Stories 📖

2023-05-02 22:28:54 بيكون أغيد لاحقو
أغيد:أوس انتبه عحالك البنت ماخصا
أوس:لك كيف ماخصا..كيف وهية كل البلا منها
آسيا بقهر ودموعها عخدا:لك ماحدا بيجبرك عشي..اطمن مالي قاتلة حالي عليك
أغيد بيقرب منها:اهدي آسيا،وانت أوس مالك حق عندا لتجي تعاملا بهي الطريقة

أوس:بلله؟لك تعا لقلك بما انو حاببا كل هلقد..تزوجا انت وخلصني منها
وكل مالو عم يغرس بقلبها سكاكين..وعم تنصدم من كلماتو وهو ماعم يرحم بحالها..ماعم يرحم بقلبها المكسور

أغيد:لك سكوت شو صابك والله لو ماانك اخي الكبير..
ميلا بتجي عصواتهم بتركد وبتضما لآسيا لأنو كانت منهارة تماماً بتحاول تسحبا عغرفتا وقبل مايوصلو

أوس:عسيرة الاخ الكبير..لك ليش مابتتزوجي ابن خالتك..شو كان اسمو...اي زياد..بما انو كل هلتفاهم والمحبة بيناتكم،قلبوها عشق وطلعي من حياتنا

عامر بصوتو القوي بيصيح:لك أوس(وكأنو هز البيت كلو)
وبيكمل:انت عنجد ماعاد ستحيت..
أوس:أبي..
عامر:ولا حرف..مابدي اسمع منك كلمة..وانا حكيت يلي عندي ويلي مو عاجبو يطرق راسو بهلحيط.. عم تسمع

أوس بينزل راسو بلأرض بيجي ليمشي عامر..بيرجع بيلتفت عأبنو:وبلمناسبة..البنت كمان مالا رامية حالا عليك..وفضلت ترجع عسوريا...ترجع علموت ولاتتزوجك

أوس بيلتفت عليها ليش هيك حس..شو هو هلاحساس
بيتركو كلن وبيبقا لحالو لسا واقف مكانو وعم يفكر..بيفوت عغرفتو وببلش يكسر كلشي بيطلع بخلقتو

بتمر الأيام وعامر بدو يزوجهم بأسرع وقت لأنو مجرد ماتنفذ القرار بنت أخو بتتسفر وبتروح من بين ايديه

علاقة أوس بكل اهل البيت زادت سوء..وبلأخص مع آسيا
أما هية..موجوعة لأبعد حد..كلو كوم،ووجعها لأنو حاببتو كوم وبدا تتخلص منو وتطالعو من قلبها ومو قادرة مع كل الوجع يلي عم تاكلو وكأنو بدل مايغرس الاذى كره جواتا..عم يغوص أوس ويتعمق بقلبها

وكان زياد عم يطمن عليها عن طريق ميلا..وماحكتلو يلي صار..وغير هيك ميلا كتير رتاحتلو لزياد وعم تحب تحاكي كل يوم لو بحجة آسيا

يوم العرس

اعدين متل تمثالين من حجر ولا كأنهم عرسان..فجأة بتظهر صبية حلوة كتير طويلة وبيضا..
...:مبروك ياعرسان...ألف مبروك أوس بيك

بيرفع عيونو عليها وبينصدم
أوس:سلمى؟!!
بتطلع فيها آسيا وكأنو هلاسم هز كيانا،صارت تطلع بنظراتهم لبعض
أوس:انتي شو عم تعملي هون؟
سلمى:جاية بارك لحبيبي..
آسيا بتتفاجأ من وقاحتا
أوس:سلمى أمشي من هون احسنلك وبلا فضايح
سلمى:بلا فضايح؟لكن هي بنت بتبدلها فيني؟؟قلي..بس بتعرف انا متأكدة انك مجبور بلاخص انها بنت عمك

بيتطلع بعيون آسيا يلي بديت تدمع..
أوس(بيحكي بللغة التركية كرمال ماتفهم آسيا لأنو لسا ماتعلمت اللغة منيح):علأقل مالها خاينة متلك
سلمى بتطلع فيها ويعونها كأنهن نار بيحرقوها لآسيا..
سلمى:لك الله لايهنيكن...
وبتتركن وبتمشي

بتوقف آسيا
أوس:لوين؟؟
آسيا:بدي امشي من هون،رح روح شوي وارجع ماعاد اتحمل
أوس :اهدي بلا ماتعمليلنا مشكلة مرأيها عخير..
آسيا بتبعدلو ايدو وبتمشي

بتجي ريم:أوس هي سلمى شو جابا؟؟لاتقلي هية يلي زعلت آسيا
أوس بيسكت
ريم:قوم وراها راضيها...لك قوم

بيفوت لعندا بتكون عم تحاول تمسح الدمعة قبل ماتنزل
أوس:آسيا...مابعرف انها رح تجي طبعاً انا تدايقت كتير،بكره شوفها صدقيني
آسيا:مو مشكلة مو مهم
أوس:لكن ليش عم تبكي؟؟
آسيا:لأنك احرجتني وقت حكيت معها بلتركي
أوس:...أمممم ماكان قصدي يعني..هية لما قالت عنك هيك
آسيا:اييي؟؟
أوس:أنا قلتلا بكفي انو مو خاينة
بيسكتو تنيناتن بعدين بتقلو:اصلاً ماهيك قصدي،قصدي تدايقت انو عم اتعلم اللغة ومع هيك ماعرفت اترجم كلامك

بتتركو وبتمشي،بحسبتا انو ردت اعتبار
وهو بيثبت بأرضو بيطلع فيها هيك :وربي مجنونة

بتمشي شوي بيصير بوجها زياد وميلا
ميلا:هه لقيناها..لك وين كنتي؟؟
بيجي وراها أوس
بيقول زياد:شوفي مين وراها بتعرفي وين كانت
وبيضحكو هو وميلا

بكون سمعو أوس وبيتدايق منو
آسيا:لا والله مو هيك بس..
بيحط أوس ايدو عكتافها وبيقول....

بيقلا أوس:وليش لتبرري منحنا العرسان شو بدو فينا
ميلا بتفرح بكلام أخوها..بس آسيا بتسرح وبتصير تفكر بكلماتو..معقول بدي يتغير ويصير منيح معها
زياد:لك تتهنو ببعض ياسيدي والف مبروك
آسيا:زياد لايمتى بقيان
زياد:والله مو مطول الصبح لازم ارجع
أوس بيسحبا من ايدا ليرجعو يأعدو..وبيقلو لزياد:اي لكن توصل بلسلامة

بتطلع ميلا بزياد:مابتقدر تبقا اكتر؟
زياد بينتبه ععيونا:لا بس ليش؟؟
ميلا بتنزل عيونا بلأرض:لا هيك مجرد سؤال..
هو بيبتسم بيفرح من جوا قلبو

وهلأ بصير وقت رقصة العروسين
آسيا:بس أنا مابعرف أرقص..وكتير متلبكة
أوس:اهدي هني دقيقتين ومنأعد..بعدين مابدا شي بس كيف بوجهك بتروحي،خلينا نخلص من هليوم باز کردن / نظر دهید

2023-05-02 22:28:53 ‏#هواك_أذلني #الجزء_الثالث

أعدو بعد شوي لحالهن
آسيا:يعني رح تسافر؟
زياد:المنطقة قريبة كل فترة بجي بشوفك
آسيا:بتعرف من وقت ماتركتني زاد القهر جواتي،انت كنت كتير مهون علي الحادثة
زياد:بتعرفي شو صار واني اضطريت سافر،المهم هلأ طمنيني عنك

بتدق الباب ميلا وبتضيفهن عصير
زياد:يسلمو ايدكي..وشكراً الك
ميلا بتبتسملو بخجل:الله يسلمك...العفوو
بتطلع فيهن آسيا مستغربة بتفكر شوي بعدين بتقول:لك..يعني انتو كنتو متفقين صح؟
زياد:هههه هيك شي
آسيا:وكيف هيك صار
ميلا بعفوية وضحك:لك بتتذكري وقت حكيتي مع خالة أم زياد،هي عطتو الرقم لزياد ليقدر يتواصل معك ويشوفك،وهيك حكا معي وعرفت انو قريبك واتفقنا انو نعملك ياها مفاجأة

وهية عم تحكي كان زياد سارح فيها وبعفويتها
بتطلع فيه ميلا وبتقلو:وهي احلى مفاجأة بتصير معكن صح
بتلاقيه سرحان فيها بتخجل وبتنزل عيونها علأرض

وآسيا بتخبي ضحكتا عمنظرهن كأنو حست في شي عم يصير

بيروح زياد،وكل فترة بيجي بزورها بس أوس مو طايقو بنوب

أغيد:شو بدك منو شو عملك الزلمة
أوس:عيب يتعامل مع بنت خالتو هيك
أغيد:كيف؟؟وانت شو خصك الزلمة متل اخوها
أوس:بلله؟قلتلي أخوها،،يعني اذا غبت عن ميلا ممكن تعمل هيك
أغيد:ويمكن اكتر كمان،انت ليش شايفا من نظرة تانية
أوس:لا نظرة ولا تنتين..يصطفلو شو بدن يعملو،،بس هنن هيك بنات حوا بيعملو حالن متأثرين ومكسورين وبيبكو بس كلو كذب اوعك تصدقهن
أغيد بيتطلع فيه وبيقوم
أوس:لوين
أغيد:بدي شوف ميلا تعبانة شوي
أوس:طيب شوي ولاحقك

بتطلع آسيا من غرفة ميلا وبتلتقا ب أغيد
أغيد:كيف صارت
آسيا:احسن شوي،رح اعملا شي سخن بترتاح عليه
بيفوت أغيد ودقايق بتكون راجعة آسيا وبيخبط بجنب ايدها أوس...
تعودت علخبطات..بس مو وهية حاملة شي سخن
آسيا بألم كبير:اااه
بيتطلع فيها..:شو صار
آسيا ماسكة ايدها وماعم تقدر تحكي من الوجع،بيسحبلا ايدا
أوس:لك كيف مانتبهتي عليي
آسيا بعصبية وألم:شبك عطول الحق عليي،ليش ماانت تنتبه

بحركة سريعة بيشلحا الجاكيت كرمال يشوف شو صار بأيدها..وهي عم تتألم كلا حمرا وصارت تبكي وقت شافتا

بيجي أغيد بيقرب لعندهم:شو صار
أوس:ركود جيب مرهم الحرق ...لك بسرعة
اعدت علارض وجنبها اعد أوس وهو عم ينفخلا عليها وماسكا من طرف يلي مو محروق

ومن بين الوجع بتنصدم آسيا..شبو هاد ليش هيك تغير..وقلقان وخايف عليها...سرحت بعيونو حست رح تغيب عن الوعي وهو لامسا
بيجي أغيد بياخد أوس المرهم فورا وبحطلا عأيدها بهدوء
أوس:عم تتوجعي؟؟
بس مابترد عليه..بيرفع عيونو عليها بيشوفا عم تطلع فيه،تفاجأ بنظراتها..وعيونها هية ثواني ورجع لحقيقتو..تركلا ايدا ورما المرهم ل أغيد
أوس:حطلا انت...عنجد مافي حس

بتطلع فيه وبترجع بتبكي بس مو من وجع ايدها..من وجع تاني بدي جواتها..ولساتو بسيط لحد هلأ

المسا بيطلب عامر من آسيا تجي لعندو وبيأعدو لحالهم
عامر:بصراحة يابنتي وبما انو انتي صبية واعية وفهيمة مابدي كذب عليكي بس اجاني خبر من كم يوم كتير زعجني،وبحثت كتير وطلع بلفعل خبر صحيح..وكان لازم لاقي حل مناسب لهلمصيبة

آسيا:شو صاير عمو خوفتني؟؟
عامر:طلع قرار بترحيل كل سوري ماألو أوراق نظامية لهلوقت..وقوانين تانية بتمنع وجودك هون
آسيا بتغص وبعد صمت:ولا يهمك عمو برجع عسوريا شو رح يصير يعني
عامر:مستحيل،شو مالك شايفة الوضع كل مالو ع أسوء،وانا تعلقت فيكي وصرتي متلك متل ميلا لذلك عندي حل تاني
آسيا:شو هو؟

عامر:رح تتزوجي من أوس..وبما انو عنا جنسية رح تقدري تبقي هون بأوراق نظامية
آسيا:شوو؟؟لا عمو اكيد لا..بروح عسوريا احسن
عامر:بس يابنتي..
آسيا:لا عمو بترجاك مابقدر،كيف وهو مابطيقني
عامر:هاد كلو تمثيل لأنو في جرح بقلبو،وانتي اكيد رح تقدري تساعديه ليشفا هلجرح..فكري ولاتعطيني أي جواب

آسيا بتحط عيونا بلأرض بحزن وبتروح عغرفتا..
وصارت تفكر كيف رح تكون ردة فعل أوس؟؟بس كانت متأكدة في حكمة بلموضوع...صحيح هية معجبة فيه وطول الوقت ببالا بس هو بيكرها اكيد ماحيوافق

بتنجمع العيلة كلاا ماعدا آسيا..
أوس بيوقف وبعصبية:شو؟؟انا اتزوجها..لا اكيد عم تمزح
عامر بعصبية:عم ترفع صوتك عليي ولاك..اعود وقت انا بحكي انت بتسمع وبس
أوس:مارح اسكت،انت بتعرف انو هي مو لعبة..وانا مستحيل أقبل ادخل بهيك صفقة

بيتركهم وبيطلع عغرفتو
بس
‏
وهو طالع وعشوي رح يضرب فيها بس هلمرة بينتبهلا

أوس بعصبية:لك انتي وبعدين معك،لايمتى رح تبقي تطلعي بوجهي..من وين اجيتيني ووقعتي عقلبي متل الهم..
آسيا:شبك ..أوس
أوس بيقرب وبيمسكا من ايدا بقوة:شبني؟؟عأساس مابتعرفي..لك انا عم انتظر بلدقيقة والثانية اتخلص منك بيجو اهلي ليزوجوني ياكي ويعلقوني فيكي طول العمر
آسيا بتبكي بوجع:أوس تركني عم اتوجع
بيتذكر ايدا المحروقة وبيتركا باز کردن / نظر دهید

2023-05-02 22:28:45 أغيد بفوت وبفتح ستاير غرفة أوس:اصحى يلا
أوس بيتدايق وبيحط ايدو ععيونو:لك شو هلازعاج،سكرن وطلاع
أغيد بيسحبو وبأعدو:قوم لازم نحكي ضروري
أوس:بربك جاييني من الصبح لتحاكيني،،خير شوفي
أغيد:لازم تقوم وتعتذر من آسيا علي عملتو مبارح
أوس:محسسني أنك انت الاخ الكبير..بعدين ليش شو عملتلا انا؟؟ أغيد:بلا هبل،نسيت شو عملت مبارح وقت جيت علبيت؟
أوس عم يحاول يتذكر ويتذكر بدون فايدة:لك احكي خلصنا
أغيد:حضرتك كنت ماسك بآسيا ومحاصرا والبنت ميتة خوف
أوس مستغرب:أنا
أغيد:ليك اذا مابتبطل هلسم وبشوفك بهلحالة مرة تانية وربي لأحكي لأبي..
أوس لسا غارق بأفكارو،،معقول هيك عمل
أغيد:لك يلاا قوم
أوس بيقوم وجسمو كلو مكسر،بياخد دوش وبيغير بيروح عند بابها وبيدق..ثواني وبتفتحلو شوي شوي.. بطالع طرف وجها من الباب وبصيرو عيونها هيك
وهو ماقدر يمسك حالو وفرط ضحك عهلمنظر،طالعة متل الفارة
آسيا:خير؟؟
أوس:بدي حاكيكي ممكن؟
آسيا:احكي
أوس:أاا..مشان مبارح انا..ماكنت بوعيي ومابعرف كيف هيك صار وليش،،يعني حاولي تنسي
آسيا:بلله؟؟علأقل اعتذر مو تقلي انسي
أوس:كمااان بدك اعتذر،حلو والله الحق عليي جيت احكيلك

بيبرم ضهرو وبيمشي
آسيا:طيب مين سلمى
بيلتفت الها..بيتطلع فيها نظرة غضب بتموتا خوف بتسحب حالا عغرفتا وبتخبط الباب بوجهو

بيدق الباب:فتحي..ردي آسيا
آسيا من ورا الباب:شو بدك
بيخبط بقوة وبقلا بعصبية:لك فتحي

بتفتح بتجي من وراه أمو
ريم:شو عم يصير هون؟ليش هيك عم تتصرف أوس
آسيا:ههه عادي مرت عمو انا عم اتغااظ عليه
ريم:طيب حبيبتي يلا تعالو لنفطر

آسيا بتطلع فيه بخوف،وهو بقلا:من وين جبتي هلاسم
آسيا:مبارح وقت هيك صار انت ندهتلي بهلاسم..
كانو عيونها كلن خوف،،عم يلمعو بس مو من الدمع..هنن هيك متل الالماس بيبقو بيلمعو

بيسكت وبيتطلع بعيونها..بتفك العقدة يلي بجبينو..وهو سارح
آسيا:شو صار؟؟
بيرجع للواقع بينفض راسو وبترجعلو الزورة..بيتركا وبيمشي

بتمرء هلأيام..
وبيوم بكونو أعدين كلن بس ميلا رايحة جاي ماحدا فاهم شبها وماسكة هلموبايل..فجأة بيندق باب البيت
بتنط ميلا:أنا رح افتح..بتركد
دقايق وبترجع..ميلا:احم..آسيا في شخص بدو يشوفك
آسيا متفاجأة:يشوفني انا؟؟
بتوقف وبتقرب عميلا فجأة بفوت من الباب شب..بتطلع فيه آسيا مصدومة وكأنو هية بحلم ماعم تصدق عيونها..والكل بس عم يتطلع بهلشب منتظرين يعرف عن نفسو

زياد بابتسامة عم يتطلع فيها:مرحبا..
وهو قال هلكلمة رتمت بحضنو..وهو ضما بقوة
زياد:كيفك ياروحي
آسيا مو طالع منها ولاحرف..ثواني وبيسمعو صوت تنهيداتا..صارت تبكي
زياد توجع عليها وشدا اكتر عليه...
بلمقابل كان في نظرات حزينة عليها من الكل الا شخص واحد
أوس كان عم يتطلع فيهم وزاد العبسة
بيقرب عأغيد وبيهمسلو:ومين هلافندي؟
أغيد:علمي علمك
أوس: وليش حضرتا هيك عم تبكي وكأنو نحن معذبينا واجا ليخلصا..لا واعدين عم يعملو مشاهد رومنسية
أغيد بينكشو بجنب ايدو ليسكت

بتقرب ميلا لعندا وبتصير تهديا
زياد:آسيا اهدي شبك
بس ماعم تقدر تسكت ولا تبعد ضاممتو بقوة شتاقت لتعطيه الوجع يلي جواتا..من صغرا وهو جنبا الاخ يلي ماولدتو امها،بيهتم فيها كتير وبيساعدا عطول..بس بعد ماسافر انكسرت بغيبتو

وبعد شوي عامر:اهدي يابنتي خلينا نتعرف علشب
بيحاول يبعدا زياد شوي:اسف ياجماعة..انا زياد ابن خالتا لآسيا
عامر:اهلين ياابني نورت تفضل اعود..
بيسلمو عليه الشباب وبيأعد وجنبو بتلزق آسيا وهية عم تمسح دموعها
زياد صار يضحك عشكلا:لك شبك اهدي مابصير هيك
أوس:ولا يهمك تعودنا
بيتطلع فيه زياد وماعجبو هلرد..بس بطرف التاني آسيا تطلعت بأوس بكل قوة وكأنو زياد عطاها من قوتو وبطلت خايفة من شي

#سارة_العلي
#يتبع باز کردن / نظر دهید

2023-05-02 22:28:45 فاتت عغرفتها متلبكة..
لك ليش هيك بيصير معها أول ماتشوفو؟؟ليش عم تتلخبط كلها..وقلبها بيرجف
لهلدرجة خايفة منو أو خايفة أنو يدايقها متل كل مرة،بنظرتو يلي كلا كره.. ماعم تقدر تلاقي إجابة لنفسا،عم تقول لحالا معناها لازم تبطل تفكر فيه..ليش أول مابتفوت عهلغرفة وبتبقا لحالا بينط بوجها متل الشبح
بتصير بتقولا بصوت مسموع وبتضرب عراسا بأيدا:لك طلاع من راسي طلاع

بتنتبه عحالا انو عم تحكي مع نفسا:يي معقول أنا كون جنيت بلفعل متل ماقال أوس لا لا مستحيل

بتغفا،،مابتعرف كم دقيقة بتستغرق لحتى تبدا الكوابيس تجيها..
بترجع بتتوجع وبتتعرق،،بتهلوس...تحاول تفتح عيونها خلص حفظتو أنو كابوس بس ماعم تقدر تفتحهن...بتصير تصرخ

بس هلمرة كانت قافلة عحالها الباب...بتصير ميلا تخبط علباب بدون فايدة،،بيصحو أغيد وأوس لكن أبوها وأمها لانهن بقسم تاني مابيحسو عشي

ميلا بزعر:بترجاكي آسيا فتحي الباب حاكيني..
أغيد بصير يخبط هو التاني بس بدن ياها تصحا
فجأة بيختفي صوتا،،
أوس:لك شو ناطر زيح هيك خليني اكسر هلباب

بعد محاولات قليلة بينفتح بيلاقوها متجمعة عبعضا واعدة بلأرض وسادة دانها بإيديها..
ميلا بتضما بقوة وبتبكي عليها
آسيا بصوت متقطع:ميلا...أنا...أنا رجعت سم..عت الصوت..كان صوت الضرب
أوس باستهزاء:أي ضرب،هاد صوت خبيط ميلا علباب كرمال تصحي من كوابيسك

بيتركهم وبيطلع وهو عم يهمس لحالو:لك والله مجنونة
أغيد كمان بيترك الصبايا وبيرجع عغرفتو وهو زعلان عليها،أما ميلا بتبقا معا وبتنام عندا

الصبح وبغرفة آسيا
أغيد:فهميني والله أنا رايد مصلحتك
آسيا بانزعاج:خلص أغيد،أنا مالي مجنونة،وهلكوابيس ماعادت تجيني متل قبل كل يوم
أغيد:ومين قال إذا رحتي عطبيب نفسي بتكوني مجنونة
آسيا:ليش ألو تفسير تاني؟
أغيد:انتي يلي مرأتي فيه مو قليل...
آسيا بعصبية:لاتكمل..ولا تفتح هلسيرة ابداً مرة تانية لو سمحت

بتتركو وبتطلع بحركة سريعة،وبترجع بتخبط بهلجدار قصدي بأوس
أوس:لك شو صايبك ضاربك العما؟
آسيا:أي والله نعديت منك
بتكمل طريقها وهو مستغرب كيف تشجعت وردتلو هلمرة

بيتطلع أوس بيكون أغيد واقف
أوس:صدقت هلأ لما قلتلك هلبنت مجنونة
أغيد بيتركو وبيروح عغرفتو

كانت آسيا آعدة مع ميلا
آسيا:ميلا ممكن اطلب منك طلب
ميلا:اكيد ياعمري طلبي انتي بتأمري
آسيا:بدي استخدم موبايلك اذا عندك اي حساب لاتصل بخالتي
ميلا:اي والله معك حق،كيف لهلأ ماعملنالك رقم،عكل حال خدي احكي مع مين مابدك لبينما اشفلك بابا

بتاخد الموبايل وفوراً بتركد عغرفتا وبتتصل بخالتا

أم زياد:ليش عم تبكي ياعيون خالتك
آسيا:شتقتلكن كتير
أم زياد:الله شاهد انو نحن كمان شتقنالك،بس طمنيني عنك هلأ،كيفن بيت عمك معك
آسيا:كلو تمام خالتي وبيت عمي معتبريني من عيلتن بسس..
أم زياد:بس شو؟؟
آسيا:بس شتقتلكن مافي شي حبيبتي

سكرت التلفون آسيا بعدين قالت:ياالله كيف هيك بنسا اسألها عن زياد

مر كم يوم،عهلحالة..
كانت تقضيا علشباك بليل،وصدفة تلاقي أوس راجع علبيت..هيك لصارت هي الصدفة عادة،وصار كل يوم لازم توقف لتشوفو فات علبيت..بس هلمرة تأخر

آسيا مع نفسا:انشالله خير..لك انا شو بدي منو تكسرو رجليي وماكان يجي يصطفل...بس ياترى شو صاير معو،عكل حال انشالله مايكون في شي هون الحمدلله مافي متل ببلدي والغايب عذرو معو

دقايق وسمعت صوت سيارتو..تطلعت:هه أجا
ركدت علباب وقبل ماتطلع:لك أنا وين رايحة؟يعني إذا طلعت شو رح استفاد..ماأحلاني واسألو وين كان،هاد يلي بقي ناقص من غير شي هو مستني حرف مني ليزعجني

ثواني وسمعت شي وقع يمكن موبايلو أو شي..ماتحملت وفتحت الباب..كان واقف وساند حالو علجدار عم يتطلع بلأرض..موبايلو وقعان بس ليش هيك منظرو..ومختل توازنو
آسيا:معقول متصوب ..لك بلا هبل آسيا من وين بدو يتصوب

قربت عليه مسكتلو الموبايل ورفعتلو ياه،اجت عينا بعينو،عطتو الموبايل وبقي ماسك أيدا وكل مالو يشد عليها
وصار يقلا بكلمات يادوب مفهومة:انتي..شو جابك لهون؟مو قلتلك ..لا..عاد تسأل..ي عليي،مو قلتلك انسيني
رجع ارتكا علجدار

ايدا صارت توجعا،وصارت خايفة منو مو عليه وحاولت تبعد عنو
بيبعدا وبيلزقا بلجدار:أي هيك..عطول خلي مسافة بيني وبينك
آسيا:اا...أووس أنا..
أوس لسا بيقرب منها:انتي شو؟؟
آسيا بتقبض كفا وبتضربو عراسو:لك اصحا أنا آسيا
بيقرب اكتر وبيبتسم...:سلمى...

كانت عم ترجف بين ايديه..
أغيد:لك بعد عنها..وبيسحبا منو

بتهرب لورا أغيد يلي طلعلا فجأة وخلصا منو
أغيد بعصبية:لك شو صايبك،شو هلغباء يلي عاملو..بتعرف انت مافي فايدة من الحكي معك وانت بهلمنظر...الله يهديك بس ياأوس

بياخدا عغرفتا وبيقلا:عنجد بعتذر آسيا عهلموقف..مابعرف شو قلك
آسيا لسا عيونها مدمعين:لا بلعكس أغيد،بتشكرك كتير لأنك خلصتني..
بيتركا وبيروح،هية بتأعد وبتفكر بيلي صار..شوي شوي صار يتلاشا الخوف وتنسا كلشي..والشغلة الوحيدة يلي بقيت بذهنا نظراتو الها..يلي خلت قلبها يستسلم كلياً لحبو بدون إرادة

تاني يوم باز کردن / نظر دهید

2023-05-02 22:28:44 #هواك_أذلني #الجزء_الثاني

بينصدم انها نايمة بس بتصرخ آخر صرخة وبتصحا..وهو مجدوب بشكلا

أوس:لك شبك اصحي؟لك آسيا

آسيا كانت مو واعية لشي بس عم تبكي وتحكي كلمات مو مفهومة..
أوس:لك سكتي..(بيمسكا من راسا وبيهزا علخفيف)شبك

بتطلع فيه وعيونها مغشيين من الدموع
آسيا:تركني تركني...
ميلا بتركد لعندا وأغيد بوقف علباب
ميلا:شبك ياقلبي؟
بتضما آسيا وبترجع بتبكي

أغيد بقرب من أوس وبسحبو من ايدو وبقلو بصوت خفيف:شو عم تعمل هون؟شو عملتلا للبنت؟
أوس بيرميلو ايدو:لك حل عني ياه،شو بدي اعملا يعني..كتير منيح زادو المجانين مجنونة بهلبيت

بيتركن وبيمشي،بعدين بيفهمو منها انها كانت شايفة كابوس
وبلويل لتقدر ميلا تهديا وترجع تنام

تاني يوم الصبح أعدين الشباب وأبوهم علفطور
عامر:أوس،بتاخد بنت عمك عمعهد تعليم اللغة
أوس:مالقيت غيري،خليها تروح مع الشوفير..أنا مو فاضيلا
عامر بيتزور بأوس بس عمل حالو مو منتبه

أغيد:خلص بابا أنا باخدها وبرجعا اذا بدك
أوس بيرفع نظرو عليه،
أغيد:بس عندي اقتراح تاني..بابا آسيا قبل ماتفوت عتعليم اللغة لازم تتعالج عند طبيب نفسي

أوس بيضحك بصوت عالي:هههه والله بهي معك حق بلفعل البنت مجنونة ورتمت علينا
ومن أول ضحكتو كانت ميلا وآسيا جايين علغرفة هية سمعتو تركت الغرفة ورجعت عغرفتا

ميلا بعصبية موجهة كلامها لأوس:عنجد انت صاير انسان بلا احساس،لك شو صايرلك والله ماكنت هيك...
وبتلحقا لآسيا
عامر:اتطلع فيني أوس إذا مابتحترم البنت وبتضلك هيك عم تعاملا مابتعرف شو ممكن اعملك
أوس:بابا لك البنت صحيت بليل وهية عم تصرخ..انا هيك قصدي بكلمة مجنونة
أغيد:بلله؟هلأ صار يلي متعرض لأزمة نفسية مجنون؟؟لا عنجد بهنيك علدراسة والثقافة يلي كسبتا من حياتك

أوس بتحدي بيتطلع بعيون اخوه:وانت شو صايبك؟صاير محامي دفاع لآسيا خانم
أغيد بيترك السفرة وبيمشي،وقبل مايطلع من الغرفة
عامر:سمعو انتو التنين،آسيا بنت عمكن،وصارت جزء من العيلة لذلك اذا بترجع بتنعاد هيك مواقف ماتلومو الا حالكن
أغيد:بس بابا انا..
عامر:ولا حرف،كل واحد عشغلتو يلا.. كانت ريم كتير مهتمة ببيتا،ولأنو كبير طول الوقت مشغولة بين الحديقة والبيت والمطبخ،حتى لو في خدم،هية بتفضل انو تبقا مستلمة البيت
بغرفة آسيا
كانت عم تبكي،ميلا بتقلا:خلص حبابة لاعاد تبكي،هو صاير كتير غليظ طنشي لاعاد تسمعيلو
آسيا:أنا عم حاول اندمج معكن،بس الظاهر رح يكون صعب شوي
ميلا:لاتقولي هيك،صدقيني بكرا أول مايرجع لطبيعتو رح تحبي كتير
بتطلع فيها آسيا وبتسرح..
‏
بتمر أيام وهنن عهلحالة..
وصار أوس يحاول مايجتمع بآسيا أبداً،،هو كرهانا متلا متل غيرا بس أبوه ماعم يسمحلو يزعجا لذلك قرر بس يكون بلبيت يقضي وقتو بغرفتو،لأنو مابيريد يزعل أبوه

هو كان كتير منيح مع عيلتو وبحبن وبيهتم فيهن اكتر من اي شخص تاني بلعيلة..بس بعد يلي صار معو تغير 180درجة

بتدق عليه ميلا:أوس حياتي
أوس:هلا..احكي شوفي عندك بسرعة مو فاضيلك
ميلا:له له،أوس بيك شو الشاغلك عننا ومالك فاضيلنا بنوب،ليكون غيرت عقلك ووقعتلك بشي بنت

بيتطلع فيها نظرة خوفتا كتير:ميلا انتبهي عكلامك وهلسيرة أوعك ترجعي تفتحيا..يلا امشي من هون
ميلا:بعتذر بس حباب لاتقلعني،لسا ماحكيت يلي عندي
أوس:احكي بسرعة وامشي
ميلا:قوم خدنا مشوار
أوس:مالي فاضي
ميلا:لاحول ولا قوة الا بلله،شو مالك فاضي ليكك متسطح وماعم تعمل شي
أوس:غير مرة خلص لاتنقي
ميلا بتنط عتختو:هلأ هلأ يلا بليييز بسرعةة بدنا نروووح،أنا وآسيا جاهزين

بيتطلع بميلا وبينزعج أول مايسمع اسمها:ليكي ميلا انتي بتعرفي اني مالي طايق هلبنت(وبهلاثناء بيفوت اغيد)
بيكمل أوس:لذلك لاتحاولي تجمعينا بمكان واحد وإلا رح ازعجها
أغيد بيسحب ميلا:أمشي ميلا..أنا باخدكن تركيه لسيد أوس يغرق بكرهو وحقدو
أوس:شو قصدك؟
مابيرد عليه بيطلعو هو وميلا،بيوقف أوس عشباك وبعد دقايق بيلاقي ميلا عم تنطوط وبتلحق أغيد...وثواني بتكون ماشية وراهن آسيا..بس بطريقة مختلفة عن ميلا..وكأنو رايحة بلغصب

أوس بيقول لحالو:الله يصبرني،ويخلصني منك..لك بكرهكن..بكرهكن كلكن ياريت اقدر ارميكن بلنار واحرقكن

بيتسطح وبيصير يتصفح هلموبايل..بيغفى شي نص ساعة بعدا بيصحى بيجيب شي يشربو..بعد شوي بيسمع صواتهم عم تقرب من جهة غرفتو..الظاهر رجعو
بيقرب من باب غرفتو وبحط ايدو ليفتحو

آسيا مو متل ماراحت الظاهر نبسطت لأنو هلمرة عم تشاركهم الاحاديث
أغيد:انتي مجنونة شي؟في وحدة هيك بتتصرف؟
ميلا:عادي شوفيها يعني أنا حرة
أغيد بيوجه كلامو لآسيا:لك شفتي منظر البنت يلي حاكتني بعد ماردتلا ميلا،وجها صار أحمر حسيت عشوي رح تنفجر

آسيا:ههههههههه
ميلا:لك ييي خليلي قلبك عهلضحكة،واخيراً سمعتك عم تضحكي
أغيد بيبتسم:تدوم يارب

تطلع فيها أوس وسرح..يلي طلع فجأة بوجهن

أول ماصارت عينا بعينو صارت تختفي ضحكتها شوي شوي..ونزلت عيونا بلأرض وعدت من جنبو وراحت عغرفتا باز کردن / نظر دهید

2023-05-02 22:28:39 أغيد:شب بحب المزح والمشاكسة متل ميلا بلظبط طولو وسط عمرو 22 بشرتو حنطية وشعرو كستنائي يعني تفاصيلو كتير بتشبه تفاصيل ميلا حتى بتصرفاتو ((منرجع لعند آسيا)) بتفوت لعندا ميلا
ميلا:تفضلي حبيبتي شربي
آسيا:شكراً
ميلا:العفو..آسيا بتسمحيلي كون صديقتك؟
تطلعت فيها آسيا باستغراب
ميلا:أنا صديقة للكل،يعني هيك شخصيتي،بس حابة كون قريبة من شخص واحد،ومتل مالك شايفة مافي غيري بلبيت مع تنين شباب الله يعيني عليهن
ابتسمت آسيا:تمام اكيد رح نكون اصدقاء
ميلا رفعت ايدا وحطتا بقوة عكتف آسيا بعفوية:تمام لكن صرنا اصحاب وانا رح ساعدك لتتعلمي اللغة التركية

آسيا كانت هيك
ميلا:يه..آسفة وجعتك،نسيت أنو ضربتي بلجدار
آسيا:أي جدار منهن؟الحجر ولا أخوكي؟
ميلا فرطت من الضحك:والله معك حق،أوس صاير أقوى من الحجر..بس والله ماكان هيك

كانت آسيا بتختصر كلامها بنظرات وميلا عم تفهم عليها
ميلا:من فترة كم شهر كان اخي برا البلد رجع وترك كلشي كرمال بنت بيحبا،وقت أجا يعملا مفاجأة...اكتشف انها بتخونو ومن يومها تغير كتير،ولا هو كان فرحة هاد البيت كلو

آسيا:الله يكون بعونو
وبقيو هيك سهرانين وميلا ماسكتت تطلع من سيرة وتفوت بغيرها

تاني يوم الصبح
بيصحا أوس وبدو يطلع من البيت
عامر:لوين رايح؟
أوس:بدي شوف صديقي
عامر:تعال فطار معنا،اليوم بدك تروح معي علشركة
أوس:بس...
عامر:لسا ماكملت كلامي..هلأ رح تنزل بنت عمك ولازم تتعرف عليها
أوس بيتدايق
عامر:أوس عم نبهك ها،بتعاملها بأدب البنت مو ناقصتك ابداً

ميلا وأغيد:صباح الخير
عامر:صباح النور..شو وينا آسيا
ميلا:بابا مبارح سهرت أنا وياها وماحبيت صحيا من هلأ
أغيد:أنا رح صحيا
أوس وميلا بيتطلعو فيه
أغيد:رح دق الباب وناديلها بس،ثواني ومنجي... أوس كان مو عاجبو شي بنوب،وبعد عشر دقايق بينزل أغيد ووراه بتفوت آسيا...
بيتطلع فيها أوس،ستغرب فكر بدو يشوف انثى،بس شاف طفلة...بس كلن متل بعض بنظرو ماعاد يتاخد بلشكل

عامر:احم..كيفك آسيا؟
آسيا:تمام عمو منيحة
عامر:انشالله رتحتي بلنومة مبارح؟
آسيا بخجل:اي عمو كلو تمام
عامر بينكشو لابنو..
أوس:مرحبا...آسيا،أنا أوس
آسيا:اي تشرفنا
أوس:وليش هيك عم تقوليا ومو عاجبك شي؟

كانت نبرة صوتو شوي حادة،وهية مستغربة ليش هيك عم يحاكيا،رجعت خطوتين لورا..مسكا من ايدا اغيد وبحاول يغير السيرة
أغيد:اعدي هون جنبي،رح يكون مكانك علسفرة عطول
ميلا بضحك:هههه والله هون احلى مكان لأنو كلشي رح يصير قدامك بفضل اغيد ابو كرش
اغيد:ميلا خانم بتسكتي ولا باكلك
ميلا:ييي ياماما خوفني اغيد الوحش

بصيرو يضحكو،أوس عم يطلع فيهم بأستخفاف،وآسيا كتفت بابتسامة

راحو علشركة ورجعو المسا ومضي اليوم عادي،أوس عم يحاول مايتقابل معاها...هو متقبل وجود اناث بلبيت لانو بكونو امو واختو..بس هي البنت يلي دخلت جديد كرهان البيت لاجلا

تسطح أوس وصار يقلب من طرف لطرف..مايجي نوم،لذلك قرر ينزل علحديقة..وهو ماشي بيمرء من جنب غرفتا
أوس:لعما هي مع مين عم تحكي؟مستحيل تكون ميلا لأنو مابتبقى لهلوقت..أغيد؟؟(بيتذكر الموقف يلي صار علسفرة وقت أغيد مسك ايد آسيا واعدها جنبو)
ومن بين أفكارو بيسمع صوتها صار يعلا اكتر..هية ثواني وتحول لصرخات،بكل جرأة بيفتح الباب ومابيعرف شو ممكن يشوف
#سارة_العلي
#يتبع باز کردن / نظر دهید

2023-05-02 22:28:38 بيرن التلفون
أبو زياد:يلا يابنتي هاد متل أبوكي
آسيا:مافي حدا متل أبي
بيفتح التلفون وبيسلم عليه بعدا بيعطي لآسيا
عامر:كيفك يابنتي،أنا عمك عامر
آسيا:...أهلاً
عامر:طمنيني عنك كيف صرتي؟خبروني أنو حالتك كانت كتير تعبانة
آسيا:الحمدلله عكل حال
عامر:طيب عم قول أنووو...بنتي في كتير ناس عم يجو عتركيا،الوضع ماعاد يطمن ابداً عندكم...لذلك أنا قررت جيبك لعندي

آسيا بنرفزة:لعندك شو؟؟وأي وضع يلي مابيطمن؟هلأ لحسيت أنو الوضع مو تمام..بعد ماخسرت أبي وأمي..ليش ماطلبت هلشي قبل واخدتنا من هون انا وعيلتي
(وصارت تبكي)
عامر بحزن:يابنتي والله أني طلبت من ابوكي كتير بس هو كان رافض..بعدين هاد قدر رب العالمين ومافينا نهرب من قدرنا...ألو..آسيا

أبو زياد بياخد التلفون:أي سيد عامر،البنت تعبانة كتير فاتت عغرفتا،مابعرف كيف رح نقدر نقنعا بلموضوع
عامر:الله يجزيكم الخير ياأبو زياد بس البنت لازم تجي لعندي،أنا عما ومسؤول عنها بعد أهلا
أبو زياد:له ياسيد عامر،البنت بنتي وحاطتا بعيوني،انا وافقت عطلبك بس لأنو بلفعل الوضع صعب وحالتا النفسية كتير متأزمة

بيسكر التلفون،وبيتنهد...محتار كيف رح يقنعا لآسيا
وبعد محاولات كتيرة أم زياد:لك ياآسيا هي مصلحتك هون مابقالك شي
آسيا:هون انتو،وهنيك مافي حدا..ألا اذا انتو ماعاد تتحملوني
أم زياد:الله يسامحك،لك اذا ماوسعك البيت منحطك بقلوبنا وعيوننا،انتي بنت الغالية ومن ريحتا،بس خايفة عليكي كتير..بعدين بتعرفي شغلة..احتمال تلتقي هنيك مع زياد

آسيا بتطلع بعيون خالتا وهية عم تبكي،بعدا يتنزل راسا علارض مافي حل تاني ولازم تسافر

جهزولا كلشي وبس باقي تمشي..رح تسافر وتترك بلدها،وموعرفانة شو حقيقة مشاعرا..
لسا هلبلد غالية عقلبا؟ولا بعد يلي عاشتو بدها تهرب منها؟؟ غمضت عيونها..واخدت نفس عميييق بدها تحتفظ بريحة بلدها وكأنو ماعاد تقدر ترجع بيوم...فجأة رجعت فتحت عيونها بخوف من الصوات يلي طلع،ركدت وطلعت بلسيارة...ومن مكان لمكان هييك لوصلت علمطار

ليش عرفتو لهلانسان؟من أول مالمحتو حست أنو هاد عما..كان بيشبه أبوها،قربت عليه كان جنبو زوجتو وشب وصبية يمكن أعمارهم قريب عمرها..والكل ستقبلها بابتسامة
قربت من عمها عم تتأملو بعيونها الحزينة فتح ايديه وضما

عامر:الحمدلله عسلامتك يابنتي
ابتسمتلو وماقدرت تحكي كلمة،اخدوها عبيتو وكان طول الطريق عم يحكو معها ولاد عمها لحتى يخلوا تحس براحة تجاهن

أغيد:يلا وصلنا تعالي آسيا
ميلا:بلله،اي منعرف انو وصلنا،يعني وقفنا لنستجم مثلاً
ابتسامة خفيفة من آسيا ومشيت معهم،واخدوها عغرفتا..كان البيت كلو كبير الظاهر عمها مرتاح مادياً منيح،مشان هيك مارجع علبلد من سنين

حتى مرت عمها(ريم)كانت لطيفة معها،اعدو شوي معها حاولو يتعرفو عليها بعد هيك قضت يومها بغرفتا
وهية غايصة بأفكارها بتسمع صوات عالية من مكان تاني بلبيت..بتقوم خايفة بتطلع من غرفتا،كانت بلجهة المخصصة لغرف النوم،يعني غرف الولاد كلها بهلقسم

ميلا:لاتخافي آسيا عادي،صرلنا فترة عهلحالة
بيمشي أغيد بدو يشوف شو صاير بس بتمسكو من أيدو ميلا:لك وين رايح،بلا مايشوفك هلأ بتعرف بس بابا يبهدلو كيف بصير يتفشش فينا

بغرفة الجلسة
عامر بعصبية:وبعدين معك،ايمتى رح ترجع متل قبل؟لك انت كنت انشط شب بشوفو بحياتي ليش هيك عم تعمل،مستقبلك رح يتدمر
أوس ببرود:هي حياتي وأنا حر فيها،وياريت ماعاد تدخل،اهتم بولادك التانين

بشيل ايدو وبضربو كف:لا عنجد انت ماعاد ستحيت الظاهر ماعرفت ربيك
أوس بجرأة:ربيني..رجاع ربيني من أول وجديد..بس علطريقة يلي بتناسب هيك زمن وهيك بشر،لاتربيني علقيم والاخلاق تبعك

بيتركو وبيروح عغرفتو وهو منرفز،وإذ بتطلع بوجهو آسيا كان بدها تروح علمطبخ تشرب مي
بس انعما عقلبو بطل شايف ولانتبه مين،ضرب كتفها بكتفو،هية نخبطت بلجدار وهو كمل عغرفتو

بيروح لعندا أغيد وميلا
ميلا:انتي منيحة
آسيا:شبو هاد لعما كان كسرلي كتفي
أغيد بيحاول يخفي ابتسامتو لأنو وأخيراً اخدت شوي عليهم:لاتدايقي هو معصب ومانتبه

آسيا:عادي،رايحة نام
أغيد:مابدك تشربي
آسيا:ماعاد ألي نفس
بتروح ميلا وبتجبلا مي ((نحكي شوي عن شخصية الشباب والصبايا))
أوس،،شب طويل وكتافو عراض،تقريباً بعمر ال 28اسمراني وعيونو مايلين عأخضر وشعرو أسود ناعم،ألو نظرة عبوس خاصة بسبب وجع داقو وماعم يقدر ينساه

آسيا:بنت ناعمة ولطيفة،صارت بسن ال20 بس لسا البراءة يلي بوجها بتبينها أصغر،قصيرة وبشرتها حنطية وعيونها عسلي وشعرا أسود ناعم وطويل لآخر ضهرا،وعيونها حزينين كتير

ميلا:بنت مشاكسة ومزوحة،هية بعمر آسيا تقريباً شعرها كستنائي ومموج وبشرتها حنطية..وأطول من آسيا بشوي باز کردن / نظر دهید

2023-05-02 22:28:38 ‏#هواك_أذلني #الجزء_الأول

اليوم عيد ميلادها،وهو رجع من السفر بدون مايخبرها..
ترك كلشي ورجع ليستقر بلبلد كرمالها،وعاملا مفاجأة،بيوصل عبيتها بيعرف أنو بهلوقت المفروض تكون بدوامها... بيفتح الباب بخفة وبفوت،كان مخطط أنو يجي ويزين بيتها،البيت يلي كانو يلتقو فيه من زمان..بس توقعاتو كلها نهارت وقت شاف هلمنظر... سلمى بصدمة:أوس
بتبعد عن الشب يلي كانت ضاممتو قبل مايفوت أوس،

بتوقف وبتقرب منو بتحاول تحكي شي بس الحروف كلها بتهرب منها:أأ..أوس بس سمعني

أوس بقهر وصدمة:ولا حرف..لاتحكي ولا كلمة
بيوقف هداك الشب بيقرب منهم،بس مابيتوقع أنو أوس يضربو هلضربة القوية،يلي حاول يطالع كل غضبو فيها ورما علأرض بدون مايقدر يتحرك

صارت تبكي وتترجاه يسمعا
سلمى:أوس انا..انا ماكان بدي أعمل هيك...
أوس بيضربا كف وبيصرخ عليها:لك شو بدك تحكي قولي ..شو ماحكيتي مارح تقدري تبرري خيانتك
مسكا من كتفا وعم يهزا،بس اعدت بأرضها وصارت تبكي

أول:انتي وحدة واطية..(بيرفعا وبيرميها فوق الشب) وبيكمل:الوساخة لازم تبقى مع بعضا،لك الله لا يسامحك ياسلمى

بيتركا وبيطلع،في دمعة بطرف عينو بس مستحيل يخليها تنزل...أوس مابنكسر
بس هي البنت خانتو،ومسحت بكرامتو الأرض بعملتا،لك هي اكتر بنت بيعشقا وبيتمناها...اخطأ الاختيار

ركب السيارة وبأقوى سرعة بيمشي وكأنو نعمى على عيونو..بلآخر بيضغط علفرامل مرة وحدة وبتوقف... وبيصيح الآه من جوا قلبو وهو عم يخبط عمقود السيارة
ومن يومها..حلف أنو مايرجع لأوس القديم،عاهد نفسو أنو يكره كل نساء الأرض...ومايرحمهن

البنت يلي ترك كلشي كرمالها... رجع عبيتو...الكل تفاجأ وفرح برجعتو،بس نصدمو لما شافوه بهلبرود فات عغرفتو وسكر الباب وبقي بلبيت شي اسبوع بدون ماحدا يعرف السبب

بس بعد فترة وبعد محاولات سلمى أنو ترجعلو وتستسمحو،عرفو بلقصة أهلو...وفهمو أنو ابنهم انكسر بسبب بنت خانتو وخلتو يخسر كل مستقبلو برا البلد

بمكان تاني...وببلد تانية

آعدة علتخت وضامة رجليها وعم تهز براسا لقدام وللخلف

الخالة:يابنتي كرمال الله أهدي،حرام عليكي تحرقي بحالك اكتر،الزمن عم يمشي ومضى علحادثة تلت شهور ولساتك عحالك

عم ينزلو دموعها لحالهن بدون أي حركة بوجها،لا إرادياً
آسيا بدون ماتطلع فيها حتى،عيونها شاردة:ماعم اقدر..ماعم يطلع من راسي هداك اليوم خالتي..كل مابحاول انسى بيرجع كلشي بينعاد قدامي،هداك الصوت وبعدين لما شفتن بهلمنظر...خالتي هدول أمي وأبي كيف بدك انساهن

الخالة:الله يجبر بمصيبتك ياقلبي انتي
بتضما وبيصيرو يبكو هني التنتين..بتبعد شوي وبتسألا:خالتي مااتصل زياد
الخالة:آاخ ع زياد،مو قدرانة اتواصل معو،بعد ماسافر من شهرين عتركيا حكا معي كم مرة ومن اسبوعين عأساس رح يروح عبلد تانية وبعدا بطلنا عرفنا عنو شي...بس بدعي لربي أنو يحمي...ستفقدتيلو مو هيك؟

آسيا:زياد متل اخي الكبير،واول شهر بعدي علي من الحادثة ماتركني بنوب..بس الظاهر مكتوب علي فارق كل شخص برتحلو...والحرب رح تخليني اخسر كل ناسي وكل واحد بطريقة
بتمسح خالتا عراسا:قومي يابنتي كلي لقمتين معنا مابصير تبقي هيك شو نسيتي كلام الدكتور

بتتركا وبتطلع من الغرفة وبتسكر الباب
وبتقول لحالا:اخ يابنتي،شو عم يصير فيكي..كنتي وحيدة أهلك وخسرتيهن،ياترى شو لسا مخبيتلك الدنيا؟؟ بغرفة الجلسة
أبو زياد:فتحتيلا السيرة؟
أم زياد:لا والله ماقدرت..ماسخيت شوفا بهلحالة وارجع افتحلا مواضيع تانية
أبو زياد:الله يصبرا
أم زياد:مارح أقدر،شو رأيك تحكيلا انت،هية متل بنتك ورح تسمع منك
أبو زياد:أنا برأيي لازم تحكي معو بلأول بعدا منشوف شو منعمل

وبآخر الليل..ومتل كل يوم بترجعلا الكوابيس،وبتصير تهلوس وتعرق..بتحاول تصحا كتير بس ماعم تقدر بترجع بتشوف نفس المنظر

آسيا بتصحا وبتصرخ:ماماا لااا...ااه بدي باباا
بتركد خالتا وبتضما
آسيا ببكا وهية بحضنا:بكفي خالتي والله ماعاد اتحمل عم موت ألف موتة كل يوم،ياربي خدني وريحني
أم زياد:حرام يابنتي شو هلحكي اهدي وقرأي قرآن

فجاة بيطلع صوت مخيف،بس المفروض بعد هلسنين يكونو تعودو عليه،بتخاف آسيا وبتضم خالتا بقوة
ام زياد:اهدي ياقلبي اهدي..بس صوت بأذن الله مارح يصير شي
آسيا:وهداك اليوم فكرت هيك،فكرت بس صوت ومارح يصير علينا شي.بس..

بعد كم يوم
آسيا:أي عمو ندهتلي
أبو زياد:أي يابنتي،تعالي لجنبي..بعد شوي رح يتصل شخص هو بيقربلك كتير
آسيا:مين؟أنا مالي حدا غيركن بعد وفاة أهلي
أبو زياد:عمك عامر..أخو ابوكي
آسيا:أي صح..تذكرت،بس عمو أنا مابعرفو ابداً ولا نهار حكا معي،كان أوقات يتواصل مع بابا...لأنو مسافر من سنين طويلة عتركيا

أبو زياد:صح،وهلأ من فترة قصيرة عم يتصل بدو يحاكيكي بس حالتك ماكانت تسمح،لذلك..
آسيا:مابدي عمو..مابدي أحكي مع حدا باز کردن / نظر دهید

2023-05-02 22:27:22 قصة جديدة: #هواك_أذلني

قراءة ممتعة
@Stories_3 باز کردن / نظر دهید

2023-05-01 04:31:53 يسعدلي اوقاتكن
عم تدور على قنوات ذات محتوى مفيد؟! ماضيعلك وقت وتلاقي كل طلباتك فيها
هي روابط قنواتنا اختصرناهن وبعتناهن

#تنويه : قنواتنا خالية من الاعلانات او روابط قنوات تانية باز کردن / نظر دهید