت انا كل الي بدي ياه انك تترك صورة حلوة بعيونا قبل ما تروح...بس انا مسامحتك حتى لو فضلت سماح علينا انا مساحتك...الله يغفرلك يابي...الله معك

مسحت دمعتها ورجعت شالت المصاري من شنتتها ورجعتهون عالبيرو القت نظرة أخيرة عالكفن وهمست والدموع مغرقين عيونها
ليلى. الله معك...سامحني‏eomoo_prhom ‏جزء ٢٩
__
كانتْ آخرَ قبلةً على جبينك يا أبي كم أردتُ أنْ تضمني بين ضلوعكَ بعدها كم أردتُ أن تمسحَ دموعي وتقولَ لي كفى بنيتي لا تحزني علك تسّكنُ قلبي الدامي أردتُ ان أمسكَ بذراعكَ ونخرج سوياً إلى أولئكَ الذين يرتدون الأسود خارجاً أردتُ أن نقول لهم كفى أوقفوا هذا الهراء أبي ما زال يحيى ...ولكنها كانتْ قبلةً على جبينِ ميت يا أبي.
___
كانت خطوات سماح عم تقرب شوي شوي ناح الباب انفتح الباب وفات شق ضو من بين العتمة غمضت عيونها وحاولت تتمالك أعصابها

سماح. شو عم تعملي بغرفتي؟

ليلى. كنت عم ودع أبي لآخر مرة ولا كمان هاد ممنوع

سماح. عأساس يعني كتير مهتمة لأبوكي عكلن منيح ودعتي لانو رح ياخدو الشباب عالدفن ويا ريت انتي وهدولاك التنتين تطلعو معو وتفرقوني بريحة طيبة من بعدها خلوني عيش حياتي باز کردن / نظر دهید

2023-05-18 22:18:30 وسام. اخي ما بدي وصيك ما بدي تجيب سيرتي وما بدي تحكي انو البيت لرفيقي التقى البيت وخلصنا مافي داعي تعرف اني انا ورا هالشغلة

تطلع فيه بأستغراب عماد. انا ما عم بفهم عليك اخي

وسام. مو ضروري...

تطلع بأخو وسألو من دون وعي بس كان بيتمنى يطلع الي عم يفكر فيه مو صحيح عماد. بدي اسألك سؤال أخي بس بتمنى تجاوبني عليه بصراحة

وسام. شوفي عندك اسأل عماد

عماد. انت بتحبها ...!!

لمعت عيون وسام وحاول يشتت نظرو لبعيد وكأنو عم يمنع عيونو من انو تحكي شوفي بقلبو كان نفسو يقلو اي بحبها بس اي حب بوضعو هاد !!

عماد. لا تضل ساكت أخي لا تكذب عليي وتقلي انو كانت موظفة عادية بالمشغل وسام. بالنسبة ألي كانت موظفة عادية

عماد. وشو صارت بعدين

وسام. ما بعرف

عماد. لو موظفة عادية ما كانت ردة فعلك هيك لما شفتها اول مرة وسام لا تكذب عليي انا اكتشفت انو لقاءي بليلى ما كان صدفة ابداً هي كانت عم تحاول توصلك عن طريقي انا‏eomoo_prhom ‏جزء ٢٦
تهرب بنظراتو وغمض عيونو وسام. عماد أرجوك لا تضغط عليي قلتلك بكره الماضي وكل شي بيذكرني فيه

عماد. انت بتحبها حاج تكذب عحالك

وسام. اي بحبها بس شو الفائدة؟!
وضعي هاد بيسمحلي حب برأيك انا يا اخي محرم عليي حب كان نفسو يقول هالكلمات بس في شي جواتو منعو من انو يحكي اكتفى بس بأنو يبتسم

بالمقابل ابتسملو عماد وكأنو طالع الجواب من بين عيونو كان متأكد انو الي عم يفكر فيه مانو وهم هو ما بينكر أعجابو بشخصية ليلى الغريبة بس لما اكتشف حب أخو قرر يبعد

لف وشو وراح يفتح الباب لليلى كان عم يحكي بصوت مبحوح وهو عم يمشي
عماد. الله يهنيك اخي ...الله يهنيك
__
لا تستمع لما أقوله يا أخي دعك من تراهات الكلام وانصتْ ...انصتْ داخلي علّك تعلم جيداً أن بعض الأشياء القيمة لا تحكى ...بعض الأشياءِ الصافية تكبرُ في القلب وبالدمِ تُسقى.
___
دخلو الصبايا عالبيت وهنن عم يجرو شناتيهن وراهون كان صدى خطواتهون عم يقرع بالمكان لأنو فاضي شقة عبارة عن غرفة وصالون صح صغير كتير بس بنفس الوقت حلو ومرتب قربت ليلى لعند الشبابيك رفعت الأبجورات وفتحت كل الشبابيك ليتهوا البيت ابتسمت إبتسامة ناعمة وبلش شعرها يطير مع الهوا

ليلى. شكراً كتير ألك عماد البيت كتير حلو وعجبني

عماد. لا ولو ما عملت شي

التفتت لعند البنات ليلى. شو رأيكون صبايا

صفا. حلو انا بالنسبة الي عجبني

سلوى. هو صح صغير بس بنفس الوقت كتير حلو ومرتب

نرجس. الله يجعلو فاتحة خير عليكون يا رب

ليلى. آمين يا رب

عماد. يالله لكن بما انو عجبكون البيت انا بدكون تسمحولي عندي شوية شغل لازم لحقو أمي بدك تبقي هون ولا أرجعك عالبيت

نرجس. لا امي معلش خليني ساعد الصبايا شوي بتنظيف البيت ولما نخلص برجع عالبيت لحالي

عماد. متل ما بدك أمي
......
بعد ما راح عماد استلمو سلوى وصفا الغرف جوا اما نرجس وليلى المطبخ والحمام كانت ليلى عم تنظف الرفوف ونرجس واقفة قبالها وكأنها متوترة ومانها عرفانة شو بدها تحكي

نرجس. انا بدي اعتذر منك يمكن غلطت بحقك بأول مرة شفتك فيها

التفتت ليلى لعندها وابتسمت إبتسامة رقيقة ليلى. ولا يهمك خالتو انا اعتبرت حالي ما سمعت شي من لحظتها صدقيني بعمري ما حقدت عحدا غير عهديك العقربة سماح

صارو يشرو دموع نرجس وهي عم تحكي نرجس. انا صدقيني ما كان قصدك أجرحك او اخدش كرامتك انا ما كان بدي شي غير أنقذ ابني

قربت لعندها ليلى وطبطبت عكتفها ليلى. بترجاكي حاج تبكي خالتو انا عندي أمل كبير انو وسام رح يتجاوز هي المرحلة ورح يرجع أحسن من الأول

صارت تشهق بصوت عالي وكأنو جرحها التأم بهاللحظة نرجس. خايفة...خايفة كتير لأخسر ابني‏eomoo_prhom ‏جزء ٢٧
ليلى كان حكي وسام غير عن كل مرة هالمرة كان فيه أصرار كان بنبرة صوتو في شي غريب والمهلة الي عطانا ياها بلشت تنتهي

بسرعة مسحت الدمعة الي نزلت من عيونها لمجرد تخليها انها رح تخسر وسام بعد ما اجتمعت فيه مرة تانية كانت عم تحكي وشفافها عم ترتجف
ليلى. ايمت بتنتهي المهلة!!

نرجس. 30/12/2019 آخر يوم بالمهلة

ليلى. خالتو يعني يعني ما ضل غير شهر واحد

هزت راسها بأسى والدموع عم تشر من عيونها نرجس. مع الأسف...

ليلى. نحنا لازم نتصرف بسرعة لازم نعمل شي بأسرع وقت

نرجس. شو لازم نعمل عطيني حل ببوس أيدك

مسحت دموعها وقعدت عالكرسي وهي عم تحكي بنبرة جادة ليلى. الحل الوحيد انو وسام يتخلص من الماضي ليقدر يتقبل الحاضر

نرجس. ما فهمت عليكي

ليلى. طول ما وسام مشتت بالماضي مستحيل يقدر يتقبل الواقع مشان هيك الحل الوحيد انو يواجه الماضي ما يخلي شي بلا نهاية

نرجس. وكيف بدو يواجه الماضي ؟؟

ليلى. برأيي لازم نقنعو يقابل رفقاتو القديمين كلون لازم يجتمع معهون ويتقبلهون من جديد وازا عندو مشكلة مع حدا منون لازم ننهيها ليقدر يعيش بسلام

نرجس. اممم...طيب تركيلي هالشغلة عليي رح اقنعو يلتقى مع رفقاتو ولو انو صرلو فترة طويلة ما عم يرضى يقابل حدا منون باز کردن / نظر دهید

2023-05-18 22:18:30 ليلى. بوقتا كنت سبب مشكلة بينها وبين أبي وصلت بيناتون للطلاق ومشان تنتقم مني اخدت صورة من شنتي كانت لألك وانت ضامم نسرين صورتكون ياها انا جمب مشغل الخياطة الي كنا نشتغل فيه كنت أتفرج عليها لما كون متدايقة وانبسط لما شوفك مبسوط مع نسرين صدقني بس سماح شوهت كل شي حتى الصورة طبقتها مع صورة تانية لألي وبعتتها لنسرين كانت بتعرف اني بحبك وبهالحالة رح اخسر احترامك ورح تكرهني وطبعاً رح تصير تهددني بالصورة قدام ابي ادا ما بعدت عن طريقها

خنق وشو وتكللت ملامحو الغضب وسام. لك انتي شو عم تحكي!!‏eomoo_prhom ‏جزء ٢٤
عرفانة حالك شو عم تخبصي لك انا خسرت كل شي بسبب أنانيتك

ليلى. وسام اسمعني...

وسام. انتي الي بدك تسمعي شو بينفعني كلامك كلو هلق كان لازم تعترفي من البداية كان لازم تقولي انو انتي السبب بس حكيك هلق لا بيقدم ولا بيأخر

قبل ما ترد ليلى دخل عماد عالبلكونة وقطع حديثهون عماد. خير وسام في شي اجيت لشوفك ادا بردت

وسام. خلينا نرجع عالبيت أخي انا تعبت

تطلع بليلى بأستغراب عماد. ماشي أخي متل ما بدك ليلى بدك مني شي قبل ما نروح

ليلى. الله معكون

سحب كرسي وسام وغابو عن نظرها شوي شوي كانت لساتها واقفة بمكانها وعم تراقب أضوية الطريق تطلعت عالسما وتنهدت بعمق كانت عم تحكي بقلبها ليلى. رح تضل تظلمني طول عمرك مستحيل تصدق اني رحت واعترفت لنسرين بكل شي بس هي الي ما بدا ياك

مسحت الدمعة العالقة عطرف عينها ودخلت لجوا
_____
تاني نهار عوش الصبح كانت الشمس عم تشرق من ورا الغيوم السودا وعم ترسم معها قوس قزح بألوانو الباهية بعد المطر يمكن كان رسالة ليخبرنا انو الحياة مستمرة بألونها لو عشنا بالظلام ما بيعني انو الحياة انتهت ابداً

كانت صفا قاعدة قبال موقدة الحطب ودموعها عم تشر كل ما تتذكر أبوها كانو قاعدين جمبها سلوى وليلى وعم يحاولو يهدوها

سلوى ماسكة أيدها وعم تطبطب عليها
سلوى. الله يوفقك حاج تبكي انتي بتعرفي كتير منيح انو الزعل مو منيح لألك

صفا. صدقيني ما عم بقدر قد ما كان بس بيضل هاد أبي يعني هلق صرت يتيمة لا أب ولا أم حاسة حالي وحيدة بهالكون رح أختنق

عكفت حواجبها ليلى وهزت براسها بعدم رضى ليلى. ونحنا وين رحنا كيف يعني وحيدة ممكن تفهميني؟
طالما نحنا تلاتتنا مع بعض بعمرنا ما رح

نعيش الوحدة أبوكي مات الله يرحمو بس خلص ارحمي حالك

تطلعت فيها بعيونها الخضر الي عم يلمعو من الدموع صفا. مانو أبوكي!!

لفت راسها عالجهة التانية وغمضت عيونها وكأنو سؤالها خلاها ما تعرف ترد بهالأثناء فاتت نرجس حاملة بأيديها صينية الشاي حطتها عالطاولة وقعدت عالصوفا مقابل الصبايا

نرجس. صباح الخير صبايا طمنوني كيف صرتو اليوم ؟!

ليلى. الحمدلله خالتو احسن

ابتسمت إبتسامة هادية نرجس. الله يصبركم يا رب

ليلى. تسلمي خالتو

كانت نرجس عم تعبي كاسات الشاي الي عم يطلع منها البخار والصبايا قاعدين وساكتين لحد ما قطعت ليلى هالصمت بكلماتها

ليلى. خالتو ادا ما عندك مانع رح يبقو صفا وسلوى عندك بين ما روح جيب محاضراتي المهمة من الجامعة ودور على بيت للأجار بما أنو صحي الجو

نرجس. لا ولو البيت بيتكون ما حابتكون تطلعو من عندي والله

ليلى. تسلمي خالتو كلك ذوق والله‏eomoo_prhom ‏جزء ٢٥
بدلت تيابها ليلى عالسريع وضلت تمشي لوصلت عجامعتها ما كان ألها نفس لشي بس كانت مضطرة انها تكمل شاردة بعالمها وعم تمشي بسرعة وهي عم تدخل عالقاعة وتاخد محاضراتها استوقفها صوت اسراء التفتت لعندا بأستغراب لوهلة نسيت البنت الي تعرفت عليها اول يوم بالجامعة

أسراء. ليلى...ليلى بشو صافنة

ليلى. أسفة كنت شاردة

أسراء. دورت عليكي مبارح بكل الجامعة وما كنت لاقيكي بالمرة خير ان شاء الله بس ما يكون صاير معك شي

ليلى. بحكيلك بعدين بس هلق بدي لحق أخد محاضراتي

ابتسمت وطلعت ملف من شنتتها في كل المحاضرات أسراء. مافي داعي جبتلك كل محاضرات مبارح واليوم

ليلى. جد بتشكرك كتير لكن خلينا نقعد بالكفتيريا ونشرب قهوة لأنو راسي كتير عم يوجعني

طلعت ظرف من شنتتها وعطتو لليلى أسراء. اتفضلي هي حبة وجع راس كتير منيحة خديها بلكي بيهدا وجع راسك

أخدتها من دون ما تفكر وشربت وراها مي بسرعة ليلى. يسلمو

ابتسمت أسراء. الله يسلمك يالله خلينا نقعد لكن وتعي احكيلي شو صاير معك

ليلى. يالله اتفضلي

قعدو عطاولة بالكفتيريا وصارت ليلى تحكي لأسراء عن موت أبوها المفاجئ وكيف صفيو بالشارع بعد ما قلعتهون سماح من بيتها وهي عم تحكي رن الموبايل وكان عماد عالخط

ليلى. اهلين عماد كيفك

_عم تحكي جد !!

_عنجد بتشكرك كتير انا جاية فوراً لنروح نشوف البيت

سكرت الخط وابتسمت ليلى. بعتذر منك انا صار لازم امشي هي لقيت بيت للأجار الحمد الله ادعيلي يزبط
______
سكر الخط مع ليلى وتطلع بأخو
عماد. مشي الحال هي جاية عالطريق هلق

وسام. كتير منيح سألتك شي كيف لقيت البيت

عماد. لاء ما سألت باز کردن / نظر دهید

2023-05-18 22:18:30 #الجزء_الرابع
‏eomoo_prhom ‏جزء ٢٢
وضعها مو عاجبني بنوب حاسس في حقد بعيونها حتى انها مو زعلانة على ابوها بعكس اختا تماماً

وسام. لا تصدق كل شي بتشوفو عينك ورا كل واحد فينا في حكي ما حدا غيرنا بيسمعو

عماد. هلق لما تشوفها رح تفهم قصدي كتير منيح
_______
بالسهرة بعد ما هدو الصبايا شوي كان الكل مجتمعين عطاولة السفرة وكأنهن عيلة وحدة دق الباب ودخل عماد وهو عم يجر كرسي وسام المتحرك تطلعت ليلى بوسام وابتسمت إبتسامة عذبة من دون ما تشعر وهو كمان تطلع عليها من بعيد بنظرة خلتها تشعر انو عم يعانق عيونها وعم يطبط عقلبها المجروح كان كرسيه عم يقرب منها ودقات قلبها عم تعلى

تطلع بعيونها وحرك شفافو وسام. البقية بحياتكون الله يجعلو من أهل الجنة

ليلى. تسلم بحياتك البقية

حكى هالكم كلمة ورجعو عماد على مكانو بس نظراتها كانت لسا متجمدة لأول مرة بيحكي معها بطريقة حلوة مو مهم السبب المهم انو كانت نظراتو حنونة كتير رجعت قعدت عكرسيها وتطلعت بصحنها بخجل لحد ما استوقفها صوت أبو عماد

وسيم. يالله يا جماعة الحي أبقى من الميت كلولكون كم لقمة تسند طولكون والله وحدو هو الي رح ياخدلكون حقكون

سلوى. والنعم بالله

وسيم. أمانة تعتبرو البيت بيتكون وما تخجلو اعتبرونا اهلكون

ليلى. ربي يحفظك عمو ما بتقصر و يسلم البيت لصحابو بس بعد الي صار معنا ما حدا ألو نفس ياكل لقمة

وسيم. يا عمي قلتلكون الله رح ياخدلكون حقكون كوني متأكدة انو رب العالمين ما رح يتركون

نرجس. الله ينتقم من الي ظلمكون بس مرت الأب بعمرها ما كانت بشر

هزت راسها ليلى. لا خالتي لا تظلمي هي خالتو سلوى ربتنا انا وصفا وكأنو ولادها وبعمرها ما كانت غير متل أمنا مو لأنو موجودة بس بعمرنا ما اعتبرناها مرت أب

سلوى. ربي يخليلي ياكن يا عيوني

نرجس. الله يديم المحبة بيناتكون

ليلى. تسلمي خالتو

بعد ربع ساعة قامو الكل من عطاولة السفرة ويا دوب أكلو كم لقمة، السفرة ضلت عحالها لأنو ما حدا الو نفس للأكل
كان وسام قاعد عالبلكونة وعم يراقب السيارات الرايحة والجاية اول ما شافتو ليلى طلعت لعندو غطت كتفو ببطانية وسندت حالها عحرف البلكونة كان وسام عم يراقب انعكاس ضو القمر علون عيونها وشعرها الأسود المتناثر عكتفها كان متفاجأ من جرأتها لأول مرة بيطلع فيها بأعجاب بلش يحس بشي غريب شي حلو ومخيف بنفس الوقت كان ساكن بس يا ترا هالسكون هاد سكون ما قبل العاصفة ولا بلش يرضخ لمشاعرو وأحاسيسو...
ليلى. ما بردت!!

وسام. لاء...

ليلى. بشو صافن ؟

وسام. فيكي تجيبيلي ورقة الطابو الي فرجتك ياها مرت أبوكي قلبي حاسسني انو الورقة مزورة ادا أثبتنا انو الورقة مزورة‏eomoo_prhom ‏جزء ٢٣
وسام. فيكي تجيبيلي ورقة الطابو الي فرجتك ياها مرت أبوكي قلبي حاسسني انو الورقة مزورة ادا أثبتنا انو الورقة مزورة بتروح عنك نص التكاليف

تطلعت فيه بأستغراب وابتسمت إبتسامة رقيقة للحظة
كانت لمعة عيونها لحالها حكاية ليلى. لا توجع راسك وسام

وسام. الحق حق والبيت من حقكون انتي وأختك

ليلى. خليها هالفترة مبسوطة بالبيت بس صدقني رح تندم ورح يكون مصيرها الشارع

كانت نظرة الحقد الي لمعت بين عيونها كتير بتشبه نظرتو
وسام. يا ترى شو الي خلاها تعمل هيك

ليلى. بابا...اي لا تستغرب بابا هو الي خلاها تصير هيك خلاها تركب عكتافنا وتنزل رجليها وخلا كلمتها الوحيدة الي مسموعة بالبيت

وسام. ما فهمت ...

ليلى. بعد ما ماتت ماما الله يرحمها بالسرطان بابا تجوز خالتو سلوى بهداك الوقت كنا انا واختي لساتنا صغار وحدة عمرها عشر سنين والتانية خمس سنين خالتو اعتبرتنا متل ولادها مع انها كانت طفلة متلنا كان عمرها بس 15 سنة لما تزوجها بابا بس كانت لطيفة كتير تهتم فينا وبأكلنا وبمدارسنا خلت الكل يحبها من دون ما يحس

وسام. وشو الي خلا أبوكي يتزوج التانية لكن

سحبت نفس عميق ودمعت عيونها مسحتها بطرف أيدها بسرعة ليلى. بعد خمس سنين كانت خالتو سلوى مو قادرة تجيب ولاد يحملو أسم ابي وبعد رحلة علاج طويلة اكتشفو الأطباء انو ما بتخلف هون ابي جن جنونو وما قدر يتحمل تعرف على سماح الحية وتزوجها بعد سنة

وسام. اي...

ليلى. اول ما دخلت عالبيت تضل تعمل مشاكل بينا وبين أبي تضل تفتن بيناتنا وتروح تشكي وتبكي لبابا وابي يصدقها دغري وخصوصي بعد ما عرف انها حامل وبصبي كمان بس هي ما كانت تقدرلي كنت دائماً مفرجيتا العين الحمرا وما اسكتلا عغلط ولما تفتن بين أبي وخالتي سلوى كنت اوقف بصف سلوى واحكي لبابا الحقيقة بس طبعاً هي ما عجبها هالشي وصار بدا تنتقم مني

وسام. كيف يعني تنتقم منك...!

تطلعت بعيون وسام ورجعت سرحت بالماضي ليلى. انا قلتلك من قبل اني انا كنت ضحية متلي متلك بس يمكن بوقتها ما فهمت عليي منيح

وسام. شو قصدك ليلى ما فهمت ... باز کردن / نظر دهید

2023-05-18 22:18:28 عماد. يا ريت تبعتيلي العنوان وانا جاي لعندك فوراً
_____
بعد عشر دقايق صف عماد سيارتو مقابل المحل الي قاعدين جمبو الصبايا نزل من السيارة واتجه لعندون بهدوء سلم عليهون وسحب الشناتي وحطون بالطبونة من دون ما يسأل

عماد. يالله اتفضلو

بعد ما طلعو الصبايا دور السيارة وشغل عالتدفئة دغري التفت عليلى وشاف انفها الأحمر من البرد التفت عالصبايا وشاف أواعيهون الي عم تنقط مي من المطر بهاللحظة تكلل الغضب معالم وشو وما عرف شو بدو يحكي

عماد. شو صاير معكون ليش هيك حالتكون

ليلى. السيد الوالد الله يرحمو ما بعرف ادا بتجوز عليه الرحمة اصلاً كاتبلا للحية سماح البيت بأسمها وطبعاً هي استغلت الموقف وزتتنا برا

بصدمة عماد. ابوكي اتوفى!!

ليلى. اي

عماد. أسف ما كنت بعرف البقية بحياتكون

ليلى. عادي لا تهتم بحياتك البقية

تطلع عليها بأستغراب وكأنو عنجد مو قادر يفهمها عماد. مقدر غضبك بس الي عم تحكي مستحيل اكيد في غلط بالموضوع مستحيل اب بالدنيي يفكر يرمي ولادو بالشارع‏eomoo_prhom ‏جزء ٢١
تطلع عليها بأستغراب وكأنو عنجد مو قادر يفهمها عماد. مقدر غضبك بس الي عم تحكي مستحيل اكيد في غلط بالموضوع مستحيل اب بالدنيي يفكر يرمي ولادو بالشارع قد ما كان سيئ

حبست دموعها وفتلت راسها عالشباك ليلى. مع الأسف شفت ورقة الطابو بعيوني

صف السيارة عند مدخل بناية وطفاها عماد. صبايا بعد أذنكون معلش تستنوني بالسيارة خمس دقايق بس

ليلى. لحظة انا لسا ما سألتك لوين أخدنا انا شايفة قربت عمنطقتكون

عماد. امهليني بس خمس دقايق ورح تفهمي كلشي

نزل من السيارة وفات على مدخل بناية كانت ليلى متطمنة كتير من ناحية عماد لأنو هي مو اول مرة بيقدملا المساعدة بعد خمس دقايق رجع عماد وفتح باب ليلى

عماد. يالله صبايا اتفضلو انزلو

ليلى. لحظة لوين بدنا ننزل ؟؟

عماد. رح تضلو اليوم ببيت اهلي وبكرا او بعد بكرا بالكتير رح لاقيلكون شقة تستأجروها

ليلى. بس عماد نحنا ما اتفقنا هيك خلص ادا ما لقيتلي شقة بدبر حالي

عماد. ليلى الوقت تأخر والمطر كل مالو عم يشتد اليوم ارتاحو وبكرا منلاقي حل

مسكتها صفا من أيدها وكأنو عم تتوسلها ليبقو معد عندون طاقة اكتر من هيك شدت على أيد اختا وابتسمت لعماد

ليلى. طيب بتشكرك كتير عماد على المساعدة رح نبقى اليوم هون كنت متأكدة انك ما رح تتركنا
______
كانت الأضوية مطفية لما كان وسام قاعد على كرسي المتحرك وعم يراقب أضوية الطريق الي عم تلمع من ورا البلور الي واقف وراه للحظة مرق بخيالو طيف ليلى غمض عيونو وسحب تنهيدة عميقة عم يفكر بينو وبين حالو يا ترى ليش ما أجت اليوم عموعد الجلسة كان حاسس بشعور سيئ جواتو وكأنو قلبو محسسو انو في شي سيئ صاير معها

هز راسو بسرعة وكأنو بهالطريقة عم يمنع حالو انو يفكر فيها او حتى بشي بخصها بهالأثناء سمع صوت طقة الباب وسمع صوت عماد عم يحكي مع رفيقو وعم يتشكرو لأنو بقي عند وسام بغيابو

دخل عماد عالصالون وشغل الضو التفت وسام لعندو وحكى بلهفة ومن دون ما يفكر

وسام. ليش ما اجت اليوم؟!
قصدي عليلى

تنهد بعمق وقعد عالصوفا قبالو عماد. ابوها توفى اليوم الله يرحمو

وسام. شووو هي كيف وضعها انت شفتها !

عماد. مرت ابوها قلعتها من البيت هي واختها وخالتها لأنو ابوها كاتبلا البيت بأسمها الله يصلحو

وسام. انت شو عم تحكي عماد انت متأكد من هالحكي

هز راسو عماد. مع الأسف ليلى شافت ورقة الطابو بعيونها

وسام. بس يمكن تكون مزورة

عماد. ما فينا نثبت هالشي غير بمساعدة محامي وبظن انو مو قدرتها تدفع للمحامي وغير عن هاد ممكن تتكلف وبالأخير ما تستفاد شي

وسام. هي وين هلق ؟

عماد. اخدتا لعند أمك لبين ما تلاقي بيت أجارو مقبول باز کردن / نظر دهید

2023-05-18 22:18:28 كانت عم تطلع عدرج البناية وهي عم تدندن اغنية فيروز بقلبها راجعين يا هوا راجعين ...
فجأة شافت منظر خلاها توقف مكانها بصدمة وترجع لورا كانو سلوى وصفا قاعدين عالدرج ضامين بعض وعم يبكو وقدامهون في 3 شناتي سفر

بكلمات مقطعة ليلى. انتو شو عم تعملو هون

كانت عم تشهق وتحكي سلوى. تقلعنا من البيت معد النا مكان نعيش فيه

فتحت تمها بصدمة ليلى. شووو!

صفا. سماح هددتنا نضب غراضنا ونطلع من الشقة خلال ساعة وإلا رح تجبلنا الشرطة وتشحطنا لبرا

ليلى. لك انتو شو عم تحكو...‏eomoo_prhom ‏جزء ١٩
اي حدا بيقلكون طلعو من البيت بتطلعو اي شو الشغلة عكيف الي خلفها

قربت من الباب والغضب عم يتكلل ملامح وشها وصارت تخبط عالباب بهستيريا اول ما فتحت سماح الباب مسكتها من قبة قميصها وشدتها لعندها
ليلى. انتي مين مفكرة حالك آااه!!

لوت أيد ليلى وصرخت بوشها سماح. شيلي أيدك احسن ما أكسرلك ياها ويا ريت على هاد الباب ما بقى تدقو لأنو ما بدي ازعاج

ليلى. لك يا حيوانة هادا بيتي وبيت اختي نحنا الي منقلعك برا شو مفكرة الدنيي سايبة ما فيها قانون

ابتسمت بكيد سماح. اممم لحظة

غابت دقيقتين ورجعت بأيدها ورقة وجهتها لليلى وركزت بعيونها وكأنها عم تستمتع بهالمشهد سماح. هي ورقة الطابو يعني هاد البيت لألي يا أم قانون انتي

ليلى. بسيطة يا كلبة والله لخلي ابي يمسح فيكي الأراضي ما بيكون اسمي ليلى ادا ما بخليكي تندمي

حطت الورقة عالبيرو وكتفت ايديها ببعضون سماح. البابا تبعك هو الي كتبلي البيت بأسمي يا حلوة وهلق البابا بحح صار فوق بالسما

قربت صفا وصارت تحكي بكلمات مقطعة صفا. ششو قصدك لك شو عم تحكي انتي!!

سماح. يعني البابا عطاكي عمرو روحي استلمي الجثة من الامارات ادا حابة تودعي قبل ما يصير تحت وهلق عن اذنكون ما عندي وقت كتير بتعرفو يعني

طبقت الباب بقوة وفاتت لجوا اما ليلى كانت منشلة عن الحركة مو قادرة تحكي ولا حرف او تأتي بأيا حركة بهاللحظة حست حالها عاجزة عنجد مو قادرة تبكي وبنفس الوقت مو قادرة تتمالك أعصابها

اما سلوى وصفا كانو عم يبكو بكا هستيري لانو عرفو السبب الي خلا سماح تزتهون بالشارع

ليلى. بيكفي خلصنا بقى حاج تبكو

صفا. بابا راح يا ليلى بابا راح لك ما كان ضاللنا غيرو بهالدنيي

ليلى. لو كان فعلاً اب ما بيرمي بناتو ومرتو بالشارع عحساب رضا الخانوم لو كان فعلاً اب ما بيخليها تركب على ضهرنا وتدندل جريها طول هالسنين بيكفي بقى اصحو وانتي خالتو بيكفي تبكي بابا بعمرو ما كان الزوج المثالي ألك

صفا. قلبك من شو

ليلى. قلبي من حجر اسود بعمري ما رح سامحهون بعمري ...
يالله خلونا نجر الشناتي و نروح على مكان نأوي حالنا فيه بيكفي بهدلة وشنططة
___
لم تكن مجرد حقائب!
كانت خيباتٍ تجرها من خلفها...
ثقيلةً تكادُ تحني ضهرها...
كانت تشعرها بوحدتها...
رغم كلَ اولئك الناس والضجيج من حولها...
كانت تشعرها بضيق شديد...
رغم تلك الطرقِ الواسعة والأبنية العالية...
يظنون بأنها صامدة...
ولكن من يصدق أن وراء هذا الصمود أنثى مشتتة...
وكأنها تتستر شامخة بقناع عنفوانها...
من يعلم أن تلك الأنثى الهشة تقف خلفَ قناعها!...

__‏eomoo_prhom ‏جزء ٢٠
3 صبايا بعمر الورد عم يجرو شناتيهون ويدورو بالشوارع متل المشردين مو عرفانين وين بدون يروحو بحالهون صارو يسألو المحلات الي حواليهون عن بيوت للأجار بأسعار مناسبة بس كلون كانو عم يطلبو أسعار عالية مو من مقدرتهون يدفعوها للحظة حسو باليأس قرايبينهون كلون عايشين بمناطق بعيدة واقل الشي بدون ساعتين ليصيرو عندون وطبعاً هيك ليلى بيصير ما فيها تروح عجامعتها وعشغلها
بلشت تشتي الدنيي وكل مالو المطر عم يزيد غزارة، المحلات بلشت تسكر وبعد نص ساعة صفيو لحالهون بالطريق والمطر بلل تيابهون
بعد مشي ولف طويل قعدو تلاتتهون عرصيف محمي من المطر وحطو الشناتي جنبهون لتحميهون شوي من البرد

صفا. وبعدين!!

غمضت عيونها ليلى وسحبت نفس عميق كانت جواتها عم تدعي ربها يفرجها عليهون وقبل ما تفتح عيونها رن تليفونها وكأنو بهاللحظة اجاها الرد من رب العالمين

ليلى. اهلين عماد

عماد. تأخرتي 3 ساعات عن موعد الجلسة انشغل بالنا عليكي كتير ان شاء الله مو صاير معك شي

سحبت نفس عميق وحاولت تعدل صوتها ليلى. أسفة صار معي مشكلة ونسيت اتصل معكون وخبركون اني ما رح أقدر اجي اليوم

عماد. شغلتيلي بالي شو صاير معك؟

ليلى. مشكلة عائلية ماني حابة وجعلك راسك بس فيني اطلب منك طلب صغير

عماد. اي أكيد اتفضلي

ليلى. انا بحاجة بيت صغير للأجار يكون سعرو مقبول وبنفس الوقت يكون قريب من منطقتي يا ريت ادا حواليك هيك شي تخبرني

عماد. ايمت بدك ياه !!

ليلى. حالاً يعني بأسرع وقت ممكن

عماد. طيب طيب فهمت عليكي وين انتي هلق

ليلى. نحنا بالشارع باز کردن / نظر دهید

2023-05-18 22:18:24 سماح. الكون اللحمات والعضمات ما بدي منها شي بسس متل العادة ما بدي ينذكر أسمي لو عالموت عم تفهم يعني مو بكرا تقلي تحقيق وشرطة وما بعرف شو

غمزها ثابت. اتفقنا ...‏eomoo_prhom ‏جزء ١٧
بعد جلسة علاج طويلة كانت ليلى ببيتها مرتكية عالكنباية وعم تقلب بقنوات التلفزيون بضجر بعد شوي سمعت طقة المفتاح ضلت مرتكية عالكنباية من دون ما تكترث فاتت سماح وبأيديها في شوية كياس

ليلى. شو خالتو طال القمر ل بان اليوم شو القصة...!!

حاولت تكتم غضبها بأبتسامة مسطنعة سماح. ولا شي حبيبتي كنت عم أشتري شوية خضرة من السوق

ليلى. حلو كتير شقد ضل معك مصاري!!

سماح. ما معي غير كم ليرة مصروف البيت زكاتك ادا معك شي دينيني

هزت راسها بأبتسامة ماكرة ليلى. هاتي لخبيلك ياهون معي لكن بشتريلك غراض البيت وانا رايحة وجاية من الجامعة يالله المعاملة مع الله عمول خير وكب بالبحر

سماح. جامعة ؟؟؟

ابتسمت بمكر. ييي خالتو نسيت خبرك اني رحت اليوم سجلت بالجامعة يالله هي خبرتي

سماح. بسسس...

قاطعتها ومدت ايدها ليلى. نوال سماح قصدي خالتو

فتحت شنتتها ورمتلا كل شي معها مصاري عالطاولة كانت سلوى عم تأشر لليلى من ممر الصالون وكاتمة ضحكتها اخدت المصاري وفاتت لعندها وهي عم ترمق سماح بنظرات انتصار

اما سماح كان وضعها ببكي شدت على مقبض أيدها وهمست بكلمات بينها وبين حالها
سماح. انا بفرجيكي يا كلبة مضطرة سايرك هالفترة بس والله لخليكي تندمي عكل كلمة وكل حركة وكل نفس تمردي بس مصيرك تحت صرمايتي
_______
فاتت ليلى عالغرفة ولقت سلوى وصفا فارطين ضحك عالمشهد الكوميدي الي صار من شوي مشهد تعودو عليه من قبل بس هالمرة انقلبت الآية 180 درجة

ليلى. شبكون!!
ليش فارطين ضحكونا معكون !

كتمت سلوى ضحكتها سلوى. ابداً سلامتك:)

قعدت عتختها رفعت شعرها كعكة وصارت تعد المصاري الي اخدتهون من سماح بتركيز

ليلى. يا محمد هدول لوجع الضهر الله وكيلكون هي اول مرة بفرح لما بقبض تفضلو هي كل وحدة منا بيطلعلا 5 الاف عيشو بهالنعيم تنعمو يا بنات ...

صفا. قصدك لوجع كل الجسم

تقلبت ملامح سلوى فجأة سلوى. لك صح ليلى خبرينا شو صاير بينك وبين سماح عاملتيلا سحر ولا جاييها عقل الرحمن

ليلى. لا هي ولا هي ماسكة عليها ممسك والله لخليها تندم عكل ساعة وكل دقيقة ذلتنا فيها رح خليها تذوق المر أضعاف ما ذوقتنا ياه وانتو كمان لازم تساعدوني لتعرف ان الله حق

صفا. ممسك شو لولو خبرينا وجد بدك تروحي عالجامعة ولا عم تضحكي عليها

باللاشعور ارتسمت إبتسامة عوشها ليلى. ايي اليوم رحت وسجلت لحسن الحظ لسا التسجيل فاتح يعني ما رح روح عليي فصل وانتي صفا لازم تشدي همتك لحتى تنجحي هي السنة بالبكلوريا لازم نلتفت لحالنا بقى

صفا. معك حق اختي لازم نلتفت لحالنا

ابتسمت سلوى. الله يوفقكون يا صبايا وترفعولي راسي‏eomoo_prhom ‏جزء ١٨
ليلى. بلا عواطف مهترية هلق تعو لخبركون عن سماح وكيف خليتها تصير متل التوتو بتعرفو ما فيني خبي عنكون اكتر من هيك
حكت كلماتها وفاتت بموجة ضحك طويلة اول ما تذكرت الموقف

شقت الباب من جنبها ونادت لسماح ليلى. سماح...يا سماح زكاتك سكتيلنا هالولد ويا ريت تجيبيلي بطريقك كاسة مي بدي اعطي صفا أدويتها

سماح. جاية ليلى جاية

كتمت ضحكتها ليلى. لأول مرة بتقول ليلى مو لاعيلى...

سلوى. يمو مقواكي انتي الله لا يعلق حدا معك لأنو بتكون أمو داعية عليه بليلة القدر
_____
مضو الصبايا وقت وهنن عم يمزحو ويضحكو من بعد سنين لأول مرة بيضحكو هيك كانت الفرحة مو واسعتهون احياناً السعادة بتجي من تصرف من موقف او حتى من رضى تام بالشي الي منملكو بس يا ترى هالسعادة رح تستمر كتير!!
ولا لما الحزين بيفرح ما بيلاقي لحالو مطرح ...!!
____
تاني نهار الصبح كانت ليلى متأنقة عال 24 ومجهزة حالها لتبلش اول يوم دوام الها بالجامعة من بعد انقطاع طويل كانت السعادة مالية وشها وكأنها مالكة الكون بهاللحظة كانت حاكيه مع وسام ومخبرتو قبل بيوم انو رح تتأخر اما بالنسبة لشغلها بالمكتبة ف رح يكون مسائي يعني ما عندها مشكلة.

سحبت نفس عميق ودخلت عالجامعة وهي حاملة شوية ملفات ودفاتر بأيديها كان ضايل على محاضرتها نص ساعة دخلت عمقهى الجامعة واشترت فنجان قهوة
قعدت عطاولة منحرفة سحبت سيكارة وبلشت تدخن وهي عم تسمع صدى فيروز بأدانها سارحة بعالم تاني فجأة حست بصبية واقفة قبالها وعم تطلع عليها

الصبية. معلش أقعد معك

هزت براسها وملامح الاستغراب واضحة عوشها ليلى. اكيد اتفضلي

الصبية. انا أسراء

ليلى. اي وانا ليلى

أسراء. شكلك جديدة هون بالجامعة معلش نكون أصدقاء انا وانتي

ابتسمت إبتسامة عذبة ليلى. أكيد طبعاً
عالساعة 12 خلصت ليلى محاضرتها ورجعت عبيتها رضيانة عن هاليوم قدرت تتعرف عرفقات جدد وحست حالها عنجد اشتاقت لأجواء الجامعة والطلاب بعد هالأنقطاع بالرغم انها اشتاقت لرفقاتها القدامي بس ما خلت هالشي يأثر عليها ابداً باز کردن / نظر دهید

2023-05-18 22:18:24 #الجزء_الثالث
‏eomoo_prhom ‏جزء ١٥
سكرت الهاتف وتمددت على تختها مع بسمة كيد لتخطيطاتها الحقيرة مضت ثواني وكانت غفيانة وكأنها ضامنة خطتها تنجح 100‎%‎
__________
كانت عم تراقب الطبيعة من ورا قزاز السيارة وعيونها العسليات عم يلمعو مع الشمس ليعطوها جمال وجاذبية أكتر كانت مبسوطة كتير متل الفراشة إبتسامتها مكللة وشها .
أخدت رشفة من فنجانها القهوة وغمضت عيونها لتستلذ بطعمة البن كان عماد سارح بعيونها وعم يراقبها من دون ما يحكي

ليلى. بتشكرك كتيير عماد لإنك وصلتني عالجامعة جد الفرحة مو واسعتني لأني رح كمل

فاق عماد من شرودو عماد. آااه اي ما عملت شي

ليلى. بشو كنت شارد؟

عماد. شغلة بتخص الشغل...

ابتسمت بجاذبية ليلى. خلينا ننزل لكن

عماد. انا عندي شغل هلق فوتي انتي ابي وامي هون هنن بيفتحولك الباب

ليلى. طيب تمام بتشكرك مرة تانية

نزلت من السيارة ودقت الباب بكامل ثقتها بعد ثواني فتحلا الباب ابو وسام والأبتسامة مرسومة على تجاعيد وشو

ليلى. صباح الخير

وسيم. اهلاً عمو اتفضلي

حسيت بالراحة ناحية ابو وسام دخلت عالبيت واول ما شافت نرجس رمقتها بزورة وحاولت تتلافى وجودها

ليلى. صباح الخير

نرجس. اهلين
التفتت لعند وسيم. خلينا نمشي ابو وسام بجهز الغدا ومنرجع لهون
______
علقت جاكيتها عالكرسي وقعدت قبال وسام بثقة رجعت شعرها ورا اذانها وتطلعت بعيونو
ليلى. كيفك اليوم !!

عقف حواجبو وسام. الحمدلله من الله منيح ...
ليلى. غمض عيونك سحاب نفس عميق وشعور بوجود الطبيعة من حواليك ركز على صوت العصافير، حفيف الشجر وصوت الموج البعيد حاول تتخلص من طاقتك السلبية بالطبيعة

غمض عيونو وعمل متل ما قالتلو تماماً...

ليلى. وهلق فتح عيونك ووصفلي حياتك بكلمتين

تطلع فيها ورمقها نظرة ما فهمت معناها عماد. غير موجودة...!!

لمعت الدمعة بعيونها وحست حالها اختنقت حاولت تتمالك حالها قد ما بتقدر لانو الطريق لسا قدامها طويل كتيير...

ليلى. احكيلي وسام ليش شايف الحياة مظلمة بنظرك؟
ليش ما عندك الجرأة تواجه ماضيك؟
وليش ما بدك تعيش لحاضرك؟
اعتبر حالك عم تحكي مع صوتك الداخلي وجاوبني

لمعت شرارة حقد بعيون وسام شد على مقبض ايدو وحاول يتمالك اعصابو
وسام. الماضي تهمش...
والحاضر مانو موجود بعتبرو نكرة لمجرد انو لساتك موجودة فيه ولساتك عم تتنفسي بعمري ما حقدت على حدا او كرهت حدا بس أنتي غير عن الكل بكرهككك والكره طالع مع كل حرف‏eomoo_prhom ‏جزء ١٦
بحركة سريعة لفت الكرسي وصارت تركض لوصلت عالحمام كانت مو قادرة تضبط دموعها اكتر من هيك مانها حمل كل هالقسوة الي مالها ذنب فيها للحظة حست بالندم لانها دخلت حياة وسام مرة تانية بس ما فيها تنسحب وسام لازم يعرف الحقيقة لازم تساعدو ليقدر يعيش مرة تانية غسلت وشا بمي باردة ورجعت طلعت لعند وسام بعيونها الحمر

وسام. غريب بلاقيكي تأثرتي مو من طبعك

تطلعت فيه بنظرتها الثاقبة وكأنها عم تتصنع القوة من أول وجديد ليلى. وسام!!
بدي ياك تعرف انو انا مالي ذنب بكل الي صار صدقني انا كنت ضحية متلي متلك صرلي 3 سنين عم بتعذب تحت رحمة مرة أبي بلا ذنب

اطلق ضحكة ساخرة ضحكة مو مفهومة ابداً وكأنو عم يسمع نكتة بس مستحيل تكون حقيقية

قاطعت ضحكتو ليلى. انا بعترف حبيتك من اول يوم اشتغلت فيه بالمشغل تعلقت فيك وبضحكتك بس صدقني كان حبي الك بريئ بعمري ما فكرت أأذيك او اجرحك وما كان بدي شي اصلاً ما كان بدي ياك تحبني بيكفيني بس شوفك سعيد

عماد. جاي عبالي اضربلك تحية او اصفق لصدقك بس مع الاسف بسبب هالصدق ماني قادر حتى ارفع ايدي وصفق
لسا من يومين ما كنتي بتعرفي مين انا قوليلي يا ترى شو عدا ما بدا؟!!

ليلى. وسام انا ما أجيت لأجرحك انا جيت لساعدك أفهم هالنقطة كتير منيح

عماد. براڤو استمري...
____
بمقهى السعادة كانت سماح حاطة طاقية على راسها ولابسة نظارات شمسية عم تتلفت يمين وشمال وكأنها خايفة لحدا يشوفها او حتى يلمحها كل شوي كانت عم تطلع عساعتها بتوتر بعد دقايق فات شب عالمقهى بالثلاثينات من عمرو طويل وعضلاتو بارزة شلح نظارتاتو وقعد قبال سماح

ثابت. قاعدة بالزاوية ولابسة نظارات شمسية ومتخفية اول مرة بشوف سماح خانوم بهالوضع هاد بس نسيتي شي وحيد رح يكشفك

تطلعت فيه بأستغراب قبل ما تنطق جاوبها

ثابت. سموحتي طاقيتك السودة بميزها من بين 100 طاقية

سماح. بلا مسخرتك هلق بدي ياك بخدمة ضرورية ورجاءاً بلا لعي زايد لأني مستعجلة
ثابت. بلا مقدمات هاتي من الآخر شو بدك !!

سماح. ليلى بنت زوجي بدي ياها تتورط مع جماعتكون

سحب سيكارة من بكيت الدخان ورجع راسو لورا وهو عم يشغلها ثابت. شكلو القط بلش يتنمر عسيدو
غمزها. بس هاتي لشوف قوليلي شو المقابل ؟

سماح. قصدك الكلب
المقابل كل شي بتجنو منها لألكون طبعاً مقابل مساعداتي

فرك جبينو ثابت. يعني عم تقوليلنا الكون اللحمات والي العضمات يعني بتعتبري مسؤولة عن كلامك بعد هاللحظة باز کردن / نظر دهید