Stories 📖

2023-05-18 22:22:56 رأيكن بالقصة
@Stories_3_bot
لاتنسو التفاعل
@Stories_3 باز کردن / نظر دهید

2023-05-18 22:22:55 #الجزء_الاول ‏eomoo_prhom ‏جزء ١ كان واقف قبالو تماماً موجه سلاحو ناحيتو وعيونو عم تقدح شرار صوت صرصرة الحديد والاسلحة المسطفة عالرفوف بشكل متناسق واللون الأسود الي طاغي عالمكان قادر ليبث الرعب بقلب أي شخص بيدخلو لكن هالشي ما كان باين عملامح وسام الباردة… باز کردن / نظر دهید

2023-05-18 22:22:54 تطلعت ليلى فيهون وبهاللوحة وابتسمت من دون ما تشعر كانو عيون نرجس محمرين من البكا ووسيم باين الأرهاق والسهر على عيونو بس بعد كل شي صار رجعة وسام ضخت بقلوبهون الحياة ورجعت الأبتسامة على وجوهون.‏eomoo_prhom ‏جزء ٤٥

"بعد سنتين"

مقابيل شط البحر محل ما عم يرتطم الموج مع الرمل وزقزقة العصافير عم تعزف الحان الحياة كانت ليلى عم تركض بفستانها الأبيض عشط البحر وشعرها الأسود عم يطير وراها بأنسياب
أما وسام كان عم يركض وراها ليمسكها وصدى ضحكاتهون معبي المكان لحد ما مسكها وحبسها بين ايديه

وسام. وأخيراً قدرت أمسكك

ليلى. ههههههه

تطلع بعيونها وصفن لثواني ليلى بشو صافن حبيبي !!
فتح عيونو عصوت ليلى وفاق من حلمو الي كان عم يرسمو بخيالو تطلع عكرسي المتحرك الي واقف عشط البحر وابتسم ابتسامة ناعمة كان مرتكي تحت شجرة النخيل عرجلين ليلى وليلى عم تلعب بخصل شعرو

ليلى. ليش عم تضحك

وسام. كنت عم بحلم انك عم تركضي هناك عشط البحر وانا عم بركض وراكي كنا مبسوطين كتيير وصدى ضحكاتنا عم يرن بالمكان

ابتسمت ليلى. وهلق نحنا مبسوطين كتير انا ما بدي اركض بيكفيني أمشي وانت تمشي جمبي عكرسيك هداك جمب شط البحر
شالت راسو من عن رجليها وجلستو وهي وقفت

وسام. وين رايحة!!

ليلى. رايحة جيب كرسيك من جنب الشط لحتى نتمشى سوا
جابت الكرسي ورجعت والأبتسامة مرسومة على وشها ساعدتو ليقعد بالكرسي وصارو يمشو جنب الشط وهنن طايرين من الفرح والسعادة

وسام. شو رأيك نبل رجلينا بالمي

عقفت حواجبها ليلى. يا حبيبي صرلنا متزوجين سنتين ولهلق ما عدت تعرف انو مية البحر بتعملي حساسية

وسام. جد بتعملك حساسية!!

لوت تمها ليلى. لو مهتم كان عرفت لحالك

مسك أيدها وقربها منو وسام. طيب تعي لا تزعلي عم بمزح معك معقول ما بعرف انو حبيبة قلبي عندا حساسية من مية البحر

ليلى. اممم ضحاك عليي بكلمتين
مسكلا ايدا وصارو يمشو وهنن ماسكين بأيدين بعض
وسام. بحبك يا دكتورتي ويا كل شي بملكو بهالدنيي
..
اما بالجهة المقابلة كانت قاعدة صفا عالصخرة وشعرها الأشقر عم يلمع مع الشمس كان قاعد جمبا عماد ماسكلا ايدها وعم يطلع بعيونها الخضر وسارح فيهون

صفا. عماد خلينا نتمشا عشط البحر ليك الجو كتير حلو

عماد. حبيبتي خليني غرقان بعيونك احسن ما أغرق بمية البحر

ضربتو بخفة عصدرو صفا. عماد...
عماد. هههههه خلص ماشي ايمتا بس بدنا نتزوج وصير اتصبح بهالعيون كل يوم

صفا. هانت حبيبي هانت عضة كوساية

عماد. بتعرفي شو صفا حابب ما نطول كتير بفترة الخطبة كل شي جاهز ليش لحتى نطول

صفا. لا حبيبي ما حزرت ما منتزوج لحتى أخلص جامعتي
عماد. هلق بدك ياني أنطر سنتين وعم تقولي عضة كوساية

صفا. بدك تنطر
قرصها من خدودها عماد. انا الي بنطر

مرقو من حدون ليلى ووسام أشرولهون بأيديهون وابتسمو وبعدين صارو يتوشوشو

صفا. هدول شو عم يتهامسو

عماد. الله العليم علينا‏eomoo_prhom ‏٤٦ والاخير

ما نرجس وسلوى كانو قاعدين تحت الشجرة وعم يراقبو الوضع من بعيد عم يفصفصو بزر ومبسوطين لفرح ولادهون أحياناً السعادة ما بيكون بدا كتيير بدا بس شوية رضا بيلي منملكو منحاول نصلح حالنا ومنحلم نصير أحسن بس هالشي ابداً ما بيعني أنو نفقد السعادة لمجرد انو ما منملك شي معين مصطلح السعادة بسيط كتير بس لازم نفهمو بطريقة صح...

________
كادَ ينهي حياته في ثلاثة أشهر كادَ يتخلى عن كل شيء، لم يعد يطيق الحياة ولكن سرعان ما أتت تلك الأميرة لتتربعَ على عرشِ قلبه، سرعانَ ما جعلته ينتفض ثانيةً كانت بمثابةِ إنعاشٍ لقلبه الميتْ أجتمعا لثلاثة أشهر وافترقا مجدداً لثلاثةِ أشهر ولكنه أقسم لها بأن حبهما النقي هذا لن يختفي وبأنهُ سيبقى حياً إلى الأبد.
_______
_

~*☆الــنــٓـهــٓـ{ͳḫẻ}ــٓـايــٓـ{αᶯᖱ}ــٓـةة☆*~ باز کردن / نظر دهید

2023-05-18 22:22:53 طبطبت عكتفها ومشيت اما ليلى مسكت موبايلا دغري واتصلت مع سلوى وخبرتها بالنتيجة يلي ما عطت فرحتها لحدا

تطلع عماد على عيونها الخضر وابتسم إبتسامة عريضة عماد. الف الحمدلله عسلامتك صفا

بخجل صفا. الله يسلمك

عماد. عندي ألكون خبر تاني كمان

ليلى. وسام...

هز راسو بأسى عماد. قدرنا نمسك ثابت اليوم واعترف بكل شي

صفا. بتحكي عنجد!!

عماد. اي متل ما توقعنا تماماً طلعت سماح ورا هالقصة‏eomoo_prhom ‏جزء ٤٣
عماد. اي متل ما توقعنا تماماً طلعت سماح ورا هالقصة تبين معنا انو كانت ععلاقة مع ثابت وهي الي طلبت منو يورط ليلى لتخلص منها

صفا. العمى معناتا سماح راحت فيها

عماد. اي نعم يوم الخميس المحكمة لازم تكونو موجودين هناك كلايتكون

صفا. ان شاء الله خير

تركتهون ليلى وصارت تمشي بممر المشفى بخطوات متثاقلة بلا هدف وكأنها عم تحاول تشتت ذهنها كأنها بأخر فترة معد تتأثر بالأحداث حواليها دائماً تايهة وحاسة حالها غريبة بهالدنيي

________

الهدوء الطاغي عالمكان نظرات الترقب الي عوجوه الحضور والتوتر ودقات القلب المسموعة الكل كان بأنتظار حكم القاضي ليلى صفا وعماد الي كان واقف جمبهون خطوة بخطوة صارت القلوب تر

جف اول ما القاضي حرك شفافو لينطق بالحكم

القاضي. حكمت المحكمة بأستناداً على جميع الأدلة التي وصلتنا الحكم على المتهم ثابت آل حسنات وكل من ذكرت اسمائهم في التحقيق بالسجن لعشر سنوات مع الأشغال الشاقة بتهمة تجارة المخدرات.
وعلى المتهمة سماح قنديل بالسجن لمدة 20 عاماً بتهمة التزوير والشروع بالقتل لأبنة زوجها قراراً قابلاً للطعن عن طريق النقد.

قبل ما يطرق المطرقة وقفت ليلى وسط الحضور بصوتها العالي
ليلى. سيدي القاضي انا بدي أسقط حقي عن المتهمة سماح قنديل

القاضي. مين انتي يا بنتي!!

ليلى. انا ليلى بنت زوجها لسماح وبدنا نسقط حقنا انا واختي صفا

القاضي. اتفضلو لعندي وعطوني هوياتكون لنتأكد

مسكت صفا أيدها وكأنها عم تترجاها ما تحكي الكل كان عم يطلع عليها نظرات ذهول بسبب الحكي الي قالتو

صفا. أختي لا تعملي هيك بترجاكي هي أذتنا كتير وظلمتنا

ليلى. معلش اختي مو مشانها هي عالأقل مشان ابنها الي بيضل أخونا

صفا. اختي ...

ليلى. يالله صفا أختي القاضي عم يستنانا

سحبت ايد اختا وضلو مكفيين لعند القاضي ليتنازلو عن حقهون عطو الهويات وهو كتب عندو مشت ليلى لعند الشبك وقربت من سماح الي كانت منزلة راسها عالأرض وكأنو مالها عين تطلع

سماح. بتشكرك ليلى

ليلى. سماح تطلعي فيني هون انا ما تنازلت عن حقي غير كرمال ابنك ابداً مو كرمالك وهلق بعد شهر لبين ما تخلص خالتي سلوى عدتها وتقبل تتنازل عن حقها خلي يكون درس لألك
ابنك رح يضل عندي بهالشهر بس بعد هاد الشهر بتجي بتاخدي ابنك وغراضك من البيت وبتطلعي بلا رجعة عم تفهمي!!

هزت راسها سماح. حاضر متل ما بدك

مشيت وتركتها وراها مكسورة كان صوت صدى كعبها عم يخلق صدى بالمكان ويخلي الكل يلتفت لعندا ضلت عم تمشي وهي رافعة ضهرا وما عم تلتفت لعند حدا صفا وعماد عم يمشو وراها بذهول من الشي الي عملتو جوا وعم يتسائلو جواتهون‏eomoo_prhom ‏جزء ٤٤
هي ليلى نفسها الي كان كل هدفها الأنتقام!!

فجأة استوقفتهن صورتو عنفس الكرسي المتحرك عند باب المحكمة بس كانت صورة حقيقية ما كانت وهم ولا حتى حلم السما الصافية عم تنافس لون عيونو وهوا الربيع النقي عم يلفح بشعرو قربت منو ليلى بخطوات متثاقلة اما هو صار يحرك الكرسي المتحرك ويجي بأتجاهها

وسام. ما كنت متوقع ابداً انك تتنازلي عن حقك بس الي عملتي صح براڤو

عماد. وسام!!...
ركض لعندو بسرعة وضمو بقوة ودموعو عما تنزل عماد. وين كنت يا أخي وين كنت!!
قلبت الدنيي عليك

وسام. ههههه خنقتني اخي اشتقتلك كتير

صارت تحكي بشفاف عم ترجف ليلى. كنت متأكدة انك رح ترجع كنت متأكدة انك ما رح تتركني

اول ما وصلت قبالو مسك أيديها وسام. لا تبكي انا رحت لحتى أقدر امسح دموعك هدول

سحبت أيديها منو وخبت وجها بأيديها وهي عم تبكي بهستيريا ليلى. ليش رحت ليش!!

وسام. ما كنت حابب عيشكون بالأمل عالفاضي لاني ما كنت متأكد انو رح تنجح هي العملية كان احتمال 40 بالمية موت وانا تحتها

حطت ايدها عتمو وقربت منو وضمتو بقوة من دون ما تشعر ليلى. هش لا تجيب سيرة الموت

همس بأذانها وسام. بحبك
اليوم الصبح لما فتحت خطي قرأت كل الرسائل الي بعتيهون 95 رسالة

بعدت عنو شوي وهي عم تحاول توقف دموعها ونوبة البكا الي هيي فيها
ليلى. ليش ما رجعت لهلق

وسام. حبيت أرجعلكون وانا قوي ما حبيت اجي قبل ما خلص العلاج الفيزيائي بعد العملية وأقدر حرك أيديي وكتفي

بعد ما هدت الأجواء شوي والكل هديو من صدمتهون قربت صفا شوي منهون
صفا. الف الحمدلله عسلامتك وسام

وسام. الله يسلمك

عماد. كيف عرفت انو نحنا هون أخي!!

قربو نرجس ووسيم والأبتسامة مكللة وجوهون
نرجس. نحنا الي خبرنا باز کردن / نظر دهید

2023-05-18 22:22:52 #الجزء_السابع
‏eomoo_prhom ‏جزء ٤١
بعد دقايق دخلو تنين عساكر وحطو الكلبشات بأيدين اسراء واخدوها وهي عم تصيح وتستنجد اما صفا ضلت واقفة بمكانها ومو عرفانة شو تتصرف

صفا. بتشكرك

عماد. كنت حاسس انو في شي مو طبيعي

سحبت السكينة من جاكيتها وحطتها عالطاولة صفا. سكينة فواكه

عماد. ما توقعتك بهالقوة هي وهالجرأة

صفا. في مواقف بغصب عنك بتخليك تطالع قوتك انا أسفة نسيت اسألك عن وسام

سحب نفس عميق وحط أيديه بجيابو عماد. مافي شي جديد مضطر اشتغل لأقدر دور عليه وشغل عساكري معي

صفا. الله يريح بالكون...

_________

كانو سلوى وليلى عم يروحو ويجو بالصالون وهنن عم ينتظرو صفا وما عم تجي

ليلى. خالتي بس فهميني ليش خليتيها تنزل لحالها بهالوقت كل شي بدا ياه كان بجبلا ياه بطريقي

سلوى. لا تزوديها عليي ليلى شو انا بعرف انو هيك رح يصير بالي مشغول عليها كتير وقلبي متل النار

ضلو يروحو ويجو بالصالون للساعة سبعة المسا وهنن على أعصابهون لحد ما انفتح

الباب ورن صدى صوتو بكل البيت صارو سلوى وليلى يركضو لوصلو لعند صفا

صفا. شبكون شو في!!

سلوى. وين كنتي قلبي متل النار عليكي

صفا. أسفة خالتي شغلتلك بالك بس ما قدرت أجي لوصلت أسراء بأيديي عالسجن

سلوى. عم تحكي عنجد!!

بصدمة ليلى. مين اسراء!!

صفا. شبك اختي أسراء ما غيرها الي معك بالجامعة شو نسيتيها

ليلى. انا عنجد بطلت أفهم شي شو الي عم يصير هون

صفا. اسراء اختي الي كانت تعطيكي دوا مخدر لحتى تعودك عالأدمان

بصوت متقطع سلوى. صفا مو هيك

ليلى. انتو شو عم تحكو الدوا الي كنت عم اخدو فيه مخدر طيب ليييش وشو الها مصلحة

سحبت نفس عميق سلوى. يا بنات قلبي حاسسني انو سماح ألها يد بالموضوع

ليلى. شوووو!!

وقعت ليلى عالأرض من الصدمة واغمى عليها وكأنو قلبها معد يتحمل صدمات اكتر من هيك كابرت عحالها كتير بس بالنهاية كل أنسان عندو طاقة تحمل وهي نفذت لعند هاد الحد
"بعد ثلاث أشهر"

"أرجوك عدّ إلى هذا العالم فأن قلبي لم يعد يحتمل لوعة الفقدّ أنتظرتك طويلاً ونمتُ عشرات المراتِ في اليوم علّكَ تعانقُ أحلامي أو ربما نلتقي في مخيلتي كما وعدتني سابقاً ولكن كل محاولاتي بائت بالفشل أعتذرُ لكَ سيدي وعدتكَ بألا أحزن ولكن قلبي تفطرَ من شدّة الشوق ومن لوعة الفراق.

أردتُّ أن أخبركَ بأنني تخلصتُ من ذاكَ المخدر اللعين كم من الليالي كنتُ أصرخ بلا سبب وكم زادت عصبيتي حينها يظنون بأنني أفتقد ذاك المخدّر ولا أحد يعلم بأن ما أفتقده هو أنتْ يا كل ما أملك."

بعتت الرسالة عنفس رقم وسام 90 رسالة ما وصل منهون شي بس كانت متأكدة انو كلماتها عم توصلو كل يوم كانت تحكيلو‏eomoo_prhom ‏جزء ٤٢
بعتت الرسالة عنفس رقم وسام 90 رسالة ما وصل منهون شي بس كانت متأكدة انو كلماتها عم توصلو كل يوم كانت تحكيلو شو صار معها كل يوم تكتبلو بلا كلل أو ملل

فتحت الباب صفا ودخلت على اختها
صفا. اختي لهلق ما جهزتي !!

ليلى. يالله اختي جاية دقيقة وبلحقك

لبست ليلى تيابها عالسريع ولحقت صفا الي كانت مبسوطة ومتفائلة نوعاً ما أنو ممكن تكون هي آخر جلسة الها بالكيماوي ادا كانت التحاليل تمام

ليلى. يالله صفا خلينا نطلع

سلوى. صبايا الله يخليكون طمنوني اول ما تطلع التحاليل

ليلى. حاضر خالتي اكيد رح نخبرك اول ما تطلع

سلوى. الله معكم

طلعو بسرعة من البيت وكانو رح يمشو بالشارع قبل ما تستوقفهون سيارة عماد زمرلن وفتح شباك السيارة

عماد. يالله صبايا طلعو دوبنا نلحق الموعد

تطلعت بصدمة صفا. اي موعد!!

عماد. لك شبك صفا شو نسيتي موعدك بالمشفى ما قلتيلي اليوم أخر جلسة كيماوي لألك

تطلعت ليلى بصفا ورمقتها بنظرة حادة
صفا. شبك ليه هيك عم تطلعي فيني

عماد. خلصونا طلعو حاج تقطعو وقت

صفا. ما توقعتك تجي

فتحو باب السيارة وطلعو صفا وليلى قبل ما تمشي السيارة
_________
"في المشفى"

لأول مرة بتطلع صفا من جلسة الكيماوي وابتسامتها مرسومة على وشها وكأنو الكيماوي ما قتل ضحكتها ولا سرق أملها بالحياة بالعكس زادها قوة

صفا. راحت الدكتورة تعمل التحاليل

سحبت نفس عميق ليلى. ان شاء الله خير

صفا. شبك اختي ليش متوترة انا كتير متفائلة وحاسة انو هي رح تكون آخر جلسة

ليلى. ان شاء الله أختي ان شاء الله

بعد ساعة من الأنتظار بعد ساعة من التوتر العالي اجت الدكتورة وحاملة بأيدها مغلف أبيض وأبتسامتها مرسومة على وشها

الدكتورة. شو رأيك صفا مانك خايفة

هزت راسها بحركة سريعة صفا. ابداً

الدكتورة. اطمنوا نتائج التحاليل بتبين انك هلق سليمة مية بالمية الف الحمدلله عسلامتك

حطت صفا ايدا عتما وما قدرت تتحمل قربت من ليلى وضمتها

ليلى. هههه الف الحمدلله عسلامتك اختي

الدكتورة. بس لازم نعيد نفس التحاليل كل فترة لحد ما نتأكد انو ما يرجع الورم مرة تانية والف سلامة عليكي باز کردن / نظر دهید

2023-05-18 22:22:47 هزت راسها ودخلو عالمخفر كان صفا قلبا عم يرجف من جوا ورح تموت من الخوف اول مرة بتتصرف هيك تصرف مجنون بحياتها بس لما شافت حياة اختها بخطر كان لازم تتصرف وتعمل كل الي بتقدر عليه لتنقذ اختها
ما حدا كان بيعرف انو السكينة الي بجيبتها هي سكينة تقشير فواكه مو اكتر كانت تاخدها معها عالمدرسة لتقشر فيها برتقال
طلبو من العسكري الي واقف عالباب يشوفو الضابط بسرعة لأنو عندهون شي بدن يعترفو فيه ضلو يستنو عند الباب لحد ما أجا الضابط كان صدى خطواتو عم يقرع بالمكان ويخلق صدى مع كل خطوة بيخطيها تطلعت فيه صفا بذهول وحطت أيدها عتمها كان الضابط هو عماد أخو لوسام‏eomoo_prhom ‏جزء ٤٠

العسكري. اتفضلو هاد هو الضابط

عملت حالها صفا ما بتعرفو لحد ما تتأكد انو اسراء رح توفي بوعدها وتعترف اما رح تكون كذابة

صفا. مرحبا سيادة الضابط طلبنا نشوفك لانو في شي بدنا نعترف فيه

حك عماد دقنو بطرف أيدو وأشرلهون عالباب
عماد. اتفضلو فوتو

قعد ورا كرسيه بذهول وهو مستغرب ليش صفا ما استغربت من شوفتو وهل جيتها مجرد صدفة ولا شو بالزبط

أسراء. سيادة الضابط هي البنت هددتني بالسكين من شوي لحتى اجي واعترف اني تاجرة مخدرات بس هي وحدة كذابة بدا تنتقم مني بس لانو حبيبها تركها كرمالي

فتحت صفا عيونها بصدمة وحطت ايدها عصدرها
صفا. اناااا
يخربيتك شو انك وحدة كذابة

أسراء. سيدي ادا مانك مصدق شوف السكين بجيبتها صدقني بدا تفتري عليي وتورطني بشي انا مالي فيه

عماد. هاي هاي شو انتو بمحضر ولا بحضيرة حيوانات وطي صوتك انتي وياها وأحكو بهدوء خلوني افهم عليكون

أسراء. سيدي كل القصة انو هي البنت عم تهددني بسكين وبتعرف انو هالشي يعني شروع بالقتل وانا بدي اشتكي عليها وادا مانك مصدق تعى وفتشها

قرب عماد بخطواتو الثقيلة شوي شوي لعند صفا كانت بهاللحظة صفا متجمدة عن الحركة صار قلبها يرجف بسرعة لما حط عماد ايدو بجيبة جاكيتا وطلع منها مفتاح كانت ريحة عطرو عم تخترقها وتخليها تنسحر بوقفتو

عماد. بس هالشي اسمو بلاغ كاذب يا أنسة نحنا مضطرين نوقفك عنا

اسراء. سيدي هي وحدة كذابة صدقني انا متأكدة انها رمت السكين بالطريق لحتى تخلص حالها الله يوفقك صدقني

طلعت صفا من سكوتها وتطلعت بعيون عماد صفا. انا بدي قدم شكوى ضد هي البنت سيدي
طلعت موبايلها وفتحت عالصور صفا. سيدي هي البنت عم تبيع دوا للبنات بالجامعة على انو دوا وجع راس ومانو موجودة غير عندا لانو من برا البلد بس طبعاً سيدي الدوا في نوع من المخدر قوي وهو غير نوع العلبة ويؤدي للأدمان طبعاً هون بيتدخلو جماعتها وبيصيرو يزيدو الجرعة ويبيعو بضاعتهون بكل أريحية بين الطلاب وطبعاً سيدي انا عندي الأدلة الي بتثبت حكيي في مقطع فيديو وهي عم تسلم الدوا لأختي وفي كمان تقرير طبي بيثبت صحة كلامي عن الدوا اتفضل سيدي شوف الصور والفيديوهات

اخد عماد الهاتف من أيدها وصار يتمقل بالصور والفيديوهات بصدمة بوقتها عرف ليش صفا عملت حالها ما بتعرفو عطى الهاتف لصفا ووجه كلامو لأسراء

عماد. نحنا مضطرين نفتح تحقيق بهالحكي ورح نستوقفك عنا بتهمة بلاغ كاذب وتجارة مخدرات لينتهي التحقيق

صفا. سيدي من شوي اعترفت انو في واحد اسمو ثابت مسؤول عن عصابتهون

اسراء. سيدي الله يوفقك اسمعني الله يخليك

فتح باب غرفتو وصاح صوت عالي عماد. يا عسكري تعا خدها باز کردن / نظر دهید

2023-05-18 22:22:46 صفا. أرجوكي خالة حاج تزيديها عقلبي

ضمو بعض وصارو يبكو

"بعد ثلاث أيام"

كانت ليلى متكورة عحالها بالفرشة فتحة الشباك وعم تطلع عالسما الصافية ودموعها عم يشرو بغزارة كانت كل شوي تعيد رسالة وسام وترجع لنوبة البكا بعد ما هدت شوي مسحت دموعها وصارت تكتب‏eomoo_prhom ‏جزء ٣٨
"أحبكّ!
أعترفتُ لكَ وسأعترفُ لك مجدداً كنت كلما أنظر إلى عينيك يبتسمُ ثغري ويزداد قلبي لك عشقاً أحبكَ يا من حُفر حبهُ في قاعِ قلبي أعدكَ بأنني لن أحزن فلما الحزنُ وقد وعدتني بأننا سنلتقي سيضلُحبنا حي حتى لو ذهبنا أعدكَ أننا لن نختفي كما قلت لي.
وكلما سأنظر إلى السماء سأتذكر ملامح عيناك وسأدعو الله بأن يجمعني بك مجدداً...كنّ بخير يا كل ما أملكْ"

بعتت الرسالة عرقم وسام وسكرتْ الموبايل طلعت من غرفتها بعد ما راح أثر الدموع من على عيونها دخلت عالصالون مكان مو قاعدين سلوى وصفا قعدت قبالهون عالكنبا وحاولت تتجاهل نظراتهون لألها

سلوى. ايييي وبعدين...

ليلى. نعم!!

سلوى. تركناكي على راحتك لبين ما تروقي وتهدا أعصابك بس كمان من حقنا نعرف شو صاير معك

ليلى. وسام...

صفا. شبو وسام؟

ليلى. راح لحتى يتبرع بأضائو وينهي حياتو لانو مو قادر يكمل اكتر من هيك

سلوى. شوووو

صفا. كييف سمحولو اهلو

سحبت نفس عميق ليلى. راح من دون ما يخبر حدا لحتى ما حدا يقدر يمنعو ولهلق اهلو مو قادرين يعرفو المشفى الي راح عليها ليعمل العملية صرلون 3 أيام عم يدورو بشكل مستمر وعم يدقو لرقمو بس مافي خبر

وقفت على رجليها واتجهت عالمطبخ عبت كاسة مي ورجعت عالصالون وبأيدها علبة الدوا الفاضية

ليلى. خالتي مبارح كانت علبة الدوا هي عبيانة وين راح الدوا الي كان فيها

سلوى. اليوم الصبح كان راسي عم يوجعني كتيير اخدت حبة ووقعو الباقيين عالأرض واضطريت كبهون

ليلى. يالله منك خالتي كان خبريني
لبست جاكيتها واتجهت لعند الباب

سلوى. لوين!!

ليلى. رايحة أشتري علبة من الصيدلية

فتحت الباب وطلعت وبعد دقايق هزت سلوى صفا من ايدها خلتها تنقز
سلوى. صفا الله يوفقك لبسي ولحقي أختك بسرعة

صفا. بس هي راحت عالصيدلية

سلوى. يمكن كمان تروح لعند رفيقتها ممكن تكون مخبرتا انو الدوا مو موجود منو بالبلد وحصراً لازم تحصل عليه من عندا نحنا لازم نعرف هي البنت بسرعة قبل ما تورط أختك

صفا. حاضر خالتي رح ألحقها بسرعة

لبست صفا جاكيتها ولحقت اختها من دون ما تنتبه عليها ضلت تلحقها لحد ما وقفت ليلى وطلعت الموبايل من جيبتها وعملت اتصال ضلت واقفة مكانها وصفا عم تراقبها من ورا الحيط وقلبها عم يخفق بشدة
قعدت ليلى عالرصيف وحبست وشها بين أيديها التنتين وكأنها كانت عم تبكي مرقت عشر دقايق وهي عنفس الوضع وصفا عم تراقبها من دون ما تأتي بأي حركة بعدين شافت ليلى عم توقف وقربت منها بنت في بأيدها كيس هون صفا معد تقدر تتحمل طلعت موبايلا وصورتهون اكتر من صورة ولما شافت ليلى بعدت شوي صارت تلحق البنت الي كانت معها لحد ما صارت بطريق فاضي‏eomoo_prhom ‏جزء ٣٩
لبست طاقيتها وصارت تركض ورا البنت ومسكتها من أيدها

أسراء. تركيني مين انتي وشو بدك مني!!

حطت أيدها عتما ولزقتها بالحيط صفا. انا الجني الأسود الي رح يكون خلاصك على أيدي يا أسراء

اسراء. اممممم

صفا. لحظة رح شيل أيدي عن تمك بس ادا بتأتي بأي حركة او بتصرخي رح تكون نهايتك فهمتي !!

هزتلا براسها انو فهمت
اسراء. مين انتي !
وشو بدك مني

طلعت سكين من جيبتها وحطتها عخصرها
صفا. انتي الي شو بدك من اختي وليش بدك تخليها تصير مدمنة !!
ليكي وليك ادا بتحاولي تنكري رح اقتلك فهمتي

صارت تبكي اسراء. صدقيني انا ما دخلني هو الي بدو انا ترجيتو كتيير انو ما يأذيها بس ما كان يسمع مني صدقيني انا مالي علاقة بشي انا بنفذ الأوامر وبس

صفا. مين هو !!

رجعت تبكي اسراء. ثابت والله هو الي ورطني اشتغل معهون ونبيع البضاعة الي عنا وعدني يعطيني نص الربح وانا طمعت بالمصاري

صفا. بدي شوفو لثابت هاد مين بيكون وشو ألو مصلحة مع اختي وانتي ادا مستعدة تعترفي بهاد الحكي رح أتركك تروحي بحال سبيلك

اسراء. ادا انتي تركتيني صدقيني هنن ما رح يتركوني والله العظيم ما بيخلوني عايشة الله يوفقك ساعديني

حطت ايدا عرقبتها وصرخت بوشها صفا

. ليكي وليك انتو كنتو رح تدمرو اختي مستحيل سامحكون عم تفهمي انا معي اوراق وتحاليل بتثبت انو الدوا الي بالعلبة غير نوعية
فتحت موبايلا ووجهتو لأسراء صفا. ومعي مقطع الفيديو هاد الي ادا سلمتو للشرطة رح توقع كل القصة براسك انتي ف اما بتعترفي للشرطة عن ثابت اما رح سلم الأدلة الي معي فوراً ورح سلمك للشرطة بأيديي

أسراء. ...

صفا. شو قلتي بدي الرد فوراً!...
أسراء. متل ما بدك بيصير

صفا. يالله لكن خلينا نروح عالمخفر حالاً ما معنا وقت

ضلت حاطة السكين عند خصرا وضلو يمشو لوصلو لأقرب مخفر شرطة هون ضبت صفا السكين بجيبتها وهمست بأذن أسراء
صفا. ادا بتأتي بأي حركة جوا غير الي اتفقنا عليه ما نيالك ها باز کردن / نظر دهید

2023-05-18 22:22:43 #الجزء_السادس
‏eomoo_prhom ‏جزء ٣٦
أعلمُ يا حبيبتي بأننا لم ولن نلتقي بحبنا العذري هذا، دعيني أعترف للمرةِ الأولى بأنني اعترفتُ لكِ لألاف المرات في كل صباحٍ أشرق على يومي كنت أقول لكِ أحبكِ أتخيل شعرك المتناثر على وسادتي أداعبه قليلاً في مخيلتي وأهمس بأحبكِ بعدها، لم تسعفني مشاعري وأشواقي لأكثر من ذلك حبيبتي أعذريني وأعذري قلبي العاجز الذي كم تاه في ليالي عينيكِ غاليتي.

كان قلبها عم يخفق بشدة وهي عم تقرأ وكأنو كلماتو خلقت معارك جواتها ضلت الأبتسامة مكللة وشها لحد ما كملت قراءة

أسفٌ حبيبتي سأزفُ لكِ خبر فراقي في هذهِ الرسالة أعلمّ أن الفراقَ مرّ وانه حدٌّ كالسيفِ في القلب ولكنه أيضاً خلاصي الوحيد أردتُ الرحيل كي لا يقف العالم عندي أردتُ ان تستمر الحياة بدورتها ولا يقفُ أحداً كالعاجزَ مثلي انا يا حبيبتي كنتُ أخافُ عليكي من عيناي أخافُ من نظراتي ومن أن أتفوه بما لا يحق لي قوله لأعترف بأن الرحيل سينقذ كلانا وربما سينقذُ حبنا العاجزُ كذلك لا أريدُ ان أقول لكِ وداعاً لأنني أؤمنُّ بأننا سنلتقي ربما في أحلامكِ او في ذاكرتكِ لكننا لن نختفي...
ها أنا الآن أذهب مع رجلٌ يقفُ خلفي ويجر ذلك الكرسي اللعين هو ذاته من كتبَ لكِ رسالتي هذه وهو من سيأخذ بي إلى الخلاص كذلك أراقب كيف سيختفي الظلام من بعدي وأهمس بكلماتً هادئة أحبكِ حبيبتي...كوني بخير."

ارتخو ايديها شوي شوي ووقعت عالأرض ضمت رجليها وصارت تبكي عطرف الطريق ما عم تصدق انو عملها ما عم تصدق انو حكايتهون خلصت بهي اللحظة ومع آخر يوم بالسنة كان قلبها ما عم يقتنع.

قامت من عالرصيف فجأة وصارت تركض لوصلت عباب بيت وسام دقت الباب بهستريا ومن دون وعي بس تفاجأت انو الباب كان مفتوح فتحتو ودخلت بس بهي اللحظة تمنت لو انها ما اجت تمنت يكون كل شي عم تعيشو مجرد كابوس وتصحى منو بعد كم ساعة

كان صوت نحيب نرجس وصراخها واصل لمسامعها صارت تركض لوصلت لعندها كانو متجمعين بالصالون نرجس وعماد وأبو وسام عم تحكي بكلمات متقطعة

ليلى. ششوفي شو صاير!!

نرجس. وسام راح يا ليلى وسام راح ابني وحبيبي تركني وراح

ليلى. مستحيل خالتي مستحيل وسام انا بعرفو

نرجس. لك بعت رسائل للكل وراح من دون ما يودعنا

ليلى. لاء لاء ما بصدق عم قلك مستحيل يعملها عماد احكي شي

كان في دمعة عالقة ععيون عماد مسحها بطرف ايدو وصار يحكي عماد. استهدوا بالله يا جماعة انا رح احكي مع كل المستشفيات الي بالبلد وبرا البلد ووقتا ببين معنا كل شي

ما قدرت ليلى تستحمل هالحكي سحبت حالها وصارت تمشي بخطوات متباطئة عالبيت كان شعرا منفوش وتحت عيونها أحمر من البكا دخلت لجوا وطبقت الباب وراها بقوة استوقفها صوت صفا وسلوى‏eomoo_prhom ‏جزء ٣٧
صفا. ليلى

سلوى. ليلى وين كنتي بهالوقت انشغل بالنا عليكي

صفا. اختي ليش هيك حالتك شو صاير معك

ليلى. ...

سلوى. ليلى الله يوفقك لا تشغليلنا بالنا بترجاكي احكي شو صاير!!

تركتهون عم يحكو ودخلت عغرفتها وطبقت الباب وراها بقوة وكأنها ما بدا تسمع شي كانو صفا وسلوى مذهولين من الموقف تركتهون ليلى واقفين مكانهن وما عرفانين شو الي عم يصير

سلوى. الله يستر

صفا. خالتي شو ممكن يكون صاير

سلوى. ما بعرف صفا ما بعرف ...
ما حكت معك رولا وخبرتك شو نتيجة التحليل

صفا. لاء لسا خليني اتصل معها انا واسألها

سحبت نفس وتنهدت بعمق سلوى. ان شاء الله ما يكون شكي بمحلو وكل شي بيهون بعد هيك

صفا. ان شاء الله خالتي ان شاء الله

سحبت موبايلا واتصلت عرقم رولا وقلبها عم يرجف من الخوف وكأنو حكي خالتها خلاها تشك شوي رن الهاتف رنتين بعدين واجهها صوت رولا

صفا. مرحبا رولا كيفك

رولا. اهلاً صفا الحمدلله منيحة هلق كنت رح دقلك بس سبقتيني

صفا. طمنيني رولا شو صار معك ان شاء الله خير

رولا. من شوي رجعت من المخبر

صفا. اييي...

تنهدت بعمق رولا. الوضع ما بيطمن صفا من لما فرجيتيني الدوا شكيت انو الدوا مختلف عن الي بالعلبة علبة الدوا لدوا تاني وفعلياً العلبة مسكن لألم الرأس

صفا. والدوا

رولا. الدوا في نسبة مخدر هو ممكن ينعطى بأول يوم بعد العمليات الجراحية القوية وطبعاً كثرتو بتسبب أدمان لهيك تجار المخدرات بيتبعو طريقة مبدئية ليعلمو الشخص عالأدمان وكل مالون بيزودو الج

رعة اكتر ليوصل الأمر للبودرة وبعدها للأبر الي ممكن تأدي بحياة الشخص

بصوت متقطع صفا. رولا انتي شو عم تحكي يعني اختي عم تتعاطى من دون ما تعرف!!

رولا. لا لاء صفا احمدي ربك انكون اكتشفتو الأمر من بدايتو هلق شوية علاج منزلي مع مساعدة الطبيب فيها تتخلص من هالدوا ادا كانت شخصيتا قوية وعندا إرادة ولازم تعرفو اول ما تترك الدوا رح تصير عصبية كتيير لحد ما تقدر تتخلص منو عالأخر

صفا. طيب رولا بتشكرك كتير رح احكي معك بعدين

مسكت ايد صفا وصارت تهزا سلوى. شو صار طمنيني أحكي!!

صفا. خالتي بترجاكي اهدي الله يوفقك

سلوى. لك شو اهدا شو اهدا شو بفهم من كلامك يعني خلص يعني طلع توقعي صح باز کردن / نظر دهید

2023-05-18 22:19:11 نسرين. انت من شوي سألتني ليش أجيت بعتذر منك كتير ادا أزعجتك جيتي بس انا كنت حابة أطمن عليك مو اكتر لما سمعت انك عزمت رفقاتنا حبيت اجي معهون ونسترجع ايامنا القديمة مع بعض

وسام. ...

نسرين. انا أسفة وسام بعرف اني جرحتك كتير بس بوقتا كنت مضطرة اني أتركك والتفت لحالي كنت متأكدة انو علاقتنا شي اشبه بالمستحيل

سحب نفس عميق وسام. بوقتا كان فيكي تسألي كان فيكي تتأكدي اني مستحيل أخونك لو واجهتيني كان قدرت اثبتلك هالشي بس انتي انسحبتي بسهولة انتي الي ما تمسكتي

صارت دموعها تشر وهي عم تحكي نسرين. كنت بعرف ومتأكدة انك ما خنتني وخصوصي بعد ما اجت ليلى واعترفتلي بكلشي وفرجتني كيف الصورتين مطبقين عبعض بس بوقتا ما كان فيني وقف حياتي معك كان لازم استمر

ابتسم وسام وكأنو اطمن بعد ما اعرف انو ليلى اعترفتلها بكل شي وسام. كنت بعرف انك أنانية بس بعد حكيك هاد تأكدت اكتر

نسرين. سامحني...‏eomoo_prhom ‏جزء ٣٥
وسام: على شو بدي سامحك ولا على شو
القى نظرة عكرسيه المتحرك وابتسم ببرود وسام: انتي بتعرفي اني قاعد على هاد الكرسي بسببك انتي ظلمتيني وقت الي فكرتي انو ممكن خونك وبسبب شو صورة!!
صورة خلتك تتأكدي وحتى انك ما فكرتي تسمعيني يا ترى فكرتي بوضعي بهداك الوقت فكرتي كيف طلعت من عندك وانا عم بتخبط بحالي فكرتي بشعور الشخص لما ينظلم ويتحاسب على شي هو اصلاً مو عاملو

اطلق ضحكة ساخرة وتابع حكيو : أكيد ما حسيتي لاني وقتها كنت عم سوق الطريق بكل هالمشاعر الي انتي اصلاً ما رح تحسي فيها ومن بعد هداك اليوم فقدت كل شي الا روحي فقدت شغلي حركتي حبي الي كنت موهوم فيه حتى رفقاتي فقدتهون واحد ورا التاني

حطت أيدها عتمها وهي عم تحاول تكتم شهقاتها نسرين: كييف هيك صار كيف ليش انا ما بعرف!!

وسام: رح سامحك لسبب واحد بس ...
بسببك انا فعلاً حبيتها لليلى والصورة الي خليتيني شوفها من سنين هي هلق فعلاً بقلبي عالأقل وقفت جمبي وما تخلت عني خلت قلبي يعيش مرة تانية وخلتني عيش طعم الحياة من جديد انا رح سامحك كرمالها مو كرمالك...

سكرت ليلى الباب ورجعت لمكانها وهي عم تتنفس بسرعة هي كانت حاسة انو بيحبها مسحت الدمعة الي عالقة عطرف عينها وكتمت شهقاتها
ما خبرت وسام انها اعترفت لنسرين بكل شي بس القدر خلا نسرين تجي بذاتها لوسام وتعترف ابتسمت براحة وضلت مكفية طريقها

"الساعة 8 صباحاً 31/12/2019"

كانت الغرفة معتمة الأبجورات نازلة والهدوء طاغي عالمكان فتحت عيونها بصعوبة والعرق عم يشر من جبينها كان في شي عم يمنعها تتحرك في شي خانق صدرها وكأنو ماسك قلبها بأيديه تجلست وهي مرعوبة وصرخت صوت من جوا حطت ايدها عقلبها وصارت تتنفس بصعوبة

فتحت الشباك مقابيل تختها وحمدت ربها انو كان حلم فجأة تذكرت شي خلاها توقف عرجليها وتركض عالرزنامة 31/12 حطت ايدها عتما لما شافت التاريخ

ليلى. لاء مو معقول مستحيييل...

بدلت تيابا بسرعة وفتحت باب البيت وطبقتو بقوة وراها وصارت تركض بالشوارع الفاضية كانت ما عم تصدق وقفت بنص الشارع وصرخت هداك الصوت الي بيخلي القلوب تهتز من قوتو...
ليلى. لااااااااااء.....

حطت ايدا عقلبها وصارت تبكي فتحت موبايلا لقت واصلتها رسالة من وسام الساعة 12 منتصف الليل مسحت دموعها بطرف ايدا وقعدت عطرف الطريق وهي عم تضحك بهستيريا

ليلى. هههههههه مستحيل يعملها انا متأكدة انو بيحبني انا متأكدة

فتحت الرسالة وقلبها عم يرجف بسرعة

"أحبكِ !
أجل حبيبتي دعيني أعترف لكِ للمرة الأولى أو الأخيرة أعلمُ انّ الحياةَ لم تنصفني لقولها وجهاً لوجه، أعلمّ أن حبي لكِ كالنار وأنتِ يا حبيبتي كالزيت، باز کردن / نظر دهید

2023-05-18 22:19:11 كانت ليلى عم تركض بالشارع وحاسة حالها طايرة من الفرح لأول مرة بتحس انو عنجد في أمل خبرين بنفس اليوم كانو كفيلين ليغيرو نفسيتها بس بدا توصل لعند وسام وتخبرو بالعملية الي سمعت عنها وصلت عبيت وسام وهي عم تلهث حطت ايدا عصدرا وصارت تحاول تستجمع انفاسها بعدين رتبت خصل شعرها ورنت الجرس بسرعة

فتحتلا نرجس الباب وتطلعت فيها بأستغراب
ليلى. مرحبا خالتي‏eomoo_prhom ‏جزء ٣٣
نرجس. اهلاً ليلى تفضلي فوتي بس ليش هيك عم تلهثي

ليلى. هلق بتعرفي بدي شوف وسام بسرعة

عكفت حواجبها نرجس. وسام جوا بالصالون اتفضلي

دخلت عالصالون بأبتسامتها العريضة ليلى. كيفك وسام

وسام. منيح انك اجيتي هلق حكيت مع المحامي وخبرني انو جاية بعد نص ساعة

ليلى. هلق مو وقت المحامي عندي شي اهم من المحامي بكتيير

وسام. شو هالشي يا ترا الي مخليكي تطيري من الفرحة؟!

ليلى. وسام اليوم سمعت رفقاتي عم يحكو عن عمليلة لمريض الشلل الرباعي ادا عملها بيقدر يحرك ايديه وكتفافو بعد المعالجة الفيزيائية وانا فكرت فيك دغري رحت سألت الدكتور وقلي انو في هيك عملية

هز راسو وابتسم ابتسامة مسطنعة وسام.........

ليلى. شبك وسام ليش ساكت احكي شي بترجاك

تنهد تنهيدة طويلة وتطلع بعيون ليلى وسام. مبالك ما بعرف العملية ليلى انا عملت التحاليل وقلي الدكتور بوضعي العملية كتيير خطيرة وعدا عن هيك ادا ضليت عايش بعدها احتمال انو تكون ناجحة بس 40 بالمية مافي داعي لأمل حالي عالفاضي

انمسحت ابتسامة ليلى شوي شوي وكأنو كان بكلماتو عم يغرز سكاسكين بصدرها دمعو عيونها ليلى. بس وسام

وسام. شش ما بدي امي تسمعك بترجاكي ليلى

فاتت ام وسام عالصالون وابتسامتها عوشها وكأنها تأملت خير من حكي ليلى نرجس. شو القصة ليلى ما قلتيلي

وسام. مافي شي امي بس ليلى عرفت انو اوراق الطابو الي شافتهون عند مرت ابوها مزورة مشان هيك هي كتير مبسوطة

نرجس. جد ليلى؟

حاولت تختلق ابتسامة من بين دموعها ليلى. مزبوط خالتي الحمدلله طلعت سماح كذابة

" بعد 3 أيام"

كانت ليلى عم تنقل الصحون الفاضية عالسفرة وعم تحاول تزبط المناديل مقابيل كل كرسي صوت الضحكات والموسيقى الكلاسيكية عم يرن بأذانها الهمسات وقرقعة الصحون وصوت ضحكة وسام بهديك اللحظات كانو ما عم يغيبو من بالها ابداً كانت رجفة أيديها كفيلة لتحكي عن التوتر الي عم تعيشو جواتها اجت نرجس من وراها وحطت ايدا عكتف ليلى

نرجس. يالله خالتي ما بدك تفوتي تتعرفي عرفقات وسام طولتي

ليلى. خالتي بعرف اغلبهن شو نسيتي اني كنت بشتغل مع وسام بنفس مشغل الخياطة بس ما بعرف ليش متوترة حاسة بأحساس غريب وكأنو رح يصير شي سيء

ابتسمت نرجس. لا تخافي خالتي انا متفائلة كتيير شوفي كيف وضع وسام كتير مبسوط خلينا ناخد القهوة ونروح نسلم عالضيوف

سحبت نفس عميق ليلى. ماشي خالتي خلينا نمشي

اخدو صينية القهوة من المطبخ وفاتت نرجس ووراها ليلى والأبتسامة مرسومة على وجوهون ألقوا التحية وسلمو عالضيوف واحد واحد كان كل شي مثالي ومرتب اطلع وسام على ليلى الي لابسة فستان اسود طويل ورافعة شعرا ذيل الفرس‏eomoo_prhom ‏جزء ٣٤
وابتسم تلقائياً لما شافها
هالهدوء والسكينة ما استمرو غير لثواني بس قبل ما يرن الجرس وتفوت نسرين عالصالة التفتت كل النظرات عليها تلقائياً منها كانت نظرات ذهول لهالأنثى ام فستان احمر ضيق وشعر كيرلي قصير ومنها نظرات حقد ومنها نظرات حنين كانت عم تقرع الصالة بصوت صدى كعبها

قربت لعند وسام بأبتسامتها الساحرة نسرين. مرحبا وسام

وسام. ليش أجيتي!!

كانت ليلى مكتفة ايديها ببعضون والدم عم يضخ بعروقها بسبب هالجو المشحون بجية نسرين كانت عم تراقب كيف وسام تقلبت ملامحو وبلش العرق ينزل من جبينو حطت فنجان القهوة عالطاولة وقربت للشباك الي قاعد جمبو وسام فتحت البرداي ومدت ايدا وسلمت على نسرين الي كانت واقفة قبالها وقبال وسام

ليلى. كيفك نسرين

بأبتسامة مسطنعة نسرين. الحمدلله تمام انتي كيفك

ليلى. الحمدلله منيحة بشوفتك

نسرين. حبيبتي

سحبت ايدا وقعدت عالكرسي الي جمب وسام قبل ما تسبقها نسرين وتقعد عليه طلعت على وسام وابتسمتلو وكأنها بهالطريقة عم تخبرو انو هيي موجودة جمبو وما رح تتركو وهو بالمقابل ابتسملا وكأنو اطمن قلبو بوجودها

بعد دقايق دخلت نرجس واشرت بأيدها عالطاولة
نرجس. يالله يا جماعة الأكل صار جاهز اتفضلو عالعشا

وسام. يالله شباب وصبايا اتفضلو ما بدكن عزيمة

قامو الكل واتجهو عالسفرة اما ليلى جرت كرسي وسام بهدوء ومشت وراهون بلشت الاجواء تهدى شوي بعد التوتر الي صار بجية نسرين
______

بعد الغدا تلفتت ليلى حواليها ما كانت تشوف وسام كان الكل مشغول بالغسيل ونقل الاكل عالمطبخ مشت شوي لعند البلكونة وتنهدت براحة لما شافتو برا كانت عم تفتح الباب لحتى تطلع لما استوقفها صوت نسرين باز کردن / نظر دهید